22634	JON 3:7	Iye adadziwisa wanthu wentse wa mu m'zindamo mu dzina lace, na la nthena zace Kuti: “Palibe munthu m’bodzi yekha omwe anidya, ayai kumwa cinthu; kudyesa na kumwesa bzifuwo, zingakhale ng'ombe ayai mbuzi.
22636	JON 3:9	Kodi mbani an'dziwa kuti Mulungu angatibvera ntsisi, acipepa ukali bwace; kuti tisaye kufa?
22639	JON 4:2	Iye adapemba kuna Mbuya aciti: “Nandi Mbuya! Kodi n'psimwebzi lini bzomwe ndikhadalewa kale, pomwe ndikhali kumui?” Ndipopo ine ndikhadathabza, ndicithawa ndicikuyenda ku Talisisi. Nakuti ine-pano ndikhadziwa kale kuti iwepo ndiwe Mulungu wa kudeka m'tima, wa nsisi kwene-kwene, wa kufewa m'tima na wa kupirira pomwe, omwe umbalekerera bza kuipa.
22641	JON 4:4	Ndipo Mbuya adamubvunza kuti: “Kodi kukalipa koku n'khwa bwino?”
22646	JON 4:9	Pamwepo Mulungu adamubvunza Jona kuti: “Kodi iwepo uli kukalipa na thangwe la m'tangayu?” Jona adatawira aciti: “Bziri bwino inde kukalipako, kuti ndife.”
24285	MRK 1:1	Kuyamba kwa Mafala Yabwino yakulewa bza Jezu Krixtu, Mwana wa Mulungu.
24287	MRK 1:3	Fala la munthu wakukuwa mthengo ali kulewa kuti, ‘Kondzani njira yakudzapitira Mbuya, thamulani miseu yomwe adzapitembo.’”
24295	MRK 1:11	Kudzulu kudabveka mafala yakuti: “Iwe ndiwe Mwana wangu wa pamtima. Nimbakomedwa nawe kwakukulu.”
24299	MRK 1:15	Adati: “Nthawe yakwana. Bwafika Ufumu bwa Mulungu. Sandulikani mtima. Khulupirirani Mafala Yabwino.”
24305	MRK 1:21	Adayenda wentse kuKafernau. Yatafika ntsiku ya malinkhuma, Jezu adayenda mnyumba ya mapembero, acipfundzisa.
24308	MRK 1:24	“Tina ciani na Imwe, Jezu wa Nazalee? Kodi mwabwera kudzatidzonga? Ndakudziwani kuti ndimwe Wakucena wa Mulungu.”
24309	MRK 1:25	Ndipo Jezu adalamulira mzimu wakuipayo, aciti, “Khala zii, coka mwa munthuyu.”
24311	MRK 1:27	Wentse wale adadabwa kwakukulu acimbabvundzana, “Kodi bzimwebzi n'ciani? Cakupfundzisa cipsa cimweci! Ambaitonga mizimu yakuipa na mphambvu, ndipo idamubvera.”
24319	MRK 1:35	Macibese-bese kukhanati kucena, Jezu adamuka aciyenda kuthengo. Kumweko adakapembera.
24330	MRK 2:1	Patapita ntsiku pang'ono, Jezu adabwera pomwe kuKafernau. Bzidabveka kuti ali kunyumba.
24336	MRK 2:7	“Kodi Umweyu angalewe tani tenepo? Kunyoza lini Mulungu kumweku? Mbani angalekerere bzakuipa? Ni Mulungu yekha!”
24348	MRK 2:19	Jezu adatawira, “Kodi andzace wa mwenekaciro msinda ya malowozi angasale kudya pomwe namwaliyo ali nawo? Bzingacitike lini! Iwo angasale lini kudya pomwe namwaliyo ali nawo.
24361	MRK 3:4	Ndipo adabvundza wanthu wale kuti, “Kodi pa ntsiku ya malikhuma cin'bvumizidwa n'ciponi? Kucita bzabwino, ayai kucita bzakuipa? Kupulumusa moyo wa munthu, ayai kuudzonga?” Wanthuwo adakhala zii.
24404	MRK 4:12	kuti ‘Kuyang'ana ayang'ane, tsono acisaya kuwona cinthu, ndipo kubva abve cadidi, tsono acisaya kubva cinthu, kuti angasandulike mtima, ndipo Mulungu angadzawalekerere.’”
24413	MRK 4:21	Tsono Jezu adawabvundza kuti, “Kodi wanthu ambatenga lampalina acigwanankira na mtsuko, ayai kuibisa mfunfuntsi mwa talimba? Ambaikha lini padeca?
24422	MRK 4:30	Jezu adabvunza pomwe, “Kodi Umambo bwa Mulungu tingaundendemeze na ciyani? Ayai tiufananize na ciyani?
24431	MRK 4:39	Jezu adamuka, ndipo adalewa kwa mphepoyo, acilamula mabimbi kuti, “Derekha! Khala zii!” Mphepo ire idaleka cadidi, ndipo padadzakhala ziiii
24432	MRK 4:40	Pamwepo Jezu adawabvundza kuti, “Thangwe ranyi muna mantha? Kodi imwepo mundikhulupilira lini?”
24433	MRK 4:41	Tsono iwo adakhala na mantha kwene-kwene, acimbabvundzana, “Kodi Umweyu ni munthu wanyi womweyu wakuti condzi na mabimbi bzimbamubvera?”
24440	MRK 5:7	Adakuwa aciti, “Kodi ndakuputani ciyani, imwe Jezu Mwana wa Mulungu Wakudzulu- dzulu? Na dzina la Mulungu ndiri kukumbirani, lekani kundiboneresa.”
24463	MRK 5:30	Pamwepo Jezu adabva kuti mphambvu zinango zacoka. Ndipo adazungunuka aciyang'ana wanthu wale aciwabvundza kuti, “Kodi mbani wandikhuya bzakubvala bzangu?”
24478	MRK 6:2	Pomwe idafika ntsiku ya malinkhuma, Iye adayamba kupfundzisa mnyumba yamapemphero. Wanthu azinji omwe akhamutetekera adadabwa kwene-kwene acimbalewa kuti, “Kodi mamuna umweyu adabzipfunzdira kuponi bzentsenebzi? Udziwi bumwebu adabuwona kuponi? An'kwanisa tani kucita bzidabwiso tenepayu?
24479	MRK 6:3	Kodi omweyu ndiye lini misiri wa matabwa ule, mwana wa Maliya? Kodi abale wace ndiwo lini Tiyagu, na Zuze, na Judasi, na Sirimau? Ndiye lini omwe ana mfuma-kazi tinazozi?” Na tenepo alibe kufuna kudzadziwa pomwe bza iye .
24498	MRK 6:22	Ndipo mwana wacikazi wa Herodiasi adapita, aciyamba kubzina.herodi na wakucemeredwa wale adakomedwa Kwene-kwene nakubzina kule. Pamwepo mambo adauza mtsikana ule kuti, “Undikumbire ciri-centse comwe un'funa, ine ninkupasa.”
24500	MRK 6:24	Mtsikanayo adacoka acikabvundza mai wace kuti, “Kodi ndikakumbire ciyani?” Mai wace adati “Kakumbire msolo wa Juwau M'batizi.”
24511	MRK 6:35	Nthawe ya kumaulo wakupfundzira wace adadzamuuza kuti, “Kuno nkhuthengo, ndipo kwadoka
24532	MRK 6:56	Kuli-kwentse komwe Jezu akhayenda, ku mii na ku mizinda, wanthu akhadzakhazika wakudwala mmisika. Acimukumbira kuti abvumize wakuduwalayo kuphata ayai kondomukhuya bzakubvala bzace. Nakuti wentse omwe akhakhuya, akhalimba.
24550	MRK 7:18	Iye adati: “Kodi na imwembo mulikukhala ninga wanango wale; muli kubvesesa lini? Kodi muli kudziwa lini kuti bzetse bzakucokera kunja, na kupita mwa munthu, bzin'kwanisa lini kumuswipisa?
24563	MRK 7:31	Jezu adacoka pomwe ku mbali ire ya ku Tiru,acipita na ku Sidoni, kuyenda ku thawale la ku Galileya,adapita na pakati pa Mizinda Khumi.
24586	MRK 8:17	Jezu adabva bzomwe iwo akhalewa. aciwabvundza kuti, “Thangwe ranyi muli kutsutsana kuti mulibe mkate? Kodi mukhanati kuzindikira ayai kubvesesa? Kodi misolo yanu njakuuma, nandi?
24589	MRK 8:20	Jezu adawabvundza pomwe kuti, “Kodi pale ndidagwata-gwata mikate minomwe na kudyesa wanthu bzulu bzinai, mudakonkhobza bzitundu bzingasi bza bzakusala?” Iwo adati, “Bzitundu bzinomwe.”
24590	MRK 8:21	Pamwepo Jezu adati, “Kodi mukanati kubva basi?”
24591	MRK 8:22	Jezu na wakupfundzira wace adafika ku Betsaida. Kumweko wanthu adabwera na zimola, wacimukumbira kuti amukhuye.
24592	MRK 8:23	Jezu adam'phata boko, acicoka naye kunja kwa mui. Adaikha mata mmaso mwa munthu ule, acimuikha boko acimubvundza kuti, “Kodi uli kuwona cinthu?”
24596	MRK 8:27	Jezu na wakupfundzira wace adayenda ku mii ya ku Sesaleya-Filipi. mu njira adabvundza wakupfundzira wace kuti, “Kodi wanthu ambalewa Ine ndine yani?”
24598	MRK 8:29	Pamwepo Jezu adawabvundza kuti, “Kodi imwepo, mumbati ndine yani?” Pedru adamutawira kuti, “Imwe ndimwe[kirixtu] Mpulumusi adalewedwa ule.”
24605	MRK 8:36	Kodi ndiko kuti munthu ana phindu lanyi acikhala na bzentse bza pantsi pano, iye acitaya moyo wace?
24617	MRK 9:10	Iwo adakoya cintsintsi cire, acimbabvudzana okha-okha kuti:“Kumuka kwa wakufa ndiko kulewa tani?”
24618	MRK 9:11	Ndipo adambvundza aciti: “Kodi thangwe ranyi amisiri wa Mtemo ambalewa kuti Eliya an'dzakhala wakutoma kubwera?”
24640	MRK 9:33	Ndipo wadafika kuKafernau. Pomwe iye akhali mnyumba, adawabvundza kuti: “Kodi panjira pale mukhambatsutsana ciani?”
24648	MRK 9:41	Na tenepo ule omwe an'kupasani mkombo wa madzi mudzina langu, thangwe ra kuti ndimwe wa kwa Krixtu, cadidi ndiri kulewa kuti umweyo cipo angadzasaye kutambira mabaibai.”
24651	MRK 9:44	[“Kumweko kuna nkhonye zakuluma zimbafa lini, ndipo moto wacembo umbathima lini.”]
24653	MRK 9:46	[“Kumweko kuna nkhonye zakuluma zimbafa lini, ndipo moto wacembo umbathima lini.”]
24655	MRK 9:48	Kumweko kuna nkhonye zakuluma zimbafa lini, moto wacembo umbathima lini.
24663	MRK 10:6	Koma, pa ciyambi pa bzentse Mulungu, adalenga wanthu, mamuna na m'kazi.
24678	MRK 10:21	Jezu adamunyang'ana, na lufoi acimuwuza kuti:“Uli kusaya cinthu cibodzi: ndoko, ukagulise cuma centse. Kobiri zentse ukapase wanthu wakusauka, ndipo un'dzatambira cuma kudzulu. Patsogolo pace ubwere, udzanditewere.”
24683	MRK 10:26	Pamwepo wakupfundzira adadabwa kwene-kwene acibvundzana kuti:“Kodi angapulumuke mbani?”
24684	MRK 10:27	Jezu adawanyang'ana aciti:“Kwa wanthu n'bzin'kwanisika lini, tsono kwa Mulungu ntenepo lini, Kwa Mulungu bzentse n'bzakukwanisika.”
24690	MRK 10:33	Adati:“Tiri paulendo wa kuJerusalemu. Kumweko Mwana-wa-Munthu ali kukaperekedwa kwa akulu wa azibaba wa ntsembe na apfundzisi wa mtemo. Iwo an'kamutonga na kupasa nyathwa kuti aphedwe. Ndipo an'kamupereka kwa wanthu wakunja.
24695	MRK 10:38	Tsono Jezu adati: “Mun'dziwa lini bzomwe muli kukumbira. Kodi imwe mungakwanise kumwera mkombo omwe ine nin'dzamwera? Ndipo imwe mungadzabatizidwe ninga momwe ine nin'dzabatizidwa?”
24728	MRK 11:19	Kudayamba kudoka, Jezu na wakupfundzira wace adacoka mumzinda mule.
24731	MRK 11:22	Jezu adawatawira, “Khulupirirani Mulungu.
24734	MRK 11:25	Ndipo mungafuna kupemba, cakutoma mulekerere mwandzanu penu munaye cinthu. Mungaterepo, Baba wanu omwe ali Kudzulu an'dzakulekelerani bzakuipa bzanu.”
24735	MRK 11:26	“Tsono penu imwe munilekerera lini andzanu, Baba wanu omwe ali Kudzulu an'dzakulekereranimbo lini bzakuipa bzanu.”
24737	MRK 11:28	“Kodi utongi wakuti mumbacite bzimwebzi mudautenga kuponi? Mbani adakupasani utongi umweyu?”
24739	MRK 11:30	Kodi ubatizi bwa Juwau bukhali bwa kudzaulu ayai bwa wanthu? Nditawireni.”
24740	MRK 11:31	Ndipo iwo adabvundzana acimbati, “Tingalewa adazitenga kwa Mulungu, umweyu anilewa kuti:‘Kodi thangwe ranyi tsono mulibe kum'khulupirira?’
24751	MRK 12:9	“Kodi mwenekaciro wa dimba an'dzacita ciyani? An'dzabwera aciwapha alimiwo, dimba lire acipasa anango.
24752	MRK 12:10	Kodi mulibe kulewenga bzomwe bzakunemba bzimbalewa? Bzimbati, ‘Mwala omwe amisiri wakumanga nyumba adaulamba, ndiwo wadzakhala mwala wakufunika.
24756	MRK 12:14	Iwo adafika aciti, “Mpfundzisi, tin'dziwa kuti imwe ndimwe wakulungama, ndipo mulibe lubvera. Mumbanyang'ana lini kuti uyu mbani, ndipo mumbapfundzisa njira ya uMulungu cadidi. Kodi kumbvumizidwa kuti timbapime msonkho kwa mambo wa kuRoma, ayai ne?
24758	MRK 12:16	Iwo adam'pasa kobiri ire. Ndipo iye adawabvundza kuti, “Kodi nkhopeyi njayani, ndipo dzinali ndayani?” Iwo adatawira,“ Nbza Seza.’
24765	MRK 12:23	Kodi pantsiku yakudzamuka kwa wakufa, mwenekaciro mkaziyo an'dzakhala uponi? Thangwe la kuti abale anomwe wale wentse akhadamulowola.”
24767	MRK 12:25	Na tenepo pakumuka kwa wakufa, palibe kulowolana. Wentse an'dzakhala ninga anjo za Kudzaulu.
24770	MRK 12:28	Mdziwi m'bodzi wa mtemo, adabva kutsutsana kwawo. Pomwe adawona kuti Jezu adawatawira bwino Asaduseyu wale, adafendera adabvundza aciti, “Kodi mwa mitemo yentse, ukulu ni uponi?”
24776	MRK 12:34	Jezu adawona kuti munthuyo adatawira na udziwi. Ndipo adamuwuza kuti, “Iwe uli lini kutali na Umambo bwa Mulungu.” Kuyambira pamwepo pakhalibe winango wakulimba mtima kuti amubvundze.
24777	MRK 12:35	Pomwe Jezu akhapfundzisa muNyumba ya Mulungu, adabvundza, “Kodi adziwi wa mtemo ambalewa kuti Krixtu ni mwana wa David?
24788	MRK 13:2	Jezu adamuwuza kuti, “Kodi muli kuziwona nyumba zikulu-zikuluzi? Pan'dzasala lini mwala padzaulu pamwala undzace: yentse in'dzagumulidwa.”
24792	MRK 13:6	Thangwe azinji an'dzabwera mudzina langu acimbadzalewa kuti, ‘Krixtu ndine.’ Ndipo wan'dzasoceresa wanthu azinji.
24797	MRK 13:11	Ndipo angadzakuphatani acikuperekani pamphala, lekani kudzakhala na thupo kuti, ‘Kodi tikalewe ciyani?’ Mun'kalewa bzomwe Mulungu an'kakuwuzani panthawe yomweyo. Thangwe ndimwe lini mun'dzalewa-lewa. Mzimu Wakucena ndiwo un'dzalewa-lewa.
24807	MRK 13:21	“Na tenepo, winango angadzakuwuzani kuti, ‘Ali pano Krixtu,’ ayai ‘Uyo ali apo.’ Lekani kudzam'bvera
24808	MRK 13:22	thangwe kun'dzawoneka wanthu wakunama an'dzalewa kuti, ‘Ndine Krixtu’ pinango kuti, ‘Ndine mpolofiti.’ Wanthuwo acimbadzacita mabasa yamphambvu ndipombo bzinthu bzakudabwisa kuti bzingadzakwanisika adzasocerese napo wakusankhulidwa na Mulungu.
24817	MRK 13:31	Kudzulu na dziko lapantsi bzin'dzamala, tsono mafala yangu yan'dzamala lini cipo.”
24819	MRK 13:33	Cenjerani! Khalani wakupenya thangwe mun'dziwa lini nthawe in'dzakwana lini.
24821	MRK 13:35	Khalani wakupenya thangwe mun'dziwa lini nthawe yomwe mwenekaciro-nyumba an'dzabwera: penu ni maulo, penu ni pakati pausiku, penu ni congwe wakuyamba, ayai madandakweca.
24822	MRK 13:36	Kuti angakwanise kudzabwera mwa cisututu, aleke kudzakugumanani mudagona.
24823	MRK 13:37	Bzomwe ndiri kulewabzi, ndiri kuwuza mwentse ‘Khalani wakupenya.’”
24835	MRK 14:12	Pantsiku yakutoma ya msinda wa mikate yakusaya cakutupisa, ntsiku yomwe wanthu akhambapha mwana wa bira pakucita cikondwereso ca Phasika, wakupfundzira wa Jezu adamubvundza kuti, “Kodi tikakukondzereni kuponi mbuto yakudyera uzokoto wa Phasika?”
24840	MRK 14:17	Kwatadoka, Jezu adabwera na wakupfundzira wace khumi na awiri wale.
24861	MRK 14:38	Khalani mudapenya mucimbapemba, kuti muleke kuyezedwa na bzakuipa. Cadidi mzimu uli kufuna, tsono thupi lawofoka.”
24864	MRK 14:41	Pomwe adabwerera kacitatu, adati, “Kodi muli kugona na kupuma? Bzakwana. Nthawe ire yakwana, Mwana-wa-Munthu ali kukaperekedwa kwa wanthu wakuipa.
24876	MRK 14:53	Ndipo iwo adatenga Jezu aciyenda naye kunyumba ya mkulu wa azibaba wa ntsembe. Kumweko kukhadagumana wentse akulu wa azibaba wa ntsembe na akulu wa Ajuda, na apfundzisi wa Mtemo.
24883	MRK 14:60	Ndipo mkulu wa azibaba wa ntsembe adaima pamaso pawo, acibvundza Jezu kuti, “Kodi ulibe cakutawira? N'bziponi bzomwe wanthuwa wali kukunamizira?”
24884	MRK 14:61	Jezu adanyamala. Alibe kudzatawira pomwe. Pamwepo mkulu wa azibaba wa ntsembe ule adabvundza pomwe kuti,“Kodi ndiwe Crixtu Mwana wa Mulungu wakusimbiwa?”
24897	MRK 15:2	Pilatu adambvundza kuti, “Kodi iwe, ndiwe Mambo wa maJuda?” Jezu adamutawira kuti, “ Mwalewa mwalewa dimwe.”
24899	MRK 15:4	Pilatu adamubvundza pomwe kuti, “Kodi un'tawira lini? nyang'ana ni bzinthu bzingasi bzomwe ali kukunamizira.”
24904	MRK 15:9	Pilatu adawabvundza kuti, “Kodi muli kufuna kuti ndikutsudzulireni Mambo wa majudayu?”
24913	MRK 15:18	Kutsogolo kwace wadayamba kumbam'musa kuti, “bzipulumuse mambo wa majuda.”
24916	MRK 15:21	Pa njira wadagumana na Sirimau wa kuKhirene baba wa Alexandre na Rufu akhagwata kucokera ku munda. Ndipo acikunda wale adam'kakamiza kuti anyamule mtanda wa Jezu.