22606	JON 1:6	Ndipo m'kulu wa xitima adyenda kukam'bvunza Jona kuti: “Ungoneranyi muno? Lamuka, ukumbire mulungu wako! Pinango iye angatibvere ntsisi kuti tisaye kufa.
22608	JON 1:8	Pamwepo adam'bvunza kuti: “Tiwuze tsapanopa kuti thangwe lanyi taona tsokali. Uli kucitanyi muno? Ndiwe wa kuponi? Ndiwe wa m'tundu wanyi?
22611	JON 1:11	Pamwepo, iwo adamubvunza aciti: “Tsono unfuna kuti tikucitenyi ife-pano kuti madzi ya nyanzaya yaderekhe?” Thangwe madzi ya nyanzayo yakhambabvunduka yacimbadzala pomwe.
22619	JON 2:3	aciti: “Pa kubonera kwangu, ine ndidapemba kuna Mbuya, ndipo iye adanditawira, m'kati mwa cidindi ndidakuwa ndipo mudandibva fala langu.
22624	JON 2:8	Pomwe ndikhatsindira moyo, ine ndidakukumbukani imwepo Mbuya. Ndidakupemberani, ndipo mafala yanguyo yadafika m’nyumba mwanu mwa kucena.
22631	JON 3:4	Pomwe Jona adapita mum'zindamo, adafamba ntsiku yentse acimbapaliza acimbalewa kuti: “M'kati mwa ntsiku makumi manai, Niniva in'pfudzidwa.”
22633	JON 3:6	Pomwe mambo wa ku Niniva adaibva nkhani imweyo, adalekeza basa lace la umambo, acikabvalambo mausakala, na kukabvunvulikambo pa dotha.
22634	JON 3:7	Iye adadziwisa wanthu wentse wa mu m'zindamo mu dzina lace, na la nthena zace Kuti: “Palibe munthu m’bodzi yekha omwe anidya, ayai kumwa cinthu; kudyesa na kumwesa bzifuwo, zingakhale ng'ombe ayai mbuzi.
22643	JON 4:6	Mbuya adameresa m'tanga, uciyanga pa ntsodzi pa cikumbi ca Jona, kuti umucitire m'thunzi, umupepese ukali bwace. Pamwepo Jona adakondwa kwene-kwene, thangwe la m'tangayo.
22645	JON 4:8	Pomwe kudacena, Mulungu adacita dzuwa kwene-kwene, licimutentha Jona mum'solo mpaka iye acigwa cikomo. Ndipo iye adafunisisa kufa na m'tima wace wentse, acilewa kuti: “Bziri bwino kuti ine-pano ndife kuposa kukhala tenepano uno!”
22646	JON 4:9	Pamwepo Mulungu adamubvunza Jona kuti: “Kodi iwepo uli kukalipa na thangwe la m'tangayu?” Jona adatawira aciti: “Bziri bwino inde kukalipako, kuti ndife.”
24291	MRK 1:7	Akhalalika aciti: “Pambuyo pangu pakubwera winango wamphambvu kuposa ine. Wakuti ine ndine wakusaya kufunika ngakhale kukotama kutsudzula thambo za xangu zace.
24294	MRK 1:10	Pakucoka mmadzimo, adawona kudzulu kwakufunguka, ndipo Mzimu Wakucena udabuluka kwa Iye ninga nkhangaiwa.
24300	MRK 1:16	Pakuyenda mmphephete mwa thawale la Galileya, Jezu adawona wanthu awiri, Sirimau na m'bale wace Andereya, akhatheya bwazi mmadzi, thangwe akhali akhongwe.
24310	MRK 1:26	Pamwepo mzimu wakuipa ule udamutekenyesa munthuyo kwakukulu ucikuwa kwene-kwene, ndipo udacoka.
24313	MRK 1:29	Pambuyo pace Jezu adacoka kunyumba ya mapembero kule, adayenda kunyumba ya Sirimau na Andereya pabodzi na Tiyagu na Juwau .
24326	MRK 1:42	Panthawe ibodzi-bodziyo mapere yace yadamala, acicenesewa.
24330	MRK 2:1	Patapita ntsiku pang'ono, Jezu adabwera pomwe kuKafernau. Bzidabveka kuti ali kunyumba.
24334	MRK 2:5	Pakuwona cikhulupiriro cawo, Jezu adawuza bundukutuyo kuti, “Mwana wangu, bzakuipa bzako bzalekereredwa.”
24341	MRK 2:12	Pamaso pawentse, munthu ule adamuka, acitenga macira yace acicoka. Wanthu wentse adadabwa kwene-kwene, acipasa mbiri Mulungu acimbalewa, “Cipo bzimwebzi tikanati kubziwona.”
24343	MRK 2:14	Pakufamba Jezu, adawona Levi, mwana wa Alifeu, akhadakhala pambuto ya basa la msonkho. Adamuuza aciti, “Iwe, unditewere.” Ndipo adamuka acimutewera.
24344	MRK 2:15	Pomwe Jezu akhadya mnyumba mwa Levi, pakhana wanthu azinji wakupimisa msonkho na wanthu wakuphonya. Akhadya na Jezuyo pabodzi na wakupfundzira wace. Thangwe akhalipo azinji wa iwo omwe akhatewera iye.
24345	MRK 2:16	Pakhali amisiri wa Mtemo wa Afaliseyu ndipo adawona kuti Jezu an'kudya na wanthu wakuphonya na wanthu wakupimisa msonkho, adabvundza wakupfundzira wace kuti, “Thangwe ranyi an'kudya pabodzi na wakupimisa msonkho na wanthu wakuphonya?”
24350	MRK 2:21	“Palibe angasonere cakubvala ca kale na cigamba cipsa. Thangwe angacita tenepo, cigamba cire cimbanyothokera cicikuza mubo. Ndipo kung'ambika kwace kumbakhala kwakukulu kusiyana kale.
24352	MRK 2:23	Pantsiku inango ya malinkhuma, Jezu akhapita mminda ya tirigu. Akhayenda tenepo, wakupfundzira wace adayamba kucosa ngala za tirigu acimbadya.
24353	MRK 2:24	Pamwepo Afaliseyu adabvundza Jezu kuti, “Thangwe ranyi wakupfundira wanu ali kucita bzomwe bzin'funika lini pantsiku ya malinkhuma?”
24363	MRK 3:6	Pamwepo Afaliseyeu wale adacoka adakagumanizana na wanthu wa phati ra Herodi, kuti apangane njira yakuphera Jezu.
24368	MRK 3:11	Pomwe mizimu yakuipa ikamuwona ikhabzigwesa pantsi kutsogolo kwa Iye icimbakuwa kuti, “Imwe ndimwe Mwana wa Mulungu.”
24371	MRK 3:14	Pamwepo adasankhula kumi na awiri, aciwacemera dzina la kuti, “Atumiki.” Adawauza kuti, “ndasakhula imwe kuti mumbakhale na ine, ndin'dzakutumani kukalalika,
24373	MRK 3:16	Wanthu kumi na awiri omwe adasankhuliwa mbawa: Sirimau (omwe Jezu adamucemera Pedru),
24377	MRK 3:20	Pambuyo pace Jezu adaenda kunyumba, ndipo wanthu azinji adagumana pomwe, na tenepo Iye na wakupfundzira wace alibe kudzaone nthawe ya kuti adye.
24391	MRK 3:34	Pamwepo adayang'ana wanthu wale omwe akhadakhala acimuzungulira aciti, “Ine mai wangu na abale wangu mbawa.
24394	MRK 4:2	ndipo Jezu akhamba wapfundzisa bzizinji mmifananizo. Pakuwapfundzisa adati,
24396	MRK 4:4	Pakubzala mbeu ire inango idagwera munjira, ndipo mbalame zidabwera ziciidya.
24402	MRK 4:10	Pomwe Jezu akhali payekha, wakupfundzira khumi na awiri wale pabodzi na anango omwe akhali pabodzi naye adamubvundza bza mifananizo ire
24405	MRK 4:13	Pambuyo pace Jezu adawabvundza kuti, “Penu imwe muli kubvesesa lini mfananizo uyu, mungabvesese tani mifananizo inango?
24417	MRK 4:25	Pamwepo omwe ana cinthu kale, an'dzamuthimizira cinango. Tsono omwe alibe cinthu, cing'ono comwe anaco an'dzamutengera basi.”
24420	MRK 4:28	Pamwepo mataka yambaberekesa pomwe mbeu ire yokha-yokha. ambayamba ni nyakamera, zicibwera ngala-ngala, pambuyo pace bzisapo mungala-ngala mule bzimbakhuma.
24430	MRK 4:38	Tsono nthawe yomweyo Jezu akhali mambuyo mwa mwadiyamo, akhadagona acitsamira mtsago. Pamwepo wakupfundzira wale adam'musa, aciti, “Misiri, tinifa mulibe thupo?”
24432	MRK 4:40	Pamwepo Jezu adawabvundza kuti, “Thangwe ranyi muna mantha? Kodi imwepo mundikhulupilira lini?”
24435	MRK 5:2	Pomwe iye adandocoka mmwadiya, padabwera munthu winango wakuphatidwa na mzimu wakuipa acicokera ku thenje.
24437	MRK 5:4	kazinji wanthu akhamba m'manga miyendo na waya, ndipombo kum'manga manja na cingwe, tsono iye akhambabwedza unyolo bule, ndipo waya zakumanga miyendozo akhambagwata. Pakhalibe na m'bodziyo omwe akhakwanisa kumukunda.
24439	MRK 5:6	Pomwe iye adaona Jezu na kutali, adam'thamangira acigodama kutsogolo kwace.
24446	MRK 5:13	Jezu adaibvumiza. Iyo idacoka icipita mwa nkhumbazo. Pamwepo mthithi ule wa nkhumba zomwe zikhakwana bzulu bziwiri zentsenezo zidaguduka zicipolika na kuthamanga zicikabzithusa mthawale, mpaka kufa mwemo.
24447	MRK 5:14	Amakabusa wazene adathawa, acikauza wanthu mu mzinda na mii. Pamwepo wanthu wale adacoka kuti akaone bzomwe bzidacitika.
24450	MRK 5:17	Pamwepo wanthuwo adamuuza mwakumkakamiza Jezu kuti achoke ku mbali yawo ire.
24451	MRK 5:18	Pomwe Jezu akhapita mmwadiya, munthu omwe akhana mizimu yakuipa ule adakumbira kuti aende nawo.
24453	MRK 5:20	Munthuyo adaenda cadidi aciyamba kumwaza mafala ku mbuto zentse za mizinda khumi,* bzire bzomwe Jezu adam'citira. Pakubva bzimwebzo wanthu wentse adadabwa.
24456	MRK 5:23	acimudandaulira kwene-kwene: Aciti, “Ndaphata minyendo, mwana wangu wam'kazi ali pafupi kufa. Penu mungakwanise kukam'sanzika manja kuti alimbe acikhala na moyo.”
24463	MRK 5:30	Pamwepo Jezu adabva kuti mphambvu zinango zacoka. Ndipo adazungunuka aciyang'ana wanthu wale aciwabvundza kuti, “Kodi mbani wandikhuya bzakubvala bzangu?”
24470	MRK 5:37	Ndipo alibe kubvumiza kuti winango amutewere iye, kupambula Pedru, na Tiyagu, na Juwau, m'bale wa Tiyaguyo.
24471	MRK 5:38	Pomwe iwo adafika kunyumba kwa mkulu ule wa nyumba yamapemphero Jezu adaona phiringo la wanthu omwe, ali akhalira acimbakuwa.
24473	MRK 5:40	Pamwepo wanthuwo adayamba kumuseka.iye adawacosa panja wentse , acitenga baba na mai wa mwanayo,na omwe akhali naye wale, acipita kucipinda kukhana mwana ule.
24475	MRK 5:42	mthawe ibodzi-bodziyo mtsikanayo adamukadi, aciyamba kufamba. iye akhana magole khumi na mawiri. Pamwepo wanthu wale adadabwa kwene-kwene.
24478	MRK 6:2	Pomwe idafika ntsiku ya malinkhuma, Iye adayamba kupfundzisa mnyumba yamapemphero. Wanthu azinji omwe akhamutetekera adadabwa kwene-kwene acimbalewa kuti, “Kodi mamuna umweyu adabzipfunzdira kuponi bzentsenebzi? Udziwi bumwebu adabuwona kuponi? An'kwanisa tani kucita bzidabwiso tenepayu?
24482	MRK 6:6	pamwepo iye adadabwa pakuwona kuti wanthu wakumweko alibe kukhulupirira. Pambuyo pace Jezu adayenda ku mii ya mmphepete, acimbapfundzisa wanthu.
24487	MRK 6:11	Penu kumbuto kwinango wanthu an'kutambirani lini, acilamba kubva mafala yanu, pakucoka kwanu mukunkhumule pfumbi la minyendo yanu. Cimweci cin'dzakhala cizindikiro cakuti wa-na mulandu.”
24492	MRK 6:16	Pomwe Herodi adabva bzomwebzo, adati, “Adamuka kwa wakufa ule, ni Juwau omwe ndidagwata khosi.”
24498	MRK 6:22	Ndipo mwana wacikazi wa Herodiasi adapita, aciyamba kubzina.herodi na wakucemeredwa wale adakomedwa Kwene-kwene nakubzina kule. Pamwepo mambo adauza mtsikana ule kuti, “Undikumbire ciri-centse comwe un'funa, ine ninkupasa.”
24510	MRK 6:34	Pamwe Jezu adacoka mmwadiya, adaona mthithi ukulu wa wanthu. Adawabvera ntsisi, thangwe wakhali ninga mabira yakusaya makabusa, na tenepo adayamba kuwapfundzisa bzizinji.
24519	MRK 6:43	Pambuyo pace wakupfundzira wale,wadatewnga mikate yakusala na ntsomba zire acidzaza madengu khumi na mawiri.
24527	MRK 6:51	Pamwepo iye adapita mmwadiya momwe iwo akhali,ndipo codzi cidaleka. Iwo adamalidwa ndzeru
24530	MRK 6:54	Pomwe iwo adandocoka mmwadiya, mbumba idamuzindikira Jezu.
24546	MRK 7:14	Pambuyo pace Jezu adacemera pomwe mthithi wa wanthu ule kuti ubwere, aciti: “Tetekerani mwentsenemwe,ndipo mubvesese.
24549	MRK 7:17	Pomwe Jezu adasiya mthithi ule wa wanthu acipita mnyumba, wakupfundzira wace wadamubvundza bza mfananizo ule.
24551	MRK 7:19	Thangwe bzin'pita lini mumtima mwace, tsono mmimba, pambuyo pace nkhukabzitaya ku thengo.” (Pakulewa bzimwebzi, Jezu adalamulira kuti bzakudya bzentse wanthu angakwanise kudya.)
24560	MRK 7:28	Pamwepo mkazi ule adati, “Ncadidi, Mbuya, tsono tuntsidza tumbakhala pafupi na mbuto yakudyera tucimbadya tumisuwa tomwe wana ambataya.”
24561	MRK 7:29	Pamwepo Jezu adamuuza kuti, “Thangwe la matawiridwe yako , ndoko, mzimu wakuipa wacoka mwa mwana wako.”
24575	MRK 8:6	Pamwepo Jezu adauza mbumba ire kuti ikhale pantsi. Pambuyo pace adatenga mikate minomwe ire, acitenda Mulungu, adaigwatagwata aciipereka kwa wakupfundzira wace kuti agawire mbumba ire. Wakupfundzira wale wadaigawira mbumba ire.
24579	MRK 8:10	Pambuyo pace Iye na wakupfundzira wace adapita mmwadiya aciyenda ku mbali ya Dalammanuta.
24583	MRK 8:14	Pakucoka wakupfundzira wa Jezu akhadayebwa kutenga mkate, tsono mmwadiyamo akhana mkate ubodzi wokha.
24585	MRK 8:16	Pamwepo wakupfundzira wale adayamba kutsutsana acimbati, “Ali kulewa bzimwebzi thangwe tiribe mkate.”
24588	MRK 8:19	Pale ndidagwata-gwata mikate mixanu kuti ndidyese wanthu bzulu bzixanu, kodi mudadzaza bzitundu bzingasi bza bzakusala?” Wakupfundzira wale adati, “Bzitundu khumi na bziwiri.”
24590	MRK 8:21	Pamwepo Jezu adati, “Kodi mukanati kubva basi?”
24598	MRK 8:29	Pamwepo Jezu adawabvundza kuti, “Kodi imwepo, mumbati ndine yani?” Pedru adamutawira kuti, “Imwe ndimwe[kirixtu] Mpulumusi adalewedwa ule.”
24601	MRK 8:32	Bzimwebzi adabzilewa padeca Na tenepo Pedru adamutenga aciyenda naye pambali, aciyamba kumutsimula.
24602	MRK 8:33	Tsono Jezu adaceuka, acinyang'ana wakupfundzira wace winango wale, ndipo adatsimula Pedru. Adati, “Coka kwa ine, iwe Satana! Ndzeru yako ndiyo lini ndzeru ya Mulungu , ni ndzeru ya wanthu.”
24603	MRK 8:34	Pambuyo pace Jezu adacemera mthithi wa wanthu pabodzi na wakupfundzira wale kuti abwere pafupi na iye, adawauza kuti, “Munthu an'funa kunditewera, abzilambe iye yekha, ndipo anyamule mtanda wace acinditewera.
24609	MRK 9:2	Zatapita ntsiku zitanthatu, Jezu adatenga Pedru, Tiyagu na Juwau, acikwira nawo kuphiri litali kwa okha. Ndipo adasandusidwa Jezu pamaso pawo.
24612	MRK 9:5	Pedru adauza Jezu kuti, “Misiri, n'bzabwino kuti ife tikhale pano. Timange bzikumbi bzitatu, cibodzi canu, cinango ca Mozeji, na cinango ca Eliya.”
24616	MRK 9:9	Pomwe wakhabuluka m'phiri, Jezu adawaletsa kuti aleke kuwuza winango bzomwe adawona, mpaka Mwana-wa-Munthu amuke kwa wakufa.
24621	MRK 9:14	Pomwe iwo adabwerera kwa wakupfundzira winango wale, adawona mthithi ukulu wa wanthu ukhadawazungulira ndipo Amisiri wa Mtemo akhatsutsana na wakupfundzira wale.
24622	MRK 9:15	Pomwe wanthu wentsenewo adawona Jezu, adadabwa kwene-kwene, ndipo adam'thamangira kukam'musa.
24626	MRK 9:19	Pamwepo Jezu adawatawira kuti, “Hu! Wanthu wakusaya cikhulupiriro! Nin'dzakhala namwe mpaka lini? Ndin'dzapirira namwe mpaka lini? ndibweresereni.”
24627	MRK 9:20	wadabwera naye. Pakuwona Jezu, mzimu wakuipa udayamba kusukusa mulumbwana ule mwa mphambvu, mpaka iye pantsi khu, nkhumbabvumbvulika, acicoka phobvu kumulomo.
24629	MRK 9:22	Mzimu umweyu umbakhala ucimbamugwesa kawiri-kawiri. Umbam'gwesa pamoto pinango mmadzi kufuna kumupha. Penu Imwe mungakwanisa, tibvereni ntsisi, tithandizeni.”
24631	MRK 9:24	Pamwepo baba wa mwana adakuwa [acidandaula] aciti, “Ndiri kukhulupirira. Ndithandizeni kusaya cikhulupiriro kwangu.”
24632	MRK 9:25	Pomwe Jezu adawona kuti wanthu ali kuwanda pambutoyo, adawutsimula mwa ukali mzimu wakuipayo, adati:“Iwe mzimu wakutazisa kulewa-lewa na kubva, ndiri kukuuza kuti ucoke mwa mwanayu, ndipo leka kudzapita pomwe mwa iye.”
24635	MRK 9:28	Pomwe Jezu adakapita mnyumba, wakupfundzira wace adamubvundza pambali, kuti, “Ife tidatazira tani kuucosa mzimu ule?”
24640	MRK 9:33	Ndipo wadafika kuKafernau. Pomwe iye akhali mnyumba, adawabvundza kuti: “Kodi panjira pale mukhambatsutsana ciani?”
24642	MRK 9:35	Jezu adakhala pantsi, acicemera wakupfundzira khumi na awiri wale, aciwauza kuti:“Penu winango an'funa kukhala wakutoma, an'dzakhala wakumalizira, ndipo wakudzatumikira wentse.”
24643	MRK 9:36	Pamwepo adatenga mwana m'bodzi, acimukhazika pakati pawo acikumbatira, adawauza kuti,
24649	MRK 9:42	“ Penu wina angaphonyese m'bodzi wa ang'onowa wakukhulupirira ine, umweyo bzikhali bwino kuti amangiriridwe cimwala ca nyampheyo mkhosi acikam'thusa panyandza.
24650	MRK 9:43	Penu boko lako liri kukuphonyesa, ligwate. N'bzabwino kuti ukapite kumoyo wakusaya kumala uli wakugwatika boko, kuposa kuti ukapite una manja yentse mawiri kumoto wakusaya kumala.”
24652	MRK 9:45	“Penu mwendo wako uli kukuphonyesa, ugwate. N'bzabwino kuti ukapite kumoyo wakusaya kumala uli wakugwatika mwendo, kuposa kuti ukathusidwe kumoto wakusaya kumala una miyendo yentse miwiri.”
24654	MRK 9:47	“Penu diso lako liri kukuphonyesa, licose. n'bzabwino kuti ukapite muUmambo bwa Mulungu uli na diso libodzi lokha, kuposa kuti akakuthuse kumoto wakusaya kumala una maso yentse mawiri.
24667	MRK 10:10	Pomwe adapita mnyumba, wakupfundzira adamubvundza Jezu bza nkhani imweire.