23229	MAT 1:16	Eto Jacob ta meni amo Joseph ra. Eto Iesu amita javo Keriso ke eagora amita e Mary avo Joseph na jimbuna (eto javo ‘Keriso’ ta be amo ari sasapura oreketo humbari embo).
23234	MAT 1:21	Eto meni singa ingasuja amina umo eonga amita embomeni ta ari sasapura avoeto orekau datoho iresora avoeto amita javo ‘Iesu’ ikejo” ainge Anera na ena.
23249	MAT 2:11	bande jo ta horeto meni avo e Mary ga mihinu kogue paunge teteri eto veto meni jakeka ea. Eto meni ta hande ikasi humbuto puvua avo hiriketo hande ikea amo ‘gold’ te ji iki mune te jeune ainge amite ji mu mune te javo myrrh ainge ikea.
23340	MAT 5:37	Eto inena teho ‘Aravora’ aisona ainge rete ‘Mane aisona’ ke ainge pere ijie eto javo no pere avo jigama ejo. Eto javo nei ta ke peni do aisoa ke ainge amo Satan ta degi puvuja,” ainge Iesu na ena.
23353	MAT 6:2	Amo enana God jakeka pe na eagora te jo te tapa ae embomeni donda ambu embo ta degi hande ikasi ue kito ‘church’ jo ta da arahata huin huinhe ikagora ainge avojo. Eto ari ainge ta mine amo embomeni na koto jakeka ara uje eagora. Eto ungota degi ke be na erena enana ta ari jajavotoho ta mine mahu umbere irae ehija God na hande nei mane ikau humbasora.
23400	MAT 7:15	Eto embo nei nei na God ta ke hande ue ahe poekari sokova aisora avo eto be kogue irivujo. Ungo God ta undurari o ‘Sheep’ aingera eto enana o sheep ta hamo asuketo puvuresora rate enana ta jota amo isoro o ra.
23611	MAT 13:3	timu hatirari ke na ke nei te nei te ahe poekihe einge ena, “Iji vahai embo na ‘rice’ ve urasi pambuto
23632	MAT 13:24	Eto Iesu na timu hatirari ke nei einge ena, “God na embomeni toho amita siriketo humbuto tihi jigesuja amo eingekora. Embo vahai na ‘rice’ ve javotoho amita pure ta urihinu
23638	MAT 13:30	‘rice’ vive ga mihie gasa au avo pure embopo na vive ga uketo vive punduto ji ta ikaro evikihirou rice avo nau harau ta ikasora’.” ainge ena.
23928	MAT 21:33	Eto Iesu na Judea ta okokose ta ke ijie einge ena, “Na timu hatirari ke nei aisona ingivujo. Iji vahai enda mamo vahai na pure andage eto ‘grape’ ve koveto huga tiginu irae enu ‘grape’ be haito saheto mu humbasora amita hoto kovenu irae enu pegene eagora simba ue iresora amita gaga i ta eto ‘grape’ pure ara embo humbunu pure uo toto enda nei ta pambuna.
23929	MAT 21:34	Eto ‘grape’ sari ari iji puvunu amita ke agi ari embopo amita ‘grape’ be huna avo amita umbara ikenu pahuo
23930	MAT 21:35	‘grape’ pure ari embopo na ‘grape’ be ikari uje ae eto embo vahai ahapa tea, nei teo pehena nei karu na humbuto gosuketo tea
23931	MAT 21:36	avo enda mamo na kito amita ke agi ari embopo isapamane ikenu pahuo ‘grape’ pure ari embopo na ehako teo,
23933	MAT 21:38	‘grape’ pure embopo na meni avo kito ke einge ea, ‘Enda mamo ta meni ere puvutuhua kivu. Ungote pambuto taro pehau enda erevi umbaro ungotenau be aja na.’
23935	MAT 21:40	enana ta degi ke einge eto ingina. “Ungo do ere hotembiheve? Enda mamo na puvuto ‘grape’ pure ari embopo ta degi do au?” ainge enu
23936	MAT 21:41	enana mine einge ea, “Amina puvuto embo sasapura avo tau peharo ‘grape’ pure embopo nei jajavotoho pere humbasuja eto enana enda mamo ta degi ‘grape’ sari ari iji te ari javotoho ue donda toho amita ikasora.” ainge eo
24140	MAT 26:17	Eto bread pajirari sivo ikae avoeto tevoko ari amita pondo iji puvunu ambotani na Iesu ta degi puvuto ke einge ea. “Umo ‘Jarukari’ ta pondo indesoa avo degi dainge nununga ara uje ere oe?” ainge eo,
24290	MRK 1:6	Eto John ta bo amo o ‘Camel’ ta hamo hu avo asuketo pupuri amo o hoga na ari avo tigito amita indari amo o boruga te iruha te ere indiahija.
24352	MRK 2:23	Eto jangu indari iji puvunu Iesu te amita ambotani te embo ta pure degi ta pahue Iesu ta ambotani na ‘wheat’ be avo indesi jigito juketo umbuo
24423	MRK 4:31	Eto ji javo ‘mustard’ ta ve amo isapa be ji nei nei ta ve aingeko mane.
24424	MRK 4:32	Rate ‘mustard’ ta ve vahai enda ta urasora amo pajito hatu kaheto peni vahai au di na puvuto nga iketo ai uhumo ta iresora.”
24442	MRK 5:9	Iesu na “no javo deire” ainge enu embo amina, “Dago isapamane avoeto nau javo ‘Legion’ ra” ainge
24489	MRK 6:13	ahihi sasapura embo ta jo ta horari avo ohimbeo puvuto pahuo ambure embomeni avo ‘oil’ na overeketo hamo ta kuhiho kokonjekea.
24744	MRK 12:2	Eto ‘grape’ sari ari iji puvunu ‘grape’ be sari umbaja pure mamo na amita pure embo vahai ikenu pahunu
24745	MRK 12:3	‘grape’ simba ari embo na kito teo peheto donda umbae teho mamo ta degi pambuna.
24746	MRK 12:4	Eto ‘grape’ ta mamo na amita pure embo nei ikenu pambunu ‘grape’ simba ari embomeni na urumbihe teo peheto mamo ta degi pambuna.
24749	MRK 12:7	ikenu pahunu grape be simba ari embomeni na kito ke einge sirikea. ‘Eto ‘grape’ mamo na meni ikehei puvija avo ungote teto ‘grape’ pure evi ungotenanena oreto umbasira,’ ke ainge
24751	MRK 12:9	Eto ‘grape’ mamo na puvuto do au? Amina grape simba ari embomeni tau pepehekaro ‘grape’ pure amo humbuto embo nei ta ingeni ta ikasuja.
24780	MRK 12:38	Eto Iesu na embomeni oje kahihe ke einge ena, “Eto ungo Judea ta ke pepeni simba ari embopo ta ari avo kogue irivujo, eto enana amo bo jajavotoho kokoso avo aseto ‘market’ ari degi ta ururoro kito osa ue pekara eagora.
24794	MRK 13:8	Enda nei na ereto enda nei ga isoro aisora eto ‘king’ nei na ereto ‘king’ nei taisuja. Eto enda nei nei ta titira te beuje te puvurou kesora amo memenga te osaga te kesora amita ihikarira te ungo be kogue irivujo.
24931	MRK 15:36	embo vahai na huheveto pambuto soi humbuto inoha uhu tumo ta egeto ‘Wine’ ta hatito humbuto puvuto Iesu na indoja ikihe ke einge ena, “Aravora Elijah jage eria avo puvuto humbuto ikau veaute avo kesira,” ainge enu
24977	LUK 1:15	Amita be amo amina Bada ta tihi ta embo dombo aisuja eto ‘wine’ te ‘gin’ te umo ainge amo mane indesuja te e ta hini ta eto Ahihi Otohu na jo enetasuja.
25050	LUK 2:8	Eto enda ai ta o ‘sheep’ simba ari embopo na ehe tambuta o ‘sheep’ simba ere uahera amita degi
25106	LUK 3:12	Eto ‘Tax’ humbari embopo na puvuto bapataito aja ue einge eto ingia, “Ahe poekari embo, dago God na do ara uje ere oi?” eo
25107	LUK 3:13	John na einge ena, “Eto ungo ‘Tax’ koro umbava mahu heka ari ai ta inono ta avo pere humbasova rate nei hamo ta mane humbasova,” ainge ena.
25203	LUK 5:27	Eto amita ambota Iesu na arahata pambuto ‘Tax’ koro humbari embo vahai javo Levi amita pure ari bande jo ai arumbeto mihinu Iesu na kito, “Na ambo ambo e,” enu
25205	LUK 5:29	Eto embo Levi na Iesu ta pondo peni vahai amita bande ta unu ‘Tax’ humbari embopo isapamane te embo nei uhoho te ainge arumbeto indie mihio
25206	LUK 5:30	enana Pharisee ari embopo te enana ta ke pepeni ahe poekari embopo te na hini kambari eto Iesu ta ambotani ta degi ke einge ea, “Ungo do eto ‘Tax’ humbari embopo te ari sasapura embomeni te ga vahaita ere indeve?” ainge eo,
25213	LUK 5:37	Eto embo na o hamo umo higi iteko ari mahu ai ta ‘wine’ eha overekasora amo ‘wine’ na horo vivihe pajito o hamo amo perarasuja eto ‘wine’ te o hamo te tapa irae aisuja
25214	LUK 5:38	te o hamo eha ta ‘wine’ eha overekasora amo mane perarasuja.
25215	LUK 5:39	Eto embo ‘wine’ mahu avo indito gamo kito javotoho ke ijie ‘wine’ eha amo uje ae aisuja.”
25216	LUK 6:1	Eto jangu indari iji te Iesu te amita ambotani te na embo ta pure degi ta pahue Iesu ta ambotani na ‘wheat’ ve avo indesi humbuto jaeveto indio
25219	LUK 6:4	Eto amina God ta Bande otohu ta horeto ‘Bread’ mahu God ta tihi ta hande ikari amo priest na pere jigama eagora avo David na horeto ‘Bread’ avo humbuto indie amita embomeni ta hande enu india
25228	LUK 6:13	iho vujihinu amita ambotani jage enu puvuo tapa 12 siriketo humbuto amita javo ‘Apostero’ ikena
25293	LUK 7:29	ke ainge Iesu na enu ingia (Eto ‘Tax’ siriketo humbari embopo te embo nei uhoho te amina John ta ke ingio bapataito ena avoeto Iesu ta ke ingihe God javotoho ke ea
25298	LUK 7:34	Eto Embo ta Meni na puvuto ‘wine’ te indari te tapa indaguja avo ungo na kogue, ‘Embo erevi kivu, amo okope undurari embora eto jai indari embora amina ‘tax’ koro humbari embomeni amite embo sasapura neite neite ga namei eaguja,’ ke ainge eagova
25301	LUK 7:37	da amita evohu vahai amo evohu sapura be amina Iesu Pharisee embo ta bande ta arumbeto indinu ke avo ingito ‘Oil’ mune javotoho te higi isapa ta avo humbuto Pharisee ari embo ta bande ta horeto
25302	LUK 7:38	Iesu ta ku hena ta heteto ihiketo si ijie amita tihi sisivu na Iesu ta utu kuheto siro ta tuheto utu mune tavo eto ‘Oil’ mune te amina kuhena.
25310	LUK 7:46	eto inena nau siro ‘Oil’ kuhaera te amina nau utu ‘Oil’ mune te amina kuhehija
25343	LUK 8:29	Rate embomeni na embo avo ‘Chain’ na punduo ahihi sasapura na embo andirari avoeto ivo peni vahai eto ‘Chain’ jigito usuketo embo humbuto ojaga hambuto pambuna avo Iesu na kito, “Embo ta jo avo toto puvuto pambu,” ainge enu
25344	LUK 8:30	ainge enu Iesu na, “No javo deire,” ainge enu embo amina, “Dago isapamane avoeto nau javo ‘Legion’ ra,” ainge eto
25373	LUK 9:3	enana ta degi ke einge ena, “Ungo donda nei hetu te ehi savo te ‘bread’ te koro te bo heriso te mane humbuto pambasova te
25383	LUK 9:13	Iesu na, “Ungona indari ikevu indore,” ainge enu enana ke einge ea, “Dagota degi ta amo ‘bread’ tapa 5 eto umo o heriso mihia te dago pambuto indari koro na humbuto embomeni erevi undurora ere?”
25386	LUK 9:16	Iesu na ‘bread’ 5 eto umo o heriso amite aingeto humbuto tihi i ta eto jigito God peketo ‘bread’ te o te jigito pereto embomeni ta ikaro indora ambotani ta degi ikenu embo ta ikeo indio
25435	LUK 10:3	Ungo pambuvujo. Na ungo o ‘sheep’ meniundi avo isoro ino ta ikarako ere ona
25456	LUK 10:24	ungota degi erena peroveta isapamane eto enda ta ‘King’ isapamane na ungo ari do ere kogova avo kesi uje isapamane ere uahera te kiae eto ungo ere ingiheva avo ingesi uje ere uahera te ingae,” ainge enu
25466	LUK 10:34	‘oil’ te ‘wine’ te amina orosa egeto bo na horereketo tigito oviribeto humbuto amita o ‘donkey’ hamo ta ikenu arumbenu humbuto pambuto isa pambuora embo ta evari bande ta horeto embo simba ue evinu
25480	LUK 11:6	ke einge aisoa, ‘Namei, nau namei nei avo degi koso be puvija te do ikano indesuja avo mana mana eto inena ‘bread’ 3 ainge ikao pambuto ikano indoja puvena,’ ainge ao
25529	LUK 12:1	Eto ari ainge uo embomeni ‘thousand’ doitoko vahaita puvuto utu ta mine hatira ue mihio Iesu na kihi amita ambotani ta degi ke einge ena, “Enana Pharisee ari embomeni na ari javotoho avo ke be na ae ahe kihira eagora ‘bread’ ta pajirari sivo na pajito enetaguja ainge dombo eaguja avoeto be kogue irivujo.
25602	LUK 13:15	Bada na ingito ke einge ena, “Ungo jo heriso ari embopo. Ungota o ‘donkey’ retemo ‘cow’ re handukari mihia avo jangu indari iji te bujeketo humbuto pambavo umo mane indoro?
25606	LUK 13:19	Eto ji javo ‘Mustard’ amita ve isapa vahai avo embo na humbuto amita pure ta urenu pajito hatu kaheto peni vahai enu di na puvuto amita hatu ta nga ikea, aingekora.” ainge eto
25696	LUK 16:7	embo nei amita degi ke einge ena, ‘Nau tihi jigari embo ta degi donda doinge mine ikae teho umbuhae?’ ainge enu ‘Nau ‘rice’ baiki tapa 100 ainge humbuhana’ enu ‘Aravorate no paper avo ikejo jaeveketo gosukihe ‘rice’ baiki tapa 80 ainge humbari ke ijie kaeto ikano humbuto pambuto ao kesuja’ ari sokova ainge ena
25726	LUK 17:6	Bada na ke einge ena “Ji ‘Mustard’ ta ve isapa be ainge dombo na humota aheva amo ji peni eremita degi ‘Umo oenga uketo pambuto eva ta veto huruke’ ainge aheva amo ke agi eto ainge aehija.”
25857	LUK 20:9	Embo tapa ta degi timu hatirari ke einge ena, “Eto embo vahai amina ‘grape’ ve pure ta ureto embo nei na simba ara iketo toto enda nei ta iresi pambuna.
25858	LUK 20:10	Eto ‘grape’ sari ari iji puvunu ‘grape’ be sari huna umbaja pure mamo na amita pure embo vahai ikenu pahunu, ‘grape’ simba ari embopo kito teto ohimbeo ‘grape’ sari umbae toto egerembeto pambuna,
25859	LUK 20:11	Eto amita pure embo nei ikenu pambunu ‘grape’ simba ari embomeni na urumbihe teto ohimbeo ‘grape’ be sari umbae toto pambuna.
25861	LUK 20:13	Avoeto pure mamo na ke einge ena. ‘Na ari einge aisona, osa ari meni nau avo ikano pambau kito otohu ue mane tasora,’ ainge eto ikenu pahunu ‘grape’ simba ari embomeni na kito
25862	LUK 20:14	ke einge sirikea ‘Eto ‘grape’ pure hoteto humbasuja embo puvija erevira avo ungote taro pehau ‘grape’ pure evi ungotenane na oreto umbasira,’ ke ainge
25864	LUK 20:16	Eto ‘grape’ mamo na puvuto do au? Amina ‘grape’ simba ari embomeni tau pepehekaro ‘grape’ pure amo humbuto embo nei ta ingeni ta ikasuja.” ainge enu enana ingito “Ajae, ejo toai!” ainge eo,
25890	LUK 20:42	Eto King David amina book javo ‘Psalms’ ai ta ke einge kajena, “God na na David nau Bada ta degi ke einge ena, ‘Nau ingeni be ei ta arumbeto iriro
25972	LUK 22:39	Bande toto veto ari ainge avoeto tiri ‘Olives’ ta vihesi amita ambotani ga pambuto
26040	LUK 23:36	isoro embopo na Iesu urumbihe ‘Vinegar’ sogaga te humbuto Iesu na indoja imihe heteto ikihe
26047	LUK 23:43	Iesu na ke mine einge ena, “Na no degi ta ke be erena, umo namo te tapa eha oroho ‘Paradise’ ta horasoa,” ainge ena.
26060	LUK 23:56	pambuto jeune te ‘Oil’ mune te amite aingeto Iesu ta hamo ta vuresi nununga eto evito God ta ke agi ue jangu india.
26073	LUK 24:13	Eto iji amite Iesu ta ambotani heriso amina da Jerusalem ai ereto da Emmaeus pambua amo degi 11 ‘Kilometres’ koso ai ta pahue
26090	LUK 24:30	enana ga arumbeto ‘Bread’ humbuto God peketo ingeketo ikihinu
26095	LUK 24:35	enana degi ta do enu kogue ingihe pambuhumihe bande ta horeto ‘Bread’ ingekena ai ta be kia,
26104	LUK 24:44	ke einge ena, “One ere kogova amo ungote iragona iji amikote tapa ehene ingeva amore Moses ta ke kajari te peroveta mamahu ta ke kajari te ‘Psalms’ ta ke kajari te ai ta ke kajari mihera amita bere puvija erevira,” ainge eto
26142	JHN 1:29	Eto iji nei Iesu na John ta degi puvutohunu kito ke einge ena, “Kivu. God ta O ‘sheep’ Meni embo ta ari sasapura ombuto humbasi puvuto ere hua.
26149	JHN 1:36	Iesu puvuto pahunu John na kon eto kito ke einge ena, “Kivu, God ta o ‘Sheep’ Meni ra,” ainge enu
26155	JHN 1:42	Simon humbuto Iesu ta degi pambuo Iesu na Simon kon kon eto kito ke einge ena, “Umo John ta meni Simon rate nanena no javo ere ikihena amo ‘Cephas’ ra. (‘Cephas’ ta be amo Koro ra.)” ainge Iesu na ena.
26167	JHN 2:3	pondo ta ‘Wine’ avo embomeni na indio irae enu Iesu ta e na meni ta degi puvuto, “Wine irae ehija.” ainge enu,
26173	JHN 2:9	umo avo timbuto pambuto pondo mamo ta ikeo umo amo ‘Wine’ enu humbuto indina. Eto ‘Wine’ amo dainge eto puvuna amo pure embopo na kia te pondo mamo na kiae avoeto pambuto jimbari singa ta degi ke einge ena,
26174	JHN 2:10	“Pondo iji te amo ‘Wine’ javotoho avo kihi indiore inono eoi ambota ‘Wine’ sapura amo indagora te inena ‘Wine’ javotoho ambota ikehe ere indera erevira.” ainge ena.
26178	JHN 2:14	temple jo ta horeto embo na o ‘Cow’ te o ‘Sheep’ te di dipo te aingeto pure ari gaga ta tetembeto koro na mine omba ue mihio puvuto kito,
26179	JHN 2:15	esi era erari amina ena amina humbuto ohimbenu o ‘Cow’ te o ‘Sheep’ te tapa joru temple toto pahuo koro ombari embopo ta koro avo teto osirikenu enda ta venu gaga jigito haperekenu,
26271	JHN 4:46	Eto Iesu na da Cana enda Galilee ai ta umo enu ‘Wine’ ena da ai ta ehako puvuto mihinu
26281	JHN 5:2	Eto da Jerusalem ai ta o ‘sheep’ ta horari huga pe amita engihi ta embo ta umo ireremba amo Judea ta ke na Bethzatha ke eagora amo arara tapa 5 amina umo amo joekari
26551	JHN 10:1	Eto Iesu na ke einge ena, “Na ungota degi ke be erena, pegene embo na amo o ‘sheep’ ta huga peta mane horeuja te huga jaruketo jo ta veaguja
26552	JHN 10:2	te o ‘sheep’ simba ari mamo na amo huga pe ta horasi uei
26553	JHN 10:3	huga pe simba ari embo na o ta mamo kito pe hirikeoi horeto amita o ‘sheep’ vahai vahai javo ijie jage ijioi o amita pere na mamo ta ke hajire ingihe mamo ambo ambo ue arahata pambagora.
26557	JHN 10:7	Iesu na ke ehako einge ena, “Na ungota degi ke be erena, na o ‘sheep’ ta huga pe ra.
26558	JHN 10:8	Eto embo nei nei mahu kihi puvua amo pegene embopora avoeto o ‘sheep’ na ke hajire ingae ue toa.
26561	JHN 10:11	Na o ‘sheep’ simba ari embo javotoho ra te o ‘sheep’ simba ari embo amo o ‘sheep’ orekasi amita hamo na ombuto taro sari aisuja.
26562	JHN 10:12	Rate ‘sheep’ simba ari embo eto ‘sheep’ ta mamo mane avoeto isoro o ‘wolf’ na o ‘sheep’ kambasi puvutuhurou kito embo amo o ‘sheep’ toto joru pahurou o ‘sheep’ amo joru sepuriri eto pambasora.
26563	JHN 10:13	Amita be amo koro pure ari embo na o ‘sheep’ hotembae eaguja te
26564	JHN 10:14	Namo avo o ‘sheep’ simba ari embo javotohora te nanena nau jekahoka kiagona eto ungona na kiora.
26565	JHN 10:15	Ainge dombo nau Mama na na kiaguja eto nanena nau Mama kiagona. Eto nau o ‘sheep’ irora namo avo vasiri te pehasora.
26566	JHN 10:16	Eto nau o ‘sheep’ nenei mihera amo huga jo ei ta irae rate amite tapa nanena tatapeketo humbuto vahai ta ikasona. Eto enana te tapa nau ke hajire ingihe tatapeketo iriroro na enana ta simba ari embo ainge aisona.
26576	JHN 10:26	ungona na ke be ae eagova. Amita be amo ungo o ‘Sheep’ nau manera.