45	GEN 2:14	Beeriiru-nari miring Taikirisi-nari, Asiria-nameensiꞌkoo duaaꞌ pomanooꞌaapeita pomanari. Kareriiru-nari miring Iuperetisi-nari.
54	GEN 2:23	Teketa Aadamai aaꞌpuuꞌ, “Emuꞌ ani eeꞌnani mmaikoꞌ masikani. Bakaang kooꞌ tee ning-koong-eta kooꞌketaing eeꞌnoko bakaang bioꞌ tee ning-koong-eta bioꞌketaing. Ani donkaani-koong-eta kooꞌketa nkoniiꞌnani naning-eta-nani, teꞌkoo manikuma tampampaing.”
62	GEN 3:6	Eeꞌnoko tenang tenie manikumai tee teuꞌkoong sinang oovuko onou eeꞌ oroꞌ tavoꞌkuuꞌ, “Bakei aung sinang maaꞌkoo tampara, oroꞌoroꞌnooꞌ tampaꞌ oroꞌke, eeꞌnoko maaꞌanko norukasiꞌ deeng-antamupeuꞌ.” Tee ninka noruꞌ ninka tee-koo sinang-koo nkavura maaꞌkuuꞌ, eeꞌnoko niiꞌning napoꞌ tenie tee baꞌung nariꞌ otoretuꞌnung avuioꞌ maaꞌuuꞌ.
69	GEN 3:13	Teketa teie Ovoringe Kumponinge teni manikuma aaꞌpuuꞌ, “Dake tee aming-koo teeꞌ nkoveing?” Eeꞌnoko tenie manikumai aaꞌpuuꞌ, “Boruꞌke tosimuioꞌ teeꞌ ninge maaꞌansing.”
104	GEN 4:24	‘Baa naning Keiniꞌ dupisiꞌuaing aaꞌnaꞌ dau basinooꞌ kiimata nkavuaing, eeꞌnoko naning ning tamuaing bakei aaꞌnaꞌ aaꞌnaꞌ kiimata dau basinooꞌ kompuaing.’”
23216	MAT 1:3	Juda tee Peeresi namainta Siira beuma. Beuko teni Teemaa. Peeresi tee Eesirong bauma. Eesirong napoꞌ tee Aramiꞌ bauma.
23218	MAT 1:5	Salamong tee Booasi bauma, bauko teni Reeap. Booasi tee Oobeteꞌ bauma, teie bauko teni Rut. Oobeteꞌ tee Jeeseꞌ bauma. Eeꞌnoko
23224	MAT 1:11	Josaia tee Jekonaia bauma, eeꞌnoko baaraꞌmainkaang. Tekang ninka nariꞌ mmauꞌ Juꞌnupoong Babiloniꞌnameensiꞌaape berouꞌ kiimata-koo.
23225	MAT 1:12	Babiloniꞌaape berouꞌnooꞌketa Jekonaia tee Sialeteale bauma deemparuꞌ. Sialeteale tee Serababele bauma.
23230	MAT 1:17	Aing teing avantevaranooꞌ kivora-ita karenaumo-koo basi Eebaraamiꞌketa Deevitaꞌkoo basinooꞌ, eeꞌnoko teketa napoꞌ kivora-ita karenaumo-navarantu otorouꞌ Babiloniꞌke kiimatavariri otorouꞌnooꞌ basinooꞌkoo. Eeꞌnoko teketa napoꞌ kivora-ita karenaumo-navarantu depeto tee Kumponinge Pakoꞌpariꞌniiꞌkoo basinooꞌkoo.
23239	MAT 2:1	Teketa tee Jiisuuꞌ pontoꞌarioꞌ teke Beeteleemaꞌke Judiaꞌkoonooꞌke tenang tee daurarong˜ Eerotiꞌ otokoꞌnang niiꞌning norukasiꞌnuka duaaꞌ bakoaramanooꞌketa Jerusalemaꞌ porouꞌ. Porora niaꞌkaama aaꞌpaakoꞌ,
23243	MAT 2:5	Teinge makuꞌaama aaꞌpauꞌ, “Beeteleemaꞌke, Judiaꞌkoonooꞌke, aiꞌ aung kara nakaronarai daarivuuꞌnung Daari Meekung-koo, aaꞌpuma,
23244	MAT 2:6	‘Daꞌ Beeteleemaꞌ, Judiaꞌkoonavuntuꞌ osi okiꞌnavuntuꞌ deeaꞌ teing-koo pankeng osi Judiaꞌnavaroi otoromaing-koo, aiꞌ daꞌketa tee narung tanata-nko tavoꞌkuaing nkanavitu Isireeli-nupoong sipisipiꞌnanka-pinaꞌ tanatavuriaing.’”
23246	MAT 2:8	Teketa botovurima teꞌ Beeteleemaꞌaape aaꞌpuruꞌ, “Berira tampaꞌ besiꞌeriai tee tootoꞌ, eeꞌnoko ooverira namuꞌke ning naumeriai, meraiꞌnang tee-koo dootuuꞌmaravainaꞌ.”
23253	MAT 2:15	Bera teke otorouꞌ Eerotiꞌ booꞌparuꞌnooꞌke basi. Teeꞌ nkoarioꞌ tee kara Ovoring bakaang makotuuꞌ nakaronara˜ karantavuma˜ aaꞌpuuꞌnaare: “Ninge bokuantuꞌ tee nnuring Iisipiꞌketa.”
23254	MAT 2:16	Teketa tenang Eerotiꞌke noruꞌuraiꞌnange teinge norukasiꞌnukai tee tosiaara divuꞌauꞌnung tee, tee bakei aaꞌnaꞌ iiravouꞌ eeꞌnoko tee botoaruꞌ ookara toirekaaꞌ donkaang Beeteleemaꞌnavete-kooning dupisiꞌkoo biikaang mareꞌ beemareu-koo basiariaing teing norukasiꞌnukai nauauꞌnooꞌka noruꞌ nkavura.
23263	MAT 3:2	Aaꞌpuma daankiaruꞌ, “Bereꞌdariai paninung muuꞌkoo tuntariainaꞌ, aiꞌ tee muuꞌ tee enang dueꞌ poing.”
23268	MAT 3:7	Eeꞌnoko tenang eeꞌnang tevitu Moosesi bakaang Boto Keperuuꞌnavitu miring Paarisi-navitu eeꞌnoko Noruꞌ Pitunavitu miring Saadiusi-navitu nariꞌ ntong-koo minkivurira meekaꞌantavuriiꞌnaang porouꞌ. Teka Jooni Minkinarai oovurira aaꞌpurikoꞌ, “Diiꞌ borukoporonuka, baie aaꞌduri diiꞌ tamung minkirarira kooꞌdariaining Kumponing bakaang iira tavoꞌkuaing-eta?
23281	MAT 4:3	Eeꞌnoko teie dauaꞌbaukoi pora aaꞌpuuꞌ tee Jiisuuꞌ, “Daꞌ Kumponing Bauring deekoꞌ aing kapananka naueriko taamananka deempariaing.”
23293	MAT 4:15	“Teinge nantoonge mutaananooꞌ otoromainge pankaing araka ooaavaing teinge Sebulon eeꞌnoko Napitalai beekanavaro-kooninge, teꞌ ookamenta-koo otoromanooꞌ aaꞌnoko pirung-aape danto eeꞌnoko Jooꞌdani-nari-eta eeꞌdaanto, teꞌ eeꞌnooꞌ Kaaleliꞌ, Juꞌdeeaing Biikanooꞌ.
23295	MAT 4:17	Eeꞌnoko tenang-eta deto Jiisuuꞌke daankinang tutumpuuꞌ aaꞌpuma, “Bereꞌdariai paninung muuꞌkoo tuntariainaꞌ, aiꞌ tee muuꞌ tee enang dueꞌ poing.”
23306	MAT 5:3	“Biraanke-nupoong teing nantoong biikaang tanuaang ataataꞌkoo otoko tasiꞌpariaining, aiꞌ muuꞌ paninung tee teing okovoroaing.
23307	MAT 5:4	Biraanke-nupoong teing nantoong orarunsiarimaing, aiꞌ teing teing eeꞌning Ovoringe dunsirunsi˜antavuriaining.
23308	MAT 5:5	Biraanke-nupoong teing Kumponing-koo arooꞌariri banainge otoromaing, aiꞌ biikaang barenku okovoroaing tee ookara kansiꞌ tare-koong.
23309	MAT 5:6	Biraanke-nupoong teing nantoong peeravoroma nukaaꞌoromaing tee-koo aarumo koontoꞌ siong-koo, aiꞌ teing teing poovuriaining.
23310	MAT 5:7	Biraanke-nupoong teing nantoong piaa-baukonuka, aiꞌ Kumponinge teing piaavuriaing.
23311	MAT 5:8	Biraanke-nupoong teing nantoong domang kiiroraaꞌnuka, aiꞌ teing teing Kumponing ooaavaining.
23312	MAT 5:9	Biraanke-nupoong teing mooa nkonuka, aiꞌ teing teing Kumponinge baurukaaꞌ tampuriaining.
23313	MAT 5:10	Biraanke-nupoong napoꞌ teing nantoonge mankiꞌantavaarimaatoaining aarumo koontoꞌ siompaioꞌ, aiꞌ tee Muuꞌ Paninung tee teing biikaang.
23314	MAT 5:11	Biraanke-nupoong napoꞌ diiꞌ tenang nantoonge deuꞌdaarima mankiꞌantaraariko eeꞌnoko daanaꞌ avutevuꞌai orakaꞌ minkuraariko ning diiꞌke siomerimaung-koo.
23322	MAT 5:19	Baa tee naning aung-koo botonanka-koo okiꞌnarekaꞌ masikeng-koo narung totoꞌpura niiꞌning nariꞌ nau-antavuriaing tee tee okiꞌnung masikung tang-koong teka muuꞌ paninung-koo. Eeꞌnoko baa tee naning siompuma nau-antavuriaing tee botonanka tee eeꞌnung pankaing tang-koong teka muuꞌ paninung-koo.
23334	MAT 5:31	“Uripoꞌketa aaꞌpari otong, ‘Baa tee naning baꞌaang sipuma teie narung karavoto˜ daarivuaing nampeesi totoꞌpuing tasiꞌanta-koo.’
23350	MAT 5:47	Eeꞌnoko diiꞌke teing daꞌmarang naing onkeonkeꞌereriaing deekoꞌ aming kapooꞌ dau basi niiꞌning nkoaamaing-koo nkoveripeuꞌ? Bakei katuaꞌ. Mutaanang-nupoonge ee teeꞌ nkoaavaung?
23392	MAT 7:7	“Eentarariai aruriainaꞌ. Besiꞌeriai daaꞌeriainaꞌ. Kopikopiꞌeriai karanaang daateꞌderuriainaꞌ.
23423	MAT 8:9	Ninge daꞌ pankaing tasiꞌdamira teeꞌ minkuamaang, aiꞌ ning tee napoꞌ niiꞌnooꞌ basi-koo iriꞌkoo kuung oꞌnong piatooronuka tare-koong-koo. Eeꞌnoko niiꞌnung aaꞌpanko dei, ‘Beai,’ tee bepeuꞌ. Eeꞌnoko niiꞌnung aaꞌpanko dei, ‘Poai,’ tee popeuꞌ. Eeꞌnoko nkaang bautara aaꞌpanko, ‘Aung nkoveai,’ teie nkovupeuꞌ tee. Teeꞌkoo dake tamung karai minkueko nkaang botovotonaaꞌ taarevoaing.”
23436	MAT 8:22	Teka Jiisuuꞌke aaꞌpuuꞌ tee, “Siperiko booꞌnukai biiꞌka booꞌnuka dakoꞌaariaing, teka daꞌ aaꞌdamaang: Bera daankieaing tee Kumponing bakaang muuꞌ.”
23442	MAT 8:28	Teketa teing Jiisuuꞌninka Kadaraꞌnavete-koo tavoꞌariko kenaankarai naninkai maꞌnarie koriaarekoꞌnaankai kuvi dakoꞌdoma-ita poreta Jiisuuꞌ kuneꞌuretuꞌ. Bakei avoꞌavoroꞌka. Naning teke tankinuarupeuꞌ tenaanka-ankoi.
23443	MAT 8:29	Poreta aaꞌpuretuꞌ, “Jiisuuꞌ ee, dake Kumponing Bauringe niiꞌ arekeeꞌ nkomeriiꞌnaang? Aiꞌ niiꞌ toraꞌanta-koo poinge niikaang batei mmeꞌ makotuaruko?”
23446	MAT 8:32	Teketa Jiisuuꞌke aaꞌpuruꞌ, “Beriaing.” Tee tee tenang maꞌnari bakoarira pooroꞌnanka-koo tumpariruꞌ, eeꞌnoko tevontu ootukunavontu pemue doonko kooꞌariruꞌ nuaruꞌkoo bera keꞌnuruꞌariruꞌ teke.
23459	MAT 9:11	Eeꞌnoko teinge Boto Keperuuꞌnavitue teeꞌ ooaarira teing bakaning tee siompaakoꞌning niaꞌaarima aaꞌpauꞌ, “Diikaang pankaing aming-koo taakisi nkanuka ninka eeꞌnoko nantoong orenanka nariꞌ taamanaamaang?”
23461	MAT 9:13	Berira ioꞌ tee kara daari meekung-koong-koo tampaꞌ barerariaing aaꞌpumanaare, ‘Ninge tee aarumo piaa unaa-anta-poꞌnung piamoi oꞌnong, tee boontunang deeaꞌ.’ Aiꞌ ning nantoong tampenanka-anko moaꞌ. Ning orenanka-koo mouꞌnung nauaranko bereꞌariaꞌnaang.”
23462	MAT 9:14	Napoꞌ Jooni bakaninge barevare-nupoonge porora Jiisuuꞌ niaꞌaama aaꞌpauꞌ, “Daꞌ dakaning daꞌ ninka nanirimaing arekeeꞌkoo dootuuꞌkoong aarumo siompai unkumuariaung? Eeꞌnoko niiꞌ Boto Keperuuꞌnavitu ninka unkumumarikooꞌ.”
23463	MAT 9:15	Eeꞌnoko Jiisuuꞌke makuꞌurima aaꞌpuruꞌ, “Teing nantoong baraneeꞌnavitu nampeesi-koo poromaing naning nampeesinara ninka nariꞌ otoroi arekeeꞌ napoꞌ orarunsiaripeuꞌ tee nampeesinara teke otoko? Batei tee otong tee naning nampeesinara teing-eta tontaꞌaravainaꞌmung, eeꞌnoko tenang teing doong-koo unkumoariaing.
23468	MAT 9:20	Teketa tenang niiꞌnani naning manikuma kivora-ita kemareꞌka-koo tarumatearakoꞌnani tee-koo damaꞌdu pora bakaang mononopaꞌkoo kainuꞌ kompuuꞌ, eeꞌ noruꞌarara, “Bane okiꞌnooꞌ kompamira bakaang mononopaꞌkoo, ning teni taaremoainani.”
23489	MAT 10:3	Napoꞌ narung Pilipiꞌ, eeꞌnoko narung Baatolomiuꞌ, napoꞌ niiꞌnung Toomasi eeꞌnoko Maatiuꞌ, tee eeꞌnung taakisi nkanuka-koong; napoꞌ niiꞌnung Jeemisi, tee Alopeasi bauring; eeꞌnoko narung Taꞌdeasi.
23493	MAT 10:7	Berira kara aung anaare daankieriai, ‘Tee muuꞌ paninung tee enang dueꞌ poing!’
23525	MAT 10:39	Baa tee naning bakaang domaang baka tarearamaung tee bakaang domaang tee paaꞌaravaing, eeꞌnoko baa tee naning ning siomuma bakaang domaang duaꞌuaing tee teie napoꞌ daaꞌuaing tee domaang.
23526	MAT 10:40	“Baa tee naning diiꞌ onkeonkeꞌduriaing teie tee ning onkeonkeꞌmuaing, eeꞌnoko baa tee naning ning onkeonkeꞌmuainge teie tee Naning onkeonkeꞌuaing ning botomuuꞌnung.
23532	MAT 11:4	Eeꞌnoko teie aaꞌpuretuꞌnung tenaanka, “Bereta nauereai tee Jooni Minkinara kapooꞌ deeꞌke ooveresining eeꞌnoko taaraveresining;
23549	MAT 11:21	Aaꞌpuruꞌ, “Bakaꞌe piaaruꞌnuka diiꞌ Korasin-nupoong, toraꞌkiriaining. Piaaruꞌnuka diiꞌ Besaida-nupoong, diiꞌ toraꞌkiriaininge, aiꞌ diiꞌ teing kapooꞌnanka iriꞌpoꞌning taꞌnimpaariiꞌnanka diiꞌkoo nkoaruꞌning ooverima bereꞌdariaruuꞌ. Teinge Juꞌdeeaing Saidoniꞌnupoong eeꞌnoko Taiaꞌnupoonge ooaara dei namuꞌke bereꞌaripeuꞌ sipunge pooꞌarima mononopaꞌ orarunsi-koong kurumparipeuꞌ bereꞌariruꞌnung-koo taaꞌniꞌantavarima.
23555	MAT 11:27	Eeꞌnoko nantoong karavurima aaꞌpuruꞌ, “Ookutunung kapooꞌnanka tee Mmaꞌke pareꞌmuuꞌnung, eeꞌnoko naning otoaꞌ ning Tee Bauring noruꞌmui otoing, Mmaꞌke deekoꞌ noruꞌmui otong. Eeꞌnoko napoꞌ naning otoaꞌ Mmaꞌ noruꞌui otoing, teka ninge Bauringe deekoꞌ noruꞌansi oꞌnong. Eeꞌnoko nantoong teing naing ninge Bauringe miruꞌarampaining-koo oroꞌantavanko noruꞌaavaing tee.
23560	MAT 12:2	Teka teinge Boto Keperuuꞌnavitue˜ teeꞌ ooaarira aaꞌpauꞌ tee Jiisuuꞌ, “Ooveko, dakaning barevare-nupoong mintoomparimaang boto totoꞌpaitaaꞌ Doong Uaanaꞌmung-koong.”
23568	MAT 12:10	Eeꞌnoko teinge Boto Keperuuꞌnavitue turang-koong taung besiꞌaama niaꞌaama aaꞌpauꞌ tee, “Arekeeꞌ, Doong Uaanaꞌmung ee taare-anta nko-koo tauraꞌpari otong?”
23571	MAT 12:13	Teketa Jiisuuꞌke aaꞌpuuꞌ tee naning, “Bireng tovoroꞌdaravai.” Eeꞌnoko tovoroꞌarara koontoꞌ bakei tamparuꞌkuuꞌ niiꞌnaang-pinaꞌ baꞌmaikoꞌnaang-pinaꞌ nariꞌ.
23572	MAT 12:14	Teka teing Boto Keperuuꞌnavitu-koo-nupoong teketa siarira mumunsiariruꞌ Jiisuuꞌ dupisiꞌaavainaꞌ minkuaama.
23582	MAT 12:24	Teka tenang teinge Boto Keperuuꞌnavitue teeꞌ taaravaara aaꞌpauꞌ, “Tee aaꞌ Kopeu bakaang purintoꞌke maꞌnari bataꞌurimaung, tee maꞌnari biikaang pankaing.”
23596	MAT 12:38	Teketa tenang teinge Boto Keperuuꞌnavitue eeꞌnoko napoꞌ teing boto nau-antanukai aaꞌpauꞌ tee, “Nau-anta, niiꞌ taaꞌniꞌanta dake nkoveko oo-koo piamorimang.”
23597	MAT 12:39	Jiisuuꞌke makuꞌuma aaꞌpuruꞌ, “Diiꞌ enanavarang bakei oreng, nampeesi orarinuka-pinaꞌ diikaang Ovoring siperima, tosirarima aaꞌmerimaing, ‘Taaꞌniꞌanta paning-etaing iroꞌ naumeriko deekoꞌ taararampiaing.’ Bakei Kumponinge diiꞌ taaꞌniꞌanta nau-koo kasivuarura narung masikung aruriiꞌnaang, aaꞌnoaing: Teie ning taaꞌniꞌanta deeng-antamuaing temuꞌ tee nakaronara Joonaꞌ taaꞌniꞌanta deeng-antavuuꞌnaꞌ.
23606	MAT 12:48	Jiisuuꞌke tee naning karavukoꞌnung makuꞌuma aaꞌpuuꞌ, “Baa teni nkoꞌ, eeꞌnoko baata teing ntaraꞌmainkaang?”
23640	MAT 13:32	Bane temuriiꞌ mukusiriꞌ ookara-ita, nka tee tenang dupura pankaꞌparama taamang mintoong-kooning divuꞌura koiꞌ pankavari deemparamaung, eeꞌnoko barennanka poroma biikaang bitonanka kaniaamaunge kaumpeꞌnanka-koo.”
23651	MAT 13:43	Teketa tenang teing koontoꞌnuka duaaꞌpinaꞌ arakavariai teke tee-koo muuꞌ Biuma bakaang-koo. Punkang otorininge tee enang taaraveriaing!”
23656	MAT 13:48	Bera tenang aaꞌnaꞌ maantoꞌuioꞌ teinge taviꞌ baranukai deto piisiꞌkoo barampauꞌ. Teketa baꞌnaniaara tampenanka taviꞌ bireꞌarima pekuꞌkoo kuung sipaaruꞌ, teka oreng duaꞌaaruꞌ.
23662	MAT 13:54	Bera bakanooꞌ osi masipoꞌ pora nantoong nau-anta tutumpuruꞌ biikanava dootuuꞌnava-koo. Eeꞌnoko teing taꞌninaara aaꞌpauꞌ, “Aunge tee aung noruꞌ areꞌka nkavuuꞌnung, eeꞌnoko teing aing taꞌnimpaariiꞌnanka iriꞌpoꞌning?
23663	MAT 13:55	Aung ee eeꞌnung tee anke pava kani bauring ee deeaꞌ? Bauko miring Meeriꞌ eeꞌnoko baaraꞌmainkaang ainge ee deeaꞌ aaꞌning, Jeemisi, Josepaꞌ, Saimoniꞌ eeꞌnoko Judasi?
23664	MAT 13:56	Baꞌmarikaampi anke ee otoroaꞌ niiꞌ ninka? Areꞌka nkavuuꞌnunge aunge aing kapooꞌnanka?”
23673	MAT 14:7	Bera teie marakavarama teni kapooꞌ piavora eentavarako avuuꞌnaang tampuuꞌ.
23691	MAT 14:25	Bera taneꞌ dereꞌuaruko Jiisuuꞌ teing-aape pouꞌ nuaruꞌkoo daue nanuma.
23703	MAT 15:1	Tenang tee niiꞌning Boto Keperuuꞌnavitu eeꞌnoko boto naunuka Jerusalemaꞌketa Jiisuuꞌanko porouꞌ.
23714	MAT 15:12	Teketa napoꞌ bakaning barevare-nupoong tee-anko porora niaꞌaama aaꞌpauꞌ, “Dake ee noruꞌei otong teinge Boto Keperuuꞌnavitue daꞌ orakaꞌ noruꞌdaing teeꞌ minkuveioꞌ?”
23742	MAT 16:1	Niiꞌnaꞌmung teing Boto Keperuuꞌnavitu eeꞌnoko napoꞌ teing Noruꞌ Pitunavitu Jiisuuꞌanko porora tee paara-antavaama niaꞌaama aaꞌpauꞌ, “Narung taaꞌniꞌanta Paning-etaing naumeriai daꞌ Kumponing-etaing deekoꞌ tasiꞌdampiainaꞌ.”
23745	MAT 16:4	Diiꞌ enanavarang bakei oreng, nampeesi orarinuka-pinaꞌ diikaang Ovoring siperima, tosirarima aaꞌmerimaing, ‘Taaꞌniꞌanta paning-etaing iroꞌ naumeriko deekoꞌ taararampiaing.’ Bakei Kumponinge diiꞌ taaꞌniꞌanta nau-anta-koo kasivuarura narung masikung aruriiꞌnaang, aaꞌnoaing: teie ning taaꞌniꞌanta deeng-antamuaing temuꞌ Joonaꞌ taaꞌniꞌanta deeng-antavuuꞌnaꞌ.” Teketa Jiisuuꞌ teing teka sipurira tenkenuuꞌ.
23747	MAT 16:6	Eeꞌnoko nuaruꞌkoo pakoꞌariraiꞌnange Jiisuuꞌke aaꞌpuruꞌ teing, “Tanatarariaing teing-koo Boto Keperuuꞌnavitu-koo eeꞌnoko Noruꞌ Pitunavitu biikaang iisi-koo.”
23752	MAT 16:11	Arekeeꞌkoo diiꞌke tasiꞌperiaunge? Aiꞌ ninge tee taamang-koo minkuampaung. Teka diiꞌ eeꞌning tanatarariaining tee-koo Boto Keperuuꞌnavitu eeꞌnoko noruꞌ pitunavitu biikaang iisi-koo.”
23753	MAT 16:12	Teketa tenang teinge tasiꞌpauꞌ teie tee tee iisi bereteꞌkoo sipaamaung minkuvuma teeꞌ nauvuriaꞌ, teka tee kapooꞌkoo teinge Boto Keperuuꞌnavitue eeꞌnoko Noruꞌ Pitunukai nau-antavaarimaung-koo teeꞌ minkuvurikoꞌ.
23758	MAT 16:17	Jiisuuꞌke makuꞌuma aaꞌpuuꞌ, “Biraankeraring daꞌ, Jooni bauring, aiꞌ aung tee naninge kansiꞌkoonge nauruaꞌ, teka tee Mmaꞌke paning-koonge nauruing.
23763	MAT 16:22	Teketa Piitai taapoꞌ beꞌantavura teka potevuma aaꞌpuuꞌ, “Bakei makotuaꞌ daꞌ teeꞌ nko-koo, Ovoring. Teeꞌ daꞌkoo nkoaravaukaꞌnung.”
23802	MAT 18:6	“Teka Baa tee naning aing toireꞌ ning masikaꞌantamaamaing-koo narung duaꞌantavuaing tee-koo orara aarumo-koo deekoꞌ tee tee piaaruꞌ. Teeꞌ oroꞌ naning baukoi paravuaruuꞌnung dei tampaꞌ, aiꞌ Kumponinge aaꞌnaꞌ kiimatavuaing tee.
23803	MAT 18:7	Bakei piaaruꞌnuka kansiꞌnupoong amutemuriaunanka orara aarumo-koo nantoong duaꞌantavaarimaing. Masikaꞌ, teeꞌ oroꞌ aarumo duaꞌanta-koong tee poaing, teka bakei piaaruꞌnuka teing nantoong teeꞌ oroꞌ aarumo tavoꞌantavaavaining!
23828	MAT 18:32	Teketa teie bakaang ovoringe tee botovotonaaꞌ kuung bokuvuuꞌ. Bokuvura aaꞌpuuꞌ, ‘Daꞌ tee bakei orara botovotonaaꞌ!
23834	MAT 19:3	Eeꞌnoko niiꞌning boto keperuuꞌnavitu nariꞌ Jiisuuꞌanko pororaiꞌnange aavavaama aaꞌpauꞌ, “Botoi ee tauraꞌpui otong naninge baꞌaang bataꞌkoo baka piavoma deekoꞌ?”
23843	MAT 19:12	Aaꞌnomaung-koo: niiꞌning makosiaavaing keꞌde-ita pontoꞌarikooꞌ, eeꞌnoko niiꞌning nantoonge deekoꞌ tuukavaarikooꞌ, eeꞌnoko niiꞌning maroita nampeesi-koo piavoroarukooꞌ muuꞌ paninung narung-koo keiꞌorooꞌnaang. Baa naning teeꞌ otoꞌkoo arooꞌaravaing tee makosi teeꞌ otoaing.”
23849	MAT 19:18	Teie aaꞌpuuꞌ, “Boto areing?” Eeꞌnoko Jiisuuꞌke makuꞌuma aaꞌpuuꞌ, “Aing eeꞌ oroꞌ botonanka:
23850	MAT 19:19	‘Naning dupisiꞌeaukaꞌ, Nampeesi orarieaukaꞌ, Bakiaaꞌ nkoveaukaꞌ, Daang-koo tuutunampeaukaꞌ, Daumararing deto noruꞌeresi pakuereaing,’ eeꞌnoko ‘Dake tee naning daꞌkoo dueꞌnung daka piaararamanaꞌ nariꞌ teeꞌ piaaveaing.’”
23896	MAT 21:1	Tenang Jiisuuꞌ bakaning ninka Jerusalemaꞌ duerueꞌaama Bepasi-namono-koo basiarima Oliveꞌpoꞌnamii-koo otoinooꞌ, Jiisuuꞌke bakaning barevare-nupoong-koo kenaanka uroꞌke botovuretuꞌ aaꞌpurema,
23898	MAT 21:3	Niiꞌnung naninge tokoonaꞌ minkurureko nauerema aaꞌpereai, ‘Ovoring piavoing akong,’ eeꞌnoko teie namuꞌke botorureaing aaꞌpuma, ‘Bokuvereri bereai.’”
23900	MAT 21:5	“Bera naueriai teing Saioni-nupoong, aaꞌperiaing, ‘Ooveriaing, diikaang daurarong˜ diiꞌanko dooroompari banainge pomaang, doonkiiꞌnu kampianu-koo dau baꞌnanui, kauꞌ karenaumo-nu dooroompari mankiꞌnanka nkavumau-koo.’”
23904	MAT 21:9	Eeꞌnoko teing karinga Jiisuuꞌkoo uroꞌkanooꞌke nanauꞌninge eeꞌnoko damaꞌdu-eta porouꞌninge eura bokiaama aaꞌpaakoꞌ, “Biraanke tee-koo Deevitaꞌ bauring! Biraanke-poꞌnung aung Ovoring bakaang miring-koo pomaang! Biraanke otoi otoaing aꞌdeiꞌke paning-koo nariꞌ!”
23912	MAT 21:17	Eeꞌnoko teing teka temono-koo sipurira Beetani-navuntuꞌaape tenkenura teke aatuuꞌ.
23916	MAT 21:21	Jiisuuꞌke teing makuꞌurima aaꞌpuruꞌ, “Masikaꞌ naurampimang ninge, diiꞌ masikaꞌanta otoꞌderuri deekoꞌ, keekooꞌdariaꞌ, aung avari-koo nkoaring-pinaꞌ oroꞌ dau basinaꞌ nkoveriaing, aaꞌnoko aunteto iuꞌ diiꞌke aaꞌperiko, ‘Bitaꞌdarara pirung-koo duaꞌdaravai,’ teeꞌ nkoarapeuꞌ.
23940	MAT 21:45	Teketa tenang teinge piristiꞌkoo ovontunge eeꞌnoko Boto Keperuuꞌnavitue Jiisuuꞌ bakaang kara mirumiruꞌ taaravaara tee teing tasiꞌpariruꞌ teing eeꞌning minkuvuruꞌnung Jiisuuꞌke.
23945	MAT 22:4	Teketa teie napoꞌ niiꞌning botovotonaaꞌnuka botovurima aaꞌpuruꞌ, ‘Berira nauereriaing teing ninge paraꞌ avorontuꞌning tee nkaang taamang emuꞌ maamuari otong. Aaꞌnoing boromakaꞌ pankeng biꞌaransi, kampianing nunkemparamaing nariꞌ. Enang tee ookara kapooꞌnanka tee maamu-antavari otong. Poroaing enang nampeesi-koong paroro-koo.’
23950	MAT 22:9	Berira nantoong kunekuneꞌnairu-koo naniriaing eeꞌnoko baata teka meuꞌpereriaining ookara paroro-koo paraꞌ averereriai.’
23956	MAT 22:15	Teketa teing Boto Keperuuꞌnavitu tenkenaara taung besiꞌauꞌ Jiisuuꞌ dauaꞌkoo.
23975	MAT 22:34	Jiisuuꞌke noruꞌ pitunavitu karantavuriaruioꞌ taaravaara Boto Keperuuꞌnavitu biiꞌka naroꞌariruꞌ.
23982	MAT 22:41	Tenang eeꞌnang teing Boto Keperuuꞌnavitu naroꞌarira otoroko Jiisuuꞌke biikaang noruꞌ tante-anta-koo niaꞌurima aaꞌpuruꞌ,
23989	MAT 23:2	“Teing boto naunuka eeꞌnoko Boto Keperuuꞌnavitu Moosesi paariauꞌning bakaang boto nau-anta-koo.
23999	MAT 23:12	Baa tee naning baka deto basiaramaung damaꞌke doonko basi deemparavaing, eeꞌnoko baa tee naning boonko noruꞌari otomaung tee tee eeꞌnung deto basi deemparavaing.