23408	MAT 7:23	ke mine enana ta degi einge aisona, ‘Na ungo kiaera. Ungo ari sasapura embomeni avo eto ke nau agi ae ere ovova toto veto pambuvu,’ ke ainge aisona.
23623	MAT 13:15	Eto amita be amo enana ingaesira ue oje susundukehera eto tihi vavahaikehera. Eto ainge ae amo tihi na kiaehera eto oje na ingaehera eto jo na be hotembaehera. Eto egerembeto nau degi ta puvuraehera amo humbuto ano kojaehera,’ ainge God na enu Isaiah na kajena.
23636	MAT 13:28	‘Kitoho embo vahai na vive ta ve humbuto puvuto ihajara uija avoeto erehija,’ ainge enu pure ari embopo na, ‘Dago pambuto vive ara uje ere oete?’ ainge eo
23829	MAT 18:33	Na no ke ingihene jo uija ainge dombo inena no namei ta degi ae ehea,’ ainge
23865	MAT 20:4	ke einge ena, ‘Ungo pambuto nau grape pure ururovo hure vovurou mine inono ikano humbasova,’
23868	MAT 20:7	enana, ‘Dago pure umbae avoeto teho mihera,’ eo ‘Aravora ungo pambuto nau grape pure aisova,’ ainge enu ingito pambuto pure isapa uo,
23923	MAT 21:28	Eto Iesu na Judea ta okokose ta degi ke einge ena, “Ungo ke nau ingito siro pure evu. Embo vahai meni heriso te amina bugo ta degi pambuto ‘Nau meni pambuto nau grape pure ejo,’ ainge enu
23925	MAT 21:30	Ehako meni ambo ta degi pambuto, ‘Nau meni umo pambuto nau grape pure ejo,’ ainge enu, ‘Aravora, Mama, pambuto pure aisona.’ ainge ena te pambuto pure ae ena,
23950	MAT 22:9	avoeto ungo pambuto degi ugorota isa ari embomeni doinge kesova avo evujo puvuto nau pondo indore,’ ainge enu
23979	MAT 22:38	“Ke vahai dombo be amo erevira, ‘no Bada God jo tapa na ari Tapa na eto hotembari tapa na osa ejo,’
24003	MAT 23:16	Jove jove ungo hotembari heriso embomeni ungo tihi kuru ari na embomeni degi avo kiora arako ereova. Ungo ke sokova avo einge ahe poekihe ere ova, ‘Eto embo na temple ta javo jigama ue ke ikasuja amo ivo ambu avoeto ke amo toasuja amo tehora rate embo na temple ta gold javo jigama ue ke ikasuja amo sovera mihia avo eto mane toasuja,’ ke ainge amo ungo sarika embo tihi kuru ari na kiae kiae ue eagova.
24017	MAT 23:30	ke einge eagova, ‘Nau mamahamane na embo erevi teo pehena iji amikote na ari ainge mane ahena,’ ainge eagova
24074	MAT 24:48	rate pure embo nei amo ke sokova ari embo amina, ‘Bande mamo eha mane puvuresuja,’ ijie
24097	MAT 25:20	5,000 kina umbuna embo amina puvuto ke einge ena. ‘Bada inena nau degi ta 5,000 kina ikiha amo pure eto 5,000 nei hambuhana erevira,’ ainge enu
24141	MAT 26:18	Iesu na, “Embo vahai da peni amita jo ta iraguja amita degi pambuto ke einge evujo. ‘Bada ta iji auvehei jarukari ta pondo amita ambotani ga no bande ta indesi ehija,’ pambuto ainge evujo.” ke ainge enu
24539	MRK 7:7	eto enana teho sio na jakeka ue emo God ta ke ijie embo ta hotembari na embo ahe poekagora,’ ainge Isaiah na kajena
24712	MRK 11:3	Eto embo na ‘Ungo do eto donkey meni humbuto pambasi ere ove’ ke ainge aro ungo na einge evujo, ‘Bada na jigama eto ikau egerembasuja,’ ainge eto humbuto puvuvujo” ainge
24749	MRK 12:7	ikenu pahunu grape be simba ari embomeni na kito ke einge sirikea. ‘Eto ‘grape’ mamo na meni ikehei puvija avo ungote teto ‘grape’ pure evi ungotenanena oreto umbasira,’ ke ainge
24773	MRK 12:31	eto ke nei amita engihi ta amo eingera, ‘Umo oenga hamo no simba ue osa eagoa ainge dombo no namei kamei tapa osa ejo,’ eto God ta ke 10 ta jo ta ke heriso erevi peni be ra.” ainge enu
25102	LUK 3:8	Ungo tunga ahereketo iresi uje ere ova avoeto ji be kiari javotoho kiagova ainge dombo ungo vasiri javotoho evujo. Eto ke erena avo ingito ‘Abraham amo dagota mama ra avoeto dago inonora,’ ainge avojo, ungota degi erena be ingivujo. Eto God na au koro erevi sariketo Abraham ta meniundi asora amo inonora.
25155	LUK 4:23	Iesu na enana ta hotembari avo kito einge harikena, “Ungo nau degi ta ke einge aisi hotembihevete ‘Sivo embo umo oenga hondate e,’ ainge eto nei ‘Da Capernaum ta ari ehe duru ingera avo ehako da no ei ta e kiore’ ke ainge nau degi ta asi ere hotembihevete?
25291	LUK 7:27	eto God ta ke mahu kajari ai ta mihia amo John do aisuja amita ke avo einge mihia, ‘Kijo, na nau ke hande ari embo ikano kihi pahue no degi siriketo au tambu aisuja,’ ainge kajari mihia avoeto
25297	LUK 7:33	ari aingeko amo ungo na ere ova amo eingera, Eto John puvuto indari te umo te ajirekena avo ungo na kito ‘Ahihi sapura na horihaja avoeto ere ua,’ ainge ijieva.
25298	LUK 7:34	Eto Embo ta Meni na puvuto ‘wine’ te indari te tapa indaguja avo ungo na kogue, ‘Embo erevi kivu, amo okope undurari embora eto jai indari embora amina ‘tax’ koro humbari embomeni amite embo sasapura neite neite ga namei eaguja,’ ke ainge eagova
25441	LUK 10:9	embomeni avo kojihe, ‘God na tohota embomeni siriketo humbuto tihi jigesuja iji avo ungota degi puvuto ere hua,’ ainge evujo,
25443	LUK 10:11	‘Ungota da ta oniho dagota utu ta vihari avo jaevekaro vovurou ungota degi hajire ikasuja. Rate kivujo God na embomeni tihi jigesuja iji avo auvehija,’ ainge evujo.
25467	LUK 10:35	iho vujenu Samaria embo na koro heriso humbuto bande mamo ta ikihe ke einge ena, ‘Embo erevi simba ururo no bande ta mine doinge aisuja amo nane egerembeto puvuto no mine ikasona,’ ainge eto pambuna,” ke ainge Iesu na enu irae enu
25480	LUK 11:6	ke einge aisoa, ‘Namei, nau namei nei avo degi koso be puvija te do ikano indesuja avo mana mana eto inena ‘bread’ 3 ainge ikao pambuto ikano indoja puvena,’ ainge ao
25481	LUK 11:7	amina bande jo ta mihie ke einge aisuja, ‘Na mane ujasoa te toto pambujo. Bokiri mahu ahurekehena eto na nau meniundi ga ere evena avoeto na mane ereto indari ikasona,’ ke ainge asuja.
25536	LUK 12:8	Eto ungota degi erena, embo amuna, ‘Na Keriso ke be ijie ambo ambo ere ona avoeto na amita tohora,’ ke ainge embomeni ta degi aisuja amo embo avo naura ainge uhu ta God ta Anera ototohu ta degi aisona.
25547	LUK 12:19	nau jo ta einge hotembasona, donda isapamane be mihia avoeto jua koso vahai be indari mahu erevi jigama ue nau ahihi ta jangu indari koso kaso be ue tunga javotoho be ue iresona,’ ke ainge jo ta hotembihinu
25583	LUK 12:55	nei ungo pisara kaina ta puvutohuoi kogue ‘Iji vevere puvuto ere hua,’ ainge ijiove puvaguja.
25613	LUK 13:26	ungo na ke mine einge aisova, ‘Inena dagota da arahata ahe poekihoe ungote indari vahaita indaehera aravora,’ ainge ijirovo
25641	LUK 14:19	embo nei na einge ena, ‘Aja to erena rate na nau pure ta enda kovari o cow tapa 10 ainge koro na ombuto humbuto pambuto kesi uje ere ona avoeto mane pambasona,’ ainge enu
25643	LUK 14:21	ingito egerembeto pambuto pondo mamo ta degi enu ingito tumo ue amita pure embo ta degi ke einge ena, ‘Aravora te degi ari na ue hoivo embopo te kini humbari embopo te popora embopo te tihi kuru ari embopo te tapa ejo pondo ta hurore,’ ainge enu
25669	LUK 15:12	rate meni ambo amina mamo ta degi penunu einge ena, ‘Mama, na no donda hotari umbasona avo mahu kaheketo ikejo umbane,’ ainge enu mamo ta haja vaja avo kaheketo ikenu humbuto
25691	LUK 16:2	enu puvunu ke einge ena, ‘Embomeni na puvuto nau degi ta umo pure sapura oe ehera avoeto pure mane aisoa avoeto ere haekihena koro amina pure do do ue ke kakajekagoa tapa avo ike kione,’ ainge enu
25760	LUK 18:3	da amita evohu doru vahai amina amita degi kaiketo puvutohue penunu einge ere ijiahija, ‘Na hondate eto embo nau degi ta kitoho ere ova avo ke siriketo ejo tambu ai,’ penunu ainge pere ijioi
25769	LUK 18:12	Na hura tapa amita jo ta iji heriso heriso donda ajirekagona eto nau donda tapa avo kaheke kaheke eto tapa 10 ainge iketo vahai humbuto temple ta ikagona,’ pari ainge pere ijinu
25813	LUK 19:13	amita pure embopo tapa 10 ainge jage enu puvuo embo vahai vahai amita degi koro tapa 100 ainge ikereketo ke einge ena, ‘Na pahurono ungo koro emina pure eto koro nei hambuhurovo puvuresona,’ ainge eto pahunu,
25816	LUK 19:16	pure embo vahai amina embo ta tihi ta imihe heteto ke einge ena, ‘Bada, no koro 100 amina pure ehena amita hamo ta amo 1,000 hambena erevira,’ ainge enu
25818	LUK 19:18	embo nei puvuto ke einge ena, ‘Bada no koro 100 amina pure ehena amita hamo ta amo 500 hambena erevira,’ ainge enu
25861	LUK 20:13	Avoeto pure mamo na ke einge ena. ‘Na ari einge aisona, osa ari meni nau avo ikano pambau kito otohu ue mane tasora,’ ainge eto ikenu pahunu ‘grape’ simba ari embomeni na kito
25862	LUK 20:14	ke einge sirikea ‘Eto ‘grape’ pure hoteto humbasuja embo puvija erevira avo ungote taro pehau ‘grape’ pure evi ungotenane na oreto umbasira,’ ke ainge
25885	LUK 20:37	Eto Moses na ji vasa evikihina amita jo ta ke einge ingina ‘Na Abraham ta God, Isaac ta God, eto Jacob ta God ra,’ ainge ijinu ingina avoeto kajena.
25891	LUK 20:43	nane no kitoho teto ikano inena utu na hatiresoa,’ ke ainge David na kajena.
26033	LUK 23:29	Eto kivujo, iji puvuto ere hua amikote ke einge aisora, ‘meni irae evohu te hini ta ve irae amo tunga javotoho ere ora,’ ainge eto
26034	LUK 23:30	memenga jamo aja tiri ta degi, ‘Koheketo veto dago kikira e,’ eto heti ta degi ‘Veto dago ahureke’ ainge aisora
26356	JHN 6:30	mine einge ea, “God ta ke mahu kajari ai ta ke einge mihia. ‘Amina bread uhu i ta ikenu embomeni na india,’ ke ainge kajari mihia amo dagota mamahamane na ojagatambu ta mihie uhu i ta bread avo india te inena pure do ao no hajire avo kito ke be aro?” ainge eo,
26503	JHN 8:53	Eto Abraham pehena eto peroveta tapa pepehekea te inena ‘embo amuna ke nau agi aisuja amo mane pehasuja,’ ke ainge erea amo dagota mama Abraham te peroveta tapa pepehekea amo inena dembari rete? Eto umo embo amunurami ke ere?” ainge eo
26586	JHN 10:36	namo avo God Mamo na enda ta ikenu puvua avoeto nanena, ‘Na God ta Meni ra,’ ainge ene ingito ungona nanena God urumbari ke ereva.
26717	JHN 13:18	Eto na ungo siriketo humbena amita jo amo na ere kogona avoeto ke erena emo ungo tapa ta degi aera. Te God ta ke mahu kajari einge mihia, ‘Embo vahai namo te arumbeto ere india amo nau degi ta kitoho ereua,’ kajari ainge mihia avo au inono aisuja,
26800	JHN 16:5	“Eto na ikari puvurari embo ta degi pambasi ere ona te ungo embo vahai na, ‘Umo degi dainge pambasi ere,’ ke ainge amo nau degi ta eto ingae ra
26901	JHN 19:7	Judea embomeni na, “Dagota ke pepeni mihia amo eingera, ‘Na God ta Meni ra,’ ainge eagora amo dago na teore pehagora avoeto taro pehasuja,” ainge eo,
27008	ACT 1:16	Peter na ereto ke einge ena, “Nau namei kamei iji mahu be mahu Ahihi Otohu na King David ta degi ke enu kajena amo Judas na Bada Iesu humbuto kitoho embopo ta ingeni ta iketo amita pure toasuja avo eto tona, amita ke amo King David na Psalms ta kajari einge mihia amo ‘Irari da amita embo na mane horasora rate amo teho iresuja,’ eto ke nei amo, ‘Amita pure embo nei na asa humbuto pure asuja’ ainge King David na kajena.
27088	ACT 3:23	Embo amuna amita ke mane ingaguja amo God na kahekau oenga iresuja,’ ainge ena,
27117	ACT 4:26	enda ta kings te tihi jigari embomeni te aingeto God te amita Meni avo vahai amita degi isoro eagora,’ ainge David na kajena.
27192	ACT 7:7	rate amita ambota na no pure ta memenga ikari embomeni ta degi osaga ikasona. Eto no meniundi na enda avo toto enda ei ta puvuto na jakeka asora,’ ainge eto
27223	ACT 7:38	vahai, avo peroveta na ainge dombo God na ikau puvuresuja,’ ainge ena. Eto ojagatambu ta Israel embomeni ungotenau mamahamane ga mihio God ta ke otohu vasiri te daroho irari avo Anera na Moses ta degi puvuto ikenu avo eha jigama ere ora.
27228	ACT 7:43	Ainge ae ungo na ungota god Moloch ta jakeka ari horoma geriketo humbuto ere pambuhaheva eto ungota god Rephan ta kuro ove eto jakeka ere ijiaeheva avo eto ungo enda Babylon oiho ta ikano pambuto iresova,’ ke emo God na enu peroveta na kajena.
27453	ACT 13:22	rate God na Saul avo toto David avo King iketo ke einge ena, ‘Eto embo Jesse ta meni David amo nau tunga humbari meni avo hambena avo eto na uje do asona avo asuja,’ ainge God na David kito ena.
27464	ACT 13:33	rate ungotena enana ta meniundi susu be ta iji te God na Iesu embo ta King ikena avo eto ungotena God ta ke be eha ere kogora amo David na God ta ke avo haveni na einge ena, ‘Umo nau Meni eto na no Mama eha ehena,’ ainge ena.
27465	ACT 13:34	Eto God na enu vasiri te ereto ehako mane sari aisuja avo einge kajena, ‘Na ari Otohu te javotoho te David ta ikana ena avo eha no ikasona,’ ainge eto
27615	ACT 17:23	Eto pene ikari gaga vahai ai ta kehena amo ke einge kajarira, ‘God kiae amita degi ra,’ ainge kehena amo ungo God kiae jakeka ereva amita ke amo eha ano ingesova.
27620	ACT 17:28	Eto ungota ke ari embo vahai na ke einge mahu kajena, ‘Eto ungotena God ta jo ta vasiri ue mihera,’ ainge ena eto ungota embo nei na einge ena ‘Dago amita meniundi ra,’ ainge ena.
27780	ACT 22:8	‘Bada umo amunure?’ ainge ene, ‘Na Iesu Nazareth embo nau degi ta osaga ikihe ere kogona,’ ainge enu
27785	ACT 22:13	Eto embo amo puvuto engihi ta heteto, ‘Namei, Saul ehako ki,’ ainge enu nau tihi hirikenu embo avo kon eto kia.
27790	ACT 22:18	bada ehure ta kiarako uo amina, ‘Umo sausau Jerusalem toto pambu. Inena nau ke eha ingea amina jo haperekehei ke hande ere oa amo embomeni na ingito tumo eto ke be mane asora avo eto umo pambu,’ ainge enu,
27792	ACT 22:20	Eto no ke hande ari embo Steven tari iji te nanena Steven tari embomeni ta bo avo simba ue teo pehena amo javotoho ke ere ijiaehena,’ ke ainge eo
27807	ACT 23:5	Paul na ke mine einge ena, “Nau namei kamei Priest okose avo na kiae avo eto ke ehena te God ta ke na mahu kajari amo,’ ‘Embo na mane amita tihi jigari embo avo sapura ke mane asora’.”
27905	ACT 26:14	dago tapa enda ta veto gombuto nanena Israel embo ta ke hajire avo einge ingia, ‘Saul, Saul umo do eto nau degi ta osaga ere ikihe, umo o cow ainge no mama ta ituha kojiketo memenga ere kogoa,’ ainge enu ingito,
28443	1CO 1:12	amo ‘Na Paul ta ke ambo ambo eagona,’ eto embo nei na, ‘Na Apollos ta ke ambo ambo eagona,’ eto embo nei na, ‘Na Cephas ta ke ambo ambo eagona,’ eto embo nei na, ‘Na Keriso ta ke ambo ambo eagona,’ ke ainge ijie miheve puvuto ehere ingena
28482	1CO 3:4	Eto ungo na ‘Na Paul ta ambotani,’ eto ‘Na Apollos ta ambotani,’ ke ainge ereva amo enda embo ta ari avo ere ova.
28596	1CO 8:1	Eto god sokova amita degi indari ikagora amo ungotenanena indorote mane indoro amita ke amo aisona te ungo ke erevi kivujo, eto embo ta degi kiari te osa arite iresuja amo javotoho rate osa ari irae kiari pere amo ‘Na, na,’ aisuja.
30073	HEB 3:11	avoeto enana nau jangu indari degi ta mane horasora,’ ke ainge tumo te tapa ngahia na ea.” Eto ke ainge amo Ahihi Otohu na eria,
30368	JAS 2:8	rate enana haja vaja embopo na javo aravo eagore sapura eaguja eto ungo ke be na God ta ke pepeni amita ke ta kajari avo ‘Inena umo oenga osa ere oa, ainge dombo no namei osa ue amita degi javotoho ejo,’ avo agi ereoa amo javotoho ere oa