17905	ISA 9:5	Tjiinya tjilku yirti-lampa ngarriku. Mama Kuurrtu-lampa katja nintilku puurrarringkula-lanyanta kanyiratjaku. Nyangka-ya katja palunyanya yini pirni tjapinma, “Yayirninytjulu watjalpayinya”, “Mama Kuurrnga yayirninytjulu palyalpayinya”, “Mamanya tirtu nyinapayinya”, “Puurrpa rapara kanyilpayinya”.
28458	1CO 1:27	Tjiinyamarntu Mama Kuurrtu-tjananyanta ngurrpa pirninya, puru ngarltutjarra pirninya ngurrkarntanu tjiinya nintipuka pirninya, puru wati purlkanya pirninya tjurlpilymankukitjalu. Nyarra-tjananya mantangkatja kulilpayi pirnilu-ya yayirnirrirra panypurangkula watjalpayi, “Ngurrpa-ngurrpa-ya palanya”, puru “Ngarltutjarra-ya”. Palunyanya-tjananya Mama Kuurrtu ngurrkarntanu.
28877	2CO 1:9	Kulirnu-litju, “Wartalpitjanu-linyatju mirrirntanku”, palunyakukantjalu. Tjinguru-litju mirrirringama. Ngarna Mama Kuurrtu-linyatju wankarunu. Palunyalu-linyatju puru wankarunku. Tjiinya-litju mularrkulira ngula-linyatju palunyapirinypartu wankaltjaku. Tjinguru-litju karnany-karnanytju kulinma yungarralu wankakutura kanyilkitjalu. Wiya, pika-linyatjuya pungkulanyangka-litju nintirringu. Kutjupalu wankakutura kanyilkitjamunu. Ngarna Mama Kuurrtu tjiinya mirritjanu wanka pakaltjingalpayilu wankakutura kanyinma.