30088	HEB 4:7	Nguynju-waj na-God ni-wijangani lhal-ngargu, “Ana-yimbaj” ni-yamaa. Anubani-yung-gaj ana-mal-ḏaga-ragij-gaj niga nu-yanguni ana-lhaawu na-King David-guy, nga naagi-yung na-David ni-warrarrangi ana-lhaawu. Ngagurru ngurru-marrbuy na-God ngarrani-yayn nigawi-nyinyung ngarraaḻirr. Ngaya ngana-magaa nugurri-wuy na-David-jinyung ana-lhaawu, “Ana-yimbaj anubani-yung nugurru numburraawanggina na-God-jinyung ana-yang, ‘Yagi anubani-yung nurru-ḻamumundhi,’” wu-yamana ana-wubiba. Yigaj! Nugurru numburru-wijangayii, anaani ana-yimbaj.
30089	HEB 4:8	Yagu ari nugurru nurraan-jamana, niga na-Joshua wani-yarrijgini wugurru anubagu, wugurru wurru-yanga-yangini. Yagu waari ana-maaḻamburrg. Ngagurru ngurru-marrbuy, niga yamba na-God ni-yambini wurrugu anubani-yung ngarraaynbaj-duj ngarraaḻirr, “Ana-yimbaj” ni-yamaa.
30374	JAS 2:14	Warrubawi-yung-maynji amburru-yamang “Nga-jambarrgiiyn” yagu warruburru-yung-guy warra-mulung-aynbaj waari wurru-waṉbi aniij-mamaaḻang, anaani ana-lhaawu “Nga-jambarrgiiyn” anggu-warrbidi-mang. Yagi wanggu-maṉmi wugurru.
30377	JAS 2:17	Yagi nurru-waṉbi aadanu. Nugurru nambarra-maṉmani warra-wurru-wurruj. Anaani wiijamana, nugurru-maynji numburru-yamana “Nga-jambarrgiiyn” yagu yagi narra-maṉmi warruburru-yung warra-mulung-aynbaj, anubani-yung numburru-yambina arrbidi aadanu.
31097	REV 19:11	Anubanila-wala ngaarranggayn. Ana-wumala wu-gara-wawalhiyn. Yigaj bagi jarrangu ngalngalngaluj! Na-wurrujung bagi aḏaba ngunu-warrgu. Na-ni-muwaj-jung “ni-jambarrg” marri anaaynbaj ana-muwaj, “ngubindi-windiyung”. Naagi-yung wani-nguynju-nguynjijgana andhurrg-bindiyung. Marri anubani-yung nima-maṉdhii magarrangaynji, warruburru-wuy warraalaaladi-wuy, burru-yung-bugij.