22602	JON 1:2	“Lamuka uyende ku m'zinda ukulu wa Niniva ukaupalizire thangwe ine-pano ndabzibva kale bza kuipa bzawo.”
22604	JON 1:4	Ndipo Mulungu adatumiza conzi cikulu kwene-kwene, madzi ya nyanza yadabvunduka yacicita mawimbi makulu. Ndipo xitimayo ikhadasala pang'ono kulobzika.
22610	JON 1:10	Ndipo wanthuwo adabva mantha kwene-kwene acim'bvunza pomwe kuti: “Wacitiranyi bzimwebzi? Thangwe iwo akhadziwa kale kuti iye akhathawa Mbuya, omwe akhadamutuma.
22611	JON 1:11	Pamwepo, iwo adamubvunza aciti: “Tsono unfuna kuti tikucitenyi ife-pano kuti madzi ya nyanzaya yaderekhe?” Thangwe madzi ya nyanzayo yakhambabvunduka yacimbadzala pomwe.
22613	JON 1:13	Na tenepo wabvukuti akhabvukuta kan'kulumize kuti afike kamangu ku mphepete, tsono alibe kukwanisa thangwe mawimbiyo yakhana mphanvu kwene-kwene,
22616	JON 1:16	Iwo adabva mantha kwene-kwene na Mbuya, ndipo acimuikhira ntsembe, acikhala pomwe na cikhulupiro.
22617	JON 2:1	Ndipo Mbuya adatumiza cintsomba cikulu kwene-kwene, kuti cimumeze Jonayo, iye adakhala ntsiku zitatu m’mimba mwacenemo.
22623	JON 2:7	Ine-pano ndidabuluka pantsi pakuzika pa kuyambira mapiri, mphinga za m’suwo wa infa zidandifungira pa nthawe zentse. Tsono imwepo Mbuya Mulungu mundandipulumusa moyo wangu pa infa.
22635	JON 3:8	Tsono wanthu na bzifuwo kubodzi an'dzabvala mausakala acipemba na mphanvu kuna Mulungu, acileka kucita bza kuipa bzawo, na kuleka pomwe kuphana wokha-wokha.
22639	JON 4:2	Iye adapemba kuna Mbuya aciti: “Nandi Mbuya! Kodi n'psimwebzi lini bzomwe ndikhadalewa kale, pomwe ndikhali kumui?” Ndipopo ine ndikhadathabza, ndicithawa ndicikuyenda ku Talisisi. Nakuti ine-pano ndikhadziwa kale kuti iwepo ndiwe Mulungu wa kudeka m'tima, wa nsisi kwene-kwene, wa kufewa m'tima na wa kupirira pomwe, omwe umbalekerera bza kuipa.
22640	JON 4:3	Tsapano, ndiri kukumbirani Mbuya kuti mundiphe. Bziri bwino kuti ine-pano ndife kuposa kukhala na moyo.”
22643	JON 4:6	Mbuya adameresa m'tanga, uciyanga pa ntsodzi pa cikumbi ca Jona, kuti umucitire m'thunzi, umupepese ukali bwace. Pamwepo Jona adakondwa kwene-kwene, thangwe la m'tangayo.
22645	JON 4:8	Pomwe kudacena, Mulungu adacita dzuwa kwene-kwene, licimutentha Jona mum'solo mpaka iye acigwa cikomo. Ndipo iye adafunisisa kufa na m'tima wace wentse, acilewa kuti: “Bziri bwino kuti ine-pano ndife kuposa kukhala tenepano uno!”
22648	JON 4:11	Niniva ni m'zinda ukulu kwene-kwene. Una wanthu bzulu dzana na makumi mawiri, omwe an'dziwa lini kuti boko la didi na la dzere ndiponi, na bzifuwo bzizinji pomwe. Ningaleke tani kuwubvera ntsisi?”
24310	MRK 1:26	Pamwepo mzimu wakuipa ule udamutekenyesa munthuyo kwakukulu ucikuwa kwene-kwene, ndipo udacoka.
24318	MRK 1:34	Jezu adalimbisa azinji omwe akhabonera na matenda yakusiyana-siyana, acicosa mizimu yakuipa, aciiletsa kulewa-lewa thangwe idamuzindikira.
24319	MRK 1:35	Macibese-bese kukhanati kucena, Jezu adamuka aciyenda kuthengo. Kumweko adakapembera.
24326	MRK 1:42	Panthawe ibodzi-bodziyo mapere yace yadamala, acicenesewa.
24328	MRK 1:44	kuti, “Uleke kuwuza ali-yentse bzimwebzi, tsono uyende ukabziwonese kwa azibaba wantsembe*, ukapereke ntsembe yomwe adalamula Mozeji ikakhale mboni kuti walimbadi.”
24339	MRK 2:10	Tsono kuti mudziwe Mwana-wa-Munthu ali nayo mphambvu pantsi pano yakulekerera bzakuipa, wonani.” Ndipo adauza bundukutuyo,
24341	MRK 2:12	Pamaso pawentse, munthu ule adamuka, acitenga macira yace acicoka. Wanthu wentse adadabwa kwene-kwene, acipasa mbiri Mulungu acimbalewa, “Cipo bzimwebzi tikanati kubziwona.”
24355	MRK 2:26	Iye adapita mnyumba ya Mulungu, panthawe yomwe Abiyatali akhali mkulu wa azibaba wa ntsembe, acikadya mkate wakuperekedwa kwa Mulungu? Na tenepo mkate umweyo ukhali wakuletsedwa kuti winango ali-wentse adye, kupambula azibaba wa ntsembe wokha. Tsono adagawirambo andzace wale omwe akhali naye.”
24357	MRK 2:28	Na tenepo Mwana-wa-Munthu ana mphambvu ngakhale kwa ntsiku ya malinkhuma.”
24367	MRK 3:10	Na kuona kuti akhaciza wanthu azinji, ndipopo wentse omwe akhana matenda akhambagwinyana-gwinyana pakufuna kuti am'khuye.
24381	MRK 3:24	Wanthu wa mu umambo uli-wentse angayamba kusandukirana, umambo umwewo bunipitiriza lini .
24386	MRK 3:29	Tsono ali-yentse wakunyoza Mzimu Wakucena, an'dzalekereredwa lini bzakuipa bzace bzimbakhala bza kuyenda na kuyenda thagwe ni kaidi wa bzakuipa bzakusaya kumala .”
24392	MRK 3:35	Ali-yentse omwe ancita bzomwe Mulungu an'funa, womwewo ndiwo am'bale wangu, na mai wangu.”
24409	MRK 4:17	Tsono thangwe kuti mafalayo yalibe mizi, wanthuwo ambakhala nthawe ing'ono-ng'ono yokha. ingandofika mphica ayai matsautso thangwe ra mafala yale, nthawe yomweyo wanthuwo ambabwerera mmbuyo.
24411	MRK 4:19	Tsono kufuna-funa bza pantsi-pano, kufunisisa nthaka na kusirira bzinthu bzinango bzizinji bzimbapitambo nkhusayisa mphambvu mafala yale, na tenepo yambadzabereka lini bzisapo.
24414	MRK 4:22	Na tenepo ciri-centse cakubisika cin'dzaoneka, pomwe ciri-centse ca kabise-bise bzin'dzazimbuka padeca.
24420	MRK 4:28	Pamwepo mataka yambaberekesa pomwe mbeu ire yokha-yokha. ambayamba ni nyakamera, zicibwera ngala-ngala, pambuyo pace bzisapo mungala-ngala mule bzimbakhuma.
24423	MRK 4:31	Udakhala ninga mbeu ya mtowe. Ingabzaliwa njing'ono kwene-kwene kuposa mbeu zinango pantsi pano.
24424	MRK 4:32	Tsono akaibzala, imbamera, mbeu ire icikula kuposa miti inango iri yentse. Icicita mithawi mikulu-mikulu, na tenepo mbalame zimbakwanisa kumanga bzitsa munthunzi wace.”
24433	MRK 4:41	Tsono iwo adakhala na mantha kwene-kwene, acimbabvundzana, “Kodi Umweyu ni munthu wanyi womweyu wakuti condzi na mabimbi bzimbamubvera?”
24440	MRK 5:7	Adakuwa aciti, “Kodi ndakuputani ciyani, imwe Jezu Mwana wa Mulungu Wakudzulu- dzulu? Na dzina la Mulungu ndiri kukumbirani, lekani kundiboneresa.”
24456	MRK 5:23	acimudandaulira kwene-kwene: Aciti, “Ndaphata minyendo, mwana wangu wam'kazi ali pafupi kufa. Penu mungakwanise kukam'sanzika manja kuti alimbe acikhala na moyo.”
24465	MRK 5:32	Tsono Jezu adayang'ana-yang'ana m'mphepete kuti aone omwe wacita bzomwe bzire.
24468	MRK 5:35	pomwe Jezu akhalewa-lewa, kudafika wanthu kucokera kunyumba kwa mkulu ule wa nyumba ya mapembero. kudzamuuza kuti, “Mwana wafa. thangwe lanyi mulikuwanesa pomwe Misiriwa.”
24474	MRK 5:41	Ndipo adaphata boko la mwanayo acimuuza kuti, “Talita, kumi.” (Ndiko kulewa kuti, “Mtsikana-we , ndiri kukuuza kuti muka.”)
24475	MRK 5:42	mthawe ibodzi-bodziyo mtsikanayo adamukadi, aciyamba kufamba. iye akhana magole khumi na mawiri. Pamwepo wanthu wale adadabwa kwene-kwene.
24476	MRK 5:43	Tsono Jezu adawalamula mwa mphambvu kuti bzimwebzi winango ali-yentse aleke kubzidziwa. aciwauza kuti am'pase cakudya mtsikana ule.
24478	MRK 6:2	Pomwe idafika ntsiku ya malinkhuma, Iye adayamba kupfundzisa mnyumba yamapemphero. Wanthu azinji omwe akhamutetekera adadabwa kwene-kwene acimbalewa kuti, “Kodi mamuna umweyu adabzipfunzdira kuponi bzentsenebzi? Udziwi bumwebu adabuwona kuponi? An'kwanisa tani kucita bzidabwiso tenepayu?
24479	MRK 6:3	Kodi omweyu ndiye lini misiri wa matabwa ule, mwana wa Maliya? Kodi abale wace ndiwo lini Tiyagu, na Zuze, na Judasi, na Sirimau? Ndiye lini omwe ana mfuma-kazi tinazozi?” Na tenepo alibe kufuna kudzadziwa pomwe bza iye .
24481	MRK 6:5	Na tenepo angadacita lini bzidabwiso kumweko. Adandosanzika manja kwa wakuduwala ang'ono-ng'ono, aciwalimbisa.
24483	MRK 6:7	Jezu adacemera wakupfundzira wace khumi na awiri aciwatuma awiri-awiri. Aciwapasa mphambvu yakucosera mizimu yakuipa
24484	MRK 6:8	Aciwalamula kuti, “pakuenda lekani kutenga cinthu ciri-centse, kupambula mpsimbo yokha. Lekani kutenga cakudya, ayai gumbu lakufamba nalo, ayai kobiri mukabudu.
24487	MRK 6:11	Penu kumbuto kwinango wanthu an'kutambirani lini, acilamba kubva mafala yanu, pakucoka kwanu mukunkhumule pfumbi la minyendo yanu. Cimweci cin'dzakhala cizindikiro cakuti wa-na mulandu.”
24490	MRK 6:14	Mambo Herodi akhadabzibva bzimwebzi, thangwe mbiri ya Jezu likhadabveka kwentse-kwentse. Wanthu winango akhati, “Juwau M'batizi adamuka kwa wakufa, ndipopa ali kucita bzidabwiso bzentsenebzi.”
24497	MRK 6:21	Tsono pa ntsiku yakukondwerera kubadwa kwa Herodi, Herodiasi adawona mphata. Herodi ule adakondza uzokoto, acicemera akulu-akulu wa Boma, na akulu wakutonga acikunda, na atongi wa ku Galileya.
24498	MRK 6:22	Ndipo mwana wacikazi wa Herodiasi adapita, aciyamba kubzina.herodi na wakucemeredwa wale adakomedwa Kwene-kwene nakubzina kule. Pamwepo mambo adauza mtsikana ule kuti, “Undikumbire ciri-centse comwe un'funa, ine ninkupasa.”
24499	MRK 6:23	Na tenepo adalumbira aciti, “Ciri-centse comwe undikumbira, ninkupasa, ngakhale cipande ca umambo bwangu.”
24502	MRK 6:26	Na tenepo mambo Herodi adabva ntsisi kwene-kwene. Tsono thangwe ra kulumbira komwe akhadacita patsogolo pa wakucemeredwa, mambo akhafuna lini kupfudza cipangano comwe adacita na mtsikana ule.
24507	MRK 6:31	Jezu adawauza kuti “Mbatiyendeni kumbuto imbapita lini wanthu, kuti mukapume pang'ono.” Adalewa terepo thangwe wanthu akhali nyalu-nyalu, nakuti iwo akhalibe phata wa kuti angada'kwanisa kudya
24515	MRK 6:39	Ndipo Jezu adawawuza kuti, wentse wakhale pantsi kabugwe-kabugwe pakapinga.
24517	MRK 6:41	Jezu adatenga mikate mixanu ire na ntsomba ziwiri zire, aciyang'ana kudzulu, acitenda Mulungu. Tsapano adayamba kugwata-gwata mikate ire,na ntsomba ziwiri acinjedza-njedza acipereka kwa wakupfundzira wace kuti wagawire wanthu wale.
24532	MRK 6:56	Kuli-kwentse komwe Jezu akhayenda, ku mii na ku mizinda, wanthu akhadzakhazika wakudwala mmisika. Acimukumbira kuti abvumize wakuduwalayo kuphata ayai kondomukhuya bzakubvala bzace. Nakuti wentse omwe akhakhuya, akhalimba.
24558	MRK 7:26	Mkaziyo akhali wakunja, wa dziko la Siro-Fenisiya. Adakumbira Jezu kuti akacose mzimu wakuipa kwa mwana wace.
24567	MRK 7:35	makutu ya munthu ule adafunguka, pamwepo lirime lace lidatsudzuka, aciyamba kulewa-lewa bwino
24568	MRK 7:36	Jezu adalumurira andzace wa munthu ule kuti, “Lekani kukawuza winango ali-yentse bzimwebzi.” Tsono napo iye akhadawaletsa, iwo adayenda acibzizimbula kwene-kwene.
24569	MRK 7:37	Ndipo wanthu wentse omwe wakhabzibva wakhadabwa kwene-kwene. waciti, “Omweyu ambacita bzentse mbzabwino. Ngakhale mkhutwi ambazilimbisa zicibva, pomwe wakusaya kulewa-lewa ambawacitisa kuti walewe-lewe.”
24576	MRK 8:7	Akhana tuntsomba pomwe tung'ono-ng'ono. Jezu adatenda Mulungu, acilamula wakupfundzira wace kuti agawire mbumba ire.
24578	MRK 8:9	Wanthu omwe akhali pamwepo, amuna okha akhali pafupi-fupi bzulu bzinai. Jezu adadzauza mbumba kuti iyende.
24588	MRK 8:19	Pale ndidagwata-gwata mikate mixanu kuti ndidyese wanthu bzulu bzixanu, kodi mudadzaza bzitundu bzingasi bza bzakusala?” Wakupfundzira wale adati, “Bzitundu khumi na bziwiri.”
24589	MRK 8:20	Jezu adawabvundza pomwe kuti, “Kodi pale ndidagwata-gwata mikate minomwe na kudyesa wanthu bzulu bzinai, mudakonkhobza bzitundu bzingasi bza bzakusala?” Iwo adati, “Bzitundu bzinomwe.”
24593	MRK 8:24	Munthu ule adakwiza maso acilewa, “Ndiri kuwona wanthu ali kufamba-famba, tsono wali kuwoneka ninga miti.”
24594	MRK 8:25	Adamuikha pomwe boko mmaso mwace. ndipo adapenya acipora , aciyamba kuwona bwino-bwino
24596	MRK 8:27	Jezu na wakupfundzira wace adayenda ku mii ya ku Sesaleya-Filipi. mu njira adabvundza wakupfundzira wace kuti, “Kodi wanthu ambalewa Ine ndine yani?”
24599	MRK 8:30	Tsono Jezu adawalamula kuti waleke kuwuza munthu winango ali-yentse bza Iye.
24600	MRK 8:31	Jezu adayamba kupfundzisa wakupfundzira wace kuti, “Mwana-wa-Munthu bzin'dzafunika kuti aboneresedwe kwene-kwene. Akulu wa Ayuda, na akulu wa azibaba wa ntsembe na amisiri wa Mtemo wacidzamulamba. Iye an'dzaphedwa, tsono zingadzapita ntsiku zitatu an'dzamuka.”
24607	MRK 8:38	Nakuti aliwetse wa m'badwe wadzigololo na kuphonya uno, an'cita manyazi na Ine ndipombo na mafala yangu pamaso pa wanthu, napombo ine Mwana-wa-Munthu nin'dzacita naye manyazi pomwe nin'dzabwera pabodzi na anjo zakucena, na mbiri ya Baba wangu.”
24610	MRK 9:3	Bzakubvala bzace bzidasanduka bzicena, bziciyetima kuti mbe, kuposa momwe wakufula ali-yentse pa dziko angadacenesera.
24613	MRK 9:6	Akhalewa tenepo thangwe iye akhadziwa lini cakulewa sabwa iwo adabva mantha kwene-kwene.
24615	MRK 9:8	Mwa cisututu, wakupfundzira wale pomwe adanyang'ana-nyang'ana, alibe kuwona wina, adandowona Jezu yekha.
24616	MRK 9:9	Pomwe wakhabuluka m'phiri, Jezu adawaletsa kuti aleke kuwuza winango bzomwe adawona, mpaka Mwana-wa-Munthu amuke kwa wakufa.
24617	MRK 9:10	Iwo adakoya cintsintsi cire, acimbabvudzana okha-okha kuti:“Kumuka kwa wakufa ndiko kulewa tani?”
24619	MRK 9:12	Jezu adatawira kuti: “N'cadidi, Eliya an'dzayamba kubwera kuti adzakondze bzentse. Tsono, thangwe ranyi bzakunemba bzimbalewa kuti Mwana-wa-Munthu an'dzaboneresedwa kwene-kwene na kunyozewa?
24622	MRK 9:15	Pomwe wanthu wentsenewo adawona Jezu, adadabwa kwene-kwene, ndipo adam'thamangira kukam'musa.
24624	MRK 9:17	Ndipo m'bodzi wa wanthuwo adatawira kuti: “M'pfundzisi, ndakubwereserani mwana wangu wacimuna thangwe adaphatidwa na mzimu wakuipa wakumutazisa kulewa-lewa.
24629	MRK 9:22	Mzimu umweyu umbakhala ucimbamugwesa kawiri-kawiri. Umbam'gwesa pamoto pinango mmadzi kufuna kumupha. Penu Imwe mungakwanisa, tibvereni ntsisi, tithandizeni.”
24632	MRK 9:25	Pomwe Jezu adawona kuti wanthu ali kuwanda pambutoyo, adawutsimula mwa ukali mzimu wakuipayo, adati:“Iwe mzimu wakutazisa kulewa-lewa na kubva, ndiri kukuuza kuti ucoke mwa mwanayu, ndipo leka kudzapita pomwe mwa iye.”
24638	MRK 9:31	thangwe akhapfundzisa wakupfundzira wace, acimbawati:“Mwana-wa-Munthu an'dzaperekedwa kwa wanthu, ndipo an'dzamupha. Tsono angamupha, Iye an'dzamuka pomwe zingadzapita ntsiku zitatu.”
24644	MRK 9:37	“Ali-yentse an'tambira mwana ninga uyu thangwe ra Ine, ali kutambira Ine, Ndipo wakutambira Ine, ali kutambira ine na omwe adandituma.”
24669	MRK 10:12	Bzibodzi-bodzimbo m'kazi angalamba mwamuna wace, acikalowodwa na munango, na iyembo ali kucita upombo.”
24683	MRK 10:26	Pamwepo wakupfundzira adadabwa kwene-kwene acibvundzana kuti:“Kodi angapulumuke mbani?”
24687	MRK 10:30	umweyo pantsi pano an'dzatambira bzentse bzakuwanda kwene-kwene kusiyana na kale: nyumba, abale, mpfumakazi, mai, wana, minda, ndipombo matsautso. Ndipo kutsogolo an'dzatambira moyo wakusaya kumala.
24690	MRK 10:33	Adati:“Tiri paulendo wa kuJerusalemu. Kumweko Mwana-wa-Munthu ali kukaperekedwa kwa akulu wa azibaba wa ntsembe na apfundzisi wa mtemo. Iwo an'kamutonga na kupasa nyathwa kuti aphedwe. Ndipo an'kamupereka kwa wanthu wakunja.
24697	MRK 10:40	Tsono Ine ni utongi lini bwangu kuikha munthu kuboko ladidi ayai lamadzere. Mulungu ndiye adakondza mbutozo an'dzapasa ali-yentse omwe iye an'funa.”
24699	MRK 10:42	Ndipo Jezu adawacemera kuti abwere pafupi na iye, adati: “Mun'dziwa kuti atongi wa madziko ambayakunda. Akulu-akulu wawombo ambawonesa mphambvu zawo kwa wanthu wawo.
24702	MRK 10:45	Thangwe Mwana-wa-Munthu: alibe kubwera kuti adzatumikiridwe tsono kuti Iye adzatumikire wanthu na kupereka moyo wace kuti alombole azinji.”
24703	MRK 10:46	Ndipo atafika mumzinda wa Jeriko. Pomwe akhacoka mumzinda ule na wakupfundzira wace, pabodzi na mthithi wa wanthu, adagumana zimola m'bodzi wakukumbira-kumbira akhadakhala mphepete mwa njira. Munthuyo dzina lace akhacemeredwa Batolomeu, mwana wa Timeu.
24709	MRK 10:52	Jezu adamuwuza kuti: “Ndoko, cikhulupiriro cako cakulimbisa.” Nthawe ibodzi-bodziyo adayamba kuwona, ndipo adatewera Jezu panjira.
24720	MRK 11:11	Ndipo Jezu adapita muJerusalemu, acikapita muNyumba ya Mulungu. Pakuti yakhali kale maulo, adanyang'ana-nyang'ana bzentse ndipo adacoka aciyenda kuBetaniya pabodzi na wakupfundzira wace khumi na awiri.
24723	MRK 11:14	Pamwepo adawuza mutiyo kuti:“Muti iwe, kuyambira lero, cipo winango ali-yentse an'dzadya lini bzisapo bzako.” Ndipo wakupfundzira wace adabva bzimwebzo.
24725	MRK 11:16	Akhabvumiza lini ali-yentse agwate na pacinthalo ca Nyumba ya Mulungu adanyamula cinthu.
24747	MRK 12:5	Ndipo mwenekaciro ule adatuma wabasa winango iwo adamupha. Adacita bzibodzi-bodzi na wabasa azinji, winango adawamenya aciwapweteka, wina adawapha.
24763	MRK 12:21	Waciwiri adapita nthaka, na iyembo adafa ne kusiya mwana. Bzibodzi-bodzi, bzidacitika kuna wacitatu.
24779	MRK 12:37	David caiye, ambacemera krixtu kuti, Mbuya. Angakhale tani mwana wace?” Wanthu azinji akhatetekera na kukomedwa kwene-kwene pakubva mafala yace.
24782	MRK 12:40	Ndipo ambawadyera nthaka za amansiwa, acimbacita mapembero matali-matali mwakunamiza. Wanthu omwewo andzapasidwa nyathwa ikulu.”
24788	MRK 13:2	Jezu adamuwuza kuti, “Kodi muli kuziwona nyumba zikulu-zikuluzi? Pan'dzasala lini mwala padzaulu pamwala undzace: yentse in'dzagumulidwa.”
24791	MRK 13:5	Pamwepo Jezu adawawuza kuti, “Cenjerani kuti wina ali-yentse aleke kukupumpsani.