23808	MAT 18:12	Naporpat gahan Jisas oh nuhurnong tit meng tit napongop. Nohe ma napotiproh meng moh gur dahenmur. Tit han tit orhe sahapat han sipsip oh 100 patina tit timbas hathanoh orhe damdapat 99 mama pat ohwa. Tit pokwi timbas hat moh ha ihtinoh daham mandatiprohda. Basra. Yah hat ma pati ihirnong atei mandama ma timbas hat hannong angmar saprohmur.
24092	MAT 25:15	Sonmat oh Mama han moh ohe da oh yahnap hat patgwer. Ihan noh ruumsan 5,000 kina moh ohe bes teinong matpor. Mama han moh ohe da oh ihtin da hapatgwer. Ihan 2,000 kina moh ohe bes teinong matpor. Mama han ohe da oh da hatip hat patgwer. Ihan 1,000 kina mohwi ohe bes teinong matpor daham imat nitat mar ire bes teinong mar oh wan mongnong pipri.
24095	MAT 25:18	Mani 1,000 kina ma dar han ohehe mong pohmara aremdipri. Iham patesheri.
24101	MAT 25:24	Potporhan 1,000 kina ma datip han oh aprisa Hanipyaha. Go kasip mengtei ngarara naporo gorhe bes tei na gonom ire bes tei gonopti den oh suhum damo hapatgwer hano rima
24102	MAT 25:25	gwe 1,000 kina nohe bes teinong deingop mah noh naer matporhan go apris nohnong inahatiprakin daham noh kas ham nareman paptesuhmur. Gin mam pat ohmur pongopri.
24105	MAT 25:28	Pora orhe atamreipti han ihirnong Hanip gur erer pomat ma papti han gurnong titsi pei mat orhor naprisipramur. Napriporhan gur ruumsansi bap hatiprimur. Pomat na papti han gurnong oh noh titsi na naprisa ma napdor han oh it norhor daripramur. Ihan 1,000 kina ma apdap oh dara 5,000 kina ohe bes teinong mara it 10,000 kina ma datip han ohe bes teinong matinmur.
25653	LUK 14:31	Tit aperipti nohe komnong ma apripti oh mihat patmur. Mong erer gon ite hrepnong mat kak hat pati han yot ihit gusutper dahayahanoh tit han ohe dupsi han ihir 10,000 han gar bap ihirmur. Tit han ohe dupsi han ihir han isip 20,000 ihirmur. Ama kakhan yot ihit gusuper dahayahanoh 10,000si kakhan oh na gusut patin orhor daham apetiprohmur. Norhe dupsi han 10,000 garpok maihir ire merwi mar 20,000 ihirnong sutiproheda daham apetiprohmur.
25654	LUK 14:32	Apera nohe 10,000 maihirsi na yah hatipra ma hapat dahahhanoh na gusut patin orhor meihdapat meng pisaya popriya ma hapti han ihirnongri darhetiprohmur. Darhetporhan ihir na gusum manap goshat indin meng oh apera pomtiprohemur.
25661	LUK 15:4	We. Gur mohnong dahatinmur. Guragur tit han tit ohe sahapat han sipsip oh 100 patina tit timbas hathanoh orhe damdapat 99 ihir mama pati ohwa. Tit pokwi timbas hat moh ha ihtinoh daham mandatiprohda. Basra. 99 ihirnong iraire den dapti tei yah tei oh mandama titnong oh de tei pato rim angmar saprohmur. Angmar sor patim pathan
25695	LUK 16:6	Dahamtiporhan oh Noh den tendeipti ohe wer san 100 oh ayan hat patmur pongopri. Potporhan oh Ihan go gin orhor tongnoma rihohe brak matip brak oh mandapat Nohe yan oh 50 pok patmur por brak mar napinmur potipri. Potporhan oh arpin yan hatip brak sar apingopri.
25696	LUK 16:7	Apriporhan gahan tit han oh apriporhan oh Gwe ma kamah han ohe ayan hat pat oh kinhei ayan hat pat por dahamtipri. Dahamtiporhan oh noh tendeipti han wit 100 ung oh ayan hat patmur pongopri. Potporhan oh Ihan go rihohe brak matpa brak moh dara mandapat 80 ung patmur por brak mar napinmur potipri. Potporhan oh arpin yan hatip brak sar apingopri. Imat orhor ire yan hat pati oh hatip matwi apihipri.
26073	LUK 24:13	Gahan Jisas ohe masas ma pi dik oh orhorsi sapti yot ihit tit Emeas apteinong sapero rim Jerusarem ap mutuh oh mandama Emeas apteinong sapti ohe mandap oh pipari. Jerusarem ap mutuhdapat Emeas apteinong sapti oh meihkirim 11 kiromita ohe kismur.
26978	JHN 21:11	Napotporhan Saimon Pita oh it bot dahnong rusa aning ung oh nang oh arpima pramat tom dinin teinong deingop. Matporhan aning oh sayaoh aning isipnap orhap 153 hangop. Ihtin aning isip ung tami orhor ungnong na turkangop.
27007	ACT 1:15	Ihat patimdapat gahan 120 kuuhan ihir tarmut patin Pita oh ire mutuh oh tandeima
28109	ROM 4:19	Epraham ohe ma duuptei han hatip oh oh Noh 100 krismas birhim pasernap ham brer na manhetin ina hat tei moho. Sera uhhe kusennap ham brer na itin kusen hat moho daham am hat patin orhor Got oh inahatiprada da na inahatipra adanong oh na hatipmur. Arpin inahatiprawa daham kinkin da ham kasip hat orhor minhan patesuhmur.
29092	2CO 12:2	Mamarumur. Nohe am hat pat han tit Krais ohe nita hat patim kapkap gasnang por tapas pora tei ohe pepe aw tan tei mahat sariyaoh pat hatipmur. Ma ihtip oh gin noh patin gin mama 14 krismas hatir ohmur. Ama ihat pat hatip han oh norhor ihat pat hangopmur. Ma pat hatip oh norhe ina mohsi pat hatipde da da ohwi pat hatipe daham norhor hanhan hat patmur. Got ohwi am hat patmur.
30597	2PE 3:8	Norhe bopor nahat napapat taptem bap gur Hanipyah oh kapkap na apripato ma ripti oh gin mohnong dahenmur. Dire ma dahapti oh kimsi ma patepranong oh kakduup ma hapat. 1,000 yia ma hatipra oh kaput ma hapat dahaptimur. Hanip dir ihat dahaptimur. Hanipyah oh kimsisi kaput ohsi tap mat gin aya mohwi dahapatmur.
30882	REV 7:4	Utporhan abrak matperhan noh amraoh Got ohe nita bap kinbi teinong abrak matinsi ma pati ihir 144,000 ihirmuro rim hangop. Ama 144,000 ihir Isrer ohe nathei brer ire puh ihirmur.
30883	REV 7:5	Juda ohe puh ihir 12,000 ihirnongwi abrak matinsi patimur. Ruben ohe puh ihirhe 12,000 ihirmur. Gat ohe puh ihirhe 12,000 ihirmur.
30884	REV 7:6	Asa ohe puh ihirhe 12,000 ihirmur. Naptari ohe puh ihirhe 12,000 ihirmur. Manasa ohe puh ihirhe 12,000 ihirmur.
30885	REV 7:7	Simion ohe puh ihirhe 12,000 ihirmur. Ripai ohe puh ihirhe 12,000 ihirmur. Isakar ohe puh ihirhe 12,000 ihirmur.
30886	REV 7:8	Seburun ohe puh ihirhe 12,000 ihirmur. Josep ohe puh ihirhe 12,000 ihirmur. Benjamin ohe puh ihirhe 12,000 ihirmur. Got ohe nita kinbi tei abrak matinsi han ihiroh ama ihirwimur.
30943	REV 11:3	Ihir er mar tonggamar saya apriya hatwi patin timori masori hat patina 1,260 dah hatipramur. Ihir ihat orhorwi patin Got oh orhe meng pot pisapti han yot ihitnong Gin gut susa norhe meng oh pot pisonmur por ihitnong imat pison ohe inasi mar darhetipramur. Darhetporhan ihir Moh ina ruumsi er nahatin ohe meng ma hapat ha dahatingwe rim ihit saheih ham watah simbap hatin mat ara susa ihirnong Got ohe meng oh poriprimur. Poriptin ama 1,260 dah oh hatipramur napongop.
30965	REV 12:6	Ihtiperhan kuu mauh Got ohe hanip timbas dus mong amamen matip teinong tandungop. Tandutporhan ihir apris paptin timori masori ham orhorwi patin 1,260 dah sa hatipra dahatip teinong tandut saporhan ihir paptingopa.
30996	REV 14:1	Gahan noh wandeioh sipsip bap oh Got ohe aptei Saion yei ka oh tandeit patgop. Ohsi kat han ma orhe wino itap ohe wino ohsi ire kinbi tei ma abrak matip ihir 144,000 ihir ohsi tap hat patingopa.
30998	REV 14:3	Ma mengitpa oh ama 144,000 ihir hanip yah orhe pohon tongnopat tei dason oh tandeima dasi bap hathat timbas ire kinteio han pohon bap ire kinteio oh tandeima kopenohe ga yah tit riptingopa. Ama ga yah tit ripti hatpa ga oh kakdah han maihir gonsi na am hatin ohe ga ohmur. Ama ambur papapat han irairwi am hatin ga oh riptingopa.
31109	REV 20:2	Wandasa dam ohnong Rih patesuh han inapawam hatin hat hanip susuhmuro. Oh kuram hatin Satan ohmuro rima ohnong akit net pora kasip nangsi biking bokong pora atpat papatin krismas 1,000 sa birhitipra pora nang atpangop.
31110	REV 20:3	Nang atpat mandapat tahe pora tanggap ditin timbas tanggap temnong deingop. Mat mandapat Gin kuuhan among among pati ihirnong dasuh matiprarim tem ohom oh ha indinoh. Patin krismas 1,000 birhima sa timbas hatipra. Timbas hahrit tem adapuma nang oh arpit mandatporhan gar dik tit kot marasa sa indipra rima tem oh apama kimin daken dara rambup mara kanmat mandangop.
31111	REV 20:4	Kanmat mandatporhan gahan noh wandeioh Jisas ohnong na mandatin ina ham orhe mengo Got ohe mengo oh ihir kasip ham marin patio rima ihirnong mahaw mar sutperhan ma haputpa da bap ihiroh masasa patingopa. Ama bap ire ma pateshe oh kurwah ohe danong na hamo orhornong arhur irat bok kis matpa ohe danong na hamo orhe win kis oh ire kinbi teio bes teio na brak matpao ama ihat pateshe han bap ire da oh masas patingopa. Ihir ihat patin Krais oh Gin Satan ohnong tanggap tem apat mandamur. Gurhe nohsi tap ham ihirnong papindin ohe kakhan hat patin krismas 1,000 birhim timbas hatipramur pora kuuhan ihirnong dahamar satin inasi matporhan ihir kakhan ire tongnopti tei oh tongnoma ire hrepnong mar paptingopa.
31112	REV 20:5	Ohri it dasi ham ma masapri bap ihiroh amaru hat ihirnong Got ohe meng pisaptio rima mahaw mar ma supti han ihirri ihat masaprimur. Komdapat krismas 1,000 birhim timbas hatporhan ma masapri ihiroh be hapuripti bap kuuhan dirmur.
31113	REV 20:6	Ohri ma masapri bap ihiroh Got ohe ongeng mat papat han ihir ohoh ihan ihir amamsi bap ihirmur. Ama ihiroh komdapat it hapura dipdipwi batbet dar ma patepri ohe batbet oh ihir na datiprimur. Na dara Got ohe ap yawar nita bap hama atamreima Krais ohsi kakhan ham patin krismas 1,000 birhitipramur.
31114	REV 20:7	Ama 1,000 Krismas birhim timbas hatporhan Satan ohnong ap akanmar ma ataputip oh it oh adapuma arpit mandatipramur.
31139	REV 21:17	Ama ap mutuh ohe kis oh tap dawi hatporhan gahan enser oh it doho boknong kis kaw dip mar kis mat prungop. Kis mat pruoh 144 kaw hangop. Ma kis matip oh hanip diradire mat kis deiptiru mat kis deingop.