16	GEN 1:16	God yasegana kaikaposi ruwamo i wosisi. Yasegana maragasina wai kao ba kaowai e rauyasegana, ba yasegana kega maragasina wai nawaravi, ba pomai e rauyasegana. Ba gwamegwame yabata i wosisi.
25	GEN 1:25	Ba God garagara aba payapayaya pesisi nunusi yai i tupuvisi. Ba aba payapayaya manamisi ba tano ai te botete wai ereonowasi, pesisi nunusi yai i tupuvisi, ba i kinani wai i nuwagaire.
31	GEN 1:31	God awaika ereonowana i tupuvisi ba i kinani wai i gaire saki. I pom, ba mara i tom wai, kona kao nima masiyana ba kesana.
41	GEN 2:10	Ba okowa Eden kamonai i kasibau masawa binubanubaina kairavina, saba namai i ruragei wai kawana asi bata.
42	GEN 2:11	Okowa kawana kesana wai Pishon, Havila kupurina i verabauni, gold e mamana wai kupurina.
43	GEN 2:12	Ba kona kupurina kana gold wai i gaire saki ba bane puguna maragasina bedilin ba akima kaimasavina onyx wai yebo namai.
44	GEN 2:13	Ba okowa bairuwaina kana waba wai Gihon. Cush kupurina i verabauni.
45	GEN 2:14	Okowa bitonuina wai Tigris, ba i vera barabara ku maramatana mena ku Asshur. Ba okowa kawana kana bi bata wai, Euphrates.
46	GEN 2:15	Ba Bada God sebare i yauni ba Eden masawina kamonai i terei, bagibagina ba potaina kairavina.
50	GEN 2:19	Ba Bada God tano ai aba payapaya ereonowasi ba manu ereonowasi i wosisi wai i botuvisi Adam kurina, ba kesakesasike kasi waba ita bineisi. Ba aba payapayaya ereonowasi meo waba i berebereisi wai, damanina, nanakasike kasi waba.
52	GEN 2:21	Damanina Bada God sebare i wosei i kenouwapa i dauwa i rabobo ba i dudauwa maranai, gabagabanai sirikena i botaveyei, ba biyo ai gawarina i gudu potai.
55	GEN 2:24	Kona kairavina sebare tamana ba sinana ini sumarisi, ba kaowana yabata sini kapuisi ba sini biyo kesana.
62	GEN 3:6	Wasike keyama uwana i kitai wai gairena, ba mata kirokirorona kanina gairena, ba nuwasuya ba kuira yaunina kairavina i waina sakiyei, wai mutusi i yauna i kam ba yebo kaowana mutusi i berei i kam.
63	GEN 3:7	Ba asi ruwamo matasi si tamotatara, ba si kuira meyisi kata kosi ere nimanimasi wai koveya rurausi, si bobikapukapu ba kasi birupapara si wose.
66	GEN 3:10	Ba i kaobeyei, “Masawa kamonai a nonorim ba a nagara wai a koba kairavina yauku ere nimanimaku.”
69	GEN 3:13	Damanina Bada God wasike i toirubai i wona, “Awaika kairavina nikona ku wosei?” Ba wasike i wona, “Mota i kwarumiku wai a kani.”
73	GEN 3:17	Ba Adam kurina i wona, “Kaowam ku bosisirei ba keyama uwana a kaotunetuneim kega kuta kani, wai ku kani kona; Kairavina tano a kaonawai; siniyarai kuna saibira ba kuna kam am yawasa ereonowana kamonai.
74	GEN 3:18	Sinamona birugoragorasi tano ai sina rutiti kairavim ba kwapu kamsi kuna kam.
75	GEN 3:19	Ba poyapoyami ai kuna kam kam yepo kuna veramaga ku tano. Kairavina kom tano momokarinai ku botu ba yebo kuna veramaga ku momokara.”
76	GEN 3:20	Adam kaowana kana waba i yorei Eve, basuna kona wai pipiya ereonowasi sinasi.
79	GEN 3:23	Damanina Bada God Eden masawinai i pora taveyisi kata tano ai i wosisi wai sita bagibagi yei.
81	GEN 4:1	Adam kaowana Eve yabata si dauwa, ba i manawa ba i tuwa wai Cain. Ba i wona, “Bada ana bibaitai ba sebare yai tuwei.”
84	GEN 4:4	Saba Abel ana sheep mutusi natunatusi iyarokosi ba budobudosi i botuvisi Bada kurina. Ba Bada Abel ana suwara i kinani wai, i nuwagaire.
86	GEN 4:6	Damanina ba Bada Cain kurina i wona, “Awaika kairavina ke biyagisi, ba awaika kairavina naom i goyo?
90	GEN 4:10	Ba Bada i wona, “Awaika kairavina niko wose ku wosei? Teim tarana wai tano ai e tutou kuriku saroba kairavina.
91	GEN 4:11	Karaku, a kaonawaim teim ku kasibunui ba tarana ku tano i sororo kairavina niko tano ini sinikikiyim.
94	GEN 4:14	Karaku niko kupurai ke bipora taveyiku ba kuna ma kupusiku ba niko dobu ai, ana bubuwa neubuwa kega ani yakam, ba kotoi wata ina pananiku wai ina kasibunuiku.”
96	GEN 4:16	Damanina Cain Bada i kasibau taveyei ba i nae ku Nod. Eden ku maramatana mena ba namai i mana.
103	GEN 4:23	Lamech kaokaowana ruwamo i wonisi i wona, “Adah ba Zillah koi tainabaenega kuriku; Lamech kaokaowana au sisiya ko nonori. Sebare kesana i purupurukaniku kairavina a kasibunui ba sebare yarakina i raviku wai a kasibunui.
105	GEN 4:25	Adam kaowana yabata si dauwa mena, ba i tuwa wai sebare. Eve kana waba i yorei Seth. Ba i wona, “God natuku kesana yebo i beriku, Abel wasana i kausani kairavina Cain i kasibunui.”
107	GEN 5:1	Nikona kona Adam ana rakaraka muri yai si tupuwa si botu wai asi rurutuwa God pipiya i tupuvisi wai, i wosisi kona rutainina.
139	GEN 6:1	Maranai pipiya dobu ai asi koroto i rakarakata ba natunatusi bibaine si tuvisi,
140	GEN 6:2	kanukanuma bibaine kepakepamarisi si kita kirorovisi wai asi wainai wata si rabaisi.
141	GEN 6:3	Damanina Bada i wona, “Kanumiku kega pipiya yabata sini gegae damana. Kona wai biyo, kona kairavina kana bodu 120 niko dobu ai ina mana.”
144	GEN 6:6	Bada i yapoya saki ba nuwanuwana i yara, kata awaika kairavina pipiya niko dobu ai i terisi.
145	GEN 6:7	Kona kairavina i wona, “Pipiya tupasi niko dobu ai ana pupuna taveyisi. Aba payapayaya ba sawara tano ai te botete, ba manu kaidamonai te roborobo wai ereonowasi yabata. Kega a binuwagaire kata a wosisi.”
150	GEN 6:12	God niko dobu ana goyona i kita bikuikuiri, kairavina pipiya ereonowasi asi wose si goyo saburere.
151	GEN 6:13	Kona kairavina God Noah kurina i wona, “Pipiya ereonowasi niko dobu ai ana kasipupuna taveyisi, kairavina dobu ai kawaksekase i bonuwa, wai kosi ba sawara ereonowana dobu ai ana kasi pupuna roboisi.
152	GEN 6:14	Kona kairavina au waina nikona kuna wosei. Keyama gaigairesi yai waka kaikapona ke bowai ba kamonai ke papa yarayaragi ba kamona ba kupuna tar dumadumanai ke pasi potapotai.
153	GEN 6:15	Nikasike wakana ke bowai, Wakana kana veoroma wai 140 meter rubana, ba ana nabanaba wai 23 meter rubana, ba ina gae 13 meter rubana.
154	GEN 6:16	Ba wakana kana wadakupuna kairavina gawara 44 cm rubana, wadakupuna ba wakana kupuna basusi yai ke boterei. Matam keta nebanebanai ke terei ba batara tonu ke wosisi, gaburinai, basunai ba tepanai.
157	GEN 6:19	Aba payapayaya ereonowasi ere kaokaowasi yabata kuna botuvisi ku waka kata yawayawasisi sina mana.
159	GEN 6:21	Ba yebo kam bubausi yai ereonowasi ki gaeni kata komi ba kosi kairavimi.”
161	GEN 7:1	Damanina ba Bada Noah kurina i wona, “Kom ba am rakaraka yabata ereonowami ku waka ko riu, kairavina pipiya ereonowasi kamosi yai kom ikesim wata am wose gaigairesi ba totorisi.
164	GEN 7:4	Kao 7 murinai kusana ani porai ku dobu, ba kao 40 ba pom 40 ina kusana bonei, ba awaika ereonowasi yawayawasisi niko dobuai a wose wai ana pupuna taveyisi.”
171	GEN 7:11	Noah kana bodu 600 ba nawaravi bairuwaina, ba kao 17 kamonai tano sinenai damana okowa si rubusibusira si gae, ba kusana matam ketana sapamai i tamotatara.
183	GEN 7:23	Awaika yawayawasisi dobu ai ereonowasi i pupuna taveyisi, pipiya ba aba payapayaya, tanoai te botete wai ba manu kaidamonai te roborobo wai dobuai i pupuna taveyisi. Noah ba iyabosi waka kamonai kosi wata si mana.
187	GEN 8:3	Ba dobu ai okowa nuwato ai i rautaina yepo kao 150 murinai okowa i mama taveyei.
188	GEN 8:4	Nawaravi 7, ba kao kana bi 17 kamonai, waka Ararat koyanai i garu geyei.
189	GEN 8:5	Okowa i rutaina yepo nawaravi kana bi 10 dagudagunai koya tepasi si rupaira.
190	GEN 8:6	Kao 40 murinai Noah waka kana masare i wosei wai i botaveyei.
191	GEN 8:7	Ba agaoga i pora kasibauwei saba, kega i veramaga, neubuwa i nenae ba i botubotu yepo, okowa dobu ai i mama taveyei.
192	GEN 8:8	Muri yai bunebune i porai, okowa ita kitai i mama taveyei, kona kega.
193	GEN 8:9	Saba bunebune gawara kega kesana memei i panani ba ita toga kairavina okowa dobu i bonuwei, wai dama i robo i veramaga ku waka ba Noah yarona i bokotoi ba bunebune i yauni.
195	GEN 8:11	Rabisi pompomai bunebune olive senana wauna kawanai i kuta tawani, ba i veramaga Noah kurina. Ba Noah i kuiri kata okowa i mama taveyei.
196	GEN 8:12	I potapota kao 7 murinai ba bunebune i pora meyei saba, kega i veramaga mena.
197	GEN 8:13	Maranai Noah kana bodu i bi 601 nawaravi dagudagunai okowa i kakaba ba Noah waka kana sowo i botaveyei ba i kinana wai i wona, ageee okowa tano ai matapa tano i gasari.
198	GEN 8:14	Nawaravi bairuwaina kaona kana bi 27 kamonai dobu isu gasara taveyei.
200	GEN 8:16	“Kom kaowam ba natunatum sebasebare ere kaokaowasi yabata, waka ko kasibau taveyei.
201	GEN 8:17	Ba sawara yawayawasisi ereonowasi yabata ko mamana wai, ke tere kasibauvisi. Manu ba aba payapaya, ba awaika ereonowasi tano ai te botete wai, kata sini tuwa, ba dobu sini bonuwei.”
204	GEN 8:20	Damanina ba Noah raunabonabo Bada kairavina i bowai, ba aba payapayaya ba manu God matanai gaigairesi mutusi i yauna ba raunabonabo tepanai suwara kapukapunina i puyobunuwa God kurina.
212	GEN 9:6	Kotoi wata pipiya ina kasibunui wai kona yabata sina kasibunui kairavina pipiya wai God i wosei kona rutainina.
227	GEN 9:21	Ba okowa padapadana kana waba wine, grape yai si wosei ba Noah i toma neganega ba ere nimanimana ana yove kara kamonai i dudauwa.
229	GEN 9:23	Saba Shem, ba Japheth gara si yauni ba ku kabarasi si terei, ba si muri titaina si riu ku yove kara kamonai tamasi ere nimanimana i dudauwa wai si sowoi ba kega si kinani.
230	GEN 9:24	Noah i sikwana ba i kuiri kata natuna murimurina mekabage kurina i saivira.
233	GEN 9:27	Yebo God Japheth ana kupura ina tubotaini ina rakata; ba yebo Shem ana yove kara kamonai ina mana, ba Canaan wai, Japheth ana saibisaibirina.”
236	GEN 10:1	Nikona Noah natunatuna sebasebare Shem, Ham, ba Japheth kutukutuba murinai natunatusi sebasebare si tuvisi wai asi rurutuwa.
237	GEN 10:2	Japheth natunatuna sebasebare wai Gomer, Magog, Madai, Javan, Tubal, Meshech ba Tiras.
239	GEN 10:4	Ba Javan natunatuna sebasebare wai Elishah, Tarshish, Kittim ba Rodanim.
240	GEN 10:5	Ba kosi si tuwa pesara wai neyara ba tore biyisi i tere naveyisi, dam nununai ba asi gamowai asi gamowai.
242	GEN 10:7	Cush natunatuna sebasebare wai Seba, Havila, Sabtah, Raamah ba Sabteca. Ba Raamah natunatuna sebasebare wai Sheba ba Dedan.
244	GEN 10:9	Ba kona wai yebaga bitana Bada matanai, kona kairavina te wonawona kona yebayebagina Nimrod rutainina.
246	GEN 10:11	Kona kupurinai i tauya wai i nae ku Assyria ba namai, Nineveh, Rehoboth Ir, ba Calah i bowaisi.
247	GEN 10:12	Ba meyaga kaikapona Resen wai, Nineveh ba Calah basunai i bowai.
252	GEN 10:17	ba Hivi biyisi, Arki biyisi, ba Sini biyisi,
253	GEN 10:18	ba Arvadi biyisi, Zemari biyisi, ba Hamathi biyisi. Ba muri yai Canaan biyisi i kasimosarisi,
255	GEN 10:20	Ham natunatuna sebasebare asi dam ba asi gamo nununai ba asi meyaga ba kupura i tere naveyisi.
256	GEN 10:21	Shem yebo sebasebare i tuvisi, Shem tuwana yarokona wai, Japheth. Pipiya Shem murinai si tupuwa si botu wai Eba natunatuna sebasebare.
260	GEN 10:25	Eba sebasebare ruwamo i tuvisi, kesana kana waba Peleg basuna kona ana marai, pipiya ereonowasi asi gamoai asi gamoai i kasimosarisi wai dobu ai i tere naveyisi i nae. Ba tuwateina kana waba wai, Joktan.
261	GEN 10:26	Joktan i tuwa wai natunatuna sebasebare wata Almodad, Sheleph, Hazarmaveth, Jerah,
264	GEN 10:29	Ophir, Havila, ba Jobab ereonowasi Joktan natunatuna.
271	GEN 11:4	Damanina ba si wona, “Ko botu, kairavita meyaga kaikapona ba tower tana bowai, kata ina gae ku sapama. Kata waba ina wosei ina rakata kairavina, ba niko dobu ai kega tani buburanita.”
272	GEN 11:5	Saba Bada i gakira i botu meyagina kaikapona ba nao tower si bowabowai wai kinanina kairavina.
275	GEN 11:8	Nanakasike Bada, i kasibuburanisi dobu tompipinina si bonuvi ba meyaga kaikapona si bowabowai wai si boterei.
276	GEN 11:9	Kona kairavina meyagina kaikapona si yorei Babylon, basuna Bada namai asi gamo i rubotabitabiri ba i bubuvisi. Ba nikasike Bada i kasibuburanisi dobu tompipinina si bonuvi.