23230	MAT 1:17	Pegih, nt gamai giꞌik an oꞌoha g ha‑chechgig hegam mo d e‑oꞌogbad am i amjed mash eda am oimmed g Abrahambad ch am hugkam mash eda am oimmed g Davidbad. Kunt hab waꞌap gamai giꞌik an oꞌoha g ha‑chechgig hegam mo d e‑oꞌogbad heg i amjed ch gam hu hugkam matsh eda gam hu hab i e juh g t‑shohshon Babylon wui. Kunt gamai giꞌik an oꞌoha g ha‑chechgig hegam mo d e‑oꞌogbad heg i amjed ch gam hu hugkam matsh ab mahsi hegai mo hab e aꞌaga Jiosh si Kehsha (Christ).
23398	MAT 7:13	“Am g wo i e dagitok Jiosh wui k ab wo s‑wohog elidad. Id at heg wo wa wepok mamt am i wahp al aj kihjeg t amjed k am aj wohg oidch hihim. Pi o muꞌijj hab masma hab e wua. Kumt hab waꞌi masma am wo bei g pi ha huhugedam doakag. (13) Pi o hasig mamt hab wabsh wo junihid g hejel e‑tatchui. Id at heg wo wa wepok mamt ab s‑tadani kihjeg t amjed i wahp k am s‑tadani wohg oidch hihim. Muꞌijj o hab masma hab e wua ch hab ab aihim g Jiawul kih.
23759	MAT 16:18	Kupt ab i s‑wohoch g Jiosh k ab si ni‑hiwig. Nt heg hekaj hab wo m‑chehch Peter (Hodai). Neh, id ab waw ant am wo i kei g ni‑cheopiga. Bani ahgch hab kaij mat wehsijj hegam mat hab waꞌap ab wo si ni‑hiwgad at d wo ni‑hemajkamgak. Kut pi hedai wo shaꞌi e nako mas wo ha keshwua, chum hems g jijawul.
24343	MRK 2:14	Kush am hu hebai ep hihimad ch am bihbij amai mam am ha kowlant g lial kownal wehhejed. Sh am hema chikpan ch hab chehgig Levi (Matthew). Tsh g Jesus am jiwia wui k hab ahg, “Ab g i hihm k ab si ni‑wecho e mashcham.” Kutsh am ha hekaj wabsh i oi.
24538	MRK 7:6	(8) Kush hab kaij g Jesus, “Kum ahpim haschu ahgch im hu hab wabsh wua g Jiosh chehanig ch im hu haꞌab ab s‑wohochud g ha‑chehanig hegam mo d kekelibad ch d wabsh oꞌodham? (6) Isaiabad oki si s‑ap hab em‑ahg ahpim mam hab wabsh s‑e junimk mat eda an oꞌoha mash hab kaij g Jiosh: Haꞌi idam mo d chum ni‑hemajkamga o hab kaij mo ab si has ni‑elid ch ab ni‑ihm. K wabshaba g ha‑iꞌibdag si s‑kawpk ch si mehk ab ni‑amjed. (7) Pi o shaꞌi wohom ab has ni‑elid no pi wabsh g hemajkam ha‑chehanig ha mashcham hab chum masma mo d ni‑chehanig. Neh, bo kaij g Jiosh. Kum ahpim s‑wohom hab masma mo wa an oꞌohanas.”
24546	MRK 7:14	Kutsh am hahawa ep ha wai g hemajkam k hab kaij am ha wui, “Ab g wo i ni‑kaiham wehsijj ahpim k wo s‑amich ihda. (15) Pi at im hu hab wo shaꞌi em‑juh g Jiosh heg hekaj mamt haschu wo huh k wabshaba im hu hab wo i em‑juh heg hekaj pi kehg em‑chegitoidag.”
24962	MRK 16:20	T idam gam hu aꞌai ha ahgidahi g hemajkam g s‑kehg haꞌichu ahgaj g Jiosh. Kut g Jiosh si s‑hasig haꞌichu hab ha juni mat hekaj wo s‑mahchk g hemajkam mo d wohokam g haꞌichu ha‑ahga. [ (9) Kutsh am hihi g uꞌuwi k am ha ahgi idam Peter mat haschu kah. (10) Tsh heg i dahm g Jesus am hahawa ha cheha g e‑chuhchai mat gam hu wehsko wo i ahgahi g s‑kehg haꞌichu ahgaj mat g hemajkam ab wo s‑wohochud k wo e doꞌibia.]
25079	LUK 2:37	Sh am haha d hejel wiꞌikam gigiꞌikko gamai giꞌik (84) aꞌahid ab. Tash oidam ch chuhug oidam ash am haꞌichug geꞌe cheopi t am ch ab si has elid g Jiosh ab wui e hoꞌigeꞌidahunch ch hab al heꞌes haꞌichu koꞌa.
25505	LUK 11:31	“Hegam Ninevah t am hemajkam atsh gam hu s‑ohhod g pi ap e‑chegitoi am i kahk g Jonabad k hab pi ab hu wo e chuꞌijigch geꞌe lodaita tash ch ed. Ni ahni baꞌich d i si haꞌichu mo g Jonabad. Kum eda pi ab hu ni‑kaiham ch heg hekaj ab wo motoig g chuꞌijig lodaita tash ch ed. (31) Mehkjed atsh ab i hih g uwi kownal ab wakolim tahgio amjed mat ab wo kaiha g Solomonbad haꞌichu mahchig. Ni ahni baꞌich d i si haꞌichu mo g Solomonbad. Kum eda pi ab hu ni‑kaiham ch heg hekaj ab wo motoig g chuꞌijig lodaita tash ed.”
25653	LUK 14:31	“Neh, matp hems hema g kownal wo s‑cheggiam g e‑obga k eda al wehst‑mahm mihl (10,000) wo shondaligak. T g obgaj gokko wehst‑mahm mihl (20,000) wo shondaligak ch ab him. T hegai kownal am wo i chum aꞌamich mas hu hi wo wa e nako mat wo cheggia.
26034	LUK 23:30	Woho o wa mat s‑ta ehbidam haꞌichu hab wo e juh am ni‑tahgio. T wabshaba baꞌich i s‑ta ehbidam haꞌichu hab haha wo juh am ha tahgio hegam mo d pi ap chuꞌijkam ch pi ab hu ni‑wui e nohnogimk. (30) Hegam at pi wo e nako mas heg wo nako k heg hekaj wo chum tatchua mat g dohdaꞌag am ha dahm wo i shulig k wo ha ehsto.”
26058	LUK 23:54	Tsh hegam uꞌuwi mo wehmajkahim g Jesus ab Galilee t amjed gam hu oi g Joseph k ash neid mat hebai e cheh g Jesus k has masma ab e woi. (54) Kush d wialos. Sh g hemajkam chum e nakog no pi g shahwai d ha‑mihshmda tash.
26154	JHN 1:41	K g Andrew d wehpegkam mat am i gahghi g e‑wehnag k hekid am i chehg k hab ahgid, “Cheh att hegai moki d Christ.” (Id o hab d ahga ‘Jiosh si Kehsha.’)
26155	JHN 1:42	D g Andrew am hahawa uꞌapa Jesus wui. T ab si shel i nei g Jesus k hab kaij, “S-mahch ahni map d Simon ch d alidaj hegai mo hab chehgig Jonas. Iꞌajed apt hab wo chehgigk Peter.” (Id o hab d ahga ‘Hodai.’)
26156	JHN 1:43	Am baꞌich d i tash, d hab i e ah g Jesus mat gam hu wo hih Galilee chekshani wui. K eda an oimmed hegai mo hab chehgig Philip ch am d kihkam Bethsaida t am. (Ahchim g Andrew ch Peter ha wehm ach am hab waꞌap d kihkam Bethsaida t am.) Jesus ad am cheh g Philip k hab kaij ab wui, “Ab g i ni-oid k wo ni-wehmajk.”
26184	JHN 2:20	D idam si e shoꞌoshodkad k hab kaij, “Giꞌikko gamai chuhdp (46) aꞌahid ab at hahawa i e nahto ihda geꞌe cheopi. Kuptp eda ahpi waik tash ab ia wo i kei.”
26222	JHN 3:33	Jiosh at am cheha g e‑alidag mat ia wo jiwia jewed dahm k s‑baꞌama ab mah g Hekia S‑apꞌekam Gewkdag. K g alidaj heg hekaj ahg g neꞌokij. (33) Pegih, kuch heg hekaj s‑ap ab s‑wohochud g Jiosh neꞌoki ahchim mach ab s‑wohochud g alidaj ahga.
26284	JHN 5:5	D am hema woꞌo g oꞌodham ch waikko wehst‑mahm gamai gigiꞌik (34) aꞌahid ab waꞌi mumku.
26516	JHN 9:7	k hab ahg, “Am g him k ab i wakon g e‑wuhiosha heg eda woꞌo mo hab e aꞌaga Siloam.” (K hab d ahga ihda “I Ahꞌad.”) T wa woho am hih ihda pi neadam k am wako g e‑wuhiosha k am i uhpam jiwia s‑ap haꞌichu neidch.
26594	JHN 11:2	(Ihda Mary o wa d hegai mad wa g uhw shuhdagi an iawua Jesus tahtad an k an i dagio wabsh g e‑cheꞌechew moꞌokaj.)
26671	JHN 12:22	D g Philip am ahgi g Andrew. (Idam ad am d chum kihkam Bethsaida t am am Galilee chekshani ch ed.) Kud am hahawa e wehm hihim k am ahgi g Jesus.
26978	JHN 21:11	Ab ad wabsh i si shuhdags g chuagia g geꞌeged waptopikaj. Kud g Simon Peter gan hu i chesh wahlko ch ed k ab i chewaim. Kud d siant hetaspo wehst‑mahm gamai waik (153). D eda pi e wantsh g chuagia.
27007	ACT 1:15	Sh am heꞌekia d i tash matsh am ep i e hemapad k d siant gokko wehst-mahm (120) hegam mash ab ihm g Jesus e doꞌibiakch. Kutsh am hahawa i kekiwua g Peter k ash hab kaij,
27199	ACT 7:14	Tsh g Josephbad am hahawa wai g e‑ohgbad mat wehsijj ab wo i chihpia Egypt wui. Kush eda d wewaꞌakko gamai hetasp (75) hemajkam.
27208	ACT 7:23	“Batsh wa masma am i geꞌeda g Mosesbad k am i ai g giꞌikko wehst‑mahm (40) aꞌahidag. Tsh am hu hebai hab i e ah mat am wo i ha chehgim g e‑hahajuni.
27611	ACT 17:19	Kush eda hegam kihkam ch hegam mo am wabsh sha dadha s‑hohhoꞌid mat tash oidam wo kaihamad ch wo aꞌagad hegai mo haschu d si wechij ahga. (19) Kumtsh ab i bei g Paul k ged hu uꞌapa mo am e nanmek k hab kaij ab wui, “Shahꞌo d ahga ihda wechij mashchama map ab amjed neok. (20) Pi ach am wa chum amichud.”
27673	ACT 19:19	Tsh muꞌijj hegam mash hab chum e elid mo d mamakai am uꞌapa hegam e‑oꞌohana mo an ahgas g hihoina k am ha chehgid k ha mei. Tsh eda am i kuint g ha‑namkig idam oꞌohana mash am mei. Kutsh ai g hetaspo wehst‑mahm mihl pihsh (50,000).
27951	ACT 27:28	ch heg hekaj am haꞌichu s‑wehch i huduni g wijinakaj an wudk mat heg hekaj wo s‑mai mas heꞌes i s‑juhk. T ged hu si taht g jewed mat siant gokko wehst‑mahm (120) tad wijina hekaj. Kut ab i wanchkwua ihda s‑wehch haꞌichu. K am shaꞌi heꞌes, t am ep i huduni. T ged hu ep si taht g jewed mat humukto wehst‑mahm (90) tad wijina hekaj.
27960	ACT 27:37	Kuch eda d gohk siant wewaꞌakko gamai chuhdp (276).
28390	ROM 15:19	Hekia S‑apꞌekam Gewkdag o ab ni‑mahkch hegai gewkdag mani hekaj hab wua g s‑hasig haꞌichu. K id am wohokamchud g haꞌichu ahgaj g Jiosh. Kunt am i ahgahi Jerusalem t amjed wehs jejewed ha oidch gam hu Illyricum (Albania) jewed hugkam.
28643	1CO 10:8	Am hu hebai ehp, sh haꞌijj wabsh chum hedai ha wehm woꞌiwup. Tsh g Jiosh am haꞌi ha cheha matsh wo ha kokda. Tsh gokko gamai waik mihl (23, 000) e koꞌij hemako tash ed.
29186	GAL 3:17	Kut pi shaꞌi gawul juh g haꞌichu e‑ahga g Jiosh mat hekid ab i t‑mah ahchim Tutuligo g t‑chehanig mo idani d waꞌi giꞌik siant waikko wehst‑mahm (430) ahidag amjed.
29375	EPH 5:4	S‑mahch am mat pi am hu wo i ha wahpki g Jiosh hegam mo hab wa masma. Hegai mat wo s‑behim mo haschu pi ab hu d wuikamaj o heg jioshchud. (4) K pi hab chum mahs machs s‑bihtagim wo neneokad o achs pehegi wo neneokad. Ab g wo hoꞌigeꞌidad g Jiosh.
29853	1TI 5:23	Haꞌi o g pi ap ha‑chuꞌijig am tasho e neid. Kum s‑ap s‑mahch ch pi woho am hu wo i ha chuhcha idam. K wabshaba haꞌijj pi am hu tasho e neid g ha‑chuꞌijig. Mt heg hekaj am wo si i ha mamche mamt hedai am wo i ha chuhcha. (25) K hab wa masma g s‑kehg ha‑chikpan am tasho e neid. Chum as hi wa pi am hu i si tasho ch wabshaba pi wo ehsto g s‑kehg ha‑chikpan imhab i baꞌich. (23) Neh, s‑e g nenꞌoidk, Timothy. Pi o kehgaj g shuhdagi amai. Kupt am wo shaꞌal wehnad g nawait. T hab pi wo m‑mumkichudad hegai shuhdagi.
30009	PHM 1:4	Ab apsh wabsh kia si hiwig g t-kownalig Jesus ch si pihk e elid ha hekaj g e-wehm wohochuddam. (7) Sh hegam ab si i e gewkemhun ab neidch map s-ap haꞌichu hab ha junid. Ni heg hekaj si s-ap ni-tahtk (4) ch ab hoꞌigeꞌid g Jiosh ch ab tahni mat baꞌich wo i m-wehmt hemu. (6) Pt hab baꞌich ab wo i chehgi map geꞌe edgid g s-apꞌekam ab ihmch g Jesus Christ.
30071	HEB 3:9	k wabsh pipꞌichud ch am dadha gam hu jegko am wa chum neidch mo haschu am hab ha junid giꞌikko wehst‑mahm (40) aꞌahid ab.
30079	HEB 3:17	Sh g Jiosh s‑ha kehꞌid ch hab kaij matsh pi wo ha hiwigi mas am wo i wahp amai mash hebai am chum apꞌechudch ha wehhejed k hoꞌip wehs koi hegam geꞌeged mash pi ab hu wohog elid. Kush heg hekaj am oiopo tohono jewed ch ed giꞌikko wehst‑mahm (40) aꞌahid ab.
30158	HEB 7:27	Pi o wepo masma hegam mo d uꞌugchu papal am heki hu t‑chehanig ed. (a) Hegam o d pi ap chuꞌijkam ch wehpeg ab wo haꞌichu iagchul hejel e‑chuꞌijig wehhejed k ab haha wo iagchul g hemajkam ha‑chuꞌijig wehhejed. K wabshaba g Jesus pi ha chuꞌijig. (b) Hegam o chum hekid ab haꞌichu iagchulid Jiosh wui. T wabshaba g Jesus hemho hab juh. T heg wehs am i apꞌech g pi ap ha‑chuꞌijig. (c) Hegam o ab haꞌichu chum namkid g Jiosh. T wabshaba g Jesus hejel am i e dagito mat hekaj ab wo iagchul.
30869	REV 6:8	Nt ab i chum nei. Tki g s-kohmagi kawyu ab i wuhsh. Kuki hema cheshaj ch hab chehgig Muhki. Kuki ab si mia oidch him hegai mash hab e aꞌaga Jiawul Kih. Mtki idam ab ha mah g gewkdag am dahm g hemako tahpani mo giꞌikko e tahpanch (¼) ihda jewed. Kutki ha kokda cheggiadag ch ed ch g bihugigkaj ch mumkidagkaj. Tki g mischini haꞌichu doakam hab waꞌap haꞌi wo ha kokda.
30882	REV 7:4	Kuni kah mash d siant giꞌikko wehst-mahm gamai giꞌik mihl (144,000) hegam mamt ha chepos heg hekaj Jiosh cheposidakud.
30883	REV 7:5	Am o haꞌichug g gamai gohk mihl (12,000) ab wehsijj i ha amjed g t-shohshonbad. Idam o wa d gamai gohk ch wa hab chechgig Judah, Reuben, Gad,
30902	REV 8:7	Tki g wehpeg anghil am si kuhu g e-kuikudkaj. Tki g chea ch mehi wehnadch g ehꞌed ab i e iawua an dahm g jewed. Kutki hemako tahpani mei g jewed mo waik e tahpanch (⅓). Kutki g kukui hab waꞌap masma haꞌas meitto. Tki g washai wehs meitto.
30924	REV 9:16	Kum am ni-ahgid mash d gohk siant mi-yohn (200,000,000) idam mo g kakawyu ha chehchejch.
30942	REV 11:2	T wabshaba hegai mo an wehgaj kolhaitas am i e dagito ha wui g nahnko mahs hemajkam. Pt pi an hu has wo i juh. Idam nahnko mahs hemajkam at wo kehiwia hegai mo d chum si Hekia S-apꞌekam Kihhim am oidam g giꞌikko wehst-mahm gamai gohk (42) mashad.
30943	REV 11:3	Jiosh o hab kaij, “Gohk ant wo ha mah g ni-pionag g gewkdag. T idam am wo ahgahi g haꞌichu ni-ahga ab wabsh shoꞌig e enigadad g dahumkaj heg oidam hemako mihl gohk siant chuhdpo wehst-mahm (1260) tash.”
30953	REV 11:13	Tki am waꞌi hekaj am si s-gewkam wo uꞌugij g jewed. Kutki g hemako tahpani mo wehst-mahm e tahpanch (1/10) g kihhim wo i gei. Kutki wewaꞌak mihl (7000) hemajkam wo e koꞌij heg eda jewed uꞌugij. Kutki hegam haꞌi matki am wo wih wo shaꞌi si s-ehbeni k ab wo si has el g gewkdaj g Jiosh.
30965	REV 12:6	Tki hegai uwi gam hu heb hu meh am tohono jewed ch ed. Am atki i apch g Jiosh wehhejed mat am wo e nuhkud hemako mihl gohk siant chuhdpo wehst-mahm (1260) tash.
30982	REV 13:5	Kum wabsh hiwgid ihda mat wo si pi kehg neokad. Kumtki ab ep mah g gewkdag am oidam g giꞌikko wehst-mahm gamai gohk (42) mashad.
30995	REV 13:18	Id oki d si s-juhk haꞌichu. Kut am wo i mamche matp hedai wo s-chu amichudad mo has d ahga hegai s-ta Ehbidamakam nuhmilo no pi hegai nuhmilo d chehgigaj hema oꞌodham. K ihda nuhmilo d chuhdp siant chuhdpo gamai chuhdp (666).
30996	REV 14:1	Ntki ab ep nei Kuki hegai mo kahwalkaj ab e chehgidch an kehk Sion doꞌag t ab. K id wehm g siant giꞌikko gamai giꞌik mihl (144,000) hemajkam am gegok. K an ha-koka an oꞌohadag g chehgigaj hegai mo kahwalkaj ab e chehgidch ch heg ohg chehgig.
31038	REV 16:15	(Bo kaij g Jiosh alidag, “Ab g wo ni-kaiham. Bant masma s-aꞌagi wo jiwia mo g s-chu ehskam. T wo s-ap e tahtkkad hegam mat wo s-nenenashanik. T wabshaba hegam mat pi hab wo masmak wo si e elidad hab sha masma mo an wabsh s-dahpkam oiopo.”)
31112	REV 20:5	Hegam mat wehpeg ab wo i wuwha muhkig amjed at wo si s-hehgigk ch wo si s-ap e tahtkkad ch pi am hu gahi ep wo wuwha g muhkig. Jiosh at hab wo ha juh mat d wo papalk ch d wo piongajk g alidag. Kut heg wehm am wo i ha wanim g hemajkam hemako mihl aꞌahid ab. (5) T wabshaba pi koi ab hu uhpam wo i e chechegito hegam mo pi mahch g Jiosh am hugkam mat wo huhug g hemako mihl aꞌahidag.
31138	REV 21:16	K ihda kihhim si s-ap s-chuhchpul ch haꞌas uhgk ch haꞌas chewaj mo heꞌes i s-tadani. T g anghil am kuint. K d mihl hetasp siant (1500) mihya.
31139	REV 21:17	T g anghil am ep kuint g kolhaidag. K d gohk siant gamai chuhdp (216) tad uhgk.