26	GEN 1:26	Wunyile Jehovah yarnin luku. Ngurn al yan winmin korn lun ellin arnan. Kitye nglalin arnan Wunyitye korn ellin itye masterowe an ambe harnakar, mame yarluwan, pulyerar maiyald, windawityeri ruwald, ngruwar tyelyar yare ar malkin toonangk.
27	GEN 1:27	Wunyile Jehovah winmin ityan korn lun ellin kityeon; lun ellin Jehovah ile winmir ityan; korn, mimine winmir ile enggun.
28	GEN 1:28	Wunyile yarnin Jehovah, nunkeri ellin enggun korn mimine; luku yarnin ile Jehovah plowatyeri el ellani enggun. Ngruwar porlar palli el ellani enggunanyir ruwald. Ngurla masterengk an ambe harnakar ellani, mame yarluwan, pulyeri maiyald, ngruwar ar tumbewallin ar ngoppun ruwald.
29	GEN 1:29	Wunyile Jehovah yarnin “Nak our,” ngate pempir an lomanyir ngune ruwald, lamatyeri fruitald. Ngurla el takkani an fruitowe.
31	GEN 1:31	Wunyile Jehovah nakkin an ngruwar yar ile an winmir; kar nunkowallin ngruwar. Wunyitye yonguldye wunyitye trelin ngreye.
32	GEN 2:1	Luku ile Jehovah winmir an wyirrewarre, ruwe, tuldar, wunyile pekin an.
33	GEN 2:2	Seventh nunkungai merildin itye Jehovah; lewin itye seventh nunkungai.
34	GEN 2:3	Wunyile Jehovah krunkun yan seventh nungge nunkeri nungge; kunduramb itye elli in ambe an Jehovah; kitye ellin nungge jehovald hi lamb uk itye lewin Jehovah nowaiy winwin.
36	GEN 2:5	Ngruwar Iamatyerar ngungkur ar kuringgun ruwungai, ngruwar ngune ngungkur itye kuringgun, ngungkur ile Jehovah nowaiy taiyir an parnar ruwangk, tarno korn lewin ruwungai, kalturamb an toone.
38	GEN 2:7	Kile Jehovah winmin ityan korn tunungai wunyile Jehovah winkundun inangk kornald, tumbewarrin ile ityan; wunyitye korn tumbewallin, pangari lewin kinungai.
39	GEN 2:8	Jehovile winmin gardenowe Edenald, kile yuppun ityan korn gardenungai.
40	GEN 2:9	Jehovah ile yuppun an gardenungai nunkerar lamatyerar fruitald. Tumbewarrin lamatyeri yummun tunte gardenald; lamat yeri nglemuramb nunkeri wirrangi yummun tapangk ityan.
46	GEN 2:15	Wunyil.e Jehovah yuppun ityan korn gardenungai, moerpuramb ityan gardenowe.
47	GEN 2:16	Wunyile Jehovah taiyin ityan korn nginte tak our ngruwar fruitar.
49	GEN 2:18	Wunyile Jehovah yarnin luku, nowaiy itye nunkowarrin hil amb uk nowaiy ellin nape kornald; lewin itye an angk korn. Ngate el winmin an nape kin ambe.
50	GEN 2:19	Jehovile kaikundun an ngruwar yar ile winmir an tunuqgai, harnakar, pulyerar mame, winda wityeri, kile an kaikundun Adamangk, wunyile Adame krunkun an.
52	GEN 2:21	Wunyile Jehovah winmin ityan Adame muwe watyeri. Wunyitye tantin Adame. Wunyile Jehovah pintamin naitye prewarre Adamald.
53	GEN 2:22	Jehovile yan winmin prewarre ungai mimine, wunyile reyin al itya.n Adamald.
54	GEN 2:23	Wunyile Adame yarnin Hityekatye ellin itye anauwe partpati, anauwe ngulde; wunyile krunkun ityan, mimine, hil amb uk, Jehovil winmir ityan kornungai.
57	GEN 3:1	Kraiye el emb itye yelpulamalde. Kraiye ile yarnin inangk mimine. Minye Jehovil tingowir umangk nowaiy inde tak ityan fruitowe lamatyerald.
59	GEN 3:3	Yammalaitye lamatyeri yummun tunte gardenungai in ambe Jehovah yarnir luku, nowaiy ungune tak al yan; ungunuk ungune tak al yan; wunyungune pornani.
61	GEN 3:5	Nglemin ile Jehovah ungunuk ngune takkani ityan fruitowe ngune lun ellani ity an Jehovah wunyungune nglalin al yan; ngune nglemani nunkeri wirrangi.
64	GEN 3:8	Pangarinda wunyengk kungun ityan Jehovah ngoppun itye gardenungai. Wunyengk Adame, napalle, engk enggun angk nampulun lamatyerungar kin ambe nowaiy nakkin enggun.
65	GEN 3:9	Wunyile Jehovah kaikundun yan Adame luku, “Yang inde.”
67	GEN 3:11	Jehovah kurrin ile ityan, “Ngande tingowir umangk, merate, ellin inde; takkir inde yan kai fruitowe yar atte tingowir um nowaiy inde tak ityan.
69	GEN 3:13	Wunyile Jehovah yarnin inangk mimine. Mekimb inde ennir luku. Wunyitye luku mimine kraiye ile yelpulir wunyatte yan takkir.
70	GEN 3:14	Wunyile in angk kraiye Jehovil yarnin luku, Hil amb uk inde el ellani wirrangi kaldowamp inde malkani kaldowamp inde an takkani tune; kaldowamp mimine el ellani umauwe ngrakkuwalamalde; kinauwe porlar el ellani ar ngrakkuwalamaldar kan ambe umauwe porlar; ngultani ile yan porlpalle umauwe kurle; ngultani inde yan naitye reytyinne.
72	GEN 3:16	Jehovil luku inangk mimine. Multuwarrani inde parpani; nginte parpani yaral inde an pundani porlar; taiyani um mai nape wunyinde ellani in ambe.
73	GEN 3:17	In angk Adame Iuku ile Jehovah; nginte kungir umauwe nape, nginte yan takkir fruitowe yar atte um tingowir, nowaiy inde tak ityan; wunyatte winmani ruwe wirrangi, nginte yan takkani ngune, wunyinde parpani kaldowamp.
77	GEN 3:21	Wunyile Jehovah winmin an maiyinggar wankandungai enggun ambe Adame Eve; kengk ngolun an.
78	GEN 3:22	Wunyitye Jehovah yarnin korn itye nglalin arnan; nglemin itye nunkeri wirrangi, ungunuk itye lewin alye palli ile yan takkani fruitowe wunyitye tumbewallani kaldowamp, nowaiy pornani.
79	GEN 3:23	Wunyile yan Jehovah taiyin Adame gardenanmant; kin ambe an kaltani an tune, yarnd ile morokkir ityan.
80	GEN 3:24	Kile yan Jehovah prildin Adame; wunyile yan yuppun swordowe ngorkulald gardenungai; hikkai swordowe ngeraggeyelin; kile yan moerpun tumbewarrin lamatyeri.
81	GEN 4:1	Adame nglemin ityan Eve napalle: Eve ile punden ityan Cain; yarnin itye, luku Jehovile pempir ityan an angk korn.
83	GEN 4:3	Yaral nunggar, Cain ile pempir ityan fruitowe toonald inangk Jehovah.
84	GEN 4:4	Wunyile Abel morrokkir an firstlingar flockald, bailpuli sheepar, kar pena;uramb inangk Jehovah. Wunyitye Jehovah pultin an, yar ile Abel pempir.
86	GEN 4:6	Jehovah itye yarnin inangk Cain, luku, mekimb inde ngrakkuwallin, mekimb inde nyenunkun.
89	GEN 4:9	Wunyitye Jehovah kurrin ityan Cain, Yangi Abel mai tarte? Werentun itye, Nowaiy ap nglemin; yarild atyan atte moerpun anai tarte?
90	GEN 4:10	Yarnin irye Jehovah, luku, minyinde ellir; umauwe tartean krewe, itye kaikundun an angk ruwenend.
95	GEN 4:15	Yarnin itye Jehovah, inangk Cain luku, Hil amb uk, ungunuk korn mempani an Cain, marnmani atte ityan seven times. Jehovil yuppun pittue Cainungai, wunyar tarno kornar ityan mempani, ungunuk ar ityan pindyani.
96	GEN 4:16	Ngoppun itye Cain kinanyirenend Jehovahnend ruwenend, wunyitye lewin Nodald, lare muntunt Eden.
2044	EXO 19:17	Wunyil Mosese waiyin an narrinyerar camp an mant; kunguramb ityan Jehovah. Kar tangulun lare muntunt ngurlangk.
2045	EXO 19:18	Ngruwar kraiowe yummun ngurlangk Sinaiangk. Moru itye Jehovah kenungai. Loru itye kraiowe lun ellin grauwe kowandie; ngurle ngoinkun.
2046	EXO 19:19	Yaral itye trumpetowe kaikundun, kaikundun, grauwe kaikundun. Yarnin itye Mosese, wunyitye werentun Jehovah.
2047	EXO 19:20	Puntin itye Jehovah Mount Sinaiangk, itye ngurlangk. Jehovil kaikundun ityan Mosese ngurlangk; loru itye Mosese.
2048	EXO 19:21	Yarnin itye Jehovah Mosesangk, Nginte moru, taiy our an narrinyerar, wunyar nowaiy puntani in angk Jehovah, hil amb ukke tuyuluwarrin ityan; wunyar nowaiy pornani.
2049	EXO 19:22	Priestar kar an angk nyrippan, ungunuk ar nowaiy balpewallin Jehovil an partani.
2051	EXO 19:24	Yarnin itye Jehovah, murrunmeel moru, wunyinde wankani, nginte, Aaron gelauwe, ngurle wankani. Tingowun priestar, narrinyerar, nowaiy el ar wank, hilamb uk ar tuyuluwarrin ityan Jehovah, ungunuk ar luk ennin, Jehovah ngrakkuwallani.
2054	EXO 20:2	Ngapai Jehovah, umauwe Godowe. Ngate morokkir um Egyptanmant; taldumande ngaruramb.
2057	EXO 20:5	Nowaiy inde wakkin turtangk ananyiril; nowaiy inde an kungun ungunuk ar um taiyani; ngape Jehovah Godowe kraiyelin, ngate an partani porlar, hil amb uk, ungunuk kanauwe ngaiyerar wirrangwarrin.
2059	EXO 20:7	(iii) Nowaiy inde yan yarnin kaldowamp mitye Jehovald mai Godowe nowaiy itye Jehovah kungullun um nunkeri ungunuk luk inde yarnin naitye mitye.
2062	EXO 20:10	Seventh nungge Sabbath wallin in ambe Jehovah mai Godowe. Nowaiy inde ellin work; nginta, mai ngauwire, mai bame, mai korn servant, mai mimine servant, mai windawityerar, yamminuwar korn lewin kinanyirungai taldumandungai.
2063	EXO 20:11	Six nunkungar Jehovah winmir wyirrewarre, ruwe, yarluwar, ngruwar, wunyitye kunden seventh nunkungai pornun itye Jehovah yan Sabbath nungge, nunkowarrin il ityan.
2064	EXO 20:12	(v.) Kung our mai ngaiowe, ninkuwe, wunyinde lewin kaldowamp umanyirungai ruwungai yar il Jehovah ityan umangk pempir.
23304	MAT 5:1	Nakkin itye Jesuse an ngruwar kornar, puntin ar, wunyitye loru ngurlangk, wunyitye lewin, puntin ar ngaityar inangk gai nomauwurle luku.
23305	MAT 5:2	Yarnin itye Jesus anangk.
23310	MAT 5:7	Nunkowallin ungunuk ar tainpulun wirrangwarrin; Jehovil tainpulani kanauwe wirrangar.
23311	MAT 5:8	Nunkowallin ar yare are balpewallin an kanauwurle ngelar, kar nakkani ityan Jehovah.
23312	MAT 5:9	Nunkowaillin ar ungunuk ar merildin an ngrakkuwallin, kar krunkani el an porlar Jehovald.
23322	MAT 5:19	Ungunuk korn nowaiy ellani yan muralappe tungari, ungunuk il Jehovah taiyani, wunyitye tingowun kornar luku kar krunkani ityan muralappeol korn wyirreungai. Ungunuk korn ellani muralappe tungare Jehovald wunyitye tingowun kornar luku, kar krunkani ityan grauwe korn wyirreungai.
23327	MAT 5:24	Nem ar ityan giftowe altarangk, loru, merild our ngrakkuwallin, nginte pornun ityan gelauwe, wunyinde pempin mai giftowe inangk Jehovah.
23337	MAT 5:34	Ngate tingowun onomangk, nowaiy inde swear: nowaiy inde swear inanyiril wyirrewarre, lewurmi itye Jehovald.
23338	MAT 5:35	Nowaiy inde swear inanyiril ruwe, kitye Jehovald footstool: nowaiy inde swear inanyiril Jerusalem, city itye grauwald kingald.
23347	MAT 5:44	Ngate tingowun um, nginte an pornun an yenamalde. Ungunuk ar um, naiyuwun nginte yarn our nunkowarrin: nginte an nunkowarrin ungunuk kornar nowaiy um pornun um. Reytyuwun inangk Jehovah an ambe ungunuk ar partin um.
23351	MAT 5:48	Nginte nunkowarrin, lun ellin ile Jehovah nunkowarrin.
23352	MAT 6:1	Nowaiy ungune nunkowarrin reyuramb an kornar nunkowarrin; ungunuk ungune luku nowaiy ile pempani Jehovah onomangk.
23356	MAT 6:5	Yaral inde reytyuwun ityan Jehovah nowaiy inde lun yelpulamaldar: kar reytyuwun ityan synagogueungar, streetungar, reyuramb an kornar. Katyil atte tingowun onom, pindyin harnakar wilkun ar.
23357	MAT 6:6	Yaral inde reytyuwun ityan Jehovah, ngintai yappulun mantangk, yaral tarno korn um nakkin, wunyinde reytyuwun inangk ityan Ngaiowe, nakkani ile um Ngaiowe, kungani ile um, pempani ile umangk, wunyar kornar nakkani.
23358	MAT 6:7	Yaral inde reytyuwun inangk Jehovah, nowaiy inde yarnani kaldowamp yammalaitye tungare, lun ellin ar heathen; kar kungullun, ile an Jehovah kungun hil amb uk ar multuwarrin yarnin.
23360	MAT 6:9	Luku ungune reytyuwun inangk Jehovah. Ngaiyeri anam lewin inde wyirrewarre. Ungunuk arn yarnin umauwe mitye blukkun arn.
23381	MAT 6:30	Ungunuk ile Jehovah, luku pempir maiyinggar kaiye ald amb, yar itye kuringgun hikkai nungge, ngrekkald itye nyrangkani ovenungai; wunyile onom pem pani maiyinggar. Mekimbe ungune nowaiy wurrwuwarrin ityan.
23413	MAT 7:28	Yaral pekin itye Jesuse an tungarar, prantin ar narrinyeri.
26190	JHN 3:1	Yammalaitye korn Phariseean naitye mitye Nicodemus magistrate Jewsan.
26191	JHN 3:2	Hikkai korn puntir Jesusangk yaral yonguldye. Yarnin ile inangk Jesuse: Rabbi, ngurn nglemin inde ellin teacherowe; puntir inde Godanmant; tarn ile korn ennin harnakar miracalar lun inde ennir ungunuk Jehovah nowaiy al yan lewin.
26192	JHN 3:3	Werentun ile Jesuse, yarnin ile inangk, Katyil, katyil atte tingowun umangk ungunuk korn nowaiy ityan winmelin yammallellin, nowaiy el itye nakkani yan wyirrewarre Jehovald.
26194	JHN 3:5	Werentun ile Jesuse, Katyil, katyil, atte tingowun umangk, ungunuk ityan korn nowaiy winmelin in angk ai bahrekar in angk ai Pangari Jehovald noway el itye yappulani wyirrewarre Jehovald.
26197	JHN 3:8	Nginte kungun ityan maiye kurunkun, nowaiy inde nglemin yarnd itye; nowaiy inde nglemin yang itye ngowalle: lun ennin ile nunkeri Pangari Jehovald winmin an nunkerar kornar.
26199	JHN 3:10	Werentun ile Jesuse, Minge nginte ellin magistrate Israelald, nowaiy inde an nglemin harnakar.
26205	JHN 3:16	Lun ellin Jehovah an pornun an Narrinyeri: pempir ile ityan kinauwe Brauwarate, ungunuk korn wurruwarrin ityan, nowaiy el itye moru hellangk, tumbewarrin itye kaldowamp.
26206	JHN 3:17	Nodvaiy ile yan Jehovah taiyir naitye porl, hil amb ukke, kondem em an Narrinyeri; hil amb ai ile taiyir ityan, yultun an narrinyerar hell an mant.
26207	JHN 3:18	Ungunuk korn wurruwarrin wunyile yan nowaiy kondem em. Ungunuk korn nowaiy wurruwarrin, wunyile yan kondem em, hil amb uk, nowaiy ile yan wurruwarrin mitye Porlald an Jehovald.
26855	JHN 18:1	Yaral itye Jesuse yarnir harnakar tungarar, wunyitye ngoppun lare muntunt Brook Kedron; al ityan kinauwe ngaityar ngoppun. Kar ngoppun gardenangk.
26856	JHN 18:2	Judase itye nglemin naiye gardenowe; kaldowamp itye Jesuse ngoppun gardenungai al an kinauwe ngaityar.
26857	JHN 18:3	Wunyile Judase marnd an soldierar priestan; kile waiyan an soldierar gardenangk, kar tuppun lampowar, swords kanakar.
26858	JHN 18:4	Nglemin itye Jesuse ngruwar, ngoppun itye Jesuse kanangk, yarnin ile luku “Ngangge ungune wilkun?”
26859	JHN 18:5	Kar werentun ityan, Jesuse Nazarethald: yarnin itye Jesuse, “Jesuse ap ellin.” Tangulun al an Judase.
26860	JHN 18:6	Yaral itye Jesuse yarnir luku, Jesuse ap ellin, wunyar pingkin tunangk.
26861	JHN 18:7	Wunyile an kurrin kangulandai Ngangge wilkun ungune? Kar werentun Jesuse Nazarithald.
26862	JHN 18:8	Yarnin itye Jesuse, “Ngate tingowir onomangk Jesuse ap; ungunuk ungune wilkun an, taiy al harnakar.”