2	GEN 1:2	Aung kansiꞌ tee, emuꞌ otoinaꞌ otoarukoꞌ; naroomparavaꞌ otokoꞌ; tamung domaang-poꞌningmeeva otokoꞌ. Dau-eta mutaanange dakaꞌpui otokoꞌ tee poonaruꞌ baka otoko, eeꞌnoko tee Kumponing bakaang Tanuaang tee-koo pirung-koo daue aavinuko.
29	GEN 1:29	Eeꞌnoko Kumponinge aaꞌpuretuꞌ, “Oovereko, ninge tee deeꞌ arompesing ookara kapooꞌnanka sinampumaing ookara-koo kansiꞌkoo daue otorinanka; deeꞌ deekaang taamang, ookara baaꞌnanka, koiꞌnanka, keenavaang eeꞌnoko poraꞌkooning naroꞌka.
40	GEN 2:9	Tenau tenau Kumponinge koiꞌnanka amutemuriiꞌ tampaꞌ oroꞌnanka keempuruꞌnau eeꞌnoko sinang maaꞌkoo tamparanankai. Eeꞌnoko meerooꞌ tenau-koo koiꞌ kevarira sipuretuꞌ: navari domaang isikung avuꞌnavari; niiꞌnavari noruꞌ aaꞌning tampara eeꞌnoko orara avuꞌnavari.
94	GEN 4:14	Dake tee ning eꞌmung bataꞌmeing anketa kansiꞌketa, eeꞌnoko dakaang biraanke-ita bakuꞌmeinge. Eeꞌnoko tokoo nkanooꞌ otoꞌmemuaukaꞌ; tamung kansiꞌkoo koromaramaꞌnoaing. Naninge tokoa oomura deekoꞌ tamung anutua dupisiꞌmuaing makosie.”
97	GEN 4:17	Emuꞌ tee Keiniꞌ, osi pankaing kanivui otoko, baꞌaang kempoꞌkura bauring donkaani paravuuꞌ miring Iinoke; eeꞌnoko Keiniꞌke tee osi opura napoꞌ Iinoke namirimpuuꞌ.
23354	MAT 6:3	Teka tenang diiꞌke teing ataꞌoinku averererima bakuꞌeri nkoveriai kapooꞌ tampanaange nkovuaing mareꞌanaange noruꞌuaukaꞌ;
23364	MAT 6:13	Eeꞌnoko parapaara-koo siꞌmeriaukaꞌ, teka tontaꞌantameriai teieta naning orara bakaang purintoꞌketa; aiꞌ daꞌ tee ookara-koo okorui tarenumpoꞌ, purintoꞌpoꞌnung, eeꞌnoko meenaꞌdoi otomaung ookara doong-koo. Teeꞌ eeꞌnaꞌ.’
23368	MAT 6:17	Teka tenang diiꞌ unkumorarima oing duuꞌdarimatoai boreꞌ duunie sisiꞌdarima nantoong-koo diiꞌ unkumoraririning-pinaꞌ oroꞌdariaukaꞌnaꞌ;
23422	MAT 8:8	Eeꞌnoko teie piatooronuka daakuꞌ tarenarai makuꞌuma aaꞌpuuꞌ, “Ovoring, ning tee makosi deeaꞌ daꞌ nkanooꞌ pava-koo kuung poꞌkoo;
23488	MAT 10:2	Aing teing mirinanka teing nanaiꞌketa kenaankara kara okovuri nkanuka biikaning: Tutunaꞌnung Saimoniꞌ, niiꞌnooꞌ Piita, eeꞌnoko teie baaraꞌmaꞌnung Aanduruꞌ; napoꞌ Jeemisi, tee Siebedi bauring; eeꞌnoko baaraꞌmaꞌnung tee Jooni.
23489	MAT 10:3	Napoꞌ narung Pilipiꞌ, eeꞌnoko narung Baatolomiuꞌ, napoꞌ niiꞌnung Toomasi eeꞌnoko Maatiuꞌ, tee eeꞌnung taakisi nkanuka-koong; napoꞌ niiꞌnung Jeemisi, tee Alopeasi bauring; eeꞌnoko narung Taꞌdeasi.
23528	MAT 10:42	Eeꞌnoko ninge masikaꞌ naurampimang, baa tee naning aing okiꞌnarekaꞌkoo narung ntonaruꞌ avuaing kaꞌmatonaruꞌ tee eeꞌnung nkaang barevare-nung deemparako teie tee koontoꞌ divuꞌuaukaꞌ tee bakaang mooꞌ; nkavuaing.”
23532	MAT 11:4	Eeꞌnoko teie aaꞌpuretuꞌnung tenaanka, “Bereta nauereai tee Jooni Minkinara kapooꞌ deeꞌke ooveresining eeꞌnoko taaraveresining;
23668	MAT 14:2	“Tee tee eeꞌnung Jooni Minkinara; booꞌketa napoꞌ daaꞌaring. Teeꞌkoo iriꞌ ninka mintoomparamaang.”
23862	MAT 20:1	“Tee muuꞌ paninung tee tee-pinaꞌ oroꞌ, naning mintoonau-poꞌnung tero taneꞌke bera nantoong bakanau-koo mintoong-koo bokuvuruꞌnung, naꞌmung doong-koo mintoompariko mooꞌkoo namikue mooꞌuriiꞌnaang tampura;
24195	MAT 26:72	Teketa napoꞌ penkemparuꞌ tee Piita marakavarama; aaꞌpuuꞌ, “Ninge tee naning noruꞌampaꞌ,”
24250	MAT 27:52	Eeꞌnoko napoꞌ nantoong dakoꞌaaruꞌnanka-koong kuvinanka daateꞌariruꞌ, eeꞌnoko nantoong meekupoong tero dakoꞌ aaruꞌning biikaang mononanka domamparira daaꞌarira kuvi-eta bakoariruꞌ;
24354	MRK 2:25	Eeꞌnoko Jiisuuꞌke makuꞌurima aaꞌpuruꞌ, “Diiꞌke aming-koo teeꞌ tuumpimerimaang? Tampaꞌ noruꞌeri otong tee kapooꞌ Deevitaꞌke nkovuuꞌnung tenang Abietaꞌke piristiꞌ pankaing deempari otouꞌnang, tenang teing ataꞌai peeravorora, tee eeꞌnoko teing nariꞌ otorokoꞌning ninka;
24373	MRK 3:16	Aing teing Nanaiꞌketa Kenaankara Jiisuuꞌke miruꞌuruꞌning: Saimoniꞌ, niiꞌnooꞌ Piita, Jiisuuꞌke tampuuꞌnooꞌ; Jeemisi namainta Jooni, Siebedi baurinketa, niiꞌnooꞌ Boanesi baurinketa Jiisuuꞌke bokuvuretuꞌnooꞌ, kuunooꞌ kurung-pinaꞌ karara; Aanduruꞌ; Pilipiꞌ; Baatolomiuꞌ; Maatiuꞌ; Toomasi; Jeemisi, Alopeasi bauring; Taꞌdeasi; Saimoniꞌ, Juꞌnupoong biiꞌka donkong-koo pia-navitu-koong; eeꞌnoko Judasi, Kerioꞌnara, tee tooka kompui Jiisuuꞌ tauraꞌpuuꞌnung bakaning kare-nupoong-koo.
24525	MRK 6:49	Eeꞌnoko ntong-koo daue nanuma dapiꞌ divuꞌuriko teinge ookarai maꞌnaang pinaꞌ ooaara bokiauꞌ, avoroꞌke tavurioꞌ;
24686	MRK 10:29	Eeꞌnoko Jiisuuꞌke aaꞌpuuꞌ, “Masikung naurampimang, naninge aing sipuuꞌnung: pava, baumaraang, baurukaaꞌ, bakaang kansiꞌ sipura ning-koo eeꞌnoko nkaang kara tampara bereng-anta-koo, eꞌmung-eta dau basinooꞌ makuꞌ nkavuaing daakuꞌpinaꞌ anke kansiꞌkoo otoitaaꞌ;
24690	MRK 10:33	Aaꞌpuruꞌ, “Ee aing, niiꞌ teing Jerusalemaꞌnavuntuꞌkoo deto merimang. Eeꞌnoko teka eeꞌnooꞌka naninge tooka kompui ning Tee Naning-naumpoꞌ Paning-etaing tauraꞌmuuꞌnaang aaꞌning-koo Piristiꞌnuka-koo ovontung eeꞌnoko boto naunuka; eeꞌnoko teinge tee tuutunamaara ning booꞌkoo makosi tampaaraiꞌnange sing-antamaavaing teing-koo Juꞌdeeaing-koo.
24713	MRK 11:4	Eeꞌnoko bereta oovuretuꞌ tee doonkiiꞌ kampia taung-koo meuꞌke biꞌari otoko pava karanaange;
24756	MRK 12:14	Eeꞌnoko Jiisuuꞌanko porora aaꞌpauꞌ, “Nau-anta ee, niiꞌke daꞌ noruꞌdampiri otong naning masikung narung minku. Daꞌ tee kapooꞌ naninge minkurupeuꞌning tamung taarai. Eeꞌnoko naning ankang noruꞌeaꞌ. Kapooꞌ masikung narung Kumponinge nantoong pia-antavurimanaꞌ nauerimaung;
24780	MRK 12:38	Eeꞌnoko minkuvurima aaꞌpuruꞌ, “Koonorariri otoriaing boto naunuka-koo mononopaꞌ isikara ninka nanuꞌkoo piavoromaing; nantoonge pankaing-antavaariiꞌnaang pianuka baaveroma-nairu-koo.
24937	MRK 15:42	Teꞌmung Doong Uaanaꞌmung-koo maamunaꞌmung, muung-aapevuioꞌ Doong Uaanaꞌmung dueꞌuko, naning miring Josepaꞌ Arimateaꞌnung tavoꞌaruꞌ. Josepaꞌ tee narung koompaaraꞌnavitu-koong pankaing Kumponing bakaang muuꞌ donkonuko oovuuꞌnaang nempukoꞌnung;
24963	LUK 1:1	Aung ee, pankaing, Teopilasiꞌ;
25003	LUK 1:41	Eeꞌnoko tenang Elisabetaꞌke tee tampaꞌ tang Meeriꞌketa taaravuko tootoꞌ keꞌde-koo kuunge toꞌdinuuꞌ;
25009	LUK 1:47	“Nkaang domange Ovoring pankaing-antavansi otong, eeꞌnoko nkaang tanuaang doturotuaramaung Kumponing-koo tee ning domaang mooꞌmuuꞌnung-koo, aiꞌ teie tee ning norunoruꞌmuing ning boonko tamung botovotonaaꞌ deemari oꞌnomai;
25021	LUK 1:59	Eeꞌnoko teketa ˜beenang-taa doong tankinuko porouꞌnung tee tootoꞌ dopaꞌ napuꞌaavaꞌnaang;
25030	LUK 1:68	“Biraankeampiaing tee Ovoring Kumponing niiꞌ Isireeli-nupoong niikaang, aiꞌ teie niiꞌ beeroꞌmurira enang narung daurarong deto iꞌampuuꞌnaang domamuriaing niiꞌ;
25031	LUK 1:69	Eeꞌnoko teie niiꞌ bakaning nantoong boorimurira napoꞌ mooꞌmuriiꞌnaang daiꞌmariri oꞌnorimanooꞌketa. Tee eeꞌnara Kumponing bakaang muuꞌ tarenung, Deevitaꞌ, baꞌdompenkuri-koong pakumuriaing;
25039	LUK 1:77	Teing bakaning nantoong teie domampuriaing-koong kara nau-eriaing biikaang orakaꞌnko pankaruntoonge piaavuri tontaꞌantavuriaing nauerima;
25069	LUK 2:27	Eeꞌnoko Tanuaang Meekunge nau-antavuioꞌ dootuuꞌnava pankava-koo kuung tumparuꞌ;
25076	LUK 2:34	Eeꞌnoko Simioniꞌke tekang biraankevurira Meeriꞌ nauvuma aaꞌpuuꞌ teni Jiisuuꞌ bauko, “Ani ee, aung tootoꞌ tee miruꞌari otoing mmauꞌ nantoong Isireeli-nupoong-kooning aaꞌnoaing niiꞌning duaꞌantavuriai eeꞌnoko napoꞌ niiꞌning daaꞌantavuriai;
25078	LUK 2:36	Eeꞌnoko napoꞌ niiꞌnani manikuma nakaronani teke otokoꞌ miring Aanaꞌ, Panuele baurang, Aasia bakanamuiaang-koonani. Teni baꞌung ninka mareꞌ ˜kemareꞌka-taa otoretuꞌnani nampeesiaruꞌnooꞌketa, eeꞌnoko emuꞌ beenaumo kivora-ita karemareu ookara mareꞌ bakaning;
25079	LUK 2:37	Eeꞌnoko ani teni pava dootuuꞌnava pankava-ita tokoo bearukoꞌnani; teke otoi unkumoarama kunsiarama dootuuꞌarakoꞌnani muunga eeꞌnoko doonga.
25096	LUK 3:2	Eeꞌnoko Aanasi naanka Kaiapasi piristiꞌ deto basira otorekoꞌnang;
25133	LUK 4:1	Eeꞌnoko Jiisuuꞌ Tanuaang Meekunge maantoꞌura toroaruꞌnung teketa Jooꞌdani-nari-eta, eeꞌnoko Tanuaang Meekunge beꞌantavuuꞌ meeꞌboraꞌ sirakamaaꞌkoo karenaumo kivora doonanka-koo Sietaniꞌke dauaꞌkoo;
25148	LUK 4:16	Eeꞌnoko tee Nasaretiꞌ pouꞌnung teꞌ tee pankaꞌantavuretuꞌnooꞌ. Eeꞌnoko biikaang pava dootuuꞌnava-koo tumparuꞌ bakaang aarumo Doong Uaanaꞌmung-koong siompuitaaꞌ;
25150	LUK 4:18	“Tee Tanuaang Meekung Ovoring bakaang ning-koo otong aiꞌ ning tee pakoꞌpariꞌmuuꞌnung teie daankiamaꞌnaang doorenang tampara ataꞌoiꞌnuka-koo. Teie botomuuꞌnung ning nauaranko daiꞌnisinanka dipiꞌariiꞌnaang eeꞌnoko kaputuꞌnuka ookaavaꞌnaang;
25152	LUK 4:20	Eeꞌnoko teie teneꞌ avoꞌura avuuꞌ napoꞌ tee naning dootuuꞌ nko-koo pakupakunung eeꞌnoko nau-anta nko-koo neriarama doonko baꞌnamparuꞌ nantoonge ookarai teke pava dootuuꞌkoo otorokoꞌninge naapu narung ooai otoko;
25164	LUK 4:32	Eeꞌnoko teke otoi Doong Uaanaꞌmung kara nau-antavuriko aaꞌnaꞌ taꞌninauꞌ tee-koo bakaang nau-anta-koo, kara bakaang purintoꞌ deemparioꞌ;
25182	LUK 5:6	Eeꞌnoko teinge teeꞌ nkoaara taviꞌ uumono˜ oraura˜ avoꞌaaruꞌ;
25227	LUK 6:12	Eeꞌnoko teing doong-koo Jiisuuꞌ osi sipura beuꞌnung iuꞌaape kunsiaraaꞌnaang; muung ookutunaꞌmung Kumponing-koo kunsiarama otouꞌ teke.
25280	LUK 7:16	Avoroꞌke amporoꞌuruꞌ teing ookara. Eeꞌnoko teinge Kumponing daangampauꞌ aaꞌpaama, “Nakaronara Kumponing-etaing niiꞌkoo meuꞌke anke daaꞌaring; Kumponinge niiꞌ bakaning beeroꞌmuring!”
25288	LUK 7:24	Tenang Jooni Minkinara bakanaanka kara nkara toroaresioꞌ Jiisuuꞌke kara-nau tutumpuruꞌ nantoong karinga Jooni minkuvuma; eeꞌnoko aaꞌpuuꞌ, “Diiꞌke aremuriiꞌ naning doore taaraverira meeꞌboraꞌ sirakamaaꞌkoo ooveriiꞌnaang berikoꞌ karikaꞌduri? Naning tunsi-paaka onou avitoitoi eeari otoꞌ oo-koo teꞌ beriarupeuꞌ, apeꞌ?
25317	LUK 8:3	Aaꞌning: Meeriꞌ Maꞌdala-nani, maꞌnari ˜kenaanka-taa bataꞌuruꞌnani; eeꞌnoko Joana, teni Siusa baꞌaang, tee Eerotiꞌ bakaang pava tarevukoꞌnung; eeꞌnoko Susana eeꞌnoko napoꞌ niiꞌning manikuꞌ mmauꞌ biikaning mintoong-eta taamang avaarikoꞌ nariꞌ nanaama.
25342	LUK 8:28	Teka tee daiꞌnisi totoraꞌpaara maꞌnarie meeꞌboraꞌ sirakamaaꞌaape beꞌantavauꞌ. Teke pankaroong kuvinanka-koo otokoꞌ booꞌnuka dakoꞌdomai, pava-koo deeaꞌ, eeꞌnoko simpenoiꞌ otokoꞌ. Teie naninge Jiisuuꞌ kuneꞌuko Jiisuuꞌke tee maꞌnaang nauvuuꞌnung teieta bakoaraaꞌnaang;
25476	LUK 11:2	Eeꞌnoko Jiisuuꞌke aaꞌpuruꞌ teing, “Tenang kunsirarima aaꞌperimatoaing: Niuma paning-koo otomaung, dakaang miring meekaꞌantavari otoaing; dakaang muuꞌ poꞌantaveai; dakaang pia nkoaravaing anke kansiꞌkoo paning-koo nkoaramanaꞌ nariꞌ.
25477	LUK 11:3	Doong kante-koo taamang makosinaꞌ amerimaatoai;
25516	LUK 11:42	“Bakaꞌ piaaruꞌnuka diiꞌ Boto Keperuuꞌnavitu, toraꞌkiriaining, aiꞌ diiꞌke tee avutevuꞌ napoka dovang okiꞌnarekaꞌ kivoranaꞌ tankaamperima namanto Kumponing averikooꞌ sirivitaꞌ dovang koꞌdompuuꞌ; aarumo koontoꞌ eeꞌnoko tee piaa Kumponing bakaang siperi. Aing eeꞌning teing diiꞌke naroꞌka nko-koo makosining.
25525	LUK 11:51	Eeꞌ, masikung naurampimang, diiꞌke avarange tee-koo tuutunang komperira toraꞌkiriaing;
25544	LUK 12:16	Teketa teie kara dikitoꞌ nauvuruꞌ teing; aaꞌpuuꞌ, “Temuꞌ naning narung kavo mmauꞌpoꞌnung otokoꞌnung bakanau kansiꞌ aaꞌnaꞌ maneenau doong kante-koo.
25640	LUK 14:18	Teka teing nariꞌ paraꞌariri kareauꞌ. Tutunaꞌnunge aaꞌpuuꞌ, ‘Ninge kansiꞌ nerakung mooꞌansieeng; mera ooamaꞌnaang. Aung ee, tampaꞌ naueaing ee, moarooꞌnaang.’
25642	LUK 14:20	Eeꞌnoko niiꞌnunge napoꞌ aaꞌpuuꞌ, ‘Ning aꞌmung nampeesimarieeng; teeꞌkoo moarooꞌnaang.’
25680	LUK 15:23	Eeꞌnoko boromakaꞌnu kampianu bauꞌnaanu biꞌerira taveriai, eeꞌnoko maaꞌampiai dotumarima, aiꞌ aung nnuring tee booꞌparuꞌnung-pinaꞌ noruꞌ enang napoꞌ domamparing; tee pooaruꞌnung enang napoꞌ toroaring.’ Eeꞌnoko teinge tenang kovi tutumpauꞌ.
25689	LUK 15:32	Tee tee makosi doturotumarima kovimariaing, aiꞌ aung daaraꞌmaꞌnung tee booꞌparuꞌnung-pinaꞌ noruꞌ enang napoꞌ domamparing; tee pooaruꞌnung enang napoꞌ toroaring.’”
25786	LUK 18:29	Eeꞌnoko Jiisuuꞌke aaꞌpuruꞌ teing, “Masikaꞌ naurampimang ninge diiꞌ, baa tee naning aing aaꞌning sipuuꞌnung: pava, baꞌaang, baꞌmarang, niiꞌnooꞌ baurukaaꞌ Kumponing bakaang muuꞌ bereng-anta-koo, napoꞌ tee temuriiꞌ mmauꞌ otoꞌevuaing emuꞌnaroong-koo kansiꞌkoo otoitaaꞌ;
25801	LUK 19:1	Teketa Jiisuuꞌ mmeꞌ Jerusalemaꞌaape bema Jerikooꞌnamonoi tumparara osi-koo meerooꞌke tankinuko, eeꞌnoko teke naning narung otokoꞌnung miring Sakiasi;
25843	LUK 19:43	Pomaang teꞌmung doong tenang diikaning kare-nupoonge porora kororai kuꞌnuntaariainaꞌmung taamang mooꞌeriaukaꞌ bera peerai taruriko teinge oꞌdaari doonko kansiꞌkoo duaꞌraariai diikaning pavananka nariꞌ, teing-kooning kapananka tuurampaama;
25884	LUK 20:36	aiꞌ teing tee napoꞌ booꞌkoo makosinuka deeaꞌ; aming-koo, nnaꞌ koosinunanka-pinaꞌ oroꞌnanka deempariko. Teing booꞌketa daaꞌariainooꞌkoo Kumponinge baurukaaꞌ deempariri otoroaing.
25922	LUK 21:27	Teka tenang teing aing ookara kapooꞌnanka nko tutumparako deto ookiriai ankantariri, aiꞌ tee batei ninge mooꞌdampiainang dueꞌdurimang;
25962	LUK 22:29	Eeꞌnoko Mmaꞌke ning iriꞌ tare-koong amuuꞌnaꞌ napoꞌ teeꞌ nariꞌ ninge diiꞌ iriꞌ tare-koong arompimaang diiꞌ aaꞌnoainaꞌ taamanirima tuaantariai nkanaventoꞌkoo nkaang muuꞌkoo kuunge;
25964	LUK 22:31	Eeꞌnoko Ovoringe aaꞌpuuꞌ, “Saimoniꞌ ee, Saimoniꞌ, Sietaniꞌ tee tauraꞌpari otong parapaarai naaranturiiꞌnaang;
26040	LUK 23:36	Eeꞌnoko napoꞌ teke tee narunge dariraari eeꞌ oroꞌ beemuꞌpie daariauꞌ tee-koo boreꞌkanooꞌke: AUNG TEE JUꞌNUPOONG BIIKAANG DAURARONG;
26041	LUK 23:37	Kirikiꞌnaꞌ, Roomaꞌnaꞌ eeꞌnoko Iiburunaꞌ daariauꞌ;
26066	LUK 24:6	Tee aꞌ otoaꞌ; tero daaꞌaring;
26082	LUK 24:22	Aaꞌnoing niiꞌninge manikuꞌke niiꞌkooninge taꞌning-antamaaring. Taneꞌke tero beroraiꞌnange kuvi dakoꞌdoma eeꞌnoko teinge ooaavaruing bakaang mono;
26126	JHN 1:13	Teing teing Kumponing baurukaaꞌ pontoꞌniiꞌnuka; biumaraang-koong erenge deeaꞌ, mono-koong piai deeaꞌ, eeꞌnoko naning bakaang mataue deeaꞌ; teing baka Kumponinge baurukaaꞌ deeng-antavuruꞌning.
26128	JHN 1:15	Joonie tee minkuvuuꞌ; bokuma aaꞌpuuꞌ, “Aung eeꞌnara naning minkuankoꞌnung, aaꞌpankoꞌnung: Naning tee ning-koo damaꞌke pomaang tee bakei ning puruꞌmui otong. Ning paramaavaruko teroita otouꞌnunge.”
26130	JHN 1:17	Kumponinge bakaang boto Moosesi avuioꞌ teie niiꞌ pareꞌmuruꞌ; piaa naning otoaꞌ tee boto tampaꞌ tarevui tee kiimata baariꞌupeuꞌnung (Rom 8:3).’ eeꞌnoko kara masikung taꞌniꞌpoi minku Jiisuuꞌ Karistooꞌkoo kuunge poꞌantavuuꞌ.
26227	JHN 4:2	Aꞌnooꞌ Jiisuuꞌke baka nantoong ntong-koo minkie meekaꞌantavuriaꞌ; niiꞌke bakaninge barevare-nupoonge nainge deekoꞌ minkiarampima meekaꞌantavarampikoꞌ.
26245	JHN 4:20	Niikakatauroi Sameriaꞌnupoonge amii-koo Kumponing boontuaakoꞌ, dootuuꞌ nkoaama; eeꞌnoko diiꞌke Juꞌnupoonge aaꞌperimaung, ‘Jerusalemaꞌ naroꞌke Kumponing boontuampimaatoaing.’”
26289	JHN 5:10	Eeꞌnoko Juꞌkoong ovontunge tee naning Jiisuuꞌke tamparuꞌntavuuꞌnung tautauaama, aaꞌpauꞌ, “Eꞌmung Doong Uaanaꞌmung; niikaang boto totoꞌpei taniꞌ poruꞌdari nanimang.”
26301	JHN 5:22	Eeꞌnoko Mmaꞌke nantoong-simpeꞌ nkovuaꞌ, tee ning-koo Bauring-koo sipuuꞌnung nantoong simpeꞌnko˜, ookarai ning Bauring daangang-koo, Mmaꞌ daangampaamanaꞌ;
26322	JHN 5:43	Ning Mmaꞌke botomuioꞌ moioꞌ diiꞌke onkeonkeꞌmeriaꞌ; nka tee niiꞌnung bakamaiꞌ poko tee onkeonkeꞌerikooꞌ.
26324	JHN 5:45	Ning Mmaꞌankoi tuumpi nkonara deeaꞌ teeꞌ diiꞌke noruꞌmerimanaꞌ; teeo teie Moosesie diiꞌ tuumpiruriaing, daang arooꞌerimaunge.
26512	JHN 9:3	Jiisuuꞌke makuꞌmurima aaꞌmuruꞌ, “Bakaang mutuu bakaang aarumo-koong deeaꞌ; baumararing beekaang aarumo-koong deeaꞌ. Tee mutuu otomaung Kumponinge bakaang iriꞌ siraꞌantavuuꞌnaang tee-koo naning-koo.
26564	JHN 10:14	Ning tee tampara tarenara;
26599	JHN 11:7	Keꞌmunta doong tankinuioꞌ tee, teie niiꞌ bakaning barevare-nupoong aaꞌmuruꞌ, “Meriaing; nanampiaing; Judiaꞌnameng-aape toromariaing.”
26662	JHN 12:13	Taaravaara uurung tovang nkavai osi-eta tenkenauꞌ kuneꞌaavaꞌnaang. Eeꞌnoko euravaama bokiaama aaꞌpauꞌ, “Biraanke! Biraanke-poꞌnung tee aung Kumponing bakaang miring-koo pomaang; aung tee daurarong niiꞌ Isireeli-nupoong niikaang!”
26708	JHN 13:9	Eeꞌnoko Saimoniꞌ Piitai aaꞌpuuꞌ, “Ovoring, nkaang kauꞌ narung duuꞌmeaukaꞌnung, bireng duuꞌmeainge; boreꞌ duuꞌmeainge.”
26744	JHN 14:7	Diiꞌke ning noruꞌmeri dei Mmaꞌ noruꞌeripeuꞌ; enang-eta noruꞌering, eeꞌnoko ooveringe.”
26797	JHN 16:2	Biikaning dootuuꞌnavananka-ita bataꞌdaariaing; eeꞌ, bakei, doong poaining-koo Kumponing dotu-anta tampaama dupisiꞌraariainge.
26840	JHN 17:12	Ning teing ninka oꞌnoritaaꞌ ninge teing tarearansing dakaang miring-koonge purintoꞌke, teie eeꞌnarai miringe dake ameuꞌnunge. Ninge komparansioꞌ naning otoaꞌ paaꞌaruꞌnung, nka tee naning duaꞌniiꞌ tee narung paaꞌaravaing; teꞌkoo Daari Meekung-koong kara masikaꞌparavaing.
26855	JHN 18:1	Jiisuuꞌ eentavarama teeꞌpuraiꞌnange tenkenampiruꞌ niiꞌ ninka bakaning barevare-nupoong ninka, Kiidironi-nari okiꞌnari tankimpampiri. Teꞌ eeꞌnooꞌ mintoong otokoꞌnooꞌ; tenau-koo meruꞌ.
26939	JHN 20:3	Teketa tee enang neeꞌke Piita naankai simaretaiꞌnange kuvi dakoꞌdoma kuaꞌmaresi meretuꞌ;
26975	JHN 21:8	Eeꞌnoko niiꞌ niiꞌning bakaning barevare-nupoong piisiꞌkoo duumumpiruꞌ sionung kapaꞌnaraꞌke maantoꞌuioꞌ taariꞌmarira barampampiri; teꞌ taviꞌ dauꞌpampiruꞌnooꞌ baruꞌ isipoꞌ kansiꞌketa deeaꞌnooꞌ, paꞌnokoꞌ kivora daangaꞌpinaꞌ.
26999	ACT 1:7	Eeꞌnoko teie aaꞌpuruꞌ teing, “Tee kapooꞌ diiꞌke noruꞌkoong deeaꞌ; tee bateinananka Mmaꞌke baka bakaang, bakaange iriꞌke pinkaꞌuruꞌnanka.
27037	ACT 2:19	Eeꞌnoko ninge taꞌnimpaariiꞌnanka oroꞌantavampaing aꞌdeiꞌke paning-koo, aaꞌnoaing: duaaꞌ mutaanampuai eeꞌnoko kaara ereng-pinaꞌ oroꞌparavai;
27048	ACT 2:30	Teka Deevitaꞌ tee nakaronara˜ deemparitaaꞌ Kumponing bakaang kara noruꞌukoꞌnung. Kumponinge mariarama Deevitaꞌ maraka-antavuuꞌnung bakanaving-koo narung oko-antavuuꞌnaang teꞌ bakanooꞌ baꞌnanui tareroma; tee aaꞌnung tee Kumponinge tero Pakoꞌpariꞌniiꞌ nantoong domampurira tarevuriaing.
27237	ACT 7:52	Baa arera Kumponing-etaing nakaro-nupoong-koo diikakatauroi orakaꞌ nkoaavaruuꞌnung? Aaꞌnoma teing tee Naning Koontoꞌ poainooꞌ uroꞌke siraꞌpaakoꞌning tavaarikoꞌ, tee eeꞌnara diiꞌke kare-nupoong-anko sierira nariꞌ dupisiꞌeruꞌ;
27255	ACT 8:10	Pankaroong bakaang bankinie aavavuriko bera teinge Sameriaꞌnupoonge asikovurima siompaakoꞌ;
27272	ACT 8:27	Eeꞌnoko tee iꞌamparara nanuma narung Itiopiaꞌkoong oovuuꞌ, naning pankaing, doꞌmaꞌniiꞌ, teni Kandesi, Itiopiaꞌnupoong biikanani ovorinaang bakaang mooniꞌ tarenara;
27408	ACT 12:2	Bera aaꞌnouꞌ Jeemisi tee Jooni bataata, Eerotiꞌ botoarioꞌ bainatue dupisiꞌauꞌ. Eeꞌnoko teing ovontung Juꞌnupoong Jiisuuꞌ turampaakoꞌninge tampaꞌ noruꞌauꞌ;
27435	ACT 13:4	Teeꞌkoo Tanuaang Meekunge botovuresioꞌ tenaankai Jooni Maakaꞌ bokuvuretuꞌ teie pakuvureeꞌnaang. Teketa Selusia-navuntuꞌkoo pirung-aape danto berora Saiparasi-namuiꞌaape aarerie˜ berouꞌ;
27536	ACT 15:25	Teeꞌkoo niiꞌ naroꞌmarira nariꞌ noruꞌmariruꞌnung niiꞌnaanka miruꞌarampira botoarampiiꞌnaang diiꞌanko anaanka ninka niiꞌke piaavarampimanaanka ninka aaꞌnoko Banabasi eeꞌnoko Paulaꞌ;
27550	ACT 15:39	Teketa tataꞌeereta siivenkeꞌeeretuꞌ; Banabasie Maakaꞌ bokuvura Saiparasi-namuiꞌkoo aarerie beretuꞌ,
27566	ACT 16:14	Nani niiꞌ taaramuruꞌnani bakaang miring Liidia, osi Taiataira-nani. Teni baarong karompumaung baavevukoꞌnani; teninooꞌ Kumponing-koo dootuuꞌarakoꞌnani. Ovoringe eeꞌnarai domang daateꞌuioꞌ tampaꞌ baroromparuꞌnani tee-koo kara-koo Paulaꞌke minkuvuuꞌnung-koo.