23214	MAT 1:1	Mama brak moh Epraham ohe puh ire dimdim dap oh apripatin Depit ohe bok oh tarpatipmur. Depit ohe puh ire dimdim dap oh Jisas Krais ohe bok oh tarpatipmur. Ama han oh dire Hanipyahnapo rim mama brak dei ohmur.
23215	MAT 1:2	Mamarumur. Epraham oh Aisak ohe itap ohmur. Aisak oh Jekop ohe itap oh. Jekop oh Judao arwapiro ire itap ohmur.
23220	MAT 1:7	Soromon oh Reaboam ohe itap oh. Reaboam oh Abaisa ohe itap oh. Abaisa oh Esa ohe itap ohmur.
23221	MAT 1:8	Esa oh Jehosapat ohe itap oh. Jehosapat oh Joram ohe itap oh. Joram oh Usaia ohe itap ohmur.
23223	MAT 1:10	Hesekia oh Manasa ohe itap oh. Manasa oh Emon ohe itap oh. Emon oh Josaia ohe itap ohmur.
23226	MAT 1:13	Serababer oh Abiut ohe itap ohmur. Abiut oh Eraiakim ohe itap oh. Eraiakim oh Asor ohe itap ohmur.
23227	MAT 1:14	Asor oh Sadok ohe itap oh. Sadok oh Akim ohe itap oh. Akim oh Eriut ohe itap ohmur.
23228	MAT 1:15	Eriut oh Ereasa ohe itap oh. Ereasa oh Matan ohe itap oh. Matan oh Jekop ohe itap ohmur.
23230	MAT 1:17	Ihat sus Epraham ohe brer puh ama artahat pip oh. Epraham ohe brer puh brer artahat ama pip oh han puh han puh hat artahat sapatin rumhei puh hama gahan Depit oh ama tarpatip ohmur. Gahan Depit ohe brer puh ma artahat pip ohhe han puh han puh hat artahat sapatin rumhei puh orhor ama hatip oh. Hatporhan gahan wan aptei han ihir ire hrepnong mar er mat paptenmat tap mar ama pihipa oh. Gahan ihir atei patin ire brer ma manheya ohhe han puh han puh hat artahat susa rumhei puh orhor ama hatpa oh. Gahan ama puh ire pe oh Jisas oh tarpatipmur.
23236	MAT 1:23	Ma brak matip oh Kaput kuu horhor tit be bokdus ake hama brer mon itipramuro. Itporhan winhe Emanuer oh potipramuro rim ma brak matip meng oh dam timdipmur. Emanuer ma porishe oh Got oh dirsi tap hat pat hanmur porishemur.
23254	MAT 2:16	Herot oh na haput patin orhor dakuu han ihir wan mandap saperhan oh Epe. Ihir dasuh naham wan mandap sa piyao daham heisup hangopri. Heisup hama ire Nuhur asut wamtipamur ma ritiri meng oh dahama Jisas oh brer oh ihtin san hat ma hapat daham ohe han ihirnong Gur Betrehem ap mutuhnong susa brer krismas yot na birhit pat brero ama ihtin brer gonsi ihirnong kaimat itinmur. Betrehem aptei pati brersi; Betrehem ap kakduup kakduup aptei ma pati brersi kaimat itinmur por darhengopri. Jisas ohnong kaimat itinmat ohe dasiapruh oh Gur ama aptei brer ihirnong gonsi kaimat itinmur por darhengopri.
23270	MAT 3:9	Gur Nuhur Epraham ohe puh nuhur ohoh ihan Got oh batbet yan oh na napriprawa ma dahapti da oh dahapri. Gur nuhurwi Epraham ohe puh ohoh ihan er dasi hat patin orhor nambutiprawa dahapri. Basra. Wan kweinong mohhe Got oh Epraham ohe puh matin hatinmur.
23275	MAT 3:14	Potporhan Jon oh Es. Gorhordapat nohnong napatirhan yahmuro. Nohdapat kinhato potipri.
23276	MAT 3:15	Potporhan Jisas oh Es. Norhe ma dahapatru nahatina. Nahatporhan Got orhe Ihir ihat ha songwe dahapat mandapnong dimtiprohemuro. Ihyahan yahmuro pongopri. Potporhan Jon oh amrama tom patitipri.
23285	MAT 4:7	Potporhan Jisas oh Es. Got oh ritporhan ma brak matpa mengnong moh dahatinmur. Gur Hanipyah ohnong be bokdushe kis deipri ritporhan brak matpamur. Ihtin ohoh ihan noh gwe mengnong namram pung rim na waprohmur potipri.
23342	MAT 5:39	Ihtin meng naporishe orhor noh ama ohe pe oh tit meng tit napotiprohmur. Er hat sapti han ihirdapat gurnong er nahayahanhe it nohe yanhe datpora daham ihirnonghe it yansi deipri. Dak moh tandapat bes tansi niyahanhe bap tandapat atinmur.
23364	MAT 6:13	Er hat ha songwerim kis nahapat mutuhnonghe nahatiprarim gorhor namrim napaptenmur. Er nahapat han Satan ohe mutuhnong nahatiprarim napatreman napaptenmur. por ihat Got ohsi mengir patenmur.
23378	MAT 6:27	Gur Epe. Nuhur kinkinhatwi sa patepri daham da darher ruumsup hayahanoh ama ihya ohe pe oh guragure da indinnong asoh gar tit dip matin hatinda. Basra. Gur indin danong gar tit na dip matin ina hat patimur. Gur na imtin hatin hat pati ohoh ihan gur Epe. Nuhur kinhat patepri sa daham da darheripri.
23379	MAT 6:28	Gur Epe. Nuhur kian han sa an patepri daham da darheripri. Unuh gwe ma timapatnong dahenmur. Unuh gwe ihir timapti irair tamreima watah hama ariptida.
23382	MAT 6:31	Ihan gur Epe. Noh kian han sa dam patepra noh kian han sa an patepra daham da trun darheripri.
23387	MAT 7:2	Mamarumur. Gur yah mat sayahanhe Got ohhe ama yah mat sapti kis orhor nasatipramur. Er mat sayahanhe Got ohhe ama er mat sapti kis orhor nasatipramur.
23398	MAT 7:13	Jisas oh Gur mohnong dahenmur. Er naham timbas nahatin ohe apteinong son mandap oh isip yahnap hat patmur. Ama mandap ron gwateihe isip yahnapmur. Isip yahnap ohoh ihan hanip ruumsan han ihir wamara Isip yahnap mandap moh kapkap son ohe mandap ma hapat daham hanip ruumsan ihir ama mandap oh ros saptimur. Yah hat paten ohe apteinong son ohe mandap oh gop ohmur. Ama mandap ron ohe gwatei kathe gop kat pokmur. Ihtin mandap gop kat ohoh ihan hanip ihir wamar Moh gop mandap kat hanip na son kat ma hapat daham ut han pok ros sapti mandapmur. Ihtin mandap yot pati ohoh ihan gur Nuhur gop mandap moh sasiper daham ama gop kat ros sashenmur pongopri.
23413	MAT 7:28	Jisas oh ama meng oh potporhan kuuhan ihir Epe. Nure sawa naporipti han ihir mimat na naporiptingwerio. Mama han moh pang buksi han napor moho daham sein bupang ritpari.
23416	MAT 8:2	Saperhan ina gonsi tohohet sapat han tit Jisas ohe duupnong moh apingopri. Aprisa katin takir tongnoma Hanipyaha. Er nahat napat sup moh go yah nahatiprohhan yah nahatina pongopri.
23425	MAT 8:11	Ihan kaput Juda na hat pati han among among be han hat ma pati han ihir Got orhe papat hrepnong Eprahamo Aisako Jekopo ihirsi tap ham den daprimur.
23436	MAT 8:22	Potporhan Jisas oh Es. Damdapat ma haputpa da hatin hat pati bap ihirdapat kat hapuriya han ire sein oh sa saripri. Gora nohe kom aprishenmur pongopri.
23441	MAT 8:27	Mong yah hat mandatporhan ihir Epe. Hanip ihirnong imat meng potperhan ihir meng amram kimiriptio. Mama han moh tom kopio inimo ihirnongsi meng potporhan ihir amram gateriya moho. Mama han mohri wan han moho gigosham kas hatpari. Ihamo hama deihpari.
23456	MAT 9:8	Saporhan ihir Epe. Hanipnong orhor Got orhe kasip ohsi matporhan ohe mengtei imat yah mat pisapat ma hapat daham ihir sein bupang ripti Got ohnong armi matpari.
23463	MAT 9:15	Por dahamtiperhan Jisas oh Ei. Gur mohnong dahenmur. Guragure yah han oh kopen kuu datporhan Kopen kuu daro rim ama han ohsi tap ham den amam ham daptimur. Oh patin oh kakun den awammur na riptimur. Kwit ohnong mahaw ihir wan teinong matperhan oh na pat moho daham ohe danong ham saheih ham kakun den awammur rim na deyahanoh oh yahmur pongop.
23481	MAT 9:33	Popriperhan Jisas oh mongsup ga aper yah matporhan oh yah ham mengingop. Mengitporhan ihir Epe. Isrer dir rih mihtin han moh na wandeishemur rima sein bupang ringopa.
23546	MAT 11:18	Ire ma ihyanong na ihen ina ham garhaptiru hat orhor mama pati bap gur Jon nute boknonghe amaru nahat orhor napapti bap gurmur. Imat ma napapti oh Jon tom patirpat han oh saheih da hatin hat apris den ruumsan na damo wain tom gap na damo hatporhan gur ohnong Er han mongsup ohe kasip ohsi patim ihapat han moho por gardeiptimur.
23560	MAT 12:2	Kapom daptin Parisi kat han tit aprisa wanahama Jisas ohnong Epe. Gwe pinggit ma pisapat han maihir sawa meng oh tuperipti dik oh denhe daripri rim awammur ritip dik moh ihir kianorim den kapom daptio por Jisas ohnong indeingopa.
23582	MAT 12:24	Gigoshatperhan Parisi ihir amrama Es. Mohra Got ohe kasipsi indeipatda. Basra. Mongsup ire duuptei han Biersebur ohe kasip ohsiwi mongsup ihirnong er mat darherpatmur por indeingopa.
23593	MAT 12:35	Yah danongwi ruprup mar ma saripti han ihirhe Ama yah da orhorwi hat sasipera daham yah hat orhorwi saptimur. Er danong ruprup mar ma saripti han ihirhe Ama er danong orhorwi hat sasipera daham er da hat orhorwi saptimur.
23595	MAT 12:37	Dahanaham yah meng ma ripti han gurnonghe Gur yah han bapmur napotipramur. Er meng ma ripti han gurnonghe Gur er han bapmur napotipramur pongop.
23597	MAT 12:39	Potperhan oh Epe. Er da hat susa bisei saw hat saya hatin hapti gur na wandeipti han namgirit nuhur wamar am hatper ripti han gurnong noh na namgitipramur. Propet Jona ohe ma pinggitip han hatin orhor namgitipramur.
23637	MAT 13:29	Potperhan oh Es. Gur pet mandatipri. Patem yah ohsi tap mat pet mandatiprohe ohoh ihan gur petipri. Mandatinmur.
23638	MAT 13:30	Er ohsi yah ohsi tap hat ha marashengwemur. Kaput dam datin tei oh noh daripti han ihirnong Gur er ohri pera irat tei itinmat ban matwi itinmur. Indeipti wit yah orhe ruprup mara norhe ma sarpat apnong namtinmur potipramur. Ihtipari napongop.
23662	MAT 13:54	Susa Jisas orhe aptei kotpa. Koripti rotu ap rosa oh meng am deingop. Am matporhan ihir amrama Epe. Dakuu mengwi rima na wandeipti han deipat han moh demdapat popriya rim ihirhe bupang ringopa.
23674	MAT 14:8	Potporhan uh sup pat rosa Ema. Nohe ma birhi yan oh kianhan ha napinoh potporhan sup uh Jon oh inahatiro rim heisup hat patin ohoh ihan ohnong ha sutingwe rim kor uhnong Gwe birhi yan oh Jon ohe kak oh gatmara pret tei sar napin potinmur ama potip oh. Potporhan uh it rosa ohnong ama potip oh.
23682	MAT 14:16	Potperhan oh Es. Noh ihirnong na darhetiprohmur. Guragur den oh pandina napongop.
23683	MAT 14:17	Napotporhan Epe. Nuhur den hanena; aning ephe yot boka oh pokwi patmur potpa.
23692	MAT 14:26	Apripathan Epe. Moh kusemkin apripat gigosham nuhur kas ham sein bupang rim ngangatpa.
23705	MAT 15:3	Por dahamtiperhan Jisas oh Es. Gurnong oh gure pohon mengnong dimtinmat Got ohe mengnong amkariptimur. Gure ma ihapti oh kianorim ihapti.
23718	MAT 15:16	Potporhan oh Epe. Gursi da ban taham na dahaptida.
23763	MAT 16:22	Napotporhan Pita oh Jisas ohnong asoteinong mara Hanipyah go Ihir nitiprimur ma dahah da oh hatipra. Eimat gonong ti na inahatiprimur pongop.
23786	MAT 17:17	Potporhan Jisas oh orhe namgit napisapat han nuhurnong Epe. Gin mama pati kuuhan gur da ban tahat orhorwi patimur. Gur nohnong Oh yah matin hanwa na dahaya moh noh gursi napapatru mama napapat oh gur desut da darhetipri napongop. Naporpat Gin er hat pat brer oh poprina napongop.
23795	MAT 17:26	Dahamtiporhan Pita oh Es. Be han ihirdapatwi apriptimur pongop. Potporhan Jisas oh Be han ihirwi sariptimur. Mong erer oh gonsi orhe hrepnongwi mat papat han orhe brer ihir na sariptimur.
23818	MAT 18:22	Dahamtiporhan Jisas oh Es. Go beshei daho kirhei daho ohnong dahatipra. Na satin hatin dus moh go it diteim potipra. Eimat hanhan mar mandatinmur pongop.
23826	MAT 18:30	Potporhan oh na hinhina deipat heisup yah tit mara Es. Go na napir oh ihan karapusnong hat patina ama ohe yan oh ha timbas hatinoh por karapusnong deingopri.
23828	MAT 18:32	Potperhan mong ohe hrepnong mat papat han oh Ihan ama indei han oh ha maronoh potporhan oh ohe pat dah maraporhan oh Epe. Nohe natamreipat han orhor go ernap hat sapat hanmuro. Go nohnong hinhina nahatina napotporhan noh nohe yan isip gwe bok pat orhor noh arpin gonong hinhina nahama yansi na naham namdatirmuro.
23831	MAT 18:35	Naporpat Gin gur dahatinmur. Arwananah ihirdapat gurnong er nahatperhan gurdapat Dir it diteit patin na goshatiprohemur eimat mandayamur por it yansi na mar mandayahan yahmur. Damdapat Eimat mandayamur na dahama it gut diteit patin goshayahanoh at aw tei mahat ma pat han orhor Noh gonong isip dat namdatporhan gin gorhe gar ma inahaya ohe pe oh na mandam yansi hahda napor atnap isip batbet napris nitipramur napongop.
23842	MAT 19:11	Potperhan Jisas oh Es. Got oh kuuhan gonsi ihirnong na gosdara be ha patengwe na dahapatmur. Ut han kuu na darin inasi hat pati ihirnongwi ihat ha patengwe dahapatmur.
23845	MAT 19:14	Imtiperhan Jisas oh Es. Gur ihirnong baso potipri. Got orhe napapindin hrepnong ma hapti oh mihat ma dahat pati brer ihirwi hapti ohoh ihan gur baso potipri. Nohe duupnong moh ha popringwe napongop.
23855	MAT 19:24	Tit meng oh mamaru hat patmur. Sahapti han kemar ihir sur tem kat oh kin hat ron ham butahaptimur. Erer ruumsansi hat pati han ihiroh Got ohe napapindin hrepnong sonmat oh atnap butahaptimur napongop.
23856	MAT 19:25	Napotporhan nuhur bupang rima Epe. Kamah han ihirnongri Got oh amburpatmur dahapti tei moh gin Jisas oh kamah han ihir na saprimur ri moh ihan kinhatin han ihirnongwi ambura yah hat eimat paten dasi matipra por dahamtipa.
23857	MAT 19:26	Por dahamtiperhan Jisas oh Es. Hanip guragurdapat nambutin inasi na matin hat patimur. Got orhordapatwi nambutin inasi naham namburpatmur napongop.
23872	MAT 20:11	Nitat matporhan ihir dar wamaro hama Epe. Tomhan san nita han moh er han mohwa gigoshangopari.
23873	MAT 20:12	Gigoshapti nita han ohnong Epe. Nuhur kutkutwi orhor tamreiptin atan oh nadam patru atan ma wa oh. Gin yan moh kopen apris tamreiya han ire yan hatin mat nuhurnong napir moh go kinhah por indeingopari.
23875	MAT 20:14	Er mat na napir ohoh yah mat napir ohoh ihan dar sonmur. Norhe da orhor kopen saya hansi; ohri ma sori hansi tap yan orhor apriproh ma dahat da oh ama napir ohmur.
23885	MAT 20:24	Potporhan kathei han nuhur ite meng amrama Epe. Ihitri winsi han yot hatiproheda daham heimse rim ihitnong heisup matpa.
23898	MAT 21:3	Gut popriper ihaptin We. Gut kinmatper ihapti naporiyahanoh gut Es. Hanipyah ohe tamreindin tit pato rim ambur pisaptimur potinmur. Potperhan Ihan pisona napotiprohemur por ihitnongri darhengop.
23904	MAT 21:9	En mat pisapti Jisas ohnong mutuhnong mara kuuhan nuhur bosnong haya komnong haya hama amam mat pihipa. Amam mar ma pihipa oh Depit ohe puh go wes nambur apiro. Got ohe mengtei ma apir oh Got orhor armi mar bapkei dasi matporhan apiro. Ihan aw tei ohe pati han enser ihir orhornong weso por ha amam matingweo. pora amam mar ut tit pipa.
23915	MAT 21:20	Gathathan orhe namgit napisapat han nuhur wamara Epe. Irat moh kindeirit kapkap gathat por dahamtipa.
23937	MAT 21:42	Dahamtiporhan ihir Epe. Er matiri ihirnonghe suma oh tam tambor mat itipkin. Tam tambor mat sara ama ru oh wan han orhornong kat aprisipri han ire bes teinong matipkin pongopa.
23938	MAT 21:43	Potperhan Jisas oh Noh arpin meng napotiprohmur. Gur ama ru wamat pati han ire er da hatin hat pati ohoh ihan Got ohe napapindin hrepnong hatin ohe ina oh gurnong na nahapramur. Na nahama wan han ihirnong Maihir damsi hatin ina hat pati moh rima orhe napapindin hrepnong hatin ohe ina dasi deipramur. Gur Got ohe meng ritporhan ma brak matpa meng oh sam na dahaptida. Ritporhan ma brak matpa oh mamaru hat patmur. Ap hapti han ihir ap tam moh ero rim mandatperhan ama mandatiri tam wanin oh wan han ihir dara na mandatin tamo rim it haw mutuh tam orhor mar gonotiprimur. It dar ma gonotipri oh oh Hanipyah Got orhor imtipramur. Imtiporhan wamara Epe. Na imtin hatin han moh it dara haw mutuh tam matir moh yahnap moho rim amam isip mat papteprimur. ritporhan brak matpamur.
23963	MAT 22:22	Potporhan ihir Epe. Dakuu meng tit napor ma hapat daham sein bupang ringopa. Sein bupang rima kimirima sangopa.
23971	MAT 22:30	Por dahamtiperhan Jisas oh Epe. Gur Got ohe meng potporhan ma brak matpa mengo Got ohe kasip oh wan inasi naham napamsapra dao oh gur hanhan hat patim guragure damdapat dasuh dahapti meng riyamur.
23974	MAT 22:33	Ma brak matip oh mamarumur. Got noh Eprahamo Aisako Jekopo ire Gotmur potporhan brak matipmur. Ma brak matip oh ihir haputpa tei orhor ire da oh na hapura patio rim oh Noh ama han ire Gotmur potipmur. Got oh hapuriyarit da timbas haptio rim oh Noh ire Gotmur ripatda. Basra. Hanip haputperhan ihir dasi hat orhorwi patio rim Got oh Noh ire Gotmur ripatmur pongop.
23975	MAT 22:34	Potporhan kuuhan ihir amrapti Epe. Oh gin dakuu meng tit napor moho rim bupang rim kimirim sangopa.
23987	MAT 22:46	Potporhan ihir Epe. Mihat daham mengripat han mohri dahamara da na ban matin hanhe daham it komdapat na dahandeishemur.
23997	MAT 23:10	Ihirdapat gurnong Nure kamoheim kakhana naporiyahanoh gur Ei. Nuhurnong ginaporipri. Nure kakhan oh tit han ohwi Got oh darhetipra ma ritip han Krais ohwi kak hat pat ohoh ihan gur nuhurnongri ginaporipri porinmur.
24022	MAT 23:35	Imat pisapti han bap gur yan ma datipri oh mamarumur. Duung dasi hat pat han Eper ohnongri sutpamur. Ohnongri supti ohe pe oh Got ohe meng pot pisapti han ihirnong sut pisashemur. Pisusa gahan Sekaraia oh Got ohe ap yawar ohsi; apop sum atendeipti kwei tan ite mutuh oh patin sutpamur. Gin rih ire ma sushe ohe batbet ohsi; ire puh guragure ma ihapti ohe batbet ohsi puh gure boknongwi mar gur tap mat datiprimur.
24030	MAT 24:4	Dahamtiperhan Jisas oh Ei. Gurnong dasuh naham kis nahatin han ihir apripri ohoh ihan gur Nuhurnongri dasuh naham er nahatipri daham inin hat patenmur.
24086	MAT 25:9	Deip matperhan ihir Es. Nure mohra nuranure has mar marin pison ohe kiswi patmur. Gurnong napinoh timbasmur. Ihtin ohoh ihan gur guragure wan dar sonmur potpari.
24089	MAT 25:12	Por kamtiperhan oh Es. Noh arpin gurnong hanhanmur. Ihan ap moh na nadaputiprohmur potipri. Ihtipari.
24114	MAT 25:37	Napotporhan ama yah danong duung rit pati han bap gur Epe. Nuhur tit gonong inahat napaptesheda. Hanipyaha. Go desut apris pahoh haho tom din haho hatporhan nuhur tom namdeyao den namdeyao hatpa.
24117	MAT 25:40	Napotperhan kakhan nohdapat Es. Norhe taptem gur win timbas han maihirnong ma panggeishe oh arpin gur nohnong inahashemur napotipramur.
24119	MAT 25:42	Eimat er aptei patepri han guroh mamaru hat pateshe han bap gurmur. Gur noh pahoh hat patin na kasip nahashemur. Tom dinsi patin gur tom na namdeshemur.
24121	MAT 25:44	Por imtiporhan ihir it Es. Hanipyaha go desut pahoh haho tom din haho hohop han haho watah timbas han haho sik haho karapus haho hat patin nuhur desut wanaham na napaptenipti napotiprimur.
24122	MAT 25:45	Napotperhan nohdapat Es. Gur win timbas han maihirnong ma na panggeishe oh nohnong na inahashemur potipramur.
24131	MAT 26:8	Duket atporhan orhe namgit napisapat han nuhur Epe. Kuu moh be duket manda hatin hah moh kinhah.
24148	MAT 26:25	Napotporhan orhe nang han Judas oh Namgipat hana. Nohri basmur potporhan oh Es. Gorhormur pongop.
24157	MAT 26:34	Potporhan Jisas oh Es. Noh arpin gonong meng napotiprohmur. Mama kwitem morhor kakaruk oh kopen na mengit patin orhor go gorhe ina boknong kas ham nohe win oh yitir dah naremdiprohmur pongop.
24158	MAT 26:35	Potporhan Pita oh Es. Noh na naremdiprohmur. Nohnong Go Jisas ohe hanmur napor nitperim ihyahanhe noh gwe win oh na naremdiprohmur pongop. Gipotporhan nuranur gonsi tap dawi ham gipotpa.
24188	MAT 26:65	Potporhan Got ohe ap yawar hanat bok han ire duupteinap han oh ameng oh amrapat heisup ham orhe watah an pat moh dahras pora Epe. Mama han ohe giri meng moh Got orhor hatin ham Got orhornong dasei deimur. Gin ohe boknong mar sutin meng oh ti angmatiproheda. Orhordapat orhe boknong mar ma ri meng moh kiwa. Gin Hanipyah ohnong dasei dei meng ma amraya han gur kiano dahaya pongopri.
24201	MAT 27:3	Imtiperhan Judas nang hat han oh am hapat Jisas ohe boknong sutin meng deiya ma hapat daham am hapat Epe. Noh nen ma imat oho. Noh na imatnengo daham da er hapat nang hatir ohe yan sirpa kwei gor oh it pisusa Got ohe ap yawar hanat bok han ire duuptei hano han pohono ihirnong Nohe ma nang hat oh yah hat pat han ohe danong noh asutmur. Ma asut oh norhor san ham er hatmur. Gin gure mani ma nohnong napdori mohhe it guragur datinmur porpat irairnong ama apdap oh. Apriporhan ihir Nuhur ha kinmatingwe. Oh gorhe dawimur ama potpa oh.
24218	MAT 27:20	Gahan Got ohe ap yawar hanat bok han ire duuptei hano han pohono ihir ama kuuhan ihirnong Es. Gur Barabas ohnong ha mandatinoh. Jisas ohnong ha sutingwea potinmur por kandeingopari.
24220	MAT 27:22	Potperhan Pairat oh Gin Jisas Got ohe darhetip han Krais ma poripti han mohnong noh kinmatpor por dahandeingopri. Dahamtiporhan ihir gonsi Es. Irat bok sur garmar ha sutingwea pongopari.
24221	MAT 27:23	Potperhan oh Ohnong kianorim ha sutingwe. De ohe pe oh er hahrit ha sutingwe poripti pongopri. Potporhan ihir kasipnap hama Es. Irat bok sur garmar sutperhan ha haputinoha u tei orhor pongopari.
24222	MAT 27:24	Ihir ihtiperhan Pairat oh Noh norhap han nahaya tei moh nohe meng oh na amratiprohe ma hapat. Irair sut patin sut patin goshatin ina haya ma hapat dahama ihirnong Er hat na sapat han moh ohnong indeiya moh nohe boknong basmur. Guragure boknongwimur. Gin gur Pairat ohe boknong timbas ma hapat nuranure boknongwi ma hapat ha dahatingwerim noh bes tom gahmatiprohmur pora ire kintei bes tom gahdeingopri.
24244	MAT 27:46	Mong it has hah tei mah Jisas oh kasip mengtei Eri Eri rema sapaktani pot ungop. Eri Eri rema sapaktani ma poripti oh Nohe Gota. Nohe Gota go nohnong kom nasar namda moh kianorim kom nasar namda ma poripti ohmur.
24247	MAT 27:49	Atpor ihpatin kat han ihir Es. Pandipra. Ihat patin. Rih ma patesuh propet Iraija orhor apris panggeitiprohdo wamat inpera goshangopa.
24306	MRK 1:22	Meng am matporhan ihir amrama Epe. Nure pohon meng ma am nahapti han ihir mihat na am nahaptingwerio. Meng moh kasipnap meng amram dindeipti han ire meng hatin mat naporpat moho daham da tupnet ritpari.
24311	MRK 1:27	Maras saporhan kuuhan ihir wamara Epe. Kopen ohe kasip mengsi pat han moh ohe atem tei ritporhan mongsup ihir amram maras sapti moho. Ohe meng oh wanohe kasipnap meng tit pat moho gosham ihirhe sein bupang rim da tupnet ritpari.
24324	MRK 1:40	Jisas oh ihat sapatin ina mong mong moh er tarpam tohohet sapat han tit ohe pat duupnong apingopri. Aprisa katin takir tongoma Hanipyaha. Er nahat napapat sup moh go yah nahatiprohhan yah nahatina por kandeingopri.