23514	MAT 10:28	“Aroreriaukaꞌ teing-koo nkaang kara avoꞌaama diikaang mono dupisiꞌaavaining-koo teka diikaang tanuaang dupisiꞌaavarupeuꞌ. Teka Kumponing-koo aroreriai aaꞌnung-koo: baitoveriaruko mono eeꞌnoko tanuaang ookeng duaꞌureai mosianung-koo.
23553	MAT 11:25	Tenang eeꞌnang Jiisuuꞌke aaꞌpuuꞌ, “Mmaꞌ ee, tampara tantamang daꞌ Ovoring paning-koong eeꞌnoko kansiꞌkoonge, dake aaꞌnouꞌnung-koo: Dake tee doorenang tampara bakuꞌeuꞌnung-koo teing-koo matau-poꞌnupoong eeꞌnoko noruꞌpoꞌnupoong tamparimaing-koo eeꞌnoko siraꞌpeuꞌ teing-koo tootoia-pinaꞌ otoromaing-koo.
23843	MAT 19:12	Aaꞌnomaung-koo: niiꞌning makosiaavaing keꞌde-ita pontoꞌarikooꞌ, eeꞌnoko niiꞌning nantoonge deekoꞌ tuukavaarikooꞌ, eeꞌnoko niiꞌning maroita nampeesi-koo piavoroarukooꞌ muuꞌ paninung narung-koo keiꞌorooꞌnaang. Baa naning teeꞌ otoꞌkoo arooꞌaravaing tee makosi teeꞌ otoaing.”
25193	LUK 5:17	Niiꞌnaꞌmung teroong-koo Jiisuuꞌ nau-antavarako Boto Keperuuꞌnavitu eeꞌnoko boto naunuka teke dueꞌke baꞌnanai otorokoꞌ ookara osinairu-eta porora aaꞌning-eta: Kaaleliꞌnavaro-ita, Judiaꞌnavaro-ita, eeꞌnoko Jerusalemaꞌketa. Eeꞌnoko Ovoring bakaang purintoꞌ tee ninka otokoꞌ nantoong taare-anta-koo.
25453	LUK 10:21	Tenang teing naruaape-ita kenaiꞌka toroarira minkuaako tee-koo batei-koo Tanuaang Meekunge Jiisuuꞌ dotu-antavuioꞌ aaꞌpuuꞌ, “Mmaꞌ ee, tampara tantamang daꞌ Ovoring paning-koong eeꞌnoko kansiꞌkoonge, Dake aaꞌnouꞌnung-koo: Dake tee doorenang tampara bakuꞌeuꞌnung-koo teing-koo aaꞌning-koo matau-poꞌnupoong eeꞌnoko noruꞌpoꞌnupoong eeꞌnoko siraꞌpeuꞌ teing-koo tootoia-koo. Teing nantoong piaaveri piarouꞌnaꞌ teeꞌ. Eeꞌ, Mmaꞌ.”
26307	JHN 5:28	Taꞌniniriaukaꞌ aung-koo: bateinang pomaang ookara boorouꞌning dakoꞌdomanooꞌ otoromainge nkaang kara taaramaavainang.
26689	JHN 12:40	“Kumponinge biikaang duta mutuu-antavurira biikaang domang ivekaꞌantavuruꞌ aaꞌnoꞌneeng-koo: dutai ooaama domange tasiꞌpaara ning-koo toroariko ninge tamparuꞌantavaramiꞌneeng-koo.”
27227	ACT 7:42	Teka Kumponinge teing-eta bereꞌarama teka sipuruꞌ akoꞌ dootuuꞌariiꞌnaang aaꞌning-koo: duaaꞌ, kaara eeꞌnoko beentoꞌnanka-koo, teeꞌ eeꞌnaꞌ Kumponinge Daari Meekung-koo minkuvuuꞌnaꞌ nariꞌ bakaning nakaro-nupoong karantavurima eeꞌpinaꞌ, ‘Diiꞌ Isireeli-nupoong, tero tee diikakatauro meeꞌboraꞌ sirakamaaꞌkoo otorokoꞌning karenaumo kivora mareꞌkoo, eeꞌnoko teinge boromakaꞌ dovang sipisipiꞌnanka tavaarima dootuuꞌkoo boontunampaarikoꞌ. Teeꞌ nkoarima ee masikaꞌ ning-koo dootuuꞌarikoꞌ? Otoaꞌ.
27464	ACT 13:33	Teeꞌ nariꞌ Daari Meekung-koo daariari otoinaꞌ teke kevuranavu-koo Kena-koo Tee Pakoꞌpariꞌniiꞌ tero miruꞌuma aaꞌpumanavu-koo: ‘Daꞌ tee Nnuring. Eꞌmung tee ninge daaꞌdansing.’
27994	ACT 28:27	Teeꞌ naueriaing, aiꞌ aing nantoong teing maroita domang poruruorouꞌ˜ eeꞌnoko biikaang punkaaꞌ kapamporouꞌnankai maroita taaravaaꞌneeng-koo, eeꞌnoko biikaang duta mutuuariruꞌnankai aaꞌnoꞌneeng-koo: dutai tasiꞌpaara, punkaaꞌke taaravaara, domange onou kompaara ning-anko bereꞌariko taare-antavaramiꞌneeng-koo.’
28021	ROM 1:23	Paariaakoꞌ Kumponing booꞌpaaꞌ bakaang meenasi teinge baka-oonanka booromaing-pinaꞌ oroꞌnankai aaꞌning-koo: nantoong, bareng, eeꞌnoko kauꞌ karenaumonanka-koo.
28391	ROM 15:20	Teeꞌ nkomarama eeꞌ toꞌbii-antamaramaung: Tee doorenang nauaramaꞌnaang tenairu Karistooꞌkoong miring niiꞌninge mmeꞌ siraꞌpaavaꞌnairu nanama, aaꞌpama: Niiꞌnunge natuku keempuuꞌnooꞌ kaniamiꞌneenga.
28419	ROM 16:15	Doturotu napoꞌ aing-koo: Pilolokasi, teni Julia, Nerias eeꞌnoko teni baꞌmari. Napoꞌ Olimpas eeꞌnoko ookara Kumponing bakaning meekupoong teing ninka nariꞌ otoromaing.
28441	1CO 1:10	Teka eeꞌ minkurampimang mmaikoriꞌ tee-koo niikaang Ovoring Jiisuuꞌ Karistooꞌ bakaang miring-koo: Naroꞌ kareriai, eeꞌnoko pokapokaꞌdeeriaukaꞌ, teka tapoꞌdeeriai noruꞌ narung-koo, narung miruꞌ ninka.
28490	1CO 3:12	Niiꞌninge kara-naunukai deeꞌma tee-koo natuku-koo dau avutevuꞌke kaniaavaꞌnaang, aaꞌning-pinaꞌ: baaꞌnankai, kaveeraꞌke eeꞌnoko ankaroꞌke; niiꞌnooꞌ kooro dovange, silivaꞌke eeꞌnoko kapang pipiꞌdaarie.
28510	1CO 4:9	Ninge eeꞌ ooamaang: Kumponinge niiꞌ kara okomuri nkanuka eeꞌpinaꞌ oroꞌantamurining kansiꞌnupoong-koo: boreꞌkoo simuruꞌning-pinaꞌ, tauraꞌmurira booꞌkoo ookarai paninaanka-kooninge kansiꞌ oomaarioꞌ, nantoonge eeꞌnoko koosinunankai.
28526	1CO 5:4	Ninge naurampimang tee-koo niikaang Ovoring Jiisuuꞌ bakaang miring-koo: Nariꞌ minkunaarariai ning-koong ninka tanuaang ninka eeꞌnoko tee purintoꞌ niikaang Ovoring Jiisuuꞌ bakaang ninka.
28593	1CO 7:38	Tee tee-pinaꞌ: Tee naning teni baurang nampeesiaravaing-koo pakuvumaung tee, kapooꞌ tampara teie nkovumaung; teka napoꞌ tee naning teni tanatavumaung nampeesiaravaruko teie, tee kapooꞌ baruꞌ tampara masikung nkovumaunge.
28845	1CO 16:1	Enang tee eeꞌpinaꞌ mooniꞌ oosieriaing teing Kumponing bakaning meekupoong paku-koo: Dootuuꞌnupoong Kalesia-nameensiꞌka osi kante-koo nauarantuꞌnaꞌ nkoveriaing, eeꞌpinaꞌ:
29007	2CO 8:7	Diiꞌ bakei dau basinooꞌ amutemuriiꞌ aarumo Kumponing-etaning tampaꞌ nko-koo biaꞌdorimaung aaꞌning-koo: masikaꞌanta-koo, kara-koo, noruꞌkoo, ookutuari arooꞌkoo eeꞌnoko niiꞌ piaa-koo. Enang napoꞌ tanatarariai nariꞌ dau basinooꞌ avusiroꞌdariri nko-koo.
29110	2CO 12:20	Aiꞌ ninge avoroꞌantarampimaang tenang diiꞌanko mera ning piamoaꞌnaꞌ otoriko oorampiꞌneeng-koo, eeꞌnoko diiꞌ doturariarupeuꞌ ning mora turantampiri dei aing oreng aarumonanka-koo eeꞌ oroꞌning-koo: tataꞌnaang, mamairo, peusiꞌkuma iira, siivenkeꞌnanka, deuꞌ dovang, minkuminkuru, baka kirokaiari otoꞌ, eeꞌnoko onou betoveetoꞌ ninka otoꞌ.
29111	2CO 12:21	Eeꞌnoko napoꞌ eeꞌkoo ning amoromaang: nkaang Kumponinge oomui otoko maiaꞌmoꞌneenga tenang diiꞌanko mora napoꞌ biromarako tenang karingai oreng nko-nkonanka mmeꞌ sipaavaruko eeꞌnoko bereꞌariaꞌ teieta biikaang aarumo kuꞌmiꞌpoꞌnanka-ita eeꞌ oroꞌnanka-ita: kaukauro, eeꞌnoko anutua maimaiaꞌnaꞌnko.
29243	GAL 5:14	Ookara botonanka Moosesi-nung tee nanaare-koo dupeari otong eeꞌ minkuvumanaare-koo: “Dake tee naning daꞌkoo dueꞌnung daka piaararamanaꞌ nariꞌ teeꞌ piaaveaing.”
29294	EPH 1:21	Teenooꞌ Ovorinooꞌ tee deu basi anantenaung-koo: ookara tare-nupoong, pankainuka, purintoꞌpoꞌnupoong, ovontung eeꞌnoko ootukunung amutemuriiꞌ miring-poꞌnupoong, enanariong eeꞌnoko damaꞌnariong napoꞌ nariꞌ.
29459	PHP 2:1	Ee aing, ning dotumari oꞌnong diiꞌ aing aaꞌning otoꞌderurimaung-koo: tee domang kuaaꞌanta Karistooꞌ ninka narung deentarira nkaveruꞌnung, eeꞌnoko napoꞌ tee bakaang piaae dunsirunsi˜anta-koong, eeꞌnoko tee bakaang Tanuaang-koo kuunge navunavu, eeꞌnoko napoꞌ diiꞌka pankaruntoong-eta piaareeri otorimaung-koo;
29577	COL 2:16	Teeꞌkoo teinge aava nkonukai Juꞌ biikanaꞌkoo tuumpiraariko taaraverereriaukaꞌ taamang tovang ntong nai dovang-koo, niiꞌnooꞌ doong pankeng-koo aaꞌning-koo: dootuuꞌkooning doong pankeng, kaara neraku dupumanang, eeꞌnoko Doong Uaanaꞌmung.
29785	1TI 2:2	Baruꞌnooꞌ tee aaꞌning koong-antavuriaing: ovontung eeꞌnoko ookara deto basinuka niiꞌ tampaꞌ mooa-koo otoꞌantamaariainaꞌ dooroong-antamaari Kumponing tampaꞌ makosinaꞌ meumpampiko.
29965	TIT 1:6	Teing urantanuka tuumpi otoroaukaꞌnaꞌ otoroai. Nampeesi-koo narunge nani nampui otoai. Napoꞌ biurukaaꞌ Karistooꞌkoo baito-nupoong otoroai, eeꞌnoko niiꞌninge tuumpiaaripeuꞌnooꞌ otoroaukaꞌ aaꞌning-koo: tooreere eeꞌnoko meumeeva.
29993	TIT 3:3	Aiꞌ niiꞌ Karistooꞌ bakaning teing tero oꞌnorikoꞌnaꞌ sipampiruꞌning aaꞌning-eta: kanuꞌmarima taarapiikamarikoꞌ akoꞌke niiꞌning ninka poo-antamaariko, amutemuriiꞌ karakaraaꞌkoo biꞌmariri doturotu besiꞌampima. Niikaang batei tamung keraꞌpampikoꞌ aaꞌning-koo: orakaꞌ noruꞌ eeꞌnoko mamairo, nantoonge munteꞌmaariko napoꞌ niiꞌka munteꞌmeerima.
30185	HEB 9:13	Urikung dootuuꞌkoo tee aing aaꞌning nkoaama nantoong kiiroraaꞌantavaarima mono-aapening boto totoꞌpaakoꞌning-koo: meeꞌmeeꞌkoong eeꞌnoko boromakaꞌkoong erenge eeꞌnoko boromakaꞌ kampianu-koo bioꞌ tai-antavaakoꞌnu-koonge sipunge teinge piarauꞌaarikoꞌ nantoong.
30271	HEB 11:32	Eeꞌnoko aming kapooꞌ niiꞌnung minkuamaꞌnaang? Aiꞌ bateinang baruꞌ makotuaꞌ aing aaꞌning minku-koong: Kidion, Barak, Samson, Jeptaꞌ, Deevitaꞌ naanka eeꞌnoko Samuelaꞌ, eeꞌnoko teing niiꞌning nakaro-nupoong˜ Kumponing bakaning.
30302	HEB 12:23	Teka diiꞌ meepoꞌ masipoꞌ Saioni-namii-koo poꞌnaꞌ porining, osi pankamono-koo Kumponing Domantooꞌ bakanamono-koo, teꞌ Jerusalemaꞌ paning-koonamono-koo, aing aaꞌning otoromanamono-koo:
30513	1PE 3:22	Tee tee eeꞌnara booꞌketa daaꞌarara paning-koo deto bera Kumponing-koo tampavine-koo otomaung, ookara kapooꞌkoo dau, aaꞌning-koo: koosinunanka, arekeeꞌ oroꞌning ovontung eeꞌnoko iriꞌpoꞌnupoong.
30566	2PE 1:20	Tutunaꞌ tee aung tasiꞌperira eꞌmaniriaing Daari Meekung-koo: Ookara kara Daari Meekung-koo nakaro-nupoonge tarampeeaakoꞌning˜ teing nantoonge biiꞌka siraꞌkoo makosi deeaing.
30571	2PE 2:4	Niiꞌke noruꞌampiri otong teeꞌ nkoaravainooꞌ aaꞌnung-koo: Niiꞌning koosinunanka orakaꞌ nkoariko tamung oovuriaruuꞌ, teka kansiꞌkoo tumang duaꞌuruꞌ isipoꞌ masipoꞌ mutaananooꞌ doonko teke daiꞌariri otorooꞌnaang bera simpeꞌuriainaꞌmung-koo basi.
30679	1JN 4:9	Kumponinge tee bakaang piaa niiꞌkoo eeꞌpinaꞌ nau-antamuruꞌ: Teie tee Bauring narung masikung kirokai botovuuꞌ aꞌ niiꞌanko kansiꞌkoo niiꞌ tee-koo domamariiꞌnaang.
30715	2JN 1:3	Teie Kumponing Niumai tee ninka Bauring Jiisuuꞌ Karistooꞌ ninka aaꞌning oko-antamaariaing: biraanke mooꞌdopa, piaa unaa-anta, eeꞌnoko mooa, tee ninka kara masikung eeꞌnoko tee aarumo piaa.
30776	REV 1:11	“Kapooꞌ dake ooveing buuku-koo daariera teing dootuuꞌnupoong-anko botoveai, teing ˜kevuntuꞌka-taa osi-koo otoromaing aaꞌning-anko: Epeses, Simeena, Peekamamiꞌ, Taiataira, Saadis, Piladelepiaꞌ, eeꞌnoko Leodesiaꞌ.”
30785	REV 1:20	Aung tee mirumiruꞌ aing aaꞌning oovemaatomaing-koong: ˜keura-taa beentoꞌ ning-koo tampanaang-koo otoining eeꞌnoko napoꞌ ˜kenaanka-taa daamu baꞌnananka kooro-koo nkoniiꞌ otoining. Aing ˜keura-taa beentoꞌ teing teing koosinunanka makosining, teing dootuuꞌnupoong ˜kevuntuꞌka-taa osi-koo otoromaing tanatanuka. Eeꞌnoko teing napoꞌ ˜kenaanka-taa daamu baꞌnananka kooro-koo nkoniiꞌ oovemaatomaing teing nkaning ˜kevitura-taa dootuuꞌnupoong.”
30859	REV 5:12	Aaꞌpaakoꞌ aaꞌnaꞌ bokiaama kenavarima, “Makosi tee Kampia dupisiꞌauꞌnung teing aing aaꞌning nka-koo: purintoꞌ, kavokavoro, matau, iriꞌ, biiving, meenasi, eeꞌnoko tee biraanke.”
30882	REV 7:4	Teketa taaravantuꞌ deerunooꞌ teing taaꞌniꞌantavuruꞌning naroꞌka: narung daakuꞌketa karenaumo kivora-eta karenaumo kokoreiꞌ [144,000], ainooꞌ teing ookara Isireeli baurukaaꞌketa muuꞌ kante-ita:
30928	REV 9:20	Teka teing nantoong beenaumo doovaange dupisiꞌuriaruuꞌning teing teeꞌ nariꞌ bereꞌariaruuꞌ teing-eta biikaning orakaꞌ nkonanka-ita, aaꞌnoko maꞌnari dovang-koo boontu, eeꞌnoko daang-koong kumponinanka biiꞌka taꞌnampauꞌning-koo dootuuꞌ nko aaꞌning-koo: kooro, silivaꞌ, boronsi˜, kapang, eeꞌnoko koiꞌ; teing eeꞌning kapooꞌ oo noruꞌaavaꞌ, taarakaavarupeuꞌ, nanuꞌkoo makosiaavaꞌ.
30946	REV 11:6	Napoꞌ tee tenaanka iriꞌpoꞌnaanka aaꞌning nko-koong: paning avoꞌkoong apoꞌuarooꞌnaang tenang tee doorenang Ovoring bakaang siraꞌpurema nanureko, ntonanka ereng deeng-anta-koong, eeꞌnoko ookara kansiꞌnupoong-koo amutemuriiꞌ doovaang tavoꞌanta-koong beeꞌka piavoreainaꞌ.
30949	REV 11:9	Doong beenang eeꞌnoko namaranooꞌ aaꞌning-koo nantoonge tenaanka teka ooaareaing aaꞌning-eta: nantoong amutemuuꞌketa, nantoong avitevitu-eta, kara amutemuriiꞌketa eeꞌnoko napoꞌ nantoong ookara kansiꞌnanka-ita. Eeꞌnoko tauraꞌpaariaukaꞌ dakoꞌkoo.
30993	REV 13:16	Eeꞌnoko teie ookara nantoong etuvurikoꞌ mooꞌdoꞌanta nkavaavaꞌnaang aaꞌnairu-koo: bireng-koo tampanaang-koo deekoꞌ niiꞌnaꞌ oing-koo. Aing aaꞌninge nkavaavaꞌnaang etuvuruꞌ: nantoong pankenankai eeꞌnoko okiꞌnarekaꞌke, kavo-poꞌnupoonge, eeꞌnoko ataꞌoinkue, napoꞌ botovotonaaꞌnukai eeꞌnoko osikaiaange.
31001	REV 14:6	Teketa napoꞌ narung koosinung aanarooꞌke purerenuko ooantuꞌ, tee doorenang tampara otoi otoꞌ kompui daankivuuꞌnaang kansiꞌkoo otoromaing-koo aaꞌning-koo: ookara dopaꞌ amutemuriiꞌ, muuꞌnanka, kara amutemuriiꞌ eeꞌnoko ookara nantoong kansiꞌnupoong.
31002	REV 14:7	Teke aaꞌnaꞌ bokuma aaꞌpuuꞌ, “Kumponing-koo amaiaaꞌroriai eeꞌnoko meenasie meeꞌnaꞌoi otoꞌ deeng-antaveriai, aiꞌ batei teie nantoong bireꞌkoong dueꞌumaang. Eeꞌnoko tee-koo dootuuꞌdariai aing aaꞌning ookara nkovuruꞌnung-koo: paning eeꞌnoko kansiꞌ, pirung eeꞌnoko ntong okiꞌnarekaꞌ.”
31036	REV 16:13	Eeꞌnoko teketa ooansioꞌ maꞌnari beenaumo oreng dokorokoꞌpinaꞌ oroꞌnuka bakoariruꞌ aing aaꞌning beenaumo biikaang karang-eta: tee pakia, tee biiko, eeꞌnoko tee nakaronung daang minku.
31086	REV 18:24	Babiloniꞌ tee kiimatavaravaing aaꞌning-koo: tee ereng Kumponing bakaning nakaro-nupoong-koong eeꞌnoko teing niiꞌning bakaning meekupoong-koong eeꞌnoko napoꞌ teing teroita kansiꞌkoo tavaarima dupisiꞌaarikoꞌning-koong, teing biikaang ereng teka temono-koo Kumponinge oovuuꞌnung-koo.”
31131	REV 21:9	Teketa narung koosinung teing ˜kenaanka-taa-koong ning-anko pouꞌ teing aaꞌnouꞌning-koong: kapooꞌ arikeng asiꞌning ˜kenaanka-taa utau-eta piampauꞌning-koong. Tee ning-anko pora aaꞌmuuꞌ, “Poko ioꞌ ninge nau-antaramaꞌnaang teni neraiꞌnaꞌ tee Kampia baꞌaang.”