22615	JON 1:15	Iwo adam'temba Jona, acimuthusa m'madzi, kucokera pamwepo ndipo mandziyo yadaderekha.
22631	JON 3:4	Pomwe Jona adapita mum'zindamo, adafamba ntsiku yentse acimbapaliza acimbalewa kuti: “M'kati mwa ntsiku makumi manai, Niniva in'pfudzidwa.”
22632	JON 3:5	Wanthu wentse wa m'Ninivamo, akulu na wana adabvuma Mulungu. Iwo adapangana kuti abzimane kudya, acibvala mausakala kuyambira nkulu mpaka mwana.
22639	JON 4:2	Iye adapemba kuna Mbuya aciti: “Nandi Mbuya! Kodi n'psimwebzi lini bzomwe ndikhadalewa kale, pomwe ndikhali kumui?” Ndipopo ine ndikhadathabza, ndicithawa ndicikuyenda ku Talisisi. Nakuti ine-pano ndikhadziwa kale kuti iwepo ndiwe Mulungu wa kudeka m'tima, wa nsisi kwene-kwene, wa kufewa m'tima na wa kupirira pomwe, omwe umbalekerera bza kuipa.
22643	JON 4:6	Mbuya adameresa m'tanga, uciyanga pa ntsodzi pa cikumbi ca Jona, kuti umucitire m'thunzi, umupepese ukali bwace. Pamwepo Jona adakondwa kwene-kwene, thangwe la m'tangayo.
22644	JON 4:7	Tsono mwangwana yanzace, Mulungu adatumiza cikonye cicikafukuta m'tagayo, iwo uciwumiratu.
22647	JON 4:10	Tsono Mbuya adalewa kuti: “Iwepo wabvera ntsisi m'tanga, omwe ulibe kuwubonerera na kuwukuza. Iwo udamera ntsiku ibodzi, mangwana yanzace uciwumiratu.
24303	MRK 1:19	Atafamba pang'ono, adawona Tiyagu na Juwau, wana wa Zebedeu, omwe akhali mmwadiya kukondza mabwazi.
24322	MRK 1:38	Tsono Iye adatawira kuti: “Mbatiyendeni tipite kumidzi inango pafupi na pam'pano, ndikalalike mafala kumweko. Thangwe ndibzo ndidabwerera.”
24330	MRK 2:1	Patapita ntsiku pang'ono, Jezu adabwera pomwe kuKafernau. Bzidabveka kuti ali kunyumba.
24338	MRK 2:9	Cakupusa n'ciponi, kumuwuza bundukutuyu kuti, ‘Bzakuipa bzako bzalekereredwa,’ ayai, ‘Muka, tenga macira yako, uyende?’
24351	MRK 2:22	Ndipombo munthu angathire lini vinyu ipsa mmabudu ya khanda la kale. Thangwe angacita tenepo, mabudu yambang'ambika, ndipo vinyu ire imbataika. Mabuduyo nkhumala basa. Tsono bzin'funika kuikha vinyu mmabudu yapsa.”
24366	MRK 3:9	Jezu adauza wakupfundzira wace kuti amuikire mwadiya pafupi,akha gopesa kuti wanthu angayambe kum'psinyiza, thangwe ukhali mthithi ukulu
24392	MRK 3:35	Ali-yentse omwe ancita bzomwe Mulungu an'funa, womwewo ndiwo am'bale wangu, na mai wangu.”
24404	MRK 4:12	kuti ‘Kuyang'ana ayang'ane, tsono acisaya kuwona cinthu, ndipo kubva abve cadidi, tsono acisaya kubva cinthu, kuti angasandulike mtima, ndipo Mulungu angadzawalekerere.’”
24414	MRK 4:22	Na tenepo ciri-centse cakubisika cin'dzaoneka, pomwe ciri-centse ca kabise-bise bzin'dzazimbuka padeca.
24430	MRK 4:38	Tsono nthawe yomweyo Jezu akhali mambuyo mwa mwadiyamo, akhadagona acitsamira mtsago. Pamwepo wakupfundzira wale adam'musa, aciti, “Misiri, tinifa mulibe thupo?”
24498	MRK 6:22	Ndipo mwana wacikazi wa Herodiasi adapita, aciyamba kubzina.herodi na wakucemeredwa wale adakomedwa Kwene-kwene nakubzina kule. Pamwepo mambo adauza mtsikana ule kuti, “Undikumbire ciri-centse comwe un'funa, ine ninkupasa.”
24597	MRK 8:28	Iwo adatawira kuti, “Winango ambalewa ndimwe Juwau M'batizi, winango ndimwe Eliya, winangombo ambalewa ndimwe m'bodzi wa apolofita.”
24600	MRK 8:31	Jezu adayamba kupfundzisa wakupfundzira wace kuti, “Mwana-wa-Munthu bzin'dzafunika kuti aboneresedwe kwene-kwene. Akulu wa Ayuda, na akulu wa azibaba wa ntsembe na amisiri wa Mtemo wacidzamulamba. Iye an'dzaphedwa, tsono zingadzapita ntsiku zitatu an'dzamuka.”
24604	MRK 8:35	Thangwe an'funa kupulumusa moyo wace, an'dzautaya, tsono wakutaya moyo wace thangwe ra Ine na Mafala Yabwino, an'dzaupulumusa.
24616	MRK 9:9	Pomwe wakhabuluka m'phiri, Jezu adawaletsa kuti aleke kuwuza winango bzomwe adawona, mpaka Mwana-wa-Munthu amuke kwa wakufa.
24625	MRK 9:18	Ndipo ukandom'phata, umbam'gwesa pantsi, aciyamba kucoka phobvu kumulomo, acimbakukuta mano, mpaka thupi gwa kuuma. Ndipo ndidakumbira wakupfundzira wanu kuti aucose, tsono adatazira.”
24643	MRK 9:36	Pamwepo adatenga mwana m'bodzi, acimukhazika pakati pawo acikumbatira, adawauza kuti,
24674	MRK 10:17	Pomwe Jezu akhaguduka, munthu wina adam'thamangira, acimgodama kutsogolo kwace, acimubvundza kuti:“Mpfundzisi wabwino, kodi ningacite tani kuti ndidzatambire moyo wakusaya kumala?”
24678	MRK 10:21	Jezu adamunyang'ana, na lufoi acimuwuza kuti:“Uli kusaya cinthu cibodzi: ndoko, ukagulise cuma centse. Kobiri zentse ukapase wanthu wakusauka, ndipo un'dzatambira cuma kudzulu. Patsogolo pace ubwere, udzanditewere.”
24691	MRK 10:34	Iwo an'kamusinjirira, acikamupsipira mata, acimuchanga ndipo acimupha. Zingadzapita ntsiku zitatu, Iye an'dzamuka.”
24696	MRK 10:39	Iwo adatawira kuti: “Inde, tin'dzakwanisa.” Pamwepo Jezu adati:“Cadidi, mkombo omwe Ine nin'dzamwera, imwe mun'dzaumwerambo, ndipo mun'dzabatizidwa ninga ine.
24712	MRK 11:3	Penu Wina an'kubvundzani kuti:‘Thangwe ranyi muli kucita bzimwebzi?’ Tawirani kuti: ‘Mbuya an'kafuna, ndipo patsogolo pace an'dzakabwezera pomwe kuno.’”
24732	MRK 11:23	Cadidi ndiri kukuwuzani kuti penu wina aniuza phiri iri kuti: ‘Coka apa, ukabzithuse kunyandza,’ angalewa na mtima wakusaya kukayika, mucikhulupirira cadidi kuti bzomwe ali kulewabzo bzin'citika, na tenepo bzin'dzacitika ninga bzomwe walewa.
24761	MRK 12:19	“Mpfundzisi, Mozeji adatinembera kuti, ‘Penu munthu akafa, acisiya m'kazi, alibe naye mwana, m'bale wa wakufayo apite nthaka kuti abalire m'bale wace ule omwe adafa.’
24784	MRK 12:42	Tsono padafika mansiwa m'bodzi, adathusa tukobiri tuwiri twakukwanira quadrante .
24794	MRK 13:8	Madzindza yakusiyana-siyana yan'dzasandukirana. Madziko yakusiyana-siyana yan'dzamenyana nkhondo. Mbuto zakusiyana-siyana zin'dzatekenyeka, ndipo kun'dzakhala njala. Tsono bzimwebzi bzidzakhala ninga kubvulumukidwa kwa mai wa pathupi.
24810	MRK 13:24	“Ntsiku zimwezo, mabvutoyo yangadzamala, dzuwa lin'dzathima, mwezi un'dzaleka kugaka.
24817	MRK 13:31	Kudzulu na dziko lapantsi bzin'dzamala, tsono mafala yangu yan'dzamala lini cipo.”
24837	MRK 14:14	Ndipo komwe an'kapita, mukauze mwenekaciro wa nyumba kuti, ‘Misiri ali kubvundza kuti, kodi n'ciponi cipinda cangu cakuti ndidzadyere uzokoto wa Phasika na wakupfundzira wangu?’
24845	MRK 14:22	Ndipo pomwe iwo akhambadya, Jezu adatenga m'kate, aciudalisa, adagwata-gwata, acipasa wakupfundzira, ndipo adati, “Phatani, iri ni thupi langu.”
24858	MRK 14:35	Adayenda patsogolo pang'ono, adagodama pantsi, acipemba kuti penu n'bzakukwanisika nthawe yakugoswa ire imupitirire.
24867	MRK 14:44	Wakudzam'pereka ule akhadawauza cizindikiro ca kuti, “Omwe nin'kapsompsonayo, ngumweyo. Mun'kam'phate mun'ciyenda naye, lekani kamuleka.”
24893	MRK 14:70	Tsono Pedru adalamba pomwe. Thawe pan'gono, wanthu omwe wakhali pamwepo wadamuuza Pedru kuti, “Cadidi iwepo ndiwe m'bodzi wawo. Thangwe ndiwembo wa kuGalileya.”
24901	MRK 15:6	Pa nthawe ya cikodwereso ca Phasika, Piratu akhambawatsudzulira mkaidi m'bodzi, omwe iwo akhakumbira.
24915	MRK 15:20	Pomwe wadamala kumsinjirira terepoyo, wadamucosa cakubvala cire, wacim'bvazika pomwe cakubvala cace. Patsogolo pace wadam'tenga, aciyenda naye kuti wakam'khomere pa mtanda.
24934	MRK 15:39	Mkulu wa acikunda omwe akhadaima pamwepo acimbamnyang'anisisa, pomwe adawona kuti Jezu ali kukuwa tenepo acimalizika, adati, “Cadidi, munthuyu akhali Mwana wa Mulungu.”
24958	MRK 16:16	Omwe an'bvuma acibatizidwa, an'dzapulumuka, tsono omwe an'bvuma lini, an'dzapasidwa nyathwa.
24967	LUK 1:5	Pomwe Erodi akhali mambo wa kuJudeya, pakhana baba wa ntsembe m'bodzi, dzina lace Zakaliya. Iye akhali wa dzindza la Abiya, ndipo mkazace akhali Zabere, dzindza la Alau.
25188	LUK 5:12	Pomwe iye akhali mumzinda ubodzi, ndipo adabwera munthu m'bodzi akhana mapere thupi lentse. Pomwe iye adaona Jezu, adabzithusa kutsogolo kwace acimudandaulira kuti: “Mbuya, penu mun'funa, mungandilimbisembo.”
25203	LUK 5:27	Pomwe adamala bzimwebzo, Jezu adayenda acigumana nyakupimisa mtsonkho m'bodzi, dzina lace akhali Levi, omwe akhadakhala pambuto ya kupimira mtsonkho. Ndipo adamuwuza kuti: “Nditewere!”
25321	LUK 8:7	Inango idagwera m'minga, idamera icikula pabodzi na mingayo tsono idatutumuka.
25347	LUK 8:33	Na tenepo bziwandabzo bzidacoka mu munthuyo bzikapita mu nkhumbamo. Ndipo nkhumbazo zidapolika zicikagwera m'thawale, ndipo zentse zicifa.
25373	LUK 9:3	Na tenepo iye adawauza kuti: “Lekani kutakula cinthu cibodzi cokha ca kuphata m'manja, ninga m'psimbo, budu, mkate, kobiri, ayai mikanjo miwiri.
25374	LUK 9:4	Panyumba pomwe mun'fikirapo, khalani pamwepo mpaka kucoka kwanu mui umweyo.
25441	LUK 10:9	Limbisani atenda omwe ali m'mwemo, muciwauza kuti: “Umambo bwa Mulungu bwakufikirani.”
25448	LUK 10:16	Na tenepo ule omwe an'kutetekeraniyo, na inembo wanditetekera. Na ule omwe an'kulambaniyo, na ine wandilambambo. Ndipo ule omwe andilambayo, walambambo ule omwe adandituma.
25464	LUK 10:32	Ninga bzibodzi-bodzibzo adapitambo na pamwepo m'Levi, nyabasa wa nyumba ya Mulungu acimuwonambo. Ndipo iye adamutsemberambo pomwe.
25493	LUK 11:19	Penu ine-pano ndiri kuzula bziwanda mudzina la Berezebu, kodi wana wanuambo ali kuzula mudzina la yani? Penu n'bzimwebzo, iwo ndiwo an'dzakuyeruzani.
25510	LUK 11:36	Na tenepo penu thupi lako lentse liribe m'mdima na pang'onopo, ndipo lin'dzayetima ninga momwe umbatoyera mbvuniko ukaugasa.
25531	LUK 12:3	Na tenepo bzentse bzomwe mudalewa pam'dima bzin'dzabzeka pakungwerewera. Na bzentsembo bzomwe mwalewa na kawere-were m'gwangwa, bzin'dzakuwidwira pantsodzi.
25554	LUK 12:26	Na tenepo penu imwe mun'kwanisa lini kucita bzinthu kang'onobzi, thangwe ranyi muna thupo na bzinthu bzinango?
25596	LUK 13:9	Penu un'dzabala, n'psabzabwino basi. Ayai ukadzasaya kubala ndipo mudzaugwate bwino.”
25633	LUK 14:11	Thangwe munthu ali wentse omwe an'bzitumbiza, iye an'dzanyazidwa. Na ule omwe an'bzicepsa an'dzalemekezedwa.
25643	LUK 14:21	Ndipo mwenekaciro nyumbayo adakalipa adamuwuza kuti: “Ndoko kankulumize m'miseu, m'mankhunde mwa wanthu ukacemere anyakusauka, anyakulemala, azimola na anyakupunduka.”
25651	LUK 14:29	Kuti bzidzasaye kucitika kuti akamala kuimisa majomicomi acisaya kumaliza, ndipo wanthu akadzawona an'dzamuseka,
25661	LUK 15:4	“Penu m'bodzi wa imwepo ana mabira yace dzana, ndipo m'bodzi n'kutaika, kodi angasiye lini mtsalamo yanango makumi mapfemba na mapfembayo aciyenda kukanyang'ana m'bodziyo mpaka kumuwona?
25723	LUK 17:3	Cenjerani. Penu m'bale wako wakuphonyera, mutsimule. Penu iye an'khumbula, iwepo mulekere.
25727	LUK 17:7	Ndipo Jezu adabvundza kuti: “Penu munthu ana nyabasa wace wakulima ayai nyakuusa ng'ombe, akatenepo iye wakotoka, kodi angamuuze kuti atom kukhala patsantsali adye?
25750	LUK 17:30	Na tenepo bzin'dzacitikambo, pomwe Mwana wa Munthu akadzabzilatiza.
25771	LUK 18:14	Na tenepo ndiri kukuwuzani kuti omweyu adabwerera kumui wakulungama kuna Mulungu kuposa mfalizeuyo. Nakuti ule omwe an'bzitumbiza, iye an'dzanyozedwa. Na ule omwe an'bzicesva, iye an'dzakuzidwa.
25783	LUK 18:26	Ndipo wale omwe adabva mafala yamweyo adabvundza kuti: “Penu n'tenepo, tsono mbani an'dzapulumusidwa?”
25789	LUK 18:32	Na tenepo iye an'kaperekedwa kuna wanthu wakunja, an'kamunyaza, an'kamutukwana na kumupsipira mata.
25905	LUK 21:10	Na tenepo iye adawawuza pomwe kuti: “Dziko na Dziko yan'dzapindukirana, umambo na umambo bun'dzapindukiranambo.
25906	LUK 21:11	Pantsi pan'dzatekenyeka, ndipo kun'dzawoneka nthenda, njala mu mbuto zakusiyana-siyana, na malengwa yanango. Ndipo kun'dzawoneka bzinthu bzinango bzakupasa mantha kwene-kwene na bzizindikiro bzinango bzikulu bzakudzulu.
25907	LUK 21:12	Bzikanati kucitika bzinthu bzentsenebzi iwo an'dzakumangani, an'dzakulondani acidzakuperekani m'manyumba zakupembera, an'dzakuperekani pomwe kuna azimambo na kuna atongi na thangwe ra dzina langu.
25939	LUK 22:6	Napo ndiyembo adabvuma. Ndipo iye akhanyang'ana m'mpata kuti am'pereke, wanthu wentse acisaya kudziwa.
25991	LUK 22:58	Padandopita nthawe pang'ono, pomwe mwinango adamuwona adalewa aciti: “Na iwepombo ndiwe m'bodzi wace. “ Tsono Pedru adagaza basi aciti: “Nandi baba imwe ndine-pano lini!”
29998	TIT 3:8	Yamweya ni mafala yakulimbisa cadidi, ndipo ndiri kufuna kuti uwauzisise bzimwebzi kuti wakukhulupirira Mulungu abzipereke pamabasa yabwino. Bzimwebzi n'bzabwino, bzimbathandiza wanthu.
30638	1JN 2:21	Ndiribe kukunemberani bzimwebzi thangwe kuti mun'dziwa lini cadidi, thangwe imwepo mun'cidziwa, nakuti palibe cakunama comwe cimbakhala ca cadidi.