22622	JON 2:6	Madzi yadandimiza ya cifuna kundipha, m’dima udandigwanankhira, na mabonga yacindiyanga mum'solo.
22642	JON 4:5	Ndipo iye adacoka mu m'zindamo aciyenda kukakhala kumabva dzuwa, ndipo kumweko adakonza cikumbi acikhala m'mwemo kuti adzaone n'ciani cingadadzacitika mu m'zindamo.
22643	JON 4:6	Mbuya adameresa m'tanga, uciyanga pa ntsodzi pa cikumbi ca Jona, kuti umucitire m'thunzi, umupepese ukali bwace. Pamwepo Jona adakondwa kwene-kwene, thangwe la m'tangayo.
24367	MRK 3:10	Na kuona kuti akhaciza wanthu azinji, ndipopo wentse omwe akhana matenda akhambagwinyana-gwinyana pakufuna kuti am'khuye.
24384	MRK 3:27	“palibe omwe angakwanise kupita mnyumba ya munthu wamphambvu acimubera bzinthu bzace akanati kum'manga. na tenepo ambatoma kum'manga acimubera bwino.
24416	MRK 4:24	Adawauza pomwe kuti, “Mumbakhale na tcero na mafala yomwe mumbabva. [maphatidwe uncita winango] Mulungu an'dzaphatisambo basa cibodzibodzico pakuweruzambo imwepo, na tenepo kwa imwepo an'dzathimizira.
24453	MRK 5:20	Munthuyo adaenda cadidi aciyamba kumwaza mafala ku mbuto zentse za mizinda khumi,* bzire bzomwe Jezu adam'citira. Pakubva bzimwebzo wanthu wentse adadabwa.
24457	MRK 5:24	Jezu adayenda naye, Wanthu azinji adam'tewera akhambayenda mwa kum'psinyiza.
24493	MRK 6:17	Thangwe Herodiyo kale adatuma acikunda wace kuti akam'phate Juwau, akam'mange acithusa m'kaidi. Adacita bzimwebzire thangwe ra Herodiasi, m'kazi wa Filipe, m'bale wace. na kuti Herodi akhadamulowola m'kaziyo.
24604	MRK 8:35	Thangwe an'funa kupulumusa moyo wace, an'dzautaya, tsono wakutaya moyo wace thangwe ra Ine na Mafala Yabwino, an'dzaupulumusa.
24622	MRK 9:15	Pomwe wanthu wentsenewo adawona Jezu, adadabwa kwene-kwene, ndipo adam'thamangira kukam'musa.
24638	MRK 9:31	thangwe akhapfundzisa wakupfundzira wace, acimbawati:“Mwana-wa-Munthu an'dzaperekedwa kwa wanthu, ndipo an'dzamupha. Tsono angamupha, Iye an'dzamuka pomwe zingadzapita ntsiku zitatu.”
24663	MRK 10:6	Koma, pa ciyambi pa bzentse Mulungu, adalenga wanthu, mamuna na m'kazi.
24689	MRK 10:32	Wakhali pa ulendo bwa kuJerusalemu, Jezu akhali patsogolo, wakupfundzira wace akhadabwa. Napombo wanthu omwe akhatewera akhana mantha. Ndipo adawacemera pomwe wakupfundzira khumi na awiriwo pambali, aciwafokotozera bzomwe bzin'dzamucitikira.
24733	MRK 11:24	Na tenepo ndiri kukuwuzani kuti ciri centse comwe mungakumbire mwa kupemba, khulupirirani kuti mwatambira ndpo na tenepo mun'dzatambira.
24794	MRK 13:8	Madzindza yakusiyana-siyana yan'dzasandukirana. Madziko yakusiyana-siyana yan'dzamenyana nkhondo. Mbuto zakusiyana-siyana zin'dzatekenyeka, ndipo kun'dzakhala njala. Tsono bzimwebzi bzidzakhala ninga kubvulumukidwa kwa mai wa pathupi.
24811	MRK 13:25	Nyenyezi zin'dzagwa kucokera kudzaulu, ndipo mphambvu za kudzaulu zin'dzatekenyeka.
24836	MRK 14:13	Jezu adatuma awiri mwa wakupfundzira wace, aciwauza kuti, “Ndokoni mumzindamu. Mun'gumana na mwamuna adanyamula mtsuko wa madzi. Mum'tewere.
24914	MRK 15:19	Wacimbamumenya mmsolo na mpsimbo, wacimbam'psipira mata, wacimbanamizira kum'godamira.
24935	MRK 15:40	Patali na iye pakhana azimai, akhanyang'anisisa. Winango mwa iwo akhali Maliya wa kuMagadala, na Maliya, mai wa Tiyagu mng'ono na wa Zuze, ndipombo Salome.
24936	MRK 15:41	Azimaiwa akhatewera Jezu pomwe Iye akhali ku Galileya, acimbam'tumikira. akhalipombo azimai winango azinji omwe adayenda naye ku Jerusalemu.
24976	LUK 1:14	Iwepo un'dzakomedwa ucikondwa na kubadwa kwace, ndipo wanthu azinji an'dzakomedwambo.
24997	LUK 1:35	Ndipo anjo ule adamutawira aciti: Mzimu Wakucena un'dzakubulukira. Ndipo mphambvu za Iye Wakudzulu zin'dzakugwanankhira ninga mtambo. Na tenepo mwana omwe an'dzabadwayo an'dzacemeredwa Mwana wa Mulungu.
25007	LUK 1:45	Wakusimbidwa ngule omwe adabvuma kuti bzentse bzomwe Mbuya adalewa bzin'dzacitika.
25022	LUK 1:60	Tsono mai wace adatawira aciti: “Ne-ne-ne, bzingacitike lini na pang'onopo. Maka Juwau.”
25099	LUK 3:5	Bzigwa bzentse bzindzakhala na tumitunthu. Mapiri na tumapiri bzindzayalazidwa. Njira zentse zakugonyoka zindzalungamizidwa. Na zentse za mapoli-kata zin'dzayalasidwa.
25138	LUK 4:6	Na tenepo dyabuyo adamuuza kuti: “Ndin'kupasa umambo na mbiri yentse nakuti bzentsebzi mpsangu ndidapasidwa. Ine-pano ningapasembo omwe ndin'funa.
25145	LUK 4:13	Pomwe dyabuyo adamala kumuyezera na njira zentse, iye adacoka pang'ono.
25179	LUK 5:3	Ndipo iye adapakira m'mwadiya wa Simau, acikumbira kuti amugwinyire panyanza pang'ono. Ndipo iye adakhala aciyamba kuwapfundzisa.
25181	LUK 5:5	Tsono Simau adamutawira aciti: “Misiri, ife-pano kuphata basa usiku bwentse, tsono tiribe kuphata cinthu! Nakuti ndimwepo muli kundiwuzayu, tin'kathusa.
25182	LUK 5:6	Pomwe iwo adacita bzimwebzo, adaphata ntsomba zizinji kwene-kwene, mpaka bwazibo bukhafuna kung'ambika.
25242	LUK 6:27	Ndiri kukuuzani winango omwe muli kundibvamwe kuti mucitire lufoi awengi wanu. Citani bzinthu bzabwino kuna wale omwe an'kuwengani.
25254	LUK 6:39	Ndipo iye adawatsikira pomwe matere aciti: Kodi zimola angakhale langa kuna zimola mwandzace? Nenene! Nakuti wentse an'gwera m'dindi.
25271	LUK 7:7	Na tenepo ndikhalibe kuthemera kudzakucemerani. Napo mucirewa na kuno bzomwe bzinfunikabzo nyabasa wanguyu an'limbe.
25302	LUK 7:38	Ndipo iye adadzaima m'mbuyo mwa Jezu acimbalira. Na tenepo misozi yace ikhagogera m'minyendo mwa Jezu.Ndipo mkaziyo akhambamupukuta na tsisi lace litali na kumbamumpsompsona m'minyendo. Na tenepo. iye akhambamudzoza na mafuta ya kununchira.
25308	LUK 7:44	Na tenepo Jezu adaceuka kuna mkazi ule acim'bvundza Simau kuti: “Kodi uli kuwona mkaziyu? Ndapita m'nyumba mwako muno iwepo ulibe kundipasa madzi ya kusamba m'minyendo. Tsono iye, wanditotesa na misozi acindipukutiratu na tsisi race.
25309	LUK 7:45	Iwepo ulibe kundimpsompsona, tsono ine ndandoti piteni pezi iye alibe kulekeza kundimpompsona m'minyendo.
25341	LUK 8:27	Pomwe iwo adatsama adagumana na munthu m'bodzi wa mundzindamo omwe akhagwa bziwanda. Ndipo iye akhambakhala pezi kuyambira kale-kale. Ndipo iye akhakhala lini m'nyumba maka m'thenje.
25343	LUK 8:29	Tsono Jezu akhadatonga kale kuti bziwandabzo bzicoke m'thupi mwa munthumo. Nakui ntsiku zentse iye akagwa ndipo wanthu akham'anga na manyolo bzikamugwa wanthu akhamumanga na manyolo manja na minyendo acimbamulindira. Tsono iye akhambabwedza manyoloyo acithawira m'thengo.
25348	LUK 8:34	Pomwe amakabusa wa nkhumbazo adawona bzimwebzo, adathamanga acikawuza wanthu kumzinda na m'mii.
25365	LUK 8:51	Pomwe Jezu adafika kumui kwa Jairosiko, iye alibe kubvumiza munthu winango kuti apite m'nyumambo. Maka Pedru, Juwau, Tiyago na azibaba wa mwanayo okha.
25382	LUK 9:12	Pomwe kukhadoka, ateweri wace adamuuza kuti: “Abalaliseni wanthuwa kuti ayende m'mii na m'minda yomwe iri m'fupi-m'fupi muno kuti akakumbire malo na cakudya. Thangwe tiri kuno n'kuthengo.
25389	LUK 9:19	Ndipo iwo adatawira aciti: “Winango ambalewa kuti ndiwe Juwau M'batizi. Winango ambalewa kuti ndiwe Eriya. Winangombo ambalewa kuti ndiwe mpolofeta wakale-kale omwe adafa wamuka pomwe.
25392	LUK 9:22	Na tenepo iye adawauza pomwe kuti: “Mwana wa Munthu andzabonera kwene-kwene. Ndipo iye an'dzalambidwa na atsogoleri wa wanthu, na akulu-akulu wa azibaba wa ntsembe na apfundzisi wa ntemo. Na tenepo iye an'dzaphedwa. Tsono an'dzalamuka pomwe pa paimpfa zikadzapita ntsiku zitatu.
25439	LUK 10:7	Na tenepo khalani panyumba imweyo, ndipo mucidya na kumwa bzomwe an'kupasanibzo. Thangwe munthu ali wentse omwe am'phata basa bzinfunika kuti atambire malipiro yace. Lekani kucoka panyumba yomwe mwafukirayo muciyenda nyumba inango.
25440	LUK 10:8	Mukafika munzinda uli wentse, mucitambiridwa bwino, dyani bzomwe an'kupasanibzo.
25462	LUK 10:30	Na tenepo Jezu adamutawira aciti: “Pakhana munthu m'bodzi omwe akhabuluka kucokera kuJeruzalema acimbayenda kuJerikoo. Ndipo iye adagumana na akapondo. Na tenepo iwo adam'khundula bzakubvala, acim'menya. Ndipo iwo adamusiya wafumphira.
25474	LUK 10:42	Tsono, cinthu cibodzi cin'funika. Na tenepo Maliya wasankhula cinthu cabwino. Ndipo palibe munthu omwe angadzamutengere.”
25482	LUK 11:8	Tsono dziwani kuti napo akasaya kumuka kuti amupase nakuti ni xamwali wace. Ndipo iye an'zalamuka basi thangwe la kumunesa na kumubwerera nthawe imweire. Ndipo iye an'dzamupasa bzentse bzomwe iye an'funa.
25483	LUK 11:9	Na tenepo ndinikuwuzani kuti kumbirani, ndipo mun'dzapasidwa. Lingani, ndipo mun'dzabziwona. Gugudzani, ndipo mun'dzakufunguliridwa.
25491	LUK 11:17	Tsono Jezu akhadziwa kale ndzeru zawo, ndipo iye adawawuza kuti: Dzindza libodzi la wanthu likapambulana iro lin'pfudzika. Na tenepo banja libodzi likabzigawa ndipo iro lin'pasuka.
25493	LUK 11:19	Penu ine-pano ndiri kuzula bziwanda mudzina la Berezebu, kodi wana wanuambo ali kuzula mudzina la yani? Penu n'bzimwebzo, iwo ndiwo an'dzakuyeruzani.
25500	LUK 11:26	Na tenepo ico cimbayenda kukatenga pomwe bzinango bzinomwe bzakuipa kuposa ico, bzicikhala m'mwemo. Ndipo unthu bwace mumbadzalemwa kuipa kuposa pakuyamba.
25508	LUK 11:34	Na tenepo maso yako ndico ceza ca thupi lako. Penu iyo yali bwino na thupi lakombo lina ceza. Tsono penu yali lini bwino na thupi lakombo lina m'dima.
25512	LUK 11:38	Tsono m'falizeuyo adadabwa pomwe adamuwona kuyamba kudya acisaya kusamba m'manja.
25515	LUK 11:41	Tsono tomani kuthandiza anyakusauka na bzinthu bzomwe munabzo. Na tenepo bzinthu bzentsenebzo bzin'dzacena.
25516	LUK 11:42	Tsoka kuna imwe afalizeu! Nakuti imwepo mumbateweza mitemo yentse ya Mozeji, mumbapereka kuna Mulungu cacikhumi ca mbeu zentse za m'munda. Tsono mumbayebwa cilungamo na lufoi la Mulungu. Na tenepo citani bzimwebzi mucisaya kuyebwa bzinangobzi.
25517	LUK 11:43	Tsoka kuna imwe afalizeu! Nakuti imwepo mumbafuna kukhala m'mipando ya ulemu ya m'nyumba zakupembera na kumbamusidwa m'misika.
25523	LUK 11:49	Na tenepo, Mulungu udziwi bwace adalewa kuti: 'Ine ndin'dzatumiza apolofeta na atumiki, tsono winango an'dzaphedwa na winango an'dzathothedwa.
25530	LUK 12:2	Ndipo palibe cinthu cakumpsinkhika comwe cin'dzasaya kukundulidwa, na cire comwe cin'dziwika lini ndipo cin'dzadziwika.
25533	LUK 12:5	Tsono ine-pano ndin'funa kukulatizani omwe an'funika kugopedwa. Ndipo gopani ule omwe akapha munthu, ana mphambvu ya kumuthusa m'cidindi ca moto. N'cadidi kuti omweyo m'mugopeni.
25557	LUK 12:29	Na tenepo lekani kukhala na thupo kuti mun'dzadyanyi ayai kuti kun'dzamwanyi.
25558	LUK 12:30	Thangwe wanthu wa mudziko, ndiwo ambafunisisa bzentsenebzi. Tsono Babanu an'dziwa kale kuti imwepo mun'bzifuna.
25559	LUK 12:31	Tomani mwanyang'ana umambo bwa Mulungu. Ndipo bzinthu bzinangobzo Iye an'dzakupasani.
25576	LUK 12:48	Ndipo ule omwe akhandziwa lini bzomwe bzikhafuna mbuya wace, akacita bzinthu bzakuipa, na tenepo an'dzachangidwa pang'ono. Tsono ule omwe an'tambira bzizinji an'dzasundidwambo bzizinji. Na ulembo ule omwe an'khulupiridwa na bzinthu bzizinji, iye an'dzasundidwambo bzizinji.
25580	LUK 12:52	Na tenepo kucokera lero mpaka kutsogolo, banja la wanthu axanu lin'dzapambulana. Wanthu atatu an'dzawengana na wanthu awiri. Ndipo awiri acidzawenganambo na atatuwo.
25582	LUK 12:54	Ndipo Jezu adawawuza pomwe wanthu wale kuti: “Mukawona m'tambo uli kukwira ucicokera kumadokero mumbalewa kuti mbvula in'bvumba. Ndipo iyo imbabvumba cadidi.
25586	LUK 12:58	Penu una mulandu na munthu, iye akafuna kukakutongesa kumphala, toma wayezera kuyanjana naiye munjira, kuti asaye kukakulewera kuna m'tongi. Ndipo m'tongiyo aleke kukupereka kumphambvu ya umangi. Kuti iye asayembo kukakufungira m'kawoko.
25598	LUK 13:11	Ndipo m'mwemo mudabwera mkazi omwe akhadapundusidwa na ciwanda magole khumi na masere. Na tenepo akhafamba kota-kota nakuti iye akhakwanisa lini kuthamula na pang'onopo.
25621	LUK 13:34	Jeruzalema! Jeruzalema! Umbapha apolofeta na kuboma atumiki wa Mulungu. Kodi ni kangasi ndikhafuna kale kukumbatirira wana wako, ninga momwe nkhuku imbabwamira tutiyo twayene, m'mapapidwe. Tsono imwepo mudalamba mwekha!
25633	LUK 14:11	Thangwe munthu ali wentse omwe an'bzitumbiza, iye an'dzanyazidwa. Na ule omwe an'bzicepsa an'dzalemekezedwa.
25688	LUK 15:31	Ndipo babaceyo adamutawira kuti: “Mwanangu. Iwepo na ine tiri pano pabodzi ntsiku zentse. Ndipo bzinthu bzangu bzentse n'psakombo.
25705	LUK 16:16	Ndipo mtemo wa Mozeji na mapfundzisidwe ya Apolofeta bzidakhala mpaka panthawe ya Juwau M'batizi. Kucokera pamwepo Umambo bwa Mulungu buli kupalizidwa. Na tenepo wanthu wentse ali kucita mphambvu kuti apite.
25721	LUK 17:1	Ndipo Jezu adawuza ateweri wace kuti: “Bzin'dzawoneka bzinthu bzomwe bzin'dzaphonyesa wanthu, tsono tsoka kuna munthu omwe an'dzabzicitayo.
25736	LUK 17:16	Ndipo iye adagodama pana Jezu acimutenda. Tsono iye akhali m'Samaliya.
25747	LUK 17:27	Nakuti wanthu akhambalowola na kumbalowozana, acimbadya na kumwa, mpaka pantsiku yomwe Nowa adapita muxitima ya m'mmadzi. Ndipo kudawoneka malenga-lenga ya madzi, na tenepo yadapha wanthu wentse.
25753	LUK 17:33	Nakuti munthu omwe an'funa kusunga moyo wace an'dzautaya. Tsono ule omwe an'dzataya moyo wace ni cadidi kuti iye an'dzaupulumusa.
25759	LUK 18:2	Ndipo mumzinda winango mukhana mtongi m'bodzi. Iye akhagopa lini Mulungu. Ndipo akhalibe basa na wanthu.
25771	LUK 18:14	Na tenepo ndiri kukuwuzani kuti omweyu adabwerera kumui wakulungama kuna Mulungu kuposa mfalizeuyo. Nakuti ule omwe an'bzitumbiza, iye an'dzanyozedwa. Na ule omwe an'bzicesva, iye an'dzakuzidwa.
25858	LUK 20:10	Pomwe nthawe yakubvuna idakwana, iye adatumiza nyabasa wace m'bodzi kuna anyakulima wale kuti akamupasembo bzisapo bza m'mundamo. Tsono anyakulimawo ndipo adam'menya acimubweza cimanja-manja.
25866	LUK 20:18	Munthu omwe an'gwera pamwala omweyo iye an'bzichola. Ndipo ule omwe unimugwerayo iye an'nyodoka ninga mufu.
25894	LUK 20:46	Cenjerani na apfundzisi wa mtemo nakuti iwo ambafuna kubvalira kuti ambamusidwe m'misika. Ndipo iwo ambafuna pomwe kukhala m'mipando yakulemekezeka m'nyumba zakupembera na m'bzikondweso
25905	LUK 21:10	Na tenepo iye adawawuza pomwe kuti: “Dziko na Dziko yan'dzapindukirana, umambo na umambo bun'dzapindukiranambo.
25916	LUK 21:21	Na tenepo wanthu omwe an'dzakhala ali muJudeya mbadzathawire m'mapiri. Ndipo wale omwe an'dzakhala ali mumzindamo mba'dzacoke. Na wale omwe an'dzakhalambo ali m'minda mbaadzaleke kupita mumzindamo.
25921	LUK 21:26	Na tenepo wanthu an'dzafumphira na mantha na nkhumbukira ya bzinthu bzomwe bzindzawoneka padziko la pantsibzo. Thangwe mphambvu zentse zakudzulu zin'dzagwededzeka.
25928	LUK 21:33	Pantsi na kudzulu bzin'dzamala. Tsono mafala yanguya yan'dzamala lini.
25943	LUK 22:10	Ndipo Jezu adawatawira aciti: “Mukafika mumzindamo mun'kaona munthu adasendza tacu ya madzi. Mukamutewere mpaka panyumba yomwe an'kapitayo.
25959	LUK 22:26	Tsono kuna imwepo mbabzileke kukhala tenepoyo. Nkulu pakati panupa mbaakhale ninga ng'ono. Ndipo m'tsogoleri mbaakhale ninga nyakutumika.
25996	LUK 22:63	Wanthu omwe akhalindira Jezuyo akhambamuseka na kum'menya.
26089	LUK 24:29	Ndipo iwo adamungingimira kwene-kwene aciti: “Khalani pano na ife. Thangwe dzuwa liri kudoka. Nakuti kuli kun'cita m'dima. Na tenepo iye adapita acikhala nawo.
26106	LUK 24:46	Na tenepo adawauza pomwe kuti: “Bzidanembedwa kuti Krixtu an'dzabonera. Ndipo acidzamuka pakufa ntsiku yacitatu yace.
29974	TIT 1:15	Kuna wanthu wa mtima wakucena, bzinthu bzentse n'bzakucena. Tsono kuna wale wakusvipa na wakusaya kukhulupirira, palibe cinthu cakucena. Ndzeru zawo na mitima yawo pomwe, bzentse n'bzakusvipisidwa.
29985	TIT 2:10	ayai kuwabera, maka-maka adziwonese kuti ngwakukhulupirika kwa bzabwino bzentse. Na tenepo an'dzawonesa kuti bzakupfundzisa bza Mulungu, Mpulumusi wathu, n'bzabwino.
30612	1JN 1:5	Iyi ni nkhani yomwe tidabva kuna iye. Ndipo ife tiri kukuwuzanimbo kuti Mulungu ni ceza, ndipo iye alibe mdima na pang'onopo.
30690	1JN 4:20	Penu munthu anilewa kuti: “Ndina lufoi na Mulungu” ndipo iye aciwenga m'bale wace, iye n'nyakunama. Nakuti ule omwe an'saya kucitira lufoi m'bale wace omwe ambamuwona, angacitire tani lufoi Mulungu omwe iye ambamuona lini?
30705	1JN 5:14	Ici n'cikulupiro comwe tinaco: tikakumbira cinthu centse kuna Mulungu pakupemba, ninga momwe limbalewera fala lace, Iye an'tipasa.
30707	1JN 5:16	Penu munthu aniwona m'bale wace ali kucicita cakuipa comwe cinimupha lini mba amupembere kuna Mulungu ndipo iye an'dzamuciza. Ndiri kulewa wale omwe bzakuipa bzawo bzimbapha lini. Bziripo bzakuipa bzomwe bzimbapha lini. Bziripo bzinango bzomwe bzimbapha. Ndiri kulewa lini kuti mupembere omweyo omwe wacita bzakuphayo.