24286	MRK 1:2	Haaru mwo enta Asaiaava Kotira qua qovarama sero qara ntuva tero tiqaro, Taqaane, ni qua nraase qora tiva niani vaitira ne titaariro mwiva i vuni viqaro i aara tequama mwataanarove. (Mal 3:1)
24287	MRK 1:3	Mwi vaitiva qumina mwataqaa variqaro aasara ntero tiqaro, Nroravano vuani aarara tequama mwateta mwira aara avuqavuma mwataivaro mwiva mwi aararaqaama so vuarive tianarove, tura. (Ais 40:3)
24295	MRK 1:11	Uto ntero Iesusiraqaa varuvaro quavano naavutairo mwitaama tiro: E ni maaquvano variararo ni mwutusavano iara mwoqavata vahiso. Ne iara qamwateqanama varuqo, tiro.
24373	MRK 3:16	Iesusiva mwaa vaitinravusa vitora: Saimonira — Iesusiva mwira mwo nrutu ntavatero Pitaavave tiro.
24404	MRK 4:12	Ne mwo quaqaa ntuva sena tiarita nraase qoravano taqeqatavata siama ntapihi seta taqevarave. Mwisa ni qua rietavata siama ntapihi seta rievarave. Mwisa ni qua rieqata niari uaqaahi saiqara qaqira saivarovauma Kotiva mwisa uaqaahi saiqara vare quara nruka nataanarove, tiro. (Ais 6:9-10)
24422	MRK 4:30	Iesusiva mwitaa tiva sero qua tiva niqiro viro mwitaama tiro: Kotiva ntaqaihiva nara inraisa votima serove vaiso? Mwirara rieqana nara quaqaave ntuva sena tianirave?
24483	MRK 6:7	Iesusiva nai nraaqiara nraarama sero taaratana taaratana titovata 12 mwinravusa mwona mwona vura. Mwiva mwisa titeqaro vaitiqitaita vaana titaivata qaqinani nritareta vuate tiro, mwiva mwisa kepusa niqaro qua mwitaama tiro:
24538	MRK 7:6	Mwitaa tuvaro Iesusiva mwisa niari tiva niro tiqaro, Né unraqama seqata suqe saiqa vare variasave. Asaiaava haaru variqaro iniara avuqavuma sero qara ntuva torave. Kotiva mwira saahaqa huvaro Asaiaava Kotiva mwitaama tiso tiro: Mwaa mwatanaasa nroqitaiqai ni nrutu tuaahere variavaro mwisa mwutusavano sia niara vaiso.
24539	MRK 7:7	Mwisa mwaara tiqatama mwisa niari haivaqasa quaqai tiva niqata mwisa quminama ni nrutu tuaahere variavo, tura. (Ais 29:13) Asaiaava mwitaama sero qara ntuva torave.
24559	MRK 7:27	Nraase mwiva mwitaa tuvaro Iesusiva nai tiva mwiro mwo quaqaa ntuva sero tiqaro, Qaqao, ne nraaqiara nraante sara mwirerave. Ne nraaqiara sara vara sena vairi niasorave, tiro. (Mwi quara osara mwataamama vahiro: Iesusiva tiqaro, Sai ne Iutaa mwatanaasa nraante saahaqa hiase. Ne mwo mwatanaasa nraante saahaqa hiasorave, tiro.)
24655	MRK 9:48	Mwi mwataraqi imwivano qutu vuani mwavantara qaqiqai nravaqiro vi varianarove. Tiavano iteqaro siama qipa vuanarove. (Ais 66:24)
24661	MRK 10:4	Iesusiva mwitaa tuvata mwinravusa tiqata, Mosesiva mwataa tiva torave: vaiti mwovano nai nraata qaqira sareraro hiqaro qara mwo ntuva sero nai nraata mwinro tiqaro, So i qaqira sauqo, tiva seroma titaananrove, turave. Mosesiva qua mwitaama sero tiva torave, tita.
24676	MRK 10:19	E Kotiva tiva to quarara riaane. Mwira quavano mwataama sero vahirave: Sia mwora rusaane. Sia mwora nraasera nruaane. Sia muara varaane. Sia unra qua tiane. Sia unra utu seqara mwova hiani inraisara varaane. Ena nrosa qosa nrutu tuaahera nataane, turave. (Kis 20:12-16) Kotira quavano mwitaama sero vahirave, tiro.
24718	MRK 11:9	Mwitaamaqi viqata Iesusira vuni vi varu nraase qorasavata, mwira mwoqani nri varu nraase qorasavata, aasara nteta tiqata, Sai mwira nrutu tuaaheraare. Nroravano nai nrutuqa nri vari vaitira suqema mwataiso. (Sng 118:26)
24726	MRK 11:17	Iesusiva mwitaa tiva sero mwiva qua tiva niro tiqaro, Kotira vukuqi mwitaama qua qara ntuva tova vahirave. Nraase qora mwo mwatanaa mwo mwatanaasa ni nraavuara Kotirara aasara nte varia nraavurave tivarave, turave. (Ais 56:7) Né variavaro mwaa nraavuva muara vaitivano quqetase uairama hia nraavura votima seroma vaiso, tiro.
24752	MRK 12:10	Iesusiva mwitaa tiva sero mwiva mwisara tiqaro, Né siave Kotira vukuqi mwaa quara saara ntuva seta riaavo? Mwi quava mwataama tiro: Ori nraavu hoqeqata ori mwo sia suqerave tivase qaqira saava, mwi oriva puhaqama viso.
24753	MRK 12:11	Kotiva mwi orira vara sero nroraqama saisata te mwira saiqa taqeta suqerave tunarave, turave. (Sng 118:22-23) Kotira vukuqi mwitaamase qara ntuva torave. Né siave mwi quara saara ntuva seta riaavo? tiro.
24771	MRK 12:29	Tuvaro Iesusiva mwira tiva mwiro tiqaro, Mwaa quava vuni vahi quavama vahiso. Mwataama qara ntuva torave: Né Isareri mwatanaasa riaate. Tiriqaa ntaqaihi variva Kotiva mwariqa kuaiqavano variso.
24772	MRK 12:30	Esaa ena mwutusaqitairave, esaa ena mwanraquraqitairave, esaa ena vu nraatoqitairave, esaa ena kepusaqotairave, Kotiraraqai mwutusa vahirara variane, turave. (Lo 6:5)
24773	MRK 12:31	Mwi quava vaisaro mwira naatiara osara qua mwo vahiso. Mwitaama tiro: Enara mwutusa vataarantema sera ena henararavata mwutusa vahirara variane. (Wkp 191-12:18) So mwi quatanava vuni vahi quatanavama vahiso. Sia mwo quavano mwi quatana nraatara sairave, tiro.
24778	MRK 12:36	Haaru Kotira mwaraquravano saahaqa huvaro Devitiva nai mwitaa turave: Kotiva ni nrora vaitiara tiqaro, E nritarera ni sauqu tanarani mwatasaa vira variraqena ne i nravutaasa ru taiqa mwataarira mwisaqaa suqu ntava tera variane, turave. (Sng 110:1) Devitiva mwitaa turave.
24811	MRK 13:25	aahoquravanove, qovoravanove, uto nti uto nti hiraro naavuni kepusa inraisa vahiariva esaa qasaa qasaa hianarove. (Ais 13:10; 34:4)
24850	MRK 14:27	Mwiravusa mwini varuvaro Iesusiva tiva niro tiqaro, Nénravu ni seta ntuqeqaa hita vivarave. Kotira vukuqi qara ntuva to quava quqaa mwivauma vahianarove. Mwitaama tiro: Sipisipiqaa ntaqaihi vaitira Kotiva rusairata sipisipi mwisa niariara niariara mwona mwona vivarave, turave. (Sek 13:7)
24867	MRK 14:44	Nruvaro Iutaasiva Iesusira qovarama saanirara mwisa tiva niro mwitaama tiro: Ne mwira qua mwanteqana mota saani vaitira mwira mwivave. Né mwira ntavaaqavu seta mwiraqaa suqemase ntaqaihiqi vita uro saate, tiro.
24895	MRK 14:72	Mwitaa tuvaro qamwanrama sero kokoraavano qaiqaa nruqua tuvaro Pitaava mwiraqaatairo Iesusiva tiva mwu quara mwirara riero. Iesusiva Pitaara tiva mwiqaro mwitaama tiro: Mate entaqi kokoraavano sia taara nani nruqua tirara e taaramwo nanima niara tiqara, Ne sia mwira taqaurave tinarave, tu quara mwirara riovaro mwira mwutusavano uaqa huvaro Pitaava ntatora.
24921	MRK 15:26	Mwira satariqaa ruteta Iesusira qiatani qua mwo, mwira ko tiva mwato quara qara ntuva teta satariqaa rutora. Mwi quava mwitaama tiro: IUTAA VUNIAA VAITIVE, tiro. Mwi qarava mwitaama sero vahura.
24923	MRK 15:28	[Iesusira vatama seta mwitaama rutorara tiro, Kotira vukuqi qua mwo qara ntuva tova mwivau vahura. Mwitaama tiro: Mwiva uaqa hi vaitisa vatama sero varianarove, tura.]
24949	MRK 16:7	So mwaa quara vareta uro mwira nraaqiaranravuvata, Pitaaravata, tiva niate. Mwitaama tiva niate: Mwiva nraante ini vuni Karirinima viso. Nénravuvata mwini vita uro mwira taqevarave. Tauraa qaqi variqaro mwirara ini tiva nura mate mwivauma vaiso. Mwi quara tiva niate, tiro.
26136	JHN 1:23	Mwisa mwitaa tuvaro Ioniva tiva niro tiqaro, Ne qumina sata variqana aasara nteqana tiqana, Aara avuqavuqama taivaro nroravano nriarive, ti varuvama varuqo, tiro. (Ais 40:3) Haaru poropeti vaiti Asaiaava tu quara Ionivavata tura.
26181	JHN 2:17	Iesusiva mwitaa tuvaro mwo qua Kotira vukuqi qara ntuvato quava mwira nraaqiaranravu nraatoqi ntuva vuvata riora. Mwi quava mwitaama tiro: Ne i nraavuara nroraqama sena riemwaqi vuariva tia itaintema sero niqi ite variso, tura. (Sng 69:9) Mwi quara mwitaama sero qara ntuva tora.
26203	JHN 3:14	Haaru ini haivaqava Mosesiva qumina mwataqaa variqaro ori vara sero memaru utu sero mwira satariqaa rupa sero tuaahera sorave. (Nraase qoravano mwira taqeta sia qutu vuate tiro, Mosesiva mwitaa hurave. (Nam 21:6-9)) Qio ne mwatani mwatatai nraaqiarava variarita haaru Mosesiva memaru utu sero tuaahera sontema seta nivata satariqaa vateta tuaahera sevarave.
26357	JHN 6:31	E nara saiqa nrora saiqave varenarave? Tiri haivaqasa haaru qumina mwatani variqata naavuniaa sara nrorave. Mwisa manaa nrorave. Mwirara Kotira vukuqi qara ntuva tova mwitaama tiro: Mwiva naavuniaa sara nurave, turave, tita.
26371	JHN 6:45	Haaru poropeti vaiti mwovano mwitaama qara ntuva tero tiqaro, Naatiara Kotiva esaa nraase qora tiva ni varirata mwira saiqa ntapihivarave, turave. (Ais 54:13) Ni qova saiqa tiva nirata mwisa ni qora qua riesa mwisaqaima ne hunani nrivarave.
26435	JHN 7:38	Kotira vukuqi qara ntuva to quava niara mwitaama tiro: Niara quqaa mwivave tiariva variraro mwira mwutusaqitairo rumwu votima sero qaqi variqi vuani nramariva ntavaqiro vuanarove, turave, tiro. (Ais 44:3)
26439	JHN 7:42	Kotira vukuqi mesaiaa vaitiara qara ntuva tova mwitaama tiro: Mesaiaavano Devitira kuaa osarama variraro Vetarahemi Devitiva varu mwatusaraqi mwira mwata taanarove, turave, tita. (Maika 5:2)
26455	JHN 8:5	Mosesira mwaara quavano mwitaama tiro: Nraasevano mwitaa hirera, oriqotaita ntuqutu saivaro qutu vuarive, turave. So e mo? Nara quave mwirara tinarave? tita.
26467	JHN 8:17	Ini mwaara qua qara ntuva tova mwitaama tiro: Vaiti taaratanavano qua tiqatama kuaa quaqai tivera, so mwitana quavano quqaa quama vahianarove, turave.
26584	JHN 10:34	Mwisa mwitaa tuvaro Iesusiva tiqaro, Né Kotira vuku vataaraqi qua mwo qara ntuva tova vaiso. Né siave mwi quara taqaavo? Kotiva vaiti mwo usara mwitaama tiro: Né mwariqavanove, turave.
26662	JHN 12:13	Nri varuvata mwisa mwira qamwata mwatarerata qantosa mware voti hura teqa vareta Iesusira hunta sarerata viqatama mwisa aasara nteta tiqata, Sai mwira nrutu tuaaheraare. Nroravano nai nrutuqa nri vari vaitira suqema mwataiso. (Sng 118:26) Tiri Isareriqaa ntaqaihi vaitira Kotiva suqema mwataiso, tita.
26663	JHN 12:14	Mwisa mwitaa tivaqita vuvaro Iesusiva qaraaha ntonki huaama sero Kotira vukuqi tuntema sero mwira mwoqaqaa mwatasaa viro variro Ierusaremiqiara viro. Haaru Kotira vukuqi mwirara mwitaama tiro:
26664	JHN 12:15	Saioniqinaasa (Ierusaremiqinaasa) né sia aatu hiate. Taqaate, iniqaa ntaqaihiariva nriqaroma mwiva qaraaha ntonki mwoqaqaa nri variso, tura. (Sek 9:9)
26687	JHN 12:38	mwi entara Asaiaava haaru tu quava quqaa vahura. Haaru Kotiva vaiti mwo Asaiaara saahaqa huvaro Asaiaava poropeti vaitivano variqaro qumina vasa mwaa quara vutu sero tiqaro, Nrorao, tavave tiri quara quqaave tiso? Sia mwovanovata quqaave tirave. Nroravano nrora saiqa vara saisaro tavave mwira saiqa ntapihi taqaiso? Sia mwovanovata ntapihi sero taqaiso, tura. (Ais 53:1)
26689	JHN 12:40	Mwi vaitisa uaqa hi aarara qaqira seta niara tiri saahaqa hiane tivorave tiva sero, Kotiva mwisa vu nraato tita saisata mwisa sia vuqotaita so taqeta, mwisa sia nraatoqotaita so riaavo, tura. (Ais 6:10)
26717	JHN 13:18	So sia ne ini esaasara tuqo. Ne nena mwatama tau nraaqiarasa so ntapihi taqaurave. Ne mwisa osara ntapihi saurave. Haaru Kotira vukuqi qua mwo qara ntuva tova mate quqaa mwivauma vahianarove. Mwi quava mwitaama tiro: Vaiti mwovano nivatama sero variqaro ni sara nrero mwiraqaatairo tuqataa viro ni qoraqama mataanarove, turave. (Sng 41:9)
26793	JHN 15:25	Mwisa mwitaama variavaro qua mwo haaru qumina vasa qara ntuva tova mate ntapihi sero mwivauma viso. Mwi quava mwitaama tiro: Sia mwo quavata vahirata quminaqama seta mwisa ni nravutaaqa hivarave, turave. (Sng 35:19)
26803	JHN 16:8	Kotira Mwaraquravano uto variqaro mwiva mwatani variasa taaramwo inraisara tiva nianarove: (1) mwisa uaqa hi saiqarave (2) suqe saiqa osararave (3) Kotiva ko tiani osararave
26804	JHN 16:9	(1) Mwisa uaqa hi saiqara: Mwatani variasa sia niara quqaa mwivave tisara tita, mwisa uaqa hi saiqara utira mwiva tiva nianarove.
26805	JHN 16:10	(2) Suqe saiqa osara: Ne nena qova hinani vuarita né sia qaiqaa ni taqerara tiro, mwiva variqaro suqe saiqa osara ini tiva nianarove.
26806	JHN 16:11	(3) Kotiva ko tiani osarara: Mwaa mwataraqaa ntaqaihi variva Saataaniva ko sia nraatara sairara tiro, mwiva Kotiva ko tiani osarara mwatani variasa tiva nianarove. (Kotira Mwaraquravano mwitaama tiva nianarove.)
26831	JHN 17:3	Nraase qora esaa enta qaqi variqi vi osarava mwataamama vahiro: Nraase qora iara ntapihise rieta tiqata, Kotivaqaima quqaa mwariqa kuaiqavano variqaro Iesusi Karaisira titairave, tisa, mwisa mwi osarara varevara.
26863	JHN 18:9	Vuni Iesusiva nai qorara mwitaama tiro: Vaiti mwonravu ni miarasa sia ne mwoku raupirima sauqo, tura. Mwi quava quqaa mwivau vahiarive tiro, Iesusiva tiqaro, Mwi vaitinravusa qaqi saivata vuate, tiro.
26913	JHN 19:19	Iesusira satariqaa hiritovaro Pairaativa qua qara ntuva tora uro Iesusira qiatani satariqaa rutora. Mwataama sero qara ntuva tero: IESUSIVA NASARETINIAAVA IUTAA VUNYAA VAITIVE, tura.
26918	JHN 19:24	Nrivaqe mwirara kaati voti hira santu ruararo tiriqitairo mwovano mwira varaarive, tita. Mwitaa turara tiro, mwo quavano haaru qumina vasa qara ntuva tova quqaa mwivau vahura. Mwataama tiro: Ni tuavaaqa ntuaqama seta varevarave. Ni sioti mwuahaanta vararerata kaati ruantema setama varevarave, tiro. Mwitaa tura. (Sng 22:18) Ntaqu vaitinravusa mwitaama seta Iesusira tuavaaqa ntuaqama seta varora.
26930	JHN 19:36	Ntaqu vaitiva mwitaa hurara tiro, haaru qaqi vasa qara ntuva to quava quqaa mwivau vahura. Qara ntuva tova mwataama tiro: Mwisa sia mwira mwusaari mwo ntuvuraa sevarave, tura. (Sng 34:20)
26931	JHN 19:37	Qaiqaa mwo quavata haaru qara ntuva tova tiqaro: Mwisa niari vaataaraqotaita rute vaitira taqevarave, tura. (Sek 12:10)