23243	MAT 2:5	Ta jaꞌajʉty ꞌyadsoodʉ: —Jam Belén, Judeeʉ ña̱a̱xóty; mʉt ko ja Diosʉ kyuga̱jxpʉ tkʉxja̱a̱y dʉꞌʉn:
23246	MAT 2:8	Net yajkajxtʉ Belén, es yaꞌꞌanma̱a̱ydyʉ: —Nʉjxtʉ jam, es ʉxta̱ꞌa̱ydyʉ tadʉ mixyuꞌunk; es ko xypya̱a̱ttʉt, awa̱ꞌa̱nʉgʉts esʉts ʉj nandʉꞌʉn nʉjx nꞌawdátyʉts.
23263	MAT 3:2	es jyʉnaꞌañ: —Yajjʉmbíttʉ mjot mwinma̱ꞌa̱ñʉty, mʉt ko ja tsa̱jpótmʉdʉ kutujkʉn tʉ wyingóñ.
23268	MAT 3:7	Es ko ja Fwank tꞌijxy ko mayʉ fariseeʉty esʉ saduseeʉty ñimínʉdʉ ma̱ yajnʉbéty, ta tꞌanma̱a̱y: —Miidsʉty dʉꞌʉn éxtʉmʉ awa̱ꞌa̱ndsa̱ꞌa̱ñʉn. Es éxtʉmʉ tsa̱ꞌa̱ñʉty tkugaꞌaktʉ ja jʉʉn kʉdiibʉ tyóyʉt, miits mjʉnándʉp xytyijy ko mnitsoꞌoktʉt mʉdʉ mnʉbajtʉn es ko dʉꞌʉn ja Dios kyaj mdʉydyúnʉdʉt éxtʉmʉ pojpʉ ja̱ꞌa̱yʉty.
23275	MAT 3:14	Tim jawyiin kyaj tjakupʉkáñ ja Fwank, es tꞌanma̱a̱y ja Jesús: —Mijtsʉ dʉꞌʉn mjapátʉp xyajnʉbátʉdʉts, ¿es wiꞌixʉts ʉj mij nyajnʉbátʉt?
23276	MAT 3:15	Jesús ꞌyadsoojʉ: —Tyam waꞌan dʉꞌʉnʉty, mʉt ko oyʉ dʉꞌʉn es nduꞌunʉm diꞌibʉ Dios tsyejpy. Net ja Fwank tkupejky.
23278	MAT 3:17	Es net yajmʉdooy jyʉnaꞌañ tsa̱jpótm: —Tya̱a̱dʉdsʉ dʉꞌʉn ja nꞌUꞌungʉts diꞌibʉts njantsytsyejpy, diꞌibʉts mʉʉt njotkujkꞌáty.
23281	MAT 4:3	Ta ja mʉjkuꞌugópk tmʉwingooñ ja Jesús, es tꞌanma̱a̱y: —Pʉn mijtsʉ dʉꞌʉn ja Dios mꞌUꞌunkꞌa̱jtʉp, anʉʉmʉ tya̱dʉ tsa̱a̱ es jyʉmbítʉt tsa̱jkaaky.
23282	MAT 4:4	Es ja Jesús tꞌadsooy: —Ja Diosʉ jyaaybyajtʉn jyʉnaꞌañ: “Kyaj jyatyimꞌyʉꞌʉyʉdyʉ tsa̱jkaaky mʉʉt jyikyꞌaty ja ja̱ꞌa̱y, tyukjikyꞌátʉp mʉt tʉgekyʉ Diosʉ ꞌyayuk.”
23284	MAT 4:6	Ta tꞌanma̱a̱y: —Pʉn mijtsʉ dʉꞌʉn ja Dios mꞌUꞌunkꞌa̱jtʉp, naygyujʉbijpnáxʉdʉ, mʉt ko ja Diosʉ jyaaybyajtʉn jyʉnaꞌañ: Ja Dios tyukꞌanaꞌamdʉp ja ꞌyánklʉsʉty es mgwentʉꞌátʉdʉt. Myajpʉdʉꞌʉgʉdʉp mʉdʉ kyʉꞌʉ kʉdiibʉ tsa̱a̱ dyajtsayútʉt ja mdeky.
23285	MAT 4:7	Netʉ Jesús tꞌadsooy: —Nandʉꞌʉn ja Diosʉ jyaaybyajtʉn jyʉnaꞌañ: “Katʉ xyꞌijxmátsy yʉ mWindsʉ́n Dios.”
23287	MAT 4:9	Ta tꞌanma̱a̱y: —Ʉjtsʉts mij nmoꞌoyʉp tʉgekyʉ tya̱a̱dʉ pʉn xywyingoxtʉnaabyʉts es xyꞌawdátʉdʉts.
23295	MAT 4:17	Net ja Jesús tka̱jxwa̱ꞌxtsondáky es jyʉnáñ: —Yajtʉgátstʉ mwinma̱ꞌa̱ñʉty es jodʉmbittʉ, mʉt ko ja tsa̱jpótmʉdʉ kutujkʉn tʉ wyingóñ.
23306	MAT 5:3	—Kuniꞌxy ja diꞌibʉty nayꞌʉxka̱jpʉdʉp ko pyojpʉja̱ꞌa̱yꞌáttʉ, pes yʉꞌʉ íttʉp ma̱ tsa̱jpótmʉdʉ kutujkʉn.
23417	MAT 8:3	Net ja Jesús tkʉꞌʉnikooñ, es tꞌanʉʉmʉ: —Ndsejpyʉts es mꞌagʉda̱ꞌa̱gʉt. Es ko tꞌanma̱a̱ydyaay dʉꞌʉn, netyʉ ja leprʉ puma̱ꞌa̱y ꞌyagʉdaky.
23418	MAT 8:4	Esʉ Jesús tꞌanma̱a̱y: —Ix jaygyukʉ. Katʉ pʉ́n xyꞌanʉʉmʉ. Nʉjx winguwa̱ꞌa̱gʉ ja teety, es yak ja mwindsʉꞌkʉn éxtʉmʉ Moisés dyajnigutujkʉ, es dʉꞌʉn nidʉgekyʉ ja̱ꞌa̱yʉty tnijáwʉdʉt ko tʉ mꞌagʉdaꞌaky.
23421	MAT 8:7	Jesús ꞌyanma̱a̱yʉ: —Ʉjtsʉts nʉjx nyaꞌꞌagʉdaꞌaky.
23424	MAT 8:10	Ko ja Jesús tmʉdooyʉ tya̱a̱dʉ, dʉꞌʉñʉ oj wyʉꞌʉmʉ es tꞌanma̱a̱ydyʉ diꞌibʉ naty panʉjxʉdʉp: —Tʉyꞌa̱jtʉn nꞌanʉʉmʉdʉ ko ma̱ nidʉgekyʉ israelitʉ ja̱ꞌa̱yʉty, kyajts nba̱a̱ty ni pʉ́n mʉt kajaa myʉbʉjkʉn éxtʉmʉ tya̱dʉ ja̱ꞌa̱y.
23427	MAT 8:13	Net ja Jesús tꞌanma̱a̱y ja solda̱a̱dʉ windsʉ́n: —Nʉjx ma̱ mdʉjk, es yajtúnʉdʉ dʉꞌʉn éxtʉm tʉ xymyʉbekyʉn. Ta ja tyuumbʉ netyʉ oj ꞌyagʉdaknʉ.
23434	MAT 8:20	Jesús ꞌyadsooy: —Yʉ wax myʉda̱jtypy ja ꞌya̱a̱nk esʉ joon jʉyujkʉty myʉda̱jttʉp ja pyaꞌan, per ʉj ja Naxwíñʉdʉ Ja̱ꞌa̱yʉdyʉ Kyudʉnaabyʉ, kyajts nmʉdaty ja ngukóyʉts ma̱dsʉ ngʉba̱jk nyajpoꞌxʉt.
23436	MAT 8:22	Netʉ Jesús tꞌadsooy: —Pamiingʉts tyam es nikaꞌak yʉ oꞌkpʉty, waꞌanʉ wiink ja̱ꞌa̱yʉty dyajnaxtʉ́kʉdʉ. Jaꞌats nꞌandijpy diꞌibʉ kyaj jyotmaydyúñʉty esʉ Dios tmʉdúnʉt.
23443	MAT 8:29	Ta oj yaxkaꞌaktʉ: —Diosʉ ꞌyUꞌunk, ¿ti mdunaampy mʉt ʉʉdsʉty? ¿Tii jaꞌa mnʉmiimpy es xytyʉydyuna̱ꞌa̱ndʉts ma̱a̱nʉm tkapa̱a̱ty ja tiempʉ?
23445	MAT 8:31	es ja kaꞌóybyʉty yajjʉnánʉdʉ ja ja̱ꞌa̱yʉty, es ja Jesús tꞌanma̱a̱y: —Pʉn xyajpʉdsʉmándʉpts ma̱ tya̱dʉ ja̱ꞌa̱y, naꞌijxtʉgʉts esʉts ndʉ́kʉt ma̱ tadʉ ʉdsʉ́mʉty.
23457	MAT 9:9	Ta Jesús jam tsyoꞌoñ es tꞌijxy tuꞌugʉ ja̱ꞌa̱y diꞌibʉ xyʉꞌa̱jtypy Matewʉ, ja ꞌyuꞌuñʉ ma̱ yajꞌyáky ja kugʉbety. Ta tꞌanma̱a̱y: —Pamiingʉts es nꞌʉxpʉjkpʉꞌátʉt. Ta Matewʉ pyʉdeꞌky, es tpadsoꞌoñ ja Jesús.
23460	MAT 9:12	Jesús myʉdoo tya̱a̱dʉ, es tꞌanma̱a̱y: —Kyaj tsyékyʉty ja kudsooy ma̱ yʉ diꞌibʉ oyꞌa̱jt mʉkꞌa̱jttʉp, jaayʉ dʉꞌʉn ma̱ yʉ puma̱ꞌa̱yjyaꞌayʉty.
23466	MAT 9:18	Ma̱ ja Jesús tꞌanʉʉmʉdʉ tya̱a̱dʉ, tuꞌugʉ israelítʉdyʉ wyindsʉ́n jyajty ma̱ ja Jesús, ñaygyoxtʉna̱a̱ydyákʉ es tꞌanma̱a̱y: —Yʉ nnʉʉxʉts tʉ ꞌyeeky. Pʉn mnʉjxp mij es mgʉꞌʉnikeempy, jikyꞌátʉp jatʉgok.
23472	MAT 9:24	—Pʉdsʉmdʉ ya̱a̱. Yʉ kixyuꞌunk kyaj tʉ ꞌyeeky. Ma̱a̱bʉ dʉn jam. Ja ja̱ꞌa̱yʉty jeꞌeyʉ ttukxiꞌiktʉ.
23476	MAT 9:28	Es ko Jesús jyajty ma̱ ja tʉjk, net ja wiindsʉty ñimiinʉdʉ, es yʉꞌʉ dyajtʉʉy: —¿Mmʉbʉjktʉp miidsʉty ko ʉj mba̱a̱dʉdsʉ tya̱a̱dʉ nduñ? Net jaꞌajʉty jyʉnandʉ: —Ti ko kʉdii, Windsʉ́n.
23477	MAT 9:29	Net ja Jesús ttoonʉ ja wyiin, es tꞌanma̱a̱y: —Waꞌan dyajtúñ éxtʉm ja mmʉbʉjkʉnʉty.
23478	MAT 9:30	Ta ja wyiinʉty oj wyʉꞌʉmda̱a̱ydyʉ yajxón. Jesús tyuknipʉjkʉdʉ jantsy yajxón, ꞌyanʉꞌʉmxʉdʉ: —Katʉ pʉ́n xytyuknijáwʉdʉ.
23482	MAT 9:34	Per nik niꞌigʉ ja fariseeʉty ñayjyʉna̱ꞌa̱nʉdʉ: —Tya̱a̱dʉ yajpʉdseempy ja kaꞌoybyʉ mʉt ko pyudʉ́kʉty ja mʉjkuꞌugópk.
23485	MAT 9:37	Ta tꞌanma̱a̱ydyʉ ja ꞌyʉxpʉjkpʉty: —Tʉyꞌa̱jtʉn ko ja pʉjtaꞌaky oy myáyʉty, per ja tuumbʉty oytyim waanʉty.
23491	MAT 10:5	Jesús ttukꞌaneꞌemyʉ tya̱dʉ nima̱jmajtskpʉ es nʉjx ꞌyayuk ka̱jxwa̱ꞌxtʉ mʉdʉ tya̱dʉ ka̱jxwíjʉn: —Katʉ mnejxy ma̱jaty tsyʉʉnʉdʉ diꞌibʉ kyaj ꞌyisraelítʉty, es ni mgatʉ́kʉt ma̱jatyʉ samaritanʉ ka̱jpn.
23532	MAT 11:4	Netʉ Jesús ꞌyadsoojʉdʉ: —Nʉjxtʉ es tukmʉmadya̱ꞌa̱ktʉ ja Fwank diꞌibʉ miits tʉ xyꞌixtʉ tʉ xymyʉdowdʉ.
23555	MAT 11:27	Ta ja Jesús tꞌanma̱a̱ydyʉ ja ja̱ꞌa̱yʉty diꞌibʉ naty mʉdooꞌijtʉdʉp: —Yʉ nDeedyʉts tʉts xytyukkʉdʉkʉ oytyim tiity tʉgekyʉ. Ni pʉ́nʉts xykyaꞌixyꞌaty yajxón, ja Diosʉ ꞌyUꞌunk, yʉꞌʉyʉ dʉꞌʉn ja nDeedyʉts; es nan ni pʉ́nʉmts tkaꞌixyꞌaty ja nDeedyʉts, ʉjtsʉ dʉn jeꞌeyʉ es diꞌibátyʉts ʉj ndsejpy es ndukꞌixyꞌátʉdʉts.
23560	MAT 12:2	Ko ja fariseeʉty tꞌijxtʉ taadʉ, ta tꞌanma̱a̱ydyʉ ja Jesús: —Ix yʉ mꞌʉxpʉjkpʉty, jaꞌa tyuundʉp diꞌibʉ kyaj ñigutíkyʉty ma̱ ja poꞌxʉnxʉʉ.
23569	MAT 12:11	Ta ja Jesús ꞌyadsoojʉ: —Pʉ́n miidsʉty niduꞌuk myʉda̱jtypy tuꞌugʉ byorreegʉ es kyunáxʉt ma̱ tuꞌugʉ jut ma̱ yʉ poꞌxʉnxʉʉ, ¿ti kyaj nʉjx xyjuudyʉ?
23582	MAT 12:24	Es ko ja fariseeʉty tmʉdoodʉ tya̱a̱dʉ, net ñayjyʉnánʉdʉ dʉꞌʉn: —Tya̱a̱dʉ yajjʉgékypy ja kaꞌoybyʉ yʉꞌʉyʉ mʉt ja mʉjkuꞌugópk Belzebuu kyutujkʉn.
23583	MAT 12:25	Jesús ñija̱ꞌa̱bʉ naty diꞌibʉ wyinma̱a̱ydyʉp, es tꞌanma̱a̱ydyʉ: —Oytyim diꞌibʉty ja kutujkʉn ma̱ ja ja̱ꞌa̱yʉty ñaywya̱ꞌxʉdʉ es ñayñitsiptúnʉdʉ, dʉꞌʉn ñayyajkutʉgóyʉdʉ; es pʉn tuꞌugʉ ka̱jpn o diꞌibʉ tsʉna̱a̱ydyʉp ja ja̱ꞌa̱y tuk jʉʉn tuk tʉjk ñaywya̱ꞌxʉdʉ, kyaj mba̱a̱t jyeky.
23597	MAT 12:39	Jesús tꞌadsooy: —Ja pojpʉ ja̱ꞌa̱yʉty diꞌibʉty myastúttʉp ja Dios ꞌyamdoodʉp tuꞌugʉ ijxwʉꞌʉmʉn diꞌibʉ myʉda̱jtypy ja mʉjꞌa̱jtʉn, per kyaj yajmoꞌoyaꞌañ yʉ wiinkpʉ ijxwʉꞌʉmʉn, yʉꞌʉyʉ dʉꞌʉn ja jyaꞌajʉ yʉ Diosʉ kyuga̱jxpʉ Jonás.
23605	MAT 12:47	Niduꞌugʉ ja̱ꞌa̱yʉty tꞌawa̱ꞌa̱nʉ ja Jesús: —Yʉ mda̱a̱guꞌunk esʉ mmʉgaꞌaxʉty tyap tʉja̱ꞌp, es yʉꞌʉjʉty mij mmʉga̱jxánʉdʉp.
23607	MAT 12:49	Ta ttukniꞌijxʉ ja ꞌyʉxpʉjkpʉty, es tꞌanma̱a̱y: —Tya̱a̱dʉdsʉ dʉꞌʉn éxtʉm ja nda̱a̱gʉts es éxtʉm ja nmʉgaꞌaxʉdyʉts.
23611	MAT 13:3	Net tyʉjkʉ yaꞌʉxpʉjkpʉ mʉt kana̱k nax ijxpajtʉn, es jyʉnáñ: —Tuꞌugʉ triigʉwʉjpʉ ꞌyojtsy wʉjpʉ.
23619	MAT 13:11	Ta Jesús ꞌyadsoojʉdʉ: —Ja Dios mduknija̱ꞌa̱dʉp miidsʉty diꞌibʉ kyaj yajnijáwʉ ijty wiꞌix yʉꞌʉ yajkutíky, per ja wiinkpʉ ja̱ꞌa̱yʉty kyaj tnijáwʉdʉ.
23632	MAT 13:24	Jesús tpʉjtákyʉ tya̱dʉ jatuꞌugʉ ijxpajtʉn: —Ja tsa̱jpótmʉdʉ kutujkʉnʉ dʉꞌʉn éxtʉm tuꞌugʉ ja̱ꞌa̱y ko twʉjy ja oybyʉ triigʉ ma̱ yʉ ñax.
23639	MAT 13:31	Jesús nandʉꞌʉn tpʉjtáky jatuꞌugʉ tya̱dʉ ijxpajtʉn: —Ja tsa̱jpótmʉdʉ kutujkʉn dʉꞌʉn éxtʉm tuꞌugʉ mortás pa̱jk ko tuꞌugʉ ja̱ꞌa̱y twʉjy kyamoty es tnaxnijeepy.
23641	MAT 13:33	Nandʉꞌʉn tpʉjtákyʉ tya̱dʉ jatuꞌugʉ ijxpajtʉn: —Yʉ tsa̱jpótmʉdʉ kutujkʉn dʉꞌʉn éxtʉm ja levaduurʉ diꞌibʉ tuꞌugʉ toxytyʉjk pyʉjtákypy ma̱ mayʉ arinʉ es ttuktijꞌyoꞌoy koonʉm ñaydyuktʉjkʉdyaꞌayʉty.
23644	MAT 13:36	Ko ja ja̱ꞌa̱yʉty oj ñʉjxta̱a̱yñʉdʉ, ta ja Jesús tyʉjkʉ tyʉgoty. Ta ñimiinʉdʉ ja ꞌyʉxpʉjkpʉty es ꞌyanma̱a̱yʉdʉ: —Tukjaygyujkʉdʉgʉts ja ꞌyijxpajtʉnʉ tadʉ axʉk ujts ja̱ꞌa̱ygyamóty.
23645	MAT 13:37	Ta ja Jesús ꞌyanma̱a̱yʉdʉ: —Diꞌibʉ wyijpy ja oybyʉ triigʉ tʉʉmt, yʉꞌʉ dʉꞌʉn ja Naxwíñʉdʉ Ja̱ꞌa̱yʉdyʉ Kyudʉnaabyʉ,
23659	MAT 13:51	Net ja Jesús dyajtʉʉdʉ: —¿Mjaygyujkʉdʉp miidsʉty tʉgekyʉ tya̱a̱dʉ? Ta jaꞌajʉty ꞌyadsoodʉ: —Njaygyujkʉdʉpts Windsʉ́n.
23660	MAT 13:52	Es ja Jesús ꞌyakꞌanma̱a̱yʉdʉ: —Nidʉgekyʉ ja diꞌibʉty tsa̱jptʉgóty yaꞌʉxpʉjktʉp diꞌibʉts tʉ xyñimindʉ éxtʉmdsʉ nꞌʉxpʉjkpʉ esʉts ndukniꞌíxʉt ja tsa̱jpótmʉdʉ kutujkʉn, yʉꞌʉ dʉꞌʉn éxtʉmʉ kudʉjk diꞌibʉ jyuꞌtypy ma̱ tʉ tpʉjkeꞌeky ja oyatypyʉ jembyʉ esʉ diꞌibʉ tʉʉyʉp.
23665	MAT 13:57	Pa̱a̱ty kyaj tjatunandʉ kwentʉ. Esʉ Jesús ꞌyanma̱a̱yʉdʉ: —Nidʉgekyʉ ja ja̱ꞌa̱y twindsʉꞌʉgʉdʉ ja Diosʉ kyuga̱jxpʉ, jamyʉ kyaj yajwindsʉꞌʉgʉ ma̱ ñax kya̱jpn es ma̱ kyʉꞌʉmdʉjk.
23668	MAT 14:2	Ta tꞌanma̱a̱ydyʉ diꞌibʉ naty jap mʉʉt: —Taadʉ yʉꞌʉ ja Fwank Yajnʉbajtpʉ. Tʉ jyikypyeky ma̱ tʉ ꞌyeeky, pa̱a̱ty tmʉdaty ja mʉkꞌa̱jtʉn es ttuñʉ tya̱dʉ mʉjꞌa̱jtʉn.
23670	MAT 14:4	Tʉ natyʉ Fwank tꞌokꞌanmaapy ja Eroodʉs: —Kyaj ñigutíkyʉty es xymyʉdátʉt éxtʉmʉ mnʉdoꞌoxyʉn.
23674	MAT 14:8	Net ja kiixy oj wyinma̱ꞌa̱ñ myoꞌoyʉty jawyiin ja tya̱a̱k. Ta tꞌanma̱a̱y ja Eroodʉs: —Meegyʉts palanganoty yʉ Fwank Yajnʉbajtpʉ kyʉba̱jk.
23681	MAT 14:15	Es ko tsyuꞌujʉnʉ, ta ja Jesusʉ ꞌyʉxpʉjkpʉty ñimiinʉdʉ es ꞌyanma̱a̱yʉdʉ: —Tʉ tsyuꞌunʉ, es ni pʉ́n ya̱a̱ kyatsʉʉnʉ ma̱ tya̱dʉ it. Waꞌan tnʉjxnʉdʉ tya̱dʉ ja̱ꞌa̱yʉty, es nʉjx tjuydyʉ kyaꞌay ꞌyukʉn ma̱ wingombʉ ka̱jpn.
23682	MAT 14:16	Jesús tꞌanma̱a̱y: —Oy kyanʉjxtʉt. Moꞌoydyʉ miidsʉ kyaꞌay ꞌyukʉn.
23683	MAT 14:17	Ta jaꞌajʉty ꞌyadsoodʉ: —Kyajts ti may nmʉdattʉ, jeꞌeyʉ mʉgoxkʉ tsa̱jkaagyuꞌunk es majtskʉ a̱jkxuꞌunk.
23684	MAT 14:18	Ta Jesús tꞌanma̱a̱ydyʉ: —Yajmíndʉ ya̱a̱.
23685	MAT 14:19	Ta tniꞌanaꞌamʉ es ja ja̱ꞌa̱yʉty ñaxwaatstʉt mʉʉyóty. Net tkoneꞌky ja mʉgoxkpʉ tsa̱jkaagyuꞌunk es ja majtskpʉ a̱jkxuꞌunk, es pyatꞌijxy tsa̱jpótm. Ta jyʉnáñ: —Nja̱ꞌa̱ygyʉdákypyʉts mij Tatituꞌunk. Ta ttujkwaꞌxy ja tsa̱jkaaky es tmooydyʉ ja ꞌyʉxpʉjkpʉty, es jaꞌajʉty dyajwa̱ꞌxtʉ ma̱ ja mayjyaꞌayʉn.
23695	MAT 14:29	Esʉ Jesús ꞌyanma̱a̱yʉ: —Pes min. Ta ja Peedrʉ ttukjʉnajky ja barkʉ es ñejxy yeꞌepy nʉʉ wingʉjxy jadsoo ma̱ natyʉ Jesús.
23712	MAT 15:10	Es ta ja ja̱ꞌa̱y dyáxʉdʉ es tꞌanma̱a̱ydyʉ: —Mʉdowdʉ es jaygyúkʉdʉ.
23715	MAT 15:13	Es ja Jesús ꞌyadsooy: —Oytyim diꞌibʉdyʉ kepy diꞌibʉts ja nDeedyʉts diꞌibʉ jam tsa̱jpótm kyaj tʉ tkojy, yaꞌʉxwijxʉꞌkp ꞌya̱a̱dsóty.
23717	MAT 15:15	Ta yʉ Peedrʉ tꞌanma̱a̱y ja Jesús: —Tukjaygyujkʉdʉgʉts yʉ tya̱dʉ ijxpajtʉn.
23725	MAT 15:23	Esʉ Jesús kyaj ni wiꞌix kyaꞌꞌadsoojʉ. Net ja ꞌyʉxpʉjkpʉty ñimiinʉdʉ, es myʉnuꞌxtákʉdʉ: —Anʉʉmʉ tadʉ toxytyʉjk waꞌan tnejxy, jaꞌa ko yax jojkp xypyamiꞌinʉm.
23726	MAT 15:24	Jesús tꞌadsooy ja ꞌyʉxpʉjkpʉty: —Ja Diósʉts tʉ xykyexy jaayʉ ma̱ yʉ tʉgoybyʉ borreegʉty ma̱ yʉ naxwíñʉdʉ Israel.
23728	MAT 15:26	Esʉ Jesús ꞌyadsoojʉ: —Kyaj ꞌyóyʉty esʉ uꞌunk ʉna̱ꞌk nbʉjkʉm ja tsya̱jkaaky es nmoꞌoyʉm ja úkʉty.
23734	MAT 15:32	Net ja Jesús dyáxʉdʉ ja ꞌyʉxpʉjkpʉty, es tꞌanma̱a̱ydyʉ: —Nmʉda̱jtypyʉts ja paꞌꞌayoꞌon mʉdʉ tya̱dʉ ja̱ꞌa̱yʉty, mʉt ko tʉ ꞌyijnʉdʉ tʉgʉk xʉʉ ja ya̱a̱ mʉt ʉj es kyaj tmʉdattʉ ti ꞌyokjʉꞌx ꞌyokpʉ́ktʉp. Kyajts ngaxa̱ꞌa̱ñ ayuu ma̱ yʉ tyʉjkʉty, éxkʉm muum dʉꞌʉñʉ ꞌyokkʉda̱a̱nʉdʉ tuꞌa̱a̱y.
23743	MAT 16:2	Es ja Jesús ꞌyadsooy: —Ko tsyuꞌujʉ miits mjʉna̱ꞌa̱ndʉ: “Pojʉꞌʉga̱a̱mp bom. Ix tsaptsʉ tsa̱jp.”
23748	MAT 16:7	Net ja ꞌyʉxpʉjkpʉty ñayjyʉnánʉdʉ ak yʉꞌʉjʉty: —Jaꞌa dʉꞌʉn mʉt ko kyaj tʉ njamyajtsʉm nyajmiꞌinʉm ja tsa̱jkaaky.
23755	MAT 16:14	Ja ꞌyʉxpʉjkpʉty ꞌyadsoojʉdʉ: —Na̱a̱gʉty jyʉna̱ꞌa̱ndʉ ko mij mjaꞌajʉty ja Fwank Yajnʉbajtpʉ. Na̱a̱gʉty jyʉna̱ꞌa̱ndʉ ko mꞌEliiʉsʉty, es jʉnándʉp ja wiinkpʉty ko mijtsʉ dʉꞌʉn ja Jeremiiʉs o jatuꞌugʉ wiinkpʉ Diosʉ kyuga̱jxpʉ.
23756	MAT 16:15	Ta ja Jesús dyajtʉʉdʉ ja ꞌyʉxpʉjkpʉty: —Es miidsʉty, ¿wiꞌix mjʉna̱ꞌa̱ndʉ, pʉ́ndsʉ dʉn ʉj?
23757	MAT 16:16	Netʉ Simonk Peedrʉ ꞌyanma̱a̱yʉ: —Mijtsʉ dʉꞌʉn ja Kristʉ, ja Diosʉ ꞌyUꞌunk.
23758	MAT 16:17	Net ja Jesús ꞌyadsooy: —Kuniꞌxy mij, Simonk, Jonasʉ ꞌyuꞌunk, mʉt ko ni pʉ́n tʉ mgatukꞌíxyʉdyʉ tya̱a̱dʉ, yʉꞌʉyʉ dʉꞌʉnʉ nDeedyʉts diꞌibʉ ijtp tsa̱jpótm.
23765	MAT 16:24	Net ja Jesús tꞌanma̱a̱y ja ꞌyʉxpʉjkpʉty: —Pʉn jaats pʉ́n xypyanʉjxa̱ꞌa̱ñ, tsojkʉp tmastuꞌudʉt ja kyʉꞌʉm winma̱ꞌa̱ñ es jyikyꞌátʉt éxtʉm tuꞌugʉ ja̱ꞌa̱y diꞌibʉ pyagiipy ja kyruuz ko ꞌyoꞌkʉn tninejxy, esʉts xypyatsoonʉt.
23774	MAT 17:5	Ma̱a̱nʉmʉ naty ja Peedrʉ ꞌyakkajxy, tuꞌugʉ yoots jantsy tʉꞌxp ꞌyabijttʉ, es ma̱ ja yoots yajmʉdooy ko jyʉnaꞌañ: —Tya̱a̱dʉdsʉ dʉꞌʉn ja nꞌUꞌungʉts diꞌibʉts ʉj njantsytsyejpy es diꞌibʉts ʉj mʉʉt njotkujkʉ. ¡Mʉmʉdowdʉ yʉꞌʉ!
23780	MAT 17:11	Jesús ꞌyadsooy: —Tʉyꞌa̱jtʉnʉꞌʉ ko Eliiʉs miimp jawyiin es dyaꞌoyʉyaꞌañ tʉgekyʉ.
23789	MAT 17:20	Jesús oj ꞌyadsówʉdʉ: —Mʉt kooxyʉp miits xymyʉdattʉ waandiꞌknʉ yʉ mmʉbʉjkʉnʉty. Tʉyꞌa̱jtʉn nꞌanʉʉmʉdʉ kooxyʉp xymyʉdattʉ ja mʉbʉjkʉn, oy dʉꞌʉnʉn jeꞌeyʉ éxtʉmʉ mortás pa̱jk, mꞌanmaapxyʉp miidsʉty tya̱dʉ kopk: “Jʉgaꞌak ya̱a̱ es nʉjx wiink tsoo”, es jʉgákpxyʉp. Ni ti diꞌibʉ kyaj mꞌoꞌoyxyʉdʉt ko xymyʉdattʉ ja mʉbʉjkʉn.
23791	MAT 17:22	Ma̱a̱nʉmʉ naty ꞌyakjʉdittʉ tiꞌigyʉ ma̱ yʉ ñaxwíñʉdʉ Galileeʉ, Jesús tꞌanma̱a̱ydyʉ: —Yʉ Naxwíñʉdʉ Ja̱ꞌa̱yʉdyʉ Kyudʉnaabyʉ yajtukkʉdʉkʉyaꞌañ ja ja̱ꞌa̱yʉty diꞌibʉ kyaj kyupʉ́kʉdʉ,
23795	MAT 17:26	Peedrʉ ꞌyadsoojʉ: —Yʉ wiink ja̱ꞌa̱yʉty. Jesús ꞌyadsooy: —Pʉnʉ dʉꞌʉn, ja jyaꞌayʉty kyaj kyʉbety.
23799	MAT 18:3	es tꞌanma̱a̱ydyʉ: —Tʉyꞌa̱jtʉn nꞌanʉʉmʉdʉ, pʉn miidsʉty kyaj mdʉgatstʉ es mjʉmbítʉt éxtʉmʉ tya̱dʉ ʉna̱ꞌkuꞌunk, kyaj mdʉ́kʉt ma̱ ja tsa̱jpótmʉdʉ kutujkʉn.
23818	MAT 18:22	Jesús oj ꞌyadsóyʉty: —Kyajts njʉna̱ꞌa̱ñ ko extʉ jʉxtujk ok, jaꞌa dʉꞌʉn extʉ jʉxtujk ok tʉgʉꞌpx ma̱jkpʉ.
23831	MAT 18:35	Esʉ Jesús ꞌyakjʉnáñ: —Dʉꞌʉn nandʉꞌʉnʉts ja nDeedyʉts ttuna̱ꞌa̱ñ mʉt miidsʉty pʉn kyaj niduꞌuk niduꞌuk mnaymyaꞌxʉdʉ mʉt winʉ mjot.
23839	MAT 19:8	Jesús ꞌyanma̱a̱yʉdʉ: —Jaꞌa dʉꞌʉn mʉt ko jyuunʉdyʉ mjótʉty ja Moisés dyajkutijky es ja yedyʉjk tmastuꞌudʉt ja ñʉdoꞌoxy, per tim jayʉjp kyaj dyʉꞌʉnʉty.
23841	MAT 19:10	Net ja ꞌyʉxpʉjkpʉty ꞌyanma̱a̱yʉdʉ: —Pʉnʉ dʉꞌʉnʉ dʉꞌʉnʉ taadʉ, nik oy ko kyaj pʉ́n tyimpʉ́kʉt.
23842	MAT 19:11	Jesús jyʉnáñ: —Kyaj nidʉgekyʉ mba̱a̱t tkupʉ́kʉt yʉ ayuk, yʉꞌʉyʉ dʉꞌʉn mba̱a̱t diꞌibʉdyʉ Dios tʉ myoꞌoyʉty ja myadakʉn.
23849	MAT 19:18	Ta yajtʉʉjʉ ja mixy: —¿Diꞌibʉty? Jesús ꞌyanma̱a̱yʉ: —Katʉ myajja̱ꞌa̱yꞌeeky, katʉ xyajtʉgóy ja pʉjk úkʉnʉ wyindsʉꞌkʉn, katʉ mmeetsy, katʉ pʉ́n xywyinga̱jxpéty,
23851	MAT 19:20	Ta ja mixy jyʉnáñ: —Tʉgekyʉ tya̱a̱dʉ tʉts nguydyúñ extʉ tʉ ndimmutskꞌátyʉts. ¿Tits xyꞌaktʉgoyꞌa̱jtxʉp?
23852	MAT 19:21	Jesús ꞌyanma̱a̱yʉ: —Pʉn mꞌita̱a̱mp wa̱ꞌa̱ts, toꞌkta̱ꞌa̱y diꞌibʉ mmʉda̱jtypy es moꞌoy ja ayoobʉ ja̱ꞌa̱yʉty, es xymyʉdátʉt pʉjkeꞌeky ja mꞌoyꞌa̱jtʉnʉ tsa̱jpótmʉdʉ. Es net mjʉmbítʉt es xypyamínʉdʉts.
23854	MAT 19:23	Ta ja Jesús tꞌanma̱a̱ydyʉ ja ꞌyʉxpʉjkpʉty: —Tʉyꞌa̱jtʉn nꞌanʉʉmʉdʉ ko niꞌigʉ ñimʉja̱a̱ty es tuꞌugʉ mʉkja̱ꞌa̱y tyʉ́kʉt ma̱ ja tsa̱jpótmʉdʉ kutujkʉn.
23857	MAT 19:26	Jesús wyinꞌijxpajtʉdʉ es ꞌyanma̱a̱yʉdʉ: —Yʉ ja̱ꞌa̱yʉty kyaj mba̱a̱t ttuñʉ tya̱a̱dʉ, perʉ Dios mba̱a̱t ttuñ tʉgekyʉ.
23859	MAT 19:28	Netʉ Jesús ꞌyadsoojʉ: —Tʉyꞌa̱jtʉn nꞌanʉʉmʉdʉ ko ma̱ tadʉ tiempʉ ma̱ tʉgekyʉ ꞌyóyʉt jemy, ko yʉ Naxwíñʉdʉ Ja̱ꞌa̱yʉdyʉ Kyudʉnaabyʉ ꞌyuꞌuñʉt mʉt niꞌigʉ mʉjꞌa̱jtʉn ma̱ yajkutuka̱ꞌa̱ñ, miidsʉty éxtʉm xypyanʉjxtʉ mꞌuꞌuñʉdʉp nandʉꞌʉn ma̱ ma̱jmajtskʉ uñaaybyajn es xypyayoꞌoydyʉt ja nima̱jmajtskʉ ka̱jpnbʉ Israel ja̱ꞌa̱yʉty.
23877	MAT 20:16	Net ja Jesús tꞌanma̱a̱ydyʉ ja ꞌyʉxpʉjkpʉty: —Es dʉꞌʉn jyata̱ꞌa̱ñ diꞌibʉ ijtp ok, yʉꞌʉ dʉꞌʉn nʉjxʉp jawyiin; es diꞌibʉ dʉn jawyiin ijttʉp, yʉꞌʉ dʉn íttʉp ok. Jaꞌa ko may yajwowa̱ꞌa̱ndʉ, per waanʉ diꞌibʉ yajtukwijtstuꞌuda̱a̱mp.
23879	MAT 20:18	—Extʉm xyꞌixtʉ, tyam nbatʉjkʉm Jerusalén, ma̱ ʉj, ja Naxwíñʉdʉ Ja̱ꞌa̱yʉdyʉ Kyudʉnaabyʉ, nyajkʉyaka̱ꞌa̱ñʉts ma̱ ja teedywyindsʉ́nʉty es ja diꞌibʉty tsa̱jptʉgóty yaꞌʉxpʉjktʉp, es xytyuknika̱jxpata̱ꞌa̱ndʉts ja oꞌkʉn
23882	MAT 20:21	Ta ja Jesús yajtʉʉjʉ: —¿Tii dʉn mdsejpy? Ta jaꞌa ꞌyadsooy: —Tya̱a̱ts majtskʉ nꞌuꞌunk. Tunʉ mayꞌa̱jtʉn es xyaꞌuꞌuñʉt tuꞌuk aga̱ꞌa̱ñdsyoo es jatuꞌuk ana̱jñdsyoo ma̱ mij myajkutúkʉt.
23883	MAT 20:22	Jesús tꞌadsoodʉ ja tukkaꞌaxpʉ ʉxpʉjkpʉty: —Kyaj xyñijáwʉdʉ diꞌibʉ mꞌamdoodʉp. ¿Mba̱a̱t miits xyꞌuuktʉ ma̱ ja kálʉz ma̱ts ʉj nꞌuuga̱ꞌa̱ñ? Ta jaꞌajʉty ꞌyadsoodʉ: —Ti ko kʉdii, mba̱a̱t.
23884	MAT 20:23	Netʉ Jesús ꞌyadsoojʉdʉ: —Tʉyꞌa̱jtʉn ko miits mꞌuuktʉp ma̱ts ja ngálʉz, per kyajts ʉj xypyaaty esʉts njʉna̱ꞌa̱nʉt pʉ́nʉty uꞌuñʉp ma̱ts nꞌaga̱ꞌa̱ñdsyoo es ma̱ts nꞌana̱jñdsyoo. Taadʉ yʉꞌʉ dʉꞌʉn íttʉp diꞌibʉts ja nDeety tʉ ttuknibʉjta̱a̱gʉ.
23886	MAT 20:25	Esʉ Jesús dyajnaymyujkʉdʉ, es tꞌanma̱a̱ydyʉ: —Miits mnija̱ꞌa̱dʉp ko yʉ diꞌibʉ yʉ naxwíñʉdʉ ñiwindsʉnꞌa̱jtypy es diꞌibʉ ꞌyaneꞌempy yʉꞌʉjʉty, tyuktiimpy diꞌibʉ yʉꞌʉ kʉꞌʉm tsyejpy.
23897	MAT 21:2	es tꞌanma̱a̱y: —Nʉjx ma̱ yʉ mutsk ka̱jpnuꞌunk diꞌibʉ yajwinguꞌijxʉp, es jap xypya̱a̱dʉt kuwʉʉñ tuꞌugʉ burrʉ toꞌoxy mʉdʉ ꞌyuꞌunk diꞌibʉ ni pʉ́nnʉm tkatukꞌuꞌuñʉ, es mʉgajʉ es xyajmínʉt.
23906	MAT 21:11	Ja ja̱ꞌa̱yʉty jyʉna̱ꞌa̱ndʉ: —Yʉꞌʉ dʉꞌʉn ja Diosʉ kyuga̱jxpʉ, Jesús diꞌibʉ kuga̱jpn Nazaret, Galileeʉ ña̱a̱xóty.