14	GEN 1:14	Teketa napoꞌ Kumponinge aaꞌpuuꞌ, “Aiaꞌ, arakananka tavoꞌdariai meerooꞌnavaro-koo meuꞌke teke paning-koo doong eeꞌnoko muung simpeꞌaareaing, eeꞌnoko teke aing aaꞌning taaꞌniꞌantavaari otoromaatoai: doonanka, kaarananka eeꞌnoko mareꞌnanka.
24	GEN 1:24	Teketa napoꞌ Kumponinge aaꞌpuuꞌ, “Enang kansiꞌkoo kapooꞌnanka amutemuriiꞌ domantooꞌnanka tavoꞌdariai: ookara kauꞌkarenaumo bauꞌnaananka, eeꞌnoko biikoori, eeꞌnoko ookara kapooꞌ kansiꞌkoo daue nanaamaing.” Eeꞌnoko teeꞌ eeꞌnaꞌ nkoaruꞌ.
26	GEN 1:26	Teketa napoꞌ Kumponinge aaꞌpuuꞌ, “Aiaꞌ, naning-namuuꞌ nantoong niiꞌ pinaꞌ oroꞌnuka nkoarampiai, niikaang oroꞌoroꞌnooꞌ siompuioꞌ, eeꞌnoko teinge ookara kapooꞌnanka tanatavaariai, aaꞌning: taviꞌ pirung-koonanka, barenanka auviꞌau-kooning, kauꞌkarenaumo datauraaꞌnanka, eeꞌnoko poraꞌkoonanka, eeꞌnoko napoꞌ teing ookara kapooꞌnanka kansiꞌkoo daue nanaamaing.”
35	GEN 2:4	Tenang tutunaꞌ Kumponinge kansiꞌnaanka paning nkovuuꞌnaꞌkoong minkunaa aung:
40	GEN 2:9	Tenau tenau Kumponinge koiꞌnanka amutemuriiꞌ tampaꞌ oroꞌnanka keempuruꞌnau eeꞌnoko sinang maaꞌkoo tamparanankai. Eeꞌnoko meerooꞌ tenau-koo koiꞌ kevarira sipuretuꞌ: navari domaang isikung avuꞌnavari; niiꞌnavari noruꞌ aaꞌning tampara eeꞌnoko orara avuꞌnavari.
91	GEN 4:11	Emuꞌ tee daꞌ barakosiꞌdama aaꞌdamaang: Anketa kansiꞌketa daꞌ tenkeniaing, aꞌ teꞌ kansiꞌnooꞌ daaraꞌmaꞌnung-koong ereng tuuvuioꞌ naivuinooꞌ daka dake dupisiꞌeioꞌ.
23235	MAT 1:22	Aing ookara kapooꞌnanka nkoaruꞌnooꞌ tee kapooꞌ Ovoringe tero nakaronara˜ karantavuma˜ nauvuuꞌnung masikaꞌparaaꞌnaang, eeꞌ oroꞌ:
23249	MAT 2:11	Teketa tenang pava-koo kuung porora teinge tee tootoꞌ ooauꞌ bauko ninka Meeriꞌ ninka otoreko. Eeꞌnoko teing teꞌ doonko miinge keemparira tee-koo dootuuꞌariruꞌ. Teketa biikaang bakurananka daateꞌaara kapooꞌ mooꞌ pankeng-kooninge bautaꞌauꞌ tee aaꞌninge: kooro, kapooꞌ betuꞌuko tampaꞌ nuuraaꞌ eeꞌnoko duuni tampaꞌ nuuraaꞌ miring meea.
23253	MAT 2:15	Bera teke otorouꞌ Eerotiꞌ booꞌparuꞌnooꞌke basi. Teeꞌ nkoarioꞌ tee kara Ovoring bakaang makotuuꞌ nakaronara˜ karantavuma˜ aaꞌpuuꞌnaare: “Ninge bokuantuꞌ tee nnuring Iisipiꞌketa.”
23265	MAT 3:4	Tee Jooni Minkinara tee tamung mononopaꞌ kaameliꞌkoong dapo-koo nkoniiꞌ kurumparakoꞌ, eeꞌnoko dopaꞌnooꞌke tokoarakoꞌ. Eeꞌnoko bakaang taamang teing aaꞌning maaꞌurikoꞌ: ntaaꞌnanka eeꞌnoko davainta poraꞌkooning.
23410	MAT 7:25	Teketa aing aaꞌning pouꞌ: apoꞌ duaꞌaruꞌ, doua tuuvuuꞌ, eeꞌnoko dovinge aaꞌnaꞌ duparara dankampuuꞌ tee pava, teka teva pesiꞌaravaꞌ, kapang-koo boiaꞌkoo eꞌmaniiꞌnava deemparako.
23424	MAT 8:10	Tenang Jiisuuꞌke teeꞌ taaravura taꞌninuuꞌ, eeꞌnoko teing siompaakoꞌning nauvurima aaꞌpuuꞌ, “Ninge masikaꞌ naurampimang diiꞌ: Temuꞌketa aung amuriiꞌ baito pankaing ooampaung bane Isireeli-nupoong ninka nariꞌ oꞌnorimaunge.
23436	MAT 8:22	Teka Jiisuuꞌke aaꞌpuuꞌ tee, “Siperiko booꞌnukai biiꞌka booꞌnuka dakoꞌaariaing, teka daꞌ aaꞌdamaang: Bera daankieaing tee Kumponing bakaang muuꞌ.”
23488	MAT 10:2	Aing teing mirinanka teing nanaiꞌketa kenaankara kara okovuri nkanuka biikaning: Tutunaꞌnung Saimoniꞌ, niiꞌnooꞌ Piita, eeꞌnoko teie baaraꞌmaꞌnung Aanduruꞌ; napoꞌ Jeemisi, tee Siebedi bauring; eeꞌnoko baaraꞌmaꞌnung tee Jooni.
23495	MAT 10:9	Aing aaꞌning kapooꞌnanka nkaveriaukaꞌ: mooniꞌnanka kereka-koo kuunga, miku taamang-poꞌnung, niiꞌnooꞌ mononopaꞌ paripariꞌ, eeꞌnoko boonamante˜, napoꞌ donsiꞌ nkaveriaukaꞌ, aiꞌ tee tee pakuereriko diiꞌ napoꞌ teinge pakuraariaing.
23507	MAT 10:21	“Napoꞌ aaꞌnoainge: bataatai tooka kompui baaraꞌmaꞌnung tauraꞌpuaing dupisiꞌaavaꞌnaang, eeꞌnoko baumai bauring teeꞌ nariꞌ nkovuai. Napoꞌ biurukaaꞌke biumaraang turampaarima dupisiꞌaari-ainge.
23514	MAT 10:28	“Aroreriaukaꞌ teing-koo nkaang kara avoꞌaama diikaang mono dupisiꞌaavaining-koo teka diikaang tanuaang dupisiꞌaavarupeuꞌ. Teka Kumponing-koo aroreriai aaꞌnung-koo: baitoveriaruko mono eeꞌnoko tanuaang ookeng duaꞌureai mosianung-koo.
23533	MAT 11:5	Aaꞌnoining: kaputuꞌnuka banteaama ookai, kauꞌ deꞌdoonuka nanai, oramuuꞌpoꞌnupoong kiiroraaꞌariri eeꞌnoko kipaunuka taareai, booꞌnuka daaꞌariri, ataꞌoinku tampara doorenang daankianko taaravai.
23553	MAT 11:25	Tenang eeꞌnang Jiisuuꞌke aaꞌpuuꞌ, “Mmaꞌ ee, tampara tantamang daꞌ Ovoring paning-koong eeꞌnoko kansiꞌkoonge, dake aaꞌnouꞌnung-koo: Dake tee doorenang tampara bakuꞌeuꞌnung-koo teing-koo matau-poꞌnupoong eeꞌnoko noruꞌpoꞌnupoong tamparimaing-koo eeꞌnoko siraꞌpeuꞌ teing-koo tootoia-pinaꞌ otoromaing-koo.
23597	MAT 12:39	Jiisuuꞌke makuꞌuma aaꞌpuruꞌ, “Diiꞌ enanavarang bakei oreng, nampeesi orarinuka-pinaꞌ diikaang Ovoring siperima, tosirarima aaꞌmerimaing, ‘Taaꞌniꞌanta paning-etaing iroꞌ naumeriko deekoꞌ taararampiaing.’ Bakei Kumponinge diiꞌ taaꞌniꞌanta nau-koo kasivuarura narung masikung aruriiꞌnaang, aaꞌnoaing: Teie ning taaꞌniꞌanta deeng-antamuaing temuꞌ tee nakaronara Joonaꞌ taaꞌniꞌanta deeng-antavuuꞌnaꞌ.
23608	MAT 12:50	Aiꞌ baata teing Mmaꞌ paning-koong bakaang pia siompaamaing teing teing eeꞌning ninge aaꞌning makosinuka: ntaraꞌmainkaang, mmarikaampi eeꞌnoko nkoꞌdovo.”
23611	MAT 13:3	Teketa teie kapooꞌnanka mmauꞌ nauvuruꞌ mirumiruꞌpoꞌning. Minkuvuma aaꞌpuuꞌ, “Naning mintoong-koo sinang tanka-koo nanura tankavuko aaꞌnouꞌ:
23616	MAT 13:8	Teka niiꞌning kansiꞌ pankauanooꞌ dau duaꞌarira maneearira aaꞌnouꞌ: niiꞌning-koo narung daakuꞌ biꞌuuꞌ, napoꞌ niiꞌning-koo paꞌnokoꞌketa narung kivora biꞌuuꞌ, napoꞌ niiꞌning-koo beenaumo kivora biꞌuuꞌ.
23627	MAT 13:19	Tee sinang taung-koo duaꞌariruꞌning eeꞌ miruꞌari otong: Niiꞌninge nantoonge tee minkunaa muuꞌ paninung-koong daunooꞌ naroꞌ taaravaama miruꞌnooꞌ nkavaavaruko teie naning orarai, Sietaniꞌke tee kara teꞌnempumaung biikaang onou-eta.
23628	MAT 13:20	Napoꞌ tee sinang kansiꞌ aavetaꞌkoo dau duaꞌariruꞌning eeꞌ miruꞌnooꞌ: Niiꞌning nantoong teing kara taaravaama doturotu ninka kompaamaung.
23629	MAT 13:21	Teka tee kara biikaang domang-koo tampaꞌ ariꞌavuaruma pankaroong otoarukooꞌ. Eeꞌnoko aaꞌnokooꞌ: niiꞌninge Kumponing-nung kara piavoroainge turampaarima mankiꞌantavaariko namuꞌke biikaang baito orariarakooꞌ.
23630	MAT 13:22	Eeꞌnoko napoꞌ tee sinang tooꞌmurintaaꞌkoo meuꞌ duaꞌariruꞌning eeꞌ miruꞌnooꞌ: Niiꞌning nantoong kara taaravaamaung teka aung kansiꞌkoong mankiꞌnanka-koo eeꞌnoko kavo nka-koo daang noruꞌarima booniꞌantavaako tee kara teke sinampuarukooꞌ.
23631	MAT 13:23	Napoꞌ tee sinang kansiꞌ pankauang-koo duaꞌariruꞌning eeꞌ miruꞌnooꞌ: Niiꞌning nantoonge tee kara taaravaama tee-koong miruꞌ nkavaamaung. Teketa biikaang domang-koo dupuriko sinananka mmauꞌ biꞌantavaakooꞌ, niiꞌning daakuꞌnaꞌ, niiꞌning paꞌnokoꞌketa narung kivoranaꞌ eeꞌnoko niiꞌning beenaumo kivoranaꞌ teing-eta tankaniiꞌnanka-ita.”
23721	MAT 15:19	Aiꞌ eeꞌnooꞌketa domang-eta kapooꞌ orara noruꞌnanka pomaunge aing aaꞌning: naning dupisiꞌkoong noruꞌ, nampeesi orari-koong noruꞌ, kaukauro-koong noruꞌ, eeꞌnoko bakiaaꞌnko, daang-koong kara minku tuutunantomai eeꞌnoko pooreꞌ.
23745	MAT 16:4	Diiꞌ enanavarang bakei oreng, nampeesi orarinuka-pinaꞌ diikaang Ovoring siperima, tosirarima aaꞌmerimaing, ‘Taaꞌniꞌanta paning-etaing iroꞌ naumeriko deekoꞌ taararampiaing.’ Bakei Kumponinge diiꞌ taaꞌniꞌanta nau-anta-koo kasivuarura narung masikung aruriiꞌnaang, aaꞌnoaing: teie ning taaꞌniꞌanta deeng-antamuaing temuꞌ Joonaꞌ taaꞌniꞌanta deeng-antavuuꞌnaꞌ.” Teketa Jiisuuꞌ teing teka sipurira tenkenuuꞌ.
23762	MAT 16:21	Tenang-eta deto Jiisuuꞌke tee teꞌ Jerusalemaꞌ bera kapooꞌnanka arikananka toraꞌpuaining bakaning barevare-nupoong nau tutumpuruꞌ. Aing aaꞌninge toraꞌantavaavaing: nantoong pankenge, piristiꞌkoong ovontunankai, eeꞌnoko boto naunukai. Eeꞌnoko tee teeꞌ nkoaama dupisiꞌaavaing, eeꞌnoko beenang doong deemparako napoꞌ domamparara daaꞌaravai.
23819	MAT 18:23	“Teeꞌkoo tee muuꞌ paninung tee eeꞌ oroꞌpari otong: Narung daurarong˜ otopeuꞌnung, eeꞌnoko teie bakaning botovotonaaꞌnuka biikaang komaaru˜ tee-koo nkoauꞌning nerivuuꞌnaang piavouꞌ.
23843	MAT 19:12	Aaꞌnomaung-koo: niiꞌning makosiaavaing keꞌde-ita pontoꞌarikooꞌ, eeꞌnoko niiꞌning nantoonge deekoꞌ tuukavaarikooꞌ, eeꞌnoko niiꞌning maroita nampeesi-koo piavoroarukooꞌ muuꞌ paninung narung-koo keiꞌorooꞌnaang. Baa naning teeꞌ otoꞌkoo arooꞌaravaing tee makosi teeꞌ otoaing.”
23849	MAT 19:18	Teie aaꞌpuuꞌ, “Boto areing?” Eeꞌnoko Jiisuuꞌke makuꞌuma aaꞌpuuꞌ, “Aing eeꞌ oroꞌ botonanka:
23860	MAT 19:29	Eeꞌnoko ookara nantoonge aing aaꞌning nkaang miring pankaing-anta-koo sipauꞌning: pavananka, biumaraang, biurukaaꞌ toireꞌ, niiꞌnooꞌ biikaang kansiꞌ, teinge tee daakuꞌnamuꞌpie makuꞌ nkavaavaing eeꞌnoko napoꞌ tee barenku domaang oparavaung-koong okovuriaing teing.
23887	MAT 20:26	Teka diiꞌkoo teeꞌ nkoaravaukaꞌnung. Eeꞌ nkoaravaing diiꞌkoo: baa tee naning Kumponing bakaang duta-koo pankaimparaaꞌnaang piavoaing diiꞌkoo meuꞌke tee tee eeꞌnung pakupakunung deemparavaing.
23920	MAT 21:25	Jooni Minkinara-koo niaꞌdampiiꞌnaang: baie tauraꞌpuioꞌ nantoong ntong-koo minkivurima meekaꞌantavurikoꞌ? Kumponinge, aiꞌ tamung nantoonge?” Teketa teing biiꞌka niaꞌeema aaꞌpeekoꞌ, “Areꞌpampiiꞌnaang? Aaꞌpampiko deekoꞌ, ‘Kumponinge,’ teie aaꞌmuriiꞌnaang, ‘Teka diiꞌke aming-koo Jooni masikaꞌantaveriarukoꞌ?’
23958	MAT 22:17	Enang naumeriaing niiꞌ dake noruꞌemanaꞌ: Arekeeꞌ, niiꞌke Juꞌnupoonge ee daurarong˜ pankaing, Siisaꞌ˜, Roomaꞌnung, taakisi avuꞌkoo makosi, aiꞌ makosi deeaꞌ?”
23973	MAT 22:32	‘Ning tee Kumponing teing aing aaꞌning temuꞌnupoong biikaang: Eebaraamiꞌ, Aisakeꞌ, Jeekopiꞌ. Teing ninka komeeri Oꞌnoi Oꞌnomaung ning.’? Teeꞌ minkuvuuꞌnung-koo tasiꞌpampiri otong ookara bakaning deempariri domantooꞌnuka otorong Kumponing bakaang duta-koo, booꞌnuka deeaꞌ.”
23978	MAT 22:37	Jiisuuꞌke makuꞌuma aaꞌpuuꞌ tee, “Aung boto pankaing masikung: ‘Dake pankaruntoompeaing Ovoring dakaang Kumponing ootukunung dakaang domang-eta eeꞌnoko ootukunung dakaang uraang-eta˜ eeꞌnoko ootukunung dakaang onou-eta.’
23980	MAT 22:39	Eeꞌnoko tee kenaanka-nung boto tee tee-pinaꞌ nariꞌ oroꞌ aung: ‘Dake tee naning daꞌkoo dueꞌnung daka piaararamanaꞌ nariꞌ teeꞌ piaaveaing.’
23992	MAT 23:5	“Ookara kapooꞌnanka teinge nkoaamaing nantoonge oo-koo maroita nkoaamaung. Aaꞌnomaung: dootuuꞌkoong taaꞌniꞌanta teing dapapiꞌ daiꞌarikooꞌ, eeꞌnoko dootuuꞌkooning baarong-koong puraparari bakei isikeng kurumparikooꞌ.
24004	MAT 23:17	Diiꞌ bakei kaputuꞌnuka mutaanang-kooning, arera teing-koo aing-koo aaꞌning-koo dau basi: kooro niiꞌnooꞌ dootuuꞌnava pankava tee kooro meekaꞌantavumanava?
24010	MAT 23:23	“Bakaꞌ piaaruꞌnuka diiꞌ boto naunuka eeꞌnoko diiꞌ Boto Keperuuꞌnavitu, bakei toraꞌkiriaining diiꞌ ampirinunuka, aiꞌ diiꞌke tee avutevuꞌ napoka dovang okiꞌnarekaꞌ kivoranaꞌ tankaamperima baarauni-koo˜ namanto Kumponing averikooꞌ, sirivitaꞌ dovang koꞌdompuuꞌ, teka teing kapooꞌ boto-koo pankeng damaꞌduerikooꞌ aaꞌning: aarumo koontoꞌnaꞌ simpeꞌ, aarumo piaa unaa-anta-poꞌnung, eeꞌnoko Kumponing masikaꞌantavui kakeꞌiiari otoꞌ. Aing eeꞌning teing diiꞌke naroꞌka nko-koo makosining.
24058	MAT 24:32	“Enang tee diiꞌke tee baisirovang ooverira noruꞌeriaing, aaꞌnomaung: Tenang paraꞌ nenuvaraꞌuko noruꞌerikooꞌ teketa deto puaravuuꞌnaang dueꞌka.
24064	MAT 24:38	Aaꞌnokoꞌnaꞌ: tenang batei doua pankaing mmeꞌ poaruko taamanaama, naikaama, nampeema otorokoꞌ bera Nooaꞌ aakaꞌnareng-koo tumparuꞌnaꞌmung-koo basi.
24187	MAT 26:64	Jiisuuꞌke makuꞌuma aaꞌpuuꞌ, “Eeꞌ, teeꞌ eeꞌnaꞌ masikaꞌ minkuemaang. Eeꞌnoko aaꞌdampiiꞌnaang ninge diiꞌ ookara: Damaꞌke tee ning tasiꞌmeriaing ning tee eeꞌnung Tee Naning-naumpoꞌ Paning-etaing Daari Meekunge naururimaung kamoꞌke depeto pora ookara kansiꞌ tarevumaatoainung. Eeꞌ, Kumponing bakaang iriꞌ deto basi ninka moko oomerira tee diiꞌke tenang tasiꞌmeriaing.”
24213	MAT 27:15	Tenang tee teke narung aarumo ovoꞌmaꞌke nkovukoꞌnung eeꞌ oroꞌ: Ookara mareꞌ kante-koo Taamang Baariꞌkoong˜ nkoaako tee narung naning kiimata-nupoong-koo simpiriꞌantaevurikoꞌ nantoong karikaꞌ piavorokoꞌnung.
24225	MAT 27:27	Teketa tenang ovoꞌmaꞌ bakaning piatooronukai Jiisuuꞌ ovoꞌmaꞌ bakanava-koo beꞌantavauꞌ, eeꞌnoko ookara piatooronukai teka tapoꞌeera koroauꞌ tee eeꞌ akapeuꞌaavaꞌnaang:
24235	MAT 27:37	Eeꞌnoko tee-koo boreꞌkoo daua teing kapooꞌ tee tuumpiaakoꞌning daariaara sipauꞌ eeꞌ minkuning: AUNG TEE JIISUUꞌ, JUꞌNUPOONG BIIKAANG DAURARONG.
24283	MAT 28:19	Teeꞌkoo berira ookara nantoong amutemuuꞌ ning-koo barevare-nupoong deeng-antavereriaing aing aaꞌning miring-koo ntong-koo minkiererima meekaꞌantaverererima: tee Mmaꞌ eeꞌnoko ning Bauring eeꞌnoko tee Tanuaang Meekung.
24373	MRK 3:16	Aing teing Nanaiꞌketa Kenaankara Jiisuuꞌke miruꞌuruꞌning: Saimoniꞌ, niiꞌnooꞌ Piita, Jiisuuꞌke tampuuꞌnooꞌ; Jeemisi namainta Jooni, Siebedi baurinketa, niiꞌnooꞌ Boanesi baurinketa Jiisuuꞌke bokuvuretuꞌnooꞌ, kuunooꞌ kurung-pinaꞌ karara; Aanduruꞌ; Pilipiꞌ; Baatolomiuꞌ; Maatiuꞌ; Toomasi; Jeemisi, Alopeasi bauring; Taꞌdeasi; Saimoniꞌ, Juꞌnupoong biiꞌka donkong-koo pia-navitu-koong; eeꞌnoko Judasi, Kerioꞌnara, tee tooka kompui Jiisuuꞌ tauraꞌpuuꞌnung bakaning kare-nupoong-koo.
24395	MRK 4:3	“Taaraveriai. Naning narung mintoong-koo sinang tanka-koo nanura aaꞌnouꞌ:
24407	MRK 4:15	Sinang taung-koo duaꞌariruꞌning miruꞌnooꞌ eeꞌ oroꞌ: Nantoonge kara taaravaako Sietaniꞌke namuꞌke poma pariꞌurikooꞌ.
24408	MRK 4:16	Eeꞌnoko sinang dakurakung-koo duaꞌariruꞌning miruꞌnooꞌ eeꞌ oroꞌ: Niiꞌninge kara taaravaama doturotu-eta kompaamaung.
24410	MRK 4:18	Eeꞌnoko tee sinang tooꞌmurintaaꞌkoo meuꞌ duaꞌariruꞌning-koo eeꞌ miruꞌnooꞌ: Narionge baruꞌ pankaruntoonge noruꞌaakooꞌ kavonanka piaavaama eeꞌnoko amutemuriiꞌ kapooꞌ karaaꞌaakooꞌ, eeꞌnoko teinge booniꞌukooꞌ tee karakara eeꞌnoko sinang biꞌuarukooꞌ.
24412	MRK 4:20	Eeꞌnoko sinang kansiꞌ pankauang-koo duaꞌariruꞌning miruꞌnooꞌ eeꞌ oroꞌ: Niiꞌning nantoonge tee kara tariiꞌoroi taaravaako biꞌumaung niiꞌning-koo beenaumo kivora-pinaꞌ, niiꞌning-koo ˜narung-taa kivora-pinaꞌ eeꞌnoko niiꞌning-koo narung daakuꞌpinaꞌ.”
24474	MRK 5:41	Eeꞌnoko Jiisuuꞌke teni bonkuꞌ bireng-koo kompura aaꞌpuuꞌ, “Talita kumi.” Kuunooꞌ eeꞌ minkuvuioꞌ, “Okiꞌnani, aaꞌdamaang: Daaꞌdaravai.”
24497	MRK 6:21	Eeꞌnoko damaꞌke taung narung meuꞌpuuꞌ Erodiasie Jooni dupisiꞌkoong. Enang tee Eerotiꞌ pontoꞌaruꞌnaꞌmung doong makotuuꞌ. Eeꞌnoko nantoong pankainanka paroro nkoevuruꞌ: ovoꞌmaꞌkoo kuunge mintoomparikoꞌning, piatooronuka˜ biikaning boreꞌnuka eeꞌnoko ovontung Kaaleliꞌnameng-nupoong.
24536	MRK 7:4	Eeꞌnoko baavenairu-eta poroma deekoꞌ taamanaavarupeuꞌ tutung ntonge meekaꞌpariaꞌ eeꞌnoko napoꞌ amutemuriiꞌ toomo siompaakooꞌ biikakatauroi bampaaruꞌnaꞌ aing eeꞌ otoꞌ ntonge meekaꞌantanaꞌ: kaapu, kokoto, utau, eeꞌnoko batanang.
24553	MRK 7:21	Eeꞌ, naning bakaang domaang-eta aing eeꞌ oroꞌ pomaung: norunoruꞌ orara eeꞌnoko auning, bakiaaꞌ, naning dupisiꞌ, nampeesi orari, karakaraaꞌ, amutemuriiꞌ aarumo orara, tositosi, maimaiaꞌnko, mamairo, orakaꞌ minku, baka biiving, eeꞌnoko matau bekoiꞌ.
24566	MRK 7:34	Eeꞌnoko paning-aape ankamparara kooreerevoitaaꞌ aaꞌpuuꞌ, “Epata.” Aung kara kuunooꞌ: “Daateꞌdaravai.”
24569	MRK 7:37	Eeꞌnoko nantoonge taaravaama aaꞌnaꞌ taꞌninaakoꞌ aaꞌpaama, “Aung bakei ookara kapooꞌke meeꞌduꞌpinarai, aaꞌnomaung: Kipaunuka taarakiaakooꞌ, eeꞌnoko amakonuka kareaakooꞌ.”
24600	MRK 8:31	Eeꞌnoko Jiisuuꞌke bakaning nau tutumpuruꞌ booꞌparavainaꞌ, aaꞌpurima, “ning Tee Naning-naumpoꞌ Paning-etaing teing amutemuriiꞌ arikananka toraꞌpampaing, eeꞌnoko aing aaꞌninge tompimaavaing: pankenukai, piristiꞌkoong ovontunukai eeꞌnoko boto naunukai, eeꞌnoko tee dupisiꞌmaavaing. Teketa beenang doong tankinuko napoꞌ domamarara daaꞌmaravaing.”
24612	MRK 9:5	Eeꞌnoko Piitai karoma Jiisuuꞌ aaꞌpuuꞌ, “Nau-anta Pankaing ee, bakei tampaꞌ niiꞌ anke oꞌnorimaang. Aiaꞌ, niiꞌke beevaari bare kaniampiai: navaꞌ daꞌ dakanavaꞌ, navaꞌ Moosesi bakanavaꞌ, eeꞌnoko navaꞌ Eliasi bakanavaꞌ.”
24676	MRK 10:19	Dake Moosesi bakaang boto eeꞌ oroꞌ noruꞌei otong: ‘Naning dupisiꞌeaukaꞌ. Nampeesi orarieaukaꞌ. bakiaaꞌ nkoveaukaꞌ. Daang-koo tuutunampeaukaꞌ. Kapooꞌ kokonoveaukaꞌ. Daumararing deto noruꞌeresi pakuereaing.’”
24686	MRK 10:29	Eeꞌnoko Jiisuuꞌke aaꞌpuuꞌ, “Masikung naurampimang, naninge aing sipuuꞌnung: pava, baumaraang, baurukaaꞌ, bakaang kansiꞌ sipura ning-koo eeꞌnoko nkaang kara tampara bereng-anta-koo, eꞌmung-eta dau basinooꞌ makuꞌ nkavuaing daakuꞌpinaꞌ anke kansiꞌkoo otoitaaꞌ;
24687	MRK 10:30	Aaꞌnoko: pava, baumaraang, baurukaaꞌ, kansiꞌ. Eeꞌnoko nantoonge turampaavai eeꞌnoko damaꞌnaroong-koo napoꞌ domaang oparavaung okovuaing.
24768	MRK 12:26	Eeꞌnoko tenaare-koo booꞌketa napoꞌ daaꞌnaare-koo diiꞌke ee deeruerima tasiꞌperiaung Moosesie teeꞌ nau-antamuruꞌnaꞌ Daari Meekung-koo daarivuuꞌnavaro-koo? Kumponinge tuuꞌdoiꞌnavari tamung urusivukoꞌnavari-eta karoma Moosesi aaꞌpuuꞌ, ‘Ning tee Kumponing teing aing aaꞌning biikaang: Eebaraamiꞌ, Aisakeꞌ, Jeekopiꞌ. Teing ninka komeeri Oꞌnoi Oꞌnomaung ning.’
24769	MRK 12:27	Aung kara tee miruꞌnooꞌ eeꞌ otong: Ookara bakaning deempariri domantooꞌnuka otorong Kumponing bakaang duta-koo, booꞌnuka deeaꞌ. Diiꞌ bakei daang noruꞌerimaing.”
24771	MRK 12:29	Eeꞌnoko Jiisuuꞌke aaꞌpuuꞌ, “Aung boto aaꞌnaꞌ pankaing masikung: ‘Diiꞌ Isireeli-nupoong taaraveriai, Kumponing niikaang Ovoring tee narung masikung.
24773	MRK 12:31	Eeꞌnoko kenaanka-nung boto aung: ‘Dake tee naning daꞌkoo dueꞌnung daka piaararamanaꞌ nariꞌ teeꞌ piaaveaing.’ Niiꞌnara boto otoaꞌ aing-koo dau basi.”
24798	MRK 13:12	Napoꞌ aaꞌnoainge: bataatai tooka kompui baaraꞌmaꞌnung tauraꞌpuaing dupisiꞌaavaꞌnaang, eeꞌnoko baumai bauring teeꞌ nariꞌ nkovuai. Napoꞌ biurukaaꞌke biumaraang turampaarima dupisiꞌaariainge.
24800	MRK 13:14	“Teie nakaronarai Danieloi daarivuuꞌnaneꞌkoo deeruerima tasiꞌperiaing: ‘Naning maarekusiꞌ donkonuaing pava dootuuꞌnava pankava-koo Kumponinge meekaꞌantavuuꞌnooꞌke.’ Tee taaꞌniꞌanta osi orari-koong. Tenang tee donkonuioꞌ ooverira diiꞌ aꞌ Judiaꞌnameng-koo otoriaining miinanka-koo deto bakei navoꞌka kooꞌdariaing!
24814	MRK 13:28	“Enang tee diiꞌke tee baisirovang ooverira noruꞌeriaing, aaꞌnomaung: Tenang paraꞌ nenuvaraꞌuko noruꞌerikooꞌ teketa deto puaravuuꞌnaang dueꞌka.
24823	MRK 13:37	Teka ninge naurampimanaꞌ ookara nauarama aaꞌpamaung: Teka diiꞌ teing navoꞌka tarerariai.”
24832	MRK 14:9	Masikung naurampimang: Areꞌke tokoi ookara kansiꞌkoo tee tampara doorenang daankiaavainooꞌke tee kapooꞌ anie ning-koo nkovuing minkuaama ani norunoruꞌaavaing.”
24866	MRK 14:43	Eeꞌnoko namuꞌke tee Jiisuuꞌ teeꞌ karoi otoko tee Judasi pouꞌ teing-koo nanaiꞌketa kenaanka-koong narung nantoong karikaꞌ ninka bainatu eeꞌnoko taꞌbaka dovang nkavaitaaꞌ botoaarioꞌ teinge: piristiꞌnuka-koo ovontung eeꞌnoko boto naunuka eeꞌnoko pankeuꞌ urantanuka.
24959	MRK 16:17	Ning masikaꞌantamaavaining ninka aing eeꞌ oroꞌ taaꞌniꞌanta tavoꞌaravaing: Maꞌnari bataꞌaariainge nkaang miring-koo, eeꞌnoko oovunung karai kareaavai.
24986	LUK 1:24	Tee-koo damaꞌdue baꞌaang Elisabetaꞌ tootoꞌ nkoaruꞌnung, eeꞌnoko kaara paꞌnokoꞌnaveraaꞌka-koo pava-koo kuung naroꞌke otokoꞌ teni, eeꞌ noruꞌuma:
25035	LUK 1:73	Tee aaꞌnouꞌnaare: niikaaka Eebaraamiꞌkoo tumpearama˜ maraka-antavuuꞌ taaruꞌmuriiꞌnaang niikaning kare-nupoong biikaang bireng-eta, eeꞌnoko puring-antamuriiꞌnaang amorompiaꞌ tampaꞌ siompampimatoainaꞌ, meekaꞌmariri, koontoꞌnuka oꞌnori tee-ankoi, ookara doong domamariri oꞌnorianing-koo.
25040	LUK 1:78	Aaꞌnoaing: Siroong-eta siimpooromurira˜ araka-antamuriiꞌnaang niiꞌ mutaanang-koo oꞌnorimaing booꞌaapenameng-koong uuꞌaaꞌkoo, niikaang peꞌnaaꞌ koong-antamurima tevung mooa-aapenavung-koo.” Teeꞌpuuꞌ Sakaraiaꞌke.
25054	LUK 2:12	Taaꞌniꞌanta eeꞌ ooverira masikung tasiꞌperiaing: Narung nerakauꞌ baaronge koroari daiꞌniiꞌ nakoꞌbo-koo bempari otoko ooveriiꞌnaang.”
25095	LUK 3:1	Emuꞌ tee Jooni, Sakaraiaꞌ bauring, meeꞌboraꞌ sirakamaaꞌkoo nempari otoko, tenang Kumponinge kara nauvuuꞌ nantoong nauvuriiꞌnaang. Teeꞌ nkoaruꞌnung tenang teie Taibiriasi ookara kansiꞌnanka-koo ovorimpari miring Siisaꞌ nkavuuꞌnooꞌketa kivora-ita paꞌnokoꞌ mareꞌ deemparuꞌnang. Tenang aing aaꞌning ovoꞌmaꞌnuka deempariri otorokoꞌnang: Poontiasi Pailatiꞌ Judiaꞌnavaro-koo, eeꞌnoko napoꞌ Eerotiꞌ Kaaleliꞌnavaro-koo, eeꞌnoko baaraꞌmaꞌnung Pilipiꞌ aaꞌning-koo Iturea, eeꞌnoko Takonisi, eeꞌnoko Laisaniasiꞌ Abilini-navaro-koo.
25140	LUK 4:8	Eeꞌnoko Jiisuuꞌke makuꞌuma aaꞌpuuꞌnung, “A, Daari Meekung-koo eeꞌ daariari otong: ‘Diiꞌke Ovoring diikaang Kumponing narung dootuuꞌeriaing, eeꞌnoko niiꞌnung siomperiaꞌ otoriai.’”
25157	LUK 4:25	Masikaꞌ aaꞌnouꞌnung naurampimang: Mmauꞌ naaroonkunanka otorokoꞌ Isireeli-nameensiꞌkoo tenang tee temuꞌnung Kumponing-etaing nakaronara Eliasi otokoꞌnang peera pankaing nkoaruꞌ aaꞌnang, paning pankaroong avoꞌari otoko mareꞌ beemareu-eta ˜nau-taa kaara-koo.
25193	LUK 5:17	Niiꞌnaꞌmung teroong-koo Jiisuuꞌ nau-antavarako Boto Keperuuꞌnavitu eeꞌnoko boto naunuka teke dueꞌke baꞌnanai otorokoꞌ ookara osinairu-eta porora aaꞌning-eta: Kaaleliꞌnavaro-ita, Judiaꞌnavaro-ita, eeꞌnoko Jerusalemaꞌketa. Eeꞌnoko Ovoring bakaang purintoꞌ tee ninka otokoꞌ nantoong taare-anta-koo.
25224	LUK 6:9	Eeꞌnoko Jiisuuꞌke aaꞌpuruꞌ teing, “Ninge eeꞌ tanaꞌdampimang: Arekeeꞌ oroꞌ aarumo tauraꞌpari otong Doong Uaanaꞌmung nko-koo, aiꞌ naning tampaꞌ nko-koo aiꞌ orakaꞌ nko-koo; aiꞌ domaang mooꞌkoo aiꞌ dupisiꞌkoo makosie?”
25228	LUK 6:13	Eeꞌnoko tenang taneꞌpuioꞌ teie bokuvuruꞌnung bakaning barevare-nupoong eeꞌnoko teing-koo nanaiꞌketa kenaanka miruꞌuruꞌ, teing kara okovuri nkanuka tampuruꞌning, miring aing aaꞌning:
25232	LUK 6:17	Eeꞌnoko tee siaruꞌ doonko teing ninka, eeꞌnoko donkonauꞌ duumpanooꞌ deepoꞌ nantoong karikaꞌ barevare-nupoong ninka. Eeꞌnoko nantoong miatara porouꞌnung taaravaavaꞌnaang eeꞌnoko biikaning siipa-ita taare-antavuriiꞌnaang. Teing osi aaꞌning-eta porouꞌ: ookara Judiaꞌnavaro-eta, Jerusalemaꞌketa eeꞌnoko pirung dueꞌnairu-eta (Taiaꞌkoonairu-eta eeꞌnoko Saidoniꞌketa).
25242	LUK 6:27	“Teka ninge aaꞌdampimang diiꞌ tampaꞌ taaramerimaing: Diikaning kare-nupoong piaaverererimaatoaing, tampaꞌ nkovererima teing diiꞌ munteꞌdaarimaing.
25273	LUK 7:9	Tenang Jiisuuꞌke teeꞌ taaravura taꞌninuuꞌ tee-koo, eeꞌnoko damaꞌdu bereꞌarara karikaꞌkoo siompaakoꞌning-koo karoma aaꞌpuuꞌ, “Ninge naurampimang diiꞌ: temuꞌketa aung amuriiꞌ baito pankaing ooampaung bane Isireeli-nupoong ninka nariꞌ oꞌnorimaunge.”
25284	LUK 7:20	Eeꞌnoko tenang tenaanka poreta tee-anko aaꞌpuretuꞌnung, “Jooni Minkinarai neeꞌ daꞌanko botomuresinung aaꞌpuma: ‘Daꞌ ee tee tavoꞌaravaing-koong, aiꞌ mmeꞌ niiꞌnung nempampiainge?’”
25286	LUK 7:22	Eeꞌnoko teie aaꞌpuretuꞌnung tenaanka, “Bereta nauereai tee Jooni Minkinara kapooꞌ deeꞌke ooveresining eeꞌnoko taaraveresining, aaꞌnoining: kaputuꞌnuka banteaama ookai, kauꞌ deꞌdoonuka nanai, oramuuꞌpoꞌnupoong kiiroraaꞌariri eeꞌnoko kipaunuka taareai, booꞌnuka daaꞌariri, ataꞌoinku tampara doorenang daankianko taaravai.
25311	LUK 7:47	Teeꞌkoo ninge nauramaang daꞌ: Ani bakaning orarananka mmauꞌ tontaꞌarioꞌ piaa pankaing oroꞌantavuing, teka baa tee bakaning orakaꞌ nkonanka-koo okiꞌning tontaꞌarako piaa okiꞌnooꞌ oroꞌantavumaung.”
25317	LUK 8:3	Aaꞌning: Meeriꞌ Maꞌdala-nani, maꞌnari ˜kenaanka-taa bataꞌuruꞌnani; eeꞌnoko Joana, teni Siusa baꞌaang, tee Eerotiꞌ bakaang pava tarevukoꞌnung; eeꞌnoko Susana eeꞌnoko napoꞌ niiꞌning manikuꞌ mmauꞌ biikaning mintoong-eta taamang avaarikoꞌ nariꞌ nanaama.
25319	LUK 8:5	“Naning mintoong-koo sinang tanka-koo nanura tankavuko aaꞌnouꞌ: niiꞌning sinang taung-koo duaꞌariruꞌ, eeꞌnoko teka nantoonge mmemmeꞌaaruꞌ kauꞌke eeꞌnoko barenankai depeto porora tunturavauꞌ.
25324	LUK 8:10	“Kumponinge diiꞌ bakaang kara pinkaꞌerimaing tauraꞌduruꞌnung makensiꞌnung-koo miruꞌnooꞌ noruꞌeriiꞌnaang tee-koo bakaang muuꞌkoo nkoaramanaꞌ, teka teing niiꞌning kara dikitoꞌ narunge nauaramaung aaꞌnoainaꞌ: ‘Ooaama ooaavaukaꞌ, taaravaama taaravaavaukaꞌ.’
25325	LUK 8:11	“Enang kara dikitoꞌ miruꞌ aung: Tee sinang tee Kumponing bakaang kara.
25326	LUK 8:12	Teing taung duaꞌariruꞌning miruꞌnooꞌ aung: Niiꞌning nantoonge kara taaravaako Sietaniꞌke poma pariꞌurikooꞌ tee kara biikaang domang-eta, maroita, masikaꞌantavaara domampariꞌneeng-koo.