23214	MAT 1:1	Suar igi izeg Jesu Kuraison saifarif iji bu e Eburamon ijia uinve roke e Devidon ijia usem roke Jesu nafenva ijin.
23217	MAT 1:4	E Ram fu uri farifuon e Aminadab nafega Aminadab fu uri farif fuon e Nason nafen. E Nason fu uri farifuon e Sarmon nafega Sarmon fu uri farifuon e Boaz nafen. E Boazon asie iji bara Reab. E Boaz fu uri bara Rut abene e Obed nafen. E Obed fu uri farifuon e Jesi nafega Jesi fu uri farifuon Devid e iji fu Kin renma iji nafen. Areme Devid fu uri farifuon e Soromon nafen revo asei fuon iji fu e Uraiaon barak.
23228	MAT 1:15	E Eriud fu uri farifuon e Eriasa nafega Eriasa fu uri farifuon e Matan nafen. E Matan fu uri farifuon e Jekaf nafega Jekaf fu uri farifuon e Josof bara Merion baru iji nafen. Bara Merir Jesu e iji bu kua Kuraisno kuavo e iji fu e fok karauniakafa ruainma ijin nafen. Ijefuon e Eburam ijia roke e Devid bu nafenva ijia e uij iji buka e fotin (14) ijeg. Regavo una madu e Devidon uifarif ijia roke tavan iji e Babironko bu usem Jerusarem mai iji arafirime e Isrerko bu aferdia Babiron vainva ijia e uij bu madu e fotin (14) ijeg. Regavo una tavan iji bu aferdia Babiron vainva ijia roke e iji God fu abe enuvuon E Bomana renma iji bu nafenva ijia e uij bu madu e fotin (14) ijeg.
23233	MAT 1:20	Fu ijeg vierafeoga E Bomana ijefuon anera ijar ari naka kuardame kua, Josof e Devidon uifarif ige bara Meri a abekafa jumo iji fu bano abene. Regavo am iji fu fudienma iji fu Kaven Akai ijefuon daro ijia fudiedo fu am farif nafekma a abe ime Jesuno kuak. Ijefuon maiji fur efuon ijiebuon ise iji bu reoijo ijia karauniakno kuain.
23475	MAT 9:27	Areme Jesu fun mai iji areme una ar be vakro vakgame e nizuriaigin nokarok (2) bu usem fu jame dab arafiri vain. E nokarok (2) iji bu ja vaknum kume, E Devidon uifarif gafe a no guoga oifiadaga ni ifejduomne kumen.
23494	MAT 10:8	Ja va vuak iji kuardiaknum vo e adagin iji amardia bu una madiaknum vo e aoivo iji kia bu una urif. Regavo madu e iji bu adam refrosi abejo iji amardia bu una madiav. Regavo madu ni e iji bu kaven ise ijieb ninarukiainva ijin kuriaireme kiaga bu e iji areme usem vaf. Regavo igia faif. Daro nun igi na vajiainva iji ja mon kime kenva bakin. Ijefuon irerag ja va kegoijo iji jab una vef ijefuon ire kafo karekuai vierafek.
23561	MAT 12:3	Bu ijeg kuardavga Jesu fu una kia, Regavo ja buk akaij ijia Kin Devid fu efuon ijiena Godon ar ijia arume irerag abenva iji jabe dame vierafen? Bu vasiaordiainma ijefuon bu aru bred iji karme in. Regavo bred iji bu kege inva iji fuka akaij ijefuon e maikava bu ijo bakin. Regavo bun e iji God isuf baroijo ijieb buonkua bred iji ijo.
23581	MAT 12:23	E iji fu ijegrega e fok bu unam sumakin iji Jesu fu renma iji gava buka oiserdiain. Buka oiserdiamga bu una bui kuai, Ja vierafega e iji kafu e Devidon uifarif iji fu ruakno kuainva ijino kuain.
23724	MAT 15:22	Bu ijia vakga bara Keinanaitko be ar ijia fino ijar kekome Jesu biumaknum ruain. Fu ruaknum kume, E Bomana e Devidon uifarif gafe a nuifuo oifiadakma ni ifejdiemne. Na kabainun fuka kaven ise ijar dab arafiriko fuka mukorigia vajai fian abeno kumen.
23891	MAT 20:30	Regavo e ni zuriaigin nokarok (2) bu unam irif ijia karido bu faik Jesu fu ijia asidiame ruvaka bu fain. Bu faime uri kume, E Bomana e Devidon uifarif gare abe nuvuifuon oifian abene ifejduokno kumen?
23892	MAT 20:31	Bu ijeg kumejga e ijia roko ijieb uri kuriaireme kia, Isuar karifno kiain. Rega buka uri ma uruvana igia biumame kume, E Bomana e Devidon uifarif gare abe nuvuifuon oifian abene ifejduokno kumen.
23904	MAT 21:9	Ijegrene e fok bun roinroin ireme ruako Jesu fu uf ijia ruain. Fu ijia ruakoga e fok bu biumaknum kume, No e Devidon Farif igi dab aroiv. No vierafe Godri E Bomana ijefuon if ijia fu daro mak. Regavo noka Godon bomana oimarvno kumen.
23910	MAT 21:15	Regavo e mamkanuk Godon isuf baroijo ijiebuon e mamkanuk ijigam e vuak akai nijaidiavo iji bu unam ka mukor iji Jesu fu reno bu iji giava buka deajidiain. Regavo madu bu giak am ukakna iji buka Godon ar ijia arume biumame kume, E Devidon Farif gari aroifno kumen.
23982	MAT 22:41	Regavo e Ferisis iji bu vek ijia afuinva ijia Jesu fu uri kia, E iji God kuama fu ruainma iji ja vierafega fu erafon uifarifno kiain? Fu ijeg kuardiamga e Ferisis iji bu una roin kua, No vierafe fu e Devidon uifarifno kuain.
23984	MAT 22:43	Bu ijeg kuardavga Jesu fu una madu kia, Regavo irerafuon Kaven Akai iji fu Devidon oij ijia vierafe mamga fu e iji kua E Bomanano kuain? Ijefuon maiji fun Devidiri kua, God E Bomana ijar una e bomana nun iji kuak, Ni igi ij maink igia fi. A ijia fike na e ani on bu ana nigaraioijo iji nar kege kaniame ke diak rotit on ijia uniamno kuain.
23986	MAT 22:45	Regavo Devid fu e iji God kuama fu ruainma iji kuak E Bomanano kuakma iji Devid fu izeg una e iji kuak, Aiji a uifarif nuno kuakno kiain?
24041	MAT 24:15	Jesu fu ijeg kuardiame kia, Ja ar bu sirimamejo guf ijia vo fata akaij iji bu isuf baroijo ijia ire ise be fu ijia rega ja gak. Ja gakva ni Danier e Godon vuak vierafe kuaimon fu usuibe kuai, Ire ise be fu rekno kuainma iji vierafef. Ja ire iji gakva ni e fok Judia guf ijia karinva iji kiaga bu migegare subinaime uruor mamkanuk iji irevo irif ijia vaf.
24354	MRK 2:25	Bu ijeg kuardavga Jesu fu una kia, Regavo ja tavan iji Devid fu efuon ijiena vasiaordiamga bu duok ikuai vierafenva iji jabe dame gain? Bu tavan iji e Abiata fu vek Godon isuf baroinon ijia Devid fu vasiaguamga fu Godon ar ijia arume vain. Fu ijia arume bred iji Abiata fu Godon isuf baroinma iji fuka ire akai regavo e Devid fu iji abe iga efuon iji vajiainma iji jan vierafenvano kiain.
24453	MRK 5:20	Jesu fu ijeg kuardamga e iji fun una va ai Dikaforis ijia oijknum irerag Jesu fu fuon renma iji kuardiaoin. Fu ijeg kuardiafga e fok bu vuak fuon faiva buka oiserdiain.
24563	MRK 7:31	Areme Jesu fu ar Taia samaij ijia fioine areme fun vake ar Saidon asime vake do Gareri Dekaforisi guf ijia kekoin.
24578	MRK 8:9	Regavo e ijia ruainva ijia efarif ijesugin bu e fo taosen (4,000) ijeg. Areme Jesu fun e fok kiamga bu vakoga fu uri e vuak fuon faivo ijiena vanag ijia ajieme bun una ar Damanuta ijia vain.
24580	MRK 8:11	Bun va ar Damanuta ijia usevga e Ferisis roin bu Jesu biesuakuai ruain. Bu usem Jesu kua, Ni ire sumakin be rega no game vierafero an ma Godon daro ijia reoinro no ijeg vierafekno kuain.
24704	MRK 10:47	Ijefuon fu fine faik Jesu e Nasaretko iji fu roka fu faime uri uruvana igia kume, E Bomana e Devidon uifarif gari abe nuifuon oifian abene ifejdiek?
24705	MRK 10:48	Fu ijeg kumen revo e ijia roko ijieb uri bijume kua, Isuar igia fine kuain. Regavo fuka uri ma uruvana igia biumame kume, E Bomana E Devidon uifarif gare abe nun oifian abene ifejdiekno kumen.
24718	MRK 11:9	E roin bu amur vako roin bu rad ja vaknum kume, No Godon if iji abe aroiken. Godri e igi fu E Bomana ijefuon if ijia roko iji daro maken. Fu amur Devid fu saifnuvuon fu samuagdiainma ijeg e igi fu no samuagduokro roko iji daro mak. No God E Bomana kaf ijia fino ijefuon if iji abe ajiekno kumen.
24777	MRK 12:35	Jesu fu vek Godon ar ijia vuak nijaidiamon ijia fu uri e ijia karinva iji duna be kuardiain. Fu kia, E iji vuak akai nijaidiavo iji bu izeg game vierafenva ijefuon bu kuaiv e iji God fu kuaga fu ruakma iji fum e Devidon uifarif ijiano kuaiv?
24778	MRK 12:36	Fun Godon Kaven ijar una Devidon oij ijia vierafe mamga fu kuai, God E Bomana ijar una e bomana nun iji kuak, Ni ro igi ij maink igia fi. A ijia fike na e ani on bu ana nigaraioijo iji kege kaniame ke diak rotit on ijia uniamno kuain.
24779	MRK 12:37	Ijefuon Devid fu kokfuon e iji God kuamga fu ruainma iji kua E Bomanakono kuain. Regavo Devid fu izeg una e iji kuak, Aiji a uifarif nuno kuak. Jesu fu ijeg kuardiamga e fok ijia afurvenva buka oimarvknum vuak iji fain.
24800	MRK 13:14	Regavo tavan iji ja ar bu sirimamejo guf ijia ire ka ma ise be fu ar iji fu fuon bakin gavo fum ijia manino ja iji gakva ni e Godon vuak vierafene kuaimon e Danier fu kuainma iji vierafef. Ja ire iji gakva ni e uruvana Judia guf ijia karinva iji kiaga bu migegare subinai uruor mamkanuk iji irenva irif ijia vaf.
24989	LUK 1:27	Regavo iji fu vainma fu bara be fuba baruna naino iji bu e Josof kuainva ijefuon vuak abe vain. Rega e Josof iji fu Devidon uifarif revo bara ijefuon if iji Meri.
24994	LUK 1:32	Regavo fuiji fuka E Bomana rene vo bu fu kua E Bomana God kaf gufia fino ijefuon Farifno kuak. Rega E Bomana God fu izeg saifuon Devid fu e bomana renma ijeg fu kuaga fur E Bomana rek.
25031	LUK 1:69	Godri nuvuifuon e darokin iji fur no karaunuokfuon iji kuamga fu ruain gavo fuiji fu e Devid e Godon ikreno ijefuon uifarif.
25046	LUK 2:4	Ijefuon e mamkanuk e daoijo iji bu usem Josof kua, Aiji a e Devidon uifarif be ijefuon ni una va Betriem ar bu sat on Devid nafenva ijia if on isoimne kuain. Ijefuon Josof fun bara Meri kaifuon iji afeme Nasaret Gareri guf iji areme una Betriem Judia guf ijia vain. Regavo bara Meri e Josof fu abekno kuainva iji fun fudien.
25053	LUK 2:11	Ijefuon ivia e Devidon mai ijia e iji e karauniakfuon iji bun nafen revo e iji fu E Bomana Kurais.
25117	LUK 3:23	Areme Jesu fu ofrene vake juaivasia teti (30) ijeg abega fu ijia anerene ik fuon iji ren. Regavo igi Jesuon saifarif iji bu Adamon uifarif ijia anere ruainva ijin. Regavo e uruvana bu vierafe Jesu fu Josofon farif ga Josof fu e Erin farif ga Eri fu e Mataton farif ga Matat fu e Rivaion farif. Regavo Rivai fu e Merkin farif ga e Merki fu Janain farif ga Janai fu e Josofon farif ga Josof fu e Mataiason farif ga e Mataias fu e Emoson farif ga e Emos fu e Neamon farif ga Neam fu e Esrin farif ga e Esri fu e Nagain farif. Rega e Nagai fu e Maton farif ga e Mat fu e Mataiason farif ga e Mataias fu e Semeinon farif ga e Semein fu e Josekon farif ga e Josek fu e Jodan farif ga e Joda fu e Joananon farif ga e Joanan fu e Resan farif. Rega Resa fu e Zerubaberon farif ga e Zerubaber fu e Seatieron farif ga e Seatier fu e Nerin farif ga e Neri fu e Merkin farif ga e Merki fu e Adin farif ga e Adi fu e Kosamon farif ga e Kosam fu e Ermadamon farif ga e Ermadam fu e Eron farif. Regavo Er fu e Josuan farif ga e Josua fu e Eriesan farif ga e Eriesa fu e Jorimon farif ga e Jorim fu e Mataton farif ga e Matat fu e Rivain farif ga e Rivai fu e Simionon farif ga e Simion fu e Judan farif ga e Juda fu e Josofon farif ga e Josof fu e Jonamon farif. Regavo e Jonam fu e Eriakimon farif ga e Eriakim fu e Merian farif ga e Meria fu e Menan farif ga e Mena fu e Matatan farif ga e Matata fu e Netanon farif ga e Netan fu e Devidon farif. Regavo e Devid fu e Jesin farif ga e Jesi fu e Obedon farif ga e Obed fu e Boazon farif ga e Boaz fu e Sarmonon farif ga e Sarmon fu e Nasonon farif ga e Nason fu e Aminadabon farif ga e Aminadab fu e Adminon farif ga fu e Anin farif ga e Ani fu e Esronon farif. Rega e Esron fu e Ferezon farif ga e Ferez fu e Judan farif ga e Juda fu e Jekafon farif ga e Jekaf fu e Aisekon farif ga e Aisek fu e Eburamon farif ga e Eburam fu e Teran farif ga e Tera fu e Neoron farif ga e Neor fu e Serugon farif ga e Serug fu e Reun farif ga e Reu fu e Feregon farif ga e Fereg fu e Eban farif. Regavo e Eba fu e Seran farif ga e Sera fu e Keinanon farif ga e Keinan fu e Afaksadon farif ga Afaksad fu e Semon farif ga e Sem fu e Noan farif ga e Noa fu e Remekon farif ga e Remek fu e Metusaran farif. Rega e Metusara fu e Enokon farif ga e Enok fu e Jaredon farif ga e Jared fu e Marareron farif ga e Mararer fu e Keinanon farif ga e Keinan fu e Inoson farif. Regavo e Inos fu e Seton farif ga e Set fu e Adamon farif ga e Adam fu Godon farif ijin. Ijefuon e agan bu ijeg uinvene ruain.
25218	LUK 6:3	Bu ijeg kiavga Jesu fu una roin kia, Ja buk akai kafar be ijia e Devid fu efuon ijiena bu vasiaordiavga bu kenva iji jabe dame gain?
25219	LUK 6:4	Devid fu Godon ar iji bu sirimamejo ijia arume bred iji bu abe isuf baroijo ijin abe iga roin fu kege una efuon vajiama bu in. Regavo bred ijekin iji bu e iji Godon isuf baroijo ijieb buonkua ikfuon gavo e maikava buba ikno kiain.
25794	LUK 18:37	Fu ijeg kiamga bu kua, Fu Jesu e Nasaretko ijar ruvakno kuain. Bu ijeg kuavga fu uri kume, Jesu e Devidon uifarif gafe ni afikin igi na abejo iji gieme nun oifian abene ifejdiemne kumen.
25796	LUK 18:39	Fu ijeg kumega e iji amur roko ijieb uri kuriaireme kua, E gume isuar fine kuain. Regavo fuka una madu uruvana igia kume, E Devidon uifarif gafe ni afikin igi na abejo iji gieme nun oifian abene ifejdiemne kumen.
25889	LUK 20:41	Areme Jesu fu uri e ijin kia, Ja irerafuon kuai e iji God kuama fu ruainma iji fu Devidon uifarifno kuaiv? Ja ijeg kuaivo ijia ja kuai Jesu fum emano kuaiv.
25890	LUK 20:42	Regavo Devid fun koikfuon buk Sams ijia isoime kuai, God E Bomana ijar uri E Bomana nun kua ani ro imut maink nun igia e bomana rene fi. A ijia fike na e ani on bu ana nigaraivo iji kege kaniame ke diak rotit on ijia uniamne kuain.
25892	LUK 20:44	Areme Jesu fu kia, E iji God kuama fu ruainma iji fu e Devidon uifarif ijia revo Devid fu una e iji fu e Bomanakono kuain. Ijefuon e iji God kuama fu ruainma iji fu izeg una Devidon uifarif rekno kiain.
26232	JHN 4:7	Jesu fu do irif ijia figa bara Sameriako be fu do jiakafa rokga fu uri bara iji kua, Do be jia mie na ijno kuain.
26257	JHN 4:32	Bu ijeg kuavga fu una kia, Duok nun iji na ine daro abe oijo iji jaba mukoi vierafenvano kiain.
26281	JHN 5:2	Regavo ai Jerusarem ijia vien bomana be bu kua Sif Vieno kuavo iji samaij ijia do be fu ijia nafuin. Regavo do iji nafuinma iji bu e Ibrukobuon isama ijia bu kua Betesdano kuavo. Do iji nafuinma irif ijia bu ar kafo sa ameoine aren.
26338	JHN 6:12	Bun defiamga Jesu fun uri e vuak fuon faivo iji kia, Duok ukur iji kafo jab nisek nika amarigia kanafufno kiain.
26439	JHN 7:42	Regavo Godon buk akaij iji bu usuibe isoinva ijia fu ijeg nijaiduin. E iji God fu kuai fu ruakfuon iji fun e Devidon uifarif ijia ruak. Regavo e iji fu ai Betriem e Devid fu fino ijia nafekno kuain.
26960	JHN 20:24	Tavan iji Jesu fu una e vuak fuon faivo iji fu biediainma ijia e Tomas if fuon be bu kua e fuatkaruk nafenva Didimasno kuavo iji fuba buna ijia fino ijia Jesu fu biediain.
26969	JHN 21:2	Fu Saimon e Fitano kuavo ijigam Tomas e iji bu kua Didimasno kuavo ijigam e Natanior ai Keinan Gareri guf ijekor ijigam e Zebedion afijaf nokarok (2) ijiga madu e vuak fuon faivo nokarok (2) ijiena bu besum ijia afuim karin.
27007	ACT 1:15	Naki sibank barekoga e fok vuan adred tuenti (120) Jesu mukoi vierafejo bu una besum afuiko Fita fu vuak kuardiakafa uri kia, Efnun Godon vuak bu usuibe isoinva fuka ma riaren. Regavo vuak iji fu usuibe Godon Kaven ijar Devidon ir ijia kuainma iji izeg Judas fu e ani ijiebuon unam amarega bu Jesu tokfuon.
27043	ACT 2:25	Regavo Devid fu Jesusina vuak ijeg kuai, Fu kia, Tavan uruvana na ga E Bomana fu na uinak ijia maniunaim. Revo fuka mukoi samuagdiemo ijefuon fu erar ire ise be nun rekma bakin.
27046	ACT 2:28	Regavo an ar unam iji ma karivako iji nijaidien. Regavo a nosik fino ijefuon naka oi madiem. Regavo vuak iji e Devidri ijeg kuain.
27047	ACT 2:29	Ijefuon efnun vuak igi na sai nuvuon e Devidon vuak iji abe samakaf kuardiakrej. Fu guama bu abe mako ruin revo mako fuon iviakma no vek gav.
27048	ACT 2:30	Fu vek fino ijia fu e be fu Godon vuak vierafene kuaimon. Revo Devid izeg fu rekfuon iji fun Godri Devid kuardama fun vierafen. Fu ijeg kua, Na saton ijia e be abega fur uri a Kin renma ijegrene e fok samuagdiakno kuain.
27052	ACT 2:34	Devid fun guain gavo fuba varur ijia vain. Regavo fu vuak iji kuai, E Bomana fu e bomana nun kua, Ni nosik samai igia fike na e ani on moikigia karinva iji ke a uniafdaga bur moikigia karine oifuon ik rejno kuain.
27116	ACT 4:25	Ar usuibe Kaven on ijefuon duadok ijia sai nuvuon eon ikreno e Devidon ir ijia kuai, Irerafuon e Jius bakin iji bu Godon deajir abejno kuain. Unam ukakna iji bu Godon bui sivisanamivo iji fu una buzerek. Regavo e Kin roin ga e mamkanuk iji moik kafokafo samuagdiavo iji bu una besum afuime vuak kuaim iganamime E Bomana iji ga e iji God fu kuama fu ari ruainma ijiena bijaikuai vierafekno kuain.
27230	ACT 7:45	Regavo rad saifnuvuon bu ar muvuaka iji abe afijaf miava bu dab gieme e Josuana e ar kafoko ijiebuon ar abekuai vain. Regavo Godri ifejdiama bu e moik ijekor iji kuriaireva bu subinai vain. Bu subinai vakoga ar iji fum ijia na roke e Devidon tavan ijia ruain.
27231	ACT 7:46	Devid fu unam amarigia kegoino ijefuon God fu Devid abe nidoin. Ijefuon Devid fu una God kua, Ar Jekafon God ijefuon ni kie na ar on be savno kuain.
27232	ACT 7:47	Rega Devid fu bakigavo fu e Soromonri Godon ar be sain.
27281	ACT 8:36	Bu kuaiknum unam ijefuon roko ijia bu do be game e bomana ijar uri Firif kua, Do be iga revo fube mardo a iviakma na abe igia do ruardiekno kuain.
27286	ACT 9:1	Bu ijegrekoga e Sor fu deajima fu uri e Jesuon vuak faivo ijin kaniakafa vierafen ijefuon fu va e isuf baroijo ijiebuon e bomana iji gain. Fu game kua, Ni fas be miega na abe va ar Damaskas ijia e Jiusbuon ar bu afuime vuak kuaivo ijia aru barubara bu Jesu jaoijo iji nijaidiame tofdia una igia Jerusarem rokno kuain.
27288	ACT 9:3	Sor fu ijegrene fu ar Damaskas ijia vakafa unam ijia vako ijia migegare kaf gafia saname e Sor ni manina fu tuame moik ijia dijen. Fu ijia dijekoga Jesu fu kume, Sor Sor a irerag fuon ise iji nun reno kumen. Jesu fu ijeg kumega Sor fu una kume, E Bomana a erarno kumen. Rega Jesu fu una kume, Na Jesu e iji a ise nun reno ijino kumen. Ni uri ar Damaskas ijia vaga e be fu irerag a rekfuon ijin kuardamno kumen.
27293	ACT 9:8	Regavo Sor fu moik iji arega uri ni naraga fuka iseremga ire kafo fuba giain ijefuon bu imut kene ar Damaskas ijia vain.
27295	ACT 9:10	Regavo e Damaskasko be if fuon Ananaias fu Godon vuak faimo ijar nimamaime gak Jesu fu kume, Ananaiasno kumen. Rega Ananaias fu uri roin kua, E bomana na igijano kuain.
27299	ACT 9:14	Regavo igia fu ruainma iji fu e mamkanuk Godon isuf baroijo iji kiamga bu igakva fu igia Damaskas e a ma vierafejo iji tomdiakafa fu ruainmano kuain.
27303	ACT 9:18	Fu ijeg kuardako migegare ire be kijum gen igekin ijieb Soron niom ijia azoiksa ariko ni fuon fu una maren. Fun marmga fu uri manikoga bu fu abe do ruardama fu uri duok ine daro fuon una aben. Fu daro abene naki sibank fu ar Damaskas ijia fiknum e Jesu jaoijo ijiena naioin.
27307	ACT 9:22	Regavo e Sor vuak fuon fu kuardiamo iji fuka ma darokin rega e fok ar Damaskas karinva iji bu vuak iji faime bu ma vierafen. Areme bu ijia vierafero Jesu fu ma Godri kuamga fu ari ruainmaro bu ijeg vierafen. Regavo e Jius ar Damaskas karinva iji bu izeg Soron vuak iji asikva bakin.
27311	ACT 9:26	Areme e Sor fu va Jerusarem ijia kekome e Jesuon vuak faivo ijin biediame buna okrega e Jesuon vuak faivo iji buka juin. Ijefuon maiji e Sor fu Jesuon vuak faimo be renma iji buba vierafen. Regavo e Banabasri ro kekome Sor afeme abe e afasor iji miame vuak izeg E Bomana fu Sor kuardainma ijiga izeg Sor fu E Bomana iji gainma ijigam izeg Sor fu Jesuon vuak gigikin fu e Damaskasko iji kuardiainma iji abe kuardiain. Ijefuon Sor fu ar Jerusarem ijia oknum Jesuon vuak iji darokma kuardiaoin. Sor fu ijegrejknum vo e Jius iji bu e Grikbuon isama ijia kuaiknum dab mafaivo iji kuaim amaren. Regavo e iji bu uri fu kanakrejga e Jesuon vuak faivo iji bu game uri Sor afem ar Sesaria ijia useme kuava fu una ar Tasas ijia vain.
27321	ACT 9:36	Regavo bara be Jesuon vuak faimo if fuon Tabita ga Grikbuon vuak ijia bu kua Dokasno kuavo iji fu ar Jofa ijia fino. Regavo bara iji fu naikafare fuka ma rejknum e isema karinva iji ifejdiamon.
27324	ACT 9:39	Fu ijia kekomga bu fu afem ar guf kaf ijia ajie vain. Bu vagak bara amun fok bu sinuom kafo Dokasri buifuon amardiainma iji kege una fu nijaiknum niraifiriv.
27453	ACT 13:22	Sor fu Kin revake God fu Sor kuama fu areko fu una e Devid abe una e ijiebuon Kin rediain. Areme God fu Devidon vuak iji kuardiain, Na Devid e Jesion farif iji afenvano kiain. Regavo na e ijekin iji vierafedo fur fine ire fok na oinun ijia vierafejo iji fur rek.
27454	ACT 13:23	For fu ijeg kuardiame madu kia, E Devidon uifarif ijia Godri Jesu e iji e fok karauniamo iji kuama fu e Isrerko buon ruain. Regavo ijiebuon vuak iji fun Godri usuibe kuainma ijefuon fu ijeg ren.
27465	ACT 13:34	Regavo God fu Jesu keunamga fu una urik rega surif fuon fuba muturekafa fu iji vierafene vuak ijin kiamga bu buk Sam ijia isoi, Ire ma iji na Devidon rekafa kuainva iji fu una on rek.
27467	ACT 13:36	Regavo Devid fu vek fino ijia fum tavan fuon ijia Godon ikre roke fu guamga bu abe emakin fuon bu uniainva ijia unavga vajai fuon fuka muturen.
27489	ACT 14:6	Bu ijeg kuaivga afasor iji bu vuak iji faime bun subinai ar Raikonia ijia vain. Bu va ijia usem ar ukakna kafo Raikonia guf ijia bu kia Ristra ko Debi kuaivo ijia ga ar kafo madu Raikonia samaij ijia oknum Godon vuak ma iji abe e iji kuardiain.
27503	ACT 14:20	Bu ijegrejga e God ma vierafejo bu fu namo ijia irem ameoijga fu uri una mai ijia vain. Regavo afarma fu Banabask bu una ar Debi ijia vain.
27504	ACT 14:21	For ko Banabas bu Godon vuak ma iji abe Debi ijia kuardiavga e fok bu vuak iji faime ma vierafene oi karoime Jesuon e ren. Areme bu una va ar Ristra ijia useme asime va Ikoniam usem nanuse va ar Entiok Fisidia guf ijia usen.
27527	ACT 15:16	E Bomana fu ijeg kuai, Ire iji barekma na una ruak. Areme na e Devidon ar iji tuainma iji abe una urik. Na in buin tuasenva iji kare afurvene ar iji una sak.
27553	ACT 16:1	Areme For fun vake ar Debi ko Ristra ijia kekoin. Regavo e be God ma vierafeno be if fuon Timoti fu ijia fin. E iji asiefuon iji fuk fu God ma vierafeno revo fu bara Jius ga asoifuon fu Grik.
27626	ACT 17:34	Regavo efarif roin bu funa rene una God ma vierafen revo e be iji if fuon Daionaisius e Erofegas ijia vuak kuainma ijin. Regavo bara be if fuon Damaris fu God ma vierafeko e roin buk God ma vierafen.
27678	ACT 19:24	Regavo e be if fuon Dimitriasno kuavo iji fu ire sirva ijia kege ire kafokafo amardiamon. Regavo ire iji fu amardiamo iji fu god be bu kua Atemisno kuavo ijefuon ar bu fu sirimamejo ijekin ukakna iji imut fuon ijia amardiamon.
27692	ACT 19:38	Regavo e Dimitrias ga e iji fuon ik rejo iji bu vierafega e kafo bu isemarekva ni kia bu tavan iji e mamkanuk bu kot faivo ijia aferdia vaga bu kot rek.
27698	ACT 20:4	Areme e Fairuson farif Sofata kuavo e Beriako iji fun fusik vain. Regavo e uruvana buk bu funa vain gavo e iji funa vainva ijiebuon if iji ijeg. E Tesaronaikako nokarok (2) e Aristas ko Sekudas ga e Gaias Debiko ijigam e Timoti ga Taikikas ko Torofimas e moik Esiako ijieb funa vain.
27777	ACT 22:5	Regavo ja vierafe na kufuimekva ni e Godon isuf baroijo ijiebuon e mamkanuk ijigam e mamkanuk fok kiaga na biesia vo na ma kuaivga bur kuardiaga ja faif. Ijefuon maiji bur fas isoime na nijieme kieva na va ar Damaskas ijia keko e Jius iji Jesu ma vierafejo ijia karinva iji tofdiav. Na ijeg kuniaim kam sen ijia tofdiame aferdia una ar Jerusarem roga bu kam arafiriav.
27778	ACT 22:6	Na e ijin tofdiakafie vake ar Damaskas ijia kekokafie samairenva ijia tavan uk maniko ijia migegare kaf gufia vebu karako ar iji na manijo ijia fuka mukorigia sanain.
27782	ACT 22:10	Regavo nar uri kume, E Bomana na izegrekno kumen? Na ijeg kumejga E Bomana iji fu una roin kie, Ni uri ar Damaskas ijia vaga bu ijiason ik uruvana a rekfuon iji God fu oifuon vierafenma iji kuardamno kumen.
27783	ACT 22:11	Areme e iji nana vainva ijieb na imuikievga non Damaskas ijia vain. Ijefuon maiji na ire iji fu varur gufia saname ari ruainma iji gainva ijar ni nun fuka riruin.
27784	ACT 22:12	Regavo ar Damaskas ijia e be if fuon Ananaias fuka God mukoi vierafeknum akai nuvuon uruvana igiamo. Regavo madu e Jius uruvana ar Damaskas ijia karinva iji bu fu dab nidoiv.
27861	ACT 24:24	Areme naki sibank barko Firiks fun bara fuon Drusirak ruain. Regavo bara iji fu bara Jius. Fu Foron kiama bu afem rokga fu fine faikoga For fun vuak iji izeg bu Jesu Kurais ma vierafekfuon ijin kuardain.
27903	ACT 26:12	Na ijegreoijo ijefuon e Godon isuf baroijo ijiebuon e mamkanuk iji bu daro mieme kieva na ar Damaskas ijia vain.
27904	ACT 26:13	E bomana na Damaskas vako ijia tavan uk maniko ijia na ga varur gufia vebu karako na gaga e iji nana vako iji no irenva iji fuka amarigia sanain.
27911	ACT 26:20	Na vuak iji abe amur na Damaskas ijia kuardiame va Jerusarem ijia kuardiain. Areme na madu va moik uruvana Judia guf ijia kuardiaknum va e Jius bakin iji kuardiain. Na ijia oknum vuak iji nijaidiame kia, Ni ise jon God kuardame una oi karoime fuon ruaknum ire ma kafo rega e bu ijia game vierafero jan oi karoinvaro bu ijeg vierafek.