23264	MAT 3:3	Si Juan en iddos od tommanon ni propeta Isaias no, “Duwon monokkaan bawos diyot noka-awoy-awoy'n lugaa no mid ungketen to, ‘Ponaya row kos pusung dow atag tod Longaggon, woy tulidda row kos od ukitan din.’ ”
23282	MAT 4:4	Piru mid tavak si Disas to, “No-ikahi riyot Nosulat no Kahit Monama no, ‘Konna ra koka-an kos od poko-uyag to minuvu, ko konna, iddos ipat kahi to Monama.’ ”
23284	MAT 4:6	Na id ikohiyan din si Disas to, “Otik sikkow en kos Anak to Monama, timballu ka riyot dosiyung, su no-ikahi riyot Nosulat no Kahit Monama no, ‘Od suhuwon to Monama iddos mgo ponolihan din to kodtavang kikow amoy dii ka od komonnu. Od saakon ka nikandan amoy ahad ikos pa-a ru, diid kohisgisan.’ ”
23285	MAT 4:7	Piru mid tavak si Disas to, “No-ikahi mandad diyot Nosulat no Kahit Monama no, ‘Yo ru geddami kos Monama nod Longaggon du.’ ”
23288	MAT 4:10	Mid tavak si Disas to, “Awa ka, Moivuyan! No-ikahi riyot Nosulat no Kahit Monama no, ‘Iyon du ra simba-ana iddos Monama nod Longaggon du woy sikandin da kos duurumanniyu.’ ”
23324	MAT 5:21	Na ponayun mid nonaw si Disas, kahi rin to, “Norinog dowd iddos suhu to keton kovuyyahan no mid ungketen to, ‘Yo kow'd imatoy. Su iddos ahad ondoy nod imatoy, ko-ilangan nod piyoddon sikandin diyot tohodhukum amoy'd silutan.’
23325	MAT 5:22	Piru siyak, ini kos od ikohiyon ku koniyu, no iddos ahad ondoy no duwon langot diyot duma, od silutan en. Woy dos od po-ilow to duma nod ikahi no, ‘Waa utok du,’ od piyoddon diyot mowwet no tohodhukum. Woy idda mandad so od ikahi no, ‘Bangog ka en,’ iyon din od ingumannon, iddos linow't apuy.
23330	MAT 5:27	“Norinog dowd mandad iddos suhu no mid ungketen to, ‘Yo kow'd loivug.’
23334	MAT 5:31	“Na duwon mandad suhu no mid ungketen to, ‘Iddos ahad ondoy no mama nod suwoy to sawa rin, ko-ilangan nod boggoy to kosulatan diyot sawa rin no od posivonnaa to kodposuwayoy ran.’
23336	MAT 5:33	Na ponayun mid ikahi si Disas to, “Norinog dow mandad iddos suhu riyot keton kovuyyahan no mid ungketen to, ‘Otid pongulivot kow, ko-ilangan en nod tumanon dow kos tandu row riyot isowwan tod Longaggon.’
23339	MAT 5:36	Yo kow od pongulivot nod ikahi to, ‘Od bottu pok uu ku ko id ouhus a,’ oyyos konna man sikiyu kos id bovaa to koniyun lawa. Ahad songo-silag to bowvuu row, dii kow man od pokopomoputi o od pokopometom.
23341	MAT 5:38	“Norinog dow mandad iddos suhu no mid ungketen to, ‘Dos minuvu nod pokovutud to mata to duma, od ungketennon en mandad kos mata rin, woy dos od pokopengow to ngipon to duma, od pengawan mandad.’
23346	MAT 5:43	“Norinog dow iddos suhu dangan no mid ungketen to, ‘Ginowanni row kos mgo oukuy row, woy kolingasa-i row iddos od pongkuntra koniyu.’
23360	MAT 6:9	“Diyot koniyun koddasaa, ungketenna row to, ‘Amoy roy riyot datas to langit, muopa nod posivontuhon kos ngaran du.
23382	MAT 6:31	“De-en yo kow od kaaggow woy'd ikahi to, ‘Momonnu kid man moho ini! Ondan don kos od kannon woy'd inommon ta? Ondan don kos od umpakon ta?’
23389	MAT 7:4	Momonnu kow man od poko-oseng diyot duma no, ‘Od ongayon ku kos possok to mata ru,’ no duwon man batang duwot mata row?
23408	MAT 7:23	Piru od tovakon ku en sikandan to, ‘Waa a mid kilaa koniyu. Poriyu kow koddi, sikiyu langun nod puung to morat!’ ”
23423	MAT 8:9	Nokosaddoo a ka-ay, oyyos ahad siyak, no-iraom a to kotungud taddot mowwet pa koddi, woy duwon mandad mgo sundau no no-iraom to koddin kotungud. Otid ikahi a riyot sokkad no, ‘Ipanow kad,’ na od ipanow en sikandin. Woy otid ikahi a riyot sokkad no, ‘Undini ka,’ na od undini en sikandin. Woy otid ikohiyan ku iddos koddin uripon no, ‘Puungiyu ini,’ na od puungan din en.”
23453	MAT 9:5	Ingkon man musing kos moomok nod osengon? Idda vo so od ikahi no, ‘Id posinsyan don kos mgo saa ru,’ o iddos od ikahi no, ‘Lohinat woy ipanow ka’?
23461	MAT 9:13	Ooyyari row tod labbot iddos kohulugan taddot Nosulat no Kahit Monama no mid ungketen to, ‘Waa en koru-anon diyot koddi iddos mgo buwis dow. Iyon ku id kopi-i no od ko-eruwan kow to duma.’ ” Na ponayun mid ikahi si Disas to, “Waa a mid undini amoy'd nangkap taddot mgo motallong, ko konna, idda en so mgo mosaasaa.”
23498	MAT 10:12	Diyot kod-usok dow to sokkad no baoy, oseng kow to, ‘Muopa nod pokotanggap kow to kopiyannoy to Monama.’
23538	MAT 11:10	Oyyos sikandin en iddos no-ikahi riyot Nosulat no Kahit Monama no mid ungketen to, ‘Id popiyod ku iddos koddin tohodponudtuu no od unna kikow amoy'd panoy to kod-inguma ru.’ ”
23545	MAT 11:17	‘Id totogunggu koy atag koniyu, piru waa kow man id sayow. Id pondaawit koy, piru waa kow man id sinoggow.’
23565	MAT 12:7	Duwon id posulat to Monama no mid ungketen to, ‘Waa en koru-anon diyot koddi iddos mgo buwis dow. Iyon ku id kopi-i no eeruwon kow riyot duma.’ Otik noovottan dow nanoy kos kohulugan ka-ay, dii row od hukuman iddos minuvu no waa saa.
23602	MAT 12:44	De-en od ikahi sikandin to, ‘Od livod a ron baling diyot id ubpan ku.’ Na riyot kod-inguma rin, nokita rin no waa id ubpa rutun, id lemasan idda woy noto-oo ron.
23622	MAT 13:14	Na, notuman don diyot kandan iddos id poposaddoo to Monama ukit ki Isaias no mid ungketen to, ‘Ahad pe-en id saud dan kos tolinga ran, dii en sikandan od pokaabbot. Ahad ayas dan pe-en od totongtong, dii en sikandan en od pokokita.
23636	MAT 13:28	“Mid tavak iddos komunoy to, ‘Iddos id puung ka-ay, dos kuntra ku.’ “Kahi taddot mgo tohodpuung to, ‘Od kopiyan ka vo nod pomoruton doy iddos mgo sabbot?’
23637	MAT 13:29	“Mid tavak iddos komunoy to, ‘Yo row pa, su otid pomoruton dow iddos mgo sabbot, saddook od ka-apii iddos pinomuwa.
23706	MAT 15:4	Su id suhu to Monama no, ‘Rispitu kow to amoy woy inoy row,’ woy ‘Iddos ahad ondoy nod oseng to morat diyot amoy o inoy rin, ko-ilangan en nod imotayan.’
23707	MAT 15:5	Piru sikiyu, ossa moho kos nonaw row. Su iddos minuvu no duwon nanoy id pokotavang diyot amoy woy inoy rin, od bolivad baling sikandin woy'd oseng to, ‘Duwon nanoy tavang ku koniyu, piru id ossa kud ini atag to Monama.’
23710	MAT 15:8	‘Inin mgo minuvu, taman da to dila kos kodposivantug dan koddi, piru moriyu kos pusung dan koddi.
23743	MAT 16:2	Piru mid tavak si Disas to, “Otid saop don kos allow, od ikahi kow to, ‘Od tollak be-en moho simag, su moollutu kos langit.’
23744	MAT 16:3	Woy otid ka-allow ron, od ikahi kow to, ‘Od uran be-en moho ko-ungkay, su moollutu kos langit woy od mosukirom.’ Od kotuig kow nod otuk to timpu ukit to kod-ontong dow to ko-oowayan, piru dii kow man od kotuig nod otuk to kohulugan to mgo kotomanan to inin timpu.
23752	MAT 16:11	De-en nosoobbuwan a no waa kow poron nokaabbot no konna moka-atag to paan iddos id ikahi ku. Od uliton ku tod oseng, ‘Bantoy kow taddot potuvu to paan to mgo Pariseo woy mgo Saduseo!’ ”
23824	MAT 18:28	“To mid leggua ron iddon sudsuhuwon, nosinuggung din iddos duma rin no sudsuhuwon no duwon mandad utang kandin, piru disok da. Idda ron en, id pokkoo rin iddos noko-utang kandin woy kahi rin to, ‘Boyariyud en iddos utang du koddi!’
23825	MAT 18:29	Na iddos duma rin no sudsuhuwon, mid lingko-od woy id po-eru-eru kandin, kahi rin to, ‘Boggayi a pa to timpu, su od boyaran ku en sikkow.’
23836	MAT 19:5	Woy mid ikahi iddos Monama to, ‘Ini en kos unayan no od tanan kos mama to amoy woy inoy rin amoy'd pokodsokkad don sikandan to sawa rin, woy dos oruwa, od kosokkad don.’
23849	MAT 19:18	Mid intud mandon iddos minuvu, kahi rin to, “Ondan bo iddon mgo suhu?” Id tavak si Disas to, “ ‘Yo kod imatoy, yo kod loivug, yo kod ponakow woy yo kod posivonnaa to uhus.
23865	MAT 20:4	Kahi rin kandan to, ‘Undiyon kow mandad to ubasan ku woy puung kow rutun, woy od boyaran ku sikiyu to ollog no bayad.”
23867	MAT 20:6	Na, to mgo alas singko ron to mapun, id undiyon mandon sikandin to polingki woy nokita rin iddos waad pongkopuungan dutun. Kahi rin kandan to, ‘Mambo moho to id uuwakkan dow kos timpu no waa od pongkopuungan laroy't allow?’
23868	MAT 20:7	Mid tavak sikandan to, ‘Waa man od popuung konami.’ Kahi taddot komunoy to, ‘Undiyon kow to ubasan ku woy puung kow rutun.’
23869	MAT 20:8	“To od kosagkup don, id osengan taddot komunoy to ubasan iddos ponguu tat id popuung din. Kahi rin to, ‘Umawow iddos mgo tohodpuung woy boyariyu sikandan. Unna-aw tod bayad dos mori nid puung taman taddot unna nid puung.’
23873	MAT 20:12	Kahi ran to, ‘Ikos mori no id popuung du, sokkad dobbon uras kos kodpuung dan, piru sikami moho, no-ilad-ilad koy to monit laroy't allow.’
23898	MAT 21:3	Otik duwon od intud koniyu, tovaka row no, ‘Od ko-ilonganon ini tod Longaggon woy go-os din da ini id po-uli.”
23900	MAT 21:5	“Ponudtuli row iddos mgo toho Sion no, ‘Od inguma ron kos koniyun hari no mopoobbava woy id sakoy sikandin to natit asnu.’ ”
23908	MAT 21:13	Mid ikahi sikandin to, “No-ikahi riyot Nosulat no Kahit Monama no, ‘Iddos Baoy't Monama, od ngoranan no baoy atag to koddasaa.’ Piru sikiyu, id bovallan dow moho ini nod oubpan to mgo tokawon!”
23911	MAT 21:16	De-en id intud sikandan ki Disas, kahi ran to, “Norinog du vo iddos osengan dan?” Mid tavak si Disas to, “Oyya. Waa kow vo nokovasa taddot Nosulat no Kahit Monama no, ‘Ahad iddos moollimot poron no mgo anak, id nonawwan to Monama nod doong kandin?’
23916	MAT 21:21	Kahin Disas kandan to, “Bonnaavonnaa nod ikohiyon ku koniyu, no otik duwon kopomakoy row woy waa kodduworuwa row, od kopuungan dow kos iling taddot id puungan ku ka-ay'n kayu. Woy konna ra idda, ahad od ikahi kow ra ka-ay't buvungan to, ‘Od ko-onnat ka woy'd poko-antug diyot dahat,’ od kopuungan en idda.
23920	MAT 21:25	Dos kotungud ni Juan to kodboutismu, id pomon bo riyot Monama o riyot minuvu?” Na id posisipoy ran kod monnuwon dan idda tod tavak, kahi ran to, “Otid ikahi ki no, ‘Iddos Monama kos id boggoy kandin to kotungud,’ na od ikahi sikandin to, ‘Mambot waa kow id pomakoy ki Juan?’
23921	MAT 21:26	Piru otid ikahi ki no, ‘Minuvu kos id boggoy kandin to kotungud,’ na od kovaakkan ki to mgo minuvu, su id pomakoy ran no propeta en si Juan.”
23924	MAT 21:29	Mid tavak iddos kakoy to, ‘Dii a.’ Piru riyot mori, nopalin kos poomdom din woy id undiyon sikandin to ubasan.
23932	MAT 21:37	Diyot mori, id suhu taddot komunoy iddos anak din, su kohingginawa rin to, ‘Od rispituwon dan en kos anak ku.’
23933	MAT 21:38	Piru to nokita taddot id pomursintu no idda ron so anak to komunoy kos od inguma, id po-ikohiyoy ran to, ‘Ika ron kos anak to komunoy. Kuo kid, od imotayan ta sikandin amoy siketa ron kos od pokokomunoy ka-ay't ubasan!’
23937	MAT 21:42	Kahin Disas kandan to, “Waa kow vo nokovasa taddot Nosulat no Kahit Monama no, ‘Iddos batu no id oovoddan to tohodbovaoy su kunan dan ko waa koru-anon, idda vos en kos batu no mosalig no po-unsaran. Dos od Longaggon kos id puung tadda, woy motoos idda nod tongtongngan.’
23945	MAT 22:4	De-en id popiyod din mandon iddos duma pon uripon din amoy od ikahi taddot nongo-inggat no, ‘Nosumbali ron kos mgo baka woy dos id paambog no mgo natin baka, woy nopanoy ron kos langun. De-en undini kowd to kosaa to anak ku.’
23949	MAT 22:8	Na id po-umow taddot hari iddos dumon mgo uripon din, kahi rin to, ‘Nopanoy ron kos langun atag to kosaa, piru iddos nongo-inggat ku, konna ollog nod sakup tadda.
23954	MAT 22:13	De-en mid ikahi iddos hari riyot mgo sinuhuwan din to, ‘Bokuwa row kos bollad woy pa-a rin woy lumbag dow sikandin diyot mosuksukirom. Na rutun, mopet dobbo kos sinoggawon din woy'd pogkihot sikandin to ngipon pomon to mosakit nod geddamon din.’ ”
23973	MAT 22:32	‘Siyak kos Monama ni Abraham, ni Isaac woy ni Jacob.’ Na, ungketen kos no-ikahi ahad nouhoy ron id poomatoy onsi Abraham. Dos kohulugan tadda, no od kovadnow en iddos poomatoy ron, oyya su iddos Monama, konna sikandin Monama taddot id poomatoy ron, ko konna, Monama taddot nongo-uyag.”
23978	MAT 22:37	Mid tavak si Disas to, “ ‘Ginowanniyu kos Monama nod Longaggon du riyot tivuk no pusung du, diyot tivuk no umuu ru woy riyot tivuk no poomdom du.’
23980	MAT 22:39	Woy iddos iko-oruwon suhu no lampas to langun kos koru-anon, idda en so, ‘Ginowanniyu kos duma iling to kodginawa ru to ko-ugolingun du.’
23985	MAT 22:44	‘Mid ikahi iddos Monama riyon tod Longaggon ku no, Unsad ka lomig to kowanan ku taman tod kotalu kud iddos od pongkuntra kikow.’
24005	MAT 23:18	Id nonaw row mandad no ‘otik duwon od pongulivot ukit to buwisanan, konna kun saa otik dii rin idda od tumanon. Piru otid pongulivot sikandin ukit taddot id buwis diyot buwisanan, ko-ilangan en kun nod tumanon din idda.’
24017	MAT 23:30	Woy mid ikahi kow no, ‘Otik duwon koyd nanoy iddot timpu to kovuyyahan doy, dii koy en od lonug to kod-imatoy to mgo propeta.’
24026	MAT 23:39	Od ikohiyan ku sikiyu, no dii ad en nikiyu od kokita taman tod poko-ikahi kowd to, ‘Od posivontuhon ta iddos id popiyod to Monama nod Longaggon.’ ”
24031	MAT 24:5	Su mo-uraa kos od loppow no od po-uvag-uvag nod piyod to koddin ngaran nod ikahi no, ‘Siyak en kos Mesiyas,’ woy mo-uraa kos od ko-okalan dan.
24049	MAT 24:23	“Na otik duwon mgo minuvu nod ikahi koniyu to, ‘Ontongngi row, ini ron kos Mesiyas,’ o ‘Idda ron sikandin,’ yo kow'd pomakoy kandan.
24052	MAT 24:26	“De-en otik duwon mgo minuvu nod ikahi to, ‘Ontongngi row, diyon sikandin to noka-awoy-awoy'n lugaa,’ na yo kow'd undiyon. Otid ikahi ran to, ‘Ontongngi row, id oollos sikandin dutun,’ yo kow ron en od pomakoy kandan.
24055	MAT 24:29	“Na kopongnga iddos timpu to kosupittan, ‘od mosukirom kos allow woy konnad od se-aa kos buwan. Od pongo-umpad kos bitu-on, woy od pongo-antog iddos duma pa no riyot datas to langit.’
24074	MAT 24:48	Piru ko morat iddon sudsuhuwon, od oungketen kos ginawa rin to, ‘Kouhoy pa od uli kos amu ku.’
24085	MAT 25:8	Dos mgo le-aw, mid ooseng diyot limma no moraom kos koovottan, kahi ran to, ‘Boggayi koy pa uvag to disok no gaas, su asow ron od ko-ovukkan inis mgo ilowan doy.’
24086	MAT 25:9	Piru mid tavak iddos moraom kos koovottan, kahi ran to, ‘Eh konna, su saddook kulang don ini atag keta langun. Moppiya pa, undiyon kow baling to tindahan woy bolli kow.’
24089	MAT 25:12	Piru mid tavak iddos od osawa to, ‘Waa a nokokilaa koniyu.’ ”
24098	MAT 25:21	Kahi taddot amu rin to, ‘Moppiya kos id puungan du. Moppiya ka woy kosolihan no sudsuhuwon. Pomon tod kosolihan ka man to disok, od solihan ku sikkow to dakkoo. Na usok ka rini, woy lonug ka to kahaan ku.’
24100	MAT 25:23	Kahi taddot amu rin to, ‘Moppiya kos id puungan du. Moppiya ka woy kosolihan no sudsuhuwon. Pomon tod kosolihan ka man to disok, od solihan ku sikkow to dakkoo. Na usok ka rini, woy lonug ka to kahaan ku.’
24103	MAT 25:26	Kahi taddot amu rin to, ‘Morat ka woy poggulon no sudsuhuwon! Nokosaddoo ka rad bos en no od ongayon ku iddos konna koddi, woy od kottuwon ku ahad iddos waa ku oiluggati tid pomuwa.
24105	MAT 25:28	Na, mid ikahi iddos amu riyot dumon sudsuhuwon din to, ‘Ongaya row kos soopi ruwot kandin woy boggoy row riyot duwon sopuun maan (10,000) no buawan no soopi.
24111	MAT 25:34	Na siyak no Hari, od osengan ku iddos mgo minuvu no riyon lomig to kowanan ku, kahi ku to, ‘Sikiyu no nokotanggap to kopiyannoy to Amoy ku, undini kow woy lonug kow to kohoriyan ku no id panoy atag koniyu pomon poron to tigkonayan to ingod.
24117	MAT 25:40	Na siyak no Hari, od tavak a kandan nod ungketen to, ‘Bonnaavonnaa nod ikohiyon ku koniyu, no ahad ondan kos id puungan dow amoy'd tavang ka-ay't mopoobbava to langun no suwod ku, id puungan dow ini atag koddi.’
24118	MAT 25:41	“Od osengan ku iddos mgo minuvu no riyon lomig to ivang ku, kahi ku to, ‘Sikiyu no id silutan to Monama, awa kow ka-ay! Diyon kow to linow't apuy no konna od ko-ovukkan no id panoy ron tapoy atag ki Moivuyan woy taddot mgo sakup din.
24122	MAT 25:45	Od tavak a kandan to, ‘Bonnaavonnaa nod ikohiyon ku koniyu, no ahad ondan no waa row puungi amoy'd tavang ka-ay't mopoobbava to langun no suwod ku, iling mandad to waa kow id tavang koddi.’ ”
24141	MAT 26:18	Kahin Disas to, “Undiyonni row iddos sokkad no minuvu no riyot bonuwa to Jerusalem, woy osengi row sikandin no, ‘Mid ikahi iddos Tohodnonaw no id inguma ron kos timpu nid panoy to Monama atag kandin. Sikami no mgo tinodduwan din, id po-undini rin to baoy ru amoy ka-ay koy od lavung atag to pista to Kodlihad to Ponolihan.’
24154	MAT 26:31	Na kahin Disas kandan to, “Ini en no bulli, langun dow od paahuy woy'd tanan koddi, oyya su no-ikahi riyot Nosulat no Kahit Monama no, ‘Od imotayan ku iddos tohodtamong to karnero woy od pokodsuwoysuwoy kos mgo karnero.’
24171	MAT 26:48	Tapoy id posaddoo ni Judas kandan iddos kilaannan, kahi rin to, ‘Iddos minuvu no od pongumustan ku ukit to kod-arok, sikandin en iddos od nongkapon dow. Na omotta row sikandin!”
24184	MAT 26:61	Woy kahi ran to, “Id oseng inin minuvu to, ‘Od gobban ku kos templo woy od poohinaton ku mandon daom to otollun allow.’ ”
24206	MAT 27:8	Purisu taman ko-ungkay, id ngoranan don iddon livuta to ‘Livuta nid Boyaran to Longossa.’
24287	MRK 1:3	Oyyos duwon monokkaan bawos diyot noka-awoy-awoy'n lugaa no mid ungketen to, “ ‘Ponaya row kos pusung dow atag tod Longaggon, woy tulidda row kos od ukitan din!’ ”
24338	MRK 2:9	Ingkon man musing kos moomok nod osengon atag ka-ay't minuvu no id patoy kos lawa? Idda vo so od ikahi no, ‘Id posinsyan don kos mgo saa ru,’ o iddos od ikahi no, ‘Lohinat ka, piyoddow kos ikam du woy ipanow ka’?
24538	MRK 7:6	Mid tavak si Disas to, “Bonnaa en iddos id poposaddoo to Monama ukit ki Isaias. Oyya su oraroy kow od po-uvag-uvag no mopompomakoy iling taddot no-ikahi riyot Nosulat no Kahit Monama no mid ungketen to, ‘Inin mgo minuvu, taman da to dila kos kodposivantug dan koddi, piru moriyu kos pusung dan koddi.
24542	MRK 7:10	Oyyos duwon id ikahi ni Moises no mid ungketen to, ‘Rispitu ka to amoy woy inoy ru,’ woy ‘Iddos ahad ondoy nod oseng to morat diyot amoy o inoy rin, ko-ilangan en nod imotayan.’
24676	MRK 10:19	Nokosaddoo kad taddot mgo suhu to Monama no mid ungketen to, ‘Yo kod imatoy, yo kod loivug, yo kod ponakow, yo kod posivonnaa to uhus, yo kod loimbung, woy rispitu ka to amoy woy inoy ru.’ ”
24712	MRK 11:3	Otik duwon od intud koniyu no, ‘Mambot od okasan dow kos natit asnu?’ tovaka row sikandin to, ‘Od ko-ilonganon ini tod Longaggon, woy go-os din da ini id po-uli.’ ”
24726	MRK 11:17	Na id nonaw sikandin diyot mgo minuvu. Kahi rin to, “No-ikahi riyot Nosulat no Kahit Monama no, ‘Iddos Baoy't Monama, od ngoranan no baoy atag to koddasaa to langun no minuvu ka-ay to ampow't ingod.’ Piru sikiyu, id bovallan dow moho ini nod oubpan to mgo tokawon.”
24740	MRK 11:31	Na, id posisipoy ran kod monnuwon dan idda tod tavak. Kahi ran to, “Otid ikahi ki no, ‘Iddos Monama kos id boggoy kandin to kotungud,’ na od ikahi sikandin to, ‘Mambot waa kow id pomakoy ki Juan?’
24741	MRK 11:32	Piru otid ikahi ki no, ‘Minuvu kos id boggoy kandin to kotungud,’ na od kolingasa kos mgo minuvu keta.” (Od kovaakkan dan to mgo minuvu, su nosorollan to langun no propeta en si Juan.)
24748	MRK 12:6	Iyon dobbo nosama nod kosuhu rin, iddos soosokkad no anak din no id dokollan din to ginawa. Purisu idda en kos id suhu rin, su kohingginawa rin no, ‘Od rispituwon dan en inis anak ku.’
24749	MRK 12:7	Piru to noko-inguma ron iddos anak din, id po-ikohiyoy iddos id pomursintu to, ‘Ika ron kos anak to komunoy. Kuo kid, od imotayan ta sikandin amoy siketa ron kos od pokokomunoy ka-ay't ubasan!’
24752	MRK 12:10	Waa kow vo nokovasa taddot Nosulat no Kahit Monama no mid ungketen to, ‘Iddos batu no id oovoddan to mgo tohodbovaoy su kunan dan ko waa koru-anon, idda vos en kos batu no mosalig no po-unsaran.
24768	MRK 12:26	Na moka-atag to kodbadnow taddot id poomatoy ron, waa kow vo nokovasa taddot id sulat ni Moises moka-atag taddot id oseng to Monama kandin diyot mid loglog no sopinit? Kahi rin to, ‘Siyak kos Monama ni Abraham, ni Isaac woy ni Jacob.’ Na, ungketen kos no-ikahi ahad nouhoy ron id poomatoy onsi Abraham.
24778	MRK 12:36	Oyya su iddot no-iroomman si David to Uhis no Ispiritu, id oseng sikandin to, ‘Mid ikahi iddos Monama riyon tod Longaggon ku no, Unsad ka lomig to kowanan ku taman tod kotalu kud iddos od pongkuntra kikow.’ ”
24792	MRK 13:6	Su mo-uraa kos od loppow no od po-uvag-uvag nod piyod to koddin ngaran nod ikahi no, ‘Siyak en kos Mesiyas,’ woy mo-uraa kos od ko-okalan dan.