357	GEN 14:20	Ba God Kaidamo Sakina bibigairenina kam abiya ku nimam i terisi wai ku getawanisi!” Ba Abram sawara ereonowasi si yauna mena wai 10 kamosi yai kesana Taupauma Melkizedek i berei.
467	GEN 19:9	Saba si kaobeyei, “Ke nesaira. Ba kana kayo resoim.” Ba si wona, “Niko sebare wai ta kupura pipiyina, ba ana waina ini buibuiyita!” Ba Lot si ratu taveyei ba si sududuna matam keta sita rikai.
475	GEN 19:17	Si uraba kasbauvisi murinai, kesana i wonisi, “Ko vera ami yawasa kairavina! Kega kona rusinimura! Konae sanagai koni yakam. Ko vera ku koya kona kayo rabobo!”
559	GEN 22:11	ba God ana aneya sapamai i parara, “Abraham! Abraham!” Ba i kaobeyei i wona, “Awaika, yauku nina.”
689	GEN 25:30	Ba Jacob kurina i wona, “Soya a rabobo saki! Misi nao gewagewa taratarana kuta beriku ata kani!” (Kona kairavina yebo si yorei Edom).
1117	GEN 37:33	I kita taveyei, ba i wona, “Aeee, kona mom kana gara! Natuku Joseph garagara aba payapaya bikokonina i sika bigarugarui!”
1157	GEN 39:7	Kega rabarabana murinai, ana bada kaowana Joseph i kita kirorowei ba i wonei, “Ke botu yabata tana dauwa!”
1162	GEN 39:12	Ba wasikena Joseph kana kwama i taina tawani ba i wona, “Ke botu yabata tana dauwa!” Saba i rukasitaveyei ba i vera i kasibau ku matara ba kana kwama wai wasikena yaronai i sumarei.
1389	GEN 46:2	God pomai kiyakiya ai Jacob kurina i sisiya, “Jacob! Jacob!” I kaobeyei i wona, “Awaika yauku nina!”
1584	EXO 3:4	Maranai Bada i kinani kata kona i nae ita kinani wai, God kaikairuku kamonai kurina i yoreyana, “Moses! Moses!” Ba Moses i wona, “Awaika, yauku nina.”
1850	EXO 12:33	Egypt biyisi, Israel si ru bisasarisi kata siti yagiyagina ba kupurina siti sumarei si wona, “Muri yai ba ereonowakai kana rabobo!”
1895	EXO 14:5	Maranai Egypt kana taupauma Pharaoh si wonei kata pipiya wai si vera wai, ana babadisi yabata nuwanuwasi si nebirabira ba si wona, “Kota awaika ta wosei? Kota Israel biyisi ta boterisi si nae ba karaku kotoi ina bo saibisaibirita!”
1902	EXO 14:12	Ka wonim, kata Egypt kamonai kuta boterikai, kata bosaibisaibirisi, i gaire kata Egypt biyisi kata bo saibisaibirisi ba ka botubotu yepo nina kupura momnai kana rabobo!”
1915	EXO 14:25	Kata asi chariot kaesi si tamotaveyana, kega rubana sita vera. Ba Egypt biyisi si wona, “Bada Israel biyisi kairavisi Egypt ebi abiyei wai nagarisi tana vera!”
2443	EXO 32:4	Ba Aaron taina komakomasi i yauna ba i kapuna si nubanuba ba tarabibisaka cow natuna rutainina i wosei. Ba maranai si kinani wai si yogoi ba si wona, “O Israel, niko god Egypt kamonai i uraba kasibauvita!”
2465	EXO 32:26	Kata Moses basekwa matam ketanai i msiri ba i parara, “Kotoi wata Bada kairavina wai, ke botu kuriku!” Ba Levi biyisi ereonowasi si notuwa kurina.
4112	NUM 14:3	Ba awaika kairavina Bada i yaunita ta nenae niko ku kupura ba abiya kamonai sina kasibunuwanita? Ba kaokaowata ba natunatuta sina patumisi. I gaire kata tata veramaga ku Egypt!”
4317	NUM 20:5	Awaika kairavina kom ku wosei wai Egypt ka kasibau taveyei niko ku kupura goyo tavetaveyina? Memena grain kega, fig kega, grape vine ba pomegranate kega ba yebo toma kairavina wai okowa kega!”
4346	NUM 21:5	ba pipiya God ba Moses si kaosairei, si wona, “Awaika kairavina Egypt yai ku urabai kai ba kupura momnai kana rabobo? Nina wai kam kega ba okowa kega ba niko kam sinikikaiyina kega ama waina!”
4405	NUM 22:29	Balaam donkey i kaobeyei, “Balaam i para, ku wosiku wai kau kinana bage neganega, seri yaroku ai, wai karaku ata kasibunuim!”
7288	1SA 3:10	Bada i botu i msiri ba i yoreyorei wai nanakasike i yoereyana “Samuel! Samuel!” Damanina ba Samuel i wona, “Ki sisiya am saibisaibirina e bitainabaenega.”
7444	1SA 10:24	Samuel pipiya kurisi i wona, “Bada niko sebare i binei wai ko kinakinani kona? Sebarena nina kega kesana kotoi kamoti yai kona rutainina.” Pipiya ereonowasi si parara, “Taupauma ina ma saki!”
7780	1SA 21:6	David i kaobeyei, “Kega am nota ina kairagaraga. Maranai nikasike ka bowagawaga wai au pipiya kega bibaine kurisi te nenae. Ba yebo ka bowagawaga mom wai nanakasike. Kona kairavina kega nuwanuwam ina kairagaraga!”
8273	2SA 11:11	Ba Uriah i kaobeya, “Israel ba Judah abiabiyisi ba Bidamanina Maragasina Dedewagina wai tent kamonai te mamana ba au bada Joab ana pipiya yabata matarai si rubasekwa te mamana. Mekabage yauku ata nae au ku yove ba ata kam ba ata toma ba, kaowaku yabata kata dauwa? A bisuwonim nikona kega rubana ana wosei!”
8310	2SA 12:21	Ana saibisaibirisi si toirubai, “Awaika kairavina nikasike ke wosewose? Pipiyaikei yawayawasinai wai ku bisiya ba ku tutou, saba karaku pipiyaikei i rabobo wai ku bomsiri ba ke kamkam!”
24299	MRK 1:15	Ba i wona, “Mara i botu, ba God ana basileiya i neratui! Koi nuwabirabira ba wara gairena koni geruwei!”
24309	MRK 1:25	Saba Iesu kanuma goyona i kaotunei i wona, “Kawam e pota, ba nao sebare ke kasibau taveyei!”
24325	MRK 1:41	Iesu nuwanuwana i poya sakiyei, ba i bororona i borubai ba i wonei, “Au waina, ke yawasa!”
24336	MRK 2:7	“Kata awaika kairavina niko sebare nikasike e bisisiya? God ikesina wata piragagoyo ina notataveyana!”
24340	MRK 2:11	“Ke bomsiri am yagoro ke kabari ba ke nae ku yove!”
24341	MRK 2:12	Pipiya ereonowasi si kinani ba yagiyagina wata i bomsiri ba ana yagoro i kabari ba i sutaveyana, ba si wareyei ba Bada si bokuwayei, ba si wona, “Kega meyana wose nikasike ka kinani!”
24368	MRK 3:11	Ba maranai kanuma goyogoyosi, Iesu si kinani wai naonai si peku ba si rasarasa, “Kom God Natuna!”
24430	MRK 4:38	Saba Iesu waka murinai iru kunuwana ba i dudauwa. Ba ana nonorayauna si rubaunui, ba si wona, “Bibeyebeyena biyim, mekabage ke nosinosi? Ba kota tana rukwauruba!”
24431	MRK 4:39	Ba i bomsiri, sibe i kaotunei ba yoyo i wonei, “Ke ma guguba! Ki raboraobo!” Ba mara kesana sibe ibo yaragi ba niworowa i dauwa.
24433	MRK 4:41	Ba kosi si nagara saki, ba si wona, “Niko sebare kotoi wai, sibe ba yoyo te bosisiri!”
24440	MRK 5:7	Ba gamona kaikapona i parara, “Iesu, Kaidamo Sakina God Natuna, awaika am waina karikuai? God kana wabai a bibabaim kata kega kuna kasibigoyoniku!”
24441	MRK 5:8	Kata Iesu nikasike i wona, “Kanuma goyona, niko sebare ke kasibau taveyei!”
24526	MRK 6:50	Kairavina ereonowasi si kinani wai si nagara saki, ba yagiyagina wata kurisi i wona, “Koi nuwatora ba kega ko nagara niko yauku!”
24614	MRK 9:7	Damanina ba guba i botu ba i waku tawanisi, ba guba kamonai gamo si nonori. “Nikona natuku, au nuwayauyauna. Koi tina bainegei!”
24685	MRK 10:28	Damanina ba Peter i kaobeyei i wona, “Yakai sawara ereonowana kai sumamarana ba kai sununurim!”
24704	MRK 10:47	Ba maranai i nonori kata Iesu Nazareth biyina, wai i dagui i paraparara, “Iesu, David natuna, ki nuwanuwaniku!”
24705	MRK 10:48	Ba pipiya pesarisi si gesei ba si wona kata ita ma guguba, saba kona i parara saki, “David natuna ki nuwanuwariku!”
24769	MRK 12:27	Kona God wai kega raoboraobosi asi God saba yawayawasisi asi God. Koi su siwana taveyana!”
24787	MRK 13:1	Iesu God ana yove i bisumarei maranai wai, ana nonorayauna kesana i wona, “Bibeyebeyena biyim, ke kinani! Awaki akima naki kaikaposi ba abi yove nuwarubarubasi!”
24852	MRK 14:29	Ba Peter i kaobeyana i wona, “Memei bage ereonowasi sina vera robo, saba yauku kega!”
24865	MRK 14:42	Ko bomsiri! Tana nae! Ba berena sebarena nina e botubotu!”
24868	MRK 14:45	Ba maranai Judas i nae Iesu kurina wai i wona, “Bibeyebeyena biyina!” ba i yaoni.
24888	MRK 14:65	Saba mutusi si dagui si bokanukanui, ba matana si kau potai ba nimasi yai si ravi ba si wona, “Ki peroveta wona kurikai!” Ba bikoyakoyaga biyisi si yauni ba si ravi ba si yauni si nae.
24908	MRK 15:13	Saba kosi si parara, “Ko tuparatui!”
24909	MRK 15:14	“Awaika kairavina?” Pilate i toiruba, “Ba awaika goyona i wosei?” Saba kosi si parara saki si wona, “Ko tuparatui!”
24913	MRK 15:18	Ba si dagui si kaobibisakei, “Enosaire! Jew biyisi asi taupauma!”
24925	MRK 15:30	Karaku korosi tepanai ke gakira ba ki yawasa meyim!”
24934	MRK 15:39	Ba abiabiyisi asi bada kesana Iesu naonai i bimsiri wai Iesu ana tou i nonori ba mekabage i rabobo i kinani wai i wona, “Bisuwona niko sebare wai kona God Natuna!”
25004	LUK 1:42	Ba gamona kaikaponai i para i wona, “Bibaine ereonowasi kamosi yai wai kom bibi gairenim, ba natum kuni tuvei wai, yebo kona bibi gairenina!”
25166	LUK 4:34	“Ai! Iesu Nazareth biyim awaika kurikai kuna wosei, ku botu kuna kasi bai goyonikai kona? A kuirim kom kotoi. kom God ana Kawari Yonayona Kaoaobaisiyena!”
25167	LUK 4:35	Iesu gamona padapadanai i wona, “Kawam e pota ba nao sebare ke kasibau taveyei!” Damanina pipiya ereonowasi naosiyai kanuma goyona sebarena i garukirei ku tano, ba i kasibautaveyei, ba kega kesana awaika goyona kurina i wosei.
25173	LUK 4:41	Yebo pipiya pesarisi kamosiyai kanuma goyogoyosi ere paraparasi si kasibau ba si wona, “Kom wai God natuna!” Saba i kaotunetuneisi kega siti sisiya, kairavina si kuiri kata kona wai Keriso.
25189	LUK 5:13	Iesu yarona i bororona sebarena i borubai ba i wona, “Yauku awaiwainei, ke yawasa!” Ba mara kesana Lepa sebarena i kasibautaveyei.
25322	LUK 8:8	Ba yebo mutusi si ririga tano ku gairena mena, ba si rutiti si gae wai, uwana hundred si uwei. Nikona i sisiyei i kakaba wai, i para i wona, “Kotoi wata ere tinam wai ke nonora kabitam!”
25733	LUK 17:13	Ba si parara si wona “Bada Iesu ki nuwanuwanikai!”
25796	LUK 18:39	Pipiya keta sibi naovei wai sebare mata potapotana si yegai, ba si wonei kata kawana ita pota. Saba kona gamona kaikaponai i para tupetupena i wona, “David Natuna ki nuanuaniku!”
25984	LUK 22:51	Saba Iesu i wona, “Damanina niko wose ko boterei!” Ba sebarena tainana i borubai, ba i yawasi.
25991	LUK 22:58	Kega rabarabana, ba sebare kesana, Peter i rupanani wai i wona, “Kom yebo pipiyisi kesana.” Saba Peter i kaobeyei i wona, “Sebare, yauku kega yabata!”
26025	LUK 23:21	Saba kosi si para damadamana, si wonawona, “Ko tuparatui! Ko tuparatui!”
26039	LUK 23:35	Pipiya nai simsiri sibi kinana, ba Jew biyisi asi babada Iesu si kao bibisakei. Si wona, “Pipiya mutusi i yawasisi, ba kona Keriso, God i binei wai, mede i kesina i yawasa meyei tana kinani!”
26041	LUK 23:37	ba si wona, “Kom Jew biyisi asi taupauma wai, i kesim ki yawasa meyeim!”
26043	LUK 23:39	Nakoi sebasebare kawakasekasesi nai si roroke wai, kesana Iesu i namei i wona, “Kom Keriso kona? Kom ba yakai ki yawasita!”
27029	ACT 2:11	Gentile ba Jew biyisi iyabosi si garubona Jew biyisi asi yawasa si kibikibi. Ba Crete ba Arab biyikai, ka nonorisi ba BADA God ana kiyakiyaya ama gamo ai te bisisiyana!”
27069	ACT 3:4	saba Peter ba John totorina sebarena kurina si kinana ba Peter i wona, “Ke kinanikai!”
27071	ACT 3:6	Saba Peter i wona, “Yauku silver ba gold kega ba awaika kariku ai e mamana wai ana berim. Iesu Keriso Nazareth biyina, kana wabai a wonewonim, ke msiri ba ke yewo!”
27379	ACT 11:3	si wona, “Kata kom Gentile biyisi asi ku yove ku riu, ba yabata ko kam!”
27413	ACT 12:7	Marakesana Bada ana aneya i rerematara wai yasegana patuma yovena i ruyasegana. Ba Peter gabagabana i kasiputuputuwi irusikwani ba i wona, “Yagiyagina, ke bomsiri!” Ba chain Peter yaroyaronai si peku.
27420	ACT 12:14	Ba Peter gamona inonori ba i kuira taveyei wai matam keta kega i botaveyei, ba i nuwagaire saki wai, i vera i veramaga ba i wona, “Peter wai matarai e bimsiri!”
27421	ACT 12:15	Saba kosi kega si geruwe ba si wona, “Memena yakai ke boneganega!” Saba kona i kaotupetupena kata bisuwona. Damanina si kaobeyei si wona, “Memena yakatai ana aneya!”
27428	ACT 12:22	Ba maranai Herod ibi sisiya sinonori wai, pipiya si parapara, “Niko kega pipiya mom e bi sisiya ba god e bisisiya!”
27493	ACT 14:10	wai, Paul gamona kaikaponai i parara kurina ba i wona, “Kaemi yai ke msiri!” Damanina ba sebarena i bomsiri ba i dagui i yewoyewo neubuwa.
27494	ACT 14:11	Maranai koroto Paul awaika i wosei si kinani wai, Lycaonia biyisi si dagui asi gamowai si parara, “Nikosi sebasebare ruwamo, wai god tupuwai si gakira kurita!”
27570	ACT 16:18	Kao pesarisi nikasike i wose yepo Paul sinina i kai, wai i rusinimura ba kanuma goyona i wonei, “Iesu Keriso kana wabai a kaotunetune yim ke kasibau taveyei!” Ba mara kesana kanuma goyona wasikena i kasibau taveyei.
27580	ACT 16:28	Saba Paul kurina i parara, “Kega kuna kasibunu meyim! Yakai ereonowakai wai nina!”
27667	ACT 19:13	Jew biyisi mutusi kupura nunusi yai si yewoyewo neubuwa, ba asi waina Bada Iesu kana wabai kanuma goyogoyosi siti kasibaunisi, wai si wonawona, “Iesu, Paul i raumamarei wai, kona kana wabai ka kaotunetuneyim, ke kasibau!”
27681	ACT 19:27	Tana kinana kabitamni kata kota ata mariya ketana kega ina gudui, ba ata saibira wabana ini goyoni. Ba yebo tana kinana kabitamni, kata ata god wasike Artemis ana yove taparoro kega ini goyoni. Pipiya ereonowasi Asia kupurinai ba dobu ereonowana kamonai kona Artemis te bopepetei, ba tana kinana kabitamni kata ana bibadana kega ina siwana!”
27682	ACT 19:28	Kona si nonori wai si yagisi, ba si dagui si paraparara, “Ephesus asi god wasike Artemis maragata sakina, Ephesus kamonai!”
27688	ACT 19:34	Ba maranai koroto si bopanai kata kona Jew biyina wai para si dagui, “Ephesus asi god, Artemis maragata sakiyina Ephesus kamonai! Ephesus asi god, Artemis maragata sakina Ephesus kamonai!” Ba si para tupetupena yepo ora ruwamo rubana.
27768	ACT 21:36	Ba koroto murinai si sununuri wai si paraparara, “Ko kasibunui! Ko kasibunui!”
27794	ACT 22:22	Paul sibi tainabaenegei yepo nikona i wonewonei, wai gamosi kaikaposi yai si parara, “Ko naveyei! Ba ko kasibunui! Kega rubana ina mana!”
27808	ACT 23:6	Paul ibo panani kata mutusi wai Sadducee biyisi, ba mutusi Pharisee biyisi, wai Sanhedrin kamosi yai i parapara, “Warewaresiku, yauku Pharisee biyiku, ba tamaku wai yebo Pharisee biyina. Yauku bomsiri mena a bigeruwei kona gigituna kairavina nina ko bibuibuiyiku!”
27875	ACT 25:11	Saba memena bage goyona a wosei ba sarobina wai rabobo wai yauku, kega rabobo a bisinikikiyei. Saba Jew biyisi tebi kunumakiku wai, kega bisuwona ba kega kesana kotoi ana maragata e mamana kata ina berena taveyiku. Au waina Caesar ini buibuiyiku!”
27876	ACT 25:12	Festus ana kao bainuwaterena biyisi yabata si sisiya murinai, i kaobeyei, “Caesar kairavina kui baba wai, Caesar kurina kuna nae!”
27915	ACT 26:24	Paul karaku wata i bisisiya ba, Festus i para bokabari, “Paul! Kom neganegam, am kuira kaikapona e bineganegaim!”
27995	ACT 28:28	Kona kairavina au waina kona kuiri kata God, ana bibiyawasina wai Gentile kurisi i porai, kata sina nonora!”