23235	MAT 1:22	Haaru Kotiva nai poropeti vaisi nroqitairo timwa to quava qutaa vahiarive tiro, Kotiva tito vaisiva qovarama viro mwitaa tura. Haaru Kotira qua qovarama kye varuva, poropeti vaisivanto mwitaama tiro:
23236	MAT 1:23	Nraakiara hia qoraisivatama kyero nrohiari nraakyeva nraaqiara tuaqama viro nraaqiara mwataananrove. Mwihua mwianra Imaanuerivave tivarave, tura. Imaanuerira mwi nrutura okyara vahirero mwataamama vahiro: Kotiva tirivata varivave, tura.
23243	MAT 2:5	Herotiva mwitaa tuvata mwihua tiqata, Vetarahemi Iutia mwataqaave. Haaru Kotira qua qovarama kye varu vaisiva mwaa quara qara ntumwa tero tiqaro:
23253	MAT 2:15	variqiro vi varuvaro Herotiva qutu vurama. Herotiva qutu vuvaro mwiaqaatairo haaru Kotira qua qovarama kye varu vaisiva tu quava qutaa vahurama. Haaru mwiva Kotiva mwataama tiho tiro: Nte Isipisaina ntena maaqu nraanraanrinro mwiva nriananrove, tura.
23255	MAT 2:17	Mwihua ru taiqa kyaate tuvaro haaru Kotiva poropeti vaisi Ieremaiaara nroqitairo tu quava mwivauma vahiro. Mwataama tiro:
23261	MAT 2:23	Karirini uro mwatukya mpo Nasaretini nai nrahesi nraaqiaravata varura. Nasaretini uro varuvaro haaru Kotiva nai poropeti vaisinramwu nroqitairo tu quava qutaa vahiro. Mwi quava Iesusirara mwataama tiro: Nraakye qoravanto mwianra Nasaretinyaa vaisive tivarave, tura.
23264	MAT 3:3	Haaru Ioniva hia varu entara Aisaiaava poropeti vaisivanto variqaro mwi vaisiva qovarama quananrove tura. Aisaiaava Ioninranra mwataama tiro: Mwiva qumina mwatani variro aakyara ntero tiqaro, Nronravanto quani aanranra terama mwateta mwia aanra avuqavuma mwataivaro mwiva mwivauma qio quarive qiananrove, tura.
23292	MAT 4:14	Iesusiva mwini uro varuvaro haaru Aisaiaava Kotira qua qovarama kyo quava qutaa mwivau vahura. Aisaiaava haaru mwataama tiro:
23324	MAT 5:21	Haaru Mosesiva nkyi haivaqahuara timwato quara nkye mwi quara riaarave. Mwataama tiro: Hia mpora ru kyaante. Mpora ru kyaari vaisiva, mwiva quaqaa variananrove, turave.
23330	MAT 5:27	Iesusiva mwitaa timwa kyero mwiva mwihua timwa nyinro tiqaro, Haaru Mosesiva timwato quara mpo qua nkye riaarave. Mwi quava mwataama tiro: Hia mpora nraatavata mpora vaativata api nrohiante, turave.
23334	MAT 5:31	Haaru Mosesiva timwato quava mwataama tiro: Vaisivanto nai nraata qaqira kyarero hiqaro nai nraata qara mpo mwinro, Nte mwia qaqirama kyauqo, timwa kyero qara mwiananrove, turave.
23335	MAT 5:32	Kyai nte qaiqaa nkyi timwa nyiankye. Mwia nraatavanto hia mpo vaisintiri api nrohiraitiro variraro mwia vaativanto mwia qaqira kyairaro mwia nraatavanto vaisi kyaata varairera, Kotiva mwitaama qiananro: Mwi nraakyeva qaraakya vaisintiri nrohiqaro nraata vaati ntuqema kyaihoma qiananrove. Mwia vaati hoqarenaava mwia qaqira kyaiharo mwia kyaara mwitaa iho. Mwitaa ihana nte mwia vaati i tauraanaanraqa qua vatena qaraakya vaati mwiaqaavata qua vataaninrave, qiananrove, tiro. Iesusiva mwi quara turama.
23336	MAT 5:33	Iesusiva mwitaa timwa kyero mwiva qua timwa nyiqiro viro tiqaro, Haaru Mosesiva qua mpo nkyi haivaqahuara timwato quara nkye mwi quaravata ntapihi kyaarave. Mwataama tiro: E kyauqu nriqiqaa vatera tiqara, Kotira vuqaa variqanama nte qutaama mwitaa hirerave, tina quara nteqa kyerorave. Kotira nrutu nteqara timwa tena quarara rieqara varaante, turave.
23341	MAT 5:38	Iesusiva mwitaa timwa kyero timwa nyiqiro viro tiqaro: Mosesiva qua mpo timwatora nkyevata riaarave. Mwataama tiro: Mpovanto i vu vauru kyairara, e nai vuvata qioma vauru kyenanrave. Mpovanto i vai ntuvihau kyairera, e nai vaivata qioma ntuvihau kyenanrave, turave.
23346	MAT 5:43	Iesusiva mwitaa timwa kyero timwa nyiqiro viro tiqaro: Haaru nkyi haivaqahua tu quara nkye riaarave. Mwihua mwataa turave: Ina nramwunaanranra nraahu i mwutukyavanto vahiarive. Nramwutaara uaqiama mwatena vu nraatova vahiarive, turave.
23360	MAT 6:9	Nkye qio mwataama kyeqata Kotiravata qua qiate: Tiri tiqova, e nyaamwuni variaravave. Tire kyuqema kyeta i nrutu kyuqera tuaaherauro.
23431	MAT 8:17	Iesusiva mwitaamaqiro vuvaro Aisaiaava poropeti vaisivanto haaru timwato quava qutaa mwivau vahura. Aisaiaava Iesusira okyarara mwitaama tiro: Mwi vaisiva tiri nriqa quaninra taiqa kyaananrove. Mwiva tiri nriqa quaninra kyuqema kyaananrove, tura.
23461	MAT 9:13	Tire ntapihi kyeta nrohi varurahuave qiahua hia nte mwihua nyaanranrenra tumuvave. Nte uaqia hi kyaiqara uti varia nraakye qorahua nyaanranrenrana tumuvave. Kotira mpukuqi qara ntumwato quava Kotirara mwitaama tiho: Vaisivanto quara rukyero mpianinranra hia nte mwianra qamwataaninrave. Vaisivanto mporara po kye timwa mwateqaro kyaahaqama mwataaninra nte mwianrama qamwataaninrave, turave. Nkye mwi quara okyarara nraato tita uro puaama kyeta taqeta riemwaqita quate, tiro.
23488	MAT 10:2	Mwiva nronraqama kyo vaisihua nyutu vahirero: Vuni Saimoninra. mwia nrutu mpo Pitaara, mwia qata Enturura, Sepetira mwaaqu Iemisira, Iemisira qata Ioninra,
23538	MAT 11:10	Kotira mpukuqi Kotiva Ioninranra mwataama tiro: Taqaante, ni qua timwa nyiani vaisira nte titaariro mwiva nraante i vuni viqaro i aanra terama mwataananrove turave, tiro.
23565	MAT 12:7	Kotira mpukuqi mwitaama tiro: Vaisivanto quara rukyeqaro mpi kyaiqara hia mwi kyaiqarara ni mutukya ntihana varuqo. Vaisivanto mporara po kye timwa mwateqaro kyaahaqama mwataira, nte mwi kyaiqararama ni mutukya ntihana varuqo, turave. Nkye mwi quara okyara ntapihi kyeta rieqata nrohiatirio, nkye hiama qati varia vaisihuaqaa qua vate variatirio.
23575	MAT 12:17	Iesusiva mwitaa timwa kyero mwitaamaqiro vuvaro haaru Aisaiaava vetato entaqaa tu quava mwivau vahura. Aisaiaava Kotiva mwitaama tiho, tiro:
23611	MAT 13:3	Iesusiva mpo qua mpo quaqaa ntumwa kyeqaro timwa nyunra. Mwiva mwitaama tiro: Vaisi mpovanto kyara humwu isarero vurave.
23622	MAT 13:14	Nraakye qoravanto mwitaa hi variarara tiro, haaru vetato entaqaa Aisaiaava Kotira qua qovarama kyo quava mwaa entara mwivauma vahiro. Mwiva mwataama tiro: Mwaa mwatanaahua su nyaatovanto qumimaqama vihatara tita, mwihua qua riemwaqita viqatavata hia qua ntapihi riaarave. Mwihua taqamwaqita viqatavata hia ntapihi kyeta taqaarave.
23630	MAT 13:22	Kyara humwu mponramwuvanto uakukya uvi auqu vahuraqi tumu ntuva mwia okyaravanto vahirero mwataamama vahiro: Mpo hiahua Kotira qua rieta mwiaqaataita mwihua mwatanyaa inraikyara nronraqama kyeta rieqata munimanrave mpo inraikya mpo inraikyara qamwateqata mwia varerara nraahu nronraqama kyeta riemwaqita viqata Kotira qua qaqira kyaavaro Kotira quavanto hia mwihuaqi vahiqiro virave.
23631	MAT 13:23	Kyara humwu mponramwuvanto kyuqe hu mwataraqaa tumu ntura okyaravanto vahirero mwataamama vahiro: Mpo hiahua Kotira qua ntapihi kyeta rieta mwiaqaataita mwihua Kotira qua riemwaqita viqata kyuqe kyaiqa Kotirani varaqita vi variavata mpohua Kotira qua riemwaqita viqata mwihuavata nraatara kyeta mpoqiavata kyuqe kyaiqa varaqita vi variavata qaiqaa mpohua Kotira qua riemwaqita viqata mwihuavata nraatara kyeta Kotira kyaiqa varaarave, tiro. Iesusiva mwitaa turama.
23643	MAT 13:35	Mwiva mwitaa timwaqiro vuvaro haaru vetato entaqaa poropetivanto tu quava qutaa mwivau vahura. Mwi quava mwataama tiro: Nte nraakye qora qua timwa nyinrenra hina hia vutu kyena timwa nyinraitina, mpo quaqaa ntumwa kyeqana timwa nyinrenrave. Mwaa mwatara ututo entaraqaatairo qua uqeta kyero vataqiro vi quara hia riaara nte mwi quara okyara nkyi timwa nyinrenrave, tura.
23706	MAT 15:4	Kotiva mwitaama tiro: Ena nrohua qohua nrutu tuaahera nyataante, timwa kyero Kotiva qaiqaa tiqaro, Nai nronra qorara uaqia hi quara ti variani vaisira ru kyaate, turave.
23709	MAT 15:7	Nkye unraqama kyeqata kyuqe kyaiqa vare variahuave. Aisaiaava haaru variqaro nkyiara ntapihi kyero qua qara ntumwa torave. Aisaiaava Kotira qua qovarama kyeqaro Kotiva mwitaama tiho, tiro:
23849	MAT 19:18	Iesusiva mwitaa tuvaro mwi vaisiva kyapara hiro tiqaro, Qio nte nanra quave Kotiva timwa toraqitaina riemwaqina quaninrave? tuvaro Iesusiva timwa mwinro tiqaro, Mwaa quara timwa torave: Hia vaisi ru kyaante. Hia mpora nraatavata nrohiante. Hia mpuara varaante. Hia mpora unra qiante.
23899	MAT 21:4	Haaru vetato entaqaa poropeti vaisivanto tu quava mwivauma vahiarive tiro, Iesusiva mwitaa tura. Haaru poropeti vaisivanto Kotira qua qovarama kyero mwataama tiro:
23911	MAT 21:16	E hiave nraaqiaravanto qua ti variara riaaro? tita. Mwitaa tuvaro Iesusiva tiqaro, Eo, nte nraaqiara qua riauqo. Nkyevata mpo, nkye hia Kotira mpukuqi mwaa quara kyaara ntiqata taqaarave? Mwitaama tiro: E nraaqiara nraamwa nraahuavata kyaahaqa hiarata mwihua i nrutu kyuqema kyeta tuaahere variavo, turave, tiro.
23937	MAT 21:42	Mwihua mwitaa tuvaro Iesusiva tiqaro, Nkye hia Kotira mpukuqi mwaa quara kyaara ntumwa kyeta riaarave? Mwataama tiro: Ori nraamwu hoqeqata ori mpora hia kyuqe orive timwa kyeta qaqira kyaa oriva puhaqama viho. Kotiva mwi orira nronraqama kyairara tita, tire mwia taqeta kyuqe kyaiqave turo, turave.
23972	MAT 22:31	Iesusiva mwitaa timwa kyero mwiva tiqaro, Nraakye qora qaiqaa qati sivi vari okyarara nte nkyi kyapara hirerave. Nkye hia Kotira mpukuqi mwaa quara qara ntumwa tora kyaara ntumwa kyeta riaarave? Kotiva mwitaa turave:
23980	MAT 22:39	Mwi quara nraakiara okyara qua mpo vaiho. Mwi quava vuni vahi quara votima kyeroma vaiho. Mwitaama tiro: Inanra mwutukya vahintema kyero ina nramwunaanranravata i mwutukya vahiarive, turave.
23984	MAT 22:43	Mwihua mwitaa tuvaro Iesusiva tiqaro, Nataama kyerove Mesaiavanto Ntevitira nraisi variananrove? Haaru vetato entaqaa Ntevitiva varuvaro Kotira mwanraquravanto mwia kyaahaqa huvaro Ntevitiva Mesaiaara tiqaro, Mwiva ni nronravantove turave. Ntevitiva mwataa turave:
24154	MAT 26:31	Mwihua mwini vuvaro Iesusiva mwihua timwa nyinro tiqaro, Nkye mate entaqi ni kyetama aatu ntuqeqaa hita vivarave. Kotira mpukuqi qara ntumwa to quava mate mwivauma vahiananrove. Mwataama tiro: Sipisipiqaa ntaqikyiani vaisira Kotiva rukyairata sipisipi mwihua aatu ntuqeqaa hita nkyiariara nkyiariara api mpona mpona vivarave, turave.
24207	MAT 27:9	Kotira nraamwuqaa ntaqikyi varuhua mwitaama kyeta mwi mwatara kyoqaa hurara tiro, haaru vetato entaqaa Ieremaiaava poropeti vaisivanto qara ntumwa to quava qutaa mwivau vahura. Ieremaiaava mwitaama tiro: Isareri vaisi mponramwuvanto qua timwa kyeta vateta 30 munima, mwianra qutaru munima vahiananrove ti vari munimanra,
24235	MAT 27:37	Mwia qiatani qua mpo ko timwa mwato quara qara ntumwa kyeta kyatariqaa rutovaro mwi quava mwitaama tiro: MWAA IESUSIVA IUTAA VUNYAA VAISIVE, tiro. Mwi qarava mwitaama kyero vahura.
24295	MRK 1:11	Tumu Iesusiraqaa varuvaro quavanto nyaamwusairo mwitaama tiro: E ni maaquvanto variararo ni mutukyavanto iara mpoqiavata vaiho. Nte iara qamwateqanama varuqo, tiro.
24373	MRK 3:16	Iesusiva mwaa vaisinramwuhua sitora: Saimoninra. Iesusiva mwia mpo nrutu ntamwatero Pitaavave tiro.
24422	MRK 4:30	Iesusiva mwitaa timwa kyero qua timwa nyiqiro viro mwitaama tiro: Kotiva ntaqikyiva nanra inraikya votima kyerove vaiho? Mwianra rieqana nanra quaqaave ntumwa kyena qianinrave?
24483	MRK 6:7	Iesusiva nai nraaqiara nyaanrama kyero taaratana taaratana sitovata 12 mwinramwuhua mpona mpona vura. Mwiva mwihua siteqaro vaisiqitaita vaana sitaivata qatinani nritareta quate tiro, mwiva mwihua kepukya nyiqanro qua mwitaama tiro:
24538	MRK 7:6	Mwitaa tuvaro Iesusiva mwihua nkyiari timwa nyinro tiqaro, Nkye unraqama kyeqata kyuqe kyaiqa vare variahuave. Aisaiaava haaru variqaro nkyiara avuqavuma kyero qara ntumwa torave. Kotiva mwia kyaahaqa huvaro Aisaiaava Kotiva mwitaama tiho tiro: Mwaa mwatanaahua nroqitai nraahu ni nutu tuaahere variavaro mwihua mwutukyavanto hia nianra vaiho.
24559	MRK 7:27	Nraakye mwiva mwitaa tuvaro Iesusiva nai timwa mwinro mpo quaqaa ntumwa kyero tiqaro, Qaqao, nte nraaqiara nraante kyara mwinrenrave. Nte nraaqiara kyara vara kyena vairi nyiankyorave, tiro. (Mwi quara okyara mwataamama vahiro: Iesusiva tiqaro, Kyai nte Iutaa mwatanaahua nraante kyaahaqa hiankye. Nte mpo mwatanaahua nraante kyaahaqa hiankyorave, tiro.)
24661	MRK 10:4	Iesusiva mwitaa tuvata mwinramwuhua tiqata, Mosesiva mwataa timwa torave: Vaisi mpovanto nai nraata qaqira kyarero hiqaro qara mpo ntumwa kyero nai nraata mwinro tiqaro, Qio i qaqira kyauqo, timwa kyeroma titaananrove, turave. Mosesiva qua mwitaama kyero timwa torave, tita.
24676	MRK 10:19	E Kotiva timwa to quarara riaante. Mwia quavanto mwataama kyero vahirave: Hia mpora rukyaante. Hia mpora nraakyera nrohiante. Hia mpuara varaante. Hia unra qua qiante. Hia unra utu kyeqara mpova hiani inraikyara varaante. Ena nrohua qohua nyutu tuaahera nyataante, turave. Kotira quavanto mwitaama kyero vahirave, tiro.
24752	MRK 12:10	Iesusiva mwitaa timwa kyero mwiva mwihuara tiqaro, Nkye hiave Kotira mpukuqi mwaa quara kyaara ntumwa kyeta riaavo? Mwi quava mwataama tiro: Ori nraamwu hoqeqata ori mpo hia kyuqerave timwa kye qaqira kyaava, mwi oriva puhaqama viho.
24771	MRK 12:29	Tuvaro Iesusiva mwia timwa mwinro tiqaro, Mwaa quava vuni vahi quavama vaiho. Mwataama qara ntumwa torave: Nkye Isareri mwatanaahua riaate. Tiriqaa ntaqikyi variva Kotiva mwanriqa kuaiqiavanto variho.
24773	MRK 12:31	Mwi quava vaiharo mwia nraakiara okyara qua mpo vaiho. Mwitaama tiro: Enanra mwutukya vataarantema kyera ena henanranravata mwutukya vahirara variante. Qio mwi quatanava vuni vahi quatanavama vaiho. Hia mpo quavanto mwi quatana nraatara kyairave, tiro.
24778	MRK 12:36	Haaru Kotira mwanraquravanto kyaahaqa huvaro Ntevitiva nai mwitaa turave: Kotiva ni nronra vaisiara tiqaro, E nritarera ni kyauqu kyaatutani mwatakyaa vira variraqena nte i nramwutaahua ru taiqa mwataarira mwihuaqaa kyuqu ntamwa tera variante, turave. (Sng 110:1) Ntevitiva mwitaa turave.
24850	MRK 14:27	Mwinramwuhua mwini varuvaro Iesusiva timwa nyinro tiqaro, Nkyenramwu ni kyeta ntuqeqaa hita vivarave. Kotira mpukuqi qara ntumwa to quava qutaa mwivauma vahiananrove. Mwitaama tiro: Sipisipiqaa ntaqikyi vaisira Kotiva rukyairata sipisipi mwihua nkyiariara nkyiariara mpona mpona vivarave, turave.
24867	MRK 14:44	Nruvaro Iutaasiva Iesusira qovarama kyaaninranra mwihua timwa nyinro mwitaama tiro: Nte mwia qua mwanteqana mota kyaani vaisira mwia mwivave. Nkye mwia ntavaaqavu kyeta mwiaqaa kyuqema kye ntaqikyiqi vita uro kyaate, tiro.
24895	MRK 14:72	Mwitaa tuvaro qamwanrama kyero kokoraaravanto qaiqaa nruqua tuvaro Pitaava mwiaqaatairo Iesusiva timwa mwu quara mwianra riero. Iesusiva Pitaara timwa mwiqanro mwitaama tiro: Mate entaqi kokoraaravanto hia taara nani nruqua tirara e taarampo nanima nianra tiqara, Nte hia mwia taqaurave tinanrave, tu quara mwianra riovaro mwia mwutukyavanto uaqia huvaro Pitaava ntatora.
24921	MRK 15:26	Mwia kyatariqaa ruteta Iesusira qiatani qua mpo, mwia ko timwa mwato quara qara ntumwa teta kyatariqaa rutora. Mwi quava mwitaama tiro: IUTAA VUNYAA VAISIVE, tiro. Mwi qarava mwitaama kyero vahura.
24923	MRK 15:28	[Iesusira vatama kyeta mwitaama rutorara tiro, Kotira mpukuqi qua mpo qara ntumwa tova mwivau vahura. Mwitaama tiro: Mwiva uaqia hi vaisihua vatama kyero variananrove, tura.]
25029	LUK 1:67	Kotira mwanraquravanto mwia qora Sekaraiaara kepukyaqama kyero kyaahaqa huvaro mwiva Kotira qua mwataama tiro:
25065	LUK 2:23	Nronravanto mwaanra tu quara qara ntumwa tova mwitaama tiro: Ekyaa qoraisi nraaqiara nraamwuqama kyera mwata tenanra Kotira mwinranro mwiani variarive.
25098	LUK 3:4	Haaru qumina vakya Kotiva kyaahaqa huvaro poropeti vaisi Aisaiaava mwitaama tiro: Mpovanto qumina mwatani variqaro aakyara ntero tiqaro, Nronravanto quaninra aanra terama mwateta mwia aanra ntapihi mwataivaro mwiva mwivauma qio quarive.
25116	LUK 3:22	Kotira mwanraquravanto nyaamwusairo nyaamwa minrunra votihuva tuminro Iesusiraqaa tumu vahuvaro quavanto nyaamwusairo mwitaama tiro: E ni maaquvanto variaro. Ni mutukyavanto iara vaiho. Nte iara qamwateqana varuqo, tiro. Tura.
25136	LUK 4:4	Tuvaro Iesusiva nai timwa mwinro tiqaro, Qaqao, Kotira mpukuqi qara ntumwa tova mwitaama tiho: Vaisivanto hiama kyara nraahu nramwaqiro viqaro qati variqiro quananrove, turave, tiro.
25140	LUK 4:8	Mwitaa tuvaro Iesusiva nai timwa mwinro tiqaro, Qaqao, Kotira mpukuqi qara ntumwa tova mwitaama tiho: Kotiva nronravanto varirara tira, e mwia kyaiqa nraahu vara mwatera mwia nrutu nraahu tuaaheraante, turave, tiro.
25142	LUK 4:10	Kotira mpukuqi qara ntumwa tova mwitaama tiho: Kotiva tirata nyaamwunyaahua iqaa kyuqema ntaqikyivarave, turave.
25229	LUK 6:14	Iesusiva mwaa vaisinramwuhua sitero: Saimoninra. Iesusiva mwia mpo nrutu nteqaro Pitaavave tura, Enturura. mwiva Saimoninra qata, Iemisikya Ionikya, Piripira, Patoromiunra,
25291	LUK 7:27	Kotira mpukuqi Kotiva Ioninranra mwitaama tiro: Taqaante, ni qua timwa nyiani vaisira nte titaariro mwiva nraante i vuni viqaro i aanra terama mwataananrove, turave, tiro.
25459	LUK 10:27	Tuvaro vaisi mwiva tiqaro, Mwia qara ntumwa tova mwataama tiho: Iqaa ntaqikyira Kotirara ekyaa mwutukyaqitairave, vu nraatoqitairave, mwanraquraqotairave, ena kepukyaqotairave, Kotirara nraahu i mwutukya vahiarive. Inanra mwutukya vahintema kyero ina nramwunaanranravata i mwutukya vahiarive, turave, tiro.
25476	LUK 11:2	Mwitaa tuvaro Iesusiva mwihua timwa nyinro tiqaro, Mwataama kyeta Kotiravata qua qiate: Ko, I nrutu kyotata nrutu kyuqera tire tuaaherauro. E tiriqaa ntaqikyiqira vina entava qamwanrama nrianrive.
25685	LUK 15:28	Mwitaa tuvaro mwia vakyaara raraqa tovaro kyaru ntumwa kyero tiqaro, Hia nte nraamwuqi virerave, timwa kyero mwaatani varuvaro mwia qova veva ntero mwianra po qati nraamwuqi nriante tuvaro mwiva mwitaama tiro:
25768	LUK 18:11	Mwitanahua Kotira nraamwuqi vera ntovaro Parisi vaisi mwiva uro nanrianra mposata variqaro Kotirara aakyara nteqaro mwitaama tiro: Kotio, Hia nte mpohua votima kyena varuvara tina, nte iara kyuqema tuqo. Hia nte mpohua nraantantena munima mpuara vare varuvave. Hia nte api qora kyaiqa utuqina nrohi varuvave, Hia nte mpora nraatavata mpuaraqama kyena nrohuvave. Hia nte viti vaisiva taakisi vare vari vaisira votima kyena varuvave.
25777	LUK 18:20	E Kotiva timwa to quara riaananrave. Mwia quavanto mwataa tirave: E hia mpora nraatantiri api nrohiante. E hia mpora ru kyaante. E hia mpuara varaante. E hia unra qua mporaqaa vataante. E ena nrohua qohua nyutu tuaahera nyataante, turave. E mwi quara timwa tova vahira riemwaqira quante, tiro.
25846	LUK 19:46	Kotira mpukuqi Kotiva mwitaama turave: Nraakye qoravanto ni nraamwuanra Kotirara aakyara nte nraamwunrave tivarave, turave. Nkye variavaro mwaa nraamwuva mpuara vaisivanto uqeta vita variqata mpuara vare varia nraamwunra votima kyero vaiho, tiro.
25865	LUK 20:17	Iesusiva mwihua taqero mwihua kyapara hiro tiqaro, Mwaa quava Kotira mpukuqi qara ntumwa tova nanreve tiho? Mwi quara okyara ni timwa mpivaqe riaankye. Mwitaama tiho: Ori nraamwu hoqeqaro ori mpo, hia kyuqe hirave timwa kyero qaqira kyaiva, mwi oriva puhaqama viho, turave.
25889	LUK 20:41	Iesusiva mwihua kyaparama nyateqaro mwitaama tiro: Mpo hia vaisihua tiqata, Kotiva titaariva Mesaiaavanto Ntevitiva mwatataaninra mwi naaquntaraqaanaavama variananrove, ti variarave. Nanraqamave mwihua mwitaa ti variavo?
25970	LUK 22:37	Nte timwa nyianinra riaate. Haaru nianra qara ntumwa to quava mwivauma vahiananrove. Nianra mwitaama tiro: Nraakye qoravanto mwianra uaqia hi kyaiqara uti varivave turave. Mwi quara haaru qara ntumwa tova mwivauma vahiananrove, tiro.
26042	LUK 23:38	Mwihua qua mpo Iesusira qiatani kyatariqaa qara ntumwa kyeta vatova mwitaama tiro: MWAA VAISIVA IUTAA VUNYAA VAISIVE, tura.
26181	JHN 2:17	Iesusiva mwitaa tuvaro mpo qua Kotira mpukuqi qara ntumwato quava mwia nraaqiaranramwu nyaatoqi ntumwa vuvata riora. Mwi quava mwitaama tiro: Nte i nraamwuanra nronraqama kyena riemwaqi quariva qia itaintema kyero niqi ite vaiho, tura. Mwi quara mwitaama kyero qara ntumwa tora.
26357	JHN 6:31	E nanra kyaiqa nronra kyaiqave varenanrave? Tiri haivaqahua haaru qumina mwatani variqata nyaamwunyaa kyara nronrave. Mwihua manaa nronrave. Mwianra Kotira mpukuqi qara ntumwa tova mwitaama tiro: Mwiva nyaamwunyaa kyara nyunrave, turave, tita.
26435	JHN 7:38	Kotira mpukuqi qara ntumwa to quava nianra mwitaama tiro: Nianra qutaa mwivave qiariva variraro mwia mwutukyaqitairo rumwu votima kyero qati variqi quani nramanriva ntamwaqiro quananrove, turave, tiro.
26439	JHN 7:42	Kotira mpukuqi mesaiaara qara ntumwa tova mwitaama tiro: Mesaiaavanto Ntevitira kuaa okyarama variraro Vetarahemi Ntevitiva varu mwatukyaraqi mwia mwata taananrove, turave, tita.
26455	JHN 8:5	Mosesira mwaanra quavanto mwitaama tiro: Nrahesivanto mwitaa hirera, oriqotaita ntuqutu kyaivaro qutu quarive, turave. Qio e mpo? Nanra quave mwianra tinanrave? tita.
26467	JHN 8:17	Nkyi mwaanra qua qara ntumwa tova mwitaama tiro: Vaisi taaratanavanto qua tiqatama kuaa qua nraahu tivera, qio mwitana quavanto qutaa quama vahiananrove, turave.
26584	JHN 10:34	Mwihua mwitaa tuvaro Iesusiva tiqaro, Nkye Kotira mpuku vataaraqi qua mpo qara ntumwa tova vaiho. Nkye hiave mwi quara taqaavo? Kotiva vaisi mpo uhuara mwitaama tiro: Nkye mwanriqavantove, turave.
26663	JHN 12:14	Mwihua mwitaa timwaqita vuvaro Iesusiva qaraakya ntonki puaama kyero Kotira mpukuqi tuntema kyero mwia mwoqaqa mwatakyaa viro variro Ierusaremiqiara viro. Haaru Kotira mpukuqi mwianra mwitaama tiro:
26717	JHN 13:18	Qio hia nte nkyi ekyaahuara tuqo. Nte ntena mwatama tau nraaqiarahua qio ntapihi taqaurave. Nte mwihua okyara ntapihi kyaurave. Haaru Kotira mpukuqi qua mpo qara ntumwa tova mate qutaa mwivauma vahiananrove. Mwi quava mwitaama tiro: Vaisi mpovanto nivatama kyero variqaro ni kyara nrenro mwiaqaatairo tuqasaa viro ni qoraqama mataananrove, turave.
26793	JHN 15:25	Mwihua mwitaama variavaro qua mpo haaru qumina vakya qara ntumwa tova mate ntapihi kyero mwivauma viho. Mwi quava mwitaama tiro: Hia mpo quavata vahirata quminaqama kyeta mwihua ni nramwutaaqa hivarave, turave.
26803	JHN 16:8	Kotira mwanraquravanto tumu variqaro mwiva mwatani varihua taarampo inraikyara nyaamwutaananrove: (1) mwihua uaqia hi kyaiqarave (2) kyuqe kyaiqa okyararave (3) Kotiva ko qiani okyararave
26804	JHN 16:9	(1) Mwihua uaqia hi kyaiqara: Mwatani varihua hia nianra qutaa mwivave tihuara tita, mwihua uaqia hi kyaiqara utira mwiva nyaamwu taananrove.
26805	JHN 16:10	(2) Kyuqe kyaiqa okyara: Nte ntena kova hinani quarita nkye hia qaiqaa ni taqerara tiro, mwiva variqaro kyuqe kyaiqa okyara nkyi nyaamwu taananrove.
26806	JHN 16:11	(3) Kotiva ko qiani okyarara: Mwaa mwataraqaa ntaqikyi variva Saataaniva ko hia nraatara kyairara tiro, mwiva Kotiva ko qiani okyarara mwatani varihua nyaamwu taananrove. (Kotira mwanraquravanto mwitaama timwa nyiananrove.)
26831	JHN 17:3	Nraakye qora ekyaa enta qati variqi vi okyarava mwataamama vahiro: Nraakye qora iara ntapihi kye rieta tiqata, Kotiva nraahuma qutaa mwanriqa kuaiqiavanto variqaro Iesusi Karaisira titairave, tihua, mwihua mwi okyarara varevara.
26863	JHN 18:9	Vuni Iesusiva nai qorara mwitaama tiro: Vaisi mponramwu ni mpiarahua hia nte mpoku raupirima kyauqo, tura. Mwi quava qutaa mwivau vahiarive tiro, Iesusiva tiqaro, Mwi vaisinramwuhua qati kyaivata quate, tiro.
26913	JHN 19:19	Iesusira kyatariqaa hiritovaro Pairaativa qua qara ntumwa tora uro Iesusira qiatani kyatariqaa rutora. Mwataama kyero qara ntumwa tero: IESUSIVA NASARETINYAAVA IUTAA VUNYAA VAISIVE, tura.
26918	JHN 19:24	Nrivaqe mwianra kaati voti hira santu ruararo tiriqitairo mpovanto mwia varaarive, tita. Mwitaa turara tiro, mpo quavanto haaru qumina vakya qara ntumwa tova qutaa mwivau vahura. Mwataama tiro: Ni tuavaaqa ntainra kyeta varevarave. Ni sioti mpuahaanta vararerata kaati ruantema kyetama varevarave, tiro. Mwitaa tura. Ntaqu vaisinramwuhua mwitaama kyeta Iesusira tuavaaqa ntainra kyeta varora.
26930	JHN 19:36	Ntaqu vaisiva mwitaa hurara tiro, haaru qati vakya qara ntumwa to quava qutaa mwivau vahura. Qara ntumwa tova mwataama tiro: Mwihua hia mwia mwukyaari mpo ntuvuraa kyevarave, tura.
26931	JHN 19:37	Qaiqaa mpo quavata haaru qara ntumwa tova tiqaro: Mwihua nkyiari vaataaraqotaita rute vaisira taqevarave, tura.
27012	ACT 1:20	Saami mpukuqi Iutaasirara haaru poropetivanto tiri haivaqava qara ntumwatova mwataama tiro: Mwia nraamwu qumina nraamwu vahiraro hia mpovanto mwiqi variananrove, turave. Mpo quavata qara ntumwatova mwataama tiro: Mpovanto mwiva ntaqikyiani kyaiqara varaananrove, turave.
27043	ACT 2:25	Haaru Ntevitiva tiri haivaqava mwianra mwataa turave: Nte taqauqaro nronravanto nivatama kyero variqaro mwiva ni kyauqu kyaatutani variqaro mwiva ni kyaahaqa hi variho.
27049	ACT 2:31	Mwi quara riemwa teroma Ntevitiva mesaiaavanto qati siquani okyarara tiqaro: Kotiva hiama mwia qutu vihua vi mwataraqi kyaananrove. Mwia mwamwanta hiama ntenraananrove, turave.
27052	ACT 2:34	Ntevitiva hia nai nyaamwuni vurave. Ntevitiva tiqaro: Nronravanto Kotiva ni nronra vaisiara tiqaro, Mwaini ni kyauqu kyaatutani mwatakyaa vira variraqena
27087	ACT 3:22	Mosesiva nkyi haivaqava mwitaa turave: Ni titaintema kyero nkyi nronravanto Kotiva poropeti vaisi mpo titaananrove. Mwi vaisiva nkyi okyara kuaa okyara variananrove. Mwiva nri ntairata nkye mwiva qiani quara ekyaa quama riaate.