22	GEN 1:22	Eeꞌnoko Kumponinge ookara biraankevuruꞌ aaꞌpuma, “Ookara kapooꞌnanka pirung-kooning parerima berentarima pirung maantoꞌeriai, eeꞌnoko ookara barennanka teeꞌke, parerima berentariai kansiꞌkoo.”
29	GEN 1:29	Eeꞌnoko Kumponinge aaꞌpuretuꞌ, “Oovereko, ninge tee deeꞌ arompesing ookara kapooꞌnanka sinampumaing ookara-koo kansiꞌkoo daue otorinanka; deeꞌ deekaang taamang, ookara baaꞌnanka, koiꞌnanka, keenavaang eeꞌnoko poraꞌkooning naroꞌka.
36	GEN 2:5	Tenang Ovoringe Kumponinge kansiꞌ eeꞌnoko paning nkovuuꞌnang kapooꞌ keenavaang tovang koiꞌ dovang baaꞌ otoarukoꞌ kansiꞌkoo, mmeꞌ Kumponinge apoꞌ botovuaruko eeꞌnoko naning otoarukoꞌ mintoong nkovupeuꞌnung.
38	GEN 2:7	Eeꞌnoko tenang eeꞌnang teie Ovoringe Kumponinge naning kansiꞌkoong daꞌmong-etab nkovuuꞌ, eeꞌnoko keꞌnie deto uupuvura domaang avuuꞌ domang-antavuma eeꞌnoko tee naning tenang domaang-poꞌnung deemparuꞌ.
46	GEN 2:15	Eeꞌnoko teie Ovoringe Kumponinge tee naning nkavura teꞌ Iideniꞌnau-koo sipuuꞌ tenau mintoompuma teke tarevui otooꞌnaang.
47	GEN 2:16	Eeꞌnoko Ovoringe Kumponinge botovuma aaꞌpuuꞌ tee naning,
48	GEN 2:17	“Ookara koiꞌkoong sinananka mintoong-koo otoining-koong tamung naroꞌketa maaꞌemaatoaing, teka tevari koiꞌnavari noruꞌanta nka-navari teing aaꞌning-koo tampara eeꞌnoko orara dake maaꞌeaukaꞌ tee sinang tevari-koong, aiꞌ teꞌmung daꞌ tevari-koo sinang maaꞌeainaꞌmung daꞌ tee dooaing.”
49	GEN 2:18	Teketa Ovoringe Kumponinge aaꞌpuuꞌ, “Aung naning baka otoꞌkoo tampaꞌ deeaꞌ. Ninge bakaang pakupakunung tee-koo makosi nkoevompaing.”
50	GEN 2:19	Teketa teie Ovoringe Kumponinge teing kauꞌkarenaumo-nanka eeꞌnoko barennanka kansiꞌketa temuꞌ nkovuruꞌning teꞌ Aadama-anko poꞌantavuruꞌ teie namuriiꞌnaꞌ oovurira miring tampuriiꞌnaang, eeꞌnoko aming miring teie Aadamai tampuruꞌnung teing kapooꞌ domantooꞌnanka-koo tee tee biikaang miring deemparuꞌ.
52	GEN 2:21	Teketa teie Ovoringe Kumponinge tee Aadama aaꞌnaꞌ aasiꞌantavuuꞌ, eeꞌnoko tenang aatuko paramparang-koo kooꞌkoo nariꞌ bitaꞌura teꞌ napoꞌ bioꞌke avoꞌantavuuꞌ.
57	GEN 3:1	Ookara kapooꞌ avutevuꞌ biikoori Kumponinge nkovuruꞌnanka-koo boruꞌ bakei aaꞌnaꞌ toreearoꞌ. Teie tee teni manikuma aaꞌpuuꞌ, “Kumponinge ee masikaꞌ ookara anau-koo koiꞌnanka-koong sinang maaꞌkoo orokoruresing?”
64	GEN 3:8	Teketa tenang kamunooꞌnang boimpuioꞌ tenaankai tee Ovoring Kumponing teke mintoonge nanuko taaravuretuꞌ, eeꞌnoko koiꞌnanka-koo meuꞌ bakuꞌaretuꞌ.
65	GEN 3:9	Teka teie Ovoringe Kumponinge Aadama bokuvuma aaꞌpuuꞌ, “Daꞌ areꞌ otomang?”
69	GEN 3:13	Teketa teie Ovoringe Kumponinge teni manikuma aaꞌpuuꞌ, “Dake tee aming-koo teeꞌ nkoveing?” Eeꞌnoko tenie manikumai aaꞌpuuꞌ, “Boruꞌke tosimuioꞌ teeꞌ ninge maaꞌansing.”
70	GEN 3:14	Teketa Ovoringe Kumponinge tee boruꞌ aaꞌpuuꞌ, “Dake tee teeꞌ oroꞌ kapooꞌ nkoveing-koo dakaang barakosiꞌ tee dau basi ookara kauꞌkarenaumo-nanka bauꞌnaananka-koo eeꞌnoko poraꞌkoonanka-koo. Daꞌ tee keꞌdei nanimatoaing otoainaroong-koo tee nankanankara maaꞌema.
77	GEN 3:21	Eeꞌnoko Kumponinge Ovoringe kauꞌkarenaumo-nanka-koong dopaꞌkoo mononopaꞌ nkovura Aadama eeꞌnoko teni Iivi avuretuꞌ kurumpareeꞌnaang.
78	GEN 3:22	Teketa Kumponinge Ovoringe aaꞌpuuꞌ, “Aung tee naning niiꞌpinaꞌ oroꞌparing aaꞌnoing kapooꞌ tampara eeꞌnoko orara noruꞌui. Emuꞌ tee koiꞌ domang isikung avuꞌnavari-koo dueꞌ beꞌkoo tauraꞌpampiaukaꞌ, tevari-koong sinang maaꞌura napoꞌ domampari otoꞌneenga.”
79	GEN 3:23	Teeꞌpura Ovoringe Kumponinge tenau-eta Iideniꞌnau-eta bataꞌuuꞌ tamung poraꞌke mintoomparaaꞌnaang, tee naning kansiꞌketaing kansiꞌ nenkeꞌuma.
81	GEN 4:1	Enang tee Aadama Iivi-ninka baꞌaang ninka otoresi teni kempoꞌkuuꞌ. Teketa tootoꞌ narung donkaani paravuuꞌ tenie, miring Keiniꞌ. Eeꞌnoko aaꞌpuuꞌ tenie, “Ninge narung donkaani paravansing Ovoringe pakumuioꞌ.”
83	GEN 4:3	Damaꞌke tee Keiniꞌke tee-koo keenkeenanka-koo sinananka nkavurira Ovoring-koo boontunamparuꞌ.
84	GEN 4:4	Eeꞌnoko Eebeloꞌke sipisipiꞌnanka-koo niiꞌning tutunaꞌning-kooning datoꞌurira menaanka dovang-nairu ninka boontunamparuꞌ. Eeꞌnoko Ovoring Eebeloꞌkoo aaꞌnaꞌ dotuaruꞌ eeꞌnoko tee-koo bakaang-koo boontunang-koo.
86	GEN 4:6	Eeꞌnoko Ovoringe aaꞌpuuꞌ tee Keiniꞌ, “Daꞌ aming-koo iirarora oing orakaꞌ oroꞌdaramang?
89	GEN 4:9	Tenang Ovoringe aaꞌpuuꞌ tee Keiniꞌ, “Eebeloꞌ arerai tee daaraꞌmaꞌnung?” Eeꞌnoko Keiniꞌke aaꞌpuuꞌ, “Ninge noruꞌampaꞌ tee, aiꞌ ning tee ntaraꞌmaꞌnung tare-koo siꞌmeuꞌnunge?”
90	GEN 4:10	Eeꞌnoko Ovoringe aaꞌpuuꞌ, “Nka dake aming nkoveing? Tee daaraꞌmaꞌnung bakaang ereng-koong aurong tee ning-koo biromparamang kansiꞌketa.
93	GEN 4:13	Teketa Keiniꞌke aaꞌpuuꞌ tee Ovoring, “Ee bakaꞌ, aung tee kiimata pankaing masikung. Dake ameioꞌ orarunsie dupisiꞌmuuꞌnaang.
95	GEN 4:15	Teka Kumponinge aaꞌpuuꞌ tee, “A, teeꞌ deeaꞌ. Niiꞌnung naninge daꞌ taruma dupisiꞌduaing deekoꞌ, tee naning tee ninge aaꞌnaꞌ dau basinooꞌ kiimata avompaing.” Eeꞌnoko Ovoringe Keiniꞌkoo taaꞌniꞌanta sipuuꞌ naninge tokoa oovura tavuꞌneeng-koo tee.
96	GEN 4:16	Teketa tenang Keiniꞌ Ovoring-ankoita tenkenuuꞌ, eeꞌnoko bera Ataꞌnanuꞌ tampaama-nameng-koo beuꞌ teketa Iideniꞌketa duaaꞌ pomanooꞌaapenameng-koo.
111	GEN 5:5	Ookara mareꞌ naroꞌka Aadama otouꞌning ˜karenaumo-taa daakuꞌ bera beenaumo kivora [930] deemparama bouꞌ.
114	GEN 5:8	Ookara mareꞌ Set otouꞌning naroꞌka ˜karenaumo-taa daakuꞌ bera kivora-ita kenaanka [912] deemparama booꞌparuꞌ.
117	GEN 5:11	Ookara mareꞌ Iinosiꞌ otouꞌning naroꞌka ˜karenaumo-taa daakuꞌ bera paꞌnokoꞌ [905] deemparama booꞌparuꞌ.
120	GEN 5:14	Ookara mareꞌ Kenan otouꞌning naroꞌka ˜karenaumo-taa daakuꞌ bera kivora [910] deemparama bouꞌ.
129	GEN 5:23	Ookara mareꞌ Iinoke otouꞌning naroꞌka beenaumo daakuꞌ bera ˜narung-taa kivora-ita paꞌnokoꞌ [365].
133	GEN 5:27	Ookara mareꞌ Metuselaꞌ otouꞌning naroꞌka ˜karenaumo-taa daakuꞌ bera ˜narung-taa kivora-ita napoꞌ ˜karenaumo-taa [969] deemparama booꞌparuꞌ.
137	GEN 5:31	Ookara mareꞌ Leemekiꞌ otouꞌning naroꞌka ˜kenaanka-taa daakuꞌ bera ˜kenaanka-taa kivora-ita ˜kenaanka-taa [777] deemparama booꞌparuꞌ.
23218	MAT 1:5	Salamong tee Booasi bauma, bauko teni Reeap. Booasi tee Oobeteꞌ bauma, teie bauko teni Rut. Oobeteꞌ tee Jeeseꞌ bauma. Eeꞌnoko
23233	MAT 1:20	Teka teeꞌ noruꞌarara otoko koosinung˜ narung Ovoring bakaang noone-koo tee-ankoi oroꞌparuꞌ eeꞌnoko aaꞌpuuꞌ, “Josepaꞌ, Deevitaꞌ bauring, aroreaukaꞌ Meeriꞌ boku-koo daꞌaang deemparaaꞌnaang, aiꞌ tee tootoꞌ teni-koo poontoaring˜ tee Tanuaang Meekung-etaing.
23235	MAT 1:22	Aing ookara kapooꞌnanka nkoaruꞌnooꞌ tee kapooꞌ Ovoringe tero nakaronara˜ karantavuma˜ nauvuuꞌnung masikaꞌparaaꞌnaang, eeꞌ oroꞌ:
23237	MAT 1:24	Tenang Josepaꞌ tantearara teeꞌ nariꞌ teie koosinunge Ovoring bakaange botovuuꞌnaꞌ bera Meeriꞌ bokuvuuꞌ baꞌaang deemparaaꞌnaang.
23251	MAT 2:13	Teing beroioꞌ napoꞌ tee koosinung Ovoring bakaang Josepaꞌankoi oroꞌparuꞌ noone-koo, teketa aaꞌpuuꞌ, “Daaꞌdaravai. Tee tootoꞌ eeꞌnoko bauko bokuereta Iisipiꞌaape mmaririra bera teke otoriko ninge nauranko deekoꞌ tororariai, aiꞌ Eerotiꞌke tee besiꞌuuꞌnaang tee tootoꞌ dupisiꞌuuꞌnaang.”
23253	MAT 2:15	Bera teke otorouꞌ Eerotiꞌ booꞌparuꞌnooꞌke basi. Teeꞌ nkoarioꞌ tee kara Ovoring bakaang makotuuꞌ nakaronara˜ karantavuma˜ aaꞌpuuꞌnaare: “Ninge bokuantuꞌ tee nnuring Iisipiꞌketa.”
23257	MAT 2:19	Teketa tenang Eerotiꞌ booꞌparioꞌ, tee koosinung Ovoring bakaang napoꞌ Josepaꞌankoi noone-koo oroꞌparuꞌ teke Iisipiꞌke.
23261	MAT 2:23	Eeꞌnoko berora narung osi miring Nasaretiꞌnamono-koo otorouꞌ. Teeꞌ nkoarako tee kara nakaronara karantavuma Ovoringe minkuvuuꞌnung masikaꞌparuꞌ, aaꞌpuuꞌnung, “Nasaretiꞌnung tampaamaatoaing.”
23264	MAT 3:3	Aung Jooni tee teie nakaronara Aisaiaꞌke urikamuꞌ minkuvuuꞌnung Daari Meekung-koo aaꞌpuuꞌnooꞌka, “Aurong narung naning-koong meeꞌboraꞌ sirakamaaꞌkoo bokuma aaꞌpumaang, ‘Maamu-antaveriaing tee taung Ovoring bakaang. Koompevuriai poainavung.’”
23285	MAT 4:7	Teka Jiisuuꞌke makuꞌuma aaꞌpuuꞌ tee, “A, Daari Meekung-koo napoꞌ eeꞌ daariari otong, ‘Diiꞌke tee Ovoring diikaang Kumponing parapaara-koo siperiaukaꞌ.’”
23288	MAT 4:10	Teketa Jiisuuꞌke aaꞌpuuꞌ tee, “Tokoi tenkeniai daꞌ Sietaniꞌ ning-ankoita, aiꞌ Daari Meekung-koo eeꞌ daariari otong, ‘Diiꞌke Ovoring diikaang Kumponing narung dootuuꞌeriaing, eeꞌnoko niiꞌnung siomperiaꞌ otoriai.’”
23307	MAT 5:4	Biraanke-nupoong teing nantoong orarunsiarimaing, aiꞌ teing teing eeꞌning Ovoringe dunsirunsi˜antavuriaining.
23336	MAT 5:33	“Napoꞌ diiꞌke taaraverimaung uripoꞌketa aaꞌpui otoing, ‘Diikaning masikaꞌdetonanka totoꞌperiaꞌ otoai, nka tampaꞌ siomperimatoai Ovoring-koo nkoverira.’
23377	MAT 6:26	Oovereriai teing barennanka auviꞌau-kooning. Teing teing kapooꞌ keeng noruꞌaavaꞌ, kavaama oosi noruꞌaavaꞌ, koreꞌ noruꞌaavaꞌ pava-koo, teka teing teing Diumai paning-koonge bauꞌurimaing. Enang arekeeꞌ, diiꞌ ee teing-koo dau basinanka deeaꞌ bakaang norunoruꞌkoo?
23378	MAT 6:27	Eeꞌnoko diiꞌkoo baie noruꞌ mankiꞌoma doong naraangaꞌnooꞌ deto beꞌnuꞌantavura teꞌkoo domampari otopeuꞌ? Otoaꞌ.
23379	MAT 6:28	Eeꞌnoko aming-koo napoꞌ diiꞌ baarong tovang-koo noruꞌ mankiꞌdorikooꞌ? Oovereriai teing iiooꞌnanka tamung dupurimanaꞌ, baarong tuaꞌkoo poreꞌoroainge.
23395	MAT 7:10	Niiꞌnooꞌ taviꞌkoo eentavuko ee boruꞌ avupeuꞌ tee? Otoaꞌ.
23401	MAT 7:16	Teka tee-koo biikaang sinananka-koo diiꞌke tasiꞌpereriaing. Aiꞌ nantoonge ee karikauꞌ tooꞌmurintaaꞌpoꞌnavari-koo kavaapeuꞌ? Aiꞌ kiring ee nantong-koo kavaapeuꞌ? Otoaꞌ!
23406	MAT 7:21	“Mmauꞌke tee aaꞌmaamaung, ‘Ovoring, niikaang Ovoring,’ nka teing ookara nariꞌ tumpariaukaꞌnung teꞌ muuꞌ paninung-koo, teka teing naing deekoꞌ tee Mmaꞌ paning-koong bakaang pia siompaavaining tumpariaing.
23407	MAT 7:22	Napoꞌ nantoong karingai aaꞌmaavainge ning teꞌmung, ‘Ovoring, Ovoring, niiꞌ ee dakaang miring-koo tarampeemariaruuꞌning˜ napoꞌ dakaang miring-koo maꞌnari bataꞌarampiaruuꞌninge taaꞌniꞌantananka mmauꞌ nkoampima?’
23416	MAT 8:2	Eeꞌnoko narung oramuuꞌpoꞌnung pora Jiisuuꞌkoo uroꞌkanooꞌ kinkinui eentavarama aaꞌpuuꞌ, “Ovoring, daꞌ piarora deekoꞌ dake ning aung oramuuꞌ kuimepeuꞌnung.”
23420	MAT 8:6	“Ovoring, nkaang bautara osie bempari otong siipai sisikeera ninka doota-antavuioꞌ.”
23422	MAT 8:8	Eeꞌnoko teie piatooronuka daakuꞌ tarenarai makuꞌuma aaꞌpuuꞌ, “Ovoring, ning tee makosi deeaꞌ daꞌ nkanooꞌ pava-koo kuung poꞌkoo;
23435	MAT 8:21	Teketa napoꞌ teing siompaakoꞌning-koong narung pora aaꞌpuuꞌ, “Ovoring, ioꞌ tauraꞌmeko mmaꞌ dakoꞌampainooꞌ basinooꞌ mmaꞌ ninka oꞌnoreaing, eeꞌnoko mmaꞌ dakoꞌamiraiꞌnange daꞌ siontampai.”
23439	MAT 8:25	Teketa teinge bakaning barevare-nupoonge berora tanteaama aaꞌpauꞌ Jiisuuꞌ, “Ovoring, pakumeriai, niiꞌ enang keꞌnuruꞌmariiꞌnaang!”
23472	MAT 9:24	Eeꞌnoko teie aaꞌpuruꞌ teing, “Oko sirariai, ani neraiꞌnaꞌ booaꞌ, teka tamung aatumaang.” Eeꞌnoko teinge benkempauꞌ tee.
23476	MAT 9:28	Eeꞌnoko teketa niiꞌnava-koo tumparako tenaanka kaputuꞌka tee-anko poretuꞌ, eeꞌnoko Jiisuuꞌke niaꞌurema aaꞌpuretuꞌ tenaanka, “Deeꞌke ee ning makosi masikaꞌantameresi otong ninge piaroresinaꞌ nkorampeeꞌnaang?” Makuꞌurema aaꞌpuretuꞌ, “Eeꞌ, Ovoring.”
23486	MAT 9:38	Teeꞌkoo kunsirariaing sinang kavuꞌkoo Ovoringe kavuꞌnupoong botovuriainaꞌ tee-koo bakaang mintoong-koo.”
23494	MAT 10:8	Eeꞌnoko siipa-nupoong taare-antaverereriai. Napoꞌ booꞌnuka domampereriai. Oramuuꞌpoꞌnupoong kiiroraaꞌantaverereriai. Eeꞌnoko maꞌnari bataꞌereriai. Aung amuriiꞌ iriꞌ tamung arompiring eeꞌnoko diiꞌke napoꞌ teeꞌ tamung pakuereriai tee ninka.
23518	MAT 10:32	Ookara teing nantoong-koo uroꞌkanooꞌke ning arooꞌmai otoing siraꞌpariko ninge teeꞌke tee Mmaꞌkoo uroꞌkanooꞌke teke paning-koo nkaning tamparampaing.
23553	MAT 11:25	Tenang eeꞌnang Jiisuuꞌke aaꞌpuuꞌ, “Mmaꞌ ee, tampara tantamang daꞌ Ovoring paning-koong eeꞌnoko kansiꞌkoonge, dake aaꞌnouꞌnung-koo: Dake tee doorenang tampara bakuꞌeuꞌnung-koo teing-koo matau-poꞌnupoong eeꞌnoko noruꞌpoꞌnupoong tamparimaing-koo eeꞌnoko siraꞌpeuꞌ teing-koo tootoia-pinaꞌ otoromaing-koo.
23555	MAT 11:27	Eeꞌnoko nantoong karavurima aaꞌpuruꞌ, “Ookutunung kapooꞌnanka tee Mmaꞌke pareꞌmuuꞌnung, eeꞌnoko naning otoaꞌ ning Tee Bauring noruꞌmui otoing, Mmaꞌke deekoꞌ noruꞌmui otong. Eeꞌnoko napoꞌ naning otoaꞌ Mmaꞌ noruꞌui otoing, teka ninge Bauringe deekoꞌ noruꞌansi oꞌnong. Eeꞌnoko nantoong teing naing ninge Bauringe miruꞌarampaining-koo oroꞌantavanko noruꞌaavaing tee.
23560	MAT 12:2	Teka teinge Boto Keperuuꞌnavitue˜ teeꞌ ooaarira aaꞌpauꞌ tee Jiisuuꞌ, “Ooveko, dakaning barevare-nupoong mintoomparimaang boto totoꞌpaitaaꞌ Doong Uaanaꞌmung-koong.”
23566	MAT 12:8	Aiꞌ tee ning Tee Naning-naumpoꞌ Paning-etaing tee Ovoring Doong Uaanaꞌmung-koo eeꞌnoko tauraꞌ avorompeuꞌ nantoonge kapooꞌ nko-koo.”
23583	MAT 12:25	Eeꞌnoko Jiisuuꞌke biikaang onou tasiꞌpura aaꞌpuruꞌ teing, “Ookara muuꞌnanka biiꞌka siivenkeꞌarimaing kare-nupoonge pini daakoꞌaarimaung. Eeꞌnoko napoꞌ tee puataꞌ niiꞌnooꞌ osi siivenkeꞌeemaing teie duaꞌarimainge.
23597	MAT 12:39	Jiisuuꞌke makuꞌuma aaꞌpuruꞌ, “Diiꞌ enanavarang bakei oreng, nampeesi orarinuka-pinaꞌ diikaang Ovoring siperima, tosirarima aaꞌmerimaing, ‘Taaꞌniꞌanta paning-etaing iroꞌ naumeriko deekoꞌ taararampiaing.’ Bakei Kumponinge diiꞌ taaꞌniꞌanta nau-koo kasivuarura narung masikung aruriiꞌnaang, aaꞌnoaing: Teie ning taaꞌniꞌanta deeng-antamuaing temuꞌ tee nakaronara Joonaꞌ taaꞌniꞌanta deeng-antavuuꞌnaꞌ.
23660	MAT 13:52	Napoꞌ teie aaꞌpuruꞌ teing, “Ookara teing-koo boto nau-antanuka ning-koo barearimaing muuꞌ paning-aapening-koo teing teing biraanke-nupoong, aiꞌ teinge urikupoong nakaro-nupoong biikaang kara tasiꞌpai otorong eeꞌnoko ning-koo dupearamanaꞌ tasiꞌpai otong tampaꞌ nantoong nau-antavaariiꞌnaang naroꞌka.”
23694	MAT 14:28	Teketa Piitai aaꞌpuuꞌ, “Ovoring, daꞌ masikung deekoꞌ bokumeko ning ntong-koo daue nanama daꞌanko meai.”
23696	MAT 14:30	Teka tenang teie doving oovura tee avorouꞌ, eeꞌnoko minki tutumparuꞌ, eeꞌnoko minki tutumparama bokuma aaꞌpuuꞌ, “Ovoring, mooꞌmeai!”
23715	MAT 15:13	Jiisuuꞌke makuꞌuma aaꞌpuruꞌ, “Ookara keenkeenanka Mmaꞌke paning-koonge keempuriaruuꞌning teing bitaꞌkooning ariꞌa ninka nariꞌ.
23724	MAT 15:22	Teka temeng-koo naning Keenang-naving-koonani Jiisuuꞌanko pora bokuma aaꞌpuuꞌ, “Ovoring, Deevitaꞌ bakanaving-koong, piaameai ning! Nnorang teni maꞌnaang aaꞌnaꞌ masikaꞌ kurumaaꞌaramanani!”
23727	MAT 15:25	Teketa teni pora Jiisuuꞌkoo uroꞌkanooꞌ kinkinura eentavarama aaꞌpuuꞌ, “Ovoring pakumeai.”
23729	MAT 15:27	Tenie aaꞌpuuꞌ, “Eeꞌ, Ovoring, masikaꞌ, nka tee mosiꞌnankai napoꞌ mukunanka naiaamaung ovoring baurukaaꞌ taamanaamanooꞌketa duaꞌarimaing.”
23738	MAT 15:36	Teketa teie teing paꞌnokoꞌketa keura bereteꞌning eeꞌnoko taviꞌning nkavura Ovoring-koo tampara tampura pisiꞌura teing bakaning barevare-nupoong avuruꞌ, eeꞌnoko teinge nantoong avaaruꞌ.
23745	MAT 16:4	Diiꞌ enanavarang bakei oreng, nampeesi orarinuka-pinaꞌ diikaang Ovoring siperima, tosirarima aaꞌmerimaing, ‘Taaꞌniꞌanta paning-etaing iroꞌ naumeriko deekoꞌ taararampiaing.’ Bakei Kumponinge diiꞌ taaꞌniꞌanta nau-anta-koo kasivuarura narung masikung aruriiꞌnaang, aaꞌnoaing: teie ning taaꞌniꞌanta deeng-antamuaing temuꞌ Joonaꞌ taaꞌniꞌanta deeng-antavuuꞌnaꞌ.” Teketa Jiisuuꞌ teing teka sipurira tenkenuuꞌ.
23763	MAT 16:22	Teketa Piitai taapoꞌ beꞌantavura teka potevuma aaꞌpuuꞌ, “Bakei makotuaꞌ daꞌ teeꞌ nko-koo, Ovoring. Teeꞌ daꞌkoo nkoaravaukaꞌnung.”
23773	MAT 17:4	Eeꞌnoko Piitai aaꞌpuuꞌ tee Jiisuuꞌ, “Ovoring ee, bakei tampaꞌ niiꞌ anke oꞌnorimaang. Daꞌ piaroko deekoꞌ ninge bare beevaari kaniampaing, nava daꞌ dakanava, nava Moosesi bakanava eeꞌnoko nava Eliasi bakanava.”
23784	MAT 17:15	“Ovoring ee, nnuring piaaveai kookokoaramaung, eeꞌnoko aaꞌnaꞌ sisikeeravokooꞌ. Mmauꞌnamuꞌpie ntaꞌkoo niiꞌnooꞌ ntong-koo duaꞌarakooꞌ.
23795	MAT 17:26	Piitai makuꞌuma aaꞌpuuꞌ, “Oovuning-eta barampaamaung.” Teketa Jiisuuꞌke aaꞌpuuꞌ, “Tee tee teeꞌkoo dauraronuka biurukaaꞌ teing unaanisi otoꞌnuka, eeꞌnoko ning napoꞌ teeꞌke, unaanisi otoꞌnara.
23796	MAT 17:27	Teka makosi neeꞌke mooꞌampeaing noruꞌ orari-antavarampeꞌneeng teing. Enang bera aꞌdoong nuaruꞌkoo airiraravaing, teketa tutunaꞌnu taviꞌnu barampeainu-koo karang kaakeꞌera teka mooniꞌ ooveaing. Oovera nkavera teing averiaing, neekaang taakisi deemparavaing.”
23817	MAT 18:21	Teketa Piitai pora Jiisuuꞌ niaꞌuma aaꞌpuuꞌ, “Ovoring, ninge naning mmarang-koong arekeeꞌning bateie tontaꞌantavampeuꞌ ning orakaꞌ nkomuko deekoꞌ? Aiꞌ ˜kemuꞌka-taae?”
23821	MAT 18:25	Teketa pora teie mooꞌ kasi-antavuaruioꞌ teie bakaang ovoringe eeꞌ minkuvuuꞌ, ‘Ookara-daꞌ, daꞌaang, eeꞌnoko daurukaaꞌ, eeꞌnoko dakaning kapooꞌnanka baave-koong tee komaaru makuꞌaravainaꞌ.’
23876	MAT 20:15	Orakaꞌke kapooꞌ nkaang mooniꞌ ninge piamopeuꞌnaꞌ nariꞌ nko-koo? Aiꞌ diiꞌ domang oraruꞌkiring ee ning tampaꞌ avusiroꞌmarioꞌ?’
23891	MAT 20:30	Kenaanka naninka kaputuꞌka taung miiringe baꞌnanuresi otorekoꞌ, eeꞌnoko tenang tee Jiisuuꞌ teketa tankinuko taaravureta tenaanka bokurema aaꞌpuretuꞌ, “Ovoring, Deevitaꞌ bakanaving-koong, piaamereai neeꞌ.”
23892	MAT 20:31	Teka nantoong karingai akaꞌpaarema dooroompareeꞌnaang botoaaretuꞌ. Teka tenaanka baruꞌ aaꞌnaꞌ bokuretuꞌ aaꞌpurema, “Ovoring, Deevitaꞌ bakanaving-koong, piaamereai neeꞌ.”
23894	MAT 20:33	Tenaankai nauvurema aaꞌpuretuꞌ, “Ovoring ee, neeꞌ ookampeeꞌnaang piamoremang.”
23896	MAT 21:1	Tenang Jiisuuꞌ bakaning ninka Jerusalemaꞌ duerueꞌaama Bepasi-namono-koo basiarima Oliveꞌpoꞌnamii-koo otoinooꞌ, Jiisuuꞌke bakaning barevare-nupoong-koo kenaanka uroꞌke botovuretuꞌ aaꞌpurema,
23898	MAT 21:3	Niiꞌnung naninge tokoonaꞌ minkurureko nauerema aaꞌpereai, ‘Ovoring piavoing akong,’ eeꞌnoko teie namuꞌke botorureaing aaꞌpuma, ‘Bokuvereri bereai.’”
23900	MAT 21:5	“Bera naueriai teing Saioni-nupoong, aaꞌperiaing, ‘Ooveriaing, diikaang daurarong˜ diiꞌanko dooroompari banainge pomaang, doonkiiꞌnu kampianu-koo dau baꞌnanui, kauꞌ karenaumo-nu dooroompari mankiꞌnanka nkavumau-koo.’”
23904	MAT 21:9	Eeꞌnoko teing karinga Jiisuuꞌkoo uroꞌkanooꞌke nanauꞌninge eeꞌnoko damaꞌdu-eta porouꞌninge eura bokiaama aaꞌpaakoꞌ, “Biraanke tee-koo Deevitaꞌ bauring! Biraanke-poꞌnung aung Ovoring bakaang miring-koo pomaang! Biraanke otoi otoaing aꞌdeiꞌke paning-koo nariꞌ!”
23937	MAT 21:42	Teketa Jiisuuꞌke aaꞌpuruꞌ teing, “Diiꞌke ee tee Daari Meekung-koong kara deeruerima damaꞌ nkoaravainaꞌ tasiꞌperiaung aaꞌpui otoinooꞌka, ‘Tereꞌ eeꞌnareꞌ kapanareꞌ pava kaninukai pooreꞌaama duaꞌauꞌnareꞌ ookutunava-koo eꞌmanianareꞌ tumanareꞌ deemparioꞌ tasiꞌpauꞌ damaꞌke. Ovoringe teeꞌ eeꞌnaꞌ nko-antavuuꞌ eeꞌnoko bakei taꞌnimpaariiꞌ niikaang duta-koo.’
23967	MAT 22:26	Teketa beenaumo-nunge. Teeꞌ nariꞌ temaiaꞌkoo ookara-koo paꞌnokoꞌketa kenaanka-koo nkoaruꞌ. Ookara boorouꞌ biurukaaꞌ otoroaꞌ.
23973	MAT 22:32	‘Ning tee Kumponing teing aing aaꞌning temuꞌnupoong biikaang: Eebaraamiꞌ, Aisakeꞌ, Jeekopiꞌ. Teing ninka komeeri Oꞌnoi Oꞌnomaung ning.’? Teeꞌ minkuvuuꞌnung-koo tasiꞌpampiri otong ookara bakaning deempariri domantooꞌnuka otorong Kumponing bakaang duta-koo, booꞌnuka deeaꞌ.”
23978	MAT 22:37	Jiisuuꞌke makuꞌuma aaꞌpuuꞌ tee, “Aung boto pankaing masikung: ‘Dake pankaruntoompeaing Ovoring dakaang Kumponing ootukunung dakaang domang-eta eeꞌnoko ootukunung dakaang uraang-eta˜ eeꞌnoko ootukunung dakaang onou-eta.’
23981	MAT 22:40	Ookara botonanka eeꞌnoko nakaro-nupoong biikaning kara aing-koo kenaanka-koo boto-koo biꞌariri otorong.”