23376	MAT 6:25	“Eala, la vimari taku soio tamutou eia maie: Umala amuto ge gabutala papai te la pulolou tamutou te la mahulila ale amuto sau tolea omai te la maututula, veia amuto ge vei mago ‘Etato ge abi la ilali ove? Etato ge liu la rova?’ Eala moli amuto umala gabutatala papapai te la mahulila te la vovo mutou veia amuto la kairobola ouka. La mahulila moli ale amuto sau tolatia eia taritigi, la gabutala papaila tamutou te la paa muli la ilali, eia ge vailo buruko lou amutou, amuto kamati ge pou la sagegela te la mahulila ale taritigi La Tahalo Uru abitia mutou. La kulikuli tai ale etato kisia te la kabili gatou, eia mai la golu bulalahu moli. La vovo gatou moli ale etato vagari veia ge tovo roboa, eia la paga ale sesele, eia taritigi, eala moli la kulikuli ale ge kisia me la kairobola tai, eia la golu bulalahu.
23407	MAT 7:22	Te la haro la viputumulila te La Tahalo Uru, la valalua usu me egite hatavivile tai usu, egite ge hiliti, egite ge tahiau mago ‘Tahalo Uru, mave, eme kama hilo la igogolu tamiteu palae? Amite veipala la merera taume soio te la valalua me hatavivile, amite kumuli taro tai egiteu la hituhitu ale kama korakora te la vagagari la isamu, amite igo tai la golu la karutula usu tai lou ale isapolo sesele. Mave, eme kama gabutala amiteu, ia?’
23505	MAT 10:19	Eala moli mai egite ge lapu amutou soio te la luma la vigagiala, amuto umala tataga veia ge makuku mago ‘Etato ge vikara mave? Etato ge vei lava e?’
23635	MAT 13:27	Mulimuli egite la valalua la igogolu egite goio veia la tahalo la mahumale mago ‘Tahalo uru, amite rovia eme galu la vavua la vit ale taritigi oio la mahuma taume, igo mave la obu ale kama kokora egira vikusi vikapopoti lou e?’
23636	MAT 13:28	“Tio eia lolo la vikararala tegiteu mai ele, eia goio veia giteu mago ‘La gima taku isasa oio ge galutia mai ele.’ “Tio, egite la valalua la igogolu tetala goio tahia mago ‘Mave, eme masagea amite ge lipu lulu taroa la obu ale kama kokora, ia?’
23867	MAT 20:6	Goio, te la mata la haro ilima lou te la maulavi, eia goio gogala lou, eia hilo vuti lou egiteu isahari oio, egite magiri bulalahu moli, la igogolu ouka. Tio e taho la mahumale goio tahi egiteu mago ‘Amuto igo mave, la haro isa uru igoie, amuto kama igogolu bakisi, amuto pou bulalahu moli, amuto igo mave?’
23898	MAT 21:3	Mai isa ge tahi amulua mago ‘Amula ge vagoveia?’ amula ge veiala mago ‘La Uru masaga egirua’, tio eia ge loloa mai ele, eia ge veia mulua veia amula ge tata molia somai taku.”
23953	MAT 22:12	Tiele la tahalo uru ele goio tahia mago ‘Tabaragu, eme la kairobola ouka ale koramuli la pulolou te la ilali la vitirorola. Eme soioge goilo mave, egite kama magiri robome e?’ Eala moli e maura kama koli la merera tetala.
24104	MAT 25:27	Eme rovia la vulovulogu mai ele, ilava sesele eme kama vahari la uati taku soio tegiteu la valalua ale vibaumuli la uati, veia eau ge beua, eau ge abi rivu loua vikapopo la uati ilua ale ge sibitala loata ovola?’
24116	MAT 25:39	Te la haro ale mave eme lea, uka eme pou oilo te la luma la kilisi, amite hari lalaime?’
24121	MAT 25:44	“Tio, egiteu la valalua me hatavivile ale kama kokorale, egite ge koli la merera tetala, egite ge tahia maie ‘Tahalo Uru, te la haro ale mave sesele amite hilome eme vitolo, eme malehu, me eme la mosi, eme la kulikuli tai ouka, eme lea, me eme pou oilo te la luma la kilisi, veia amite kama sulime bakisi e?’
24740	MRK 11:31	Goio, egite goio vitahi baololi legiteu maie “Mai etato ge koliala mago ‘La Tahalo Uru baha e Ioanes’, tio eia ge tahi rivu lou etatou mago ‘Me ilava amuto kama lolo vulai tavua?’
25612	LUK 13:25	E taho la luma soukama ge hiliti ge kapi robo la mata, amuto ge tututu la matale, ge tola gogogo soilo mago ‘Tahalo Uru, kope amite!’ “Eala moli eia kama ge lolo amutou, eia ge veia mutou mago ‘Eau kama rovi amutou, amuto loio la mautu ale mave?’
25683	LUK 15:26	Tio eia goio baha tavu la bilalaha te tamala isasa, eia tahia mago ‘A ge, la tilali la papaga ale soluma mai moliti ele, mave?’
25687	LUK 15:30	Eala moli e latumu ale kama kokorale beutia, eia ale vikaluvuti la uati taume uru soio tegiteu e hatavivile la gauru, eia goio beua, eme mata kaseka tavua, eme laoti isa uru la bolo, eme vaogeti leia?’
25694	LUK 16:5	“Tio, eia goio sokoa veia ge igoa mai ale eia gabutatalatia, eia baha tavu egiteu la tahalo ale dinau te la uru tetala. Isa loio guvi, eia goio tahia, mago ‘Eme la dinau iriva soio te la uru taku?’
25696	LUK 16:7	“Tio eia goio igo molia mai ele, goio isa lou loio sibitala, eia goio tahia, mago ‘Tahalo uru, eme la dinau iriva soio te la uru taku?’ “Tio, eia goio veiala mago ‘Eau la dinau taku la bek la vit salatu sasa.’ “Tio, la bilalaha loloa mai ele, eia goio veiala mago ‘Ioge, eme ge kekesi moli la bek savulu ualu, eme ge koli boto molia mai ele.’
25760	LUK 18:3	Oio te la mautu alele, la tavile isa uru tai oio, e haruala peho tarotia. Egite isasa tutugoloti e maura pala, me eia ge goio bibibi te mesistret, eia ge tahi susukua, mago ‘Gaisa sesele eme ge vimatata la iruru ale egite igoa somai taku?’
25823	LUK 19:23	Eme matagagati la vulovulogu mai ele, ilava sesele eme kama vahari la uati taku soio tegiteu la valalua la vibaumuli la uati, veia eau ge beua, eau ge abi rivu loua vikapopo la uati ilua ale ge sibitala loata ovola?’
25831	LUK 19:31	Mai isa ge tahi amulua mago ‘Amula lulua veia ge vagovea?’ amula ge veia giteu mago ‘La Uru masagea.’”
25853	LUK 20:5	Tio, eia goio tahi egiteu mai ele kaluvu, egite goio vipigi vulo baoli legiteu, egite veia maie mago “Mai etato ge toia veia la vuluhi te Ioanes eia loata te La Uru, eia ge tahi rivu lou etatou mago ‘Me mai ele, ilava amuto kama taua la ilo mutou soio tetala?’
25944	LUK 22:11	amula ge veiale taho la lumale maie ‘La Tahalo La Vimari eia tahime mago: La baa bakisi oiove, ale koramuli amiteu la valalua la mosi ge pou ovola, ge ali La Ilali La Poloselela?’
26800	JHN 16:5	Eala moli ale eau ge goio te Tete ale bahati eau somaie, amuto kama ge gabutatala papai veia amuto ge rovi la vuhu la tuluga taku veia amuto ge tahiau mago ‘Eme ge gove?’
27211	ACT 7:26	Goio, mai galigeli, eia hilo la tau Israel ilua, egira vikokue, eia goio magiri veia eia ge lele robo egirua, eia veia mago ‘Gauligu, amula isa moli, ilava amula ge vikue lou?’
27213	ACT 7:28	Eme soioge masagea veia ge bili taiau mai ale alalavi eme biliti la tau Gipto, ia?’
27779	ACT 22:7	Eau goio boru sotalo la magasa, eau lolo la golu la tahalo isa uru, eia toleau mago ‘Sol, Sol, ilava eme viligi molitiaue?’
27780	ACT 22:8	Goio, eau loloa mai ele, eau goio tahia mago ‘Tahalo Uru, eme ere ele?’ Mago ‘Eau e Iesus, la tau Nasaret, ale eme viligiligi eaue!’
27782	ACT 22:10	Goio, eau goio tahia mago ‘La Uru, eme masagea veia eau ge igo la rova?’ Goio La Uru veiagu mago ‘Eme ge hiliti, goluma la mautu e Damaskas ele. Eme ge golumale, la tahalo taku isasa eia ge vei matagageamu la papaga tomi ale eau toitia veia eme ge igoa.’
27906	ACT 26:15	“Tio, la golu la tahalo vikara mai ele, eau goio tahia mago ‘Tahalo Uru, eme ere ele?’ Tio La Uru goio kolia soio taku mago ‘Eau moli e Iesus, ale eme viligiligi moliaue.