22603	JON 1:3	Ndipo Jona adalamuka aciyenda kuTalisisi kuthawa Mbuya. Iye adapolika ku Jopa, kumweko adakaona xitima ya m’madzi yomwe ikhafuna kuyenda ku Talisisi. Adagula thikiti acipakira kuti ayende ku Talisisiko, Mbuya aciona na maso yawo.
22607	JON 1:7	Iwo adapangana wentse kuti: “Mbatibwereni tione mbani wabweresa tsokali. Iwo adacita tenepoyo acifufudza ndipo adaphata Jona.
22615	JON 1:15	Iwo adam'temba Jona, acimuthusa m'madzi, kucokera pamwepo ndipo mandziyo yadaderekha.
22616	JON 1:16	Iwo adabva mantha kwene-kwene na Mbuya, ndipo acimuikhira ntsembe, acikhala pomwe na cikhulupiro.
22620	JON 2:4	Imwepo mudandithusa panyanza, mphanvu ya madzi icindimiza, mawimbi mang'ono na makulu yacipita na padzulu pangu”.
22621	JON 2:5	Ine ndidalewa kuti: “Ndathusidwa imwe muciona , na tenepo nin'dzaiona pomwe nyumba yanu ya kucena.”
22623	JON 2:7	Ine-pano ndidabuluka pantsi pakuzika pa kuyambira mapiri, mphinga za m’suwo wa infa zidandifungira pa nthawe zentse. Tsono imwepo Mbuya Mulungu mundandipulumusa moyo wangu pa infa.
22632	JON 3:5	Wanthu wentse wa m'Ninivamo, akulu na wana adabvuma Mulungu. Iwo adapangana kuti abzimane kudya, acibvala mausakala kuyambira nkulu mpaka mwana.
22634	JON 3:7	Iye adadziwisa wanthu wentse wa mu m'zindamo mu dzina lace, na la nthena zace Kuti: “Palibe munthu m’bodzi yekha omwe anidya, ayai kumwa cinthu; kudyesa na kumwesa bzifuwo, zingakhale ng'ombe ayai mbuzi.
22639	JON 4:2	Iye adapemba kuna Mbuya aciti: “Nandi Mbuya! Kodi n'psimwebzi lini bzomwe ndikhadalewa kale, pomwe ndikhali kumui?” Ndipopo ine ndikhadathabza, ndicithawa ndicikuyenda ku Talisisi. Nakuti ine-pano ndikhadziwa kale kuti iwepo ndiwe Mulungu wa kudeka m'tima, wa nsisi kwene-kwene, wa kufewa m'tima na wa kupirira pomwe, omwe umbalekerera bza kuipa.
22647	JON 4:10	Tsono Mbuya adalewa kuti: “Iwepo wabvera ntsisi m'tanga, omwe ulibe kuwubonerera na kuwukuza. Iwo udamera ntsiku ibodzi, mangwana yanzace uciwumiratu.
24286	MRK 1:2	Ninga mpolofiti Isaya adanemba kuti:“Mulungu adati, Ndin'dzatuma mtumiki wangu kutsogolo kwako, kuti akakondze njira yomwe iwe udzapitembo.
24289	MRK 1:5	Akhabwera kwa iye wanthu wakucokera kumbali zentse za Judeya na Jerusalemu. Iwo akhazimbula bzakuipa bzawo, Juwau akhawabatiza mumkulo wa Jorodau.
24290	MRK 1:6	Iye akhabvala khanda la nchefu, akhamanga mciuno na mceka. Cakudya cace cikhali mabombo na uci bwa mthengo.
24292	MRK 1:8	Ine ndakubatizani na madzi, tsono Iye an'dzakubatizani na Mzimu Wakucena.”
24294	MRK 1:10	Pakucoka mmadzimo, adawona kudzulu kwakufunguka, ndipo Mzimu Wakucena udabuluka kwa Iye ninga nkhangaiwa.
24295	MRK 1:11	Kudzulu kudabveka mafala yakuti: “Iwe ndiwe Mwana wangu wa pamtima. Nimbakomedwa nawe kwakukulu.”
24301	MRK 1:17	Adawauza Jezu: “Imwe munditewere, ndikusanduseni akhongwe wa wanthu.”
24308	MRK 1:24	“Tina ciani na Imwe, Jezu wa Nazalee? Kodi mwabwera kudzatidzonga? Ndakudziwani kuti ndimwe Wakucena wa Mulungu.”
24322	MRK 1:38	Tsono Iye adatawira kuti: “Mbatiyendeni tipite kumidzi inango pafupi na pam'pano, ndikalalike mafala kumweko. Thangwe ndibzo ndidabwerera.”
24329	MRK 1:45	Adandocoka pamwepo, munthuyo adayamba kumbazimbula bzentse na kumwaza nkhani. Na tenepo bzikhafunika lini kuti Jezu awoneke padeca mmizinda mwentse tsono akhakhala kuthengo. Ndipo wanthu akhambayenda kwa Iye kucokera mbuto na mbuto.
24335	MRK 2:6	Tsono pamwepo wakhadakhalambo amisiri wa Mtemo wa Mozeji. Iwo adayamba kubzibvundza mumtima mwawo kuti,
24340	MRK 2:11	“Iwe, muka, tenga macira yako, uyende kumui.”
24342	MRK 2:13	Jezu adayenda pomwe kugombe. Wanthu azinji adafika kumweko, ndipo Iye adawapfundzisa.
24343	MRK 2:14	Pakufamba Jezu, adawona Levi, mwana wa Alifeu, akhadakhala pambuto ya basa la msonkho. Adamuuza aciti, “Iwe, unditewere.” Ndipo adamuka acimutewera.
24346	MRK 2:17	Jezu adabva bzimwebzo adawatawira kuti, “Wanthu omwe mbakulimba an'nyangana lini mulapi. Wakuduwala ndiye an'nyangana mulapi! Ine ndiribe kubwera kudzacemera wanthu wakulungama, tsono ndabwera kudzacemera wakuphonya.”
24348	MRK 2:19	Jezu adatawira, “Kodi andzace wa mwenekaciro msinda ya malowozi angasale kudya pomwe namwaliyo ali nawo? Bzingacitike lini! Iwo angasale lini kudya pomwe namwaliyo ali nawo.
24354	MRK 2:25	Iye adatawira, “Thangwe ranyi mun'cita ninga mulibe kuwerenga bzomwe adacita David na andzace, pomwe wakhana njala?
24355	MRK 2:26	Iye adapita mnyumba ya Mulungu, panthawe yomwe Abiyatali akhali mkulu wa azibaba wa ntsembe, acikadya mkate wakuperekedwa kwa Mulungu? Na tenepo mkate umweyo ukhali wakuletsedwa kuti winango ali-wentse adye, kupambula azibaba wa ntsembe wokha. Tsono adagawirambo andzace wale omwe akhali naye.”
24360	MRK 3:3	Jezu adawuza munthu wakupundaka boko ule kuti, “Ima, bwera kutsogolo kuno.”
24362	MRK 3:5	Jezu pakuo kuti wakhada wuma ndzelu mtima wace udamuwawa, pakuwona kuti akhali wanthu wamakani tenepo, ndipo adawayang'ana na ukali. Ndipo adamuwuza munthuyo kuti, “Thamula boko lako.” Iye adalithamula, ndipo boko lacero lidakhalambo bwino.
24365	MRK 3:8	Wanthu wale akhali wa ku Galileya, winango wa ku Judeya na ku Jerusalemu, winango wa ku Idumeya, na wang'ambo wa kumkulo wa Jorodau, ndipombo kucipande ca ku Tiru na Sidoni. Wentsenewo adafika kwa Iye, thangwe wakhabva bzizinji bzomwe Iye akhacita.
24368	MRK 3:11	Pomwe mizimu yakuipa ikamuwona ikhabzigwesa pantsi kutsogolo kwa Iye icimbakuwa kuti, “Imwe ndimwe Mwana wa Mulungu.”
24369	MRK 3:12	tsono Iye akhambailetsa mwa mphambvu kuti ileke kumuzimbula.
24370	MRK 3:13	Jezu adakwira ku phiri, ndipo adacemera wanthu omwe Iye akhawafuna, iwo adayenda komwe kukhana Iye.
24376	MRK 3:19	ndipombo Judasi Iskaliote (omwe adapereka Jezu.)
24377	MRK 3:20	Pambuyo pace Jezu adaenda kunyumba, ndipo wanthu azinji adagumana pomwe, na tenepo Iye na wakupfundzira wace alibe kudzaone nthawe ya kuti adye.
24390	MRK 3:33	Tsono Iye adati, “Mai wangu! Abale wangu! Waponi pomwe?”
24391	MRK 3:34	Pamwepo adayang'ana wanthu wale omwe akhadakhala acimuzungulira aciti, “Ine mai wangu na abale wangu mbawa.
24393	MRK 4:1	Jezu adayamba pomwe kupfundzisa mphephete mwa thawale la Galileya. Wanthu azinji adakatsokhana naye , na tenepo Iye adapakira mmwadiya, Wanthu wentse akhali kunja mphepete mwa thawalero,
24397	MRK 4:5	inango idagwera pa ntsongolobwe, pomwe pakhalibe mataka mazinji. Idamera kankulumize, thangwe matakayo yakhalibe kufika pantsi.
24400	MRK 4:8	Ndipo mbeu inango idagwera pa mataka yabwino. Idamera bwino icikula, ndipo icibereka. inango ikhana bzisapo makumi matatu, inango makumi matanthatu, inango dzana.”
24403	MRK 4:11	Iye adawatawira kuti, “Imwepo Mulungu adakuzimbulirani cintsintsi ca Umambo wace. Tsono anangowo omwe ali kunja, bzentse ambandobzibvera mmifananizo yokha,
24423	MRK 4:31	Udakhala ninga mbeu ya mtowe. Ingabzaliwa njing'ono kwene-kwene kuposa mbeu zinango pantsi pano.
24424	MRK 4:32	Tsono akaibzala, imbamera, mbeu ire icikula kuposa miti inango iri yentse. Icicita mithawi mikulu-mikulu, na tenepo mbalame zimbakwanisa kumanga bzitsa munthunzi wace.”
24442	MRK 5:9	Tsono Jezu adamubvundza munthuyo “Dzina lako ndiwe yani?” Iye adatawira kuti, “Dzina langu ndine ‘Mthithi, ’ tiripo azinji.”
24446	MRK 5:13	Jezu adaibvumiza. Iyo idacoka icipita mwa nkhumbazo. Pamwepo mthithi ule wa nkhumba zomwe zikhakwana bzulu bziwiri zentsenezo zidaguduka zicipolika na kuthamanga zicikabzithusa mthawale, mpaka kufa mwemo.
24459	MRK 5:26	Iye akhadayezerewa na alapi azinji,na tenepo akhadadzonga bzentse bzomwe akhanabzo tsono akhalimba lini ndipo dzikhalemwa
24472	MRK 5:39	Iye adapita, aciwabvundza kuti, “Thangwe ranyi muli kucita phiringu na kukuwa Mwanayu alibe kufa adandogona .”
24478	MRK 6:2	Pomwe idafika ntsiku ya malinkhuma, Iye adayamba kupfundzisa mnyumba yamapemphero. Wanthu azinji omwe akhamutetekera adadabwa kwene-kwene acimbalewa kuti, “Kodi mamuna umweyu adabzipfunzdira kuponi bzentsenebzi? Udziwi bumwebu adabuwona kuponi? An'kwanisa tani kucita bzidabwiso tenepayu?
24513	MRK 6:37	Tsono Jezu adawauza kuti, “Imwepo apaseni cakudya.” Iwo adati, “tsono kuti wakwane wathuwa, pafunika kuti tikagule mkate wa kobiri za parata zikwanira madzana mawiri kuti tidzawadyese wentsewa!”
24514	MRK 6:38	Na tenepo Jezu adawabvundza kuti, “Muna mikate mingasi? Ndokoni mukaone.” Adayenda kukaona ndipo adati, “Iripo mikate mixanu na ntsomba ziwiri.”
24521	MRK 6:45	Watandomala, Jezu adawauza wakupfundzira wace kuti wapite mmwadiya, watsogole kuyenda n'gambuire ya Betsaida,Iye akhamba ngonekambo nthiti ule wa wanthu kuti wayende kwawo.
24527	MRK 6:51	Pamwepo iye adapita mmwadiya momwe iwo akhali,ndipo codzi cidaleka. Iwo adamalidwa ndzeru
24534	MRK 7:2	Iwo wadawona kuti wakupfundzira wace winango wakhambadya cakudya na mmanja mwakuswipa (ndiye kuti wakhalibe kuteweza mtemo wa kusamba mmanja ninga momwe wafalizeyu wakhadayiwuza mbumba kuti yicite.)
24538	MRK 7:6	Jezu adawatawira kuti, “Imwe wanthu wa ciphamaso, ncadidi bzomwe mpolofiti Isaya adalewa pa cipande caimwe,iye adanemba kuti, ‘Wanthuwa ambandondilemekeza na mulomo basi, tsono mitima yawo iri kutali na Ine.
24540	MRK 7:8	Jezu adapitiriza, “Imwe mumbasiya Mtemo wa Mulungu, mucimbakoya mitemo ya wanthu.”
24550	MRK 7:18	Iye adati: “Kodi na imwembo mulikukhala ninga wanango wale; muli kubvesesa lini? Kodi muli kudziwa lini kuti bzetse bzakucokera kunja, na kupita mwa munthu, bzin'kwanisa lini kumuswipisa?
24557	MRK 7:25	Nakuti mkazi winango, omwe mwana wace wacikazi akhabonera na mzimu wakuipa, adabva bza Iye. Adabwera kwa Jezu acigodama kuminyendo kwace.
24566	MRK 7:34	Iye adanyang'ana kudzulu, acisisimira, acimuwuza kuti, “Efata!” ndiko kulewa “Funguka!”
24574	MRK 8:5	Jezu adawabvundza kuti, “Muna mikate mingasi?” Iwo wadatawira, “Minomwe.”
24579	MRK 8:10	Pambuyo pace Iye na wakupfundzira wace adapita mmwadiya aciyenda ku mbali ya Dalammanuta.
24580	MRK 8:11	Ndipo Afaliseyu wadaenda kuna Jezu,ku katsutsana naye. Iwo adamukumbira kuti awawonese cizindikiro cakudabwisa cakucokera kudzulu. Akhandofuna kumuteyera msampha basi.
24589	MRK 8:20	Jezu adawabvundza pomwe kuti, “Kodi pale ndidagwata-gwata mikate minomwe na kudyesa wanthu bzulu bzinai, mudakonkhobza bzitundu bzingasi bza bzakusala?” Iwo adati, “Bzitundu bzinomwe.”
24596	MRK 8:27	Jezu na wakupfundzira wace adayenda ku mii ya ku Sesaleya-Filipi. mu njira adabvundza wakupfundzira wace kuti, “Kodi wanthu ambalewa Ine ndine yani?”
24597	MRK 8:28	Iwo adatawira kuti, “Winango ambalewa ndimwe Juwau M'batizi, winango ndimwe Eliya, winangombo ambalewa ndimwe m'bodzi wa apolofita.”
24598	MRK 8:29	Pamwepo Jezu adawabvundza kuti, “Kodi imwepo, mumbati ndine yani?” Pedru adamutawira kuti, “Imwe ndimwe[kirixtu] Mpulumusi adalewedwa ule.”
24599	MRK 8:30	Tsono Jezu adawalamula kuti waleke kuwuza munthu winango ali-yentse bza Iye.
24600	MRK 8:31	Jezu adayamba kupfundzisa wakupfundzira wace kuti, “Mwana-wa-Munthu bzin'dzafunika kuti aboneresedwe kwene-kwene. Akulu wa Ayuda, na akulu wa azibaba wa ntsembe na amisiri wa Mtemo wacidzamulamba. Iye an'dzaphedwa, tsono zingadzapita ntsiku zitatu an'dzamuka.”
24604	MRK 8:35	Thangwe an'funa kupulumusa moyo wace, an'dzautaya, tsono wakutaya moyo wace thangwe ra Ine na Mafala Yabwino, an'dzaupulumusa.
24607	MRK 8:38	Nakuti aliwetse wa m'badwe wadzigololo na kuphonya uno, an'cita manyazi na Ine ndipombo na mafala yangu pamaso pa wanthu, napombo ine Mwana-wa-Munthu nin'dzacita naye manyazi pomwe nin'dzabwera pabodzi na anjo zakucena, na mbiri ya Baba wangu.”
24617	MRK 9:10	Iwo adakoya cintsintsi cire, acimbabvudzana okha-okha kuti:“Kumuka kwa wakufa ndiko kulewa tani?”
24620	MRK 9:13	Tsono Ine ndiri kukuwuzani kuti Eliya adafika kale, ndipo wanthu winango adacita bzentse bzomwe iwo akhafuna ninga momwe Bzakunemba bzidalewera cipande ca iye.”
24623	MRK 9:16	Iye adawabvundza kuti: “Nandi muli kutsutsana ciani?”
24629	MRK 9:22	Mzimu umweyu umbakhala ucimbamugwesa kawiri-kawiri. Umbam'gwesa pamoto pinango mmadzi kufuna kumupha. Penu Imwe mungakwanisa, tibvereni ntsisi, tithandizeni.”
24632	MRK 9:25	Pomwe Jezu adawona kuti wanthu ali kuwanda pambutoyo, adawutsimula mwa ukali mzimu wakuipayo, adati:“Iwe mzimu wakutazisa kulewa-lewa na kubva, ndiri kukuuza kuti ucoke mwa mwanayu, ndipo leka kudzapita pomwe mwa iye.”
24635	MRK 9:28	Pomwe Jezu adakapita mnyumba, wakupfundzira wace adamubvundza pambali, kuti, “Ife tidatazira tani kuucosa mzimu ule?”
24637	MRK 9:30	Jezu na wakupfundzira wace adacoka kumbuto ire ndipo adapita na kuGalileya. Iye akhafuna lini kuti wanthu adziwe komwe akhali,
24638	MRK 9:31	thangwe akhapfundzisa wakupfundzira wace, acimbawati:“Mwana-wa-Munthu an'dzaperekedwa kwa wanthu, ndipo an'dzamupha. Tsono angamupha, Iye an'dzamuka pomwe zingadzapita ntsiku zitatu.”
24644	MRK 9:37	“Ali-yentse an'tambira mwana ninga uyu thangwe ra Ine, ali kutambira Ine, Ndipo wakutambira Ine, ali kutambira ine na omwe adandituma.”
24661	MRK 10:4	Iwo adati:“Mozeji adabvumiza kuti munthu anembere m'kazi wace tsamba lakulambana patsogolo pace amucose.”
24668	MRK 10:11	Iye adatawira kuti: “Omwe an'lamba m'kazi wace acikalowola munango, ali kucita upombo kuna mkazi wace.
24671	MRK 10:14	Jezu pomwe adawona bzimwebzire, adakalipa aciwauza kuti, “Alekeni wanawa abwere kwa Ine. Lekani kuwaletsa thangwe Umambo bwa Mulungu n'bwa wale wakulingana na iwowa.
24686	MRK 10:29	Jezu adatawira:“Cadidi ndiri kukuuzani imwe, kuti omwe an'siya nyumba, abale, mpfumakazi, mai, baba, wana ayai minda thangwe ra Ine, ndipombo thangwe ra Mafala Yabwino,
24690	MRK 10:33	Adati:“Tiri paulendo wa kuJerusalemu. Kumweko Mwana-wa-Munthu ali kukaperekedwa kwa akulu wa azibaba wa ntsembe na apfundzisi wa mtemo. Iwo an'kamutonga na kupasa nyathwa kuti aphedwe. Ndipo an'kamupereka kwa wanthu wakunja.
24691	MRK 10:34	Iwo an'kamusinjirira, acikamupsipira mata, acimuchanga ndipo acimupha. Zingadzapita ntsiku zitatu, Iye an'dzamuka.”
24694	MRK 10:37	Iwo adati:“Tin'funa kuti pomwe mun'dzakhala mumbiri yanu, mudzatiikhe m'bodzi kuboko lanu ladidi, wina lamadzere.”
24696	MRK 10:39	Iwo adatawira kuti: “Inde, tin'dzakwanisa.” Pamwepo Jezu adati:“Cadidi, mkombo omwe Ine nin'dzamwera, imwe mun'dzaumwerambo, ndipo mun'dzabatizidwa ninga ine.
24697	MRK 10:40	Tsono Ine ni utongi lini bwangu kuikha munthu kuboko ladidi ayai lamadzere. Mulungu ndiye adakondza mbutozo an'dzapasa ali-yentse omwe iye an'funa.”