24982	LUK 1:20	Kupt eda pi ab hu ni-wohoch. T heg hekaj hab wo m-juh mapt pi wo shaꞌi e nako maps wo ha neokad iaꞌi amjed am hugkam mat hab wo e juh ihda mani m-ahgid.” Neh, bash kaij hegai anghil.
24990	LUK 1:28	Kutsh koi e ai matsh wo e hohont. Tsh am jiwia hegai anghil Mary wui k hab kaij, “Si g s-hehgigk Mary. Jiosh at ab i s-m-hoꞌigeꞌid k am wo i m-wehmt.”
25007	LUK 1:45	Woho at hab wo e juh hegai mo ab m-chehgid g Jiosh. K d si geꞌe hoꞌigeꞌidalig mapt ab i s-wohoch.” Neh, bash kaij g Elisabed.
25090	LUK 2:48	Neh, tsh g Joseph ch Mary hab waꞌap si has i e taht am chehgiok. Sh g jeꞌej hab kaij, “Ni-sulijga, shahchu apt ahgk hab t-juh? Shelkam att nonda g m-ohg wehm pi m-edgidk.”
26156	JHN 1:43	Am baꞌich d i tash, d hab i e ah g Jesus mat gam hu wo hih Galilee chekshani wui. K eda an oimmed hegai mo hab chehgig Philip ch am d kihkam Bethsaida t am. (Ahchim g Andrew ch Peter ha wehm ach am hab waꞌap d kihkam Bethsaida t am.) Jesus ad am cheh g Philip k hab kaij ab wui, “Ab g i ni-oid k wo ni-wehmajk.”
26167	JHN 2:3	D wabshaba am i huh g nawait. D g Jesus jeꞌe ab wui hab kaij, “Huh at g ha-nawait.”
26168	JHN 2:4	D hab kaij g Jesus, “Pi o ab hu haꞌichu ni-him heg amjed. Pi at koi chum e ai mant am wo i ni-maskogi.”
26596	JHN 11:4	D am i kah g ha-ahga g Jesus k am t-ahgid, “Lazarus ash mumku. K wabshaba pi hab d ahga mat gam hu hab wo i e juh. Nt wo doꞌibia mamt hekaj ab wo ihm g Jiosh. T g Jiosh heg hekaj ab epai wo ni-ihm.”
26608	JHN 11:16	D ihda Thomas mam hab aꞌaga Kuadi hab kaij ab t-wui, “Pegih, ttp wo oi g t-mashchamdam k wehmaj wo t-koꞌij.”
26614	JHN 11:22	Ni wabshaba s-mahch mat g Jiosh ab wo m-mah mapt haschu ab wo i tai, chum hems hemuch mat i geꞌeda g haꞌichu pi t-apꞌedag.”
26615	JHN 11:23	D hab kaij g Jesus, “T wo uhpam e chegito g em-wehnag.”
26624	JHN 11:32	D am i cheh g Mary g Jesus k ab i gei wecho k hab kaij, “Ni-kownalig, mapt hems s-hohtam wo jiwia, t chum pi wo muh g t-wehnag.”
29147	GAL 1:23	Idam wabsh kah mo haꞌi hab kaij, “Hegai mo wa t-shoꞌigchud o am hahawa ahgachug ihda Jesus haꞌichu ahga mo wa heki hu chum s-keshwuimk.”
29971	TIT 1:12	Hema ash hab kaij g s-chu amichuddam am Crete t am, “Ahchim Crete t am oꞌodham ach s-chu iꞌattomk ch s-ta kekeꞌidama ch s-papadma ch wehs haꞌichu si s-behimk.”
30563	2PE 1:17	An achd wehmaj g Jesus. Kud g ohgaj Jiosh ab mah g si has elidadag k ab neok ch hab kaij, “Id o d si ni-tatchuidch ni-alidag.”
30758	JUD 1:18	Bo wa kaij ab em-wui, “Am at haꞌi wo i wuwha em-shahgid mo eda e aihim g si ha oidch tash k hab wabsh wo junihid g hejel e-tatchui ch wo nahnko em-ahgad.”
30785	REV 1:20	Am ant wo m-ahgi g s-aꞌagi haꞌichu ab amjed idam wewaꞌak huhuꞌu mani in uꞌukch ch idam wewaꞌak lalampa. Idam wewaꞌak lalampa o d hegam ni-ihmdam mo am kihdag hegam ha eda wewaꞌak kihhim. K idam wewaꞌak huhuꞌu o d ha-wanimeddam.”
30892	REV 7:14	Ni hab kaij ab wui, “Pi ani shaꞌi mahch. Ahpi ap wa s-mahch.” K hab kaij ab ni-wui, “Idam o d hegam mat ab s-ap gahi wuwha g si geꞌe shoꞌigchudadag. Heg o wa wepo mat am i wapko g e-wepschuga heg hekaj ehꞌedaj hegai mo kahwalkaj ab e chehgidch.
30895	REV 7:17	Hegai mo kahwalkaj ab e chehgidch at wo ha nuhkudad hab masma mo g kahwal nuhkuddam ch am wo i ha wanim heg wui s-kehg doakag mo heg wepogidas shonkam shuhdagi. Kut g Jiosh ab wehs wo i oa g ha-ohꞌog.”
31008	REV 14:13	Ni hahawa hema ep kah. Kuki id ab neok dahm kahchim t amjed ch hab kaij mantsh an wo oꞌoha ihda, “T wo si s-ap e taht hegam mat wo koi, ab s-wohochudch mo g Jesus d ha-kownalig.” K g Hekia S-apꞌekam Gewkdag hab kaij, “Do si wohokam ihda. T wo si s-ap e ulinihogi idam heg amjed s-wehch e-chikpan k ab wo bei g e-mahkigdag heg wehhejed.”
31013	REV 14:18	K am hema ep kehk g anghil ch am nuhkud g nahda ab ab g iagchulidakud. Id at am hih heg wui mo g s-muꞌuk ohso an uꞌukch k si s-kaidam hab kaij, “E at ai g geꞌe lodaita tash. K heg wepogidas mapt an wo hikkumia g uhdwis g e-ohsokaj.”
31019	REV 15:4	Wehsijj att ab wo si has i m-el. Pi at hedai wo shaꞌi pi am hu ah map d si haꞌichu nap pi ahpi d si hekia s-apꞌekam. Wehs nahnko mahs hemajkam at ab wo i hihim k ab wo i shul m-wui no pi wehsijj neid g si s-apꞌekam haꞌichu hab m-juni.”
31024	REV 16:1	Kuni wa hema ep kah. K id am s-kaidam neok ab amjed g cheopi ab ha wui idam wewaꞌak anghil ch hab kaij, “Am g wo hihim k wo iawua g s-koꞌok namkidadag an jewed dahm ab ha amjed hegam hohas-hahaꞌa.”
31030	REV 16:7	Niki amjed hahawa hema ep kah. K id ab neok iagchulidakud amjed ch hab kaij, “T-kownalig Jiosh, dap si s-gewkdagkam. K g m-lodaita si woho ch si s-apꞌe.”
31072	REV 18:10	Idam o ga hu wabsh mehk gegok no pi s-ehbid mat wo nei g shoꞌigdaj ch hab kaij: “Ih, shoꞌig! Ihda si geꞌe s-gewk kihhim mo e wepogid g Babylon at shaꞌi si s-hohtam ab bei g s-koꞌok e-namkidadag.”
31079	REV 18:17	T eda shaꞌi si s-hohtam wehs heb hu shul g e-kaisdag.” Wehsijj oki ga hu wabsh mehk gegok hegam mo d ha-geꞌegeꞌejig an wapalko ch ed ch hegam mo an dadhaichug ch hegam mo d pion an wapalko ch ed ch wehs hegam mo ab behe g e-kihdag ab ge shuhdagi t amjed.
31094	REV 19:8	hab sha masma mat g wo kuntam ab si s-tohama wo e enigadad. Ihda lohba o wepogidas g s-apꞌekam haꞌichu hab ha-juni.”
31096	REV 19:10	Kunt am hahawa si i gei wecho k ab si has i el. K wabshaba hab kaij ab ni-wui, “Pi g hab masma ab si has ni-elid mani d Jiosh. Ab g si ihm g Jiosh. Dani wabsh piongaj hab masma mam ahpim mam ab s-wohochud hegai wohokam mat g Jesus am i em-tashogi.” Neh, bo kaij g anghil. K ihda wohokam d hegai mo ab amjed an uꞌukch g e-amichudadag g Jiosh haꞌichu i tashogiddam.
31155	REV 22:6	K hab hahawa ep kaij g anghil ab ni-wui, “Idam haꞌichu ahga o woho. Kut wehsijj ab wo chum s-wohoch. Jiosh o wa ab ha mahkch g haꞌichu i e-tashogiddam g Hekia S-apꞌekam Gewkdag mat am wo haꞌichu ha chehgi ch am ep ni-chehani mant am wo em-chehgi hegai mat haschu has wo e juh s-hohtam.” Neh, bo kaij g anghil.
31160	REV 22:11	“Pi at hedai wo shaꞌi e nako mas am gawul wo e juh mat hekid wo e ai ihda. Hegam mo d p apꞌekam at d wabsh wo pi apꞌekamk. T hegam mo d s-apꞌekam am hab wabsh wo i chuꞌigkad ch am hab wo wa junihid g s-apꞌekam.”