| 2 | GEN 1:2 | Tarno nunkeri ruwe, pek ellin ityan ruwe; maratulde ellin ityan ruwe. Yonguldye bahrekangk. Pangari Godald yelkulun itye bahrekangk. |
| 3 | GEN 1:3 | Yarnin itye Godowe luku, Pink el oura, lare el kar tyelyerar; winmir ile yan nunkalowe. |
| 12 | GEN 1:12 | Punden itye ruwe kaiye, ngune seedungai, lamatyeri fruitungai, kinungai seedowe: kar harnakar maldar. Godowe itye nakkin harnakar nunkerar. |
| 64 | GEN 3:8 | Pangarinda wunyengk kungun ityan Jehovah ngoppun itye gardenungai. Wunyengk Adame, napalle, engk enggun angk nampulun lamatyerungar kin ambe nowaiy nakkin enggun. |
| 74 | GEN 3:18 | Palyar, talga, ar kringani; nginte an takkani ngune. |
| 75 | GEN 3:19 | Umauwe make wurtuwallaini ungunai inde yan takkani krepowe. Palli ar um grauwani tunungai; ngate um winmir tunungai; nginte ellani tune yammallellin. |
| 2047 | EXO 19:20 | Puntin itye Jehovah Mount Sinaiangk, itye ngurlangk. Jehovil kaikundun ityan Mosese ngurlangk; loru itye Mosese. |
| 2049 | EXO 19:22 | Priestar kar an angk nyrippan, ungunuk ar nowaiy balpewallin Jehovil an partani. |
| 23323 | MAT 5:20 | Nowaiy nunkeri ungune ananyiril kar Phariseas, wunyungune nowaiy yappulani wyirrewarre. |
| 23325 | MAT 5:22 | Hikkai ap yarnin onomangk, ungunuk kornil ngrakkuwallin an amb gelauwalle, kar judge em al ityan; ungunuk korn il yarnin gelauwanangk luku. Plaityingyin inde, wunyitye council punish em ityan, ungunuk itye krunkun korn, wirrangi, bluk el our itye an keneinangk hell ald. |
| 23341 | MAT 5:38 | Ung ar atye yarnir kaldow; Pele in ambe pele, ture in ambe ture. |
| 23345 | MAT 5:42 | Pemp our yaral ar umangk reytyuwun; lendem our yaral ar umangk reytyuwun, nowaiy inde petin. |
| 23362 | MAT 6:11 | Pemp our yan arnangk arnauwe krepowe hikkai nungge. |
| 23373 | MAT 6:22 | Pele ellin nakuramb, ungunuk pele nunkeri, wunyinde an nakkani tyelyerar. |
| 26190 | JHN 3:1 | Yammalaitye korn Phariseean naitye mitye Nicodemus magistrate Jewsan. |
| 26194 | JHN 3:5 | Werentun ile Jesuse, Katyil, katyil, atte tingowun umangk, ungunuk ityan korn nowaiy winmelin in angk ai bahrekar in angk ai Pangari Jehovald noway el itye yappulani wyirrewarre Jehovald. |
| 26195 | JHN 3:6 | Ungunuk ityan korn winmelin nguldungar wunyitye ellin ngulde; ungunuk ityan winmelin Pangariungai wunyityan ellin Pangari. |
| 26197 | JHN 3:8 | Nginte kungun ityan maiye kurunkun, nowaiy inde nglemin yarnd itye; nowaiy inde nglemin yang itye ngowalle: lun ennin ile nunkeri Pangari Jehovald winmin an nunkerar kornar. |
| 26202 | JHN 3:13 | Tarno korn wankir wyirrenangk. Kityai, yare itye puntir wyirreanmant; Porl Kornalde, yar itye lewin wyirrewarre. |
| 26203 | JHN 3:14 | Mosese ile yan preppir kraiye ngerak-kangk, lun ellin el ar preppani ityan Porl Kornalde. |
| 26207 | JHN 3:18 | Ungunuk korn wurruwarrin wunyile yan nowaiy kondem em. Ungunuk korn nowaiy wurruwarrin, wunyile yan kondem em, hil amb uk, nowaiy ile yan wurruwarrin mitye Porlald an Jehovald. |
| 26864 | JHN 18:10 | Wunyile Petere morokkun ityan swordowe, wunyile yan mempin servantowe high priestald, merippin ile yan naitye nunkeri plombe servantald; naitye mitye Malchus. |
| 26865 | JHN 18:11 | Wunyile Jesuse yarnin inangk Petere, “Yup our yan umauwe swordowe sheathungai mutilde ap ityan cupowe yare Nanghy pempir anangk.” |
| 26869 | JHN 18:15 | Petere itye waiyin ityan Jesuse, yamminye ngaitye Jesusald waiyin ityan, henggengk waiyin ityan. Highpriest il nglemin ityan hikkai ngaitye Jesusald. Ngoppun itye al yan Jesuse kinanyirangk taldumandangk high priestald. |
| 26870 | JHN 18:16 | Tangulun itye Petere ngurukwar. Wunyil yamminye ngaitye Jesusald yar ile nglemin ityan highpriest; yarnin ile inangk mimine ngande itye moerpun doorowe, tingowuramb ityan Petere, Yappul our. |
| 26871 | JHN 18:17 | Miminil yarnin inangk Peterangk, “Nginte ellin ngatye Jesusald?” Werentun Peteril, “Nowaiy ap ellin.” |
| 26872 | JHN 18:18 | Servantar soldierar ellin ar murunkun, kar ngungyin, wunyar enangk nyrinkin-Tangulun naiye itye Petere, nyringkin itye inangk. |
| 26879 | JHN 18:25 | Simon Petere tangulun itye naiye, itye inangk nyringkin. Kar yarnin inangk; nginte ellin Jesusald ngaitye. Werentun ile Petere; “Nowaiy an ellin kinauwe ngaitye.” |
| 26880 | JHN 18:26 | Yammalaitye servantowe high-priestald; gelauwalle ellin itye kornalde, yare ile yan Petere meripoir naitye plombe: kurrin ile yan Petere: “Ngate um nakkir al atyan Jesuse gardenungai. |
| 26881 | JHN 18:27 | Kangulandai itye Petere pilyaulun, wunyitye kokowe kaikundun. |
| 26883 | JHN 18:29 | Giyin itye Pilate an angk: yarnin itye luku; Mekimbe ungune anangk waiyin hikkai korn. |
| 26885 | JHN 18:31 | Wunyile anangk yarnin Pilate; ngune judge ityan lun ellin umauwe lawowe. Wunyar werentun Jewsar, ngurn nowaiy mempilde yan korn. |
| 26887 | JHN 18:33 | Wunyitye Pilate kangulandai yappulun Judgald taldumandangk; wunyile luku kurrin ityan Jesuse; Nginte Governorowe Jewsan, kai? |
| 26889 | JHN 18:35 | Yarnin itye Pilate, Nowaiy ap ellin Jew, umauwe ngaityar um pempir an angk; minyinde ellir? |
| 26891 | JHN 18:37 | Yarnin itye Pilate, Wunyinde ellin Governorowe kai? Werentun itye Jesuse, Nginte yarnin ap ellin Governorowe: hil amb uk ap ondu puntir ruwungai tingowuramb katyil, ungunuk kornar tingowun katyil wunyar ityan kungun anai tungare. |
| 26892 | JHN 18:38 | Wunyitye kurrin ityan Pilate, Minyitye katyil? Yaral itye yarnir luku ngoppun itye Jewsungar, wunyitye anangk yarnin, Nowaiy itye wirrangi. |
| 26895 | JHN 19:1 | Wunyile yan Pilate marnmin Jesuse. |
| 26898 | JHN 19:4 | Ngowal itye Pilate kornungar tingowun ile an luku. Ngate ityan waiyin onomangk ngurukwar hil amb uk tingowun atte onom nowaiy itye wirrangi. |
| 26899 | JHN 19:5 | Hikkai arnduwa itye Jesuse, ngolamindin itye henggun, palyald kurlinyeri, kurungulun maiyinggar. Luku yarnin itye Pilate nak our hikkai korn. |
| 26900 | JHN 19:6 | Yaral chief priestar, officers, nakkin ityan Jesuse, kaikundun ar, Crucify ityan, crucify ityan. Luku Pilate, ngune crucify ityan, nowaiy atte nuntun ityan wirrangi. |
| 26901 | JHN 19:7 | Kar luku werentun ityan, ngurnauwe lawowe yarnin pornilde itye, hil amb uk itye in angk krunkun Porl Godald. |
| 26902 | JHN 19:8 | Yaral itye an kungun turlin itye Pilate. |
| 26904 | JHN 19:10 | Wunyil Pilate luku, “Nowaiy inde werentun an? Nowaiy inde nglemin hik atte um mempani, hik atte um nemmani?” |
| 26906 | JHN 19:12 | Hikkai kin amb ai Pilate nemmin yan Jesuse: wunyar Jewsar kaikundun luku; Ungunuk inde nemmin ityan nowaiy inde Cesarald ngaitye; ungunuk korn krunkun itye inangk governorowe yarnin itye wirrangwarrin inangk Cesare. |
| 26907 | JHN 19:13 | Yaral an kungir Pilate kile yan morokkun Jesuse wunyitye lewin kinanyirungai Judgald lewurmi. |
| 26909 | JHN 19:15 | Wunyar kaikundun, Crucify ityan, Crucify ityan! Kurrin ile an Pilate, minye, ngate crucifyani ityan nomauwe governorowe? Wunyar werentun Cesar ellin itye ngurnauwe governorowe. |
| 26910 | JHN 19:16 | Wunyile yan Pilate pempin anangk, hil amb uk ar crucify ityan. Wunyar merokkun ityan Jesuse, waiyin ar ityan. |
| 26913 | JHN 19:19 | Wunyil Pilate mungaiyulun al yan papowe tungarar luku Jesuse Nazarethald governorowe Jewsan. |
| 26914 | JHN 19:20 | Wunyar ngruwar kornar read em at ityan. Kar crucify al atyan Jesuse tapangk townowe Pilatil mungaiyulun papowe al harnakar neppaldar kaldar, Hebrew, Greek, Latin. |
| 26915 | JHN 19:21 | Wunyar priestar Jewsan yarnin al yan Pilate; mekimb inde mungaiyulun ityan ngurnauwe governorowe; mungaiyul our luku, kile krunkun itye inangk governerowe Jewsan. |
| 26916 | JHN 19:22 | Werentun an Pilate, Yare atte mungaiyulur, atte mungaiyulur. |
| 26924 | JHN 19:30 | Jesusil yan muttun vinegar; yarnin itye luku, Paek ellin, wunyitye pornun. |
| 26925 | JHN 19:31 | Wunyar Jewsar, hil amb uk nowaiy an nemmin pernelin kornar crossungai Sabbathungai: hil ambe yun passover; hikkai Sabbath nunkeri nungge; kar Jewsar al yan Pilate reytyuwun hil ambe, lulun an kanauwurle tahrukar pintamin an. |
| 26932 | JHN 19:38 | Wunyil ngaitye Jesusald, naitye mitye Joseph Arimathea, reytyuwun ile yan Pilate pempin Jesuse, morok ile yan Pilate ile yan inangk pempin morokkun ile yan Jesuse. |
| 26938 | JHN 20:2 | Wunyitye kldein, puntin itye enggunangk Petere, yamminye ngaitye Jesusald, yar itye Jesuse yan pornun. Wunyitye yarnin enggunanyir Mary Magdalene; kar ityan Masterowre pintamin tomb an mant, ngurn ncwaiy nglemin yangi ar al ityan yuppir. |
| 26939 | JHN 20:3 | Puntin henggenekengk tombangk Petere, yamminye ngaitye Jesusald. |
| 26942 | JHN 20:6 | Wunyitye puntin Simon Petere, waiyin ityan, yappulun itye tombangk, nakkin itye an maiyinggar yummun. |
| 26958 | JHN 20:22 | Yaral itye yarnir luku, wunyel an winkundun; yarnin itye ngate yan pempin onomangk Nunkeri Pangari Jehovald. |
| 26967 | JHN 20:31 | Ngate mungaiulir harnakar, wunyel ungune ilde wurruwarrin Jesuse ellin itye Porl Jehovald. Wunyel ungune tumbewarrin kinanyerinend mityenend. |
| 26969 | JHN 21:2 | Harnakar ngaityar lewin thamangk mungkulangk, Thomas Didymus, Nathaniel, Porlengk, Zebedeeald, ninggengk yamminyengk ngaityengk. |
| 26970 | JHN 21:3 | Wunyitye Petere yarnin luku ngate el ngerin an mame; kar werentun, ngurn el ngowal umanyir. Kar ngowalle yukangai. Kar ngerin yonguldye; nowaiy ar morokkun an mame. |
| 26972 | JHN 21:5 | Wunyil Jesuse kurrin an, Porluna yangalle nomauwe mame; kar werentun, nowaiy eliin mame. |
| 26974 | JHN 21:7 | Wunyil ngaitye, yar itye yan pornun yan Jesuse, yarnin Peterangk; Kitye ellin masterowe, Ungunuk Petere kungun ityan, yuppundelin il naitye maiyingge (kitye ellin merate ungunai) wunyitye tytpullun mungkulangk. |
| 26978 | JHN 21:11 | Wunyil Petere yultun, ngere thamangk; multuwarrin mame ngerangk, one hundred and fifty three. Kar nowaiy lulun an ngere. |
| 26982 | JHN 21:15 | Yaral ar takkir, wunyil Jesuse yarnin inanyir Petere luku, Simon porl Jonasald nginte an pornun kai? Werentun ile yan Petere, Yes, Masterowe, nginte nglemin pornun um aa um. Yarnin ile inanyir, Nginte munguwun an anauwe lambar. |
| 26983 | JHN 21:16 | Wunyil Jesuse kurrin ityan Petere ningkandai, Simon porl Jonasald, nginte an pornun an kai? Werentun ile yan, Yes Masterowe, nginte nglemin pornun um ap um. Jesusil tingowun ityan. Nginte munguwun an anai sheepe. |
| 26984 | JHN 21:17 | Wunyil Jesuse kurrin ityan nepaldandai, Simon Port Jonasald, nginte pornun an kai? Wunyitye parpin itye Petere, hit amb uk Jesuse kurrin ityan nepaldandai luku. Nginte pornun an kai? Wunyile yan werentun Jesuse, Masterowe, nginte nglemin an ngruwar; nginte nglemin pornun um ap um. Luku it Jesuse, Nginte munguwun an anai sheepe. |
| 26985 | JHN 21:18 | Katyil, katyil, atte tingowun umangk, yaral inde ellir Porl, nginte yuppundelir umauwe maiyinggar, wunyinde ngoppir yauo ande ngoppir. Yaral inde ellani yande orn, wunyil umangk yuppundelani umauwe mai yinggar yamminye korn; wunyil waiyani um yang inde nowaiy ellani ngoppani. |
| 26986 | JHN 21:19 | Jesusil yarnir luku, hit amb ai: ting owun an Petere yar itye pornani in ambe yan Jehovah. Yaral itye Jesuse yarnir luku kite yarnin in angk “Waiy ou: an.” |
| 26987 | JHN 21:20 | Wunyitye Petere ngeraggeyelin, nakkin ile yan ngaitye Jesusald, yare itye an pornun an Jesuse, waiyin. |
| 26988 | JHN 21:21 | Wunyil Petere kurrin yan Jesuse Masterowe, yar itye el hityekatye. |