23233	MAT 1:20	Ya irua mag pʉaju khĩirjubaadëmta, Ẽwandam chog ʉ̈gtharmua bëewi irig, —José, David khararr chaain ewagam khʉʉn bi eem, oob pʉch ʉʉi pʉaju khĩirju chiram ajim anʉm. Jãg chaai irua bi ee wai sim chan deeum dën khaba, ich Ẽwandam Akharauta jõorpitarr khabahab ajim anʉm.
23238	MAT 1:25	Pari mag ag dʉ̈i ya ich ʉʉikha wai sĩerrjã, chi chaai auba nʉwe chan José bʉ̈ʉrjã ich ʉʉi dʉ̈i khapes aba aajeejim anaabá. Ya maimua chadcha chi Ẽwandam chogau jaautarrjö chi chaaidam athaawai, Joseeu i thʉ̈rdam Jesús a thʉ̈rjim aajem, ichig thʉ̈rpi jaautarrjö.
23263	MAT 3:2	“Pãach khaibag ãsie ewag khĩirjuwia Ẽwandamagta chugpaapi jëeubathʉ̈” aajeejim anʉm. Magnaa ĩchab, “Ya mʉigmua jöpcha ich Ẽwandamau maach thumaam khʉʉn Pörkhapiju maach ee pʉ̈iju” aajeejim anaabá.
23271	MAT 3:10	Pãrau khaphʉ naabá, nemjĩirjã khaigbamʉn thu wërpmaajem. Ich agjöta ajugui ajim anʉm ĩchab Ẽwandamau pãar dʉ̈ijã. Ya irua pãar chachimʉʉ sim. Ar õor amach khaibag isegwia Ẽwandamag chugpaapi jëeuba nʉm khʉʉnan, ar pa thupʉ̈iwia jʉser aadee örpʉ̈i nʉmjöta aju ich Ẽwandamau am dʉ̈i.
23412	MAT 7:27	Ya ëu dʉnʉisim ee noseg pöm chëwia, dö pöm aadëm dʉ̈i phũpa wëbaadeewai, sĩi aphëbaadëjim anʉm. Mag, nem thumaa okhoojim aajem.
23438	MAT 8:24	Ya mag döjãrr paaukhabaadëm eeta, dëgölp phũas meeukhabaadëwi phũas theega japau pöd ãwatbajujö aadëjim aajem. Pari mag thʉnʉm ee ich Jesús khãi jörrajim anaabá.
23439	MAT 8:25	Magbaawai i khapeen ãaur khʉʉnau i phiriupʉ̈yaan wëtwia irig, —Señor, phiidʉbaad. Ya maach khöogpabahaba. Maar khaigpër athá ajierram anʉm.
23725	MAT 15:23	Pari par ũanau mag chaigpa khitʉmjã Jesuu bʉ̈ʉrjã i iek ʉ̈khabajim. Magbaawaita marau irig, —Senõr, ¿jãg pua irig mapi jaaubamma? Ya atcha magaajã marau ũrmapha nʉm. Magbamʉn ich jãg maach ẽudee ääag majuwai anaajim.
23734	MAT 15:32	Maimua mag maach ich dʉ̈i ogdʉba wënʉrraajerr khʉʉnagta, —Õor pöm mʉg thʉnʉm mʉ dau ee dau aphʉʉ durrumgui ajim. Ya khãai thãrjup pam am maach aigmua bʉ̈ʉrjã ogdʉba, thachdam khöjujã chukhu nʉm. Ich jãg thach khöba chan mua amach diig pʉ̈imapha chirʉmgui ajim. Ich jãg pʉ̈ikhiin, di aar barba khãijã khʉd ee jãdaúa phʉrëubajupa ajim, ich Jesuu.
23778	MAT 17:9	Maimua deeu jerag bëejierram aajem. Mag ʉʉrbagkha wëdurumua chi Jesuu amag, —Mʉg pãachdëu ootarr oob deeum khʉʉnag jaaumiet. Ya mʉch chi Emkhooi Iewaa meewia deeu phiidʉbaawain chadau jaaubat ajim aajem.
23820	MAT 18:24	Ya chi reíu thʉ̈rkhʉʉibaadëm ee i aig aibëejierram aajem, ãb irig phatkhon pöm diez mil talentos paar sĩerr.
23836	MAT 19:5	Magtarr aawaita emkhooi ich ʉʉi dʉ̈i pabaadëmʉn ich dënnaan kha ogdʉajem, ya ich ʉʉi dʉ̈ita ãba nʉrraag. Ya magbarm aigmua warran agdaujö amach appai naajerrta, õor ãbpaimjö ich mag nʉisiejemgui ajim.
23871	MAT 20:10	Maimuata jũrr nacha dubtarr khʉʉn thʉ̈rkha aujim aajem. Ya mag amach thʉ̈rkhʉʉibaadee, warm khʉʉnag mag denario ãb deematarr aawai, amaun jũrr amachigta ʉ̈r phagjupii naajima, amachta edpherre dubtarr aawai. Pari magba amagjã ẽudeecha dubtarr khʉʉnag phagtarrjöpai phagkhajim anaabá.
24035	MAT 24:9	’Ya magbaadeewai pãar chi mʉ iek ʉ̈kha durrum khʉʉn thethemnaanau pʉrnaa amachjöm khʉʉnag pãar pʉr deemaju, pãar dʉ̈i amachdëu ampierr amkhĩir. Mag pʉr deebaa pãar gaai mas waunaa pãar thõojã thõomajugui ajim. Mag nʉm dʉ̈i ĩchab thumaam khʉʉnau pãar oomappha aju mʉ iek ʉ̈kha durrum gaaimua.
24038	MAT 24:12	¡Aay, mag ed gaaita nem khaigbam pömaata thʉnʉisijupa! Ya mag nem khaigbamta ʉ̈rpai aadeewai õrau amach khapeen kha khõsi aajerrjã tag khõchkhaba aphöbaadëju.
24052	MAT 24:26	Ya mag khaphʉ naawai ãbmua khãijã pãachig, “Õor maba aajem aarta sim” a jaauwai oob aar oon wëtmiet ajim. Wa magbam khai, “Mʉig simta ich oopiba sim” a jajaaukhawiajã oob ʉ̈khamiet ajim.
24058	MAT 24:32	Mag jaaumamua ich Jesuupai, ’Khap amkhĩir pãrag jaaukhimgui ajim: Pãrau khaphʉ nʉm, mʉig Israel durr igo bʉ̈ jãga aajẽ. Ya jãata khër khukhuur aadëmʉn thumaam khʉʉnau ya chadcha döchʉumie burrju dakpapakham aajem.
24083	MAT 25:6	Mag am khãidʉtkha thʉnʉm eeta, ya edacha pamamua, “Ya pãrau nʉ narr wounan urum; phiidʉtkhabathʉ̈ i khĩirphee oon maag” ajim anʉm ãbmua.
24126	MAT 26:3	Ya mag phiesta burrju khãai numpai waaur nʉm ee, phadnaan chi pörkha nʉm khʉʉn jöoin chi thierrnaan dʉ̈i ãba biirdʉjierram aajem, phadnaan thumaam khʉʉn pör Caifás di aig.
24141	MAT 26:18	Mag ichig jëeubaawai ichdëu marag, —Jerusalén woun ãb sim aar ërëubaadët ajim. Maimua magʉg mua jaaupʉ̈i chirʉm abat: “Ya mʉch thõju gayaa pamaawai, pʉ di aigta nemkhoo jaram ovejadam wauwi pãar dʉ̈i ãba khöm khõsi chirʉm” abat ajim chi wëtju khʉʉnag.
24168	MAT 26:45	Maimua ũwaai oon bëewaijã agtha ich khapeen khãidʉtkha thʉnʉm oobaichee amag, —¿Agtha pãar sĩi khãi gaaita nʉ? ajim anʉm. Ya pekau pöm sĩsidʉm khʉʉnag mʉch chi Emkhooi Iewaa pʉr deeju ora pabaichëbahab.
24179	MAT 26:56	Pari pãrau ĩs mʉ dʉ̈i mʉmʉgkhamʉn, jãan warrgar Ẽwandam i jaaumienau jaautarr thum ag eyaa öbërmkhĩrau ajim. Ya irua mag iekhabarm ee, ĩchab maach chi khapeenaujã chi Jesús ich appai werpʉawia parhoob dʉrmid phöbaadëjim.
24188	MAT 26:65	Mag ũrbaawai chi phadnaan pöröu ich khajũa mor gayamta sʉrr abarmʉn, warre nem pöm jẽ werbpʉ̈ijim anaabá. Magnaa, —Mʉg wounau iekha sim chan ʉ̈u khaba sim. Maach wounaan thum ãba thʉnʉmta iita mag Ẽwandam Iewaa anaab. Ya pãrau pãach jʉ̈gʉucha ũrbarm.
24219	MAT 27:21	Ya mag wawikha thʉnʉm ee, deeu chi gobernadorrau jëeumamua amag, —Mʉg numí nʉm aig, ¿chijãata pãrau sĩi chigjã aba öbeerpʉ̈ipim khõsi nʉ? a jëeujim anʉm. Magbaawai amachdëu Barrabaata öbeerpi jajaau aajeejim anaabá.
24233	MAT 27:35	Ya pakuls gaai meerphënaa jiirjop sĩuwia, amach chi meerphë narr soldaaunaupai, khaíuta chi khajũa jʉ̈abarju khai awi, jẽb gaai mokdaudam baraag paaukhajierram aajem, mag nʉmua gan aumaag.
24277	MAT 28:13	Ya mag amach ap chi iekham arr aawai chi soldaaun wawimamua amag magjierram anʉm: —Õrag jaauwai edaar pãach khãi nʉmich chi khapeen bëewiata chi aukhërtarr eem jĩgkha arrwi amachdëu khap wai nʉm a jaaubat ajim anaabá.
24282	MAT 28:18	Mag nʉm ee warag maar aig bëewi maar dʉ̈i iyʉ̈ʉmamua magjim: —Ya mʉ Ayau mʉrʉg ʉ̈gtharm khʉʉn dʉ̈ijã iek theeg apinaa mʉig eegarm khʉʉn dʉ̈ijã iek theeg apibarmgui ajim.
24287	MRK 1:3	“Mag woun ajappai õor barba aajem aar sĩejemuata ich aar õor barbaimaawai pʉ jaaumamua, ‘Ya maach Pör bëeimʉʉ sim’ a jaaumaju, pʉ igwia. Mag pʉ igmamua, ‘I bëeju nawe pãach thãar khĩir khaugbat’ a jaaumaju, thãraucha khõsi pʉ iek ʉ̈khamkhĩir.” Magta ajim aajem Ẽwandamau ich Iewaag, Juan igwia.
24467	MRK 5:34	Mag ichig meerba jaaubaawai Jesuu irig, —Mua pʉch monaauju khaphʉ mʉ gaai pʉrchëtarr gaaimua, ʉ̈u pʉ monaauwi peerdʉjã peerdʉ ʉisimgui ajim anʉm. Ya pʉ monakha ʉisiewai pʉch diig maju aai ʉmgui ajim anʉm irig.
24468	MRK 5:35	Jesús agtha mag iekha dʉnʉm ee, mag judionaan Ẽwandam iek jaaujem degam chi pör Jairo anʉm di aarmua õor bëewi irig, —Kakë, ya aaunaanaujã pöd ãwatba abarm; idëu Maestro sĩubá ajierram anʉm irig. Ya par maach aar i mabajup ajierram anʉm.
24511	MRK 6:35	Mag jaau simua ya kheeuraa aadeewai i khapeenau irig, —Ya edau khëumamgui ajim anʉm. Mag nʉmta maach chan thach khöjujã chukhu nʉm.
24561	MRK 7:29	Magbaata Jesuu irig, —Pʉch jãg iekha ʉm gaaimua pʉ chaai mor eem mepeer ya öbërbaadëm. Ya pʉ pʉch diig maju aai ʉmgui ajim anʉm irig.
24571	MRK 8:2	—Õor pöm mʉg thʉnʉm mʉ dau ee dau aphʉʉ durrum. Ya khãai thãrjup pam am maach aigmua bʉ̈ʉrjã ogdʉba, thachdam khöjujã chukhu durrumgui ajim anʉm.
24661	MRK 10:4	Magbaa amachdëu, —Moiseeu jaauwain maadëu dich ʉʉi pʉaju aai nʉm a jaau pʉajim aajem. Sĩita ʉʉi pʉagpaawai wajapha ẽsap phãnaa ag gaai, “Ya mua pʉ pʉa chirʉm” a jaauju aai nʉmgui ajierram anʉm.
24665	MRK 10:8	Ya magbarm aigmuan warran agdaujö amach appai naajerrta õor ãbpaimjö ich mag nʉisiejem. Ya mag nʉisim chan ya tag amach ããbdö nʉrrjëe aba, õor ãbpaimjö nʉisiejem.
24709	MRK 10:52	Magbaawai Jesuu irig magjim anʉm: —Chadcha muata pʉch dau monaauju khaphʉ khĩirju chirarr gaaimua ʉ̈u pʉ monaau chirsim. Ya pʉ pʉch diig maju aai chirʉmgui ajim anʉm. Irua mag iekhabarm bʉ̈rre chadcha dau eerdʉ sĩsiwi ich bi eem daujö daujã wajaug sĩsijim anaabá. Mag ich dau monaaubapäaiwai warag i dʉ̈i petajim aajem.
24797	MRK 13:11	Mag pãach pʉr aauwai, thethemnaan khĩirphee iekhaagpaawai, oob pãrau, “¿Khan ata mʉ iekhajuuta mʉgbaadëma?” a khĩirjumiet ajim anʉm. ¿Khan jãgwi mua mag chirʉ́? Ya maig chan pãar pãach khĩirjugdamaupai iekhabam; magbaadëm aiguin ich Ẽwandam Akharauta pãrag iekhamkhĩir khĩirjug deeju aawaita mua mag chirabahab ajim anʉm.
24812	MRK 13:26	Magbaawaita thumaam khʉʉnau mʉch chi Emkhooi Iewaa chadcha edjã baug ee dau daau urum oojurau. Ya maig mʉg jẽb gaaim khʉʉn thum chachbaadëm aawai mʉchta nem jua theeg thumaam khʉʉn Pörkha bëejugui ajim anʉm.
24887	MRK 14:64	Ya irua ich iiucha jaau sĩebahab ajim anʉm. Pãrau thumaam khʉʉnau i iekhabarm ũrbarm, chadcha irua Ẽwandam dau na khaigba iekhabarm. ¿Pãrau mʉg woun dʉ̈i jãga aju khĩirju nʉ keena? ajim anʉm ich khapeenag. Magbaawai thumaam khʉʉnau ihãba, —Jãan iekkhõr pöm sĩewai ichiita thõopʉ̈ijugui ajierram aajem.
24980	LUK 1:18	Magbaawai jöoi Zacariaau, —Mamʉ ¿jãga magbarju? ajim anʉm, chi Ẽwandam chogag. Ya mʉg mʉ jöoiraa chirʉm, maimua mʉ ʉʉijã ĩchab ũanaa khitʉmta ¿jãga mag chaai oobarju? ajim anʉm.
25103	LUK 3:9	Pãrau khaphʉ naabá, nemjĩir khaigbamʉn thu wërpmaajem. Ich agjöta simgui ajim anʉm ĩchab Ẽwandamaujã pãar dʉ̈i. Ya irua pãar chachimʉʉ sim. Ar õor amach khaibag isegwia Ẽwandamag chugpaapi jëeuba nʉm khʉʉnan pa thupʉ̈iwia jʉser aadee örpʉ̈i nʉmjöta ajugui ajim anʉm, ich Ẽwandamau am dʉ̈i.
25150	LUK 4:18	“Ẽwandamauta mʉ jʉr autarr aawai ich Akhaar mʉ gaai phẽs wai sim, aphʉʉm khʉʉnag jãga ichdëu am peerdʉ auju a jaaumkhĩir. Irua mʉ pʉ̈itarran, õor amach khaibag ee presonaanjö nʉm khʉʉnag, ‘Ya pãar öbërm iek öbërju aai nʉm’ a jaaumkhĩir ajim; dau khĩsumjö nʉm khʉʉnagjã, ‘Ya pãrau wajapha ooju aai nʉm’ a jaaumkhĩir; chikhamnau dau aphʉʉ waaujem khʉʉn dau aug khaugwia peerdʉ aumkhĩir;
25262	LUK 6:47	Mua pãrag jaaukhimgui ajim anʉm. Ar chi mʉ aig bëewia mʉ iek ũrnaa mua nem jaau chirʉm ipierraa nem waaujem khʉʉnan, biek ãb woun di ëwaag jẽbdi khörkha sĩi awia durrkhudau ee ierr ich dibʉ̈ jukhanaa di ëutarr wounjöta nʉmgui ajim anʉm. Ya mag aaipa dʉnʉisim ee, döãd pöm bëewia ag gaai dö uu thʉnarrjã chʉyëupʉ̈iba ich mag sĩsijim anaabá, dibʉ̈ ierr jukha sĩerr aawai.
25330	LUK 8:16	’Ya pãachig jaaubaawai pãrau khaphʉ nʉisim, mamʉ ĩchab mʉg pãachdëu ũrbarmjã pãrau sĩi pãach atheepai wai naaju aai khaba nʉmgui ajim anʉm. ¿Khaíu õtdau paanaa bathẽe eegar wa sĩi nem bʉ̈ ee khãijã ausĩiujẽ? Õtdaun paanaa warre dijã garta ausĩiujemgui ajim anʉm, thumaam khʉʉn dau araraa amkhĩir.
25338	LUK 8:24	Amachdëu mag oophöbaadeewai i khãi jörröm aar mawia, —¡Maestro, phiidʉbaad! Ya maachin khöogpamgui ajierram anʉm. Magbaawai phiidʉwia, phũ theeg thʉnʉmʉg meeurrau sĩunaa, ĩchab chi phũasagjã meeurrau sĩubaawai, tag phũjã wëba phũasdaujã baupa khaba, warre sĩi döjã meuu jöisijim anaabá.
25363	LUK 8:49	Mamʉ agtha mag i iekha öba nʉm ee, woun ãb bëejim aajem, mag judionaan Ẽwandam iek jaaujem degam chi pör Jairo anʉm di aarmua, i ẽudee. Mag bëewia chi Jairoog, —Kakë, ya aaunaanaujã pöd ãwatba abarm. Idëu Maestro sĩubá. Ya par maach aar i mabajup aichëjim anʉm.
25421	LUK 9:51	Ya Jesús deeu ʉ̈gthar ich Aai aar maimʉʉ aadeewai warag thãar phĩiuwia ögkhaba Jerusalenag petajim aajem.
25430	LUK 9:60	Magbaawai Jesuu irig, —Magju khãai warre mʉ dʉ̈ita marrau ajim anʉm. Idëu ar amach Ẽwandam iek ʉ̈khamaaugau chi thõmjö nʉm khʉʉnag amach binaan bëppibá. Mamʉ pʉ mag khãyau warag õrag jaaubamí ajim anʉm: “Ya Ẽwandam thumaam khʉʉn Pörkhacheeg bëeimʉʉ sim. Pãar peerdʉm khõsi nʉm khai, ichta ʉdʉraa pãach Pörkhapibat” a jaaupet ajim anʉm.
25481	LUK 11:7	irua ierrmua jũrr pʉrʉg, “Idëu mʉ khajapha khãaipibá. Ya mʉ put ee chirʉm; mʉ chaainjã ya khãidʉtkha thʉnaawai pöd mʉ pʉ aar puertdi wewaanjã mabam; pʉ nem ig sim pöd mua deepʉ̈ibam” akhiin, ¿jãgaju khai?
25540	LUK 12:12	Ya pãar iekhaagpaawai ich Ẽwandam Akharauchata pãrag khĩirjug deejugui ajim anʉm, khĩirjug khaphʉ iekhamamkhĩir.
25547	LUK 12:19	Ya mag ëu aaipagkhanaa ãba paa thʉnʉisiewain chadau sĩi año khapan phithurg chukhu ag eempai au khö chirsijugui” ajim anʉm. Maimua, “¡Jöo! Magbaawain chad mʉg woun sĩi degpai jua ʉ̈inaa, mʉchdëu khöm aig thachjã khönaa, dödöjöjã biwaa döbaadee sĩi onee ajugui” ajim anʉm, ichdëupai ichig.
25577	LUK 12:49	’Mʉʉn mʉg jẽb gaai õor durrum khʉʉn ee mʉch iekta phũak phuu wëjöm ee õtdau dʉrbapʉ̈imjö apienta bëejimgui ajim anʉm, ich Jesuu. Ya mag õtdau pa sim, mamʉ mʉchdëu khõsi chirʉmjö warag uu pa jẽerdʉmaa akhiin ajapcha akhamgui ajim anʉm.
25614	LUK 13:27	Mamʉ magbaawai irua ĩchab pãrag magju: “Ya mua pãrag jaaubarm. Mua chan tag pãar khaugbam. Pãach sĩi nem khaigbam appai wau wënʉrraajerr khap, pãadëu warag pãachta mʉ aigmua chawag ërëubaadët” a iekhajugui ajim anʉm, Ẽwandamau pãrag.
25619	LUK 13:32	Magbaawai ichdëu amag magjim anʉm: —Ërëubaadëwi irig, “Ich iphithur idëu mag sim; mʉg ed gayan mʉʉn ichiita ich mʉg õor mor ee bën khaigbampa jʉr wërpnaa ich mʉg õor monaau chitaju” a jaaubaimat ajim anʉm, mʉ imeerba. Magnaa ĩchab, Ya mʉ phidag öimʉʉ pamam;
25646	LUK 14:24	Ya maadëu khaphʉ nʉm, ar nacha thʉ̈rwia bëeba arr khʉʉnau chan amau bʉ̈ʉrjã mʉ thach isĩebajugui ajim anʉm, chi nacha thʉ̈rtarr khʉʉn igwia.
25673	LUK 15:16	Mag chadcha mawia khũsnaan thʉa oo chirʉmua jãsooga aawai chi khũsnaanag phathau deechë nʉm eemta dʉ̈i khöm iigjeejim anʉm, chi khũsnaanau khö nʉm dʉ̈i ãba, bʉ̈ʉr khãijã jãd thõo awaag. Mamʉ magʉmjã ãbmuajã irig “Ya magan khöjuma” aba aajeejim anʉm.
25713	LUK 16:24	Magbaawai mammua thet, “Jöoi Abrán, mʉ ap chitʉm mʉ dau aug khaugbáa” ajim anʉm. “Lázaro jĩgpirdam gaaipai khãijã dödamau omnaa mʉ aar pʉ̈ibapʉ̈ʉi. Ya mʉʉn ö jʉʉumaam. Õt khierr pechag mʉg thʉnʉmjã mua ãwatbajujöta thʉnʉʉmgui” ajim anʉm ääakhamua.
25884	LUK 20:36	Ya am Ẽwandam chognaanjö thʉnʉm dʉ̈i ĩchab Ẽwandam chaainkha thʉnʉmgui ajim anʉm, ich Ẽwandamauchata am phiriutkha autarr gaaimua.
25922	LUK 21:27	Magbaawaita thumaam khʉʉnau mʉch chi Emkhooi Iewaa chadcha edjã baug ee dau daau urum oojugui ajim anaabá. Ya maig mʉg jẽb gayam khʉʉn thum chachbaadeewai mʉchta nem jua theeg thumaam khʉʉn Pörkha bëejugui ajim anʉm.
25926	LUK 21:31	Ich agjöta ajugui ajim anʉm, ĩchab mʉ bëeju gayaa paawaijã. Ya pãachdëu nem thum mʉchdëu jaau chirʉmjö ohoo khabaadeewai khaphʉ abat ajim anʉm, ya mʉ bëeimʉʉ pam; muan mʉg durr mʉchdëuta jʉ̈a auchëwia mʉchta thumaam khʉʉn pörkhaan urum.
25950	LUK 22:17	Maimua vino jarrdam jua ee auwia Ẽwandamag ʉ̈u ajim anaa, —Ya pʉr athat ajim anʉm. Maimua, Dönaa jũrr ʉapʉ̈ipetat ajim anʉm, agdaujö dö aumamkhĩir.
26004	LUK 22:71	Magbaawaita amachdëu, —¿Khan atcha maadëu deeum khʉʉnau jaau nʉmta ũrm ig nʉma? Ya maadëu ũrbarmgui ajierram anʉm, ich iiucha jaaubarm.
26046	LUK 23:42	Maimua ichdëupai mag iekhapʉ̈inaa jũrr Jesuug, —Ya deeu pʉchta Reikha bëewai oob mʉ khĩir okhoo chiram ajim anʉm.
26085	LUK 24:25	Magbaawaita jũrr ichdëu amag, —Pãarta khĩirjug chukkhu nʉmá ajim anʉm. Ẽwandam i jaaumienau phãtarr gaai thum ich magta öbëbërg maju a jaaujierram, cha pãachdëu mʉrʉg jaau nʉmjö; mamʉ pãrau ʉ̈khamaphata naabahab ajim anʉm. Pãrau khĩirjuawai, ¿í ich Ẽwandamaucha jʉr autarr aawai ich jãg dau aphʉʉ aju aai khaba sĩejĩ? Mag khabamgui ajim anʉm. Ya nawe ich mag phã sĩerr aawai ich mag dau aphʉʉ aju aai sĩebajieb ajim anʉm. Mamʉ ĩchab chi jʉr autarr khʉʉu deeu iiupiwia ichta thumaam khʉʉn Pörkhapiju a simjã agjö mag Ẽwandam i jaaumienau jaaubajieb ajim anʉm amag.
26089	LUK 24:29	Magbaawai amachdëu irig, —Maar aig khãibajë. Ya atcha edau kheeuraa sĩebahab; khʉd pʉ khëujuwai ajierram anʉm. Magbaawai chadcha am dʉ̈i sĩsijim aajem.
26154	JHN 1:41	Mag Andrés anʉmua ich naam Simón jʉraan mawia oobaimaawai irig, —Ya ĩsin chadau maran warrgarwe Ẽwandamau Mesías pʉ̈iju a jaaujerr dʉ̈ita oobarmgui ajim anʉm. (Mag Mesías aawai griego meúa Cristo aawaiu.)
26246	JHN 4:21	Magbaawai Jesuu irig, —Pʉdë mʉ iek ũrbarí ajim anʉm: Ya mʉg atag paawai pãrau khĩirjubaju, mʉg durrsĩ gaaita Ẽwandamag jëeuju wa Jerusalén mawiata Ẽwandamag jëeuju. Magbarm aigmua parhooba pãach nʉm aigmua irig jëeuju aai aphöbaadëjugui ajim anʉm.
26261	JHN 4:36	Õor jãg thʉnʉmʉg Ẽwandam iek jaau nʉmta nemjĩir phierr nʉmjö phidkha nʉm khʉʉnag chan Ẽwandamau phagab khaba phagjugui ajim. Mag amau i athee õor gan aumam khʉʉnan ich mag i dʉ̈i wënʉrraagau. Ya mag nʉisim aig chi nacha i iek jaautarrjã onee awia ẽudee jaaumamua ʉ̈khapi atham khʉʉnjã chi nacha jaautarr dʉ̈i ãba onee ajugui ajim.
26267	JHN 4:42	Mag amachdëucha Jesuu jaau sim ũrwia ʉ̈khatarr khʉʉnau chi ʉʉirag, —Ya ĩs chan sĩi pua jaau sim ũrwiapai khaba, maach jʉ̈gʉucha i iek ũrwiata marau ʉ̈kha nʉmgui aajeejim. Ya chadcha marau khaphʉ nʉm, jãguata chadcha durrpierr ich iek ʉ̈kha nʉm khʉʉn thum peerdʉ auju khabahab aajeejim jũrram khʉʉnau.
26274	JHN 4:49	Pari magbaawai chi thethem garmua warag irig, —Señor, mʉ ap chitʉm jöpai mʉ chaai oomierrau, meeju nawe. Ya parba khërʉmta mua oo pʉabajieb ajim.
26293	JHN 5:14	Maimua ag khur Jesuu ich ag woundamcha Aai i jëeujem deg oobaimaawaita irig, —Ya ʉ̈u pʉ jãg monaau chirsipí, oob tag pekau wau chitam. Eeu magbamʉn jũrr pʉch gaai ag khãai atcha khãijã adukham ajim.
26345	JHN 6:19	Ya maagwai maar döjãrr naajim. Cinco khabamʉn seis kilómetros khãijã naajim, döi aigmua chi warphag. Mag nʉm eeta marau oowai, Jesuuta döjã ʉ̈r durramjö dʉdʉrg urum oophöbaadëjim. Mag oophöbaadeewai maar jãphierr phöbaadëjim.
26434	JHN 7:37	Ya ãbmiecha chi phiesta ö nʉm edta chi wajapcharam ajim. Mag ed Jesuu dʉnʉʉunaa thet iekhamamua õrag, —Ãb khãijã öbisi sim khai, mua wai chirʉm dö khĩirta döbá ajim.
26475	JHN 8:25	Mag ũrwia chi judionaanau ichigcha, —¿Magan pʉ khaíuma? abaawai, ich Jesuupai deeu amag iekhamamua magjim: —Ya mua pãrag mʉch jaaujeewai, ¿khan atcha tag mua jaaubarju? ajim.
26530	JHN 9:21	Pari i dau monaautarr chan marau khaugba nʉm, jãga awiata ĩs jãg dau wajapha sĩsi, ni khaíuta i dau monaaubarm khai. Ichigchata jëeubat ajierram anʉm. Ya i chi jöoi aawai ichdëuta irua pãrag jaauju aai sĩebá ajierram aajem amag.
26536	JHN 9:27	Magbaawai ichdëu, —Ya khabá mua pãrag jaaubarmgui ajim anʉm. Magʉmjã pãrau ʉ̈khab nʉm. Mag nʉmta ¿khan atchata deeu ũwaai jaaupi nʉmma? ¿Wa mag jaaubaawai i iek ʉ̈khawia pãachjã i khapeenkhaagwa? ajim aajem.
26578	JHN 10:28	Magbaawai mʉchdëuta mʉch Aai aar am öbërju aai apiejem, tag okhooba sĩi i chaainkha ich mag wënʉrramkhĩir. Ya magbarm chan ni ãbmuajã mʉ jua eem khechthʉg aubamgui ajim.
26645	JHN 11:53	Ya Caifaau mag iekhatarr aawai magtarr aigmua judionaan chi thethemnaanau ãba ibëpwia warre Jesús thõoju khĩirjugta wai nʉisijim.
26672	JHN 12:23	Mag wëtwia judionaan khabam khʉʉnau ich jʉr wënʉrrʉm a jaaubaicheewai amjã peerdʉ awaag ʉdʉraa ich thõopiju jaaubaadëmua magjim: —Ya ĩsta chadcha mʉch chi Emkhooi Iewaa chikhamnau thõoju gayaa pamamgui ajim, mag amau mʉ thõobarmua mʉchta Ẽwandamau thumaam khʉʉn khãaijã ʉ̈rpai apieg.
26677	JHN 12:28	Maimua sĩi ich Ayag, —Tata, muan mʉch gaaimuata sĩi thumaam khʉʉnaujã pʉrʉgta ãba ee apim khõsi chirʉmgui ajim. Pari irua magbaawai ʉ̈gtharmuata woun iekjö, —Ya pʉ gaaimua õrau mʉrʉg ee abarm; pari ichiita warag mʉchig ee apijugui ajim.
26680	JHN 12:31	Ya ĩsta chikhamnau mʉ thõoju gayaa pamam. Mag mʉ isegwi mʉ thõobarm gaaimuata khaigbam khʉʉn thumaam khʉʉn dʉ̈i Ẽwandamau ichdëu khap ajugui ajim. Mag õor kõit mʉ thõobarm gaaimuata ĩchab mepeer mʉg durr gaai ichta chi pörkha sĩerrʉmjã Ẽwandamau pödpʉ̈im iek pödpʉ̈ijugui ajim.
26700	JHN 13:1	Ya phiesta Pascua anʉm burrju khãai ãbpai waaur sĩejim. Maagwai Jesuu khaphʉ sĩejim, ya ichdëu mʉg durr werpʉawi deeu ich Aai dʉ̈i ãba sĩeimaju ed pabaadëm. Thum mʉg jẽb gaai maar ich dënkha durrarr khʉʉnan bʉ̈ʉrjã chig aba jãsehne aajeejim. Maagjerr aawai ya ãbmiecha amau i thõoju ed paawaijã agtha ichdëu maar khõsi sim khaphʉ apijim.
26718	JHN 13:19	Ya mua ag nawe pãrag jaau chirʉmgui ajim, maagwai ya eeupemjö magbaadeewaijã pãrag mʉʉta chadcha ich Ẽwandamaucha jʉr auwia pʉ̈itarrau a khap amkhĩir.
26741	JHN 14:4	Ya pãrau khaphʉ nʉmgui ajim, mʉ jamag ma, maimua mag mʉ chiraimam aarjã jãga barju.
26797	JHN 16:2	Ya amauta pãar dʉ̈i magphöbaadëmʉn, pãran amau amach eemua jʉr wërppʉ̈iwia amach culto waaujem eejã tag dubpibajugui ajim. Mamag nʉʉ awia juauchajã pãar khëchmaju. Mag pãar khëch nʉm khʉʉnau amachdëupain Ẽwandamau pãar dʉ̈i magpi sĩewaita mag nʉm ajurau.
26799	JHN 16:4	Ya mua pãrag ag nawe mag jaau chirʉmʉn, ya chadcha pãach mag am jua ee dau aphʉʉ aadeewaijã mua pãachig amau pãach dʉ̈i magju a jaaujerr khap amkhĩraugui ajim. ’Mag mʉch gaaimua pãar dau aphʉʉ ajujã warrcha mʉch khapeenkha awaag pãar thʉ̈rkha aauwaiwe mua chadcha pãrag jaaubajimgui ajim, agtha pãar dʉ̈i amau magju wají narr aawai; mag nʉm dʉ̈i ĩchab mʉchcha pãar dʉ̈i chitaawai.
26818	JHN 16:23	’Ya mag ed paawai, cha mua jaau chirʉm pãrau khaphʉ naaju aawai, tag ĩsimjö mʉrʉg jëjëeu abajugui ajim. Pãar mʉ dënkha naawai mʉ Ayag nem jëeu nʉm thum irua pãrag deejugui ajim. Pari mag mʉ dënkha nʉm awiajã agtha pãrau bʉ̈ʉrjã mʉ Ayag mʉ iek gaai thʉwia nem jëeuba nʉm. Magta jëeubat ajim, pãachdëu nem jëeu nʉm deebaawai wajapcha onee aag.
26825	JHN 16:30	Ya ĩsin chad marau khaphʉ nʉmgui anaajim, pua chadchata nem thum khaphʉ sim. Maguata bʉ̈ʉrjã pʉchig jëeubamjã pua maar khĩirjug khaphʉ jaaubapʉ̈im. Maguata marau khaphʉ nʉmgui ajim, pʉ chadcha Ẽwandam sim aarmuachata bëejim.
26827	JHN 16:32	pari magtarrau oo chirakhimgui ajim. Ya pãar jĩerraugwia mʉch appai barpʉaju ora paagpam. Mag pãrau mʉch appai mʉ barpʉawiajã mʉch ap khaba chirʉmgui ajim, mʉ Aai mʉ dʉ̈i sĩewai.
26835	JHN 17:7	Ya ĩsin amau khaphʉ nʉmgui ajim, nem thum mua waunaa jaaujerr pʉchdëu mʉchig jaaumampierr mua wau chitarr.
26836	JHN 17:8	Pua jaaupitarr iek ya mua amag jaaujim; mag jaaubaawai amachdëujã ʉ̈kham khõsi ʉ̈khajierramgui ajim. Magnaa ich Ayag maar kõit iekhamamua, Ya amau ʉ̈kha nʉmgui ajim, chadcha pʉ aarmuata mʉ bëejim, pʉchdëu mʉ pʉ̈iwia.
26854	JHN 17:26	Ya mua amag jaaujim, pʉ jãga sĩerrʉ́. Pari ichiita warag mua amag ich jãg jaau chitajugui ajim, ich jãg pʉchdëu mʉ daupii wai simjö amaujã jũrr agdaujö amach khapeen kha khõsi amkhĩir. Amag magamkhĩran, mʉchta am dʉ̈i chitajugui” a iekhamajim ich Ayag maar kõit.
26916	JHN 19:22	Magbaawai Pilatoou am ichaaur, —Ya phã sĩsiewai pöd khĩet phãju khaba simgui ajim.
26946	JHN 20:10	Ya maach daúacha mag i aukhërtarr ee ooba abaawai deeu maar maach diig wëtjim.
27001	ACT 1:9	Ya ich Jesús mag iekha öbarm ee, sĩi warag ʉ̈gthaa papagmam dʉ̈i jʉʉnthumie baug bëewi sĩi ag ee i meer athamjö abaawai ʉ̈u amau i oo wai durrarrjã warag oohba pamamua chukkhu aadëjim aajem.
27017	ACT 1:25	Ya Judajã ichdëu khaigba arr gaaimua wir aig ich thõobaawai i jũrr pʉch i jaau nʉm phidag maar dʉ̈i ãba phidkhamkhĩir marau deeum ig nʉmgui” ajim anʉm, “maach daumaai.”
27035	ACT 2:17	“Ya mʉg atag mʉchdëu mʉg jẽb öpʉ̈iju gayaa paawai mua mʉch Akhaar thumaam khʉʉnag deemajugui” ajim aajem. “Mag mua amag mʉch Akhaar deebaawai chaain chi emkhooinau chi ʉʉinaupa warrgar mʉ iek jaaujerr khʉʉn dënjö mʉ iek jaaujugui” ajim aajem. “Maimua chaainaam khʉʉn dʉ̈i jöoiraam khʉʉnpa mua mʉch aar khãaipi aumajugui” ajim aajem.
27076	ACT 3:11	Mag ich monaaubapäaiwai chi bʉ̈ ãkhãraa khitarrau Pedro Juan dʉ̈i chaaug wëtpimaaugau, warag am gaai pʉrbaadëjim aajem. Ya mag i monaaubaadëm õrau khakhapdö aadeewai daaugajãr edau öbeerjem bi gar dijãjö wëu wëjöm “Pórtico de Salomón” anʉmʉg thum khaphig phöbaadëjim aajem, mam gar chi bʉ̈ ãkhãraa khitarrau Pedro Juan dʉ̈i wënʉrrʉm kha ogdʉba sĩerr aawai.
27358	ACT 10:30	Magbaawaita Cornelioou irig nem ĩgkhabaadëmua magjim aajem: —Ya khãai jayap simgui ajim anʉm, ĩsim khurau, mʉch di aig chirʉmta ãspatarr aigmua thachjã khöba chirarr. Mag chirʉmua edau phʉʉibaajër kheeuragam las tresjö nʉm ee, ich mʉg ora, Ẽwandamag jëeu chirajimgui ajim anʉm. Mag nʉm eeta dëgölp woun ãb khajũa bäpphä ich bäpgau phuumjö sim bëewi mʉ khĩirphee dʉnʉʉubaichëjimgui ajim anʉm.
27525	ACT 15:14	Ya pãrau Simón Pedro iek ũrbarm, jãga Ẽwandamau ĩsta warrpem judionaan khabam khʉʉnjã khĩir jãsenkhawi ĩchab ich chaainkha athá.