23216	MAT 1:3	Eto Judah ta meni amo Perez te Zerah te ra eto enana ta e amo evohu Tamar ra. Eto Perez ta meni amo Hezron te Hezron ta meni amo Ram ra,
23217	MAT 1:4	Eto Ram ta meni amo Amminadab te Amminadab ta meni amo Nahshon te Nahshon ta meni amo Salmon ra.
23218	MAT 1:5	Eto Salmon ta ae Rahab na meni Boaz ingena te Boaz ta ae Ruth na meni Obed ingena te Obed ta meni amo Jesse ra.
23220	MAT 1:7	Eto Solomon ta meni amo Rehoboam te Rehoboam ta meni amo Abijah, te Abijah ta meni amo Asa ra.
23250	MAT 2:12	Rate enana egerembeto Herod ta degi mane pambasora avo God na ehure ta enu ingia avoeto degi nei ta tiumbeto enana ta enda ta pambua.
23256	MAT 2:18	“Enda Ramah ai ta embomeni na si ijie ui ai ijio ingia amo Rachel na amita meniundi avoeto si eria, eto tapa irae pambari avo eto tunga osaga irae ari ta ke mane ingesuja.” ainge Jeremiah na kajena.
23268	MAT 3:7	Rate embomeni nei uhoho Pharisee embomeni te Sadducees embomeni te John na bapataito aja puvuo John na kito enana ta degi ke einge ena.
23272	MAT 3:11	Eto na ungo umo na bapataito ere ona amo ungo jo aherekari ta ahe kihira ere ona. Rate embo nau ambota puvuresuja amo dombo be sovera te rate na sovera ambu ra. Na amita utu goru houketo humbuto pambari inono aera. Embo amina ungo Ahihi Otohu te ji vevere te na bapataito aisuja.
23276	MAT 3:15	Rate Iesu na ke mine einge ena, “God na uje do aisuja avo tapa agi aisora avo eto na bapataito aisoa” ke ainge enu John na jo ahereketo Iesu bapataito enu
23337	MAT 5:34	Rate ungota degi erena, eto inena ke be pere aisi uje aisoa amo mane God ta javo jigama ue aisoa rate javo no pere avo jigama eto aisoa. Eto nei uhu ta javo ta mane ke be aisoa amo God ta irari degi avo embo.
23344	MAT 5:41	Eto Rome ta isoro embo vahai na au umo amita ango donda humbuto pambasoa kito degi isapa koso dembeto pambujo.
23354	MAT 6:3	Rate ungo hande ikasi ue kito embo nei avo kioro ojikari na ikevujo
23357	MAT 6:6	Rate ungo God ta degi pari aisi uje aisova kito ojikari na ungota bande jo ta horeto bokiri ahureketo ungota mama God ta degi penunu evujo eto ungota Mama na ojikari na do aisova avo kito mine javotoho ikasuja.
23366	MAT 6:15	Rate ungo na embo ta ari sasapura hotembeto toae amo ungota Mama na ungota ari sasapura mane hotembeto toasuja.” ainge Iesu na ahe poekena.
23371	MAT 6:20	Rate God ta degi ta avo soan irae, ain irae pegene embo irae avoeto God ta irari degi ai ta hajae vajae nununga evujo.
23374	MAT 6:23	Rate tihi javotoho ae amo hamo tapa amo mume pere aisuja eto jo te tapa mume kambujoro aisuja.”
23377	MAT 6:26	Di i ta pambuora avo kivujo. Enana donda ve koveto tureto humbuto harau ta mane ikagora rate ungota Mama uhu ta iraguja amina enana ta indari ikeoi indagora. Rate embo avo God ta degi peni bera eto di avo peni be manera.
23381	MAT 6:30	Rate God na ji vuji ta degi bo asukari javotoho ikaguja eto iji nei amo karaun eto enda ta veaguja, rate ungo ji vuji mane ungo embo avo eto God na ungota degi asukari mane ikaute? Rate ungo God humo ta be ae eagova.
23419	MAT 8:5	Eto Iesu na da Capernaum ta pahunu Rome ta isoro tihi jigari embo vahai avo hambunu penunu einge ena,
23426	MAT 8:12	Rate enana Israel embomeni avo God ga irora javero ikena rate humbari uje ae eagora avoembo God na gosukau araha ta pambuto mume ta mihie si ijie ti kakambuketo kiroro kiroro ijie iresora”
23479	MAT 9:31	Rate enana Iesu ta ke agi ae eto pambuto enana ta embomeni tapa ta degi eo ingia.
23490	MAT 10:4	nei Simon ra (embo amita jo vahai embomeni na Rome ta gavamani isoro na haekasi uje ea.) eto embo nei amo Judas da Kerioth embo te amina Iesu humbuto isoro embomeni ta ingeni ta ikena.
23509	MAT 10:23	Rate da vahai na au memenga kesova da avo toto joru huheveto pambuto da nei ta irivujo eto emore ke be na erena ungota ke hande ari pure Israel enda ta da tapa mane avo iraesuja rate Embo ta Meni kihi puvuresuja.
23514	MAT 10:28	Eto ainge ijie embo mane joru aisova. Embo amo tari pehari haite ra te embo ta ahihi tari inono aera. Rate God amo embo ta hamo te ahihi te tapa tau pehau ari sapura embo ta hajire humbari degi ai ta memenga ari kiari haitera avo eto God vahai joru evujo.
23525	MAT 10:39	Eto embo amuna vasiri oenga ue uje amita ta pere pambasuja amita vasiri avo veto pambau irae aisuja. Rate embo amuna namo avoembo amita uje tapa jene ambu eto iresuja embo amina vasiri be avo hambasuja.
23537	MAT 11:9	Rate evujo ingone, amo peroveta vahai kesi pambuhevete? Amo peroveta be avo pambuto kogueva
23540	MAT 11:12	Rate John ta ke hande ari iji te eto puvuto eha oroho emite embomeni na God ta tihi jigari ta horasi uje ue sunumbo sunumbo ue putuhore embo sasapura na ai ta horasi embo nei mima mama ue ere puvutuhora.
23578	MAT 12:20	Rate amina ivo ambu embomeni orero orero eto simba ue hondate ara uje eagora embomeni avo jo au pure ngahia au irae au ari jajavotoho pere hetasuja.
23590	MAT 12:32	Eto embo amuna Embo ta Meni ta degi ke sapura aisuja amo God na hotembeto toari haite ra. Rate embo na Ahihi Otohu ta degi ke sapura do aisuja ke avo God na mahu te eha te eto ambota mane hotembeto toasuja.”
23620	MAT 13:12	Ungo God ke be ereva embomeni ta degi kiari isapa mihia avoeto amita hamo ta nei God na ikau inono aisuja. Rate enana God ke be ae embomeni ta kiari isapa avo God na humbau irae aisuja.
23624	MAT 13:16	Rate ungo amo tihi na ere kogova eto oje na ere ingiheva avoeto javotoho ungota degi puvija.
23640	MAT 13:32	Rate embo na ve vahai humbuto amita pure ta urau ereto pajito pure ta donda tapa dembeto ji ainge eaguja. Eto di na puvuto amita hatu ta arihe araha eagora, aingekora.”
23671	MAT 14:5	Eto Herod na John tau pehaja uje ena. Rate embomeni na John amo peroveta ke ea avoeto amita degi mine do aisora avo hotembeto tona.
23722	MAT 15:20	Rate ungo ingeni egeto indova ehera rate ari amina mane au embo tongopa ambu aisuja.” ke ainge Iesu na oje kahena.
23781	MAT 17:12	Rate na ungota degi erena, Elijah mahu puvija rate enana kito kiarako ue enana ta uje sapura nei te nei te avo amita degi uera. Eto ainge dombo Embo ta Meni na enana ta ingeni ta memenga kesuja.” ainge enu
23796	MAT 17:27	Rate ungotena enana ta degi osaga mane ikasora avoeto no umo o timbari esi humbuto umo tiuka ta pambuto umo o timbujo. Eto o kihi timbasoa amita pe jigito handeketo pe hota koro humbasoa amina humbuto pambuto tax umote namo te tapa ikejo.” ainge Iesu na ena.
23824	MAT 18:28	Rate embo amina arahata puvuto amita koro 12 kina amita pure vahai embo amina enu ikena avo kito embo avo tunga ta jigito jaheveto ‘Nau koro inena ehe ikihana avo ike.’ ainge enu
23838	MAT 19:7	Ke ainge Iesu na enu enana Pharisee embomeni na ke einge eto ingia, “Rate embo na ae toasi uje ue kito ke avo embo tapa kiora ahari ta kaeto ikau kioro toto pambasuja, ari ainge avo Moses na do eto ara enu?” ainge eo Iesu na
23839	MAT 19:8	“Eto Moses na ungo ae toari ta ke kajena amita be amo ungo ari javotoho ahe poekari avo ngahia be ra. Rate iji eha be eha ta embo te evohu te ari iji te ari ainge irae bera.
23861	MAT 19:30	Rate embo peni na ai ta embo teho aisora eto embo teho na ai ta embo peni aisora.”
23887	MAT 20:26	Rate embomeni na ari ainge ungota degi mane kesora. Eto inena vahai ungota okose asi uje eto kito amina nei tapa ta ke agi ue pure aisuja.
23927	MAT 21:32	Amita be amo John bapataito ari embo na ungo irari javotoho degi daingeto pambasova avo harikena rate ungo ingito ke be ae ueva rate tax koro humbari embopo te tiha paiha evohu te na ingito ke be ijiera. Rate ungona enana ta ari javotoho kogueva rate ambota jo ahereketo John ke be ae ueva.”
23952	MAT 22:11	Rate King na embomeni puvua avo kesi bande ta horeto poeto kogue pambuto embo vahai jimbari ta bo avo asukae bo nei asuketo puvuna avo kito
23958	MAT 22:17	Dago Rome ta gavana ta degi tax koro ere ikihera rate tax ikihe ungotena Judea embomeni ta ke pepeni avo poekihere te poekaere avo ao ingesi uje ere ora.” ainge eo
23962	MAT 22:21	“Amo Rome ta gavana ta tombu hajire ra,” ainge eo, “Rome ta hajire mihia avoeto Rome ta donda amo Rome ta ikasova eto God ta hajire kito God ta ikasova.” ainge Iesu na enu,
23966	MAT 22:25	Rate kijo, namei kamei tapa 7 ainge ei ta mihahera. Eto namei bugo na ae jimbuto ere uahija meni puvurae enu pehena amita doru avo bugo amita kane na jimbuto ere uahija
23990	MAT 23:3	Avoeto enana ari do ava aisora avo evujo. Rate enana ta ke avo agi ae eagora avoeto enana ta ari avo humbavojo,
23995	MAT 23:8	Rate ungo embo tapa vahai vahai na, “Ahe poekari embo,” embo ke ijie jigama avojo. Ungo namei kamei eto ungota ahepoekari embo vahai be mihia
24004	MAT 23:17	Rate ungota degi erena, ‘Temple amo otohu avoeto amina au temple ta gold otohu aisuja avoeto donda dombo amo gold retemo temple re?’
24005	MAT 23:18	Eto ke nei einge eagova, ‘Eto embo na God ta pene ikari gaga ta javo humbuhe ke aisuja amo ivo ambu avoeto toasuja amo tehora. Rate gaga hamota hande mihia amita javo humbuhe ke aisuja amo sovera te avoeto mane toasuja.’
24006	MAT 23:19	ainge tihi kuru ari embo na arako kiae kiae eagova. Rate erena amo pene gaga na eoi hande otohu eaguja avoeto donda dombo amo davore?
24175	MAT 26:52	Rate Iesu na kito ke einge ena, “No asivo goru ta juruke. Embo amuna asivo goruketo humbaguja embo amo asivo na kajeoi pehaguja.
24177	MAT 26:54	Rate einge ere ora amo God ta ke ta mahu kajari avoeto ere ora.” ke ainge ambotani ta degi
24252	MAT 27:54	Eto enda titira unu vasiri nei te nei te tapa amo Rome ta isoro embo peni te amita isoro embopo te Iesu simba ea amina kito joru pajire be ue ke einge ea, “Ke be emo God ta Meni be ra.”
24268	MAT 28:4	avo Rome ta simba ari embopo na kito tututu eto tatara gaseto enda ta veto peharako uo
24275	MAT 28:11	Eto evohu heriso degi ta pahuo enana use simba ari Roman embo uhoho na da jo ta pambuto priests pepeni ta degi use jo ta do puvuna avo eo ingia.
24329	MRK 1:45	Rate embo amina ke ingito ingarako ue pambuto ke hande enu da tapa ingia avoeto Iesu da ta horari inono ae enu da sahu ta mihinu enda embomeni tapa amita degi puvua.
24349	MRK 2:20	Rate iji puvuresuja amo jimbari embo jigito goruketo humbuto pambasora iji amikote ajirekasora.
24412	MRK 4:20	Rate ve nei enda javotoho ta veto eraguja amita ke be amo erevira. Embo na God ta ke avo ingito, God humota ue eto God ke be eaguja amo ve nei 30 nei 60 nei 100 aingeko eaguja.”
24424	MRK 4:32	Rate ‘mustard’ ta ve vahai enda ta urasora amo pajito hatu kaheto peni vahai au di na puvuto nga iketo ai uhumo ta iresora.”
24493	MRK 6:17	Eto Herod na John ta tunga tiukena amita ke amo erevira. Eto Herod na amita eambo ta ae javo Herodias avo pegene jimbunu John bapataito ari embo na kito Herod ta degi ke einge ena, “Umo God ta ke peni poeketo no eambo ta ae jimbea” ainge enu evohu herodias na ke avo ingito tumo eto John tau pehaja ke ena. Rate John amo embo javotoho eto embo otohu avo Herod na kito John ta ke ijioi ingihe tunga osaga ere koguahija rate Herodias na teoi pehaguja joru eto John andito punduto tipura ta gosukenu mihinu Herodias na tasuja avo inono ae ena.
24497	MRK 6:21	Rate iji vahai Herod ta humbari iji puvunu amina gavana ta okokose te isoro embopo te enda ta embo pepeni te aingeto oru enu puvuo pondo peni vahai
24619	MRK 9:12	Iesu na ke mine einge ena, “Eto Elijah na puvuto au tapa javotoho asora ke ainge eagora te ke nei mahu kajari amo, Embo ta Meni na osaga nei te nei te kogurou urumbasora. Rate na ungota degi erena Elijah mahu puvuhija te enana amita ke agi ae ungota ujeje avo uera.” ainge ijinu ingiho
24656	MRK 9:49	Rate ji vevere amo haso ainge embo ta hamo ta kaimbau haso ta gamo ainge kesuja.
24690	MRK 10:33	“Kivujo, ungotena da Jerusalem ta pambasora amo embo na Embo ta Meni avo Priests pepeni te Judea embo ta ke pepeni embopo te ta ingeni ta ikau humbuto pehumba eto taro pehaja humbuto Rome embo ta ingeni ta ikasora.
24691	MRK 10:34	Eto Rome embo na urumbihe hamo ta isuva ue esi na ejembeto tasora eto taro peheto iji 3 ehako vasiri te erasuja.” ainge ena.
24756	MRK 12:14	ke einge ea. “Ahe poekari embo, umo ke be na pere embo ta ke te ari te avo hotembae ue God ta ke avo javotoho na ahe poekagoa avo dago kiarira te dago ke vahai erevi no degi ta asi uje ereora, ke amo erevira, ungotena Judea ta ke pepeni joru ue tax koro Rome ta gavana Caesar ta ikarote mane ikaro? Eto ikarote mane ikaro avo ejo ingore.” ainge eo
24757	MRK 12:15	Iesu na enana ta jo ta hotembari heriso avo kito ke einge ena. “ungo do eto na kaeto kesi uje ere ove? Rate ungota koro vahai humbuto ikevu kione.” ainge enu
24778	MRK 12:36	Rate God ta Ahihi Otohu na ke einge enu David na kajena, ‘God na Na David nau Bada ta degi ke einge ena. Nau Ingeni be ei ta arumbeto iriro nane no kitoho teto ikano inena utu na hatiresoa’ ke ainge ijinu David na kajena.
24809	MRK 13:23	Rate be kivujo ke erevi ae peko ta ungota degi erena.”
24818	MRK 13:32	“Rate Embo ta Meni ta puvurari iji amo Anera uhu ta iragora amo kiae eto God ta Meni na kiae rate God Mamo na vahai kiarira
24844	MRK 14:21	Rate God ta ke ta kajari amo Embo ta Meni na pehasuja ainge ena avoeto pehasora te aja to erena, harikari embo avo e na ingae toaehija amo osaga memenga mane kiaehija.” Ke ainge Iesu na enu
24896	MRK 15:1	Eto iho vujenu priests pepeni te embo pepeni te ke pepeni simba ari embopo te council embomeni te aingeto ke kaseo irae enu Iesu punduto humbuto pambuto Rome ta gavana Pilate ta ingeni ta ikeo hetenu
24902	MRK 15:7	Rate tipura embo vahai javo Barabbas amo gavana ta degi isoro eto embo isapamane tenu pepehekea avoeto ikeo tipura eto mihahija
24907	MRK 15:12	Pilate na embomeni ta degi ke einge ena “Rate embo erevi ungota King ke eagova amita degi do ano?” ainge enu
24910	MRK 15:15	Pilate na embo ta uje ea avo ara Barabbas tipura ta mihina avo enu arahata puvuto pahunu Iesu avo esi na ejembeto torue ji atahu ta tara Rome isoro embopo ta ingeni ta ikenu
24916	MRK 15:21	Eto humbuto degi ta pahuo enda Cyrene embo javo Simon amo Rufus te Alexander te ta mamo avo amita pure ta eto puvutuhunu isoro embopo na kito “Umo huma embo emita ji atahu humbuto pambu” ainge eo Simon ke agi eto Iesu hondate eto humbuto pambuna.
24917	MRK 15:22	Eto Rome ta isoro embopo na Iesu humbuto pambuto degi javo Golgotha ta eagora amita be amo ‘Embo ta uha vehu’ ai ta humbuto pambua.
24934	MRK 15:39	Eto Rome ta isoro embo peni amina Iesu kogue mihinu Iesu ta hoenge irae enu kito ke einge ena, “Ke be embo emo God ta Meni be ra” ainge ena.
25023	LUK 1:61	enana ke einge ea, “Rate ungota ohihi ta javo John amo iraera,”
25061	LUK 2:19	Rate o simba ari embopo na ke ea tapa avo Mary na ingito amita jo ta hotembari isapamane ena.
25121	LUK 3:27	Joda ta mamo amo Joanan, Joanan ta mamo amo Rhesa, Rhesa ta mamo amo Zerubbabel, Zerubbabel ta mamo amo Shealtiel, Shealtiel ta mamo amo Neri,
25129	LUK 3:35	Nahor ta mamo amo Serug, Serug ta mamo amo Reu, Reu ta mamo amo Peleg, Peleg ta mamo amo Ebner, Ebner ta mamo amo Shelah
25157	LUK 4:25	rate ke be amo peroveta Elijah irari iji te evohu dodoru isapamane Israel enda ta mihahera. Rate God na enu jua tapa 3 eto hariga tapa 6 amita jo ta ga veae mihahei enda tapa avo beuje iji puvunu,
25195	LUK 5:19	Rate embo na bande jo enetea avoeto horari pe jombure eto bande ene i ta vihito otoho pauketo gaga ga tapa ikeo vena.
25223	LUK 6:8	Rate Iesu na enana ta hotembari avo kito embo ingeni meni pehari amita degi, “Umo huma ei hete,” ainge enu ereto imihe hetenu
25230	LUK 6:15	Eto nei amo Matthew te Thomas te Alphaeus ta meni James te Zeolot ta embo vahai javo Simon ra (Zealot ari embomeni amina Rome na tihi jigora uje ae ea)
25239	LUK 6:24	Rate ungo hajae vajae embomeni ta degi aja to erena amo ungo na ungota tunga osa osa ari mahu umbeve irae ehija.
25242	LUK 6:27	Rate ungo ke ingiheva embomeni ta degi erena, ungota kitoho embomeni osa evujo eto ungo uje ae eagora embomeni ta degi ari jajavotoho evujo.
25250	LUK 6:35	Rate no kitoho embomeni osa ue ari javotoho ue donda ikasoa avo mine ikaja mane hotembasoa eto God i ta amina ungo amita meniundi ke ijie hotari pajire be ikau humbasoa. Amita be amo amite tapa na hande ambu tigaho ari embomeni ta degi javotoho eaguja.
25264	LUK 6:49	Rate embo nei nau ke ingito agi ae aisuja amo embo na teho enda hamo ta tutuvi tetembeto bande gerikasuja eto umo vuenga na puvuto tau koheketo veau aimbeto humbuto pambasuja.”
25266	LUK 7:2	Eto da ai ta Rome ta isoro embo peni ta pure embo vahai pehasi ue mihinu
25343	LUK 8:29	Rate embomeni na embo avo ‘Chain’ na punduo ahihi sasapura na embo andirari avoeto ivo peni vahai eto ‘Chain’ jigito usuketo embo humbuto ojaga hambuto pambuna avo Iesu na kito, “Embo ta jo avo toto puvuto pambu,” ainge enu
25390	LUK 9:20	Iesu na, “Rate ungo na na amunure ke eagove?” ainge enu Peter na, “Umo Judea ta hondate ari embo Keriso God na ikari puvurarira,” ainge enu
25397	LUK 9:27	Rate ungota degi ke be erena ungo embomeni eha ei miheva amo embo nei nei amo mane pehasova te mihirovo God na embo amita siriketo humbuto tihi jigesuja iji avo puvurou keisova,” ainge Iesu na ena.
25443	LUK 10:11	‘Ungota da ta oniho dagota utu ta vihari avo jaevekaro vovurou ungota degi hajire ikasuja. Rate kivujo God na embomeni tihi jigesuja iji avo auvehija,’ ainge evujo.
25452	LUK 10:20	Rate ahihi sasapura na ungota ke agi ururoro ungo tunga javotoho mane aisova te ungota javo uhu i ta kajari mihia avoeto tunga javotoho evujo,” ke ainge enu
25489	LUK 11:15	Rate embo nei uhoho na ke einge ea, “Ahihi sasapura ta embo okose javo Beelzebul amita sovera na ahihi sasapura ohimbaguja,” ainge eo