23284	MAT 4:6	Kɨni mɨni-pən tukun mɨmə, “Tukmə Ik ji Kughen əfrakɨs, iv-ərhav-ru ikɨn e, meinai kɨmɨrai ye Nəkwəkwə kape Kughen kɨmə, “‘In tukrher-pə kɨn agelo mɨnə kafan khauə masarha huvə tuk Ik. Tukharaptərəkɨn Ik kɨn kwermɨriə mə takpəh nowhan-pənien nɨhum ye kapier kɨrik.’”
23360	MAT 6:9	Kɨni ror məkneikɨn, tukmə nakhamə taksəhuak, səhuak məkneikɨn: “‘Rɨmtawə ye neai, nhagɨm rəmrhakə, pəh narmamə tukhasiai Ik.
23461	MAT 9:13	Mərɨg havən mɨsarha-kɨn nɨprai nəgkiarien e ye Nəkwəkwə kape Kughen yame ramni mə, “‘Nar kɨrik ror rɨkik ramagien, in e mə rɨkimiə tukrehuə tuk narmamə, mərɨg rɨkik rɨpəh nagienien tuk kapəmiə sakrefaes mɨnə.’” Kɨni Yesu rɨrpɨn nəgkiarien mɨmə, “Yakamni məkneikɨn meinai pəh nien mə Yo yɨmauə mə jakokrən kɨn narmamə yamə mɨne [khamə ta mə] kwəsatuatuk ta. Nɨkam. Yɨmauə mə jakokrən kɨn yor təvhagə has mɨnə.”
23521	MAT 10:35	Yakamni məkneikɨn meinai yɨmauə mə jakor “‘Yerman tukror tɨməht iriu rɨmni, mɨne piakəskəh tukror tɨməht iriu nɨsɨni, mɨne yasuni tukror tɨməht iriu kuhuni.
23565	MAT 12:7	Ye Nəkwəkwə kape Kughen In ramni mə, “‘Nar kɨrik ror rɨkik ramagien, in e mə rɨkimiə tukrehuə tuk narmamə, mərɨg rɨkik rɨpəh nagienien tuk kapəmiə sakrefaes mɨnə.’” Kɨni Yesu rɨrpɨn nəgkiarien mamni-pən tuk Farisi mɨnə mɨmə, “To nakpiharkun nɨprai nəgkiarien e, mɨpiharkun narmamə yamə mɨne kɨsatuatuk, to nakpihapəh nɨsəm-pəniən nar has kɨrik ye narmamə kafak mɨnə.
23622	MAT 13:14	Nɨmraghien kapəriə ror nəgkiarien kape Profet Aesea ruauə mɨnor nəfrakɨsien kɨn yame ramni mə, “‘Iriə tuksarhakɨn, mɨsarhakɨn pawk, mərɨg to khapəh nɨsəmien nɨpran. Iriə to kɨsərɨg pawk, mərɨg to khapəh nharkunien.
23710	MAT 15:8	“‘Nəmə mɨnə, kamhani apnapɨg əmə nəfrakɨsien irak ye nheriə, mərɨg rɨkiriə raməmɨr isok pɨk tuk Yo.
23908	MAT 21:13	Kɨni mor kwirɨg kɨmi əriə mɨmə, “Kɨmɨrai ye Nəkwəkwə kape Kughen kɨmə, “‘Nimə kafak, in nimə kape nəhuakien.’ Mərɨg kɨmiə nakasor rəmhen kɨn ‘nimə yame yəkrəh mɨnə kaserkwaig ikɨn.’”
23911	MAT 21:16	Khani-pən tuk Yesu mhamə, “?Nakərɨg nəgkiarien yame kwajikovə mɨnə e kamhani iram uə?” Kɨni Yesu rɨmə, “Ǝhə. Mərɨg tukmə ror nakhapəh nɨsəvheikɨnien nəgkiarien ye Nəkwəkwə kape Kughen yame ramni mə, “‘Ik nɨmnor mə kwajikovə mɨnə, mɨne kwajikovə əmtəmtə mɨnə tuksəgnəgɨn Ik ye tɨkinheriə.’”
23937	MAT 21:42	Kɨni Yesu rɨmə, “Tukmə ror kɨmiə nakhapəh nɨsəvhekɨn-hanə-yen nəgkiarien yame Nəkwəkwə kape Kughen rɨmɨni mɨmə, “‘Nai yame narmamə kape nɨvhirəkɨnien nimə kɨmnhavəh kɨni mɨnəsarakikɨn. Mərɨg nai ai rehuə, taktəkun ai Kughen rɨmnherɨg mɨn, mor səpag apomh kɨn. Nar e Kughen Yermaru rɨmnor. Rɨkitawə ragien pɨk tukun.’
23985	MAT 22:44	“‘Kughen Yermaru rɨmɨni-pən tuk Yermaru kafak mɨmə, “Ǝkwətə ye kwermɨk matuk Meriaji nɨpɨg jakor ik takehuə ye tɨkmɨr kafam mɨnə.” ’
24154	MAT 26:31	Kɨni Yesu rɨni-pən mɨn tuk əriə mə, “Tuk yenpɨg əmə e, taksəm naha nhagɨn yame tukor irak tukrɨtərhav-pə, nhatətəyen kapəmiə mɨfam tukrɨmɨr, meinai kɨmɨrai ye Nəkwəkwə kape Kughen kɨmə, “‘Jakuh yermamə yame ramarha huvə tuk sipsip mɨnə, kɨni sipsip kafan mɨnə tuksaiyu rik rik.’”
24404	MRK 4:12	rəmhen kɨn yame Profet Aesea rɨmɨni mə, “‘Iriə tuksarhakɨn, mɨsarhakɨn pawk, mərɨg to khapəh nɨsəmien nɨpran. Iriə to kɨsərɨg pawk, mərɨg to khapəh nharkunien. Tamə iriə kɨsərɨg mharkun, kɨni mɨsarar ye nərɨgien kapəriə, pəh Kughen tukrɨvəhsita narpɨnien kape təvhagə hah kapəriə.’”
24538	MRK 7:6	Kɨni Yesu rɨni-pən tuk əriə mɨmə, “Eh. Kapəmiə nɨniyen rhuvə, mərɨg kapəmiə norien in rahas. In apa kupən, profet kɨrik kape Kughen, nhagɨn e Aesea, rɨmnəfrakɨs ye nɨkarɨn kapəmiə mɨrai mamni mə, “‘Nəmə mɨnə a kamhani apnapɨg əmə nəfrakɨsien irak ye nheriə, mərɨg rɨkiriə raməmɨr isok pɨk tuk Yo.
24655	MRK 9:48	In aikɨn “‘Sɨrət mɨnə to khapəh nhamhəyen, Kɨni nap mɨn to rapəh nɨpɨsien.’
24773	MRK 12:31	Loa yame rɨkwasɨg kɨn ramni mɨmə, “‘Taksorkeikei narmamə yamə mɨne kasarə ipakə tuk əmiə mɨsor huvə pən tuk əriə, rəmhen kɨn yame kɨmiə naksorkeikei atuk əmiə.’ Loa kɨrik mɨn rɨrkək yame in rapita yamə mir e.”
24778	MRK 12:36	Mərɨg, səmru, Nanmɨn kape Kughen rɨmɨvəhsi-pən nɨrkunien kɨmi Deved mə tukrɨni mə, “‘Kughen Yermaru rɨmɨni-pən tuk Yermaru kafak mɨmə, “Ǝkwətə ye kwermɨk matuk Meriaji nɨpɨg jakor Ik takehuə ye tɨkmɨr mɨnə kafam.” ’”
24810	MRK 13:24	Kɨni Yesu rɨrpɨn mamni-pən tuk əriə mɨmə, “Kɨni nɨpɨg kape nahasien tukruə mor infamien, “‘Mɨrh tukrɨpɨs, Kɨni makuə to rɨpəh mɨn nəsiəyen;
24850	MRK 14:27	Kɨni Yesu rɨni-pən mɨn tuk əriə mə, “Nhatətəyen kapəmiə mɨfam tukrɨmɨr, meinai kɨmɨrai ye Nəkwəkwə kape Kughen kɨmə, “‘Jakuh yermamə yame raməm huvə sipsip mɨnə, kɨni sipsip kafan mɨnə tuksaiyu rik rik.’”
25142	LUK 4:10	meinai kɨmɨrai kɨmə, “‘In tukrher-pə kɨn agelo mɨnə kafan khauə masarha huvə tuk ik.
25324	LUK 8:10	Kɨni rɨni-pən tuk əriə mɨmə, “Narmaruyen kape Kughen nar erkwaig, mərɨg yakwəni-ərhav-pre ta kɨmi əmiə; kɨni mərɨg Yo yakamni-ərhav əmə nuhpɨkɨnien kɨmi narmamə mɨnə tɨksɨn, rəmhen kɨn yame Profet Aesaea rɨmɨni mə, “‘Iriə tuksarhakɨn, mɨsarhakɨn pawk, mərɨg to khapəh nɨsəmien nɨpran. Iriə to kɨsərɨg pawk, mərɨg to khapəh nharkunien.’
25476	LUK 11:2	Kɨni Yesu rɨni-pən tuk əriə mɨmə, “Nɨpɨg nakahamə taksəhuak, takhani mhamə, “‘Rɨmtawə ye neai, nhagɨm rəmərhakə, pəh narmamə tukhasiai Ik. Pəh kafam narmaruyen tukruə mamarə.
25865	LUK 20:17	Mərɨg Yesu rɨmnarha tɨm tɨm irəriə mɨmə, “Nəkwəkwə kape Kughen ramni mə, “‘Səpaag e, yame narmamə kape nəvhirəkɨnien nimə kɨmɨsarakikɨn, mərɨg Kughen rɨmnor in ruauə Səpaag huvə yame tukrəkɨr məkupən.’ “?Mərɨg nəgkiarien e nɨpran naha?
25890	LUK 20:42	Mərɨg, səmru, Deved rɨmɨrai-pən ye Ol Sam mɨmə, “‘Kughen Yermaru rɨmɨni-pən tuk Yermaru kafak mɨmə, “Ǝkwətə ye kwermɨk matuk
26136	JHN 1:23	Kɨni rɨni-pən tuk əriə mɨmə, “Yo e yermamə yame profet Aesea rɨmɨni-ərhav ta kupan mə, “‘Yermamə kɨrik tukrokrən apomh apa ye tɨpəvsɨk mamni mɨmə, “Kɨmiə taksor huvə swatuk kape Kughen Yermaru.” ’”
26357	JHN 6:31	Nɨpɨg rɨptawə mɨnə kupən kɨmɨseriwək ye tɨpəvsɨk, iriə kɨmɨsən ‘mana.’ Nəgkiarien kɨrik ye Nəkwəkwə kape Kughen ramni mɨmə, “‘In rɨmɨvəhsi-pən bred yame ramsɨ-pən ye rao ye neai mə iriə tukasən.’
26371	JHN 6:45	Nəgkiarien yame profet mɨnə kɨmnharai kupan ye Nəkwəkwə kape Kughen ramni məkneikɨn mə, “‘Kughen tukrhajoun narmamə m-fam.’ Yermamə yame ramətərɨg kɨn nhajounien kape Tatə Kughen, in tukramuə tuk Yo.
26435	JHN 7:38	Meinai Nəkwəkwə kape Kughen ramni mə, “‘Yermamə yame rhatətə irak, rəmhen kɨn nɨmrɨ nu yame ravəhsi-pən nɨmraghien ramkwor-kwor mhaktə mokrig yerkin mamaiyu.’”
26717	JHN 13:18	“Mərɨg pa rɨmə yakamni əmiə m-fam. Yakɨrkun əmiə mə nɨ-pa mɨnə e yakmɨrpen əriə. Mərɨg nəgkiarien e kape Nəkwəkwə kape Kughen tukraməkeikei muə mor nəfrakɨsien kɨn yame ramni mə, “‘Yermamə yame jakwən kwis bred kɨmru min, in tukrukreikɨn-pə nɨmeitaan kɨmi Yo, muə tɨkmɨr kafak.’
26793	JHN 15:25	Mərɨg narɨmnar mɨnə e tukasəkeikei mɨsor məknakɨn, mor mə nəgkiarien yame kɨmnharai ta ye nəkwəkwə kape Loa kapəriə tukruə mor nəfrakɨsien kɨn, yame ramni mə, “‘Yɨmɨpəh nor-pawk-əyen nar has kɨrik irəriə, mərɨg iriə kasəməkɨn Yo.’
27012	ACT 1:20	Kɨni Pita rɨmɨni mɨn mə, “Ye Ol Sam nəgkiarien kɨrik ramni mɨmə, “‘Pəh kwənmhaan kafan tukraməmɨr apnapɨg əmə; Pəh yermamə kɨrik tukrɨpəh nəmɨrien aikɨn.’ “Kɨni nəgkiarien kɨrik mɨn ramni məkneikɨn mɨmə, “‘Pəh yarmə kɨrik tukruə mɨvəh tamhekɨn mɨvəh nehuəyen.’”
27035	ACT 2:17	“‘Kughen rɨmɨni-ta mɨmə, “Nɨpɨg Kwasɨg tukruə ipakə, Yo jakher-pre kɨn Nanmɨn Kafak tuk narmamə mɨnə fam. Kwajikovə kapəmiə mɨnə tukharkun nɨni-ərhavyen nəgkiarien kafak. Tamaruə kapəmiə mɨnə mɨne nəwharu kapəmiə mɨnə tuksəmrərhav ye nəfrakɨsien.
27043	ACT 2:25	Rəmhen kɨn nəgkiarien kɨrik yame King Deved rɨmɨni kupən. Rɨmnəgkiar iran mamni mɨmə, “‘Nɨpɨg mɨnə fam yakaməm Kughen ramarə kɨmru min. Nar kɨrik rɨrkək tukror yo yakmɨr.
27052	ACT 2:34	King Deved in rɨmɨpəh nɨvənien ye neai, mərɨg in əmə rɨmɨni nəgkiarien e mə, “‘Kughen Yermaru rɨmɨni-pən tuk Yermaru kafak mɨmə, “Ǝkwətə-pən ye kwermɨk matuk
27087	ACT 3:22	meinai Moses rɨmɨni mɨmə, “‘Kughen Yermaru tukrɨvəh-si haktə profet kɨrik kapəmiə rəmhen kɨn yo. Profet a in kɨmiə kɨrik; takasəkeikei masətərɨg huvə kɨn nəgkiarien kafan mɨsor nəkwan.
27090	ACT 3:25	Nɨrpenien yame Kughen rɨmɨni kupən tuk profet kafan mɨnə, promes a kapəmiə. Kɨmiə naksəmɨr ye promes yame Kughen rɨmɨni ta tuk kaha mɨnə kapəmiə kupən. Nəgkiarien yame Kughen rɨmɨvəhsi-pən kɨmi Ebraham mɨmə, “‘Kwənərəus kafam tukrɨvəhsi-pən nɨhuvəyen kɨmi narmamə fam ye tanɨmtanə.’
27102	ACT 4:11	Yesu a In a Nəkwəkwə kape Kughen rɨmɨni ta mɨmə, “‘Səpaag e, yame narmamə kape nəvhirəkɨnien nimə kɨmɨsarakikɨn, mərɨg Kughen rɨmnor in ruauə Səpaag huvə yame tukrəkɨr məkupən.’
27234	ACT 7:49	“‘Kughen ramni mə “Yo yakamarmaru ye neai mɨne tokrei tanə. ?Nakharkun mə taksor naha nimə yame Yo jakamarə ikɨn? ?Nakharkun mə taksor naha kwənmhan yame jakvən mapɨs ikɨn?
27464	ACT 13:33	ruɨni-ta tuk ətawə, nɨmɨkɨpriə. Rɨmnor Yesu rɨmragh mɨn ye nɨmhəyen, rəri-pən nəgkiarien ye Ol Sam japta tu yame ramni mɨmə, “‘Ik kafak kwajikovə. Yɨmɨrəh Ik e towei.’
27465	ACT 13:34	“Kughen ruɨni-ərhav ta ye Nəkwəkwə kape Kughen mɨmə tukror Yesu ramragh mɨn ye nɨmhəyen kafan, mərɨg In tukrɨpəh mɨn nɨmhəyen; nɨpran to rapəh nəmətɨtien. Kɨni mamni mɨmə, “‘Yo jakvəhsi-pre nɨhuvəyen kɨmik rəmhen kɨn yame yɨmɨrpen-ta mə jakwəhsi-pən kɨmi King Deved.’
27466	ACT 13:35	“Kɨni nəgkiarien pɨsɨn kɨrik ye Nəkwəkwə kape Kughen ramni mɨmə, “‘Ik to nakpəh nɨpəhyen mə nɨprai yemə rhakə kafam tukrəmətɨt.’
27478	ACT 13:47	Meinai Kughen Yermaru rɨmɨvəhsi-pə ta nəgkiarien kɨmi əmawə mɨmə, “‘Yɨmnor ik laet kape tanɨmtanə. Mə ik takvən mɨni-ərhav swatuk yame jakvəh mɨragh narmamə fam iran, rarkurao ye tanɨmtanə.’”
27527	ACT 15:16	“‘Kwasɨg ikɨn, Yo jakrerɨg-pə mɨn. Mor huvə rao kape narmaruyen kape King Deved e yame rɨmnaməteih kupən, ipakə əmə rəmnɨm. Rɨnahas pawk, jakrəh-si haktə, mɨrɨrpɨn, məspir, mor rəutən mɨn.
27993	ACT 28:26	“‘Yuvən mɨni-ərhav tuk narmamə mɨnə a mə yo Kughen yakamni mɨmə, “To nakasarha-kɨn mɨsarha-kɨn pawk, mərɨg to nakhapəh nɨsəmien nɨpran. Kɨmiə to naksərɨg pawk, mhapəh nharkunien.