23240	MAT 2:2	jaꞌats jam ojts tyiknɨdøwɨdɨ, yɨdeꞌen ja wya̱ndøø: ―¿Ma̱ døꞌøn ja tø kyeꞌexy jaꞌ pøn tnɨwɨndsønꞌa̱tp ja ya̱ꞌɨt israelɨt ja̱a̱ꞌy? Tøts øøts ja nꞌejxpa̱a̱jtɨ ja mya̱a̱dsa̱ꞌ ma̱ øø tø ndsøøñ, ɨxya̱ts øøts ja tø nnɨmiñ jøts øøts ja nwɨndsøꞌøgɨwya̱ꞌa̱ñ.
23275	MAT 3:14	Kaꞌap ja Juan ja twa̱ꞌa̱ñ jøts ja tyiknøbatt, yɨdeꞌen ja Jesús yiknɨma̱a̱y: ―¿Jawyeen me xtsøky jøts me nyiknøbatt? Pø metsxɨ døꞌøn ndijy xyiknøbatp.
23440	MAT 8:26	Jøts ja tꞌadsøøy yɨdeꞌen: ―¿Ti mdsøꞌjkɨdɨp ku mdsøꞌøgɨdɨ? ¡Janch yiiꞌnɨm meets ja janchja̱ꞌwɨn xmøøtꞌaty! Xjats ja tyanaagyukɨyɨɨꞌñ, jøts ja ojts tnøjmɨ ja poj jøts wan tnaxy jøts ja mejy kyaꞌukꞌadøtsnɨt; jøts ɨdøꞌøn ja jadiꞌiñɨ myøøñ, nayɨdeꞌen jotkujkꞌatyɨm tya̱a̱ñ sa̱m ɨdøꞌøn ku ja et kyapøjy.
23441	MAT 8:27	Jøts ñɨgyuma̱a̱p ja tyimyja̱ꞌwɨdøø, nømdɨp jaꞌ: ―¿Ti pøn ja̱a̱ꞌy yø jadeꞌen, mɨmadoojɨpa̱a̱t poj yøꞌ, mɨmadoojɨpa̱a̱t mejy yøꞌ?
23443	MAT 8:29	Jøts ja yjanchaba̱a̱bɨna̱xwa̱ꞌa̱ktøø: ―¿Ti øø xanɨbøjkɨp, ti tsepxɨk adøm njagyejpyɨm, mets Jesús, mets Dios Uꞌnk? ¿Jaꞌ mets ya̱ tø xnɨmiñ jøts øøts ɨxya̱myɨ xtyimyikꞌayoꞌomba̱a̱twa̱ngøjy?
23452	MAT 9:4	Jøts kumɨ wa̱ꞌa̱ts ja nwɨndsønꞌa̱jtɨm Jesús ja tnɨja̱wɨ sa̱ jaty ja wyɨnmaydɨ, jøts ja tnɨma̱a̱y: ―¿Tigøjxp ku jadeꞌen kaꞌøwyɨnma̱a̱ꞌñ xjagyaptɨ?
23459	MAT 9:11	Jaꞌayɨ ja fariseotøjk ja ojts jadeꞌen tꞌejxtɨ, xjats ja nwɨndsønꞌa̱jtɨm Jesús pyabøjkpɨtøjk yikꞌamɨdoodøø: ―¿Tigøjxp ku yø mwɨndsøn tmøøtkay yø yikugubajtpɨtøjktɨ møøt yø kawɨndɨyja̱a̱ꞌdyɨ?
23462	MAT 9:14	Wɨnets ja Juan Bautista tyumbɨ myendøø ma̱ ja nwɨndsønꞌa̱jtɨm Jesús jam wyɨnaty, jøts ja ojts tyiktøwdɨ, yɨdeꞌen ja tnɨmaadyøø: ―¿Tigøjxp ku øø nꞌama̱a̱yꞌaty møøt ja fariseotøjktɨ, ngakay ngaꞌuuky øøts jøts mets yø mbabøjkpɨtøjk jaayɨ yjanchkaydɨ yjanchjøøꞌkxtɨ, nɨwɨneꞌen kyaꞌama̱a̱yꞌa̱ttɨ?
23463	MAT 9:15	Xjats ja nwɨndsønꞌa̱jtɨm Jesús yꞌadsøøy jøts ja tnɨma̱a̱y: ―¿Ma̱ meets jadeꞌen tø xꞌuknɨja̱wɨ jøts ku tøꞌøxñɨgaabyɨ tøꞌøxñɨꞌukpɨ wɨnet yꞌama̱a̱yꞌa̱ttɨ wɨnet kyakaydɨ kyaꞌuuktɨ ku ja jemya̱a̱ꞌy jamnɨ? Abikñɨmts ja tiempɨ tyimyja̱ꞌtmɨt ku ja jemya̱a̱ꞌy wyɨnaty kyaꞌukꞌejtnɨ ku ja jam wyɨnaty tø choꞌonɨ, jaanɨmts ɨdøꞌøn tɨy pøn kyaꞌukaañɨt kyaꞌukꞌuknɨt; jaanɨm ɨdøꞌøn ja yꞌama̱a̱yꞌa̱ttɨt.
23476	MAT 9:28	Kuts ja Jesús tyøjkɨyɨɨꞌñ jap tøjkjøtpy, wɨnets ja namajtskpɨ wɨna̱p ja̱a̱ꞌy ñɨmejnɨ, xjats ja tnɨma̱a̱y jøts ja ttɨɨbyɨjky: ―¿Mwa̱ndɨp ɨdøꞌøn amumjoojt jøts ku øts yø yjadeꞌembɨ xmaꞌaty? Jøts ja ñømdøø: ―Wɨndsønꞌa̱jtɨm, wa̱mp øøts ɨdøꞌøn jadeꞌen.
23531	MAT 11:3	jøts ja tꞌatsyiktøꞌødɨt yɨdeꞌen: ―¿Mjanchjacristo mets ɨdøꞌøn, ja yiknɨtsokpɨ midi tijy menwa̱mp, uk njøpꞌejxp øøts ɨdøꞌøn jaduꞌukpɨ?
23535	MAT 11:7	Ɨxanɨm ɨdøꞌøn ja wyɨnaty tyimchoondɨ ja Juan Bautista yja̱a̱ꞌy midi ja pyabøjkpɨꞌajtpy, ku ja nwɨndsønꞌa̱jtɨm Jesús tnɨmadya̱ktøjkɨyɨɨꞌñ ja Juan, yɨdeꞌen ja tnɨma̱a̱y ja mayja̱a̱ꞌy: ―¿Ti ojts xꞌejxtɨ jam aba̱k etjotp ku jam ojts mnøjkxtɨ? ¿Ojts meets jam yja̱wɨ xꞌixy tuꞌuk ja ja̱a̱ꞌy midi jadeꞌen ja̱jtp sa̱m kapy pyojɨmbity pyojꞌadɨjy? Pø kaꞌaxɨ, pø tuꞌugyɨxɨ ja tmɨꞌity ja wyɨnma̱a̱ꞌñ.
23561	MAT 12:3	Xjats ja yɨdeꞌen yiknɨmaadyøø: ―¿Ti kaꞌanɨm meets ja Dios kyajpxy xꞌixy midi tnɨga̱jpxp sa̱ ja David tukꞌojk tmøøtꞌadɨɨjch ja myɨguꞌuk, ku yuu ja wyɨnaty yikꞌookwa̱ꞌa̱nɨyɨdɨ?
23568	MAT 12:10	ma̱ wyɨnaty jam tuꞌuk ja ja̱a̱ꞌy midi ja kyøꞌ jadiꞌiñɨ tøtsnɨp tuktama̱jñ; jøts kumɨ øy ɨdøꞌøn ja tyimyꞌɨxa̱ꞌa̱dɨ ti ja yjadyimyꞌuktanɨꞌøønɨdɨp ja nwɨndsønꞌa̱jtɨm Jesús, jøts ja tyiktøødøø tꞌamɨdoodøø ñadyijyɨ: ―¿Kutujk yøꞌ ku pama̱a̱ꞌy ja̱a̱ꞌy nyiktsojkɨn ku pooꞌkxɨn xøøw, u kaꞌ?
23569	MAT 12:11	Jøts ja nwɨndsønꞌa̱jtɨm Jesús ja ojts tꞌadsøy, yɨdeꞌen ja tnɨma̱a̱y: ―¿Wan meets ja mborreek ndejɨn jadiꞌiñɨ xmajtstuꞌutt ku ja wyɨnaty tø kyunaxy jap jutjøtpy ya̱m pooꞌkxɨn xøøw? Pø kuwa̱nɨxɨ ja xnɨnøjkxtɨt jøts ja xꞌatsjuuttɨt.
23581	MAT 12:23	Jøts ɨdøꞌøn ja ja̱a̱ꞌy ja ñɨgyuma̱a̱p tyimyja̱ꞌwɨdøø, yɨdeꞌen ja ojts wya̱ꞌa̱ndɨ: ―¿Ti ya̱ꞌa̱t ndejɨn, ja rey David yꞌa̱pɨp?
23606	MAT 12:48	Jøts ja tnɨma̱a̱y pøn wyɨnaty jadeꞌen tø tyukmadøyɨ: ―¿Pøn øts nda̱a̱gɨp, pøn øts ɨdøꞌøn nꞌuchɨp?
23618	MAT 13:10	Wɨnets ja nwɨndsønꞌa̱jtɨm Jesús ja pyabøjkpɨtøjk ñɨmejnɨyɨ wɨngon jøts ja tyiktøødøø: ―¿Jadits ku yø ja̱a̱ꞌy jadeꞌen xamɨmadya̱ꞌa̱ky ejxpajtɨn madya̱ꞌa̱ky ku xyikꞌɨxpiky?
23659	MAT 13:51	Wɨnets ja nwɨndsønꞌa̱jtɨm Jesús ja yiktøøjɨdɨ: ―¿Mnɨmadoodɨp ɨdøꞌøn tukɨꞌɨyɨ? Xjats ja wya̱ndøø: ―Nnɨmadøøpy øø nwɨndsønꞌa̱jtɨm yøꞌ.
23662	MAT 13:54	jøts ja ojts yja̱ꞌa̱ty jam kyøꞌøm etjotp ma̱ ja kyuga̱jpɨ. Jamts ja yikꞌɨxpøjktøjkøø tsa̱ptøjkjotp midi jam wyɨnaty, jøts ja ja̱a̱ꞌy ñɨgyuma̱a̱p yjanchja̱jtøø, yɨdeꞌen ja wya̱ꞌa̱ndɨ: ―¿Ma̱ yø ja̱a̱ꞌy jadeꞌen tø tjaty yøꞌøbɨ ɨxpøjkɨn? ¿Sudso yø jadeꞌen ttuñ mɨla̱grɨꞌa̱jtɨn?
23697	MAT 14:31	Jøts ja nwɨndsønꞌa̱jtɨm Jesús nay jatyɨ tma̱jch kyøꞌkøjxp, jøts ja tnɨma̱a̱y: ―¿Tyimwyɨniiꞌnxyɨp mets mjanchja̱ꞌwɨn? ¿Tiku tø mnayjøpja̱wɨyɨ?
23704	MAT 15:2	―¿Tigøjxp ku yø mbabøjkpɨtøjk tkabadundɨ ja møja̱a̱ꞌychɨna̱a̱ꞌyɨn? Kaꞌats ttundɨ ja wɨndsøꞌjkɨn ku kyøbujtɨ ku kyawya̱ꞌa̱ndɨ.
23705	MAT 15:3	Jøts ja nwɨndsønꞌa̱jtɨm Jesús ja ojts nayɨdeꞌen tyiktøøjɨmbity: ―¿Jøts tigøjxpts ku meets ja Dios Teety kyutujk xkamɨmadojɨyɨ, jøts jaꞌ mee myikmajadakpy ja møja̱a̱ꞌychɨna̱a̱ꞌyɨn?
23714	MAT 15:12	Xjats ja pyabøjkpɨtøjk ja ñɨmejnɨyɨ, jøts ja ñɨma̱a̱jyøø: ―¿Tø xꞌixy yø fariseotøjk, ku jadeꞌen tø tmadowdɨ sa̱ tø xnøjmɨ jøts yikxon tø yjantyimyꞌa̱mbøktɨ?
23718	MAT 15:16	Xjats ja nwɨndsɨnꞌa̱jtɨm Jesús wya̱a̱ñ: ―¿Nɨ meets pa̱a̱t yø xkanɨmadoonɨ?
23735	MAT 15:33	Xjats ja pyabøjkpɨtøjk ñɨma̱a̱jyɨyɨ: ―¿Ma̱ts ya̱ jadɨneꞌen nbøjkɨn ja kaaky ja jɨɨꞌkxy jøts yø mayja̱a̱ꞌy jadɨneꞌen kyaꞌadyɨt, jøts nɨpønts ya̱?
23736	MAT 15:34	Jøts ja ojts tyɨɨbyikyɨdɨ: ―¿Wɨna̱a̱k mdsa̱pkaaky japtɨ? Jøts ja wya̱ndøø: ―Wɨxujkyɨ, jøts ja a̱jkxuna̱ꞌjk waanɨ.
23749	MAT 16:8	Myadoow ja nwɨndsønꞌa̱jtɨm Jesús jaꞌ, jøts ja tnɨma̱a̱y: ―¿Tigøjxp ku jadeꞌen mwa̱ꞌa̱ndɨ jøts ku mdsa̱pkaaky kyaꞌettɨ? ¡Nɨwɨneꞌenɨn meets ja janchja̱ꞌwɨn xkidyimyjagyepy!
23754	MAT 16:13	Xjats ku ja nwɨndsønꞌa̱jtɨm Jesús yja̱ꞌjty jam etjotp midi ja Cesarea de Filipɨt ka̱jp yꞌetɨp, jamts ja tyiktɨɨy ja pyabøjkpɨtøjk, jøts ja tnɨma̱a̱y: ―¿Sa̱ ja̱a̱ꞌy wya̱ꞌa̱ndɨ, pønɨk øts?
23779	MAT 17:10	Wɨnets ja pyabøjkpɨtøjk ja tyɨɨbyøjkɨyɨ: ―¿Tigøjxpɨmts yø ka̱jpxwejpɨtøjk jadeꞌen wya̱ꞌa̱ndɨ jøts ku ja Elías jawyeen myeꞌent, jøts ɨxꞌoojknɨm ja yiknɨtsokpɨ?
23788	MAT 17:19	Wɨnetnɨmts ja nwɨndsønꞌa̱jtɨm Jesús ja pyabøjkpɨtøjk myɨga̱jpxɨ jɨbikyꞌampy, jøts ja ojts yiktɨɨyɨyɨ: ―¿Tigøjxp ku øøts yø mɨkuꞌ tø ngayikpɨdsimy?
23793	MAT 17:24	Xjats ku ja nwɨndsønꞌa̱jtɨm Jesús tmøøtja̱ꞌjty ja pyabøjkpɨtøjk jam Capernaumɨt ka̱jpkøjxp, jamts ja ja̱a̱ꞌdyɨ pøn yiktsa̱ptøjkugubajttɨp, jaꞌats ɨdøꞌøn ojts tnɨnøjkxtɨ ja Pedro, jøts ja ojts tyiktøwdɨ: ―¿Kaꞌ meets yø myikꞌɨxpøjkpɨ tkugubety yø tsa̱ptøjk?
23794	MAT 17:25	Jøts ja Pedro yꞌadsøøy: ―Kyugubejtpyxɨ yøꞌ. Xjats ku ja Pedro tyøjkɨyɨɨꞌñ tøjkjøtpy, japts ja nwɨndsønꞌa̱jtɨm Jesús ja jawyeen ñɨma̱a̱jyɨ: ―¿Sa̱ me Simón mwɨnmay? ¿Pøn yja̱wɨ yø wɨndsøndøjk tyukugubajttɨp, ja kyøꞌømɨguꞌuk uk ja wenk ja̱a̱ꞌy?
23797	MAT 18:1	Ñɨñayɨ wɨnets ja nwɨndsønꞌa̱jtɨm Jesús pyabøjkpɨtøjk ñɨmejnɨyɨ, jøts ja ojts yiktɨɨyɨyɨ: ―¿Pømbɨ øø nɨduꞌugɨn ja tyimyꞌukmøjtøkɨp ku ja mgutujk xyikna̱xkɨda̱ꞌa̱kt?
23834	MAT 19:3	Wɨnets ja fariseotøjk wɨna̱a̱gɨn tnɨmendɨ ja nwɨndsønꞌa̱jtɨm Jesús jøts ja tkajpxyꞌejxwa̱ꞌa̱ndɨ, ojts ja tyiktøwdɨ: ―¿Kutuky yø jadeꞌen jøts øy pøn tmajtstuꞌutt ñɨdøꞌøxy ku ja yiin waan tyundɨgøy?
23835	MAT 19:4	Jøts ja tꞌadsøøy: ―¿Kaꞌanɨm meets ja Dios kyajpxy xꞌejxɨ? Pø patyxɨ ja ya̱a̱ꞌy ja tøꞌøxy tyikꞌøyɨyɨɨꞌñ pøn xyiktsoꞌonda̱a̱jkɨndɨp.
23838	MAT 19:7	Xjats ja ttɨɨbyøjktɨ: ―¿Jøts tigøjxpts ja Moisés tya̱jky ja tɨyꞌa̱jtɨn ja tøꞌøxyøjk jøts øy ja yikmajtstuꞌutt?
23848	MAT 19:17	Xjats ja nwɨndsønꞌa̱jtɨm Jesús ja tnɨma̱a̱y: ―¿Tiku ø xnøjmɨ jøts ku ø nꞌøyɨ? Tuꞌugyɨ jaꞌ midi øy, jøts ja Dios ɨdøꞌøn jaꞌ. Pønɨ mba̱a̱twampyts ja jujkyꞌa̱jtɨn xemɨkøjxp, paduujnɨts ja Dios kyutujk.
23856	MAT 19:25	Kuuyɨ ja pyabøjkpɨtøjk ja jadeꞌen tmadoodøø, janch ñɨgyuma̱a̱p ja tyimyja̱ꞌwɨdøø, jøts ja xem ya̱m ñayiktøøjɨdøø: ―¿Pønɨmts ɨdøꞌøn nɨtsoꞌokꞌa̱tp?
23882	MAT 20:21	Jøts nwɨndsønꞌa̱jtɨm Jesús ja ojts yiktɨɨyɨyɨ: ―¿Ti døꞌøn mdsøjkpy? Jøts ja tꞌadsøøy, yɨdeꞌen ja tnɨma̱a̱y: ―Tun mayꞌa̱jt, jøts øts nꞌuꞌnk xyikꞌɨxa̱jkɨt adsow aduuk ku mgutujk xyikna̱xkɨda̱ꞌa̱kt, tuꞌuk aga̱ꞌñ jøts jaduꞌuk ana̱jy, jøts jadeꞌen ja kutujk tmɨda̱ꞌa̱ndɨt.
23893	MAT 20:32	Wɨnets ja nwɨndsønꞌa̱jtɨm Jesús wya̱ꞌkꞌøyɨyɨɨꞌñ, jøts ja tya̱a̱jxɨyɨɨꞌñ ja wɨna̱p ja̱a̱ꞌdyɨ jøts ja ttɨɨbyɨjky, yɨdeꞌen tnɨma̱a̱y: ―¿Ti døꞌøn mdsojktɨp, ti ø nduꞌump?
23905	MAT 21:10	Xjats ku ja nwɨndsønꞌa̱jtɨm Jesús kya̱jptøjkɨyɨɨꞌñ jam Jerusalén jøts ja ka̱jp kyajotkukɨdɨ, may ojts ja ja̱a̱ꞌy wya̱ꞌa̱ndɨ: ―¿Pøn yø jadeꞌen?
23911	MAT 21:16	jøts ja ojts tnøjmɨdɨ ja nwɨndsønꞌa̱jtɨm Jesús: ―¿Madøøpy yøꞌ ku yø ɨxa jadeꞌen wya̱ꞌa̱ndɨ? Jøts ja nwɨndsønꞌa̱jtɨm Jesús ja tꞌadsøøy: ―Nmadøøpy øts yøꞌ. ¿Ti kaꞌanɨm meets ja Dios kyajpxy xꞌejxɨ ku yø tø tjanɨgajpxy? Yɨdeꞌenxɨ ja wya̱ꞌa̱ñ: Tø ndanɨbɨkta̱a̱gɨ jøts øts mutskuna̱ꞌjk xjanchja̱wɨdɨt xjanchkunuuꞌkxyja̱wɨdɨt.
23915	MAT 21:20	Xjats ku ja pyabøjkpɨtøjk ja ojts jadeꞌen tꞌejxtɨ, jøts ja jantyimyñɨgyuma̱a̱p tjantyimyja̱ꞌwɨdøø, wɨnets ja tyiktøødøø ja nwɨndsønꞌa̱jtɨm Jesús jøts ja tnɨmaadyøø: ―¿Sudso yø iigɨ kipy tsojk tø tyimdyɨꞌɨch?
23918	MAT 21:23	Jøts ja nwɨndsønꞌa̱jtɨm Jesús tyøjkɨyɨɨꞌñ tsa̱ptøjkjøtpy, ɨxap ja wyɨnaty yikꞌɨxpiky ku wɨna̱a̱gɨn jap myendøø ja teetywɨndsøndøjktɨ jøts ja møja̱a̱ꞌdyøjktɨ, jøts ja ojts tyɨɨbyikyɨyɨ, yɨdeꞌen ja ñɨma̱a̱jyøø: ―¿Pøn yø yjadeꞌembɨ mdanɨgutujkꞌa̱jtɨp jøts yø jadeꞌen xuꞌunt? ¿Pøn yø kutujk jadeꞌen tø mmøꞌøyɨ?
23923	MAT 21:28	Xjats ja tja̱a̱knɨma̱a̱y: ―¿Sa̱ meets ɨdøꞌøn xꞌukja̱ꞌgyukɨ ya̱ꞌa̱tpɨ ayuujk? Tuꞌuk ɨdøꞌøn ja̱a̱ꞌy, jamts namajtsk mya̱jnk; jøts ja tuꞌuk tnɨma̱a̱y: “Mets uꞌnk, ɨxya̱m mnøjkxt tumbɨ jøts ø xꞌatstujkɨt ja nꞌuvɨ tsa̱ꞌa̱m.”
23937	MAT 21:42	Wɨnets ja nwɨndsønꞌa̱jtɨm Jesús ja ñɨma̱a̱jyɨdøø: ―¿Nɨwɨndinɨm meets Dios kyajpxy xkaꞌejxɨ? Yɨdeꞌenxɨ ja wya̱ꞌa̱ñ: Ja tsa̱a̱ midi ja pojtspɨ kyaꞌukꞌaꞌejxɨdøø, jaꞌats neꞌegɨ ɨxya̱m tø yꞌukyikpɨkta̱knɨ jam pøch kyuba̱jkp jøts ja tꞌama̱jtsmujkixy ja pøch. Ja Dios Teety ɨdøꞌøn yø jadeꞌen tø ttuñ, øy yø ñɨgyuma̱a̱p njaja̱ꞌwandɨ.
23961	MAT 22:20	Ku ja ojts tꞌukꞌixy ja nwɨndsønꞌa̱jtɨm Jesús, jøts ja tyiktɨɨy: ―¿Pøn yøꞌ wyeen yꞌa̱a̱w, jøts pøn yøꞌ xyøøw ɨxa kyøxja̱ꞌa̱yɨ?
23983	MAT 22:42	jøts ja nwɨndsønꞌa̱jtɨm Jesús ttɨɨbyɨjky: ―¿Sa̱ mee mwɨnmay, pøn yø Cristo? ¿Pøn yøꞌ yꞌuꞌnk? Jøts ja tnɨmaadyøø: ―Ja rey David yøꞌ yꞌa̱p.
23984	MAT 22:43	Wɨnets ja nwɨndsønꞌa̱jtɨm Jesús ja tnɨma̱a̱y: ―¿Jøts sudsomts ja rey David ja Espíritu Santo yikwa̱jnøø jøts ja ojts tijy wɨndsøn? Tiku ja David yɨdeꞌen wya̱a̱ñ:
24028	MAT 24:2	Jøts nwɨndsønꞌa̱jtɨm Jesús ja tꞌadsøøy: ―¿Mꞌejxtɨp ɨxa jadeꞌen tukɨꞌɨyɨ? Øts wa̱mp jøts ku ya̱ nɨtuꞌugɨn ja tsa̱a̱ kyata̱ꞌa̱nt nɨkɨɨbyety, kuja̱ꞌjɨgyøxp yø tukɨꞌɨyɨ.
24131	MAT 26:8	Jøts ku ja pyabøjkpɨtøjk jadeꞌen ojts tꞌejxtɨ, jøts ja yjantyimyꞌa̱mbøjktøø jøts ñømbɨna̱xwa̱ꞌktøø: ―¿Jøts tigøjxp ku yø jadeꞌen nugo wyɨndɨgøy?
24133	MAT 26:10	Tyimyadoow ja nwɨndsønꞌa̱jtɨm Jesús jaꞌ, jøts ja tnɨma̱a̱y ja pyabøjkpɨtøjk: ―¿Tigøjxp ku yø tøꞌøxyøjk jadeꞌen jotkøjxpɨm xnøjmɨdɨ? Pø yøꞌøxɨ døꞌøn øyꞌa̱jtp ku øts yø jadeꞌen tø xuñ.
24138	MAT 26:15	yɨdeꞌen ja tnɨma̱a̱y: ―¿Wɨneꞌen ø xmɨjuꞌudyɨt jøts øts ja nwɨndsønꞌa̱jtɨm Jesús ngøya̱kt? Xjats ja ojts tmɨjuydɨ eeꞌpxma̱jk, jadeꞌen ja meeñ ja ojts tmoꞌodɨ tum puxpla̱tɨ.
24140	MAT 26:17	Xjats ku ja xøøw mɨdukxøøw tyuujnøø, ku kaꞌ pya̱a̱tꞌatyɨ jøts ja tsa̱pkaaky yikaꞌaty levadurɨ møøt, jaꞌabɨ xøøwts ɨdøꞌøn ku ja nwɨndsønꞌa̱jtɨm Jesús ja pyabøjkpɨtøjk ñɨmejnɨyɨ wɨngon jøts ja ojts tyɨɨbyikyɨyɨ, yɨdeꞌen ja wya̱ndøø: ―¿Ma̱ xtsøky nyikna̱jxɨnt ja pa̱skɨ aꞌux jøts øøts ja nꞌaꞌejxɨt?
24145	MAT 26:22	Jøts ja yjotmadyøjkɨdøø, jøts xem ya̱m wya̱ndøjkɨdøø: ―¿Øts me wɨndsønꞌa̱jtɨm ndejɨnt xejp?
24163	MAT 26:40	Xjats ja wyɨmbijty nay jam ma̱ ja pyabøjkpɨ jam wyɨnaty nɨdɨgøøk tø tꞌukyiktañ, kuts ja tpa̱a̱jty tødamɨk ja myaꞌooꞌknɨdɨ; wɨnets ja ojts tnøjmɨ ja Pedro: ―¿Nɨwɨneꞌenɨn mee tø mguidyimyajada̱ꞌa̱ky jøts meets jeexyɨp xmøøtwijyꞌity?
24173	MAT 26:50	Jøts ja nwɨndsønꞌa̱jtɨm Jesús ja ojts yɨdeꞌen yꞌadsøyɨyɨ: ―¿Ti mɨguꞌuk mnɨmimpy? ¿Ti mdsøjkpy? Wɨnets ja ja̱a̱ꞌy ja wɨngon ñɨmejnɨyøø jøts yiknɨxa̱jɨyɨɨꞌñ ja nwɨndsønꞌa̱jtɨm Jesús, ojts yikma̱jtsnɨ.
24185	MAT 26:62	Wɨnets ja teetywɨndsøndøjk myøjwɨndsøn wya̱ꞌkukɨyɨɨꞌñ, jøts ja nwɨndsønꞌa̱jtɨm Jesús yikꞌamɨdøøy: ―¿Nɨwɨneꞌenɨn yø xkaꞌadsowɨmbetwa̱ꞌa̱ñ? ¿Ti døꞌøn yøꞌ ɨxa jadeꞌen myiktanɨꞌøønɨ?
24192	MAT 26:69	Ɨxap ɨdøꞌøn ja Pedro chøønɨ tøjkwimpy, jøts ja tuꞌuk tøꞌøxyøjk ñɨmejnɨ midi jam tump, jøts ja ojts ñɨɨꞌmxyɨyɨ: ―¿Kidi metsɨp yꞌijty mmøøtwɨdijtpy yø Jesús midi Galileɨt etjotp tsooꞌmp?
24209	MAT 27:11	Jøts ɨdøꞌøn ja nwɨndsønꞌa̱jtɨm Jesús ja ja̱a̱ꞌy yiknøjkxɨyɨ jam øyikutujkpɨ wyɨngujkp, jøts ja yɨdeꞌen tyɨɨbyøjkɨyɨ: ―¿Mets ɨdøꞌøn israelɨt ja̱a̱ꞌy mjanchnɨwɨndsønꞌajtpy? Jøts ja nwɨndsønꞌa̱jtɨm Jesús yɨdeꞌen tnɨma̱a̱y: ―Janch jadeꞌen ɨdøꞌøn jaꞌ, sa̱m ɨxa tø mwa̱ꞌa̱ñɨn.
24211	MAT 27:13	Wɨnets ja Pilato ja ñɨma̱a̱jyøø: ―¿Kaꞌap yø xmadøy sa̱ jaty ɨxa myiknɨꞌøønɨ?
24215	MAT 27:17	jøts ku ja ja̱a̱ꞌy ñamyujkøjxɨdøø, wɨnets ja Pilato yiktɨɨy: ―¿Pømbɨ mdsojktɨp jøts ø nyikꞌawa̱ꞌa̱tspɨdsøꞌømt: yø Barrabás, uk yø Jesús, midi yiktejp Cristo?
24219	MAT 27:21	Xjats ja yikutujkpɨ ja jadɨgojk ñɨma̱a̱jyɨdøø, jøts ja ojts tyiktɨɨy: ―¿Pømbɨ mee ndsøjkpy jøts ø nyikꞌawa̱ꞌa̱tspɨdsøꞌømt? Jøts ja mayja̱a̱ꞌy ñømdøø: ―Wan yø Barrabás tꞌawa̱ꞌa̱tspɨdsimy.
24220	MAT 27:22	Jøts ja Pilato tja̱a̱ktyiktɨɨy: ―¿Jøts sa̱ øts yø nduꞌunt yø Jesús midi yiktejp Cristo? Jøts ja ojts nɨdukɨꞌɨyɨ yꞌadsowdɨ: ―¡Yikruspat!
24221	MAT 27:23	Wɨnets ja Pilato ja ñɨma̱a̱jyɨdøø: ―¿Ti tundɨgøꞌøyɨn yø tø ttuñ? Jøts ja jadɨgojk jawaanɨ møk wya̱ndøø: ―¡Yikruspat!
24308	MRK 1:24	―¿Mets Jesús, Nazaretɨt ja̱a̱ꞌy, tiku øø tø xnɨmiñ, sa̱ øø xunwa̱ꞌa̱ñ? ¿Jaꞌ mets tø xnɨmiñ jøts øø xyikudɨgøøgyøxt? Wa̱ꞌa̱ts me nꞌejxkapy pønɨ pøn mets. Kaꞌaxɨ me mbøkmyøødɨ, Dios ja̱a̱ꞌyxɨ mets.
24311	MRK 1:27	Xjats ja mayja̱a̱ꞌy janchnɨgyuma̱a̱p tja̱ꞌwɨdøø, jøts ja xem ya̱m ñadyɨɨbyikyɨdɨ køꞌøm, yɨdeꞌen ja ñawya̱ꞌa̱ñɨdɨ: ―¿Ti wenk ɨxpøjkɨn ya̱ꞌa̱t? ¿Ti tunk yø jadeꞌen tyumpy? ¡Janch møk kutujk tmøødɨ, mɨmadojɨp pa̱a̱t ja mɨkuꞌ yøꞌ ku yø tꞌaneꞌemy!
24337	MRK 2:8	Xjats ja Jesús ñɨja̱ꞌwɨp ja wa̱ꞌa̱ts ku ja ja̱a̱ꞌy jadeꞌen wyɨnaty wyɨnmaydɨ, wɨnets ja tnɨma̱a̱y: ―¿Tiku jadeꞌen nɨchøky mwɨnmaydɨ?
24345	MRK 2:16	Xjats ku ja ka̱jpxwejpɨtøjk jøts ja fariseotøjk jadeꞌen tꞌejxtøø jøts ku ja Jesús jam wyɨnaty tmøøtkay tum ja kaꞌøyja̱a̱ꞌdyɨ, wɨnets ja tnɨmaadyøø ja pyabøjkpɨdɨ: ―¿Jadits ku yø mwɨndsøn tmøøtkay yø yikugubajtpɨdɨ jøts yø kaꞌøyja̱a̱ꞌdyɨ?
24347	MRK 2:18	Tukꞌojk ɨdøꞌøn yja̱jty, ɨxam ɨdøꞌøn Juan Bautista pyabøjkpɨtøjk wyɨnaty yꞌama̱a̱yꞌa̱ttɨ møøt ja fariseotøjk, ayuuꞌa̱jttɨp ja jam wyɨnaty, Dios ɨdøꞌøn ja jadeꞌen wyɨndsøꞌjkɨdɨp, wɨnets ja ja̱a̱ꞌy wɨna̱a̱gɨn tnɨmendøø ja Jesús ma̱ ja wyɨnaty jøts ja ttɨɨbyøktɨ, yɨdeꞌen ja tnɨmaadyøø: ―¿Jadits ku Juan pyabøjkpɨtøjk yꞌama̱a̱yꞌa̱ttɨ jøts ja fariseotøjk nayɨdeꞌendɨ, kaꞌaxɨ ja kyaydɨ, jøts sudso mets yø mbabøjkpɨtøjk nayɨdeꞌen kyaꞌama̱a̱yꞌa̱ttɨ, sudso meets yja̱wɨ a̱mgujk jotkujk mgaydɨ? Kaꞌap meets yja̱wɨ ti xkumay.
24348	MRK 2:19	Jadeꞌen ja wya̱ndøø, xjats ja Jesús yɨdeꞌen yꞌadsøøy: ―¿Wɨna̱a̱k ojkɨmts meets jadeꞌen tø xꞌuktanɨꞌixy, wɨna̱a̱k ojk meets jadeꞌen tø xꞌuknɨja̱wɨ ku tøꞌøxñɨgaabyɨ tøꞌøxñɨꞌukpɨ tø yꞌukꞌayuuꞌa̱ttɨ ku ja jemya̱a̱ꞌy jam tø yja̱ꞌtnɨ? Kaꞌaxɨ jadeꞌen pøn yꞌayuuꞌaty, kaꞌap jadeꞌen pøn tø tꞌama̱a̱yꞌaty.
24361	MRK 3:4	Xjats ja Jesús ttɨɨbyɨjky ja ja̱a̱ꞌy pøn ja jam wyɨnaty aꞌejxujkɨyɨdɨp, yɨdeꞌen ja tnɨma̱a̱y: ―¿Midiꞌibɨ ɨxya̱m kutuky, ku ja̱a̱ꞌy nꞌødyuꞌunɨnt, uk ku ja̱a̱ꞌy ngaꞌødyuꞌunɨnt? ¿nyiknɨtsoojkɨmp ja ja̱a̱ꞌy, uk nyikꞌooꞌkɨmp ku pooꞌkxɨn xøøw, midiꞌibɨ øy? Xjats ja ja̱a̱ꞌy amøñɨ yꞌettɨ, nɨpøn sa̱ kyawa̱ꞌa̱ñ.
24380	MRK 3:23	Xjats ja Jesús twa̱a̱dsøøy ja ja̱a̱ꞌy, jøts ja ttukwɨnja̱wɨwya̱ꞌa̱ñ tuꞌuk ja madya̱ꞌa̱ky, paty ja wya̱ꞌa̱ñ: ―¿Sudso ndejɨnt mɨkuꞌ køꞌøm ña̱nkpyɨdsømɨyɨt aguwa̱nɨkøjxp?
24390	MRK 3:33	Xjats ja tnɨma̱a̱y: ―¿Pøn øts ɨdøꞌøn xukta̱a̱kꞌa̱jttɨp, jøts pøn øts ɨdøꞌøn xukꞌuchꞌa̱jttɨp?
24405	MRK 4:13	Wɨnetnɨmts ja wya̱a̱ñ: ―¿Kaꞌap xja̱ꞌgyukɨdɨ yø ejxpajtɨn madya̱ꞌa̱ky, sudsomts meets ja xjanchja̱ꞌgyukɨgyøxt jaduꞌuk ja ejxpajtɨn madya̱ꞌa̱ky?
24413	MRK 4:21	Nayɨdeꞌen pyabøjkpɨtøjk ja tnɨma̱a̱y: ―¿Ti jaꞌ ndejɨnt ja̱j wya̱ꞌa̱ñ jøts ja yiknɨjupt jap kajuun patkiꞌpy, uk jøts ja yikpɨkta̱ꞌa̱kt jap ma̱a̱bajt patkiꞌpy? Kaꞌap ja jadeꞌen pøn tyiktuñ, køjxp ja yikpɨkta̱ꞌa̱ky, jamts ja yja̱jy.
24422	MRK 4:30	Nayɨdeꞌen ja Jesús tnɨma̱a̱y ja pyabøjkpɨtøjk: ―¿Ti ja Dios kyutujk møøt ndamɨꞌejxɨꞌɨnt midi ja tyanɨtanaapy ja yja̱a̱ꞌy, ti ɨxpøjkɨn ti madya̱ꞌa̱ky ja ndamɨmadoꞌowɨnt?
24432	MRK 4:40	Xjats ja tnɨma̱a̱y pyabøjkpɨtøjk: ―¿Jadits ku mdsøꞌøgɨdɨ, tigøjxp ku ø xkajanchja̱wɨdɨ?
24442	MRK 5:9	Xjats ja Jesús wya̱ngojmøø: ―¿Ti me mxøøw? Wɨnets ja mɨkuꞌ yꞌadsøøy jam ja̱a̱ꞌy yꞌa̱m yjotp, jøts ja wya̱a̱ñ: ―Legión øø nxøøw, jaꞌagøjxp ku øø nnamayɨ.
24463	MRK 5:30	Xjats ja Jesús tja̱ꞌwɨyɨɨꞌñ, jøts kudam ja wyɨnaty tø tyiktsøꞌøky tuꞌuk ja ja̱a̱ꞌy ku ja myøkꞌa̱jtɨn ja wyɨnaty tø tyikꞌawa̱ꞌa̱ñ; xjats ja tꞌejxwɨmbijty ja mayja̱a̱ꞌy, jøts ja ojts tyiktɨy yɨdeꞌen: ―¿Pøn øts nwet tø xojnɨ?
24472	MRK 5:39	Xjats ja Jesús tyøjkɨyɨɨꞌñ jap tøjkjøtpy, jøts ja tnɨma̱a̱y ja ja̱a̱ꞌy: ―¿Tiku jadɨneꞌen mnaꞌamdɨ, jadits ku mya̱ꞌa̱xtɨ? Kaꞌap yø kiixyuꞌnk yꞌøøky, ma̱a̱p yøꞌ.
24478	MRK 6:2	Xjats ku tpa̱a̱jty ja pooꞌkxɨn xøøw, wɨnets ja yikꞌɨxpøjktøjkɨyɨɨꞌñ jam tsa̱ptøjkjotp. Jøts ja mayja̱a̱ꞌy pøn ja wyɨnaty patmadojɨyɨp, ñɨgyuma̱a̱p ja tyimyja̱ꞌwɨdøø ku ja jadeꞌen yikꞌɨxpiky, xjats ja wya̱ndøø: ―¿Ma̱ yø jadeꞌen tø yꞌɨxpiky? ¿Ti wijyꞌa̱jtɨn yø jadeꞌen tø yikmøꞌøy, jøts sudso yø jadeꞌen ja tunk tjaty midi na̱xwiiꞌñɨt ja̱a̱ꞌy nɨ tuꞌugɨn kyaja̱jtɨp?
24500	MRK 6:24	Xjats ku ja kiixy jadeꞌen tmadøøy wɨnets ja pyɨdsɨɨmy, jøts tya̱a̱k ja tꞌatsnɨma̱a̱y: ―¿Ti nꞌamɨdoꞌop? Xjats ja ojts ñɨɨꞌmxyɨ: ―Ja Juan kyuba̱jk mꞌamɨdoojɨyɨp pøn ja ja̱a̱ꞌy tyiknøbajt.
24513	MRK 6:37	Wɨnets ja Jesús yꞌadsøøy jøts ja wya̱a̱ñ: ―Kaꞌap ɨdøꞌøn mwa̱ꞌa̱nt, moꞌodɨ cha̱pkaaky, yikaydɨ. Xjats ja pyabøjkpɨtøjk wya̱ndøø: ―¿Nøjkxp øøts jøts øøts tsapkaaky nꞌatsjuꞌuty majtsk magøꞌpxy denario, jøts øøts yø ja̱a̱ꞌy nyikaꞌaty?
24514	MRK 6:38	Wɨnets ja Jesús wya̱a̱ñ: ―¿Ja wɨna̱a̱k jap mdsa̱pkaaktyɨ? Nøjkx xꞌatsꞌejxtɨ. Xjats ku ja tꞌejxtøø, wɨnets ja tnɨmaadyøø: ―Magoxk ja tsapkaaky jap jøts majtsk ja a̱jkx.
24537	MRK 7:5	Paty fariseotøjk møøt ja ka̱jpxwejpɨtøjk tnɨmaadyøø ja Jesús: ―¿Tigøjxp ku yø mbabøjkpɨtøjk jadeꞌen ja kyøꞌ tkapujtɨ ku yø kyaydɨ sa̱ ja møja̱a̱ꞌy chɨna̱a̱ꞌyɨn wya̱ꞌa̱ñ?
24550	MRK 7:18	Xjats ja tnɨma̱a̱y: ―¿Nɨ meets pa̱a̱t yø xkanɨmadoonɨ? ¿Kaꞌap xnɨja̱wɨdɨ ku ja̱a̱ꞌy nɨti jɨɨꞌkxy kyayikpøkpyetyɨ ku ja̱a̱ꞌy ti tjɨɨꞌkxy?
24573	MRK 8:4	Xjats pyabøjkpɨtøjk ja ojts yꞌadsøy, jøts ja ñɨma̱a̱jyøø: ―¿Sudso yø ja̱a̱ꞌy ya̱ yjanchkaꞌadyɨt, pø kaꞌats ya̱ pøn chøønɨ?
24574	MRK 8:5	Wɨnets ja Jesús tyiktɨɨy ja pyabøjkpɨtøjk, yɨdeꞌen ja tnɨma̱a̱y: ―¿Wɨna̱a̱k tsa̱pkaaky jap xmøødɨdɨ? Wɨnets ja wya̱ndøø: ―Wɨxujk.
24581	MRK 8:12	Xjats Jesús ja tkumøkxajɨyɨɨꞌñ, jøts ja wya̱a̱ñ: ―¿Tigøjxp ku ja̱a̱ꞌy ya̱ꞌa̱tpɨ xøøw ya̱ꞌa̱tpɨ jumøjt tꞌamɨdowdɨ jøts yiktukꞌejxtɨt ja diosꞌa̱jtɨn? Janch meets ɨdøꞌøn nnøjmɨ, jøts ku jadeꞌembɨ ja̱a̱ꞌy nɨ tukꞌojkɨn kyayiktukꞌejxtɨt ja diosꞌa̱jtɨn.
24586	MRK 8:17	Wa̱ꞌa̱ts Jesús ja tnɨja̱wɨ ti ja wyɨnaty kyajpxyꞌa̱jttɨp. Kaꞌap ja tsa̱pkaaky ja tijy midi ñɨmadoodɨp ja pyabøjkpɨtøjk, ja Herodes ja fariseotøjk ndejɨnt ja yꞌɨxpøjkɨn ja yꞌayuujk tyijpy. Paty ja Jesús yɨdeꞌen tyiktɨɨy: ―¿Tiku mwa̱ꞌa̱ndɨ ku mdsa̱pkaaky xijy kyaꞌettɨ? ¿Kaꞌanɨm xnɨmadowdɨ, jøts nɨkaꞌap xnɨja̱wɨdɨnɨm, janch juun mguba̱jk xmøødɨdɨ?
24589	MRK 8:20	―¿Jøts mja̱ꞌmyajtstɨp nayɨdeꞌen ku øts ojts ja tsa̱pkaaky wɨxujk nyikwaꞌkxy, jøts øts ja myakta̱xk milbɨ ja̱a̱ꞌy ojts nmøꞌøy? ¿Jøts wɨna̱a̱k kach ja kaaky wɨnda̱nk xpøkmuktøø? Xjats ja wya̱ndøø: ―Wɨxujk.
24596	MRK 8:27	Tø døꞌøn ja jadeꞌen wyɨnaty yꞌukjaty, xjats ja Jesús ja pyabøjkpɨtøjk tmøøtsøøꞌñ jøts ja ñøjkxtɨ jam Cesarea Filipo. Jadeꞌen ja et xyøøw ma̱ døꞌøn ja ñøjkxtɨ. Xjats ja Jesús tuuꞌa̱jy ja pyabøjkpɨtøjk tø tnɨma̱a̱y, jøts ja tyiktɨɨy: ―¿Pønɨk øts, sa̱ ja̱a̱ꞌy wya̱ꞌa̱ndɨ?
24618	MRK 9:11	Xjats ja tyiktøødøø ja Jesús, yɨdeꞌen ja tnɨmaadyøø: ―¿Tigøjxp ku ja ka̱jpxwejpɨtøjk yɨdeꞌen wya̱ꞌa̱ndɨ jøts ku Elías jawyeen myeꞌent, jøts ɨxꞌoojknɨm ja yiknɨtsokpɨ?
24623	MRK 9:16	Xjats Jesús ja yiktøøjɨdøø, yɨdeꞌen ja ñɨma̱a̱jyɨdøø: ―¿Sa̱ts yø nbabøjkpɨtøjk xnøjmɨdɨ, ti yø møøt mnadyamɨga̱jpxɨdɨp?
24628	MRK 9:21	Wɨnets ja Jesús tyiktɨɨy ja uꞌnkteety, yɨdeꞌen ja tnɨma̱a̱y: ―¿Wɨndii yø jadeꞌen pya̱a̱dyɨ, wɨndii yø jadeꞌen yja̱jtꞌokwa̱ꞌa̱ñ? Xjats ja uꞌnkteety wya̱a̱ñ: ―Jaayɨp yø pya̱a̱jtnɨyɨ ku yø myutskꞌa̱jty,
24635	MRK 9:28	Wɨnets ja Jesús tyøjkɨnɨ tøjkjøtpy, jøts ja pyabøjkpɨtøjk ja yiktøøjɨyøø yɨdeꞌen: ―¿Tigøjxp ku øøts yø mɨkuꞌ tø ngayikpɨdsimy?
24640	MRK 9:33	Xjats ja Jesús jam tmøøtsøøꞌñ ja pyabøjkpɨtøjk jøts ja yja̱ꞌttɨ Capernaum, jadeꞌen ja møj ka̱jp xyøøw ma̱ døꞌøn ja ojts yja̱ꞌttɨ; jøts ku ja tyøjkɨdøø tuꞌugyɨ tøjkjøtpy, japts ja Jesús pyabøjkpɨtøjk tyiktɨɨy, yɨdeꞌen ja tnɨma̱a̱y: ―¿Ti meets ukwan ja mgajpxyꞌajtpy tuuꞌa̱jy?
24660	MRK 10:3	Xjats ja Jesús yꞌadsøøy jøts ja wya̱a̱ñ: ―¿Sa̱ Moisés yikutujky?