23217	MAT 1:4	Ram awa Amminadab da mamo. Amminadab awa Nahshon da mamo. Nahshon awa Salmon da mamo.
23232	MAT 1:19	Edo Joseph Mary doadi dipapa isira awarate umo awa embo ewamei awasedo gae gae ari ge soro Mary me geurase Joseph kotisira, “Na Mary doadena te mana sano embo gadera.”
23240	MAT 2:2	Bugudo sisera, “Mei kiambu seka Jew embomei gitijigadi bugira mo rawari? Nango uso damana waiko vitari kena gido umo tumondebain adi bugera.”
23253	MAT 2:15	Etiri Mamo mi matu ro sisira awa be isira. Umo sisira, “Na naso mei Egypt dodo mambarase jawo sisena.”
23259	MAT 2:21	Awasedo Joseph erido mei kiambu de uso ai de budo sekago engenembedo busu Israel da mambusira. Edo Joseph eiedo isira amimi Mamo mi binga sari embo da yei sisira awa be isira. Edo Mamo mi sisira, “Nanemi naso mei Egypt busu ainda jawo seteno bugira.”
23260	MAT 2:22	Edo Joseph umo Israel busu da mambuse binga ingisira awa Herod da mei Archelaus mi Judea busu embomei awa gitijijigurira awa. Edo binga awa ingido Joseph umo ainda petari awa oju isira awarate sekago Mamo mi Joseph da yei eturo da sisira awasedo umo mambudo busu Galilee ainda anumburisira Nazareth nati ainda.
23261	MAT 2:23	Edo umo ainda anumbetiri ro binga sari embo mi sisira awa be isira, “Umo awa Nazareth nati embo adira.”
23267	MAT 3:6	Edo John da dengoro bagari awa ingido ainda amboda ungoi sisera, “Nango buria etera.” Setero John mi umo Jordan da ungo umo mi ewamei isira.
23268	MAT 3:7	Edo John mi agodari simba ari embomei jiwae Pharisee de Sadducee uso yei bugutero gosisira edo ungo John mi umo mi ewamei arase dipapa etero umo ungoda yei sisira, “Ingo awa teta jingabu da memei ingege. Edo iji Mamo mi ingo kasadira awa bugutira. Na kove be ena ko imo kotesa Mamo busu da embo kasadira ainde awa imo jebugadesa.
23275	MAT 3:14	Awarate John Iesu umo mi ewamei ari oju ae edo uso yei sisira, “Na imo umo mi ewamei anase sedo geose. Na awa embo wasiri biae de ra awarate imo awa wasiri biae aera awasedo na inemi umo mi ewamei asase dipapa ena.”
23278	MAT 3:17	Edo Mamo da Asisi wosedo uso yei anumbetiri edo ge javi utu da awodo sisira, “Emone naso mei na awa na dubo burena. Na uso yei naso jo iaviri ira.”
23291	MAT 4:13	Edo Nazareth nati da iji tupo atinatina yei awa dodo nati Capernaum da mambudo atima isira. Edo nati eiawa umo diuga Galilee da bengi da busu Zebulun de Naphtali deda demonda.
23293	MAT 4:15	Edo Isaiah mi sisira, “Edo Jordan umo be nei da edo ewa kena awa Zebulun busu de edo Naphtali busu de edo Galilee busu mendo da awa embo Jew ae jawo Gentile atima isera.
23297	MAT 4:19	Edo Iesu ungoda yei sisira, “Na ambo ambo ewo. Ingoda imamo mi ingo wo oiro awase atopapotisira da awodo nanemi ingo atopatano na awa embo embo berave.”
23316	MAT 5:13	Edo Iesu uso ambojimbi atopapotise atise sisira, “Nanemi ingo awa embo da teda ititena teta ewa tokaka embo mi indari da itido era da awodo awarate tokaka awa uso tokaka da mina bari awa atae ari inemi mana aso sekago tokaka adira. Amone jingama ari sago ae etira awasedo imo pigaso mambari embo mi ainda tamo da pepeta adera.
23347	MAT 5:44	Awarate naso ge ingiwo. Na ingoda yei sena gitopo ingoda dubo buwo edo sedo giwo Mamo mi embo ingo dedo gaedo edo era awa kondade are.
23361	MAT 6:10	‘Mamo nangoda utu da atima esa awa embo berari mi iso jawo jasiga ore. Nango imo burigi burigi bugudo gitijigasase dipapa era. Utu da iso wasiri era da awodo embo busu da awa imo ungo ro orase dipapa esa ore.
23362	MAT 6:11	Nangoda indari boroko da awa inono da itigae.
23363	MAT 6:12	Nangoda buria awa kotembedo dogae edo da awodo nango embo nenei da buria nangoda yei awa kotembedo dodo ore.
23422	MAT 8:8	Setiri Rome isoro embobo da gitijigari mi Iesu da yei mina sisira, “Na ewa raro naso mando da toresi ta ko ge mi segae naso buro ari embo awa ewamei are ko na gosena awodo re adira ainda be awa na awa gitijigari nembodiba da tuda edo isoro embobo nenei awa naso simba ari da atima era. Edo nanemi isoro embo da ainda sadena mambu sadena awa umo mambadira.
23424	MAT 8:10	Edo embo awa awodo setiri Iesu ge awa ingido kove be edo embo umo ambo ambo isera ainda sisira, “Na ingoda yei gebe sena na Israel embo da mi embo emimi na gebe ira da awodo awa gae be ra giwo.
23432	MAT 8:18	Edo Iesu embo jiwae mi umo jinene burero gido uso ambojimbi da yei sisira, “Nga sia ewo. Awo ingodena umo diuga benei da sembore.”
23443	MAT 8:29	Edo ungoi Iesu gido Iesu da yei gogo dimbudo sisera, “Mamo da mei imo nangoda yei ro adi dipapa edo bugesi? Nangoda kasari iji awa bugae awasedo nangoda riroga itose.”
23450	MAT 9:2	Edo Iesu ainda bugiri embo mi embo tei ingo ambari awa apara da edo budo Iesu da yei bugusera. Etero Iesu ungo gebe era awa gido edo embo daguna da yei sisira, “Naso mei iso buria awa kotembedo doturena awasedo dubo ewamei eio.”
23453	MAT 9:5	Edo na ro seni? Na eiedo senita erido pepeta eio senita ko eiedo seni nanemi iso buria kotembedo doadena seni? Edo ge etoto einda ge rawa ge okain ri?
23454	MAT 9:6	Na busu da atena ainde awa Mamo mi naso yei embo da buria kotembedo doanase goroba ari ititisira. Edo boroko nanemi buro nembodiba awa ano ingo mi eiawa gadewa.” Edo Iesu ge awa sedo edo embo ingo tei ambari da yei sisira, “Erido iso ewari besi budo edo iso nati da mambuio.”
23457	MAT 9:9	Edo Iesu yei awa dodo mambuse Iesu tax bari embo jawo Matthew awa gosisira. Edo Matthew uso tax bari yei da anumbedo atiri edo Iesu mi uso yei da sisira, “Na ambo ambo eio.” Setiri Matthew erido Iesu ambo ambo isira.
23461	MAT 9:13	Jiwari ewamei be da sisira awa ingiwo, ‘Na wo mi rorou itawase awa dipapa aera te ingo mi embo nenei dubo bawase dipapa ena.’ Awara mambuwo ge ainda be rori awa eura ave.”
23462	MAT 9:14	Edo John da ambojimbi mi Iesu da yei bugudo sisera, “Nango de Pharisee embomei deda wasiri awa nango iji dada neta kakana edo era. Edo ro awasedo iso ambojimbi wasiri da eiawa ambo ambo ae edo eri?”
23464	MAT 9:16	“Naso atopatari awa seka. Edo na ingoda yei kiki etoto sano ingido edo ingo eiawa gadewa. Embo amemi mana bo matu da to awa bo seka mi mana tauta adira. Awodo adira awa bo seka mi bo matu awa budo isisibari keradira segadi adira iji ainde. Edo keradira ainde awa to nembodiba be adira.
23466	MAT 9:18	Edo Iesu ge awa ungoda yei sise atiri Jew embo da gitijigari nei mi bugudo Iesu da joda baingo dederi edo sisira, “Naso gagara ademei boroko betetira te pogae iso ingo mi uso tamo da itaso gagara ewamei edo atare.”
23468	MAT 9:20	Edo ungo mambutero evetu karu orobi budo ororo wowoseuri atise gaeko 12 atae isira amimi kotisira, “Na uso ombari begiti da jigadena awa na ewamei adena.” Awa kotedo evetu awawa gunda bugudo Iesu da gara begiti da jijigurisira.
23470	MAT 9:22	Edo evetu awodo etiri Iesu wareregedo evetu awa gido uso yei sisira, “Naso gagara goroba eio. Imo na gebe etesa amimi imo ewamei etesa.” Edo Iesu awodo setiri iji ainde evetu awa ewamei isira.
23481	MAT 9:33	Etero Iesu mi asisi biae awa budo pigetiri ijegetiri embo awa ge sadi tuturo isira. Etiri embo berari mi awa gido kove be isera edo sisera, “Nango Israel embomei wasiri eiedo irirae nango matu gae.”
23494	MAT 10:8	Edo karu embo ewo jebubugore. Betari embo awa jigiwo erore. Edo karu jawo leprosy awa ewo ewamei ore edo asisi bebegae awa ondewo ijegore. Na ingoda yei ro itena awa ingo mina itae awasedo ingo daedo itido edo mina bari dipapa eove.
23511	MAT 10:25	Awasedo gari gadira embo ainde buro ira embo ainde awa teta atopatari inge edo bajari inge adera awa dowo inono be ore. Na awa orobe da gitijigari edo ungoi na awa Beelzelbul Satan da jawo nei awa sadera awa ungoi daedo ingoda jawo biae sadera.
23545	MAT 11:17	Ungo awa teta kinapeina memeiako mi nati da usini ise mina sara arago edo era, ‘Nango jimbari da usini etera te ingo ya diwae awasedo nango betari da usini etera te ingo ji sae awasedo usini ingode ro eri awawa ingo dubo ewamei ae?
23555	MAT 11:27	Edo sekago Iesu uso ambojimbi da yei sisira, “Naso Mama mi rora berari awa naso ingo da itido nanemi simba anase sisira. Edo embo mi na awa gido gogo ae awarate naso Mama na awa gosira. Embo mi Mamo awa gido gogowo ae awarate embo amemi Mamo awa embomei ounda yei isaga arase dipapa ena ungo awa Mamo awa gosera.
23565	MAT 12:7	Mamo jiwari ewamei be da sira, ‘Na wo mi rorou itawase awa dipapa ae awarate na dipapa ena awa ingo embo nenei dubo bawase.’ Edo ingo ge eiawa rori ainda be awa gadewa awa ingo mana embo nenei buria ae ingo mana dawo betadewa.
23566	MAT 12:8	Na Mamo da mei embo isena awa daedo tumondebain ari iji awa gitijigido ena.”
23576	MAT 12:18	Edo Mamo da ge awa binga sari embo Isaiah mi sisira, “Naso buro ari embo awa giwo ave nanemi dubo budo ena edo daedo na umo awa embo na dubo ewamei edo ena. Edo buro ari embo eiawa na dipapa ena awasedo nanemi naso Asisi Ewamei uso yei itadena. Edo naso Asisi Ewamei uso yei itadena awa unemi naso wasiri ewamei awa embo Mamo da ge matu gae ainda yei karigadira.
23599	MAT 12:41	Edo iji ge kasari iji de Nineveh nati embo mi erido oro ingo me gadewa ainda be awa Jonah ungoda yei mambudo ungo atopatetiri ungo ungoda wasiri bebegae dodo Mamo da yei wareregurisera. Edo na awa Jonah derigedo edo boroko ingoda teda derido atena.
23604	MAT 12:46	Edo Iesu embo da yei ge sedo atae adi iri uso ai de nanonamendi de bugusera. Bugudo ponda derido embo da yei sisera, “Nango Iesu ga da ge sadi dipapa era.”
23606	MAT 12:48	Setiri Iesu mi mina sisira, “Naso aia de nanonamendi de mo averi?”
23621	MAT 13:13	Na embo da yei ge inia da mi sena ainda be awa, ‘Ungoda diti awa pirigedo atira te ungo gae edo era edo ungoda dengoro awa pirigari rate ungo ingae edo era.’
23643	MAT 13:35	Edo Iesu ge eiedo sedo isira amimi ro Mamo da binga sari embo mi sisira awa be edo isira. Edo binga sari embo mi sisira, “Na ungoda yei ge sadena awa inia da mi sadena. Edo tuturo da Mamo mi utu de busu de isira iji ainde edo bugudo boroko da einde da kotari embo nenei mi gae awa nanemi boroko ungoda yei isaga adena.”
23669	MAT 14:3	Iji nei giti da awa Herod mi setiri ungoi John budo bundedo budo gajari oro da ititisera. Edo Herod mi uso namendi Philip da aro Herodias awa bengono isira awarate John mi iji berari Herod da yei sedo isira, “Namendi da aro awodo burisesa amone biae ra awasedo doio.” Edo John umo iji berari awodo seuri Philip da aro Herodias awa tini gambari edo Herod iji berari bagedo isira awasedo Herod mi setiri ungoi John budo doro betarase sedo gajari oro da ititisera.
23683	MAT 14:17	Setiri ungoi Iesu da yei sisera, “Nangoda indari kiambu be atira ambe ingari 5 edo wo kiambu etoto de amimi atira.”
23712	MAT 15:10	Edo Iesu mi ge setiri embo jiwae be bugutero ainda yei sisira, “Naso ge ingido edo gido gogo ewo.
23717	MAT 15:15	Setiri Peter mi sisira, “Nangoda yei ge ingari sago ae ainda be awa ujuge gore.”
23736	MAT 15:34	Setero Iesu ungoda yei sedo gosisira, “Ingoda yei ambe ingari roinge atiri?” Setiri ungoi mina sisera, “Nango da yei ambe ingari 7 edo wo memeia de ra.”
23752	MAT 16:11	Na ingoda yei ambe da ge saera mo ro awasedo ingo gadi jarevi? Pharisee de Sadducee embomei da ambe bajari siwo jawo yeast awa jinjibewo.”
23761	MAT 16:20	Awa sedo Iesu mi ambojimbi da yei sisira, “Na Soregari Embo Mamo mi itari bugarase sisira awa embo nenei da yei sawo geore.”
23762	MAT 16:21	Edo iji ainda edo Iesu uso ambojimbi isaga da atopapotise ungoda yei sisira, “Na Jerusalem da mambadena ainde awa Jew embomei da gitijijigegari de Priest da gitijijigegari edo agodari atopatari embomei mi oro na memesi nembodiba be badena. Edo ungoi awodo na doro betadena awarate iji tamonde atae ari Mamo mi na awa betari da edo jigari sekago wasiri de eradena.”
23763	MAT 16:22	Awodo setiri Peter mi Iesu budo demonda yiko Iesu da yei sisira, “Kotari biae awa do. Na wasiri awodo awa iso yei ijegeurase ujo ae ena.”
23774	MAT 17:5	Edo Peter umo ge awa sise atiri poroga parara mi ungo dogisira. Edo ge poroga da awodo bugudo sisira, “Emone naso mei na awa na dubo burena. Na uso yei iaviri ena awasedo uso ge ingiwo.”
23783	MAT 17:14	Edo ungoi engenembedo embo jiwae be da yei mambero embo da amimi Iesu da yei bugudo jo da baingo dederi edo sisira, “Gitijigari naso mei jo egae. Naso mei awa jiro biae awasedo umo iji dada riawo da edo umo da wosedo ira.
23786	MAT 17:17	Setiri Iesu mi mina sisira, “Ingo awa jiro okain embomei. Na iji roinge ingo awa embo eni? Mei awa budo naso yei pou.”
23814	MAT 18:18	“Na ingoda yei gebe sena awasedo ingido gogowo ewo. Emboro busu da rawa gajadesa da awodo Mamo mi utu da emboro gajadira. Emboro busu da rawa gajadi ae da awodo Mamo mi utu da gajadi aera.”
23824	MAT 18:28	“Edo embo awa ijegedo buro embo nei tambusira. Edo embo ainda yei gano kiambu ititisira te mina uso yei awa itae. Edo buro embo nei awa gido dubo da kundo uso yei sisira, ‘Naso gano awa sekago naso yei iti.’
23845	MAT 19:14	Edo budo bugero Iesu da ambojimbi mi embomei awa isiburisera awarate Iesu mi sisira, “Kinapeina naso yei puradi iriroro beitigeove. Na ungo naso yei purorase dipapa ena ainda be awa embo amenda yei saboa ari teta kinapeina einda ainda awodo awa Mamo da gitijigari yei da toradera.”
23854	MAT 19:23	Edo Iesu ge awa sedo atae edo Iesu uso ambojimbi da yei sisira, “Na ingoda yei sena embo rora jiwae de embo mi Mamo da gitijigari yei da torari awa okain be ra.
23858	MAT 19:27	Setiri Peter mi sisira, “Nango rora berari dodo imo ambo ambo era awasedo imo nangoda yei ro itesi?”
23859	MAT 19:28	Setiri Iesu mi mina sisira, “Na iso yei gebe mi sedo ena awasedo ingio. Edo busu seka bugadira ainda Mamo da mei busu da bugudo embo isira awawa uso anumba ewamei parara de ainda anumbadira. Edo daedo ingo naso ambojimbi 12 awa gitijigari da anumba da anumbedo ingo mi Israel da orobe 12 awa kasadewa.
23874	MAT 20:13	“Setero buro topo mi buro embo dakain da yei sisira, ‘Naso otao ingio. Na imo potaera te ingode gano da ge awa dada setera edo imo iji da da mina da buro adi setesa awasedo iso mina budo iso nati da mambuio.
23875	MAT 20:14	Na embo buro adi bugera berari ainda mina da awodo itadi dipapa etena.
23876	MAT 20:15	Na naso gano topo awasedo na ro adi adena amone adena. Edo imo tini gambari esa ainda be mo na ewamei etena awasedo ta?’”
23882	MAT 20:21	Edo evetu awa bugiri Iesu uso yei nganega isira, “Imo ro dipapa esi?” Setiri evetu mi mina sisira, “Na imo gitijigadesa iji ainde naso memei etoto eiawa mei da iso ingo be da mei nei awa iso ingo anda da anumborase sasase sedo kundo bugena.”
23883	MAT 20:22	Setiri Iesu ungoda yei mi mina sisira, “Ingo gae ro embo sedo gosewa. Ingo na memesi badena da awodo bevita?” Setiri ungoi mina sisera, “Nango adera.”
23889	MAT 20:28	Na embo nei mi na kera orase bugaera te na embo berari awa kera adi bugusena. Bugudo naso betari mi embo jiwae wasiri biae da agipo embobo ewora awa wujegadira.”
23897	MAT 21:2	Edo ainda bugudo Iesu umo uso ambojimbi etoto giti itari mamborase sedo sisira, “Nati nei da ounda mambudo ingo wo donkey poega de uso mei de awa digari atirari gadewa. Gido wujegedo budo naso yei da buguwo.
23904	MAT 21:9	Edo embo nenei Iesu da dombu da Iesu soropu da embo nenei gun da awodo mambusera. Edo ungoi mambuse iaviri edo gogo dimbudo sisera, “Nango David da orobe awa jasiga era. Embo eiawa Mamo da jawo da bugira Mamo mi umo ewamei are. Embo berari Mamo jasiga ore.”
23906	MAT 21:11	Setero embo Iesu ambo ambo isera amimi sisera, “Emone binga sari embo Iesu ra busu Galilee edo nati Nazareth embo ra.”
23908	MAT 21:13	Edo ungoda yei sisira, “Jiwari ewamei be mi sira Mamo mi sisira, ‘Naso mando awa embo da benunu sari yei.’ Awarate ingo mi ewo bengono embomei da meko to ira.”
23919	MAT 21:24	Setero Iesu mi mina ungoda yei sisira, “Na ingoda yei sedo gari da itadena. Edo ingo naso yei mina sadewa awa na goroba eiawa amemi etiri budo buro eiawa edo eni awa sadena.
23922	MAT 21:27	Awasedo ungoi Iesu da yei mina sisera, “Nango gaera.” Setero Iesu mi ungoda yei sisira, “Awasedo na goroba amemi ituri wasiri eiawa edo eni awa na ingoda yei sadi aera.”
23923	MAT 21:28	Iesu mi sisira, “Inia ge eiawa kotewo. Edo memei etoto da mamo mi mei bego da yei sisira, ‘Naso mei boroko mambuio grape buro yei da buro ase.’
23924	MAT 21:29	“Setiri uso mei bego mi sisira, ‘Na buro ari ujo ae ena.’ Awarate amboda umo jiro nei kotedo buro yei da mambudo buro isira.
23945	MAT 22:4	“Awarate ungo bondo da purari ujo ae isera awasedo gitijigari buro embomei nei itiri mambusera embomei ainda yei edo sorase, ‘Naso bondo awa boroko sia etera edo na naso wo memei detena bondo adi edo berari awa sia etera. Jimbari bondo da puwo.’
23949	MAT 22:8	“Edo gitijigari uso buro embobo jawo setiri bugusera. Bugero ungoda yei sisira, ‘Naso jimbari bondo awa sia etera awarate embo bugorase tuturo da sega etena awa bugari ujo ae etera awasedo ingo emboro da mambuwo.
23966	MAT 22:25	Boroko imo nangoda ge ingio. Nanonamendi 7 einda atima isera. Edo bego mi aro jimbusira te evetu awa kinapeina ingae. Edo mei bego awa betetiri uso namendi mi namendi da aro rori awa jimbusira awarate sekago evetu awa kinapeina ingae.
23973	MAT 22:32	Mamo mi sisira, ‘Na awa Abraham da Mamo edo Isaac da Mamo edo Jacob da Mamo.’ Edo uso ge da be awa Mamo awa embo wasiri de atari da Mamo awarate Mamo awa betari da Mamo aera.”
24024	MAT 23:37	“Ingo Jerusalem nati embomei nango jo era. Ingo Mamo da binga sari embomei dedo isewa edo ingo Mamo mi embo ituri bugudo isera awa ganuma mi dedo isewa. Na ingo teta kokora mi uso piki mi memeia rou edo apuregedo simba edo ira da awodo simba ari dipapa ena te ingo naso simba awa ujo ae ewa.
24031	MAT 24:5	Embo jiwae mi naso jawo da bugudo sadera, ‘Namone Soregari Embo Mamo mi itari bugarase sisira awara.’ Edo ungoi awodo sedo amimi embo jiwae gandubadera.
24063	MAT 24:37	Edo na Mamo da mei busu da bugudo embo isena naso bugari awa teta ro Noah da iji de isira da awodo.
24064	MAT 24:38	Iji ainde embo ro bugutira awa gae awasedo ungo rawodo atima isera da awodo atisera. Edo Noah nga nembodiba da totorisira iji ainda edo embobo awa indido kumbudo ise edo embo de evetu de jimbudo isera.
24065	MAT 24:39	Edo Noah awa nga nembodiba vivitisira edo umo bojetiri embo nga pon da awa berari umo da indido ambujegurisera. Da awodo Mamo da mei bugudo embo isira awa bugadira iji ainde ro embo mi adi dipapa era awa ungoi ise atadera.
24085	MAT 25:8	Edo meigagara ademei kotari atae amimi meigagara kotari de ainda sisera, ‘Nango ingoda goriwo da ngamo awa kiambu iti gave ko nangoda diti usasa ari rora awa ambadi aikambu ira.’
24089	MAT 25:12	“Setero jimbari embo seka mi mina sisira, ‘Na ingo gaera.’”
24098	MAT 25:21	“Setiri edo gitijigari mi mina sisira, ‘Naso tumonda ari edo buro embo ewamei imo buro ewamei be etesa. Edo imo gano kiambu eiawa edo gogo edo jingama etesa awasedo nanemi iso yei gano nembodiba itano jingama adesa. Edo torio edo nangae atise dubo ewamei ase.
24108	MAT 25:31	Iesu mi sisira, “Na Mamo da mei bugudo embo isena awa gitijigadi bugadena awa asisi ewagaewa berari awa daga bugadera. Umo bugudo uso anumba parara de ainda anumbadira.
24117	MAT 25:40	“Awodo soro gitijigari mi mina ungoda yei sadira, ‘Na gebe sena giwo. Ingo naso ambojimbi kiambu be da yei wasiri eiedo edo isewa amone naso yei da edo isewa.’
24119	MAT 25:42	Na beji tambuteono ingo naso yei indari itari ujo ae edo isewa. Na umo ujo tambuteono ingo na umo itae edo isewa.
24120	MAT 25:43	Ingo na gaera te ingo na atega ae edo isewa. Naso bosini atae adi aikambu isira te ingo naso yei bosini seka itari ujo ae edo isewa. Na karu edo isena te ingo na simba ae edo isewa. Na bundari oro da atima isena te ingo na esega ae edo isewa.’
24122	MAT 25:45	“Awodo soro gitijigari mi mina ungoda yei sadira, ‘Na gebe sena awasedo ingiwo. Iji ainde ingo naso ambojimbi kiambu be awa kondade ari ujo ae edo isewa amone ingo na kondade ae edo isewa.’
24137	MAT 26:14	Judas Iscariot awa Iesu da ambojimbi 12 da teda amimi priest gitijijigegari da yei mambudo sisira, “Na Iesu ingoda ingo da itano ingo naso yei ro itadevi?”
24144	MAT 26:21	Edo ungoi indari indise Iesu mi sisira, “Na ingoda yei sena ingoda teda da amimi na indiga sadira.”