7133	RUT 1:4	Zbz mrlxdeng nzyrlzng rlilrdrng Moab. Kilion yrlztile Opa x Malon yrlztile Rut. Nzmnctilr Moab yiz nzpnu-esz'.
7137	RUT 1:8	A' mzli lcde, Naomi tekqtr-moule drtwrde, x sc tqrpipebzle mz Opa x Rut kx, “Yzlutx-mouamu mz ma nyzmu badr lxemung. X krka'-ngrne kx Yawe namrlztile nimu da kc tqwaisr-ngrnamu ncblo ngrmung x ninge.
7140	RUT 1:11	A' rpibz Naomi kx, “Bzkq vz-nqblqmamu ninge, kx inyxngeng. ?Murde nike naokatr-ngrne nimu? ?Ninge la narmika-moux doa ncblo kx nangi ncblo ngrmung?
7141	RUT 1:12	Yzlutxpeamu mrnyzmung. Murde nipenge blang mz nzryrlzti-moungr kzdq ncblo. X kxmule-esz' yrlzti-moux dq ncblo kcma mz nrlckxbq x rnginegr doa ncblo,
7142	RUT 1:13	a' rblxbz bamu nzaenzli-krmu nidr, vz vz mzli kx nznginidr ncblo x sc tqyrlzti-ateamu nidr. Da amrlx rblxm bange myaszlzle nzrblx-krbz da bamu. Murde Yawe atrkatile ninge mz zmatq ngrde. Bzkq vz-nqblqmamu ninge, murde da amrlx ma tqrblx-kzpz bamu.”
7143	RUT 1:14	Mz nzycmne-krbzle lc, sc tzyrnipe-moung. Zbz Opa tcngitxde lvxbqde x sc tqarlrpele. A' Rut lolvz-amqngile Naomi, x tr-rlaszleu nide.
7145	RUT 1:16	A' rpibz Rut kx, “Bzkq rtulrtr-ngrme nzaki-lzbq-krgi o nzrlasz-krnge nim. Murde drlve ke navzkiq, navzki. X drlve ke namnc-ngrn, namncki. X lr mrnyzm, nangi kz lr mrnyznge. X Gct rm, nangi kz Gct rnge.
7149	RUT 1:20	A' rpibz Naomi badr kx, “Bzkq rpimamu ninge Naomi, murde drtwr ngr Naomi ‘mrlzvxi.’ A' kqle-ngrmamu ninge Mara, drtwr ngrde ‘rblx.’ Murde Gct kc Tqaclvele da amrlx batrple nzrblxkr da amrlx bange.
7150	RUT 1:21	Murde mz nzvz-krgr kc kqlukr, a' mz nzvzmi-mou-krpqng Yawe lc ninge, vz-nrbalqpemc. Delc bzkq rpi-ngrmamu ninge Naomi kxmrlzvxi. Murde Yawe kc Tqaclvele da amrlx aetqpemle drtqnge, mz nzrpi-krde kx vz-rbrx.”
7158	RUT 2:7	Rpimle bange kx, ‘?Nzmu rlr-ngrme bange nzrmikatine-krbo nra bali mz nibrdr kxnzawzng?’ X sa tqbrngzti-zpwxle nzrmikatingr nra bali abzo-pnzle kcma mz nourla, x sa tqvzbe. A' amapx-ngrmle matelq mzli kx mrbcne.”
7159	RUT 2:8	Zbz sc tqrpibz Boas mz Rut kx, “Lalztqm bange, kx inyxnge. Rpix naokatrpo nim. Bzkq rmikatiq nra bali mz nrlc nyz ncblo kzble x bzkq rlaszq mrka. A' mncamu badr olvi kxnzawz nengeng.
7161	RUT 2:10	Zbz, Rut yrngzobz bade mz drtc' mz nzamrluengr. X sc tqrpipebzle kx, “?Memule tqmrlzti-zlwz-ngrn ninge x tqamrlue-ngrn ninge? Murde ninge olvz lr narnrlc.”
7164	RUT 2:13	Rpibz Rut kx, “Trtenge, yc zlwz mz drtwrm ninge. X awxopeme nabznge mz nzycmne-nivzlrpe-krme lc bange, kxmule-esz' trmatqnewxu myaszlzle olvi nem kcng tzwztrpzng bam.”
7167	RUT 2:16	A' vecpxbzmu du bali mz rtalvz ngrde kx namikatile x bzkq lclvzbzmu.”
7168	RUT 2:17	Rut rmika bali mz lclr bali lc vz-krlzbzle milzpq. Zbz sc tqtalqtipele drpwr bali kcng tqmikatile. Nulvzole mz bxli x yrbulzm. X bxli lc takitr kilo kx nzpnu-esz'-nrade-tq.
7170	RUT 2:19	Naomi rveabz kx, “?Mzbq ka drlve kc tqrmika-ngrn bali? Krka'-ngrne kx Gct na-amrlzle ncblo kc tqokatrle nim.” Zbz sc tqpipebz Rut mz lxede kx, “Drtq ncblo kc tqngi nyzde lclr bali kc tqwz-ngrne kcma, Boas.”
7171	RUT 2:20	Rpibz Naomi bade kx, “Eu, rlxtibo mz Yawe kx na-amrlzle nide. Murde tresakiu nzbatr-krbzle nzrmrlznr-krde leplz kxnzlubeng x kxnzbzpeng. Ncblo la tqngi Boas, ngi kzdq kxnginigu kx takitrde nzxpepx-krde drtc' nyzgu x nzaopx-krde nqvi lr ncblo ngrgu.”
7173	RUT 2:22	Naomi rpibzle kx, “Inyxnge, mrlzvxitx nzvzne-krmu badr olvi nedeng, murde ma tzatrkam mz nrlc nyz ncblo kzble, mz nzngini-krm lr narnrlc kx esz'trpz badr.”
7177	RUT 3:3	Kipotx x aeluti-lzbq tolo kx ngi pzpium. X pxingr lrpzm kxmrlz, x vz mrkc tzrtaklrpxngr nra bali. A' bzkq krlztile nzmnc-krm mrlcde, mzli kc tryrkrpxkangr nzmu-krde x nzrmnq-krde waen.
7183	RUT 3:9	Boas kc tqveapebz kx, “?Nim neke?” Rpibzle kx, “Ninge kxnzawz nem Rut. Kawxpx lrpz la x akq-bubz ninge, nangi rkx kx suti drtwrm nzyrlzti-krm ninge. Murde nim kx kxnginigr kx takitrde nzxpepxngr drtc' nyzgr x nzaopx-krbzle nqvi lr ncblo rnge.”
7184	RUT 3:10	Rpibz Boas kx, “Krka'-ngrne kx Yawe na-amrlzle nim, kx inyxnge. Murde nzaodu-krm lc mz nzsutikr drtwrm nzaopxngr nqvi lr Malon mz nzyrlzngr lc, myaszlzle nzaodu-krm kc kai, mz nzvz-krmamu mz lvxbqm. X tr-rtangrwq nrpr kztem, nzmu kxrngisc o kxtr-rngiscu, a' mcpxpeq ninge.
7186	RUT 3:12	Da zpwxtx, ninge kxnginim kx takitrde nzale-krnge da lc. A' kzdq kc ncblo kx ngi kxnginigu kx esotr-zlwzbz bam myaszpxle ninge. X nide kx na-alele da lc, nzmu kx tqaolvzlele.
7187	RUT 3:13	A' mwi txpwz mrka mz nrlckxbq ka. X sa naycmne-krlzpwzkr bade mz nourla. Nzmu kx tqrpile nayrlztile nim, mrlz. A' nzmu kx tqpx-ngrdele, esalz-ngrbo bam mz drtq Yawe kx tqlu, kx nayrlztipex nim. Mnzpwz mrlc nakrlzbzle mzli kc tqprtz-ngrm paglxnrlc.”
7188	RUT 3:14	Rut mwilzbz mz nanycde krlzbzle mzli lcde, mzli lc trnzrglxkangr leplz. X Boas rpile mz nide esz'-krde kx, “Bzkq kx rkrlzti nzmnckr olvz lc mrka.”
7191	RUT 3:17	X rpi-kzpzle kx, “Boas ka-kzple bali lc tqtwzmc, x rpimle bange kx, ‘Bzkq vz-nrbalqbzme mz lxem, a' twzbz bali lc bade.’”
7194	RUT 4:2	Zbz Boas kapxmle lrtzlvz nzpnu-esz' kx nzmncng mrlcde. X rpibzle badr kx, “Nawxbuku ena x okatrpa'mu nigr.”
7195	RUT 4:3	Zbz Boas sc tqrpipebzle mz mzlede lc kx, “Naomi kc tqyzlupem Moab, sc tqamwale drtc' nyz mzlegu Elimelek.
7196	RUT 4:4	Vzdzm mz drtwrnge nzpi-krbole bam. Kx tqsuti drtwrm nzxpengr drtc' lc, e xpe mzli ka tzmncngr lrtzlvz ngrgu lcng, badr mrlx lcng. Kx tqsuti drtwrm naxpepxqle murde nayzlu-mop mz nqvi lrgu, ale. A' nzmu kx trtingrde, pim bange, murde trpnzngr kx takitrde nzxpepxngr drtc' lc, a' nim txpwz, x krali ninge.” X ayzlubzle natqde kx, “Sa naxpepxbo.”
7197	RUT 4:5	Rpi-mopwz Boas kx, “Mzli kc naxpepx-ngrbzme drtc' lc mz Naomi, yrlzti kz Rut kc Moab, olvz r mzlegu kc tqbz. Murde mrlxmu ncdr Rut kalr nalolvzle drtc' nyz Malon kc tqbz x nqvi lrde bzkq mztr.”
7198	RUT 4:6	Rpibz mzlede lc kx, “Mz nzmu-krde lcde, trpengr nzxpepx-krnge drtc' lc, murde ma tqamnctxpxle ninge x trpnzngr da kx na-aprcbo mz mrlxngeng. A' xpepxpe, murde trtakitrpepleu ninge.”
7199	RUT 4:7	X sc tqkapxpele sadol scde tqkapebzle mz Boas. Murde mzli kc tqprtzngr da lc, nqmq kr lr Israel mz nzxpepxngr x nzaprcngr dztu, kxmule sele. Kzdq ncblo nzmu kapxle sadol scde x kabzle mz mrlx kztede, aelwapx-ngrde kx drtwrdr rlilrdr esz'ti mz nike nzaolvzlr.
7201	RUT 4:9	Boas sc tqycmnepebz mz lrtzlvz x leplz kcng mrkc, mz nzrpi-krbzle kx, “Mzbq ka mcpeamu x xlrpeamu kx sa naxpepxbo mz Naomi drtc' nyz Elimelek kc tqbzszbzle mz mrlxdeng Kilion x Malon, kcng tzbzpe-kzng.
7202	RUT 4:10	X nayrlzti-kzx Rut kc Moab tqbzsz Malon, nangi olvz rnge. Murde mrlxgr kc kai ncdr Rut kalr nalolvzle drtc' nyz Malon x nqvi lrde bzkq mztr, a' drtqde nadcpxpwz mz mztea nyzgu. Mzbq ka sc tqmc-lxblrpeamu.”
7203	RUT 4:11	Zbz lrtzlvz x leplz amrlx kcng tzmncng mz naobz nzrpibzlr kx, “Eu, sc tqmc-lxblrpekr. X krka'-ngrgr kx Yawe nangi-batrpzle mz olvz kc nayrlztiq nzrngine-krde doa kxkqlu mz nzapu-krde Resel x Lea kcng tzakqlunepxlr lr Israel. X nanginim bcnyr x namatq-esz'-ngrn Betleem.
7204	RUT 4:12	X krka'-kz-ngrgr kx doa kx nakabz Yawe bam, navzpxmqng mz olvz lc, nakqlu-zlwzng na-apule doa neng melrmqgu Peres, mrlx Judz badr Tama, lr mrkzble.”
7206	RUT 4:14	Nzrpibz olvz kcng tzmncng mrkc mz blrkq mrlx Rut kx, “Naomi, takitrde nzrglqlzngr Yawe, murde rkabz nem doa ncblo mzbq ka. Krka'-ngrgr kx doa lc nakrlzti lr Israel nide.
7207	RUT 4:15	X rlxtibzkr mz Yawe kx doa ncblo lc na-aelalzmle drtwrm x naokatrle nim mzli ka nzngini-krm blang. Murde lvxbqm, kc tqmrlzti-zlwzle nim mikale nide. X kxmule-esz' narnginem doa ncblo kxnzkqlung, a' nzokatr-krdr nim trmyaszpxleu nzokatrkr Rut lc nim.”
13944	PSA 1:1	Nzmnc-zpwxngr trvzpxpuu mz nzvz-nqblqngr nqmq kr kxdrka'-ngrng, X nztu-ngrbz mz lrpzki nyz kxnzaleng alwx. X trvzpxpuu mz nzprtr-ngrbz mz kxnzxtrnga-ngrdr Yawe.
13945	PSA 1:2	A' nzabrtzngr angidr lc vzpxm mz drtwr kx elalzm mz nzvz-nqblqngr Loukxtr sc Yawe, X mz nzaoti-zvzkr drtwr natqde ngrlx x nrlckxbq.
13947	PSA 1:4	A' kxdrka'-ngrng trnzwailru. Nzapulr leu kxglr kcng tztakitrpwzlr nzngcngr.
13949	PSA 1:6	Murde lrpzki rdr tutr me nzayrplapxngr. A' Yawe aclvebzle nzti r leplz kxnztubqng.
13953	PSA 2:4	A' King Yawe kc tqmncom Heven yrpalelvzle nidr, X xtrnga-ngrde drtwr kcng tzyrlqlr.
13961	PSA 2:12	Yrngzobzmu mz Mrlxde, Murde ma tqodatile nimu, Mz zngya ngr drtwrde kc tqwou. A' nimu amrlx kcng tzrlatrpzng bade, sa namnc-zpwxamu.
13965	PSA 3:4	A' Yawe, nim kx mnc-ngale-zvzle ninge. Nim nou nzaovxio-krnge x nim kx apqtrp drtwrnge.
13967	PSA 3:6	Murde namwi-angidrx mz nrlckxbq x melz-mopwc' mz nourla, Mz nzaclve-angidrq ninge.
13968	PSA 3:7	Kxmule-esz' nztu-ngalelvzlr ninge siu ngr enqmi, A' trtxpnzngr nzmwxlr-krnge.
13969	PSA 3:8	Murde krka'-ngrne kx, “Yawe, Gct rnge, vzm arlapx ninge, X katxpxbz zmatq ngrdrng.”
13972	PSA 4:2	Gct, ayzlum nzkrka'-krnge, Murde dwaki-zvzme bange. X mzli kc tqkxpu-ngrne, okatrq ninge. Delc naycngr mz drtwrm ninge x naxlr-ngrme natqnge.
13974	PSA 4:4	Murde nakrlzamu kx Yawe mcpxle nigr leplz kxnztubqng kx nanginedeng. X mzli kc nakrka'-ngrbo bade, sa na-ayzlumle natqnge.
13975	PSA 4:5	Bzkq nabztq ngr nelzmu mailzle nimu mz alwx. A' na-aoti drtwrmu nqmq krmu mz nzyrbq-lrpi-krmu mz nelvq nyzmu mz nrlckxbq.
13977	PSA 4:7	Yawe, leplz nemqng nzkqlung kx nzrpimlr bange kx, “?Myx mzli kx namnc-zpwx-ngrgu?” Delc tqkrka'-ngrbo kx na-amrlzq nigr.
13981	PSA 5:2	Yawe, nim King x Gct rnge. Rlxtibo bam kx naxlrme natqnge, X na-aoti kz drtwrm, mz nzatutr-krm nzkrka'-krnge.
13983	PSA 5:4	Kxetu, mz nourla kang kqlu natqnge sa navzbz bam. X nakrka'-zvzbo bam, mz nzaenzli-krbo natqm kxmrlz.
13984	PSA 5:5	Yawe, trnginipqu Gct kx abrtzlvzle da kxtrka. X trmnc-lxblrwamuu mz kxdrka'-ngrng.
13987	PSA 5:8	A' mz nzaodu-zvz-krm, delc navztr-ngrne Mangr-nzangiongr nim, X nayrngzobo mz nzamatqngr nim.
13989	PSA 5:10	Da angidr trvzpxpuu mz nao enqmi rngeng. Murde mz nabzdr la nzodatingr txpwz. X mz nzycmne-krdr nzmailzlr leplz Mz nzbatr-krbzlr nzbz-krdr esz'-krdr.
13991	PSA 5:12	A' leplz amrlx kcng tzabrtrpzlr drtwrdr bam na-abrtzng. X nangr-along mz nzelalz-krm drtwrdr. Aclve-angidr kxnzmrlztilr nim Murde nabilvzlr nim.
13994	PSA 6:2	Yawe, kxmule-esz' drtwrm ngya, A' bzkq pnanatiq x ayrplapxq ninge.
13999	PSA 6:7	Drtqnge mewepe mz nzkrka'-zvz-krbo bam. X mz nrlckxbq kang kqlu, nqni x pilo pnrnge nzlrpr-ngrdr drle mzke'.
14000	PSA 6:8	Mzke' vaotxtrpebz x tropxpeu, Murde nzyrni-krnge lc nzngi-batrplr enqmi rngeng.
14001	PSA 6:9	Nimu leplz kxdrka'-ngrng amrlx, dwaszpeamu ninge! Murde Yawe sa tqlalztqpem mz nzyrni-krnge.
14003	PSA 6:11	Krka'-ngrne kx drtq enqmi rngeng namya x narnrcti-lzbq-kzng mz zmwxlr, X naplc-aning mz nzaovxio-krnge nidr.
14009	PSA 7:6	Nzmu kx tqmule lcde, sa tqmrlz nzrlr-krbzme ninge mz mq enqmi rngeng, Mz nzmaneuti-krdr ninge mz nzapu-krdr kuli x nzlolvz-krdr ninge. X natabrtilr ninge x narnzbrtiolr ninge mz drtc', X na-ayrbqtxdr namz rnge elr.
14013	PSA 7:10	Aesaki nqmq krdr kxdrka'-ngrng x tu-zvzbz mz nibr kxnztubqng. Murde nim kxtubq-esz'ngr x obqplxq nabz x nzvzkr nardr.
14016	PSA 7:13	Nzmu kx trnztekqtrlru nqmq krdr kxtrka, sa nayrlamzq toki r vea scm, X nalalvzq popz' scm mz nzpnz-krm nidr mz nipna kxngc.
14018	PSA 7:15	Kxdrka'-ngrng nzpetilr rtq da kxtrka. X lvclzm nc nzodatingr. X nrade yrlqbzle ngi nzpokiangr.
14021	PSA 7:18	Nangrx mz nzglqlz-krnge Yawe kc tqmyalz-esz'ngr! X na-awibo bade murde tubq-esz'ngr!
14023	PSA 8:2	Yawe, nim Kxetu rgr. Drtqm myalz-esz'ngr mz nrlc tulvzo. X nzmyalz-krm myaszlzle bongavz.
14026	PSA 8:5	?A' memule tqmatq-ngrgr mz drtwrm? ?X memule tqmrlzti-ngrn nigr leplz txneng?
14031	PSA 8:10	Yawe, nim Kxetu rgr, Drtqm myalz-esz'ngr mz nrlc tulvzo.
14034	PSA 9:3	ngrlvzx drtqm. ilvzx nim kc tqmyalz-esz'ngr.
14037	PSA 9:6	alr nrlc nzmailzlr kxdrka'-ngrng. elc napnanati-ngrn nidr x rtqdr na-amrbrtx-alobzme.
14039	PSA 9:8	u, a' Yawe ngini-alom King. lalvzx nzwxbuo-krme mz tron nyzm murde nzayzlu-krbzme da mz leplz tubq.
14040	PSA 9:9	u, murde nzaclve-krm nrlc tubq-esz'ngr, sakrlrngr nzpipx-krm nztubqkr leplz o trtingr.
14047	PSA 9:16	alztqmamu! Yawe aelwapx-lzbqngr mz nztubqkr nzayzlu-krbzle da mz leplz. urde lr mrkzbleng nztao-moung mz gq kx nzekqtilr. z br kx nzatu-kapqlr, nzdwatr-moung elr. z trtxki kx nzamwilr, nzprtz mou kxdrka'-ngrng elr.
14054	PSA 10:2	bqm! Kxdrka'ngr glqpx-lzbqmile nzayoti-krde leplz kxnzkxpung. nz drtwrnge kx sa namwati-lzbq mz br scde.
14055	PSA 10:3	ipxle kx nzaotikr drtwrde da kxtrka zlwz ngi da kxmrlz mz nzbilvz-zvz-krdele. ivxile Yawe x pxtxpx-ngrde nide, a' amrlzle leplz kx nztrkibrng.
14057	PSA 10:5	lr! Xplrmi-zlwzle nzmncngr kxtrka, a' pxtxpx-ngrde me pnz drtwrm. uti txpwz drtwrde nzyrpalelvz-krde enqmi rdeng.
14060	PSA 10:8	rmrlzu nzmnc-kapq-aepztr-krde mztea mz nzrnibq-krde kx nabzdr lq. u zvz mz nzaenzli-krde ncblo kxesz'nebz.
14063	PSA 10:11	z-rbr kxdrka'ngr mz nzrpi-krde kx, “Gct trobqpepuu bange. zx a' trkrlzleu da kcng trka tqalex.”
14064	PSA 10:12	ztitxpxbz nzwzkr ncblo kxdrka'ngr, kx Yawe, mz nzayrplapx-krm nide. ai-ngrn da lc murde bzkq mrbrtr mz drtwrm kxnzkxpung.
14065	PSA 10:13	ai-ngrdele kxdrka'ngr pxtxpx-ngrde nim. rpile kx, “Gct trtxpnzngr nzayrplapx-krde ninge.”
14066	PSA 10:14	lqkqamu nimu kxdrka'-ngrng, murde Gct mcle da kxtrka lcng amrlx tqaleamu. oliqtile nzokatr-krde kxnzkxpung kcng tzrtangrtilr nide. lrle nidr murde nide kc tqokatr zvz kxnzobqszong.
14067	PSA 10:15	awe, katxpxbz zmatq ngr kxdrka'-ngrng. rpalelvz nidr x ayrplapxng mz da kxtrka kcng tzalelr, navz x naesaki zpwx.
14068	PSA 10:16	awe, nim King. c zvz nzaclve-krm nrlc. rlqtxpx mz drtc' nyzm krkcng trnzangiolru nim.
14069	PSA 10:17	matq ngrm etu-esz'ngr, murde krlzpe-kaiq nike narlxtibz kxnztubqng. bq kalvz axplrq nidr x kabzme badr nike nzrlxtilr.
14071	PSA 11:1	Kztengeng, Yawe nide me rlakitrx. A' myx kxmule tqrpi-ngrnamu kx, “Ngrlrlz mz newz mz nzrlapx-krm.
14072	PSA 11:2	Murde leplz kxdrka'-ngrng nzmnc-kapqti-zvzlr leplz kxnztubqng, Mz nzpnz-krdr nidr mz nipna.
14075	PSA 11:5	Yawe sc tqobqtr zvz mz nzmnckr kxnztubqng x kxdrka'-ngrng. X pxtxpx-ngrde nzrmcngr kxnzrnibqng.
14077	PSA 11:7	A' krkcng nabzdr tqlqngi sa namncng badr, Murde Gct tubq-esz'ngr x mrlz bade da kxtubq.
14083	PSA 12:6	A' Yawe rpile kx, “Mcpex nzaetq-ngrbz drtq kxnzkxpung, X nztangqgxkr kxnzmwati drtwrng. Delc na-arlapxx nidr mzli ka. Da kc tqwai nzsutikr drtwrdr le.”
14085	PSA 12:8	Kxmule-esz' leplz lcng trmya-ngru drtqdr nzglqpx-lzbq-krdr, X nzrglqlz-krdr da kxtrka mz nrlc tulvzo, A' lxngitikr kx sa na-aclve-zpwxq nigr, X sa na-arlapx-zvzbzme nigr mz mq leplz lcng tzdrka'ngr.
14095	PSA 14:3	A' nzesablqtilr Gct amrlx ngrdr x drtwrdr esz'ti mz nzale-krdr da kxtrka. Trpnzngr nidr kxesz' kxtubq.
14096	PSA 14:4	Delc tqrpingr Yawe kx, “Leplz lcng tztrkang nznibqtitxdr leplz nengeng Nzapulr kx nzrnibqng da kx nangqdr. X mrbrtr mz drtwrdr nzkrka'-krmlr bange. ?Myx kxmule, trnzkrlzlru da kxtubq?”
14097	PSA 14:5	A' narngidrtio-lzbqng x namwxlrlvzti-lzbqng, Murde Gct tedr badr kxnztubqng.
14098	PSA 14:6	Vz zvz nzrpwa'-krbzlr me pnz drtwr kxnzrlxngiting. A' Yawe mnc-ngalelvzle leplz nedeng.
14102	PSA 15:3	A' bzkq rpibqti leplz. Bzkq atrkatile kztede. X bzkq pikitile kxnzesotrpzng bade.
14103	PSA 15:4	Napxtxpx-ngrde kxdrka'-ngrng. A' na-amatqle kxnzamrluelr Yawe Gct. Na-atutr-zvzle nzesalz-krdeng, Kxmule-esz' rblxbz bade.
14104	PSA 15:5	Narlxtile kxnzrbilqngr kx takitrde trau scde kc tqrlrpx-ngrde. Bzkq pokiatitrle mrlx kxtubq, Kxmule-esz' leplz nzrpilr naxpelr nide. Doa kx vz-nqblqle natq lcng sa natu-amqngi zvz.
14108	PSA 16:4	Nzkxpukr krkcng tzangiolr kxtrngiu Gct angidr sa nartxlvzlz zvz. A' trna-angiowxu gct rdr kxnzmncng mzlilxlr, X trnakrka'pou badr. X trtxpnzngr nzpulio-krnge mepyr ngr blz mz olta nyzdr.