23224	MAT 1:11	Na Yosia kamulela Yekomia na vahaja vaki fyosi afi fyaveli chipindi Vayawudi pavatoliwili vavanda kuyenda Babiloni.
23225	MAT 1:12	Vayawudi pavatoliwili kala kuuvanda kuluhamila aku Babiloni, Yekonia kamulela Shealitieli, Shealitieli kamulela Zelubabeli.
23240	MAT 2:2	Vadasha, “kava koti mwana yawonikili daghavi mutwa wa Vayawudi? Tuyiwona ndondwa yaki payibwitukili kundamba, tuyisa kumutundamila.”
23243	MAT 2:5	Veni vamuyangula, “Dawonikeli kumbwani Betelehemu, mkoa wa Yudeya. topi ndi wayandikili mbuyi wa Chapanga.
23244	MAT 2:6	‘Yuwi Betelehemu mlima wa Yuda, kuva mkomi gati ya mbwani sha Yuda, nongwa kwa yuwi dabwituki chilongosi, davalongoshi vandu vangu, Vayisilaeli.’ ”
23261	MAT 2:23	Kayenda ayikalili mumbwani ya Nazaleti nahau ndi wufivelili filongu fyawombili kwa deha ya Vambuyi “Davamkemi mundu wa Nasaleti.”
23267	MAT 3:6	Vayipetili sambi shawu na mweni kavabatisha mulweni Yoludani.
23282	MAT 4:4	Yesu kamuyangula, “Yiyandikiwa mumayandiku Vang'alili. Mundu akwikala kwa kulya filivi weka hela ha, ila kwa chilongu chochosi chadeta Chapanga.”
23284	MAT 4:6	Kamuwombela, “Leki nakaka yuwi kuva mwana wa Chapanga, widangi pasi, kwanongwa yiyandikiwa mumayandiku Vang'alili ‘Chapanga davalayishi makungu vaki vakuyangi mumawoku vawu, ukotoo kuponikela mumigonguveli’”.
23285	MAT 4:7	Yesu kavawombela, “Yiyandikiwa mumayandiku Vang'alili, ukotoo kumuyesha Chapanga, Bambu waku.”
23288	MAT 4:10	Topi Yesu kamuwombela, “Kopoki apa Lijangavandu! Yiyandikiwa mumayandiku Vang'alili mtundamili Chapanga Bambu waku na kumkimbanikila mweni hela.”
23293	MAT 4:15	“Mlima wa Sebuloni na mlima wa Nafutali yavelili mudeha ya kuyenda kulihiva lya Galilaya mwambu ya lweni Yoludani na mumlima wuvayikala vangajila kuva Vayawudi.
23294	MAT 4:16	Vandu vayikalili kuchisi, vawonili lwengi lukomi. Na vala vayikalili mulisisi lya njifwa, lwengi luvang'alikila!”
23296	MAT 4:18	“Yesu patyangeyi muluwongu lwa lihiva lya Galilaya, avawonili vandu vavili yivavelili ulongu. Vavelili Simoni yivamkema Petili pamu na Andeleya, vaveli mulihiva vakufuva vasomba kwa lwafu. Veni vaveli vafuva.
23304	MAT 5:1	Yesu paliwonili lipinga lya vandu, akwenili kuchidunda, kayikala. Vanachuli vaki vamushengitela.
23306	MAT 5:3	“Vanemiliwa vala yivayimanya kucha veni vakuwesha ha kwikala ngajila Chapanga! Nongwa wutwa wa kumbindi ndi wawu.
23307	MAT 5:4	Vanemiliwa vala yivavelili na lung'ong'u, Nongwa Chapanga davavafwamushi.
23308	MAT 5:5	Vanemiliwa vala vashishamoyu, nongwa ava ndi davahali mlima wa shonu.
23309	MAT 5:6	Vanemiliwa vala yivavelili na njala na yivayikaja kulya kwanongwa ya ugoleki, Chapanga davayikutishi.
23310	MAT 5:7	Vanemiliwa yivaveli na lusungu, Chapanga davawoneli lusungu.
23311	MAT 5:8	Vanemiliwa vala yivamtama Chapanga kwa ndima yawu yosi, nongwa davamuwoni Chapanga.
23312	MAT 5:9	Vanemiliwa vala yivavika kusika, kwanongwa davakemiwi vana va Chapanga.
23313	MAT 5:10	Vanemiliwa vala vagobuleka kwanongwa ya ugoleki, kwanongwa wutwa wa kumbindi ndi wa veni.
23356	MAT 6:5	“Pamudadava mukotoo kugola kucha vafyangu. Veni vakudayila kuwoloka na kudadava munyumba sha kudadavila na mumaleka ili vandu vavaloli, nakaka muvawombeli ava vapata kala fupu shawu shosi.
23358	MAT 6:7	“Pamudadava, mukotoo kudeta fitangalili fingajila nongwa kucha vandu vangajila kumumanya Chapanga. Veni vakwihola kucha vamulungu vawu daavapikanishi kwanongwa ya filongu fyawu fitangalili.
23439	MAT 8:25	Vanachuli vamuyendela, vamuyimushi kunu pavadeta “Tulowoli Bambu tukusova!”
23441	MAT 8:27	Vandu vayikanganika, vadeta, “Mundu ayu wa wuliwuli? Hata liyegha na liwumbula likumpikana!”
23442	MAT 8:28	Yesu pafikili mumlima wa Vagadala kumwambu ya lihiva, aku atang'anikili na vandu vavili yivafumeyi kusembi sha mbaku. Vandu ava vavelili na finyamkela na vaveli vakukapusha nendu kwahela mundu yayeshili kupita njila yila.
23451	MAT 9:3	Vawuli vamu va Malawu vakandili kuyiwombela veni, “Mundu ayu akumduka Chapanga!”
23456	MAT 9:8	Vandu vosi mulipinga lila pavawonili afi, vajinga na kutila, vamujuma Chapanga yavapili vandu uwesu nga awu.
23460	MAT 9:12	Yesu kavapikana, kavayangula, “Vandu vaveli vanofu vakumdayila mwilwana ha, yivamdayila mwilwana vala vavelili vatami.
23463	MAT 9:15	Yesu kavayangula, “Valalikiwili kulihungu lya kuheta vakudayiliwa kulila kwa kuyidedeka chipindi Bambu wa lihungu kava pamu na veni? Mani ng'odu! Chipindi dachifiki yaheta pawushiwa pagati yawu, chipindi achi ndi davayikaji kulya.
23464	MAT 9:16	“Vandu vakuvika chilepa cha yingwa ya shonu muyingwa ngulungulu ha. Nongwa chilepa achi dachinyopoli yingwa ngulungulu na pala pasakalili dapayongisheki.
23472	MAT 9:24	kadeta, “Muwukepa! Muhinja ayu kasova ng'odu, kawonja hela!” Veni vamuseka.
23476	MAT 9:28	Yesu pafikili kaya, vangalimesu vala vavili vamuyendela, mweni kavadasha, “Mukujumila kucha nguwesha kuvagolela chilongu achi?” Veni vamuyangula, “Yina Bambu!”
23480	MAT 9:32	Vandu pavawukeyi, vamonga vamuyeghilili Yesu mundu yumu ngadeta kwanongwa aveli na chinyamkela.
23481	MAT 9:33	Tepu, mundu yula pawushiwili chinyamkela, yula yaghaveyi ngadeta, kakanda kudeta. Vandu vajinga na kudeta, chindu nga achi chikalihela kuwoneka Muisilaeli.
23488	MAT 10:2	Matawa va ava Vandundami lilongu na vavili ndi ava, Simoni yivamkema Petili na mlongu mundu Andeleya. Yakobi mwana wa Sebidayu na mlongu mundu Yohani.
23491	MAT 10:5	Yesu avalayishili ava lilongu na vavili na kuvapa Malawu ava, “Mukotoo kuyenda kwa vangutungu, na mukotoo kuyingila mumbwani sha Vasamaliya.
23504	MAT 10:18	Davavayeghi pawulongolu ya vatavala na vatwa kwanongwa ya nenga, ili mundovileli kwa veni na kwa vandu vamonga vangajila kuva Vayawudi.
23508	MAT 10:22	Vandu vosi davavanyekwi yumwi kwanongwa ya litawa lyangu. Lakini yayiwunishila mbaka mbelu, ndi dalowuliwi.
23509	MAT 10:23	“Vandu pavavagobola mumbwani yimu, mutuvilili mbwani yingi. Nakaka nguvawombela, damumalili ha ndyangilu yenu mumbwani shosi sha Isilaeli ngajila mwana wa mundu kufika tanila.
23515	MAT 10:29	Vamkongujoli vavili vakuhemishiwa kwa ligwala lidokwa limu. Lakini hata yumu akuponeka ha pasi ngajila Tati wenu kumanya.
23531	MAT 11:3	Vamudashi, “Yuwi kuva yula Yohani adetili dawisi, awu tumulembileli wingi?”
23533	MAT 11:5	Vangalimesu vakulola na vandevindevi vakuyendayenda. Vaveli na utami wa mwiku vakung'ala na majogu vakupikana. Vasovili vakushukushiwa na vagaju vakulanduliwa Chilongu cha Nyanyi.
23536	MAT 11:8	Ponopa mukayendili kulola mundu wa wuliwuli? Wuli mukayiholili mwayendili kumulola mundu yafwalili yingwa sha nyanyi? Ng'odu! Vandu vakufwala yingwa sivayilili vakwikala munyumba sha vatwa!
23548	MAT 11:20	Vandu va mumbwani sila Yesu shagolili mihilu yitangalili vapomela ha, topi Yesu awukili mumbwani sila.
23568	MAT 12:10	Kwaveli mundu yumu munaliwoku lipombalili. Topi, vandu vamudasha Yesu, “Finofu kumulowola mundu lijuva lya kupumulila?” Vamudashili nahawu ili vapati pa kumuhighila.
23573	MAT 12:15	Lakini Yesu pamanyili chindu chila, kawuka pala paghaveyi. Vandu vatangalili vamukovikelili, kavalowola vatami vosi,
23599	MAT 12:41	Vandu va Ninawi vabwituka chipindi cha kuhigha, davachihighi chileli achi. Nongwa vandu va Linawi vapomilili pavampikanishili Yona palandulili! Nguvawombela nakaka, apa pana chindu chikomi pitu Yona
23610	MAT 13:2	Lipinga likomi lya vandu vamushengitelili mbaka Yesu kayipaka muwatu, kayikala. Vandu vosi vawolukili mung'emula ya lihiva.
23618	MAT 13:10	Vanachuli vaki vamuyendela, vamudasha, “Nongwa liki ukudeta na vandu kwa chilangushilu?”
23623	MAT 13:15	Nongwa luhala lwa vandu ava lupufika, vadiva majeji vawu, Vagunga kwa mesu vawu, pamonga vangalolili kwa mesu vawu, na vangapikanishili kwa majeji vawu, na vangamanyili kwa luhala lwawu, na veni vangaghalambukili, pavadeta Bambu, na nenga ningavalowulili.’ ”
23625	MAT 13:17	Nakaka nguvawombela, Vambuyi va Chapanga na vandu goleki vatangalili vadayilili nendu kufiwona fila fimufiwona yumwi na vafiwona ha na kufipikana fila fimufipikana yumwi na vafipikana ha.
23635	MAT 13:27	Vandumindumi va yula muna chitava vamuyendela, vamuwombela, Bambu, yuwi wakwetili mbeyu nofu muchitava chaku, ponopa mityendya yifuma koti?
23644	MAT 13:36	Pambeli Yesu kavayitawula vala vandu, kayingila munyumba. Vanachuli vaki vamuyendela, vamuwombela, “Tuwombeli unofu chila chilangushilu cha mityendya mufitava.”
23659	MAT 13:51	Yesu kavadasha, “Mupikana findu fyosi afi?” Vamuyangula, “Yina.”
23668	MAT 14:2	Topi, kavawombela Vandumindumi vaki, “Nakaka ayu ndi Yohani mbatisha, kashukuka kufuma kumambi, Kwa nongwa akuwesha kugola mihilu.”
23678	MAT 14:12	Vanachuli va Yohani vayisa vachitola chikongu chaki, vachisika. Pambeli vayenda kumuwombela Yesu.
23686	MAT 14:20	Vandu vosi valya, vayikuta. Pambeli vanachuli vakungasha fisighalili, vamemesha vitandavala lilongu na fivili.
23692	MAT 14:26	Vanachuli vaki pavamuwonili payendayenda mumbindi ya machi vayipwelishili. Vadetili, “Chishuka!” Vawuta kwa lyogha.
23699	MAT 14:33	Vanachuli vaki vavelili muwatu vafiwonili, vamtundamilili, “Nakaka ayu mwana wa Chapanga.”
23700	MAT 14:34	Vajabukili lihiva vafika mlima wa Genesaleti.
23701	MAT 14:35	Vandu va aku pavamanyili Yesu akwisa, topi vavakungulili vatami mumlima wosi vavayegha kwa Yesu.
23702	MAT 14:36	Vamuluva avajumishi vagufyi luviniku lwa yingwa yaki hela. Na vosi yivamugufyili vanana.
23704	MAT 15:2	“Kwanongwa liki vanachuli vakukombikesha ng'odu fila tufipokilili kwa vavaha vetu? Vakunava kukandila mawoku ngimu ya chishovi chetu ha pavadayila kulya!”
23716	MAT 15:14	“Mukotoo kuvayipwelesha veni! Vangalimesu mesu, fiwongosi va vangalimesu na ngalimesu pamulongosha ngalimesu monga, vosi vavili vakudubukila mumyowu.”
23732	MAT 15:30	Vandu vatangalili vamwisila, vavayegha vandevindevi na vangalimesu na fikwavakwava na vangadeta na vamonga vatangalili yivaveli vatami, vavavika pamawulu va Yesu na mweni kavalowola.
23735	MAT 15:33	Vanachuli vaki vamdashili, “Tuva pachivala, datupati koti filivi fya kukwila lipinga lyosi ali?”
23736	MAT 15:34	Yesu kavadasha, “Muvanayu mibumunda miningi?” Vamuyangula, “Saba na fisomba fidokwa.”
23739	MAT 15:37	Vosi valya, vayikuta, pambeli vakungasha fisighalili, vamemesha fitandavala saba.
23746	MAT 16:5	Vanachuli vaki pavajabukili kala mwambu monga wa lihiva, kumbi vayivasuwa kutola mibumunda.
23754	MAT 16:13	Yesu pafikili mwambu wa Kayisalia Filipu, avadashili vanachuli vaki, “Vandu vakudeta kucha Mwana wa Mundu ndi ghani?”
23755	MAT 16:14	Vamuyangula, “Vamonga vakudeta yuwi Yohani mbatisha, vamonga vakudeta yuwi Eliya na vamonga vakudeta yuwi Yelimiya awu yumu wa vambuyi.”
23775	MAT 17:6	Vanachuli vaki pavapikanishili naha vawa wifuma, vatila nendu,
23792	MAT 17:23	Davamuwulayi, lakini lijuva lya tatu kukandila pasovili, dashukushiwi.” Vanachuli vang'ong'oteka munu.
23794	MAT 17:25	Petili kayangula, “Yina, akuhomba.” Topi, Petili payingilili munyumba, hata akali hela kudeta chilongu chochosi, Yesu kamudasha, Simoni, “Yuwi ukuwona wuliwuli? Vatwa va mlimawu vakukunga ushulu awu kodi kufuma kwa vaghani! Kufuma kwa vanamlima awu kwa vahenja?”
23819	MAT 18:23	Ndi nongwa wutwa wa kumbindi kwa Chapanga wukwifwana na mutwa yumu yadayileyi tolitoli ya Vandumindumi vaki.
23833	MAT 19:2	Vandu vatangalili vamukovikela, mweni kavalowola.
23835	MAT 19:4	Yesu kavayangula, “Wuli, musoma duhu Mumayandiku Vang'alili, kucha pakwandi Chapanga amulumbili mundu mlumi na mdala,
23841	MAT 19:10	Vanachuli vaki vamuwombela, “Kucha milandu ya mlumi na mdala yiva naha, ngiba kuleka kuheta.”
23842	MAT 19:11	Yesu kavawombela, “Vosi ha yivawesha kupokela chilongu achi, ila vala hela yavatangili Chapanga.
23856	MAT 19:25	Vala vanachuli pavapikanishili nawula vajinga munu, vamudasha, “Leki yiva nahawu, ghani dalowoki?”
23868	MAT 20:7	Vamuyangula, ‘Kwa nongwa kwahela mundu yatukemili tukagoli chichuku, mweni kavawombela na yumwi muyendi mukagoli chichuku cha muchitava changu cha misabibu.’
23871	MAT 20:10	Vala va kwaa kufika pavafikili, vakacheyi davapokeli sitangalili, lakini veni vapata ngimu wuwula wula kila mundu ijala ya lijuva limu.
23872	MAT 20:11	Vasipokela mbiya shawu, vakanda kumung'ong'utekela yula bambu.
23873	MAT 20:12	Vadeta, ‘Ava vafikili kumbeli vagola chichuku cha kwa lisaa limu hela. Mbona kutugolela tulinganili na veni kunu yufwi twiwunishila tugola chichuku chikomi na lijuva likali lituyakila?’
23883	MAT 20:22	Yesu kamuyangula, “Mumanya ha kucha mukuluva chindu liki. Mukuwesha kulandila lwindi lwa ndeshiwu danandili nenga?” Vamuyangula, “Tukuwesha.”
23885	MAT 20:24	Vala vanachuli vamonga lilongu pavapikanishili afi, vavalakalila vala valongu vavili.
23886	MAT 20:25	Yesu kavakema, kavawombela, “Mumanya kucha vatavala va vandu vangajila kuva Vayawudi vakutavala vandu vawu kwa mawovi na vakomi vala vakuvatavala vandu vawu.
23894	MAT 20:33	Vamuyangula, “Bambu, tukuluva tuloli.”
23901	MAT 21:6	Vala vanachuli vayenda vagola ngimu Yesu wavalayililili.