22640	JON 4:3	Tsapano, ndiri kukumbirani Mbuya kuti mundiphe. Bziri bwino kuti ine-pano ndife kuposa kukhala na moyo.”
22645	JON 4:8	Pomwe kudacena, Mulungu adacita dzuwa kwene-kwene, licimutentha Jona mum'solo mpaka iye acigwa cikomo. Ndipo iye adafunisisa kufa na m'tima wace wentse, acilewa kuti: “Bziri bwino kuti ine-pano ndife kuposa kukhala tenepano uno!”
22646	JON 4:9	Pamwepo Mulungu adamubvunza Jona kuti: “Kodi iwepo uli kukalipa na thangwe la m'tangayu?” Jona adatawira aciti: “Bziri bwino inde kukalipako, kuti ndife.”
24297	MRK 1:13	Adakhala kumweko ntsiku makumi manai. Sathani adamuyeza. Bzikhalipombo bzirombo bza mthengo. Tsono anjo zikhamutumikira.
24299	MRK 1:15	Adati: “Nthawe yakwana. Bwafika Ufumu bwa Mulungu. Sandulikani mtima. Khulupirirani Mafala Yabwino.”
24330	MRK 2:1	Patapita ntsiku pang'ono, Jezu adabwera pomwe kuKafernau. Bzidabveka kuti ali kunyumba.
24338	MRK 2:9	Cakupusa n'ciponi, kumuwuza bundukutuyu kuti, ‘Bzakuipa bzako bzalekereredwa,’ ayai, ‘Muka, tenga macira yako, uyende?’
24348	MRK 2:19	Jezu adatawira, “Kodi andzace wa mwenekaciro msinda ya malowozi angasale kudya pomwe namwaliyo ali nawo? Bzingacitike lini! Iwo angasale lini kudya pomwe namwaliyo ali nawo.
24375	MRK 3:18	Andereya, Filipe, Bartolomeyu, Mateyu, Tomasi, Tiyagu (mwana wa Alifeu), Tadeyu, Sirimau (wa phati landale la Azelote,)
24379	MRK 3:22	Amisiri winango wa Mtemo, omwe adabwera kucokera ku Jerusalemu, akhalewa kuti, “Munthu omweyu waphatidwa na Belezebu*.”Akhalewa pomwe, “Mphambvu zomwe umweyu ambacosera mizimu yakuipa nzakucokera kwa mkulu wa mizimuyo.”
24497	MRK 6:21	Tsono pa ntsiku yakukondwerera kubadwa kwa Herodi, Herodiasi adawona mphata. Herodi ule adakondza uzokoto, acicemera akulu-akulu wa Boma, na akulu wakutonga acikunda, na atongi wa ku Galileya.
24521	MRK 6:45	Watandomala, Jezu adawauza wakupfundzira wace kuti wapite mmwadiya, watsogole kuyenda n'gambuire ya Betsaida,Iye akhamba ngonekambo nthiti ule wa wanthu kuti wayende kwawo.
24542	MRK 7:10	Nakuti Mozeji adalewa kuti, ‘Lemekeza Baba wako na mai wako,’ ndipombo kuti, ‘Wakunyoza Baba wace ayai mai wace, aphewe.’
24543	MRK 7:11	Tsono imwe mumbati, ‘Munthu akawuza Baba wace ayai mai wace kuti, “Bzomwe ndingadakuthandizani nabzo ndabzipereka kuna Mulungu, ”
24544	MRK 7:12	umweyo anfunika lini pomwe kuwathandiza Baba wace na mai wace.’
24552	MRK 7:20	Adati pomwe, “Bzomwe dzimbaswipisa munthu nidzire bzincoka mmtima mwace.
24555	MRK 7:23	Bzakuipa bzentsenebzi bzimbacokera mkati mwa munthu, ndipo ndibzo bzimbamuswipisa.”
24584	MRK 8:15	Ndipo Jezu adawabebesa aciti, “Bvesesani mucenjere na cakutupisa ca wafaliseyu na ca Herodi.”
24588	MRK 8:19	Pale ndidagwata-gwata mikate mixanu kuti ndidyese wanthu bzulu bzixanu, kodi mudadzaza bzitundu bzingasi bza bzakusala?” Wakupfundzira wale adati, “Bzitundu khumi na bziwiri.”
24589	MRK 8:20	Jezu adawabvundza pomwe kuti, “Kodi pale ndidagwata-gwata mikate minomwe na kudyesa wanthu bzulu bzinai, mudakonkhobza bzitundu bzingasi bza bzakusala?” Iwo adati, “Bzitundu bzinomwe.”
24591	MRK 8:22	Jezu na wakupfundzira wace adafika ku Betsaida. Kumweko wanthu adabwera na zimola, wacimukumbira kuti amukhuye.
24601	MRK 8:32	Bzimwebzi adabzilewa padeca Na tenepo Pedru adamutenga aciyenda naye pambali, aciyamba kumutsimula.
24607	MRK 8:38	Nakuti aliwetse wa m'badwe wadzigololo na kuphonya uno, an'cita manyazi na Ine ndipombo na mafala yangu pamaso pa wanthu, napombo ine Mwana-wa-Munthu nin'dzacita naye manyazi pomwe nin'dzabwera pabodzi na anjo zakucena, na mbiri ya Baba wangu.”
24610	MRK 9:3	Bzakubvala bzace bzidasanduka bzicena, bziciyetima kuti mbe, kuposa momwe wakufula ali-yentse pa dziko angadacenesera.
24620	MRK 9:13	Tsono Ine ndiri kukuwuzani kuti Eliya adafika kale, ndipo wanthu winango adacita bzentse bzomwe iwo akhafuna ninga momwe Bzakunemba bzidalewera cipande ca iye.”
24628	MRK 9:21	Jezu adabvundza baba wace kuti:“Bzimwebzi bzidamuyamba lini?” Baba wace adati:“Bzidamuyamba ali mwana.
24669	MRK 10:12	Bzibodzi-bodzimbo m'kazi angalamba mwamuna wace, acikalowodwa na munango, na iyembo ali kucita upombo.”
24703	MRK 10:46	Ndipo atafika mumzinda wa Jeriko. Pomwe akhacoka mumzinda ule na wakupfundzira wace, pabodzi na mthithi wa wanthu, adagumana zimola m'bodzi wakukumbira-kumbira akhadakhala mphepete mwa njira. Munthuyo dzina lace akhacemeredwa Batolomeu, mwana wa Timeu.
24710	MRK 11:1	Pomwe Jezu na wakupfundzira wace akhafendera kuJerusalemu, pafupi na mizinda ya Betefaje na Betaniya ya pafupi na phiri la oliveira, Iye adatuma wakupfundzira wace awiri,
24720	MRK 11:11	Ndipo Jezu adapita muJerusalemu, acikapita muNyumba ya Mulungu. Pakuti yakhali kale maulo, adanyang'ana-nyang'ana bzentse ndipo adacoka aciyenda kuBetaniya pabodzi na wakupfundzira wace khumi na awiri.
24721	MRK 11:12	Mangwana yace, pomwe iwo akhacoka kuBetaniya, Jezu adabva njala.
24726	MRK 11:17	Ndipo akhawapfundzisa aciti:“Bzidanembedwa kuti: ‘Nyumba yangu in'dzacemeredwa Nyumba ya mapembero kwa madziko yentse.’ Tsono imwe mwaisandusa nkhunde ya mbabva.”
24734	MRK 11:25	Ndipo mungafuna kupemba, cakutoma mulekerere mwandzanu penu munaye cinthu. Mungaterepo, Baba wanu omwe ali Kudzulu an'dzakulekelerani bzakuipa bzanu.”
24735	MRK 11:26	“Tsono penu imwe munilekerera lini andzanu, Baba wanu omwe ali Kudzulu an'dzakulekereranimbo lini bzakuipa bzanu.”
24752	MRK 12:10	Kodi mulibe kulewenga bzomwe bzakunemba bzimbalewa? Bzimbati, ‘Mwala omwe amisiri wakumanga nyumba adaulamba, ndiwo wadzakhala mwala wakufunika.
24763	MRK 12:21	Waciwiri adapita nthaka, na iyembo adafa ne kusiya mwana. Bzibodzi-bodzi, bzidacitika kuna wacitatu.
24771	MRK 12:29	Jezu adamutawira kuti, “Mtemo ukulu nguyu, ‘Bvani, Aizirayeri! Mbuya, Mulungu wathu, ndiye Mulungu m'bodzi yekha.
24793	MRK 13:7	Mukadzabva nkhondo ayai ntabva-tabva wa nkhondo, lekani thupo. Bzimwebzi bzin'funika kuti bzidzacitike, tsono cimaliziro cikanati kufika.
24798	MRK 13:12	M'bale an'dzapereka m'bale wace kuti aphedwe. Baba, mwana wace. Wana an'dzasandukira azibaba wawo mpaka kuwaphesa.
24818	MRK 13:32	“Ndipo ntsiku na nthawe yace, palibe omwe aniidziwa. Anjo za kudzaulu zin'dziwambo lini. Napo Mwana an'dziwambo lini. Aniidziwa ni Baba ekha basi.
24820	MRK 13:34	Bzin'dzakhala ninga mwenekaciro-nyumba omwe adacoka aciyenda ulendo. Ambasiya bzinthu mmanja mwa anyabasa wace, ali-yentse na basa lace, ndipo ambawuza mulindiri kuti akhale wakupenya.
24823	MRK 13:37	Bzomwe ndiri kulewabzi, ndiri kuwuza mwentse ‘Khalani wakupenya.’”
24825	MRK 14:2	Tsono akhati:“Bzimwebzi tireke kubzicita panthawe ya cikondwereso kuti mbumba ileke kundzacita phokoso.”
24826	MRK 14:3	Jezu akhali kuBetaniya akhadakhala paMeza, munyumba ya Sirimau nyamapere,adabwera mkazi mbondzi akhadanyamula ntsupa ya girazi, yamafuta yakununcira yakucokera ku muti wa narido*ya ntsengwa ikulu. Mkaziyo adaswa ntsupa ire, acitsanurira mumsolo mwa Jezu.
24844	MRK 14:21	Cadidi Mwana-wa-Munthu ali kukaphedwa ninga momwe bzidanembedwa. Tsono ana tsoka omwe an'kapereka Mwana-wa-Munthuyo. Bzikhali bwino kwa munthu umweyo angadasaya kubadwa.”
24859	MRK 14:36	Adapemba kuti:“Aba, Baba, bzinthu bzentse bzingakwanisike kwa imwe. Mucose mkombo wa matsautsoyu kwa ine, tsono lekani kucita bzomwe ine ninfuna, citani cifuniro canu.”
24864	MRK 14:41	Pomwe adabwerera kacitatu, adati, “Kodi muli kugona na kupuma? Bzakwana. Nthawe ire yakwana, Mwana-wa-Munthu ali kukaperekedwa kwa wanthu wakuipa.
24902	MRK 15:7	Pakhana m'bodzi wakucemeredwa Balabasi, omwe akhali mukaidi pabodzi na wanthu winango thangwe ra kusandulikira Boma na kupha wanthu.
24906	MRK 15:11	Tsono akulu wa azibaba wa ntsembewo wakhapasa mphambvu mthithi wa wanthu kuti wakumbire kuwatsudzulira Balabasi pambuto pa Jesu.
24910	MRK 15:15	Na tenepo Pilatu, pakufuna kukondweresa mthithi wa wanthuwo, adawatsudzulira Balabasi, acilamula kuti Jezu achangidwe. Patsogolo pace adam'pereka kuti akam'khomere pa mtanda.
24925	MRK 15:30	Bzipulumuse, buluka pamtandapo!”
24930	MRK 15:35	Anango omwe akhadaima pamwepo, adabva mafalayo wadati:“Bvani, ali kucemera Eliya.”
25046	LUK 2:4	Ndipo Zuze adacokambo kumzinda wa Nazalee, cigawo ca Galileya, acikwira kumzinda wa Belee, cigawo ca Judeya, nakuti ukhali mzinda wa mdzindza wace Davide
25057	LUK 2:15	Pomwe anjo wale adabwerera kudzulu amakabusawo adapangana aciti: “Mbatiyendeni kuBeleeko tikawone ninga momwe watiuzira Mbuyamu.”
25091	LUK 2:49	Ndipo iye adawatawira kuti: “Thangwe ranyi mukhandinyang'ana? Kodi mun'dziwa lini kuti bzin'funika kuti ndikhale mnyumba mwa Babangu?”
25099	LUK 3:5	Bzigwa bzentse bzindzakhala na tumitunthu. Mapiri na tumapiri bzindzayalazidwa. Njira zentse zakugonyoka zindzalungamizidwa. Na zentse za mapoli-kata zin'dzayalasidwa.
25126	LUK 3:32	Jesi, Obedi, Bwazi, Sala, Nasomi,
25136	LUK 4:4	Tsono Jezu adamutawira aciti: “Bzidanembedwa kuti: Munthu ambacira lini na kudya mkate okha basi, maka na fala la Mulungu.”
25140	LUK 4:8	Tsono Jezu adamutawira kuti: “Bzidanembedwa kuti undzatumbize Mbuya Mulungu wako basi. Ndipo ucidzaphatira basa iye yekha.”
25153	LUK 4:21	Ndipo Jezu adawauza kuti: “Bzakunembedwa bzomwe mwamala kubvabzi, bzatewezeka lero-lino.”
25175	LUK 4:43	Tsono iye adawauza kuti: “Bzin'funika kuti ndikapalizirembo mizinda inango nkhani yabwino ya Umambo bwa Mulungubu. Nakuti ndidatumidwira bzomwebzo.
25186	LUK 5:10	Bzidacitikambo bzibodzi-bodzibzo kuna Tiyago na Juwau wana wa Zebedeu anzace wa Simau. Ndipo Jezu adamuwuza Simauyo aciti: “Leka mantha, kuyambira lero ukhala khombwe wa wanthu.
25229	LUK 6:14	Simau omwe adadzamupasa dzina kuti ni Pedru, na m'bale wace Andereya, Tiyago, Juwau Firipi, Bartomeu,
25251	LUK 6:36	Khalani na ntsisi ninga Babanu ngwa ntsisimbo.
25257	LUK 6:42	Ungauze tani mwandzako kuti: “Bwera ndikupukuse manthongo. Kodi iwepo uli kubva lini citsetswa comwe ciri m'maso mwakomo? Mpfaka-faka! Toma kucosa citsetswa comwe ciri m'maso mwakomu kuti undzawone bwino yali m'maso mwa mwandzakomu.
25272	LUK 7:8	Napo ine ndine munthu omwe nimbatongedwambo na akulu wangu. Na tenepo ine ndina acikunda omwe ndiri kutongambo. Ndikauza m'bodzi kuti: “Ndoko!” Ndipo iye ambayenda. Ndikauza winango kuiti “Bwera!” Ndipo iye ambabwera. Mpaka nyabasa wangu ndikamuuza kuti, “Cita ici!” Ndipo iye ambacita.
25344	LUK 8:30	Jezu adam'bvundza kuti: “Kodi dzina lako ndiwe yani?” Ndipo iye adatawira kuti: “Ndine Bzulu. Nakuti iye akhagwa bziwanda bzizinji kwene-kwene.
25353	LUK 8:39	“Bwerera! Ndoko kumui ukafotokozere andzako bzentse bzomwe Mulungu wakucitirabzi. Na tenepo iye adayenda mu mzinda acikafotokoza bzentse bzomwe bzidacitikabzo.
25380	LUK 9:10	Pomwe atumikiwo adabwerera adakamulongosolera Jezu bzentse bzomwe adacita. Ndipo iye adawatenga aciyendanawo kumzinda wa Betsaida.
25396	LUK 9:26	Nakuti munthu ali wentse omwe an'bva manyazi na ine na mafala yangu, ndipo Mwana wa Munthu adzamubverambo manyazi akadzabwera na mbiri yace na ya Baba na ya Anjo wakucena.
25414	LUK 9:44	“Bvesesani bwino mafala yanguya: 'Mwana wa Munthu ankaperekedwa m'manja mwa wanthu.”'
25445	LUK 10:13	Nandi iwe Korazi! Na iwembo Betsaida! Yangadakhala kuti matsenga yomwe yacitika kumwekoyo, yacitikira kumzinda wa Tiru na Sidoni, wanthu wa m'mwemo angadabvala mausakala acibvumbvulika padotha kuti cikhale cizindikirokuti iwo aleka kucita bzakuipa.
25453	LUK 10:21	Panthawe imweyo, Jezu adakondwa kwene-kwene na thangwe ra Mzimu Wakucena acilewa kuti: ''Ndiri kukupasani mbiri imwe Baba Mulungu, Mbuya wakutonga kudzulu na pantsi. Nakuti imwepo mudabisira bzinthu bzimwebzi wanthu waluso na wakupfundza. Ndipo mucibzilatiza kuna tuwana tung'ono-tung'ono. Na tenepo mudabzicita na thangwe ra cifundo canu.
25454	LUK 10:22	Bzensenebzi adandipasa ni Babangu. Ndipo palibe munthu winango omwe an'dziwa Mwana kuposa Baba. Ndipo palibe pomwe munthu omwe an'dziwa kuti Baba mbani kuposa Mwana, mphambo wale omwe Mwanayo angafune kuwalatiza.”
25476	LUK 11:2	Ndipo iye adawauza kuti: Mukapemba mbalewani kuti: Baba, dzina lanu likhale na mbiri. Umambo bwanu mbabubwere.
25487	LUK 11:13	Imwepo ndimwe wanthu wakuipa, tsono mumbadziwa kupasa bzinthu bzabwino wana wanu. Ndipo Babanu wa kudzulu ambapereka bzinthu bzabwino kuposa imwepo. Na tenepo an'dzapasa Mzimu wa Kucena kuna wale omwe an'dzamukumbira!
25489	LUK 11:15	Tsono wanthu winango akhambalewa kuti: “Omweyu ali kuzula bziwanda mudzina la Berezebu, mkulu wa bziwanda.”
25492	LUK 11:18	Penu wa kwa Sathanimbo adabzigawa, ndipo ufumu bwacebo bungayenderere lini! Nakuti muli kulewa kuti ine-pano ndiri kuzula bziwanda mu dzina la Berezebu.
25493	LUK 11:19	Penu ine-pano ndiri kuzula bziwanda mudzina la Berezebu, kodi wana wanuambo ali kuzula mudzina la yani? Penu n'bzimwebzo, iwo ndiwo an'dzakuyeruzani.
25558	LUK 12:30	Thangwe wanthu wa mudziko, ndiwo ambafunisisa bzentsenebzi. Tsono Babanu an'dziwa kale kuti imwepo mun'bzifuna.
25560	LUK 12:32	Nandi tubzifuwo tuwangu, lekani mantha! Nakuti Babanu an'funa kukupasani umambo bwace.
25606	LUK 13:19	Budakhala ninga njere ya mtowe yomwe munthu adabzala m'munda mwace. Ndipo iyo idamera icisanduka muti ukulu. Na tenepo mbalame zidakondza bzitsa m'mithawi mwawene.”
25639	LUK 14:17	Pomwe nthawe yakudya idakwana adatuma nyabasa kuti akawuze anyakucemeredwa kuti: “Bwerani! Bzakudya bzatokota bzentse!”
25666	LUK 15:9	Ndipo iye akaiwona, ambacemera azixamwali na anyapafupi wace aciwawuza kuti: “Bwerani tikondwe, thangwe kobiri yangu ikhadataika ndaiwona.”
25669	LUK 15:12	Na tenepo m'ng'onoyo adawuza babaceyo kuti: “Baba! Ndipaseni utaka bwangu.” Ndipo iye adawagawira utakabo.
25675	LUK 15:18	Na tenepo ndin'dzayenda kuna babanguko ndicikamuwuza kuti: “Baba! Ine-pano ndaphonyera Mulungu wakudzulu na imwepombo.
25678	LUK 15:21	Pamwepo mwanayo adalewa kuti: “Baba! Ine-pano ndaphonyera Mulungu wakudzulu na imwepombo. Ndipo ndiribe kuthemera kuti mundicemere pomwe mwananu.”
25679	LUK 15:22	Tsono babaceyo adawuza anyabasa wace kuti: “Bweresani bzakubvala bzabwino mumubvazike na kankulumize ! Mubvazikeni pomwe mphetecala kuboboku na xango kundzayoku.
25713	LUK 16:24	Ndipo iye adakuwa aciti: “Baba Abramu ndibverenimbo ntsisi! Tumani Lazalo kuti akatibzike cala cace m'madzi kuti adzandijejeresembo lirime thangwe kuno ndiri kubonera na moto.
25716	LUK 16:27	Ndipo iye adatawirambo kuti: “Ndiri kukumbirani Baba kuti mum'tume Lazaloyo ayende kunyumba kwa babangu.
25719	LUK 16:30	Ndipo iyembo adati: “Ne- ne-ne, Baba Abramu! Angadayenda munthu wakufa kukawawuza pinango iwo angadakhumbula.”
25721	LUK 17:1	Ndipo Jezu adawuza ateweri wace kuti: “Bzin'dzawoneka bzinthu bzomwe bzin'dzaphonyesa wanthu, tsono tsoka kuna munthu omwe an'dzabzicitayo.