22602	JON 1:2	“Lamuka uyende ku m'zinda ukulu wa Niniva ukaupalizire thangwe ine-pano ndabzibva kale bza kuipa bzawo.”
22603	JON 1:3	Ndipo Jona adalamuka aciyenda kuTalisisi kuthawa Mbuya. Iye adapolika ku Jopa, kumweko adakaona xitima ya m’madzi yomwe ikhafuna kuyenda ku Talisisi. Adagula thikiti acipakira kuti ayende ku Talisisiko, Mbuya aciona na maso yawo.
22605	JON 1:5	Wakubvukuta xitimayo adabva mantha, aciyamba kukuwa m’bodzi na m’bodzi acimbakumbira thandizo kuna mulungu wace. Ndipo iwo adayamba kuthusa mitolo m’madzi kuti xitimayo ilule. Tsono Jona adabuluka pantsi pa xitimayo acikagona tulo.
22606	JON 1:6	Ndipo m'kulu wa xitima adyenda kukam'bvunza Jona kuti: “Ungoneranyi muno? Lamuka, ukumbire mulungu wako! Pinango iye angatibvere ntsisi kuti tisaye kufa.
22607	JON 1:7	Iwo adapangana wentse kuti: “Mbatibwereni tione mbani wabweresa tsokali. Iwo adacita tenepoyo acifufudza ndipo adaphata Jona.
22608	JON 1:8	Pamwepo adam'bvunza kuti: “Tiwuze tsapanopa kuti thangwe lanyi taona tsokali. Uli kucitanyi muno? Ndiwe wa kuponi? Ndiwe wa m'tundu wanyi?
22609	JON 1:9	Ndipo Jona adatawira aciti: “Ndine mu Ebereu, nimbapemba Mulungu Mbuya wa kudzulu, omwe adalenga madzi ya nyanza na pantsi.”
22610	JON 1:10	Ndipo wanthuwo adabva mantha kwene-kwene acim'bvunza pomwe kuti: “Wacitiranyi bzimwebzi? Thangwe iwo akhadziwa kale kuti iye akhathawa Mbuya, omwe akhadamutuma.
22611	JON 1:11	Pamwepo, iwo adamubvunza aciti: “Tsono unfuna kuti tikucitenyi ife-pano kuti madzi ya nyanzaya yaderekhe?” Thangwe madzi ya nyanzayo yakhambabvunduka yacimbadzala pomwe.
22612	JON 1:12	Ndipo Jona adawatawira aciti: “Nditembeni mundithuse m’madzi ya nyanzaya, ndipo iyo ya n’derekha. Nakuti ine nin'dziwa kuti conzici cabwera na thangwe langu”.
22614	JON 1:14	ndipo pamwepo adayamba kupemba na kukuwa aciti: “Nandi Mbuya! Tiri kukumbirambo kuti muleke kutipha na thangwe la munthuyu. Lekani kutipasa mulandu na thangwe la infa yace, nakuti imwepo Mbuya mwacita bzomwe imwe mwatonga.”
22617	JON 2:1	Ndipo Mbuya adatumiza cintsomba cikulu kwene-kwene, kuti cimumeze Jonayo, iye adakhala ntsiku zitatu m’mimba mwacenemo.
22618	JON 2:2	Ndipo Jona adapemba m’mimba mwa cintsombamo kuna Mulungu wace,
22619	JON 2:3	aciti: “Pa kubonera kwangu, ine ndidapemba kuna Mbuya, ndipo iye adanditawira, m'kati mwa cidindi ndidakuwa ndipo mudandibva fala langu.
22620	JON 2:4	Imwepo mudandithusa panyanza, mphanvu ya madzi icindimiza, mawimbi mang'ono na makulu yacipita na padzulu pangu”.
22621	JON 2:5	Ine ndidalewa kuti: “Ndathusidwa imwe muciona , na tenepo nin'dzaiona pomwe nyumba yanu ya kucena.”
22622	JON 2:6	Madzi yadandimiza ya cifuna kundipha, m’dima udandigwanankhira, na mabonga yacindiyanga mum'solo.
22623	JON 2:7	Ine-pano ndidabuluka pantsi pakuzika pa kuyambira mapiri, mphinga za m’suwo wa infa zidandifungira pa nthawe zentse. Tsono imwepo Mbuya Mulungu mundandipulumusa moyo wangu pa infa.
22624	JON 2:8	Pomwe ndikhatsindira moyo, ine ndidakukumbukani imwepo Mbuya. Ndidakupemberani, ndipo mafala yanguyo yadafika m’nyumba mwanu mwa kucena.
22629	JON 3:2	“Lamuka uyende ku m'zinda ukulu wa Niniva ukaupalizire mafala yomwe ndakuwuzaya.”
22631	JON 3:4	Pomwe Jona adapita mum'zindamo, adafamba ntsiku yentse acimbapaliza acimbalewa kuti: “M'kati mwa ntsiku makumi manai, Niniva in'pfudzidwa.”
22634	JON 3:7	Iye adadziwisa wanthu wentse wa mu m'zindamo mu dzina lace, na la nthena zace Kuti: “Palibe munthu m’bodzi yekha omwe anidya, ayai kumwa cinthu; kudyesa na kumwesa bzifuwo, zingakhale ng'ombe ayai mbuzi.
22639	JON 4:2	Iye adapemba kuna Mbuya aciti: “Nandi Mbuya! Kodi n'psimwebzi lini bzomwe ndikhadalewa kale, pomwe ndikhali kumui?” Ndipopo ine ndikhadathabza, ndicithawa ndicikuyenda ku Talisisi. Nakuti ine-pano ndikhadziwa kale kuti iwepo ndiwe Mulungu wa kudeka m'tima, wa nsisi kwene-kwene, wa kufewa m'tima na wa kupirira pomwe, omwe umbalekerera bza kuipa.
22640	JON 4:3	Tsapano, ndiri kukumbirani Mbuya kuti mundiphe. Bziri bwino kuti ine-pano ndife kuposa kukhala na moyo.”
22641	JON 4:4	Ndipo Mbuya adamubvunza kuti: “Kodi kukalipa koku n'khwa bwino?”
22645	JON 4:8	Pomwe kudacena, Mulungu adacita dzuwa kwene-kwene, licimutentha Jona mum'solo mpaka iye acigwa cikomo. Ndipo iye adafunisisa kufa na m'tima wace wentse, acilewa kuti: “Bziri bwino kuti ine-pano ndife kuposa kukhala tenepano uno!”
22646	JON 4:9	Pamwepo Mulungu adamubvunza Jona kuti: “Kodi iwepo uli kukalipa na thangwe la m'tangayu?” Jona adatawira aciti: “Bziri bwino inde kukalipako, kuti ndife.”
22647	JON 4:10	Tsono Mbuya adalewa kuti: “Iwepo wabvera ntsisi m'tanga, omwe ulibe kuwubonerera na kuwukuza. Iwo udamera ntsiku ibodzi, mangwana yanzace uciwumiratu.
22648	JON 4:11	Niniva ni m'zinda ukulu kwene-kwene. Una wanthu bzulu dzana na makumi mawiri, omwe an'dziwa lini kuti boko la didi na la dzere ndiponi, na bzifuwo bzizinji pomwe. Ningaleke tani kuwubvera ntsisi?”
24286	MRK 1:2	Ninga mpolofiti Isaya adanemba kuti:“Mulungu adati, Ndin'dzatuma mtumiki wangu kutsogolo kwako, kuti akakondze njira yomwe iwe udzapitembo.
24287	MRK 1:3	Fala la munthu wakukuwa mthengo ali kulewa kuti, ‘Kondzani njira yakudzapitira Mbuya, thamulani miseu yomwe adzapitembo.’”
24288	MRK 1:4	N'cadidi adawoneka Juwau M'batizi kuthengo acilalika, “Sandulikani mtima, mubatizidwe. Mulungu an'dzakulekererani bzakuipa bzanu.”
24291	MRK 1:7	Akhalalika aciti: “Pambuyo pangu pakubwera winango wamphambvu kuposa ine. Wakuti ine ndine wakusaya kufunika ngakhale kukotama kutsudzula thambo za xangu zace.
24292	MRK 1:8	Ine ndakubatizani na madzi, tsono Iye an'dzakubatizani na Mzimu Wakucena.”
24295	MRK 1:11	Kudzulu kudabveka mafala yakuti: “Iwe ndiwe Mwana wangu wa pamtima. Nimbakomedwa nawe kwakukulu.”
24299	MRK 1:15	Adati: “Nthawe yakwana. Bwafika Ufumu bwa Mulungu. Sandulikani mtima. Khulupirirani Mafala Yabwino.”
24301	MRK 1:17	Adawauza Jezu: “Imwe munditewere, ndikusanduseni akhongwe wa wanthu.”
24308	MRK 1:24	“Tina ciani na Imwe, Jezu wa Nazalee? Kodi mwabwera kudzatidzonga? Ndakudziwani kuti ndimwe Wakucena wa Mulungu.”
24309	MRK 1:25	Ndipo Jezu adalamulira mzimu wakuipayo, aciti, “Khala zii, coka mwa munthuyu.”
24311	MRK 1:27	Wentse wale adadabwa kwakukulu acimbabvundzana, “Kodi bzimwebzi n'ciani? Cakupfundzisa cipsa cimweci! Ambaitonga mizimu yakuipa na mphambvu, ndipo idamubvera.”
24321	MRK 1:37	Atamugumana adamuuza kuti: “Wanthu wentse ali kukunyang'anani.”
24322	MRK 1:38	Tsono Iye adatawira kuti: “Mbatiyendeni tipite kumidzi inango pafupi na pam'pano, ndikalalike mafala kumweko. Thangwe ndibzo ndidabwerera.”
24324	MRK 1:40	Munthu winango wa mapere adabwera kwa Jezu. Adagodama acimudandaulira: “Mucifuna, mungakwanise kundilimbisa.”
24325	MRK 1:41	Jezu adamubvera ntsisi. Adatambalisa boko lace acimukhuya acilewa, “Cadidi, ndafuna, ulimbe!”
24328	MRK 1:44	kuti, “Uleke kuwuza ali-yentse bzimwebzi, tsono uyende ukabziwonese kwa azibaba wantsembe*, ukapereke ntsembe yomwe adalamula Mozeji ikakhale mboni kuti walimbadi.”
24334	MRK 2:5	Pakuwona cikhulupiriro cawo, Jezu adawuza bundukutuyo kuti, “Mwana wangu, bzakuipa bzako bzalekereredwa.”
24336	MRK 2:7	“Kodi Umweyu angalewe tani tenepo? Kunyoza lini Mulungu kumweku? Mbani angalekerere bzakuipa? Ni Mulungu yekha!”
24337	MRK 2:8	Ndipo Jezu mumzimu adadziwa kuti akhakumbuka bzimwebzi mumtima mwawo, na tenepo adawabvundza kuti, “Thangwe ranyi mun'kumbuka bzimwebzi mmitima mwanu?
24338	MRK 2:9	Cakupusa n'ciponi, kumuwuza bundukutuyu kuti, ‘Bzakuipa bzako bzalekereredwa,’ ayai, ‘Muka, tenga macira yako, uyende?’
24339	MRK 2:10	Tsono kuti mudziwe Mwana-wa-Munthu ali nayo mphambvu pantsi pano yakulekerera bzakuipa, wonani.” Ndipo adauza bundukutuyo,
24340	MRK 2:11	“Iwe, muka, tenga macira yako, uyende kumui.”
24341	MRK 2:12	Pamaso pawentse, munthu ule adamuka, acitenga macira yace acicoka. Wanthu wentse adadabwa kwene-kwene, acipasa mbiri Mulungu acimbalewa, “Cipo bzimwebzi tikanati kubziwona.”
24343	MRK 2:14	Pakufamba Jezu, adawona Levi, mwana wa Alifeu, akhadakhala pambuto ya basa la msonkho. Adamuuza aciti, “Iwe, unditewere.” Ndipo adamuka acimutewera.
24345	MRK 2:16	Pakhali amisiri wa Mtemo wa Afaliseyu ndipo adawona kuti Jezu an'kudya na wanthu wakuphonya na wanthu wakupimisa msonkho, adabvundza wakupfundzira wace kuti, “Thangwe ranyi an'kudya pabodzi na wakupimisa msonkho na wanthu wakuphonya?”
24346	MRK 2:17	Jezu adabva bzimwebzo adawatawira kuti, “Wanthu omwe mbakulimba an'nyangana lini mulapi. Wakuduwala ndiye an'nyangana mulapi! Ine ndiribe kubwera kudzacemera wanthu wakulungama, tsono ndabwera kudzacemera wakuphonya.”
24347	MRK 2:18	Tsapano wakupfundzira wa Juwau M'batizi na Afaliseyu akhabzimana kudya. Wanthu adabwera kwa Jezu acimbabvundza aciti, “Wakupfundzira wa Juwau na wakupfundzira wa Afaliseyu ambabzimana kudya. Thangwe ranyi wakupfundzira wanu ambabzimana lini?”
24348	MRK 2:19	Jezu adatawira, “Kodi andzace wa mwenekaciro msinda ya malowozi angasale kudya pomwe namwaliyo ali nawo? Bzingacitike lini! Iwo angasale lini kudya pomwe namwaliyo ali nawo.
24349	MRK 2:20	Tsono in'dzafika nthawe yomwe an'dzawacosera namwaliyo. Nthawe imweyo an'dzabzimana kudya.”
24350	MRK 2:21	“Palibe angasonere cakubvala ca kale na cigamba cipsa. Thangwe angacita tenepo, cigamba cire cimbanyothokera cicikuza mubo. Ndipo kung'ambika kwace kumbakhala kwakukulu kusiyana kale.
24351	MRK 2:22	Ndipombo munthu angathire lini vinyu ipsa mmabudu ya khanda la kale. Thangwe angacita tenepo, mabudu yambang'ambika, ndipo vinyu ire imbataika. Mabuduyo nkhumala basa. Tsono bzin'funika kuikha vinyu mmabudu yapsa.”
24353	MRK 2:24	Pamwepo Afaliseyu adabvundza Jezu kuti, “Thangwe ranyi wakupfundira wanu ali kucita bzomwe bzin'funika lini pantsiku ya malinkhuma?”
24354	MRK 2:25	Iye adatawira, “Thangwe ranyi mun'cita ninga mulibe kuwerenga bzomwe adacita David na andzace, pomwe wakhana njala?
24355	MRK 2:26	Iye adapita mnyumba ya Mulungu, panthawe yomwe Abiyatali akhali mkulu wa azibaba wa ntsembe, acikadya mkate wakuperekedwa kwa Mulungu? Na tenepo mkate umweyo ukhali wakuletsedwa kuti winango ali-wentse adye, kupambula azibaba wa ntsembe wokha. Tsono adagawirambo andzace wale omwe akhali naye.”
24356	MRK 2:27	Ndipo Jezu pakupitiriza fala, adauza Afaliseyuwo kuti, “Mulungu adaikha ntsiku ya malinkhuma kuti ikhale yakuthandiza wanthu. Alibe kulenga wanthu kuti akhale akapolo wa ntsiku ya malinkhuma.
24357	MRK 2:28	Na tenepo Mwana-wa-Munthu ana mphambvu ngakhale kwa ntsiku ya malinkhuma.”
24360	MRK 3:3	Jezu adawuza munthu wakupundaka boko ule kuti, “Ima, bwera kutsogolo kuno.”
24361	MRK 3:4	Ndipo adabvundza wanthu wale kuti, “Kodi pa ntsiku ya malikhuma cin'bvumizidwa n'ciponi? Kucita bzabwino, ayai kucita bzakuipa? Kupulumusa moyo wa munthu, ayai kuudzonga?” Wanthuwo adakhala zii.
24362	MRK 3:5	Jezu pakuo kuti wakhada wuma ndzelu mtima wace udamuwawa, pakuwona kuti akhali wanthu wamakani tenepo, ndipo adawayang'ana na ukali. Ndipo adamuwuza munthuyo kuti, “Thamula boko lako.” Iye adalithamula, ndipo boko lacero lidakhalambo bwino.
24368	MRK 3:11	Pomwe mizimu yakuipa ikamuwona ikhabzigwesa pantsi kutsogolo kwa Iye icimbakuwa kuti, “Imwe ndimwe Mwana wa Mulungu.”
24371	MRK 3:14	Pamwepo adasankhula kumi na awiri, aciwacemera dzina la kuti, “Atumiki.” Adawauza kuti, “ndasakhula imwe kuti mumbakhale na ine, ndin'dzakutumani kukalalika,
24372	MRK 3:15	dicikupasani mphambvu yakuthotha mizimu yakuipa.”
24374	MRK 3:17	Tiyagu na m'bale wace Juwau, wana wa Zebedeu (omwewo adawapasa dzina linango lakuti Aboanerje, bziri kulewa kuti “Wakugopswa ninga Wana wa Ciphaliwali”)87,
24378	MRK 3:21	Abale wace na kubva bzimwebzi, adabwera kuti adzamutenge, thangwe iwo akhati, “Ali kucita nsala.”
24379	MRK 3:22	Amisiri winango wa Mtemo, omwe adabwera kucokera ku Jerusalemu, akhalewa kuti, “Munthu omweyu waphatidwa na Belezebu*.”Akhalewa pomwe, “Mphambvu zomwe umweyu ambacosera mizimu yakuipa nzakucokera kwa mkulu wa mizimuyo.”
24380	MRK 3:23	Na tenepo Jezu adacemera wanthu kuti abwere pafupi, aciwauza na mifanilizo kuti, “Nandi Satana angabzithothe yekha?
24384	MRK 3:27	“palibe omwe angakwanise kupita mnyumba ya munthu wamphambvu acimubera bzinthu bzace akanati kum'manga. na tenepo ambatoma kum'manga acimubera bwino.
24385	MRK 3:28	“Ncadidi ndiri kulewa kuti wanthu angakwanise kulekereredwa bzakuipa bzentse, napo bzakulewa bzawo bzentse bzicikhala bzakunyoza Mulungu.
24386	MRK 3:29	Tsono ali-yentse wakunyoza Mzimu Wakucena, an'dzalekereredwa lini bzakuipa bzace bzimbakhala bza kuyenda na kuyenda thagwe ni kaidi wa bzakuipa bzakusaya kumala .”
24387	MRK 3:30	Jezu adalewa bzimwebzi pakuwona kuti wanthu wale akhalewa kuti, “Waphatidwa na mzimu wakuipa.”
24389	MRK 3:32	Wanthu azinji akhadakhala acimuzungulira. Ndipo wale adamuuza kuti, “Mai wako na abale wako ali panjapa, ali kukucemera.”
24390	MRK 3:33	Tsono Iye adati, “Mai wangu! Abale wangu! Waponi pomwe?”
24391	MRK 3:34	Pamwepo adayang'ana wanthu wale omwe akhadakhala acimuzungulira aciti, “Ine mai wangu na abale wangu mbawa.
24392	MRK 3:35	Ali-yentse omwe ancita bzomwe Mulungu an'funa, womwewo ndiwo am'bale wangu, na mai wangu.”
24395	MRK 4:3	“Tetekerani! Munthu winango adaenda ku kabzala,
24400	MRK 4:8	Ndipo mbeu inango idagwera pa mataka yabwino. Idamera bwino icikula, ndipo icibereka. inango ikhana bzisapo makumi matatu, inango makumi matanthatu, inango dzana.”
24401	MRK 4:9	Ndipo Jezu adati, “Ule ana makutu yakubva, abve!”
24403	MRK 4:11	Iye adawatawira kuti, “Imwepo Mulungu adakuzimbulirani cintsintsi ca Umambo wace. Tsono anangowo omwe ali kunja, bzentse ambandobzibvera mmifananizo yokha,
24404	MRK 4:12	kuti ‘Kuyang'ana ayang'ane, tsono acisaya kuwona cinthu, ndipo kubva abve cadidi, tsono acisaya kubva cinthu, kuti angasandulike mtima, ndipo Mulungu angadzawalekerere.’”
24405	MRK 4:13	Pambuyo pace Jezu adawabvundza kuti, “Penu imwe muli kubvesesa lini mfananizo uyu, mungabvesese tani mifananizo inango?
24412	MRK 4:20	ndipo mbeu zakubzalidwa pa mataka yabwino bziri kulewa wanthu omwe wambabva mafala ya Mulungu, waciyatambira. wacibereka bzisapo, yinango makumi matatu, yinango makumi matanthatu, yinango dzana.”
24413	MRK 4:21	Tsono Jezu adawabvundza kuti, “Kodi wanthu ambatenga lampalina acigwanankira na mtsuko, ayai kuibisa mfunfuntsi mwa talimba? Ambaikha lini padeca?
24415	MRK 4:23	Ule ana makutu yakubva, abve!”
24416	MRK 4:24	Adawauza pomwe kuti, “Mumbakhale na tcero na mafala yomwe mumbabva. [maphatidwe uncita winango] Mulungu an'dzaphatisambo basa cibodzibodzico pakuweruzambo imwepo, na tenepo kwa imwepo an'dzathimizira.
24417	MRK 4:25	Pamwepo omwe ana cinthu kale, an'dzamuthimizira cinango. Tsono omwe alibe cinthu, cing'ono comwe anaco an'dzamutengera basi.”
24421	MRK 4:29	Tsono bzisapo bzingacena, munthu ule ambatenga cisu nkhumbagwata, thangwe nthawe yakubvuna yakwana.”
24422	MRK 4:30	Jezu adabvunza pomwe, “Kodi Umambo bwa Mulungu tingaundendemeze na ciyani? Ayai tiufananize na ciyani?
24424	MRK 4:32	Tsono akaibzala, imbamera, mbeu ire icikula kuposa miti inango iri yentse. Icicita mithawi mikulu-mikulu, na tenepo mbalame zimbakwanisa kumanga bzitsa munthunzi wace.”
24427	MRK 4:35	Ntsiku imwe ire, kumaulo kwace, Jezu adauza wakupfundzira wace kuti, “Mbatiyendeni tiyambuke, tiyende nga'mbuire.”
24430	MRK 4:38	Tsono nthawe yomweyo Jezu akhali mambuyo mwa mwadiyamo, akhadagona acitsamira mtsago. Pamwepo wakupfundzira wale adam'musa, aciti, “Misiri, tinifa mulibe thupo?”
24431	MRK 4:39	Jezu adamuka, ndipo adalewa kwa mphepoyo, acilamula mabimbi kuti, “Derekha! Khala zii!” Mphepo ire idaleka cadidi, ndipo padadzakhala ziiii
24432	MRK 4:40	Pamwepo Jezu adawabvundza kuti, “Thangwe ranyi muna mantha? Kodi imwepo mundikhulupilira lini?”
24433	MRK 4:41	Tsono iwo adakhala na mantha kwene-kwene, acimbabvundzana, “Kodi Umweyu ni munthu wanyi womweyu wakuti condzi na mabimbi bzimbamubvera?”
24440	MRK 5:7	Adakuwa aciti, “Kodi ndakuputani ciyani, imwe Jezu Mwana wa Mulungu Wakudzulu- dzulu? Na dzina la Mulungu ndiri kukumbirani, lekani kundiboneresa.”
24441	MRK 5:8	akhalewa terepo thangwe Jezu akhadalewa kuti, “Mzimu wakuipawe, coka mwa munthuyu!”
24442	MRK 5:9	Tsono Jezu adamubvundza munthuyo “Dzina lako ndiwe yani?” Iye adatawira kuti, “Dzina langu ndine ‘Mthithi, ’ tiripo azinji.”
24445	MRK 5:12	Tsono mizimu yakuipa ire idakumbira Jezu iciti, “ Titumireni tipite mu nkhumba zire.”
24452	MRK 5:19	Tsono Jezu adalamba acimuuza kuti, “ iwe ndoko kumui kwanu ukalewe bzomwe Mbuya akucitira na ntsisi zace.”
24456	MRK 5:23	acimudandaulira kwene-kwene: Aciti, “Ndaphata minyendo, mwana wangu wam'kazi ali pafupi kufa. Penu mungakwanise kukam'sanzika manja kuti alimbe acikhala na moyo.”
24461	MRK 5:28	thagwe akhambakumbuka tenepa:“Ningandokukhuya bzakubvala bzace bzokha, nilimba.”
24463	MRK 5:30	Pamwepo Jezu adabva kuti mphambvu zinango zacoka. Ndipo adazungunuka aciyang'ana wanthu wale aciwabvundza kuti, “Kodi mbani wandikhuya bzakubvala bzangu?”
24464	MRK 5:31	Wakupfundzira wace adamutawira, mwekha muli kuwona kuti wanthu ali kukupsinyizani, ncadidi mungabvundze kuti, ‘Mbani wandikhuya?’
24467	MRK 5:34	Jezu adamuuza kuti, “ Mwana wangu, cikhulupiriro cako cakulimbisa. Ndoko na mtendere. watsudzuka pa matenda yako.”
24468	MRK 5:35	pomwe Jezu akhalewa-lewa, kudafika wanthu kucokera kunyumba kwa mkulu ule wa nyumba ya mapembero. kudzamuuza kuti, “Mwana wafa. thangwe lanyi mulikuwanesa pomwe Misiriwa.”
24469	MRK 5:36	Tsono Jezu alibe kubziphatisa basa bzomwe akhalewa wanthuwo.iye Adamuuza mkulu ule kuti, “Leka kugopa , iwe kukhulupirira basi.”
24472	MRK 5:39	Iye adapita, aciwabvundza kuti, “Thangwe ranyi muli kucita phiringu na kukuwa Mwanayu alibe kufa adandogona .”
24474	MRK 5:41	Ndipo adaphata boko la mwanayo acimuuza kuti, “Talita, kumi.” (Ndiko kulewa kuti, “Mtsikana-we , ndiri kukuuza kuti muka.”)
24478	MRK 6:2	Pomwe idafika ntsiku ya malinkhuma, Iye adayamba kupfundzisa mnyumba yamapemphero. Wanthu azinji omwe akhamutetekera adadabwa kwene-kwene acimbalewa kuti, “Kodi mamuna umweyu adabzipfunzdira kuponi bzentsenebzi? Udziwi bumwebu adabuwona kuponi? An'kwanisa tani kucita bzidabwiso tenepayu?
24479	MRK 6:3	Kodi omweyu ndiye lini misiri wa matabwa ule, mwana wa Maliya? Kodi abale wace ndiwo lini Tiyagu, na Zuze, na Judasi, na Sirimau? Ndiye lini omwe ana mfuma-kazi tinazozi?” Na tenepo alibe kufuna kudzadziwa pomwe bza iye .
24480	MRK 6:4	Tsono Jezu adawauza kuti, “Mpolofiti ambalemekezedwa kumbuto zinango, kupambula kumui kwawo, pakati pa abale wace, ndipombo kunyumba kwawo.”
24484	MRK 6:8	Aciwalamula kuti, “pakuenda lekani kutenga cinthu ciri-centse, kupambula mpsimbo yokha. Lekani kutenga cakudya, ayai gumbu lakufamba nalo, ayai kobiri mukabudu.
24485	MRK 6:9	mubvale xango zokha, tsono lekani kunyamula bzakubvala bziwiri.”
24486	MRK 6:10	Adawauza pomwe kuti, “Mungafika pa mui,mucitambiriwa khalani pamwepo, mmpaka nthawe yanu yakucoka ikwane
24487	MRK 6:11	Penu kumbuto kwinango wanthu an'kutambirani lini, acilamba kubva mafala yanu, pakucoka kwanu mukunkhumule pfumbi la minyendo yanu. Cimweci cin'dzakhala cizindikiro cakuti wa-na mulandu.”
24490	MRK 6:14	Mambo Herodi akhadabzibva bzimwebzi, thangwe mbiri ya Jezu likhadabveka kwentse-kwentse. Wanthu winango akhati, “Juwau M'batizi adamuka kwa wakufa, ndipopa ali kucita bzidabwiso bzentsenebzi.”
24491	MRK 6:15	Tsono winango akhati, “Ayai, omweyu ni Eliya.” winango akhati, “Uyu ni mpolofiti ninga m'bodzi wa apolofiti wakale.”
24492	MRK 6:16	Pomwe Herodi adabva bzomwebzo, adati, “Adamuka kwa wakufa ule, ni Juwau omwe ndidagwata khosi.”
24494	MRK 6:18	Ndipo Juwau akhambamuuza kuti, “Nkhuponya Mtemo kupsokhonyola m'kazi wa m'bale wanu.”
24498	MRK 6:22	Ndipo mwana wacikazi wa Herodiasi adapita, aciyamba kubzina.herodi na wakucemeredwa wale adakomedwa Kwene-kwene nakubzina kule. Pamwepo mambo adauza mtsikana ule kuti, “Undikumbire ciri-centse comwe un'funa, ine ninkupasa.”
24499	MRK 6:23	Na tenepo adalumbira aciti, “Ciri-centse comwe undikumbira, ninkupasa, ngakhale cipande ca umambo bwangu.”
24500	MRK 6:24	Mtsikanayo adacoka acikabvundza mai wace kuti, “Kodi ndikakumbire ciyani?” Mai wace adati “Kakumbire msolo wa Juwau M'batizi.”
24501	MRK 6:25	Ndipo Mtsikana ule adabwerera mwa kankulumize kwa mambo acimuuza kuti, “nifuna kuti tsapanopa mundipase msolo wa Juwau M'batizi mphande!”
24507	MRK 6:31	Jezu adawauza kuti “Mbatiyendeni kumbuto imbapita lini wanthu, kuti mukapume pang'ono.” Adalewa terepo thangwe wanthu akhali nyalu-nyalu, nakuti iwo akhalibe phata wa kuti angada'kwanisa kudya
24511	MRK 6:35	Nthawe ya kumaulo wakupfundzira wace adadzamuuza kuti, “Kuno nkhuthengo, ndipo kwadoka
24512	MRK 6:36	Auzeni wanthuwa wayende,wakadye m'mii yomwe iri pafupiyi kuti akagule cakudya.”
24513	MRK 6:37	Tsono Jezu adawauza kuti, “Imwepo apaseni cakudya.” Iwo adati, “tsono kuti wakwane wathuwa, pafunika kuti tikagule mkate wa kobiri za parata zikwanira madzana mawiri kuti tidzawadyese wentsewa!”
24514	MRK 6:38	Na tenepo Jezu adawabvundza kuti, “Muna mikate mingasi? Ndokoni mukaone.” Adayenda kukaona ndipo adati, “Iripo mikate mixanu na ntsomba ziwiri.”
24526	MRK 6:50	nakuti wentse pakumuona wadakhala na mantha. Tsono nthawe yomweyo Jezu adawauza kuti, “limbikani mtima ndine, lekani kugopa.”
24537	MRK 7:5	Na tenepo Afaliseyu na amisiri wa Mtemo wale wadabvundza Jezu kuti, “Thangwe ranyi wakupfundzira wanu ambakoya lini mtemo wa makolo, tsono ambandodya napo alibe kusamba mmanja?”
24538	MRK 7:6	Jezu adawatawira kuti, “Imwe wanthu wa ciphamaso, ncadidi bzomwe mpolofiti Isaya adalewa pa cipande caimwe,iye adanemba kuti, ‘Wanthuwa ambandondilemekeza na mulomo basi, tsono mitima yawo iri kutali na Ine.
24539	MRK 7:7	kundipemba kwawo nkhwakusaya basa, thangwe wambapfundzisa mitemo ya wanthu, ninga walikuphundzisa mitemo ya mulungu.’”
24540	MRK 7:8	Jezu adapitiriza, “Imwe mumbasiya Mtemo wa Mulungu, mucimbakoya mitemo ya wanthu.”
24541	MRK 7:9	Tsono pakupitiriza mafala, Jezu adati, “Tsono imwe muna njira yanu yakucenjera yakusiyira Mtemo wa Mulungu kuti mukoye mitemo yanu.
24542	MRK 7:10	Nakuti Mozeji adalewa kuti, ‘Lemekeza Baba wako na mai wako,’ ndipombo kuti, ‘Wakunyoza Baba wace ayai mai wace, aphewe.’
24543	MRK 7:11	Tsono imwe mumbati, ‘Munthu akawuza Baba wace ayai mai wace kuti, “Bzomwe ndingadakuthandizani nabzo ndabzipereka kuna Mulungu, ”
24544	MRK 7:12	umweyo anfunika lini pomwe kuwathandiza Baba wace na mai wace.’
24545	MRK 7:13	Na tenepo mafala ya Mulungu imwe mumbayasandusa yapezi, thangwe ra mtemo wanu omwe mumbasiyirana. Ndipo mumbacita bzinango bzizinji tenepayu.”
24546	MRK 7:14	Pambuyo pace Jezu adacemera pomwe mthithi wa wanthu ule kuti ubwere, aciti: “Tetekerani mwentsenemwe,ndipo mubvesese.
24547	MRK 7:15	bzentse bzomwe bzicoka kunja bzicipita mkati mwa munthu bzinimuswipisa lini. Tsono bzomwe bzimbacoka mwa iye ndibzo bzinimuswipisa.”
24548	MRK 7:16	[“Omwe ana makutu yakubva, abve!”]
24550	MRK 7:18	Iye adati: “Kodi na imwembo mulikukhala ninga wanango wale; muli kubvesesa lini? Kodi muli kudziwa lini kuti bzetse bzakucokera kunja, na kupita mwa munthu, bzin'kwanisa lini kumuswipisa?
24551	MRK 7:19	Thangwe bzin'pita lini mumtima mwace, tsono mmimba, pambuyo pace nkhukabzitaya ku thengo.” (Pakulewa bzimwebzi, Jezu adalamulira kuti bzakudya bzentse wanthu angakwanise kudya.)
24552	MRK 7:20	Adati pomwe, “Bzomwe dzimbaswipisa munthu nidzire bzincoka mmtima mwace.
24555	MRK 7:23	Bzakuipa bzentsenebzi bzimbacokera mkati mwa munthu, ndipo ndibzo bzimbamuswipisa.”
24559	MRK 7:27	Tsono Jezu adamutawira kuti, “ayai, alekeni wana atome adya acikhuta. Mpsabwino lini kutenga cakudya ca wana nkhuthusira tuntsidza.”
24560	MRK 7:28	Pamwepo mkazi ule adati, “Ncadidi, Mbuya, tsono tuntsidza tumbakhala pafupi na mbuto yakudyera tucimbadya tumisuwa tomwe wana ambataya.”
24561	MRK 7:29	Pamwepo Jezu adamuuza kuti, “Thangwe la matawiridwe yako , ndoko, mzimu wakuipa wacoka mwa mwana wako.”
24566	MRK 7:34	Iye adanyang'ana kudzulu, acisisimira, acimuwuza kuti, “Efata!” ndiko kulewa “Funguka!”
24568	MRK 7:36	Jezu adalumurira andzace wa munthu ule kuti, “Lekani kukawuza winango ali-yentse bzimwebzi.” Tsono napo iye akhadawaletsa, iwo adayenda acibzizimbula kwene-kwene.
24569	MRK 7:37	Ndipo wanthu wentse omwe wakhabzibva wakhadabwa kwene-kwene. waciti, “Omweyu ambacita bzentse mbzabwino. Ngakhale mkhutwi ambazilimbisa zicibva, pomwe wakusaya kulewa-lewa ambawacitisa kuti walewe-lewe.”
24571	MRK 8:2	“Ndiri kuwabvera ntsisi wanthuwa, thangwe akhala nande ntsiku zitatu ndipo alibe cakudya.
24572	MRK 8:3	Ningawabweza kwawo na njala tenepa, an'dzakomoka pa njira, thangwe winango acokera kutali.”
24573	MRK 8:4	Wakupfundzira wace adamubvundza kuti, “Wanthu azinji terepayu munthu angawanyang'anire tani cakudya cakukwanira, munthuku muno?”
24574	MRK 8:5	Jezu adawabvundza kuti, “Muna mikate mingasi?” Iwo wadatawira, “Minomwe.”
24581	MRK 8:12	Jezu adasisimira mu mtima aciti, “Thangwe ranyi wanthu wa tsapano lino wambafuna kuwona cizindikiro cakudabwisa? Ncadidi ndiri kulewa kuti palibe cizindikiro cidza citika kwa mbumba iyi.”
24584	MRK 8:15	Ndipo Jezu adawabebesa aciti, “Bvesesani mucenjere na cakutupisa ca wafaliseyu na ca Herodi.”
24585	MRK 8:16	Pamwepo wakupfundzira wale adayamba kutsutsana acimbati, “Ali kulewa bzimwebzi thangwe tiribe mkate.”
24586	MRK 8:17	Jezu adabva bzomwe iwo akhalewa. aciwabvundza kuti, “Thangwe ranyi muli kutsutsana kuti mulibe mkate? Kodi mukhanati kuzindikira ayai kubvesesa? Kodi misolo yanu njakuuma, nandi?
24588	MRK 8:19	Pale ndidagwata-gwata mikate mixanu kuti ndidyese wanthu bzulu bzixanu, kodi mudadzaza bzitundu bzingasi bza bzakusala?” Wakupfundzira wale adati, “Bzitundu khumi na bziwiri.”
24589	MRK 8:20	Jezu adawabvundza pomwe kuti, “Kodi pale ndidagwata-gwata mikate minomwe na kudyesa wanthu bzulu bzinai, mudakonkhobza bzitundu bzingasi bza bzakusala?” Iwo adati, “Bzitundu bzinomwe.”
24590	MRK 8:21	Pamwepo Jezu adati, “Kodi mukanati kubva basi?”
24592	MRK 8:23	Jezu adam'phata boko, acicoka naye kunja kwa mui. Adaikha mata mmaso mwa munthu ule, acimuikha boko acimubvundza kuti, “Kodi uli kuwona cinthu?”
24593	MRK 8:24	Munthu ule adakwiza maso acilewa, “Ndiri kuwona wanthu ali kufamba-famba, tsono wali kuwoneka ninga miti.”
24595	MRK 8:26	Jezu adamuuza kuti ayende kwawo, acimuwuza kuti, “Uleke kubwerera ku mui ule.”
24596	MRK 8:27	Jezu na wakupfundzira wace adayenda ku mii ya ku Sesaleya-Filipi. mu njira adabvundza wakupfundzira wace kuti, “Kodi wanthu ambalewa Ine ndine yani?”
24597	MRK 8:28	Iwo adatawira kuti, “Winango ambalewa ndimwe Juwau M'batizi, winango ndimwe Eliya, winangombo ambalewa ndimwe m'bodzi wa apolofita.”
24598	MRK 8:29	Pamwepo Jezu adawabvundza kuti, “Kodi imwepo, mumbati ndine yani?” Pedru adamutawira kuti, “Imwe ndimwe[kirixtu] Mpulumusi adalewedwa ule.”
24600	MRK 8:31	Jezu adayamba kupfundzisa wakupfundzira wace kuti, “Mwana-wa-Munthu bzin'dzafunika kuti aboneresedwe kwene-kwene. Akulu wa Ayuda, na akulu wa azibaba wa ntsembe na amisiri wa Mtemo wacidzamulamba. Iye an'dzaphedwa, tsono zingadzapita ntsiku zitatu an'dzamuka.”
24602	MRK 8:33	Tsono Jezu adaceuka, acinyang'ana wakupfundzira wace winango wale, ndipo adatsimula Pedru. Adati, “Coka kwa ine, iwe Satana! Ndzeru yako ndiyo lini ndzeru ya Mulungu , ni ndzeru ya wanthu.”
24603	MRK 8:34	Pambuyo pace Jezu adacemera mthithi wa wanthu pabodzi na wakupfundzira wale kuti abwere pafupi na iye, adawauza kuti, “Munthu an'funa kunditewera, abzilambe iye yekha, ndipo anyamule mtanda wace acinditewera.
24607	MRK 8:38	Nakuti aliwetse wa m'badwe wadzigololo na kuphonya uno, an'cita manyazi na Ine ndipombo na mafala yangu pamaso pa wanthu, napombo ine Mwana-wa-Munthu nin'dzacita naye manyazi pomwe nin'dzabwera pabodzi na anjo zakucena, na mbiri ya Baba wangu.”
24608	MRK 9:1	Adawauza pomwe kuti, “N'cadidi ndiri kulewa kuti alipo winango pompano omwe an'dzafa lini akanati kuwona kufika kwa Umambo bwa Mulungu na mphambvu.”
24612	MRK 9:5	Pedru adauza Jezu kuti, “Misiri, n'bzabwino kuti ife tikhale pano. Timange bzikumbi bzitatu, cibodzi canu, cinango ca Mozeji, na cinango ca Eliya.”
24614	MRK 9:7	Ndipo padafika mtambo uciwampsinkha. Mumtambomo mudabveka fala kuti:“Uyu ndiye Mwana wangu omwe nimbafuna, mum'bvere.”
24617	MRK 9:10	Iwo adakoya cintsintsi cire, acimbabvudzana okha-okha kuti:“Kumuka kwa wakufa ndiko kulewa tani?”
24618	MRK 9:11	Ndipo adambvundza aciti: “Kodi thangwe ranyi amisiri wa Mtemo ambalewa kuti Eliya an'dzakhala wakutoma kubwera?”
24619	MRK 9:12	Jezu adatawira kuti: “N'cadidi, Eliya an'dzayamba kubwera kuti adzakondze bzentse. Tsono, thangwe ranyi bzakunemba bzimbalewa kuti Mwana-wa-Munthu an'dzaboneresedwa kwene-kwene na kunyozewa?
24620	MRK 9:13	Tsono Ine ndiri kukuwuzani kuti Eliya adafika kale, ndipo wanthu winango adacita bzentse bzomwe iwo akhafuna ninga momwe Bzakunemba bzidalewera cipande ca iye.”
24623	MRK 9:16	Iye adawabvundza kuti: “Nandi muli kutsutsana ciani?”
24624	MRK 9:17	Ndipo m'bodzi wa wanthuwo adatawira kuti: “M'pfundzisi, ndakubwereserani mwana wangu wacimuna thangwe adaphatidwa na mzimu wakuipa wakumutazisa kulewa-lewa.
24625	MRK 9:18	Ndipo ukandom'phata, umbam'gwesa pantsi, aciyamba kucoka phobvu kumulomo, acimbakukuta mano, mpaka thupi gwa kuuma. Ndipo ndidakumbira wakupfundzira wanu kuti aucose, tsono adatazira.”
24626	MRK 9:19	Pamwepo Jezu adawatawira kuti, “Hu! Wanthu wakusaya cikhulupiriro! Nin'dzakhala namwe mpaka lini? Ndin'dzapirira namwe mpaka lini? ndibweresereni.”
24628	MRK 9:21	Jezu adabvundza baba wace kuti:“Bzimwebzi bzidamuyamba lini?” Baba wace adati:“Bzidamuyamba ali mwana.
24629	MRK 9:22	Mzimu umweyu umbakhala ucimbamugwesa kawiri-kawiri. Umbam'gwesa pamoto pinango mmadzi kufuna kumupha. Penu Imwe mungakwanisa, tibvereni ntsisi, tithandizeni.”
24630	MRK 9:23	Jezu adati:“Uli kuti mungakwanise, bzinthu bzentse n'bzakukwanisika kuna omwe ana cikhulupiriro.”
24631	MRK 9:24	Pamwepo baba wa mwana adakuwa [acidandaula] aciti, “Ndiri kukhulupirira. Ndithandizeni kusaya cikhulupiriro kwangu.”
24632	MRK 9:25	Pomwe Jezu adawona kuti wanthu ali kuwanda pambutoyo, adawutsimula mwa ukali mzimu wakuipayo, adati:“Iwe mzimu wakutazisa kulewa-lewa na kubva, ndiri kukuuza kuti ucoke mwa mwanayu, ndipo leka kudzapita pomwe mwa iye.”
24633	MRK 9:26	Mzimu ule udakuwa ucim'sukusa mwa mphambvu, ucicoka. Mwana ule adakhala ninga wafa, mpaka azinji akhambati, “Wafa.”
24635	MRK 9:28	Pomwe Jezu adakapita mnyumba, wakupfundzira wace adamubvundza pambali, kuti, “Ife tidatazira tani kuucosa mzimu ule?”
24636	MRK 9:29	Jezu adatawira kuti, “Mzimu wa mtundu umweyu ungacoke lini pakusaya kucita mpembo [na kubzimana kudya].”
24638	MRK 9:31	thangwe akhapfundzisa wakupfundzira wace, acimbawati:“Mwana-wa-Munthu an'dzaperekedwa kwa wanthu, ndipo an'dzamupha. Tsono angamupha, Iye an'dzamuka pomwe zingadzapita ntsiku zitatu.”