23216	MAT 1:3	Yud nitun Peles son Selak. Ines Temal. Peles natun Eslon. Eslon natun Alam.
23217	MAT 1:4	Alam natun Amminadab. Amminadab natun Na̱son. Na̱son natun Salmon.
23218	MAT 1:5	Salmon natun Bowas. Bowas inan yagan Leyab. Bowas natun Obed. Obed inan yagan Lut. Obed natun Desiy.
23219	MAT 1:6	Desiy natun Deibid, mtowen king. Deibid natun Solomon. Solomon inan mtowen Uliyak nakwav. Deibid bo ikow vin mana̱wen.
23220	MAT 1:7	Solomon natun Lekoboum. Lekoboum natun Ebiy. Ebiy natun Esap.
23225	MAT 1:12	Ineis Babilon ikous, Yekonay natun Salatiyel. Salatiyel natun Delububel.
23227	MAT 1:14	Esol natun Sa̱dok. Sa̱dok natun Ekim. Ekim natun Eliyud.
23268	MAT 3:7	Ikin tasiyas Palisiy sisiyas tasiyas Sadusiy imimeis va̱gan bibapta̱yses, mo ika̱nes, ilana, “Mwatet yakamiy, adok teitan tan niguyeimiy mapuna kuwenes Yowbad, amipwa̱yat igaw mo bikatimop amisinap kalbaleb. Adok nag kupiyaves amisinap kalbaleb. Kwatimlakeigs miwotet bwein va̱gan bakin amisinap kweivaw nukukwawes, bwanabwein. Awoum kuninuways, kulansa, ‘Yakamey bwein, peinan Ebelam delen yakamey.’ Nag gog, Yowbad kadilok dakul tasiyas bivag mo bimlavags Ebelam delen. Ebelem delen mamagina kay. Tut kadilakus mo beiteiy kay kasiyas. Kukin amata kay nag beivag anagin mo beiteiy, bilev bein wa̱kov.”
23279	MAT 4:1	Yowbad Kululuwan mo itok Yeisuw, inow wanawoud, va̱gan Seitan biyakwen.
23283	MAT 4:5	Ikous sinap towen, Seitan mo itok Yeisuw inow Yelusalem waseg, itamnow Yowbad nabunatum wakunuwatan, idibek, ilana, “Magat ya̱koum Yowbad Natun yak, kwaspepel kun watinow. Nag aveiyag bivag, peinan livan nises Bukitab waseg mamagina: ‘Bo bisek nataka̱yobs siwotet va̱gan bimtakavateims, binupeims yak; mata ge dakul iweiy kakeim.’”
23286	MAT 4:8	Sivtounun mo itok Yeisuw, inow koy singay avakaein, ikatimlek vena babaw ikous, ikin vena babaw bwana̱bweins.
23287	MAT 4:9	Yeisuw ikin ikous, Seitan mo idibek ilana, “Kukulul wamatag mo basekeim vena babaw, wunsiyas ven mukwaleiwag ya̱koum.”
23288	MAT 4:10	Yeisuw mo ikan Seitan, ilana, “Kusineikik. Bukitab waseg kweitan livan nises mamagina: ‘DaGuyaws Yowbad bukukulul wamatan; Towen anmwa̱net bukutapwa̱loul waseg.’”
23289	MAT 4:11	Seitan mo ilisow Yeisuw, inoun. Yowbad nataka̱yobs mo imeis, ilabes Yeisuw.
23291	MAT 4:13	In Nasalet, ilisow, in Kapaneyum mo isin. Ven towen wakawalaw, kweiboug tasiyas Seblon son Naptal siven.
23292	MAT 4:14	Palopit kweiboug Isaya nilivnek mamagina: “Seblon son Naptal siven, palata-dadan Yoldan, yol niweiw, ven towen Galiliy nimeim; tasiyas igaw dadub misikes. Kweiboug dadub, kamnat avakaein mo ikines. Kweiboug ven kanig-nen misikes, kamnat mo isap wasigeis.” Kweiboug palopit nilivnek, tut towen bo ikamat.
23296	MAT 4:18	Ivayal yevagam towen yagan Galiliy, ikin taw teitan son bwadan iplapouls, mtowen Saymon, kweitan yagan Pita, bwadan Andiluw, peinan siwotet poul-wan.
23299	MAT 4:21	Inounas, ineis mo ikines tawaw asteiy, Sebidiy nitun, Yemes son bwadan Yon, tasiyas sisiy times wa̱wag iymiyeims siwot. Yeisuw idawes, mo ilisawes wag towen, ilisawes times, mo ikikuns Yeisuw waseg.
23302	MAT 4:24	Tasiyas min-Siliy mo iliganes butun Yeisuw, imeyes takatouns, askatoun kweitan kweitan, ivag mo ibweins, tasiyas igidaged wous, tasiyas bwagaw neiweiys, takabalamats, tayda̱gwegs, ivag mo ibweins asibabaw.
23340	MAT 5:37	Kukin bukutam, misinaka kulivan, kulana, ‘E!’; o kukin bukupiyev misinaka kulivan, kulana, ‘Nag.’ Peinan tabudabod babaw meinoy neim Seitan waseg.
23341	MAT 5:38	“Kukwakins tammwayas sikaleiwag mamagina: ‘Soum matan nukuweiy inalug matam yak beiweiy. Soum kudun nukwatimoun, inalug kudum bikatimoun.’
23352	MAT 6:1	“Kukin bukumulouls wasigeis tasiyas tasimavs, awoum gamag babaw bikakins, mo bilansa, ‘Singay tasiwa̱youbs tasiyas’; awoum! Magat amisinap ma̱wan, ta-kweitan maysamiy bukuba̱nes waseg Tamads, walba̱lab nises.
23378	MAT 6:27	“Nag kavel ya̱koum bukuninuway mutawtoun waseg va̱gan ambweilim bibabaw; nag. Aveiyag wawun kuninuwes amikweim? Kukines la̱lan moloubaw nitatos, na-iwotets, na-iba̱lals, nag; tage askakin singaya bwanabwein. Mounid adibakeimiy kay kasiyas la̱lan ikalisow Solomon antubub.
23460	MAT 9:12	Yeisuw iligen asilivan, ilana, “Misinaka takatouns sivines doket, toubweins nag. Kadiloka kukwakins silawun Yowbad anilivan mamagina: ‘Sivinag siwa̱youb; makava lun apiyev.’ Yey nam silma̱nin takalbalebs, awoum badawes tasiyas toubweins.”
23480	MAT 9:32	Yeisuw siney navamul inounas ineis, gamag mwasanin mo imeyes taw teitan takakon, bwagaw neiweiy anilivan wadadan. Bwagaw towen Yeisuw ikayeb mo ikilev, gamag towen mo ilivan bwein. Gamag babaw ikines, bo isom ninous, ilansa, “Sinap kweitan-wan. Kweiboug nag takines wadavanuys, min-Yisleil ya̱kids, peinan kweivaw sinap towen, tawtoun.”
23482	MAT 9:34	Tasiyas gog Palisiy, ilansa, “Natawtoun, peinan Seitan ileb, Seitan siyas bwagaw sitovek. Seitan ileb mo ikayabes bwagaw.”
23488	MAT 10:2	Tasiyas sinawatan teiy takaweins liva̱nen Yeisuw yiges mamagina: Saymon, yagan kwayuwein Pita; Saymon bwadan Andiluw; Yemes, mtowen Sebediy natun; Yemes bwadan Yon; Pilip son Batolomiw; Tomas son Matiw, mtowen takawein ta̱kis; Yemes, mtowen Alpiyow natun, son Tadiw; kweitan gum-Kenan yagan Saymon, son Yudas Iskaliyot, mtowen tasikodein Yeisuw.
23491	MAT 10:5	Tasiyas sinawatan teiy Yeisuw ikayabes silma̱nin nawotet; iguyes, ilana, “Misinaka kunekes sidayas min-Yisleil, mtasiyas ikanka̱nigs peinan ilassulis ked. Awoun kunekes tobwag ven gimgilis tasiyas ages kweitan; awoum bukuneis ven Samaliy waseg; awoum.
23501	MAT 10:15	“Kweiboug Yowbad iweiys min-Sodom, min-Gomol peinan asisinap kalbaleb; tage wunsiyas ven ipiyaveimiy asisinap singay kalbaleb. Igaw tutan Yowbad bikatukin, kalamwey-nen beiweiys min-Sodom, min-Gomol, tage singaya-wan beiweiys wunsiyas ven nipiyaveimiy.
23512	MAT 10:26	“Awoum kuwenes gamag tasiyas. Sinap babaw gamag mwasanin nikawwumes, tage igaw gamag babaw mo bikines kamnat waseg, bikakins.
23513	MAT 10:27	“Sinap bo akatamwa̱lag boug waseg, nukuliganes, va̱gan bukugeiguys wavtakon ven, wuda̱yam waseg.
23549	MAT 11:21	“Kuva̱lams yakamiy Kolesin o yakamiy Beteseid. Magat kweiboug tasiyas Ta̱yil o tasiyas Sidon bikines mulin naman Yowbad ma̱wana gunawotet nukukines nagein, nuwanaw mo bisimounids, bipiyaves kid asisinap kalbaleb, sona koun sewed biva̱lams-wan peinan asisinap kalbaleb, mo bipiyaves. Yakamiy gog nag. Mounid adibakeimiy igaw tutan Yowbad bimop vena babaw asisinap, tasiyas bilivatus sikalbaleb kakit, yakamiy gog avakaein.
23551	MAT 11:23	“O yakamiy-vak Kapaneyum bukumwens kid wanakaew; nag gog, bukubus watinow, bukuneis wa̱Tum. Magat kweiboug tasiyas Sodom bikines mulin naman Yowbad, ma̱wana gunawotet nukukines, mo biva̱ges asisinap kweitan, Yowbad nag beiweiys tasiyas, bisesus ee... tut towen bisigagas. Mounid adibakeimiy igaw tutan Yowbad bimop vena babaw asisinap, tasiyas Sodom bilivatus sikalbaleb kakit, yakamiy gog avakaein.”
23560	MAT 12:2	Tasiyas Palisiy ikines, idibakes Yeisuw, ilansa, “Kukin muvamul, nag igoulus Sa̱bat.”
23563	MAT 12:5	“O adok nag kuvinis Moses nakaleiwag, peinan Sa̱bat waseg tasiyas tanuwgwes lun iwotets lun, Yowbad wanbunatum, tage nag ivag asisinap kalbaleb.
23566	MAT 12:8	“Peinan Gimgilitoun yey, Sa̱bat tanuwagan yey.”
23568	MAT 12:10	Sinagog wanuwan teitan nises, naman ipam. Tasiyas sivines biyateles Yeisuw, ikatiga̱nes, ilansa, “Tab kadilok bitavag takatouns beibweins, Sa̱bat waseg?”
23569	MAT 12:11	Iwa̱ge Yeisuw ilana, “Adok nag teitan yakamiy a̱len sip bikalivatow bein wa̱leg Sa̱bat waseg, bilivan, bilana, ‘Deisa bisiw, peinan Sa̱bat.’ Adok nag. Adok biyous, bikatinob, ne? E, gamag singay imgwayes wasigeis aleimiyas. Mapun bweina bitaleb sod Sabat waseg.”
23572	MAT 12:14	Siyas Palisiy bo igeg ninous, isaps, illivans sisiyas, sivines kid biyagages mtowen Yeisuw.
23575	MAT 12:17	Mo ikamat Yowbad anilivan palopit towen Isaya nilivnek mamagina: ‘Kukines guntouwat, bo adouw silma̱nin gunawotet. Singay ikalin nuwag mtowen. Basek kululuwag, mo bisek nakaleiwag didumwal, ven babaw wasigeis.
23582	MAT 12:24	Siyas gog Palisiy iliganes, mo ivtokes livan, ilansa, “Siyas baloum sitovek Seitan mtowen ileb Yeisuw, mo ikayabes baloum.”
23584	MAT 12:26	“Mapuna kuninuways Seitan inabod, kukin Seitan bilabeig mo bakayeb Seitan natouwat tasiyas baloum, mogo Seitan inabod bilivis, bo beikous nakaleiwag tonen. Tage nag.
23585	MAT 12:27	“O kuvtokeigs livan, kulansa, ‘Seitan ileb mo ikayabes baloum,’ o kal ilabes mivamul mo ikayabes baloum? Kuninuways asisinap tasiyas mo bukukwakins bo ibol amilivan.
23600	MAT 12:42	“Igaw tutan Yowbad biya̱tal wasigeis gamag babaw, mo kwin mana̱wen kweiboug inaven wa̱yals mo bilivan va̱gan bukukwakins amisinap kalbaleb, gudwouvaws yakamiy. Peinan mana̱wen kwin inoun in singay kadiveiyov va̱gan biligen Solomon ansinap; tage sinap towen nagein nukuliganes ikalsow Solomon ansinap waseg.
23642	MAT 13:34	Sinap tasiyas babaw Yeisuw isekes nakabebay waseg; nag kweitan livan kamnat isekes gamag babaw, nag. Tut towen waseg bo ikamat palopit anilivan towen nilivnek mamagina: ‘Gunakabebay balivan; magina baka̱mat sinap misikena kweiboug nikawum.’
23647	MAT 13:39	“Mtowen takammeiliw nisop awuyow, mtowen Seitan; tutan ta̱yoy, nakabiyokous tut; tatayaweins kan tasiyas Yowbad nataka̱yob.
23655	MAT 13:47	“Sivtounun bakabebay mo bukukwakins Yowbad nakaleiwag; peinan ma̱wana wot ilaves wa̱yol, ikwanes in kweitan magin kweitan magin. Bo ika̱lawt wot; ibiteilis, in wanakaew, mo bikatukins, in bwana̱bweins bidagis bein wanuwan abmavin, siyas gog kalba̱lebs, yegay, ikawes, ilaves.
23663	MAT 13:55	“Adok tawtelein amweilok natun towen; inan Meliy nises; budan nisesus, tasiyas Yemes, Yosep, Saymon, Yudas; o nunet asibabaw nisesus. Ansinap avanuy meinoy neim?”
23721	MAT 15:19	“Gamag nanon waseg sinap kalbaleb, katumat gamag, subwan, kaylas, veinaw, yaweid, yagay. Sinap siyas gamag wananon bisap mo biyageg gamag towen. Tage nag biwid naman mo beikam, sinap towen nag biyageg gamag, nag.”
23723	MAT 15:21	Yeisuw ilisow ven towen, inoun in walasin ven Ta̱yil o Sidon.
23732	MAT 15:30	Singay babaw gamag inekes sisiyas takatouns babaw, takagayals, toukwaws, tasiyas ipam kikeis o nimes, o takakons. Takatounsa babaw inawes isewas wamatan Yeisuw, ivag mo ibweins.
23742	MAT 16:1	Wankuyeim siyas Palisiy sisiyas tasiyas Sadusiy inekes Yeisuw iyakwanes, ilansa, “Kwamtilakem mulin naman Yowbad, bakakin.”
23747	MAT 16:6	Yeisuw idibakes, ilana, “Kumtakavateimiy. Kadiloka kupiyaves tasiyas Palisiy asiyist, o tasiyas Sadusiy asiyist.”
23749	MAT 16:8	Yeisuw go ikakina ninous, ilana, “Adok nag kunmiseigs va̱gan kan basekeimiy bukukwams. Mata kudokes silawun agulivan bled tatonen peinan kunumlaves, nag. Adok nag kunuwes kweinim tawsan tawaw neikams bled kweinim waseg mo kusiyavis kaynad babaw, o nag kunuwes kweivas tawsan tawaw neikams bled kweinim kweiy mo kusiyavis gamwat babaw. Silawun agulivan nag bled tonen. Aveiyag wawun nag kukwakins? Vayuwein badibakeimiy, ‘Kadiloka kupiyaves tasiyas Palisiy asiyist, o tasiyas Sadusiy asiyist.’”
23753	MAT 16:12	Mo ikakins anilivan nag liva̱nen yist tatonen, silawun gog tasiyas Palisiy o Sadusiy sikatimlakay, kadiloka bipiyaves.
23754	MAT 16:13	Yeisuw inoun in walasin ven yagan Sisa̱liy Pilipay, ikatiga̱nes navamul, ilana, “Gimgilitoun yey, gamag mwasanin idokes kavel yey?”
23757	MAT 16:16	Saymon Pita ikatimop, ilana, “Ya̱koum Mesay ya̱koum, Tamwamov Yowbad Natun ya̱koum.”
23758	MAT 16:17	Yeisuw ilana, “Tammwa̱saw ya̱koum Saymon, Youna natun ya̱koum; bo nukuwtusig, nag ven watinow gimgilis ikatimlakeims, nag; tage Tamag walba̱lab nikatimlakeim. O yey mo balivan badibakeim:
23764	MAT 16:23	Iw to Yeisuw, idibek Pita, ilana, “Kusineikik ya̱koum Seitan. Awoum kusilbwadeig. Amsinap towen meinoy neim gamag sikanuway waseg; Yowbad ansinap kweitan.”
23794	MAT 17:25	Pita itam, ilana, “Oo!” Pita iyum in wasibunatum. Iw to Yeisuw, ilana, “Saymon, wananoum yak, takaleiwags ven watinow nitsiyas bipa̱yins wasigeis timsiyas? o tobwag gamag bipa̱yins adok?”
23825	MAT 18:29	“Son mo igilagel, ilana, ‘Binok nuwam yey, igaw mo bamop gunakawlavag babaw, beikous.’
23828	MAT 18:32	“Sitovek idouw mtowen beim. Im, natovek ilivan, ‘Singay takalbaleb ya̱koum. Nukugilagel to nawid mukwawlavag meivek-wan. Inok nuwag yak, tage nag inok nuwam soum. Bo igak!’
23833	MAT 19:2	Singay babaw gamag ikatukuns waseg; inekes Yeisuw, ven towen nises, takatouns iva̱ges mo ibweins.
23854	MAT 19:23	Yeisuw mo idibakes navamuls, “Singay keikay guyawaw sikabeisiw wanuwan Yowbad nakabkaleiwag.
23871	MAT 20:10	“Siyas gog ga̱boug nisilamaws, idokes kid avakaein mayses bikawes. Nag gog, katanok kina. Meiveka gamag mayses bo katanok kina.
23874	MAT 20:13	“Tamwey ikatimop aygan teitan, ilana, ‘Gwa, nag ayagageim, nag. Ga̱boug agulivan bo kutams: Katanok yam katanok kina. Mukina towen-an kukow kunow. Sivinag basekes kweivaw gamag siyas ma̱wana yakamiy. Kadilok yey bakaleiwag gunavavag waseg. Awoum bimouvit dabam peinan agusinap bwein.’
23877	MAT 20:16	“Siyas nimugwas igaw bikuyeims, o tasiyas gog nikuyeims igaw bimugwas.”
23881	MAT 20:20	Iweis na̱wen Sebediy nakwav, siney nitun tawaw asteiy, mana̱wen ikulul wamatan Yeisuw, binitoug waseg.
23900	MAT 21:5	“Kudibakes Sayon vinay-nen, ‘Kukines miguyaw bo beiw, Imwen donkiy watapwan; magina tamma̱num mtowen neiw, Isin donkiy natun watapwan.’”
23940	MAT 21:45	Kabebay tasiyas iliganes siyas tanuwgwes lun situwa̱vek sisiyas tasiyas Palisiy, ikakinsa tatineis askabebay. Sivines kid biyousis Yeisuw. Ta-ma̱wan; iwenes gamags, peinan gamag babaw idokes Yeisuw palopit teitan.
23956	MAT 22:15	Siyas Palisiy iliganes, mo ineis, illivans sisiyas, idokes bikatiga̱nes kid mo beibol Yeisuw anilivan.
23957	MAT 22:16	Illivans ee... sinap kweitan mo iton. Ikous mo ikayabes sivamul mwasanin sisiyas Elod nagamag mwasanin, idibakes Yeisuw, ilansa, “Tamwey yak, kakakin amsinap mounid, kakakin Yowbad nakaleiwag kukwatimlakay mounid, o nag kugoulus guyawaw mwasanin, peinan gamag babaw wamatam bo katanok-wan. Wananoum ama̱wan? kadilokeids bitatams Sisal nata̱kis? o nag? bitapiyaves adok?”
23962	MAT 22:21	Ilansa, “Sisal.” Iw to Yeisuw, ilana, “Sisal navavag bweina kutams Sisal waseg, o Yowbad navavag bweina kutams Yowbad waseg.”
23964	MAT 22:23	Yam towen tasiyas Sadusiy mo inekes Yeisuw. Tasiyas Sadusiy asilivan ilansa, “Gamag nag beikits kanig waseg.” Mapun ikatiga̱nes Yeisuw ilansa, “Tamwey, Moses nakaleiwag mamagina, kukin kal bikanig, nakwav sam, tage natun nag, kadiloka bwadan beivays son nakwab, igaw mo bikop natun bimlavag tuwan natun.
23975	MAT 22:34	Tasiyas Palisiy iliganes Yeisuw nikatimop asilivan Sadusiy, nika̱pays, mo ikatuyouns tasiyas Palisiy, imeis. Palisiy teitan ikatigan Yeisuw, mtowen ya̱tal sinapun ikakin; ikatugan va̱gan kid biyakwen Yeisuw, ilana, “Dakaleiwags waseg, aw-kaleiwag imug?”
23991	MAT 23:4	“Sikaleiwag tasiyas mamagina kunamiy singay moumouvit nissekeimiy, tage nag kweitan koun kakit bikawes tatineis.
23992	MAT 23:5	“Siwotet iwteles va̱gan gamag babaw bikines mo bikavasis. Bukitab yageivein mwasanin iyawanis ikaygwagwes wawous va̱gan gamag bikines, o kweiman tapwa̱loul issikams va̱gan gamag babaw bikines.
23993	MAT 23:6	“Sivines kid bimgwayes gamag babaw, sagal waseg; o sivines abes wanakaew wanuwan sinagog.
24002	MAT 23:15	“Tayyaweids yakamiy takatimlakeins kaleiwag yakamiy, o yakamiy Palisiy, singay kalbaleb bukulivatus. Kuta̱vins vena babaw, ikous mo kukuks, bwanit kadiveiyov kudopels. Aveiyag wawun? gamag anmwa̱net mo bikow mitapwa̱loul bimlavag gum-Yudiy. Ikous, mo gamag towen kuva̱ges imlavag Seitan angamag, ma̱wana yakamiy, tage bo bilisaweimiy ansinap kalbaleb waseg.
24022	MAT 23:35	“Amisinap mapun mo bukulivatus son mapun asisinap tasiyas kweiboug neiweiys palopits. Ven watinow gimgilis yakamiy nukuweiys tasiyas tadidumwals, nukusilamaws waseg tadidumwal towen Eibel; mo nukuwaweiys tasiyas palopits oko Balakiy natun Sekaliy nukuweiys Yowbad wanbunatum, abeilun palatan, Yowbad nabunatum palakakit palatan.
24103	MAT 25:26	“Iw natovek, idibek, ilana, ‘Singay tougwey, guntouwat kalbaleb ya̱koum. Kukwakin-wan agusinap keikay, anagin gamag siwotet akokew ven babaw; kadilok-wan bukusen gunmoney wanuwan benk, bikatimweis bibabaw; ga ba̱yum bam mo bakow siyas gunmoney babaw.’
24107	MAT 25:30	“Sitovek mo ilana, ‘Kadiloka kukow guntouwat towen kalbaleb, kulev bein watoulan, dadub waseg. Tasiyas watoulan bivva̱lams-wan, singay bigeg ninous.’
24118	MAT 25:41	“Mo badibakes tasiyas wagunkimaw isesus, balana, ‘Kulisaweigs takalbalebs yakamiy, amisinap bo ikunakeimiy, kuneis kov towen nag beikous, Yowbad nikatineg silma̱nin Seitan siney siyas baloum.
24124	MAT 26:1	Iyakousis anilivan tasiyas, Yeisuw mo idibakes navamul, ilana, “Adok kukwakinsa akweiy yam mo Kaltuwon Sigeilin; teitan mo bisilkodeig, Gimgilitoun yey. Gamag mwasanin mo biyousigs bikatimateigs waklos.”
24127	MAT 26:4	Sivines kid biyousis Yeisuw bikatimates; illivans silma̱nin.
24129	MAT 26:6	Yeisuw nises Betaniy, Saymon wanbunatum, mtowen toulepel.
24140	MAT 26:17	Yam towen isilamaws anawik bikatunags silma̱nin Kaltuwon Sigeilin. Navamul Yeisuw inekes, ilansa, “Avanuy bakakatineg sagal towen va̱gan bukukwam?” Wik towen nag beikams bled son yist; bwaboum.
24141	MAT 26:18	Iw to Yeisuw, ilana, “Kunekes mtowen nises waven, kudibakes, kulansa, ‘Matovek ilivan, ilana: Tutag bo alivet, wambunatum baka̱kam Kaltuwon Sigeilin, sigwey gunavamul.’”
24145	MAT 26:22	Singay igeg ninous, katanok katanok mo idibakes, ilansa, “Tamwey, kal bisilkodeim? Yey? o nag? kavel?”
24159	MAT 26:36	Siney navamul mo ineis ven yagan Getsemaniy, idibakes, ilana, “Kusinis towen. Yey ban palatan anitoug Yowbad waseg.”
24160	MAT 26:37	Mo idawes tasiyas Pita siney Sebediy nitun asteiy, mo ivag asteivas, ineis isiwas; mo igeg nanon, won imouvit seikwan.
24165	MAT 26:42	Sivyuwein in initoug, ilana, “Tamag, adok nag kadilok bukwayus kwa̱vig towen, bweina ba̱moum. Aveiyag wananoum bo bavag ma̱wan.”
24167	MAT 26:44	Sivtounun ilisawes, initoug; anilivan ma̱wana nilivan mo initoug.
24174	MAT 26:51	Son Yeisuw teitan igut napulut wakaban nises, iweiy natouwat tanuwgwes lun sitovek, ibob teigan.