23236	MAT 1:23	“Nakubukwab igaw naptabod mo bikop natun kuda̱taw, yagan bidokes Ima̱nuwel.” Wawun yeg towen ‘Yowbad sod tasesus.’
23243	MAT 2:5	Ilansa, “WaBetelem, wawnuwan ven Yudiy; peinan palopit teitan nilel Yowbad anilivan mamagina:
23245	MAT 2:7	Wankuyeim Elod mo idawes bimeis tassinaps, tasiyas mwana nimeis; siney tasiyas illivans, ikatugan, ilana, “Wutun towen nukukines, avei-yam waseg neipel?”
23247	MAT 2:9	Iliganes aygan King towen, mo inounas ineis. Wutun towen, kweiboug nikines wanuvid, bo imgwayes in, iton wakunuwatan a̱pwaw nabunatum nimsikey-yay.
23250	MAT 2:12	Wankuyeim asmikon waseg Yowbad mo ikatimlakes awoum beiyum binekes Elod, mapuna iyums inoyes kadetan ked, ineis wasiven.
23251	MAT 2:13	Wankuyeim Yowbad nataka̱yob teitan mo inek Yosep, Yosep anmikon waseg, ilana, “Kutamanaw, kutokes gwad son inan, kusawls kuneis Yidipt, kusesus ee... tutan balivan mo kuyums. Peinan Elod binineiv gwad towen, biban kid bikatimet.”
23274	MAT 3:13	Wankuyeim Yeisuw mo ilisow Galiliy in Yoldan, inek Yon, va̱gan kid bibaptays.
23290	MAT 4:12	Wankuyeim kweitan tut gamag mwasanin mo inekes Yeisuw, ilansa, “Bo iyousis Yon inawes wa̱deil.” Yeisuw iligen mo inoun in Galiliy.
23373	MAT 6:22	“Woun kamnat-nen matad. Kukin matam inakaleiwag bwein, woum mo bikamnat.
23431	MAT 8:17	Wotet towen kweiboug palopit Isaya ilivnek mamagina: “Im ikow adkatouns, inow, ilavew tana̱ban, iva̱geids gog mo tabweins.”
23452	MAT 9:4	Tage Yeisuw ikakin ninous, mapuna idibakes, ilana, “Aveiyag wawun ninoumiy kalbaleb? Bweina balivan, balana, ‘Bawid amsinap kalbaleb beikous,’ o bweina balivan-vak balana, ‘Kutamanaw kunoun.’ Wotet akweiy gagab waseg yey.
23458	MAT 9:10	Wankuyeim ikamkwam wanbunatum, takalbalebs babaw imeis, tasiyas takaweins ta̱kis sisiyas takalbalebs mwasanin ikaypuls sisiy Yeisuw siney navamul.
23578	MAT 12:20	Kaytuk isasal, nag biwut bilev, nag. Wodam nakagidaged kalbaleb, nag bisuwmet, nag. Igaw nawotet waseg sinap didumwal mo biton.
23580	MAT 12:22	Wankuyeim itokes teitan gamag, baloum neiweiy, imeyes Yeisuw waseg, ankatoun mamagina ikaw matan, o wadon ikapet; ta-ma̱wan bikapwageg bilivan. Inekes Yeisuw, ivag mo ikilev, bo ibwein gamag towen, ikin, ilivan bwanabwein.
23596	MAT 12:38	Wankuyeim takatimlakeins kaleiwag mwasanin sisiy tasiyas Palisiy mwasanin idibakes Yeisuw, ilansa, “Tamwey, sivinem namam mulin bakakin, mo bakasimounid waseg yak.”
23618	MAT 13:10	Wankuyeim gog Yeisuw navamul inekes, ilansa, “Aveiyag silawun mukwabebay wasigeis tasiyas?”
23633	MAT 13:25	“Wankuyeim boug waseg, gamag babaw bo immasis, teitan nikamliw tagnibag im wanabag isop awuyow magin ma̱wana kan, tobwag gog. Mo iyum in.
23637	MAT 13:29	“Ilana, ‘Nag. Adok bukugutes mwasanin kan sona bukugutes sisiyas awuyow. Babaw bisesus, bimatuw kan, mo badibek tasiyas tatayaweins kan, balana: Wanmugwana awuyow kugutes kwatikunakus, kusinaves, kukwawes, kunawes, kugabus; ikous; mo kan kuta̱yoys, kwatikunakus kunawes wagunseigous.’”
23672	MAT 14:6	Wankuyeim isagal, peinan tutan inan nikop-yay, mtowen Elod ikamkwams siney nagamags. Elodiyas natun kuda̱vin isal wamtes tawaw tasiyas, Elod ikalin nuwan, idibek, ilana, “Aveiyag sivinam bo basekeim, tabudabod tamag.”
23734	MAT 15:32	Wankuyeim Yeisuw idawes navamul, inekes, ilana, “Inok nuwag gamag babaw asimoun, kweitoun yam sigwey tasiyas nitasesus, kaeis nag beikams. Adok awoum bakayabes sona asimoun, bo bisiwsawoul wous wa̱ked.”
23742	MAT 16:1	Wankuyeim siyas Palisiy sisiyas tasiyas Sadusiy inekes Yeisuw iyakwanes, ilansa, “Kwamtilakem mulin naman Yowbad, bakakin.”
23771	MAT 17:2	Wamtes ivag ankakin kweitan, magin ikamnat ma̱wana ka̱las mititeilin, anakweim ilapupwa̱kaw singay gimagim.
23839	MAT 19:8	Iw to Yeisuw, ilana, “Kweiboug nag kweitan ked va̱gan gamag bipiyev nakwav. Wankuyeim gamag siyas takakons, to Moses isekeimiy miked waseg bukupiyaves mikwavas.
23864	MAT 20:3	“Wankuyeim, ka̱las bo italga̱lag, in waven, iban gamag mwasanin isimavs. Ilana, ‘Kuneis, kuwotets gunabag. Igaw maysan mo basekeimiy.’ Mo itams, ineis. Wankuyeim, ya̱nay, iban gamag, ilivan ma̱wan, mo ineis, iwotets wanabag. Wankuyeim ka̱las itageg, iban gamag, ilivan ma̱wan, mo ineis.
23878	MAT 20:17	Ikous, mo inounas, bikatulags kid bineis Yelusalem. Wa̱ked Yeisuw idibakes tasiyas navamul, ilana, “Bo bitakatulags taneis Yelusalem, teitan gamag mo bisilkodeig Gimgilitoun yey, mo biyousigs tasiyas tanuwgwes lun situwa̱vek sisiyas takatimlakeins kaleiwag, biyateleigs va̱gan bikatimateigs, igaw mo bita̱meigs wasigeis tobwag ven gimgilis Yelusalem nisesus; tasiyas bisiba̱weigs, biwaweigs, bikatkaviteigs waklos. Yam kweitoun mo batamanaw vayuwein.”
23890	MAT 20:29	Wankuyeim wa̱ked ininounas, bo ilisawes Yelikow, singay babaw gamag ikatukuns Yeisuw waseg.
23914	MAT 21:19	Wa̱ked iban yaveinun kaytan, iwekey, anagin nag, yageiveina mav, ikawtun ilana, “Igaw nag kweitan anagim beivag waseg yak.” Nuwanaw mo ikaleyag, imat.
23923	MAT 21:28	Yeisuw ikabebay, ilana, “Waninoumiy ama̱wan? Tamwey teitan nitun tawaw asteiy. Mo inek kunutaw ilana, ‘Nagein kun gunabag kuwotet.’
23924	MAT 21:29	“Kunutaw ipiyev. Wankuyeim mo ikanavin nanon; inoun in iwotet.
23931	MAT 21:36	“Wankuyeim tamwey towen ikayabes natouwat kalamwey babaw, mo iyagages tasiyas.
23937	MAT 21:42	Yeisuw ilana, “Adok nag kuvinis Bukitab liva̱neig, mamagina: ‘Wululay towen tawteleins bunatum nipiyaves, Tage bo imlavag anmwamwan bunatum. DaGuyaws nawotet towen, bo isom nanouds.’”
23939	MAT 21:44	“Kukin kal bipiyaveig mo kalbaleb bilivet, mamagina bikalivatow wakunuwatan wululay towen mo bigulek won, o kukin gog wululay towen bikalivatow beiweiy gamag teitan mo bikatimimey. Wululay towen yey.”
23945	MAT 22:4	“Wankuyeim ikayabes natouwat mwasanin, idawes tasiyas ilansa, ‘Datoveks bo ikatineg kan ikous, bulumakaw kawka̱veks bo iweiys ikous, bulumakaw bulwaway, askeitub igegayous, bo iweiys ikous, youd babaw bo ikatinages ikous. Kumeis sagal towen, peinan tamwey natun bo beivay.’
23957	MAT 22:16	Illivans ee... sinap kweitan mo iton. Ikous mo ikayabes sivamul mwasanin sisiyas Elod nagamag mwasanin, idibakes Yeisuw, ilansa, “Tamwey yak, kakakin amsinap mounid, kakakin Yowbad nakaleiwag kukwatimlakay mounid, o nag kugoulus guyawaw mwasanin, peinan gamag babaw wamatam bo katanok-wan. Wananoum ama̱wan? kadilokeids bitatams Sisal nata̱kis? o nag? bitapiyaves adok?”
23982	MAT 22:41	Tasiyas Palisiy ikatuyouns nimeis, Yeisuw mo ikatiga̱nes, ilana, “Waninoumiy Mesay ama̱wan? kavel tabun?” Iweis tasiyas, ilansa, “Deibid tabun.”
23987	MAT 22:46	Bo ika̱pays tasiyas. Ta-kal bikatimop aygan. Bo iyakous sikatugan waseg Yeisuw. Wankuyeim mo igoulus; nag teitan ikatugan waseg, nag.
24083	MAT 25:6	“Watapwan boug, teitan iwak, ilana, ‘Taveivay bo neim; kumeis tanekes.’
24088	MAT 25:11	“Wankuyeim sisiyas mo iyum imeis, itamanaws watoulan bwan, ilansa, ‘Maguyaw yak, kwaliyow koukwed pinem yakamey.’
24139	MAT 26:16	Wankuyeim Yudas inineiv amata-ked bwein waseg mo bisilkod Yeisuw.
24140	MAT 26:17	Yam towen isilamaws anawik bikatunags silma̱nin Kaltuwon Sigeilin. Navamul Yeisuw inekes, ilansa, “Avanuy bakakatineg sagal towen va̱gan bukukwam?” Wik towen nag beikams bled son yist; bwaboum.
24161	MAT 26:38	Idibakes, “Woug moumouvit ma̱wana dakul, kakita bakanig adok. Bweina kusesus towen kula̱lals, kulabeigs nitoug waseg.”
24183	MAT 26:60	Babaw iyaweids, Yeisuw silma̱nin, tage nag iba̱nes silawun ya̱tal, nag. Wankuyeim asteiy mo imeis, ilansa, “Taw towen ilivan, ‘Kadilokeig bagulek Yowbad nabunatum, yam kweitoun mo bawlulavaw bayakous.’”
24230	MAT 27:32	Isekes Yeisuw anklos kaytan beikew, inounas. Wa̱ked mo ilivatus gum-Saylin yagan Saymon, ilansa, “Kukow anklos taw towen.”
24298	MRK 1:14	Wankuyeim mo iyousis Yon inawes wa̱deil, Yeisuw mo iyum im waGaliliy, Yowbad liva̱nen bwanabwein waseg igeiguy mamagin, ilana. “Yowbad nakaleiwag bo bisap tut towen waseg. Kadiloka kulavewas amisinap kalbaleb, kusimounids livan bwanabwein waseg.”
24339	MRK 2:10	“Wotet akweiy gagab waseg yey. Kadiloka bukukwakins Gimgilitoun yey, o gunakaleiwag nises ven watinow va̱gan bawid gamag asisinap kalbaleb, mapuna adibakeim takatoun yak, ‘Kutamanaw, kukow a̱bam, kunoun kun wamven.’”
24344	MRK 2:15	Wankuyeim isinis beikams Livay wanbunatum, siney navamul sisiyas takalbalebs tasiyas takaweins ta̱kis mwasanin, sisiyas takalbalebs mwasanin. Gamag tasiyas babaw bo ibukunis Yeisuw.
24352	MRK 2:23	Wankuyeim, yam Sa̱bat waseg, ikanapels wa̱bag, siney nava̱mul. Inounas, navamul ilapes anagin wit, beikams.
24356	MRK 2:27	Wankuyeim Yeisuw idibakes, ilana, “Sa̱bat pines gamags, nag gamag peinan Sa̱bat, nag. Kadiloka bukukwakins Gimgilitoun yey tanuwagan Sa̱bat yey.”
24364	MRK 3:7	Wankuyeim Yeisuw siney navamul inounas bineis kid wayvagam; singay babaw gamag ikabkunis, min-Galiliy, min-Yudiy, min-Yelusalem, min-Idumiy, sisiyas tasiyas misikes Yoldan wanpalatan o walasin ven wunsiyas Ta̱yil son Sidon, singay babaw gamag niliganes butun nawotet Yeisuw, mo inekes.
24370	MRK 3:13	Wankuyeim ikatulag in wa̱koy, kalisiy tasiyas itimek nanon ikatigikes, mo idawes inekes.
24382	MRK 3:25	“Wanbunatum-vak, kukin bilivis bimlavag bod kweitan kweitan, mo beikous nabunatum gimgilis.
24402	MRK 4:10	Wankuyeim gamag babaw ilisawes Yeisuw, asteiyuy sisiy nisesus, mo ikatiga̱nes Yeisuw sisiyas inavamul sinawatan teiy; sivines bikakins nakabebay silawun.
24413	MRK 4:21	Wankuyeim mo ikabebay, idibakes, ilana, “Nag teitan bikow nalamp bikatgubwel loutan wakunuwatan; nag bisen keb waskawan, nag. Tage dalamp bitasen wateibol.
24418	MRK 4:26	Wankuyeim ilivan, ilana, “Yowbad nakaleiwag ama̱wan? Adok ma̱wan gamag teitan ilivelov kaytul ininein wa̱bag, iyum in, ises, ee... yam mwasanin ikous, kaytul mo isob, ivakaein; tage nag ikakin silawun.
24422	MRK 4:30	Wankuyeim ilivan, ilana, “Kweitan kabebay ma̱wan towen kuliganes va̱gan bukukwakins Yowbad nakaleiwag. Adok ma̱wana tipol kaytul-nen, bitasop singay kakit, tage beisob mo bimlavag kay avakaein, yayagen kawka̱veks; man biyoyows bimimeis biwlules sibwan wayayagein.”
24426	MRK 4:34	Nag anilivan didumwal isekes, nag; kabebay-wan. Wankuyeim siney navamul tatonen, tasiyas-wan mo ilik va̱gan silawun meiveka kabebay bikakins.
24432	MRK 4:40	Ikous, mo idibakes tasiyas, ilana, “Wawun amipwa̱yat? Adok nag kusimounids waseg yey, ne?”
24453	MRK 5:20	Iligen, iyum, in ika̱mat ama̱wan nivkek Yeisuw nileb. Wawnuwan ven towen Dekapolis gamag babaw iliganes, mo isom ninous.
24533	MRK 7:1	Wankuyeim tasiyas Palisiy sisiyas takatimlakeins kaleiwag mwasanin meinoy nimeis Yelusalem, ikatuyouns imekes Yeisuw; ikines navamul mwasanin nag iwidis nimes, tage sona ikamkwams.
24552	MRK 7:20	Wankuyeim mo ilivan, ilana, “Aveiyag wanuwan gamag bisap bein wamnat, youd towen biyabik gamag. Peinan wanuwan gamag bispuy nakanuway kalbaleb, subwan, veinaw, katumat gamag, kanavay mav, mitmwamon, kameiliw, katadividav, kalimwa̱saw, silponay, livan kalbaleb, kaya̱pam, sinap kalbaleb.
24559	MRK 7:27	Iw to Yeisuw, ilana, “Wanmugwana bavakamus gamagal. Awoum bakow gamagal kaeis basekes mansiyas awuk beikams, awoum.” Ilivan ma̱wan peinan min-Yudiy idokes tobwag ven gimgilis mamagina awuk.
24563	MRK 7:31	Wankuyeim ilisow wunsiyas ven walasin Ta̱yil, ikanapel Saydon, in yevagam avakaein yagan Galiliy, wawnuwan Dekapolis.
24575	MRK 8:6	Idibakes gamag babaw, ilana, “Kusinis wapwepway.” Wankuyeim mo ikow bled siyas kweinim kweiy, ikalin nuwan Yowbad waseg, ikivis bled siyas, isekes navamuls va̱gan bivaganes; mo ikawes isekes babaw gamag wasigeis.
24586	MRK 8:17	Yeisuw gog ikakina ninous, idibakes, ilana, “Wawun kulansa, ‘Tanumlaves adableds’? Singay tatagouwaws yakamiy; ninoumiy nag.
24589	MRK 8:20	Vayuwein Yeisuw ikatiga̱nes, ilana, “Wankuyeim akivis bled kweinim kweiy silma̱nin kweivas tawsan gamag, kweivin gamwat kan nikambwages mo kwatikunakus, ne?” Ilansa, “Gibsinim gibsiy.”
24591	MRK 8:22	Wankuyeim Yeisuw inoun in Beteseid, imeyes takatoun teitan, ilansa, “Tabta bukwabkwen matan toukwaw towen, ne?”
24596	MRK 8:27	Wankuyeim Yeisuw siney navamul ita̱vins wunsiyas ven wawnuwan Sisaliy, guyaw towen Pilip nikaleiwag wasigeis. Inounas wa̱ked, ikatiga̱nes navamuls, ilana, “Gamag idokeigs kal yey?”
24600	MRK 8:31	Wankuyeim mo ikatimlakes, ilana, “Gimgilitoun yey, kadiloka a̱bag bigeg singay; kadiloka bipiyaveigs tasiyas tammwayas sisiyas tanuwgwes lun situwa̱vek sisiyas takatimlakeins kaleiwag, mo bikatimateigs; yam kweitoun mo ba̱kit vayuwein.”
24609	MRK 9:2	Yam kweinim katanok ikous, Yeisuw mo itokes Pita, Yemes, Yon, ikatulags ineis koy avakaein wakunuwatan; tasiyas-wan isiwas. Wamtes mo ivag ankakin kweitan, anakweim ivag ankakin gimagim, pwapwa̱kaw igegayous; nag teitan gamag ven watinow anakweim bivag pwapwaka̱wun ma̱wan, nag.
24616	MRK 9:9	Wankuyeim iwloubus, idibakes, ilana, “Youd towen nukukines, awoum kwamteles gamag mwasanin wasigeis ee... Gimgilitoun yey bakanig, ba̱kit vayuwein, mo kwamteles wasigeis.”
24635	MRK 9:28	Wankuyeim Yeisuw mo inoun in isiw wabunatum, navamul mo inekes, tasiyas-wan illivans, ilansa, “Aveiyag wawun na-ikadilokem bakakayeb?”
24670	MRK 10:13	Wankuyeim gamag mo imeyes nitsiyas, sivines Yeisuw naman bisen wawous. Tage navamul idokes kid bisilbwades gamagals, awoum kid bimekes Yeisuw.
24736	MRK 11:27	Wankuyeim mo inounas, vayuwein ineis Yelusalem. Ineis Yelusalem, Yeisuw ininoun wanuwan Yowbad nabunatum, mo iweis tasiyas tanuwgwes lun situwa̱veks sisiyas takatimlakeins kaleiwag sisiyas tammwayas, inekes Yeisuw, ilansa, “Aw-kaleiwag towen? Kal isekeim mukwaleiwag silma̱nin muwotet towen?”
24744	MRK 12:2	“Wankuyeim anagin tutan bo bimwanoug ivag sivinan bikamkwen, mo ikayeb natouwat binekes tasiyas tawteleins bag, anagin bikow bimey, tamwey towen bikamkwen.
24747	MRK 12:5	“Im, ikayeb-vak tatounun; in mo iweiys, ikatimates. Wankuyeim ikayabes babaw, mwasinis iwaweiys, mwasinis ikatimates.
24752	MRK 12:10	“Adok nag kukwakins liva̱nen, Bukitab waseg nises mamagina: ‘Wululay towen, tawteleins bunatum nipiyaves, tage bo imlavag anma̱wamwan bunatum.
24757	MRK 12:15	Tage Yeisuw bo ikakin tayyaweids tasiyas, idibakes ilana, “Wawun kuyakwaneigs, ne? Money silma̱nin ta̱kis kumeyes bakin.”
24777	MRK 12:35	Wankuyeim ikatimlakes gamag wanuwan Yowbad nabunatum, ilana, “Aveiyag wawun takatimlakeins kaleiwag asilivan, ilansa, ‘Kelis Deibid tabun.’ Kweiboug Yowbad Kululuwan ansinap ikatipel isek Deibid, ilana: ‘DaGuyaws idibek gunguyaw, ilana: Kusin wagunka̱tay va̱gan bava̱ges beibus siyas astameiliw yak, bukuvnivans wakunutes.’
24784	MRK 12:42	Wankuyeim mo ikin nakwab na̱tan nasimav isiw im, ilev namoney dakul kekel akweiy, mamagina akweiy toya.
24814	MRK 13:28	“Yaveinun waseg kabebay kweitan nises. Igaw biya̱sus mo bukukwakins, bukulansa, ‘Wuwal bisilamaw.’ Yakamiy ma̱wan, bukukines youd tasiyas mo bukukwakins kakita mo ba̱yum baw.
24826	MRK 14:3	Yeisuw gog nises Betaniy, ikamkwam wanbunatum toulepel teitan, yagan Saymon, mo na̱tan vin isiw im, ikokew nabotol bwanabwein. Wanuwan nabotol tagon nises yagan nad, maysan singay avakaein. Ikatuv nabotol, mo ilgubok kunun Yeisuw.
24831	MRK 14:8	“Wotet towen ikadilok mana̱wen waseg mo niwtel waseg yey. Bo iptum woug nanawan, silma̱nin alawag.
24846	MRK 14:23	Wankuyeim mo ikow kwa̱vig, itapwa̱loul, isekes, imoums asibabaw-wan; mo idibakes, ilana, “Towen buya̱vig silma̱nin kaleiwag kweivaw, iwta̱wout pinamiy babaw yakamiy.
24851	MRK 14:28	“Wankuyeim ba̱kit vayuwein mo bamgwayeimiy bitaneis waGaliliy.”
24883	MRK 14:60	Wankuyeim tanuwgwes lun sitovek avakaein mo itamanaw wanuwein, wamatan Yeisuw, ilana, “Nag aveiyag bukwatimop, ne? Aveiyag silawun asilivan tasiyas?”
24896	MRK 15:1	Walalayis-wan tasiyas tanuwgwes lun situwa̱vek sisiyas tammwayas, sisiyas takatimlakeins kaleiwag, tasiyas tababaws mamagina konsels illivans bo idumwal ninous katanok-wan, mo iyawanis naman Yeisuw, itokes, inawes Paylat wamatan.
24943	MRK 16:1	Wankuyeim, Sa̱bat ikous, vinay asteitoun igimweles tagon binawes kid biptumis Yeisuw won. Tasiyas vinen-Magdal yagan Meliy, valeyin Yemes inan, sisiy Salom.
24954	MRK 16:12	Wankuyeim nagamag asteiy ikines Yeisuw ankakin kweitan, igaw inounas bineis wanawoud. Ikines, iyums idibakes sisiyas, tage nag isimounids.
24956	MRK 16:14	Wankuyeim navamul sinwatan tatanok, ikamkwams, mo inekes. Ikines, ilana, “Keikay gamag, takakons yakamiy. Gamag mwasanin bo ikineigs, idibakeimiy, tage nag kusimounids.”
24986	LUK 1:24	Wankuyeim nakwav Elisabet mo isum, nises wabunatum kweinim tibukon; mamagina bo issowm wabunatum, ilana, “Yowbad inawotet ma̱wan. Bo ikalin nuwan yey. Gamag nivtokeigs livan vinakal yey, agumwasin; nagein gog bo iyakous.”
25010	LUK 1:48	“Peinan bo inuway tasimav natouwat yey. Wankuyeim gamag babaw mo bidokeigs nammwa̱saw yey, bweilim katanok katanok waseg.
25064	LUK 2:22	Wankuyeim anatut bivka̱yes bikamnat ma̱wan Moses nakaleiwag, mo ikopwes gwad towen, ikatulags ineis Yelusalem, inawes Yowbad waseg.
25137	LUK 4:5	Wankuyeim Seitan mo itok inow wanakaew, ikatimlek ven babaw wadaban pwepway. Sivtanok ikin ikous; mo Seitan ilivan, ilana, “Ven tasiyas son yakawanan basekeim mukwaleiwag, peinan gunakaleiwag towen. Am-towen sivinag mo basek. Magat yak bukukulul wamatag, mo basekeim silma̱nin mukwaleiwag.”
25165	LUK 4:33	Wasinagog towen gamag teitan, yeiluw kalbaleb nises wa̱won. Aygan avakaein iwak, ilana, “Ya! Aveiyag bukunuwakeig ya̱koum gum-Nasalet Yeisuw? Adok bukuyagageig, ne? Akakina yak, Yowbad Natun yak.”
25172	LUK 4:40	Wankuyeim ka̱las iseilil, mo imeyes takatouns waseg Yeisuw, askatoun kweitan kweitan; isen naman wawous tatanok tatanok, mo ibweins.
25182	LUK 5:6	Misinaka sawtanoka ilaves, mo ikwanes in singay babaw. Kakita bikalitounis woyim. Mapuna iloukwams, idibakes sisiyas, ilansa, “Wag kwayuwein kumeyes.” Imeyes kwayuwein wag, ilabes; idagis in, bo ika̱lawt wag akiy. Kakita bimukuls wag.
25188	LUK 5:12	Wankuyeim misik kweitan ven toulepel teitan mo inek, meivek kaleivin kakulikul. Im towen, ikin Yeisuw, ikalivatow kantukov wamatan, initoug waseg, ilana, “Guyaw, magat sivinam, bukuvag kaleivig beibwein.”
25194	LUK 5:18	Wankuyeim tawaw mwasanin bimeyes takatoun teitan nimmasis wa̱keb siwsawoul won. Sivines bimeyes wamatan Yeisuw bikin.
25198	LUK 5:22	Yeisuw ikakin ninous, ikatimop asilivan, ilana, “Aveiyag wawun isunasun ninoumiy? Bweina balivan balana, ‘Bawid amsinap kalbaleb; beikous’? O bweina balivan-vak balana, ‘Kutamanaw kunoun’? Wotet akweiy gagab waseg yey.