22601 | JON 1:1 | Ntsiku ibodzi Mbuya adawuza Jona mwana wa Amitai aciti: |
22603 | JON 1:3 | Ndipo Jona adalamuka aciyenda kuTalisisi kuthawa Mbuya. Iye adapolika ku Jopa, kumweko adakaona xitima ya m’madzi yomwe ikhafuna kuyenda ku Talisisi. Adagula thikiti acipakira kuti ayende ku Talisisiko, Mbuya aciona na maso yawo. |
24289 | MRK 1:5 | Akhabwera kwa iye wanthu wakucokera kumbali zentse za Judeya na Jerusalemu. Iwo akhazimbula bzakuipa bzawo, Juwau akhawabatiza mumkulo wa Jorodau. |
24291 | MRK 1:7 | Akhalalika aciti: “Pambuyo pangu pakubwera winango wamphambvu kuposa ine. Wakuti ine ndine wakusaya kufunika ngakhale kukotama kutsudzula thambo za xangu zace. |
24297 | MRK 1:13 | Adakhala kumweko ntsiku makumi manai. Sathani adamuyeza. Bzikhalipombo bzirombo bza mthengo. Tsono anjo zikhamutumikira. |
24298 | MRK 1:14 | Ataikhidwa kaidi Juwau, Jezu adayenda kuGalileya acilalika Mafala yabwino yakulewa bza Mulungu. |
24299 | MRK 1:15 | Adati: “Nthawe yakwana. Bwafika Ufumu bwa Mulungu. Sandulikani mtima. Khulupirirani Mafala Yabwino.” |
24300 | MRK 1:16 | Pakuyenda mmphephete mwa thawale la Galileya, Jezu adawona wanthu awiri, Sirimau na m'bale wace Andereya, akhatheya bwazi mmadzi, thangwe akhali akhongwe. |
24301 | MRK 1:17 | Adawauza Jezu: “Imwe munditewere, ndikusanduseni akhongwe wa wanthu.” |
24302 | MRK 1:18 | Adasiyeratu mabwaziyo ndipo adamutewera. |
24303 | MRK 1:19 | Atafamba pang'ono, adawona Tiyagu na Juwau, wana wa Zebedeu, omwe akhali mmwadiya kukondza mabwazi. |
24305 | MRK 1:21 | Adayenda wentse kuKafernau. Yatafika ntsiku ya malinkhuma, Jezu adayenda mnyumba ya mapembero, acipfundzisa. |
24307 | MRK 1:23 | Nthawe pang'ono adawoneka mnyumba ya mapemberomo munthu wakuphatidwa na mzimu wakuipa. Adalewa na kukuwa aciti: |
24311 | MRK 1:27 | Wentse wale adadabwa kwakukulu acimbabvundzana, “Kodi bzimwebzi n'ciani? Cakupfundzisa cipsa cimweci! Ambaitonga mizimu yakuipa na mphambvu, ndipo idamubvera.” |
24313 | MRK 1:29 | Pambuyo pace Jezu adacoka kunyumba ya mapembero kule, adayenda kunyumba ya Sirimau na Andereya pabodzi na Tiyagu na Juwau . |
24321 | MRK 1:37 | Atamugumana adamuuza kuti: “Wanthu wentse ali kukunyang'anani.” |
24324 | MRK 1:40 | Munthu winango wa mapere adabwera kwa Jezu. Adagodama acimudandaulira: “Mucifuna, mungakwanise kundilimbisa.” |
24325 | MRK 1:41 | Jezu adamubvera ntsisi. Adatambalisa boko lace acimukhuya acilewa, “Cadidi, ndafuna, ulimbe!” |
24329 | MRK 1:45 | Adandocoka pamwepo, munthuyo adayamba kumbazimbula bzentse na kumwaza nkhani. Na tenepo bzikhafunika lini kuti Jezu awoneke padeca mmizinda mwentse tsono akhakhala kuthengo. Ndipo wanthu akhambayenda kwa Iye kucokera mbuto na mbuto. |
24331 | MRK 2:2 | Azinji adagumana mnyumbamo. Ndipo angakhale na pamsuwo pakhalibe mbuto yakupitira. Jezu, pakulewa mafala ya Mulungu. |
24333 | MRK 2:4 | Alibe kufika pafupi na Jezu thangwe ra mthithi wa wanthu. Adakwira pantsodzi ya nyumba, acinyasula ntsodziyo kulinganiza pakhana Jezu. Ndipo adamubulusa bundukutu ule pamacira. |
24343 | MRK 2:14 | Pakufamba Jezu, adawona Levi, mwana wa Alifeu, akhadakhala pambuto ya basa la msonkho. Adamuuza aciti, “Iwe, unditewere.” Ndipo adamuka acimutewera. |
24344 | MRK 2:15 | Pomwe Jezu akhadya mnyumba mwa Levi, pakhana wanthu azinji wakupimisa msonkho na wanthu wakuphonya. Akhadya na Jezuyo pabodzi na wakupfundzira wace. Thangwe akhalipo azinji wa iwo omwe akhatewera iye. |
24345 | MRK 2:16 | Pakhali amisiri wa Mtemo wa Afaliseyu ndipo adawona kuti Jezu an'kudya na wanthu wakuphonya na wanthu wakupimisa msonkho, adabvundza wakupfundzira wace kuti, “Thangwe ranyi an'kudya pabodzi na wakupimisa msonkho na wanthu wakuphonya?” |
24347 | MRK 2:18 | Tsapano wakupfundzira wa Juwau M'batizi na Afaliseyu akhabzimana kudya. Wanthu adabwera kwa Jezu acimbabvundza aciti, “Wakupfundzira wa Juwau na wakupfundzira wa Afaliseyu ambabzimana kudya. Thangwe ranyi wakupfundzira wanu ambabzimana lini?” |
24352 | MRK 2:23 | Pantsiku inango ya malinkhuma, Jezu akhapita mminda ya tirigu. Akhayenda tenepo, wakupfundzira wace adayamba kucosa ngala za tirigu acimbadya. |
24353 | MRK 2:24 | Pamwepo Afaliseyu adabvundza Jezu kuti, “Thangwe ranyi wakupfundira wanu ali kucita bzomwe bzin'funika lini pantsiku ya malinkhuma?” |
24355 | MRK 2:26 | Iye adapita mnyumba ya Mulungu, panthawe yomwe Abiyatali akhali mkulu wa azibaba wa ntsembe, acikadya mkate wakuperekedwa kwa Mulungu? Na tenepo mkate umweyo ukhali wakuletsedwa kuti winango ali-wentse adye, kupambula azibaba wa ntsembe wokha. Tsono adagawirambo andzace wale omwe akhali naye.” |
24356 | MRK 2:27 | Ndipo Jezu pakupitiriza fala, adauza Afaliseyuwo kuti, “Mulungu adaikha ntsiku ya malinkhuma kuti ikhale yakuthandiza wanthu. Alibe kulenga wanthu kuti akhale akapolo wa ntsiku ya malinkhuma. |
24363 | MRK 3:6 | Pamwepo Afaliseyeu wale adacoka adakagumanizana na wanthu wa phati ra Herodi, kuti apangane njira yakuphera Jezu. |
24371 | MRK 3:14 | Pamwepo adasankhula kumi na awiri, aciwacemera dzina la kuti, “Atumiki.” Adawauza kuti, “ndasakhula imwe kuti mumbakhale na ine, ndin'dzakutumani kukalalika, |
24374 | MRK 3:17 | Tiyagu na m'bale wace Juwau, wana wa Zebedeu (omwewo adawapasa dzina linango lakuti Aboanerje, bziri kulewa kuti “Wakugopswa ninga Wana wa Ciphaliwali”)87, |
24375 | MRK 3:18 | Andereya, Filipe, Bartolomeyu, Mateyu, Tomasi, Tiyagu (mwana wa Alifeu), Tadeyu, Sirimau (wa phati landale la Azelote,) |
24378 | MRK 3:21 | Abale wace na kubva bzimwebzi, adabwera kuti adzamutenge, thangwe iwo akhati, “Ali kucita nsala.” |
24379 | MRK 3:22 | Amisiri winango wa Mtemo, omwe adabwera kucokera ku Jerusalemu, akhalewa kuti, “Munthu omweyu waphatidwa na Belezebu*.”Akhalewa pomwe, “Mphambvu zomwe umweyu ambacosera mizimu yakuipa nzakucokera kwa mkulu wa mizimuyo.” |
24388 | MRK 3:31 | Mai na abale wace Jezu adabwera kumuiko. Adaima panja, adatuma wanthu kuti akamucemere. |
24390 | MRK 3:33 | Tsono Iye adati, “Mai wangu! Abale wangu! Waponi pomwe?” |
24392 | MRK 3:35 | Ali-yentse omwe ancita bzomwe Mulungu an'funa, womwewo ndiwo am'bale wangu, na mai wangu.” |
24413 | MRK 4:21 | Tsono Jezu adawabvundza kuti, “Kodi wanthu ambatenga lampalina acigwanankira na mtsuko, ayai kuibisa mfunfuntsi mwa talimba? Ambaikha lini padeca? |
24416 | MRK 4:24 | Adawauza pomwe kuti, “Mumbakhale na tcero na mafala yomwe mumbabva. [maphatidwe uncita winango] Mulungu an'dzaphatisambo basa cibodzibodzico pakuweruzambo imwepo, na tenepo kwa imwepo an'dzathimizira. |
24422 | MRK 4:30 | Jezu adabvunza pomwe, “Kodi Umambo bwa Mulungu tingaundendemeze na ciyani? Ayai tiufananize na ciyani? |
24440 | MRK 5:7 | Adakuwa aciti, “Kodi ndakuputani ciyani, imwe Jezu Mwana wa Mulungu Wakudzulu- dzulu? Na dzina la Mulungu ndiri kukumbirani, lekani kundiboneresa.” |
24447 | MRK 5:14 | Amakabusa wazene adathawa, acikauza wanthu mu mzinda na mii. Pamwepo wanthu wale adacoka kuti akaone bzomwe bzidacitika. |
24448 | MRK 5:15 | Atafika komwe kukhana Jezu, adaona munthu akhana mizimu yakuipa ule akhadakhala pantsi, akhadabvala, nsala ule ukhadamala, Wanthuwo akhabva mantha. |
24456 | MRK 5:23 | acimudandaulira kwene-kwene: Aciti, “Ndaphata minyendo, mwana wangu wam'kazi ali pafupi kufa. Penu mungakwanise kukam'sanzika manja kuti alimbe acikhala na moyo.” |
24466 | MRK 5:33 | Na tenepo mkazi ule adabva mantha aciyamba kutetemera, thangwe akhadziwa bzomwe bzikhadacitika kwa iye. Adabwera pafupi, acidzigwesera kutsogolo kwa Jezu, acimufokotozera bzentse mwa cadidi. |
24469 | MRK 5:36 | Tsono Jezu alibe kubziphatisa basa bzomwe akhalewa wanthuwo.iye Adamuuza mkulu ule kuti, “Leka kugopa , iwe kukhulupirira basi.” |
24478 | MRK 6:2 | Pomwe idafika ntsiku ya malinkhuma, Iye adayamba kupfundzisa mnyumba yamapemphero. Wanthu azinji omwe akhamutetekera adadabwa kwene-kwene acimbalewa kuti, “Kodi mamuna umweyu adabzipfunzdira kuponi bzentsenebzi? Udziwi bumwebu adabuwona kuponi? An'kwanisa tani kucita bzidabwiso tenepayu? |
24481 | MRK 6:5 | Na tenepo angadacita lini bzidabwiso kumweko. Adandosanzika manja kwa wakuduwala ang'ono-ng'ono, aciwalimbisa. |
24483 | MRK 6:7 | Jezu adacemera wakupfundzira wace khumi na awiri aciwatuma awiri-awiri. Aciwapasa mphambvu yakucosera mizimu yakuipa |
24484 | MRK 6:8 | Aciwalamula kuti, “pakuenda lekani kutenga cinthu ciri-centse, kupambula mpsimbo yokha. Lekani kutenga cakudya, ayai gumbu lakufamba nalo, ayai kobiri mukabudu. |
24486 | MRK 6:10 | Adawauza pomwe kuti, “Mungafika pa mui,mucitambiriwa khalani pamwepo, mmpaka nthawe yanu yakucoka ikwane |
24489 | MRK 6:13 | Akhacosa mizimu yakuipa mizinji, ndipombo acimbadzoza mafuta wanthu wakudwala azinji acimbawalimbisa. |
24491 | MRK 6:15 | Tsono winango akhati, “Ayai, omweyu ni Eliya.” winango akhati, “Uyu ni mpolofiti ninga m'bodzi wa apolofiti wakale.” |
24492 | MRK 6:16 | Pomwe Herodi adabva bzomwebzo, adati, “Adamuka kwa wakufa ule, ni Juwau omwe ndidagwata khosi.” |
24493 | MRK 6:17 | Thangwe Herodiyo kale adatuma acikunda wace kuti akam'phate Juwau, akam'mange acithusa m'kaidi. Adacita bzimwebzire thangwe ra Herodiasi, m'kazi wa Filipe, m'bale wace. na kuti Herodi akhadamulowola m'kaziyo. |
24496 | MRK 6:20 | thangwe Herodi akhambamgopa Juwau, pakudziwa kuti akhali munthu wakulungama acilungama. ndipopo akhamkoya bwino. Akhafuna kumbabva mafala yace, ngakhale kuti akumubva tenepo, akhamala ndzeru naye. |
24504 | MRK 6:28 | Adauikha mphande acidzaupereka kwa mtsikana ule, mtsikanayo nkhukauperekambo kwa mai wace. |
24506 | MRK 6:30 | Atumiki adabwerera kwa Jezu acimufotokozera bzentse bzomwe adacita na kupfundzisidwa. |
24507 | MRK 6:31 | Jezu adawauza kuti “Mbatiyendeni kumbuto imbapita lini wanthu, kuti mukapume pang'ono.” Adalewa terepo thangwe wanthu akhali nyalu-nyalu, nakuti iwo akhalibe phata wa kuti angada'kwanisa kudya |
24510 | MRK 6:34 | Pamwe Jezu adacoka mmwadiya, adaona mthithi ukulu wa wanthu. Adawabvera ntsisi, thangwe wakhali ninga mabira yakusaya makabusa, na tenepo adayamba kuwapfundzisa bzizinji. |
24512 | MRK 6:36 | Auzeni wanthuwa wayende,wakadye m'mii yomwe iri pafupiyi kuti akagule cakudya.” |
24514 | MRK 6:38 | Na tenepo Jezu adawabvundza kuti, “Muna mikate mingasi? Ndokoni mukaone.” Adayenda kukaona ndipo adati, “Iripo mikate mixanu na ntsomba ziwiri.” |
24532 | MRK 6:56 | Kuli-kwentse komwe Jezu akhayenda, ku mii na ku mizinda, wanthu akhadzakhazika wakudwala mmisika. Acimukumbira kuti abvumize wakuduwalayo kuphata ayai kondomukhuya bzakubvala bzace. Nakuti wentse omwe akhakhuya, akhalimba. |
24533 | MRK 7:1 | Afaliseyu winango pabodzi na apfundzisi winango wa Mtemo, omwe adacokera ku Jerusalemu, adasonkhana m'uphepete mwa Jezu. |
24535 | MRK 7:3 | Thangwe Afaliseyu na Ajuda wentse ambadya lini alibe kusamba mmanja na tcero, kuti akoye mtemo wa makolo. |
24536 | MRK 7:4 | Ndipo angacoka ku msika, ambadya lini wakanati kubzitsuka bzetse bzomwe wabweranabzo. Ambakoya pomwe mitemo inango mizinji yomwe makolo yawo yadawasiyira, ninga kutsuka mikhombo, bzikhalango, na bzikasi bza mkuwa [na talimba.] |
24537 | MRK 7:5 | Na tenepo Afaliseyu na amisiri wa Mtemo wale wadabvundza Jezu kuti, “Thangwe ranyi wakupfundzira wanu ambakoya lini mtemo wa makolo, tsono ambandodya napo alibe kusamba mmanja?” |
24552 | MRK 7:20 | Adati pomwe, “Bzomwe dzimbaswipisa munthu nidzire bzincoka mmtima mwace. |
24557 | MRK 7:25 | Nakuti mkazi winango, omwe mwana wace wacikazi akhabonera na mzimu wakuipa, adabva bza Iye. Adabwera kwa Jezu acigodama kuminyendo kwace. |
24558 | MRK 7:26 | Mkaziyo akhali wakunja, wa dziko la Siro-Fenisiya. Adakumbira Jezu kuti akacose mzimu wakuipa kwa mwana wace. |
24565 | MRK 7:33 | Jezu adamucosa munthu ule pa mthithi wa wanthu acienda naye pa mbali. Adapitisa bzala mmakutu mwace, acipsipa mata, nkhukuya lirime lace munthu ule. |
24576 | MRK 8:7 | Akhana tuntsomba pomwe tung'ono-ng'ono. Jezu adatenda Mulungu, acilamula wakupfundzira wace kuti agawire mbumba ire. |
24580 | MRK 8:11 | Ndipo Afaliseyu wadaenda kuna Jezu,ku katsutsana naye. Iwo adamukumbira kuti awawonese cizindikiro cakudabwisa cakucokera kudzulu. Akhandofuna kumuteyera msampha basi. |
24585 | MRK 8:16 | Pamwepo wakupfundzira wale adayamba kutsutsana acimbati, “Ali kulewa bzimwebzi thangwe tiribe mkate.” |
24592 | MRK 8:23 | Jezu adam'phata boko, acicoka naye kunja kwa mui. Adaikha mata mmaso mwa munthu ule, acimuikha boko acimubvundza kuti, “Kodi uli kuwona cinthu?” |
24594 | MRK 8:25 | Adamuikha pomwe boko mmaso mwace. ndipo adapenya acipora , aciyamba kuwona bwino-bwino |
24600 | MRK 8:31 | Jezu adayamba kupfundzisa wakupfundzira wace kuti, “Mwana-wa-Munthu bzin'dzafunika kuti aboneresedwe kwene-kwene. Akulu wa Ayuda, na akulu wa azibaba wa ntsembe na amisiri wa Mtemo wacidzamulamba. Iye an'dzaphedwa, tsono zingadzapita ntsiku zitatu an'dzamuka.” |
24602 | MRK 8:33 | Tsono Jezu adaceuka, acinyang'ana wakupfundzira wace winango wale, ndipo adatsimula Pedru. Adati, “Coka kwa ine, iwe Satana! Ndzeru yako ndiyo lini ndzeru ya Mulungu , ni ndzeru ya wanthu.” |
24608 | MRK 9:1 | Adawauza pomwe kuti, “N'cadidi ndiri kulewa kuti alipo winango pompano omwe an'dzafa lini akanati kuwona kufika kwa Umambo bwa Mulungu na mphambvu.” |
24613 | MRK 9:6 | Akhalewa tenepo thangwe iye akhadziwa lini cakulewa sabwa iwo adabva mantha kwene-kwene. |
24621 | MRK 9:14 | Pomwe iwo adabwerera kwa wakupfundzira winango wale, adawona mthithi ukulu wa wanthu ukhadawazungulira ndipo Amisiri wa Mtemo akhatsutsana na wakupfundzira wale. |
24644 | MRK 9:37 | “Ali-yentse an'tambira mwana ninga uyu thangwe ra Ine, ali kutambira Ine, Ndipo wakutambira Ine, ali kutambira ine na omwe adandituma.” |
24659 | MRK 10:2 | Ndipo adafika mafaliseu anango, adamubvundza kuti, “Nandi bzakubvumizidwa kuti munthu alambe m'kazi wace?” Akhadam'bvundza tenepo kuti amunyanganire thangwe. |
24671 | MRK 10:14 | Jezu pomwe adawona bzimwebzire, adakalipa aciwauza kuti, “Alekeni wanawa abwere kwa Ine. Lekani kuwaletsa thangwe Umambo bwa Mulungu n'bwa wale wakulingana na iwowa. |
24690 | MRK 10:33 | Adati:“Tiri paulendo wa kuJerusalemu. Kumweko Mwana-wa-Munthu ali kukaperekedwa kwa akulu wa azibaba wa ntsembe na apfundzisi wa mtemo. Iwo an'kamutonga na kupasa nyathwa kuti aphedwe. Ndipo an'kamupereka kwa wanthu wakunja. |
24699 | MRK 10:42 | Ndipo Jezu adawacemera kuti abwere pafupi na iye, adati: “Mun'dziwa kuti atongi wa madziko ambayakunda. Akulu-akulu wawombo ambawonesa mphambvu zawo kwa wanthu wawo. |
24714 | MRK 11:5 | Anango omwe akhali pamwepo adawabvundza kuti: “Thangwe ranyi muli kutsudzula kabuluka?” |
24722 | MRK 11:13 | Ndipo na patali adawona mkuyu ukhana masamba. Adayenda pafupi kuti pinango angawone nkhuyu. Ndipo adafika, alibe kuwona nkhuyu, adandokawona masamba yokha. Nakuti ikhali lini nyengo ya nkhuyu. |