23214	MAT 1:1	Ia atsh mahsi g Jesus Christ jewed dahm k ab d amjedkamaj hegai t‑kekelibad ha‑kownalig mash hab chehgig David. Kush g Davidbad ab d amjedkamaj hegai mash d t‑shohshon ahchim Tutuligo ch hab chehgig Abraham. In ant wo oꞌoha g ha‑chechgig hegam mash d Jesus Christ shohshonbad.
23215	MAT 1:2	Abraham atsh wa an alidt g Isaac. Tsh g Isaac an alidt g Jacob. Tsh g Jacob an ha aꞌalidt hegam Judah.
23231	MAT 1:18	Ia ant wo oꞌoha matsh has e juh matsh eda mahsi g Jesus Christ. Am amtsh i apꞌech matsh idam Joseph ch Mary wo e hohont. Tsh am hahawa s‑e mai mat g ali wo bei.
23253	MAT 2:15	k am wa dadha. Id atki am hab e juh mat hekaj s‑ap hab wo e juh hegai matki heki hu waꞌi oꞌoha g kelibad Jiosh haꞌichu i tashogiddam. Bo chuꞌig g oꞌohanaj mash g Jiosh hab kaij: Am ant wo i wuhshad g ni‑alidag Egypt jewed amjed.
23264	MAT 3:3	Neh, id o hab ahg John hegai kelibad Jiosh haꞌichu i tashogiddam mash hab chehgig Isaiah mash eda hab kaij: Hema atsh gam hu jeg ed wo ha mihshmad g hemajkam hab kaijch: Neh, in atsh wo i wuhsh jewed dahm hegai mo d ge kownal wehs haꞌichu dahm. Kumt heg wehhejed wo i e nako.
23278	MAT 3:17	Sh ab neok g Jiosh ab dahm kahchim t amjed ch hab kaij, “Id o d si ni‑tatchuidch ni‑alidag ch am si ni‑tatchui oidch hab masma.”
23292	MAT 4:14	Neh, heki atki hu waꞌi oꞌoha g Isaiabad matsh id am hab wo e juh. K hegai oꞌohanaj hab chuꞌig:
23293	MAT 4:15	Si haꞌichu at am hab wo e juh Galilee ch ed. Ihda chekshani o an hab chuꞌig kahchki hugid an ch am huduni tahgio amjed g Jordan akimel. K an kihdag hegam mo d Zebulonbad amjedkam ch hegam mo d Naphtalibad amjedkam ch hegam ehp mo d gawul mahs hemajkam.
23294	MAT 4:16	Bo sha mahs mo am dadha s‑chuhugam k ed no ge mahch g Jiosh. K g muhkig ab ha wui him. T wabshaba wo nei mat am haꞌichu wo i wuhshani k hab wo sha masmak mo g si geꞌe tonlig. Neh, bash wa kaij g Isaiabad.
23299	MAT 4:21	Tsh am shaꞌi hihi haꞌas huꞌi. Tsh g Jesus am i ha nei idam James ch John. Idam o hab waꞌap d e‑wepngam ch ash am chikpan g e‑ohg wehm wahlko ch ed ch am apꞌechud g e‑chuagia. Tsh g Jesus ab ha wai mat am wo wehmajk.
23303	MAT 4:25	Kutsh g hemajkam wehskojed i hihim k am oid g Jesus. Idam ash haꞌi d Galilee t am oꞌodham ch haꞌi ab amjed mo hab e aꞌaga Wehst‑mahm Kihhim ch haꞌi ab Jerusalem t amjed ch an wehskojed g Judea chekshani k ch haꞌi ga hu aigojed g Jordan akimel.
23335	MAT 5:32	Nt wabshaba am wo em‑ahgi mat d wo pi apꞌekamk mamt wo s‑ohhod, heg hi wa mamt wo s‑mai am i chum hohntk mat heki hu ha wehm woꞌiwua. Kut d wo pi apꞌekamk mat g em‑ohhoda hema ep wo kunt. Id at d wo em‑chuꞌijigk mamtp wo s‑ohhod. Kut hegai mat wo hohnt hab waꞌap wo juh g pi apꞌekam.
23339	MAT 5:36	E‑moꞌo am hab waꞌap aꞌaga hab kaijch mamt wo moht g chuꞌijig mamtp pi hab wo juh g e‑neꞌoki. T eda g Jiosh wo waꞌi e nako mat wo em‑mohtoꞌi g chuꞌijig. Id o wehs hab masma mamtp hems am chehch g Jiosh.
23377	MAT 6:26	An g wo i ha neid hegam uꞌuwhig mo an nenꞌe. Idam o pi haꞌichu eꞌeshad ch pi od g haꞌichu esha ch pi gan hu e toꞌidahim g haꞌichu bahidag. K wabshaba g em‑ohg Jiosh ha nuhkud. Kum eda ahpim baꞌich d i si haꞌichu mo g uꞌuwhig.
23388	MAT 7:3	“Pi g am wo si s‑nenꞌoidad g hema chuꞌijig. Tp hems baꞌich i geꞌej g hejel em‑chuꞌijig. Id at heg wo wa wepok mam g chum haꞌichu ab i s‑wuhshdamk wuhij ed mo eda baꞌich i geꞌe haꞌichu ab woꞌo em‑wuhi ed.
23398	MAT 7:13	“Am g wo i e dagitok Jiosh wui k ab wo s‑wohog elidad. Id at heg wo wa wepok mamt am i wahp al aj kihjeg t amjed k am aj wohg oidch hihim. Pi o muꞌijj hab masma hab e wua. Kumt hab waꞌi masma am wo bei g pi ha huhugedam doakag. (13) Pi o hasig mamt hab wabsh wo junihid g hejel e‑tatchui. Id at heg wo wa wepok mamt ab s‑tadani kihjeg t amjed i wahp k am s‑tadani wohg oidch hihim. Muꞌijj o hab masma hab e wua ch hab ab aihim g Jiawul kih.
23409	MAT 7:24	“Ab g wo s‑wohog elidad g haꞌichu ni‑ahga. T hab wo s‑apꞌek g em‑doakag. Id at heg wo wa wepok matp hems hema s‑wihnam wo shondad g e‑kihta.
23425	MAT 8:11	Kunt hab wo em‑ahgi mat muꞌijj ab wo i hihi siꞌal wecho amjed ch hudunig wecho amjed k am wo wehmaj dadhaiwua g Abrahambad ch Isaacbad ch Jacobbad an Jiosh kihdag ed.
23426	MAT 8:12	Id o d chum ha‑apꞌedag g Tutuligo. T wabshaba muꞌijj pi am hu wo i wahp no pi pi ab hu ni‑hiwig. T g Jiosh gam hu wo ha shul s‑chuhugam k ed. Kut chum hekid am wo shoanid ch ga hu wabsh wo i si e kiꞌishch nat pi wo shaꞌi si s‑koꞌok haꞌichu nakogad.”
23431	MAT 8:17	Heki atki hu waꞌi oꞌoha g Isaiabad matsh id am hab wo e juh. K hegai oꞌohanaj hab chuꞌig: Heg at ab wo moht g t‑mumkidag k im hu hab wo i juh ab t‑amjed.
23451	MAT 9:3	Sh haꞌi gegok g chehanig ha mashchamdam ch hab kaij ab aꞌai e wui, “Ih, shoꞌo waꞌi si pi ap neok hab masma e wepogidch g Jiosh.”
23454	MAT 9:6	Pegih, nt wo em‑chehgi mani woho ge gewkdag ch hab wua mani has i kaij ahni Jiosh si Kehsha,” k hab hahawa kaij ab wui ihda mo ab wabsh i s‑moik, “I g wamig k am behꞌi g e‑wahkus k hihm am uhpam.”
23459	MAT 9:11	Dki am haꞌi dada g Palasi. Kuchd eda am t‑gegosid. D idam hab kaij ab t‑wui, “Ih, k haschu ahgch g em‑mashchamdam ha wehm e gegosid g pi ap hemajkam, chum hems g lial t‑kowlantdam?”
23460	MAT 9:12	D g Jesus am i ha kaiok hab kaij ab ha wui, “Idam pi ap hemajkam o s‑e doꞌibiamk hab masma mat g kokꞌodam wo s‑e doajidam. Hegam mat hab wo e elidad mo s‑apꞌe at pi wo tatchua g mahkai.
23485	MAT 9:37	D hab kaij g Jesus ab t‑wui, “Neh, muꞌij o hegam mo e nahtokch mat wo e doꞌibia. Kuch eda pi muꞌij ahchim mach am ha ahgidahim g doꞌibiadag ahga. Id o heg wa wepo mat hebai g ha‑hihka wo si geꞌejk. T g ha‑pionag pi wo muꞌijk.
23490	MAT 10:4	K hema hab ep chehgig Simon ch d hema hegam mo tatchua matt ahchim Tutuligo hejel wo himchudad g t‑kownaltalig. K hema hab chehgig Judas Iscariot ch d ihda matki wo gagda g Jesus.
23492	MAT 10:6	Am amt wo waꞌi hihi hegam ha wui e‑wehm Tutuligo. Idam o hab sha masma mo g heb hu hihimkam kahwal.
23546	MAT 11:18	Id ani hab ahg mat g John ab i wuhshani k pi ihꞌe g nawait ch muꞌikko pi e gegosid e hoꞌigeꞌidahunch Jiosh wui. K muꞌijj hab kaij mo g jiawul an uꞌukch g chegitoidaj.
23552	MAT 11:24	Idam at pi am hu hugkam wo bei g s‑koꞌok e‑namkidadag mat g Capernaum t am hemajkam mat hekid wo e ai g geꞌe lodaita.”
23575	MAT 12:17	Neh, bad wa masma hab e juh hegai matki g Isaiabad heki hu waꞌi oꞌoha matsh hab wo e juh. Oꞌohanaj o hab chuꞌig mash g Jiosh an aꞌaga g si e‑kehsha ch hab kaij:
23576	MAT 12:18	Id o d si ni‑Kehsha mat d wo ni‑pionagk. Ab ani si tatchua. K si ni‑tatchui oidch hab masma. Ab ant wo mah g Hekia S‑apꞌekam ni‑Gewkdag. Kut am wo ha ahgi g wehs hemajkam mant s‑ap wo ha aꞌappe.
23590	MAT 12:32	Im at hu hab wo i juh g Jiosh g chuꞌijigaj hegai mat ab wo has ni‑ah ahni Jiosh si Kehsha k wabshaba pi hekid gam hu hab wo i juh g chuꞌijigaj hegai mat wo has ah g Hekia S‑apꞌekam Gewkdag.
23594	MAT 12:36	“Id ant hab wo chei mat hemho wa wehs haꞌichu am wo mahsko e wua lodaita tash ch ed mam haschu has i kaij id dahm jewed. Jiosh at wo hekaj g hejel em‑neꞌoki mat wo em‑lodai, chum hems g s‑pehegi em‑neꞌoki.”
23598	MAT 12:40	Id ash wa waik tash oidam am haꞌichug geꞌe watopi wohk ed. Neh, nt hab wa masma waik tash oidam am wo kahchk hihaꞌini ch ed ahni Jiosh si Kehsha.
23611	MAT 13:3	Kud muꞌi haꞌichu ha tashogid g wepogida ahgakaj ab amjed g Jiosh kownaltalig. Id o d haꞌichu ahgaj mo hab kaij: “Am ant heꞌes wo i em‑tashogi g Jiosh kownaltalig wepogidch mat hema an i chum gantad g e‑kaichka e‑oid ed.
23622	MAT 13:14	K hekaj am wohokamchud hegai mo an hab chuꞌig Isaiabad oꞌohana ed mash wa hab kaij Jiosh. Bo chuꞌig: Chum am hekid ab kah g haꞌichu ni‑ahga ch ab neidchug g ni‑apꞌechuda ch wabsh pi amichud
23626	MAT 13:18	“Am ant haha wo em‑ahgi mani haschu chum em‑mashcham id hekaj haꞌichu ni‑ahga ab amjed g haꞌichu eshdam. Heg kaichka ani wepogid g Jiosh haꞌichu ahga. Id o am e gantan ha shahgid g hemajkam hab masma mo g haꞌichu kai.
23631	MAT 13:23	“K haꞌi g ha‑iꞌibdag s‑moik hab sha masma mo g moihuna. Idam at wo s‑amich g Jiosh haꞌichu ahga k am wo ahgachugad matp hems haꞌi siant ab ep wo ha baꞌiha k atp hems haꞌi chuhdpo wehst‑mahm k haꞌi g waikko wehst‑mahm ab ep wo ha baꞌiha.”
23664	MAT 13:56	Ia o wa kih g uꞌuwigaj. Kus hebai mai wehs ihda.”
23669	MAT 14:3	Herod atsh wa an bei g John k wulshp k ged hu si kuh am wehhejed g e‑hohnig. Id ash hab chehgig Herodias ch ash d chum hohnigaj g Herod wehnag. Kush heg hab chehgig Philip. Tsh g Herod ehs g hohnigaj.
23706	MAT 15:4	Id o d chehanigaj g Jiosh mo hab chuꞌig: Ab g si has wo i ha elidad g e‑ohg ch e‑jeꞌe, ch id ehp, Mat hemho wo wa e muhkid hegai mat hedai wo sha s‑koꞌokam has ah g e‑jehj.
23709	MAT 15:7	Bam wabsh s‑e junimk mam ab has elid g Jiosh. Kuki wabshaba g Jiosh hab em‑ahg ch hab kaij ihda matki g Isaiabad an oꞌoha:
23722	MAT 15:20	Id o d hegai mat im hu hab wo i em‑juh ab amjed g Jiosh. Pi at heg im hu hab wo i em‑juh mamt pi am hu ha‑chehanig oidk wo wapko g e‑nohnhoi k haha wo e gegos.”
23807	MAT 18:11	Ia ant jiwia jewed dahm mant wo ha doꞌibia g heb hu hihimkam.]
23819	MAT 18:23	Bo wa e wua g em‑kownalig Jiosh ch em‑tatchuid mamt am hab waꞌap wo e junihid. “Id ant am wo em‑tashogi em‑ahgidch matp hems hema d wo kownalk ch am wo i ha hoa g e‑pionag ha‑wulshpadag,
23836	MAT 19:5	k hab kaij: Iꞌajed at g oꞌodham wo ha dagito g e‑ohg ch e‑jeꞌe k ab wo i wehmt g e‑wehm kihkam. T idam d haha wo hemakok.
23849	MAT 19:18	D hab kaij g oꞌodham, “Hedai hegam chehanig?” D hab ep kaij g Jesus, “Idam mo hab chuꞌig: Pi g am hu ha muaꞌi g oꞌodham. Pi g am hu ha ehsidad g ha‑wehm kihkam. Pi g am hu haꞌichu ha ehsidad. Pi g am hu haꞌichu ha iattogidad.
23862	MAT 20:1	“Id ant am wo em‑tashogi id hekaj mant wo haꞌichu wepogi g Jiosh kownaltalig. Heg o wepogidas mat g uhdwis oidag enigakam wabsh i siꞌalim am him k haꞌi ha ui g oꞌodham mat am wo chikp oidaj ed.
23906	MAT 21:11	D haꞌijj hab ep kaij, “Id oki d Jiosh haꞌichu i tashogiddam ch hab chehgig Jesus ch am d kihkam Nazareth t am am Galilee chekshani ch ed.”
23933	MAT 21:38	“T wabshaba idam oidag nuhkuddam am i nei g alidaj k hab kaij ab aꞌai e wui, ‘Id o d enigakam alidag. Oi g wo, tt wo muꞌa k wehs wo bei g enigaj.’
23937	MAT 21:42	D hab ep kaij g Jesus, “Heuꞌu, nat pi s‑ohhod g enigakam alidag. Kumt hab wa masma wo s‑ni‑ohhod. Id o hab ahgch hab chuꞌig g wepogida ahga Jiosh oꞌohana ed: Kihtdam at wo hema chum s‑ohhodam g hodai. T wabshaba id d wo si s‑has haꞌichu hodaik am ha‑kihta wehhejed. Id o hab d ahga mat si s‑kehg haꞌichu hab wo juh g Jiosh.
23939	MAT 21:44	Neh, t wo e shoꞌigch hegam mat pi wo ni‑amich. Id at heg wo wa wepok mat ab wo e keiko hodai t ab. Kut hegam mat wo s‑ni‑ohhod wo bei g s‑koꞌok e‑namkidadag. Id at heg wo wa wepok mat g hodai ab ha ab wo gehsh k am wabsh wo s‑ha wia.”
23973	MAT 22:32	Ahni ani d ha‑Jioshga hegam Abraham ch Isaac ch Jacob. Neh, id o hab kaij g Jiosh, chum as heki hu koi, no pi am e wehm ha nuhkud ch ab uhpam wo i ha wuwhas muhkig amjed. Pi amt woho wo i huhug am i koꞌok matp g Jiosh d em‑Jioshga.”
23978	MAT 22:37	D hab kaij g Jesus, “Id o d si geꞌe ch baꞌich i si s‑has haꞌichu chehanig: Hemho wa amt ab wo si tatchuad g e‑kownalig Jiosh wehs e‑ihbdagkaj ch id am wo chehgidch wehs e‑doakagkaj ch wehs e‑chegitoikaj.
23981	MAT 22:40	Idam gohk chehanig o ab ab wehs shohshonas g Jiosh chehanig ch wehs hegai matki kekelibad Jiosh haꞌichu i tashogiddam an oꞌoha.”
23985	MAT 22:44	Bo kaij g Jiosh ab ni‑kownalig wui: In g dahiwua ni‑wehm ni‑kownal daikud ed. Kunt wo ha gewito g m‑obga mat ab wabsh wo m‑wechok.
24000	MAT 23:13	D hab hahawa ep kaij g Jesus, “Neh, muꞌijj ahpim chehanig ha mashchamdam ch ahpim Palasi am d wabsh s‑chu iꞌattomkam. Ih, shoꞌig! Jiosh at si s‑koꞌokam wo em‑namkid heg hekaj. Pi am ha hiwgid hegam mo am i chum s‑wahpkimk Jiosh kownaltalig ed ch hab waꞌap hejel pi am hu i wahp. Heg o wa wepo mam ab si yahwidadch g kihjeg am Jiosh kownaltalig wui. [
24001	MAT 23:14	“Ha am iattogid g heheꞌejel wiꞌikam uꞌuwi ch ha ehsid g ha‑kihki ch eda am wabsh s‑e chehgidamk mam si chew e hoꞌigeꞌidahun. Id at hekaj baꞌich wo i s‑koꞌokk g em‑namkidadag.]
24010	MAT 23:23	“Im am hu hab wabsh i juhkch hegai mo d chum si haꞌichu am Jiosh chehanig ed mamt hab wabsh wo juhkchid g al chum haꞌichu. Neh, wehs am haꞌichu hemako tahpani mahk g Jiosh mo wehst‑mahm e tahpanch, chum hems g haꞌichu hahhag ch haꞌichu kai, ch wabshaba pi ap ha lodait ch pi ha hoꞌigeꞌid ch pi ab hu wohochud g Jiosh. T g Jiosh heg hekaj si s‑koꞌokam wo em‑namkid.
24011	MAT 23:24	Am am wabsh s‑nenꞌoid g al chuꞌuchum haꞌichu ch g geꞌeged haꞌichu pi chegito. Id o heg wa wepo mamtp hems wo oꞌos g e‑wasib mat am eda wo gei g al chukumug k wabshaba wabsh wo bah wehnadk g ka‑mihyo matp heg am eda wo gei.
24015	MAT 23:28	nam pi ab chum e chehgidch mam d s‑apꞌekam. K eda g em‑chegitoi pi aꞌpe. Ih shoꞌig! Jiosh at si s‑koꞌokam wo em‑namkid.
24016	MAT 23:29	“Em‑shohshon at muꞌi ha kokda g kekelibad Jiosh haꞌichu i tashogiddam. Kum ahpim si s‑kehg ha hehosid g ha‑hihaꞌiniga hegam mamt ha kokda ch hab chechꞌe mamt ahpim hi pi wo chum ha kokda. Dam s‑chu iꞌattomkam ch ha wepo masma mash wa g em‑shohshon. Ih, shoꞌig! Jiosh at si s‑koꞌokam wo em‑namkid namt pi am ha oidk hab wo e juh.
24024	MAT 23:37	K hab ep kaij g Jesus, “Ih, shoꞌig, ahpim Jerusalem t am hemajkam, nat pi g Jiosh s‑ap wo em‑dagito. Em‑shohshon ash wa ha maꞌichshulig ch muꞌi ha kokda g Jiosh haꞌichu i tashogiddam. Kumt ahpim am ha oidk hab wo e juh. Muꞌikko ani chum tatchua mant wo si s‑ap em‑nuhkud hab sha masma mat g chuchul g e‑mahmad ab e wecho wo ha hemapai. M wabshaba pi ab hu tatchua manis hab wo em‑juh.
24034	MAT 24:8	Id at d wabsh wo shohshonajk g shoꞌigdag nat pi baꞌich wo i geꞌeda.
24040	MAT 24:14	Ihda s‑kehg haꞌichu ahgaj g Jiosh ab amjed g kownaltaligaj at an wehsko wo e ah jewed dahm. T am haha wo e ai mat wo kuhgit.
24130	MAT 26:7	Id ad ab i t‑waid k t‑gegos. Kuchd am dadhak ch t‑gegosid. T ab haha wabsh hema i wah g uwi g si s‑namkig s‑ap uhw shuhdagi waꞌigchugch am al s‑toa hodai haꞌa ch ed k ab iawua Jesus moꞌo ab.
24131	MAT 26:8	Kud haꞌi si pi hohhoꞌi g t‑wehm e mashchamdam k hab kaij, “Ih, pt wabsh heki wua ihda s‑namkig haꞌichu.
24137	MAT 26:14	D am ha hekaj t‑dagito g Judas Iscariot k gam hu hih. Kuchd am i dahm s‑mai matsh am hih uꞌugchu papal ha wui
24145	MAT 26:22	Kuchd si pi ap t‑taht k gan hu hab i cheꞌiatahi, “Ih, hi wa pi ahni, ni‑kownalig.”
24151	MAT 26:28	Id o d ni‑ehꞌed. Id ani hab ahgch hab kaij mant wo ni‑muhkid em‑wehhejed. T g ni‑ehꞌed wo e iawua. T g Jiosh heg hekaj am hab wo juh hegai mo wa hab kaij mat gam hu hab wo i juh g pi ap ha‑chuꞌijig g hemajkam.
24152	MAT 26:29	Ia o i s‑apꞌe. Kunt pi hekid em‑wehm hab ep wo juh ihda k wabshaba em‑wehm wo si s‑hehgigk Jiosh kihdag ed.”
24159	MAT 26:36	Kuchd ged hu dada heg ab oidag mo hab e aꞌaga Gethsemane. D pi am hu t‑wehmaj g Judas Iscariot. D hab kaij g Jesus ab t‑wui, “Ia g hu wo i dadhak. Nt ahni am baꞌich wo i him k wo ni‑hoꞌigeꞌidahu.”
24161	MAT 26:38	ch hab kaij ab ha wui, “Ab at wabsh i si ni‑shuhd g pi ap tahhadkam ch si s‑ni‑mukima tahhadchud. Ia g wabsh wo dadk ch wo haꞌichu si nenashanad.” Kutsh am dadhaiwua.
24170	MAT 26:47	Am ad wabsh kia neok. Kud am jiwia g Judas. D shaꞌi si muꞌijj wehmaj, haꞌijj g iꞌis‑papayo uhꞌukch ch haꞌijj g uꞌus. Idam atki g uꞌugchu papal ch geꞌeged am ha cheha matsh am wo hihim k wo bei.
24173	MAT 26:50	D hab kaij g Jesus ab wui, “Ih, ni‑nawoj, oi g s‑hohtam am hab juhni hegai mapt haschu ahgk ia jiwia.” Kud ab haꞌi hihim k an bei g Jesus k gan hu si s‑wihnam uꞌukch.
24184	MAT 26:61	k hab kaij, “Ihda oꞌodham o hab kaij matsh wo e nako mat wo i wua g Jiosh geꞌe cheopiga. Tsh am d wo i waik tashk, tsh am uhpam ep wo kei.”
24194	MAT 26:71	Bash kaij ch ha hekaj gam hu hih mash am haꞌi gegok kolhai kihjeg t ab. Kush hema hab ep kaij ab ha wui, “Id o ep wehmaj hegai Jesus.”
24204	MAT 27:6	Tsh g uꞌugchu papal am ui hegai lial k hab kaij, “Id o d namkigaj mat hema wo e muhkid. K g t‑chehanig pi t‑hiwgid matt am wo toa geꞌe cheopi wehhejed.”
24230	MAT 27:32	Tsh ab hema i ha nam g oꞌodham mo ab Cyrene kihhim t ab d kihkam ch hab chehgig Simon. Id amtsh ab wabsh si kushwiotach hegai kots mamt ab ab wo naggia g Jesus.
24235	MAT 27:37	Kumtsh an oꞌoha mam haschu ab abchud k ab sihsh kots t ab ab dahm mo ab i moꞌokch g Jesus. Sh hab chuꞌig, “Id o d Jesus ch d Tutuligo ha‑kownalig.”
24240	MAT 27:42	“Id atsh haꞌi ha doꞌibia k atki wabshaba pi wo e nako mas wo hejel e doꞌibia. Nash hig pi woho d t‑kownalig? Pegih, tt ab wo s‑wohoch matp ab wo i huduni k wo e doꞌibia.
24253	MAT 27:55	Sh eda muꞌijj am haꞌichug hegam uꞌuwi mo ga hu amjed wehmaj g Jesus ab Galilee t amjed ch am haꞌichukaj i wehmaj. Idam ash ga hu wabsh mehk gegok ch ab neid.
24279	MAT 28:15	Kutsh am ui g lial hegam shondal k am hab e juh mam has i ha ahg. Ia o i idani hab masma am e aꞌaga am ha shahgid g Tutuligo.
24285	MRK 1:1	Id o d s‑kehg haꞌichu ahgaj g Jiosh ab amjed g alidaj Jesus Christ. Shonaj ihda haꞌichu ahgaj.
24286	MRK 1:2	o an hab chuꞌig oꞌohanaj ed hegai Jiosh haꞌichu i tashogiddam mash hab chehgig Isaiah. Heg atki an oꞌoha mash g Jiosh hab kaij ab e‑alidag wui: An ant hema wo i wuhshad mat am wo i ha apꞌech g hemajkam mapt ahpi am wo i wuhsh jewed dahm.
24287	MRK 1:3	Id at gam hu jeg ed wo ha mihshmad g hemajkam hab kaijch: Neh, in atsh wo i wuhsh jewed dahm hegai mo d ge kownal wehs haꞌichu dahm. Kumt heg wehhejed wo i e nako. Neh, bash ahg g e‑alidag g Jiosh.
24303	MRK 1:19	Tsh am shaꞌi hihim k haha wabsh gohk ep ha cheh. Idam ash am kegchud g e‑chuagia wahlko ch ed ch d James ch John. Kush g ohgaj hab chehgig Zebedee.
24324	MRK 1:40	Sh am hu hebai, tsh am hema jiwia Jesus wui k mumku heg hekaj mo hab e aꞌaga ‘leprosy’ ch chum pi ha doajig. Id ash ab wui e shoꞌigchud g Jesus ch hab kaij, “Pt wo e nako mapt wo ni‑doaj maptp wo tatchuad.”
24332	MRK 2:3	Tsh am haꞌi dada hema uꞌadch g pi himidkam. Id ash ab wabsh i s‑moik ch am woꞌo e‑wahkus ch ed. Kush giꞌik oꞌodham an uꞌa.
24336	MRK 2:7	“Ih, pi oki ap neok hab masma e wepogidch g Jiosh. Heg at waꞌi Jiosh wo e nako mat gam hu hab wo i juh g pi ap ha‑chuꞌijig.”
24340	MRK 2:11	“I g wamig k am behꞌi g e‑wahkus k gam hu hihm uhpam.”
24344	MRK 2:15	Tsh am hu hebai i cheka. Kutsh g Levi am hab juh g gegosig ha wehhejed hegam Jesus. Kush am dadhak ch e gegosid. Sh am haꞌi oiopo hegam mo d t‑chehanig t‑mashchamdam ch d ep Palasi. Idam Palasi o chum s‑gewkam oidchug g t‑himdag. K eda m uꞌi am oidchug g Jesus hegam mo pi am hu si oidchug g t‑shohshon ha‑himdag. Kush haꞌi idam d lial t‑kowlantdam heg wehhejed mash d geꞌe kownal wehs jejewed dahm. Kush hegam t‑chehanig t‑mashchamdam hab ha ahg hegam mo ab si wecho e mashcham g Jesus, “Ih, k haschu ahgch g em‑mashchamdam ha wehm e gegosid g pi ap hemajkam, chum hems g lial t‑kowlandam?”
24346	MRK 2:17	Tsh am i ha kaiok g Jesus k hab kaij ab ha wui, “Idam pi ap hemajkam o s‑e doꞌibiamk hab masma mat g kokꞌodam wo s‑e doajidam. Hegam mat hab wo e elidad mo s‑apꞌe at pi wo tatchua g mahkai. Pi ant hab ahgk ia jiwia jewed dahm manis wo ha doꞌibia hegam mo pi e doꞌibiamk.”
24356	MRK 2:27	Id o am wohokamchud mo g chehanig d i chum ha wehmtadag g hemajkam. Em‑mihshmda tash at am e apꞌech em‑wehhejed. Kumt pi heg wehhejed e nahto e‑mihshmda tash.
24360	MRK 3:3	Sh g Jesus hab kaij heg wui mahnikokam, “Ia g hu i kekiwua.” Kutsh gam hu i kekiwua.
24365	MRK 3:8	ch ab Judea t amjed, chum hems ab Jerusalem kihhim t amjed, ch Idumia chekshani ch gan hu aigojed g Jordan akimel ch gam hujed mash d Tyre ch Sidon kihhim. Idam muꞌi atsh am himto am kaiok mo heꞌes i geꞌe haꞌichu hab wuihim g Jesus.