23268	MAT 3:7	Nɛ xʉn ngu ma ngʉrpihe dyʉ israelhe, dyʉ judíohe, bi zøm bʉ mí 'bäh ra Xuua ɛ̨na din xixyą ʉ. Nu'ʉ 'da yʉ fariseo ʉ, nɛ ʉ 'da yʉ saduceo ʉ. Nɛ nu ra Xuua bʉya bi 'yɛ̨mp'ʉ: ―Nu'ahʉ tengu'bʉ ni mɛnihʉ yʉ pozʉ nguetho gyʉ tontohʉ. To'o bi xi ahʉ gua ɛ̨hmbʉ ua ngue gua 'dahmbʉ bʉ ja ran ʉnbi xʉn ʉ tho, bi 'yɛ̨na.
23297	MAT 4:19	Nɛ nu ra Jesús bi 'yɛ̨mp'ʉ: ―Ba tɛngaui, gui xihmbʉ yʉ ją'i da 'yɛ̨c'yɛigui, tengu thoho bʉ gní thɛui yʉ huą guí øt'ui, bi 'yɛ̨mp'ʉ.
23392	MAT 7:7	Nɛ xø bi 'yɛ̨mp'ʉ: ―Dami 'yäfʉ Oją 'bɛ'a guí homhbʉ, nɛ nu'a di 'da ahʉ.
23421	MAT 8:7	Nɛ nu ra Jesús bi 'yɛ̨mp'a: ―Ga mba bʉ ga hoqui.
23445	MAT 8:31	Nɛ nu'ʉ yʉ zįthu bʉya bi 'yɛ̨mp'a ra Jesús: ―Nu'bʉ guín nde gui hyønje thi, dami 'daje ran t'ɛ̨di ga cʉthe nʉ 'yo yʉ ts'ʉdi, bi 'yɛ̨n'ʉ:
23452	MAT 9:4	Pɛ nu ra Jesús 'bex bi bądi 'bɛ'a mim bɛ̨n'ʉ yʉ xänbate niją, nɛ bi 'yɛ̨mp'ʉ: ―Hingui ho guím bɛ̨mhbʉ mbo ni mbʉihʉ, ngue guí ɛ̨mhbʉ hingui ho 'bɛ'a dá øt'ä, bi 'yɛ̨na.
23460	MAT 9:12	Nu'bʉ mí 'yø'a ra Jesús 'bɛ'a bi man ʉ, bi 'yɛ̨mp'ʉ: ―Hingui honi to'o da mbäx ʉ im bɛ̨nsɛ xʉn zaqui tengu ahʉ, pɛ hønt'ʉ i pąsɛ xʉm bøca i honi to'o da mbäx ʉ tengu ya i nde da dɛngui, bi 'yɛ̨mp'ʉ.
23583	MAT 12:25	Nɛ 'bex bi bą'a ra Jesús 'bɛ'a mim bɛ̨n'ʉ yʉ fariseo nɛ bi 'yɛ̨mp'ʉ: ―Pɛ him majuąni guí mamhbʉ, nguetho nu ra zįthu hin da zä din sʉsɛhʉ yʉ́m fäts'ihʉ. Nu'bʉ din sʉsɛ din juasɛ yʉ́ ts'ɛdi ʉ 'bʉ, tenguthoho 'bʉ n'da ra ts'ʉt'abi din heque nɛ din tunhdʉ ʉ yʉ́m fäts'ihʉ, di 'bɛsɛ yʉ́ ts'ɛdi 'bʉ. Nɛ ngutho n'da ra hnini o gue n'da ra ngu 'bʉ din heque, pɛ gä dim 'bɛ ʉ.
23622	MAT 13:14	Nɛ majuąni i man'a ra pøngahyą Isaías nangue ʉ 'bʉ mi 'yɛ̨n'a: Gui 'yøhmbʉ pɛ hin gui pąhmbʉ 'bɛ'a gá 'yøhmbʉ. Nɛ gui nuhʉ pɛ hin gui pąhmbʉ 'bɛ'a nám bøn'a guin nuhʉ.
23665	MAT 13:57	Nɛ him bi numanho a ra Jesús. Pɛ nu ra Jesús bi 'yɛ̨mp'ʉ: ―Gätho yʉ ją'i in jabʉ. Nubʉ ja yʉ́ hnini zɛhɛ hin da hnumanho n'da rá pøngahyą Oją, xínga gue'ʉ i 'bʉpʉ rá ngu da numanho, bi 'yɛ̨n'a ra Jesús.
23667	MAT 14:1	Nɛ min ts'ʉt'abi bʉ ra xɛqui Galilea a ra Herodes. Nɛ nu'bʉ mi sifi 'bɛ'a gä bi 'yøt'a ra Jesús 'bʉ min 'yo bʉ, bi 'yɛ̨n'a:
23848	MAT 19:17	Ra Jesús bi 'yɛ̨mp'a: ―Ha guím bɛ̨ni 'bɛ'a guí ma ngue guí ɛ̨ngui xʉn hogui, nguetho hønt'a xʉn ho a Oją. Pɛ nu'bʉ guín nde gui tįn ra te, dami ją'ts'ʉ yʉn t'ɛ̨di.
23852	MAT 19:21	Nu ra Jesús bi 'yɛ̨mp'a: ―Nu'bʉ guí nde gui tįn ra te, ní mba bá pä 'bɛ'a gätho i ja i, nɛ gui darpa yʉ hyoya a rá muui 'bɛ'a gätho gá pä, nɛ din ja'a man'da di muui bʉ mahɛ̨ts'i bʉya, nɛ nubʉya ba ɛ̨hɛ gui tɛngui.
23868	MAT 20:7	“Nguetho njon bi xije ra ' bɛfi,” bi 'yɛ̨n'ʉ. Nɛ bi 'yɛ̨mp'ʉ: “Ní mbähä bʉ ja ma 'bɛfigä gam pɛhmbʉ bʉ, ga jut'ahʉ hangu dín ndegä ga jut'ahʉ,” bi 'yɛ̨mbi.
23907	MAT 21:12	Nɛ nu'bʉ mi zøm bʉ Jerusalén a ra Jesús bi yʉrpʉ ja rá dąniją Oją, bi hyøn a thi gätho ʉ mím pä bʉ nɛ'ʉ mín täi bʉ. Nɛ bi ndønpa yʉ́ mɛxa ʉ midí päh yʉ mbɛti, nɛ bi bʉntpa yʉ́n thuts'i ʉ mi pä yʉ ts'ąha, nɛ bi 'yɛ̨mp'ʉ:
23942	MAT 22:1	Nɛ xø bi thoqui bi xänba yʉ ją'i nangue yʉn t'uti thoho bi man a ra Jesús, nɛ bi 'yɛ̨mp'ʉ:
23957	MAT 22:16	Janangue bi 'bɛhn pʉ 'bʉh ra Jesús ʉ mi'da yʉ́ mifariseohʉ, nɛ mi'da ma ngʉrpihe mi tɛn'na ra ts'ʉt'abi Herodes. Nu'bʉ mi zøm bʉ, bi 'yɛ̨n'ʉ: ―Grá xänbate, dí pąhmbe gätho majuąni guím ma, bi 'yɛ̨mp'a ra Jesús ʉ. Nɛ guí u a majuąni rá 'yu Oją, nɛ hin guí su 'bʉ da hnumanho i ogue hin'na, bi 'yɛ̨n'ʉ.
23962	MAT 22:21	―Rá hmi ra ts'ʉt'abi Roma nɛ rá thuhu a, bi 'yɛ̨n'ʉ. Nu ra Jesús bʉya bi 'yɛ̨mp'ʉ: ―Nu'a rá mbɛti ra ts'ʉt'abi gui unhdʉ a. Nu'a xin rá mbɛti Oją, gui unhdʉ Oją a, bi 'yɛ̨n'a ra Jesús.
24050	MAT 24:24	Nguetho xʉn ngu yʉ hyäte dim 'bʉi, sä da 'yɛ̨n'ʉ: “Guecä, rá thahni Oją, drá Cristogä,” sä da 'yɛ̨n'ʉ. Nɛ xʉn ngu da 'yɛ̨na ngue dim pøngahyą nangue Oją, nɛ da 'yøt' yʉ hyonya nt'øt'e nɛ yʉ hmɛpya ngue da nde da hyät yʉ ją'i. Nɛ da hyoni 'bɛ'a da zä dí hyät'ʉ xí huahn Oją.
24052	MAT 24:26	Janangue nu'bʉ da 'yɛ̨n ahʉ: “Ní mbähä, bí 'bäpʉ ma'ueni a ra Cristo,” da 'yɛ̨n'ahʉ, pɛ o guí pähä. O gue da 'yɛ̨n'ahʉ: “Bá cʉthʉ ua, i 'bäcua ra Cristo,” da 'yɛ̨n'ahʉ, pɛ o guí cʉthʉ bʉ.
24088	MAT 25:11	Nɛ nu'bʉ mi zøm bʉ ʉ xí mba bá tän ra sibi, bi nu ngue njut'i tho ra goxthi, nɛ bi mba ʉ, bi 'yɛ̨n'ʉ: “Gra hmu, grá hmu, dami xoqui,” bi 'yɛ̨n'ʉ.
24114	MAT 25:37	Nɛ da 'yɛ̨nc'ʉ: “Grá Hmu, 'bɛ'a ní pa dá øt'ahe a guím ma. Hin dím bɛ̨mhbe ngue gán tumanthuhu n'dandį nɛ gamá 'uįn ahe. Nɛ hin dím bɛ̨mhbe ngue gán tuthe nɛ xcá 'da ahe ra dehe.
24141	MAT 26:18	Nɛ bi xi ʉ yoho ma mixädihe a ra Jesús, nɛ bi 'yɛ̨mp'ʉ: ―Ní mbɛ bʉ ja ra hnini Jerusalén nɛ gui xihmi a ran 'yohʉ, gui 'yɛ̨nui: “Nugä, ya mi ts'ʉtho da zøn ma ora, nɛ dí nde ga si rán sihmɛ ram baxjua bʉ ja ni ngu, nɛ ʉ ma xädigä, i ɛ̨n'a bá pɛngähe,” gui 'yɛ̨nui.
24184	MAT 26:61	nɛ bi 'yɛ̨n'ʉ: ―Nuna ran 'yohʉ na bi 'yɛ̨na: “Nugä da zä ga xo't'ra dąniją nɛ man hyupa thoho da zä ga høe mahøn'a,” bi 'yɛ̨na, bi 'yɛ̨n'ʉ bin juąn bʉ.
24239	MAT 27:41	Nɛ'ʉ yʉ hmumbäją bi 'yʉspi nɛ yʉ xänbate niją, nɛ yʉ fariseo, nɛ yʉ dąc'yɛi, gätho ma ngʉrpihe, din 'yɛ̨mp'ʉ:
24252	MAT 27:54	Nɛ nu'bʉ mi du ra Jesús, nɛ nu'a ra hmudofʉi mí fä a ra Jesús, nɛ'ʉ mi'da min 'yohʉ, 'bʉ mi nu di 'yąn ra häi, nɛ'ʉ gä mi'da bin ja, ɛ̨mmɛ bin su ʉ, nɛ bi 'yɛ̨n'ʉ: ―Majuąni maha, rá Ts'ʉnt'ʉ Oją na ran 'yohʉ.
24277	MAT 28:13	nɛ bi 'yɛ̨mp'ʉ: ―Gui 'yɛ̨mhbʉ: “Bá ɛ̨ ʉ yʉ́ xädi 'bʉ min xui 'bʉ mán ąhmbe, bi bɛ̨p'a rá ngøc'yɛi,” gui 'yɛ̨mhbʉ, bi 'yɛ̨mp'ʉ.
24301	MRK 1:17	Ra Jesús bi 'yɛ̨mp'ʉ: ―Ba tɛngaui ga ja aui gui xihmi yʉ ją'i da 'yɛ̨c'yɛigui tengu thoho bʉ gní thɛui yʉ huą ngubʉ guí øt'ui, bi 'yɛ̨mp'ʉ.
24337	MRK 2:8	Pɛ nu ra Jesús 'bexque bi bątho 'bɛ'a mbɛ̨n ʉ, nɛ bi 'yɛ̨mp'ʉ: ―Hanja ngubʉ guím bɛ̨mhbʉ mbo ni mbʉihʉ.
24346	MRK 2:17	Nu'bʉ mí 'yøh ra Jesús 'bɛ'a bi man ʉ, bi 'yɛ̨mp'ʉ: ―Nu'ʉ im bɛ̨nsɛ xʉn zaqui hingui honi to'o da mbäts'i, hinda hønt'ʉ i pąsɛ in zäman'ʉ i honi to'o da mbäx ʉ. Nɛ nugä bá ɛ̨cä ga fäx ʉ i pądi ja yʉ́ ts'oqui, him bá ɛ̨cä ga fäx ʉ im bɛ̨nsɛ yʉ hocją'i, bi 'yɛ̨n a ra Jesús.
24354	MRK 2:25	Pɛ nu'a ra Jesús bi 'yɛ̨mp'ʉ: ―Ha hin guí nu bʉ ni søcuąhʉ ngue nɛ ra David bi mbɛsta rán t'ɛ̨di Oją 'bʉ n'dandį 'bʉ min tumanthuhu bʉ bin 'yo nɛ ʉ min 'yohʉ.
24361	MRK 3:4	Nɛ nubʉya, bi 'yän'dʉ 'bʉpʉ nɛ bi 'yɛ̨mp'ʉ: ―Dami xijʉ ya 'bɛ'a xʉn ho da t'øt' 'bʉ ra pa ran ts'äya. Ha da t'øt'a n'da ran ho uague da t'øt'a n'da ran ts'o. Ha xʉn ho 'bʉ da yąnba rá te rá miją'iui n'da, uague xʉn ho 'bʉ da hyącpa rá te rá miją'iui n'da. Pɛ nu'ʉ hin'yʉ 'bɛ'a sä dí dąti.
24380	MRK 3:23	Nu'bʉ mí bąh ra Jesús 'bɛ'a bi man ʉ, bi zon'dʉ bʉya nɛ bi xih yʉn t'uti da bądi hinga gue'a man ʉ. Bi 'yɛ̨mp'ʉ: ―Hin da zä a ra zįthu din sʉsɛhʉ yʉ́ minzįthuhʉ, nɛ xtí 'bɛtho rá ts'ɛdi.
24422	MRK 4:30	Nɛ man'da ran t'uti bi xih yʉ́ xädi ra Jesús mahøn'a, nɛ bi 'yɛ̨mp'ʉ: ―'Bɛpʉ dá bɛ̨mhbʉ hague di manda ua rá ts'ɛdi Oją. Ga xi ahʉ n'da ran t'uti nangue'a.
24476	MRK 5:43	Nu'a ra Jesús bʉya nts'ɛdi bi 'yɛ̨mp'ʉ: ―Njon gui xihmbʉ 'bɛ'a dá øt'ä, bi 'yɛ̨mp'ʉ. Nɛ nubʉya bi 'yɛ̨mp'a ra Jairo: ―Dami 'uįn na ni t'įxu ya, bi 'yɛ̨mbi.
24480	MRK 6:4	Janangue'a nu'a ra Jesús bi 'yɛ̨mp'ʉ: ―Gätho yʉ́ pøngahyą Oją i hnumansu, pɛ hønbʉ ja rá häizɛhɛ nɛpʉ 'bʉh yʉ́ mɛni, nɛpʉ ja rá ngusɛ hingui hnumansu bʉ, bi 'yɛ̨n'a.
24486	MRK 6:10	Nɛ man'da bi 'yɛ̨mp'ʉ: ―Hønbʉ go hapʉ da mba ma säya ahʉ 'bʉ gá sømhbʉ bʉ ja yʉ hnini, gam 'bʉhmbʉ bʉ gue'bʉ go gá nɛxhʉ bʉ.
24507	MRK 6:31	Nu ra Jesús bi 'yɛ̨mp'ʉ: ―Ga mbähä ts'ʉ nʉ n'danni ngue dan säyahʉ ts'ʉ nʉ, xøhma guí yähmbʉ, bi 'yɛ̨mp'ʉ. Nguetho xʉn ngu yʉ ją'i i søm bʉ, ní mba nɛ ní 'yɛ̨hɛ, nɛ xíngui ts'ʉ im bongui din sihmɛ ʉ.
24514	MRK 6:38	Nu ra Jesús bʉya bi 'yɛ̨mp'ʉ: ―Bá nuhʉ bʉ hangu yʉ hmɛ ja bʉ. Nu'bʉ mí bądi, bi 'yɛ̨mbi: ―Cʉt'a mhmɛ nɛ yoho yʉ huą ja ua, bi 'yɛ̨n ʉ.
24525	MRK 6:49	Nu'ʉ yʉ́ xädi 'bʉ mi nu bi bɛ̨n ʉ: “N'da ra du i mba bʉ,” ɛ̨n'ʉ. Nɛ ɛ̨mmɛ bi mba ʉ nguetho bin su. Nu'a ra Jesús bi 'yɛ̨mp'ʉ: ―Guecä o te guím bɛ̨mhbʉ. Damin johyahʉ, bi 'yɛ̨mp'ʉ.
24538	MRK 7:6	Bi dąh ra Jesús, bi 'yɛ̨mp'ʉ: ―Nu'ahʉ yoho nin 'yomfɛ̨nihʉ, bi 'yɛ̨mp'ʉ. Nɛ majuąni bi man ra Isaías nangueehʉ 'bʉ mim pøngahyą, bi 'yɛ̨na: Nuya yʉ ją'i nangue yʉ́ nde i ɛ̨scagui, pɛ maxøts'e thoho, hinga gätho mbo yʉ́ mbʉi im bɛ̨ngui.
24541	MRK 7:9	Nɛ man'da bi xi ʉ, bi 'yɛ̨mp'ʉ: ―Nɛ hønt'a ram fɛ'ts'i guí øthʉ nangue yʉ́n t'ɛ̨di Oją, tengu 'bʉ nte di muui, nguetho hønt'ʉ nin t'ɛ̨di zɛhɛhʉ guí nde gui tɛnhdʉ.
24546	MRK 7:14	Nɛ nubʉya bi zohni gätho yʉ ją'i bi 'yɛ̨mp'ʉ: ―Dami 'yøhmbʉ, gätho ahʉ, nɛ dami pąhmbʉ na ga xi ahʉ ya.
24561	MRK 7:29	Nu'a ra Jesús bi 'yɛ̨mp'a: ―Xʉn ho ngue ngubʉ gá bɛ̨ni, janangue nu ra zįthu min 'youi ni t'įxu ya bi bøni. Ni mba ya.
24569	MRK 7:37	Nɛ gätho ʉ bi xifi ɛ̨mmɛ bi hyonya thoho ʉ, nɛ bi 'yɛ̨n'ʉ: ―Xøgue xʉn ho tho gätho i øt'a ra Jesús. Di jap yʉ gogu da 'yøhnahyą nɛ di japi din yą yʉ gore, bi 'yɛ̨n ʉ.
24570	MRK 8:1	Nu'ʉ yʉ pa ʉ, xʉn ngu yʉ ją'i bim pɛti mahøn'a bʉ ma'ueni mi 'bʉh ra Jesús, nɛ nte mi ja bʉ 'bɛ'a da zi, nguetho ma'ueni bʉ. Janangue a bi zohn'dʉ yʉ́ xädi ra Jesús nɛ bi 'yɛ̨mp'ʉ:
24574	MRK 8:5	Nu ra Jesús bi 'yän'dʉ: ―Hangu yʉ hmɛ guí cʉhʉ, bi 'yɛ̨mp'ʉ. ―Yotomhmɛ, bi 'yɛ̨n ʉ.
24581	MRK 8:12	Pɛ nu ra Jesús bin gą'ts'i, bi du rá mbʉi nguetho guexta'a hingui ɛ̨c'yɛi gue ja rá ts'ɛdi, nɛ bi 'yɛ̨mp'ʉ: ―Hanja ngue guexta'a guí äjʉ yʉ hmɛpya. Majuąni dí xi ahʉ hin te ma hmɛpya ga ut'ahʉ ya.
24586	MRK 8:17	Pɛ nu ra Jesús 'bex bi bądi ngue him mi pą ʉ ngue gue'ʉ yʉ́n t'øt'e yʉ fariseo nɛ'ʉ mi tɛn ra Herodes bi xifi, nɛ bi 'yɛmp'ʉ: ―Ha gue'a gnín 'yänhdʉ a, ngue nte bá hąhʉ ra hmɛ. Hin gadin 'yomfɛ̨nihʉ, xʉm mɛ tho ni mbʉihʉ.
24589	MRK 8:20	Nɛ nu'bʉ má xɛngä yoto yʉ hmɛ dá japi bin xąndi janangue a bin niyą xʉn ho goho mahuąhi dá 'uįngä, ha'mi 'bøts'e gá pɛthʉ yʉ xɛqui thą. Nɛ bi 'yɛ̨n'ʉ: ―Yoto 'bøts'e.
24596	MRK 8:27	Nɛ nu'bʉ mi bøm bʉ ra hnini Betsaida a ra Jesús nɛ yʉ́ xädi, bi mbähä bʉ ja yʉ hnini ra xɛqui Cesarea Filipo. Nu'bʉ mi mba bʉ 'yu bi 'yän'ndʉ yʉ́ xädi nɛ bi 'yɛ̨mp'ʉ: ―'Bɛ'a i man yʉ ją'i nanguecä, bi 'yɛ̨n'a ra Jesús.
24603	MRK 8:34	Nu'a ra Jesús bʉya bi zohn'dʉ yʉ ją'i nɛ yʉ́ xädi nɛ bi 'yɛ̨mp'ʉ: Hønt'a go to'o i nde da dɛngui, hin da zän zɛhɛ 'bɛ'a da 'yøt'e nɛ da hyät yʉn ʉnbi madague da tho, nɛ da bɛ̨ni tengu dím bɛngä.
24617	MRK 9:10	Janangue a bi bɛ̨ntho a ram hma bi sifi nɛ him bi ma. Nɛ bin 'yänzɛhɛ nɛ bin 'yɛ̨mp'ʉ: ―Bɛ'a ní mba a ram hma bi ma ra Jesús ngue da dąmbɛ̨ni.
24619	MRK 9:12	Mi dą a ra Jesús, bi 'yɛ̨mp'ʉ: ―Majuąni im man ʉ, bam 'bɛt'o ra Elías di hoqui gätho 'bɛ'a ja ua. Nɛ ha guím bɛ̨mhbʉ 'bɛ'a man rám hman Oją ngue din ja bʉya, ngue da zøh man'da din ją'i ua ja ra ximhäi, da nu xʉn ngu ran ʉnbi nɛ da t'ɛ̨mbi nte di muui.
24622	MRK 9:15	Gätho yʉ ją'i mi 'bʉpʉ bi hyonya thoho 'bʉ min nu ba ɛ̨pʉ ra Jesús nɛ bin 'yɛ̨mp'ʉ: “Bɛ'a din ja ya.” Nɛ 'bex bin tihi bi mba bí zɛngua.
24623	MRK 9:16	Nɛ nu ra Jesús bi 'yän'dʉ nɛ bi 'yɛ̨mp'ʉ: ―'Bɛ'a gue gnín junthʉ, bi 'yɛ̨mp'ʉ.
24626	MRK 9:19	Nu'a ra Jesús bi 'yɛ̨mp'a: ―Nu'ehʉ guexta a hin guí ɛ̨c'yɛihʉ 'bɛ'a dí xi ahʉ. Ha'mi pa ngue ga tøp'a thoho ahʉ ngue gui 'yɛ̨c'yɛigahʉ. Nu'a ni ts'ʉnt'ʉ ba singa ya, bi 'yɛ̨n'a ra Jesús.
24636	MRK 9:29	Nɛ nu ra Jesús bi 'yɛ̨mp'ʉ: ―Nuna ra zįthu tengu na, hin da zä gui hyømhbʉ thi 'bʉ hinga m'bɛt'o gui 'yɛ't' nin sihmɛhʉ nɛ ɛ̨mmɛ gan yąhʉ Oją, bi 'yɛ̨mp'ʉ yʉ́ xädi ra Jesús.
24642	MRK 9:35	Nu'bʉ min säya ra Jesús, ―Bá thąmhbʉ ua, bi 'yɛ̨mp'ʉ 'dɛ'mayoho yʉ́ xädi. Nɛ nubʉya bi 'yɛ̨mp'ʉ: ―To'o nde di ngʉrbi da 'yøt'e ngue dim 'bɛjua thoho nɛ din 'yɛ̨hɛ nangue gätho ʉ mi'da, bi 'yɛ̨n'a ra Jesús.
24643	MRK 9:36	Nɛ nubʉya bi japi dim 'bä inde n'da ra t'ʉhni, nɛ bi dospa rá xįxi nɛ bi 'yɛ̨mp'ʉ:
24646	MRK 9:39	Pɛ nu ra Jesús bi 'yɛ̨mp'ʉ: ―Nde'bʉ hin xqui hɛcpahʉ nguetho hin di c'ąman'ʉgä to'o øt' yʉn t'øt'e mixte nangue ma ts'ɛtigä.
24662	MRK 10:5	Nu'bʉ mi dą a ra Jesús bi 'yɛ̨mp'ʉ: ―Nangue'a xʉm mɛ ni mbʉihʉ janangue a gue a ran t'ɛ̨di bi man ra Moisés a.
24668	MRK 10:11	Nu ra Jesús bi 'yɛ̨mp'ʉ: ―Gätho te'o da hyɛh rá xisu nɛ da zim man'da, nu'a øt' ra 'yomt'ɛ̨ni a.
24684	MRK 10:27	Nu ra Jesús bin hyɛ̨thʉ yʉ́ xädi nɛ bi 'yɛ̨mp'ʉ: ―Hingui sä da dįnsɛ ra te maząi n'da ra ją'i pɛ nu Oją gätho da zä da 'yøt'e, bi 'yɛ̨n'a ra Jesús.
24690	MRK 10:33	Nɛ bi 'yɛ̨mp'ʉ: ―Nuya ná mbähä bʉ Jerusalén. Nɛ nugä ngue dán ją'igä ua ja ra ximhäi, da mba ma dägä bʉ 'bʉh yʉ ngʉrpa mbäją nɛ'ʉ yʉ xänbate niją, nɛ da 'yørcä ran juąnbi ʉ ngue ga tu, nɛ di dägä bʉ 'bʉ ʉ him ma mijudíohʉ.
24693	MRK 10:36	Nɛ nu ra Jesús bi 'yɛ̨mp'ʉ: ―'Bɛ'a guí nde ga øt'aui.
24695	MRK 10:38	Nɛ nu ra Jesús bi 'yɛ̨mp'ʉ: ―Nu'aui, hin guí pąhmi 'bɛ'a nam bøn'a guí ähmi. Ha da zä nɛ'aui gui säui ran ʉnbi ga sägä. Ha da zä nɛ aui gui hyät'ui ra dumbʉi ga hät'ä.
24696	MRK 10:39	―Da zä, bi 'yɛ̨n ʉ. Nɛ nu ra Jesús bi 'yɛ̨mp'ʉ: ―Majuąni, nu ran ʉnbi ga sägä gui säui a, nɛ nu a ra dumbʉi ga hät'ä nɛ aui gui hyät'ui a.
24708	MRK 10:51	Nu'a ra Jesús bi 'yɛ̨mp'a: ―'Bɛ'a guí nde ga øt'a i. Nɛ nu ra xädä bi 'yɛ̨mbi: ―Xänbate i, dí nde gui xoga ma dä.
24714	MRK 11:5	Nu'ʉ mi 'bʉpʉ bi 'yɛ̨n'ʉ: ―'Bɛ'a guí øt'ui bʉ, hanja guí xocui ra buru.
24718	MRK 11:9	Nu'ʉ mi 'bɛt'o bʉ ní mba a ra Jesús, nɛ ʉ mi 'bɛjua, gätho í mba ʉ bi 'yɛ̨n'ʉ: ―Mająpi a bá pɛnhd Oją, bi 'yɛ̨n ʉ.
24731	MRK 11:22	Nɛ nu'bʉ mi dąh ra Jesús, bi 'yɛ̨mp'ʉ: ―Dami 'yɛ̨c'yɛihʉ ngue gätho da zä da 'yøt' Oją a xʉn hɛ̨i.
24742	MRK 11:33	Nɛ nu'bʉ mi dą ʉ yʉ xänbate niją nɛ ʉ gätho min 'yohʉ, ―Hin dí pąhmbe, bi 'yɛ̨ntho ʉ. Nu ra Jesús bi 'yɛ̨mp'ʉ: ―Xinga guecä ga xi ahʉ to'o bi 'dacä man t'ɛ̨di, bi 'yɛ̨n'a.
24743	MRK 12:1	Nu ra Jesús 'bex bi dʉ'mi bi xi a n'da ran t'uti nɛ bi 'yɛ̨mp'ʉ: ―Nu n'da ran 'yohʉ bi 'yøt'a n'da ra nuąndät'o, nɛ bi fø't'e nɛ bi 'ya'ma n'da ra hyąhäi guepʉ da 'yøt'a n'da ran thɛ'ma guindät'o, nɛ bi hyø a n'da ra jądo xʉn hɛ̨ts'i da ndex ʉ da nu rá häi. Nɛ bi hmit'ʉ yʉ mbɛfi a rá häi ngue dim pɛpʉ, nɛ bi mba n'danni a ran 'yohʉ.
24757	MRK 12:15	Pɛ nu'a ra Jesús mi pądi høntho i nde da dįnbi 'bɛ'a dí yąp'a, janangue a bi 'yɛ̨mp'ʉ: ―Hanja gní 'yängahʉ, xi'a ni mbɛti gní juthʉ ra renta im man ra ts'ʉt'abi, gan nugä.
24759	MRK 12:17	Mí dąh ra Jesús nɛ bi 'yɛ̨mp'ʉ: ―Nu'a rá mbɛti ra ts'ʉt'abi Roma, gui un'na. Nu'a xin rá mbɛti Oją gui un'na Oją a, bi 'yɛ̨mp'ʉ. Nɛ nu'ʉ bi hyonya thoho nangue a bi man'a ra Jesús.
24766	MRK 12:24	Mi dąh ra Jesús nɛ bi 'yɛ̨mp'ʉ: ―Nu'ahʉ 'dan'yo thoho guí mamhbʉ nguetho hin guím bɛ̨mhbʉ 'bɛ'a mam bʉ ja rá t'ohni Oją xín rá ts'ɛdi Oją guí pąhmbʉ.
24777	MRK 12:35	Nɛ mí xänba yʉ ją'i a ra Jesús bʉ ja ra dąnija, nɛ bi 'yɛ̨mp'ʉ: ―Hanja ɛ̨n ʉ yʉ xänbate niją ngue nu ra Cristo rám bom'bɛto ra David a, nɛ xim mi ɛ̨mbi rá Hmu 'bʉ hin ním 'bʉi, nguetho mi ɛ̨n'a ra David: Nu'a Oją bi 'yɛ̨mp'a ma Hmu: “'Dat'ua ga huhmi ga conhui ma ts'ɛdi gue'bʉ go dá tąpä nin sʉihʉ ua ja ra ximhäi nɛ gui manda ʉ bʉya,” bi t'ɛ̨mp'a ma Hmu, bi 'yɛ̨n a ra David 'bʉ mí bɛ̨nba rá Hogandąhi Oją nangue 'bɛ'a da 'yøt' ra Cristo.
24780	MRK 12:38	Nɛ bi thoqui bi xänba yʉ ją'i a ra Jesús bi 'yɛ̨mp'ʉ: ―Gam fähmbʉ nangue a i xi ahʉ yʉ xänbate niją, nguetho hønt'a ran 'yɛ̨ts'i i øt'ʉ nɛ di ho da hye yʉ pahni xʉ mba guepʉ i 'yo, nɛ di ho da mba ma zɛngua bʉ ja yʉ täi,
24785	MRK 12:43	Nɛ nu'bʉ mi nu a bi 'yøt'a ra xisu bʉya nɛ bi 'yɛ̨mp'ʉ: ―Majuąni dí xi ahʉ nuna zʉ hyoya xisu man'da xʉn ngu di muui a bi gärpʉ ja ra huada xinda gue'ʉ gätho mi'da.
24787	MRK 13:1	Nu'bʉ mi bøm bʉ ja ra dąnija ra Jesús nɛ yʉ́ xädi, nu'a n'da bi 'yɛ̨n'a: ―Xänbate i, hyandi ts'ʉ nʉ ra niją, ɛ̨mmɛ xʉ ndoho yʉ do n'yohʉ nɛ ɛ̨mmɛ mahotho.
24788	MRK 13:2	Mi dąh ra Jesús nɛ bi 'yɛ̨mp'ʉ: ―Guín nuhʉ ngue mahotho nɛ ɛ̨mmɛ ndoho yʉ do, pɛgue da zøn ra pa da so't'i, bi 'yɛ̨mp'ʉ.
24791	MRK 13:5	Mi dą a ra Jesús nɛ bi 'yɛ̨mp'ʉ: ―Gam fähmbʉ njon da hyä ahʉ,
24795	MRK 13:9	Nɛ xø bi 'yɛ̨n'a: ―Nɛ gam fähmbʉ njon di 'uec'ahʉ bʉ ja rá 'yu Oją, nguetho da mba ma dä ahʉ bʉ ja ran juąnbate, nɛpʉ ja yʉ́ niją ma mijudíohʉ da 'bɛp'ahʉ, nɛ nangue guí ɛ̨c'yɛigahʉ da ts'on'nahʉ bʉ 'bʉh yʉ ts'ʉt'abi, nɛpʉ 'bʉh yʉ dąts'ʉt'abi ngue da ts'ɛp'ahʉ. Nɛ xʉn ho 'bʉ din jabʉ nɛ gue'a dí zä gui xihmbʉ mam hmangä ʉ.
24829	MRK 14:6	Nɛ nu ra Jesús bi 'yɛ̨mp'ʉ: ―Hanja guín jahʉ bʉ, o guidi pahmbʉ ra xisu nguetho xʉn ho bi 'yørcä na.
24841	MRK 14:18	Gätho bin sihmɛ ʉ. Nɛ nu ra Jesús bi 'yɛ̨mp'ʉ: ―Majuąni dí xi ahʉ, dí sihmɛhʉ ua n'da gue di dägä, bi 'yɛ̨mp'ʉ.
24852	MRK 14:29	Nu'a ra Pedro bi 'yɛ̨n'a: ―Madague a gätho da 'dah ya 'da, pɛ nugä hin ga soc'i'i.
24854	MRK 14:31	Pɛ nu'a ra Pedro man'da nts'ɛdi bi 'yɛ̨n'a: ―Nugä hin ga cøn'a i madague'bʉ 'darpʉ ga tuui, bi 'yɛ̨mbi. Nɛ 'da'angu bi ma gätho ʉ mi'da yʉ́ xädi bʉya.
24857	MRK 14:34	Nɛ bi 'yɛ̨mp'ʉ: ―Ɛ̨mmɛ tu ma mbʉi, ɛ̨na da hyog ra dumbʉi. Gui cohmbʉ ua nɛ gan äthąhʉ, bi 'yɛ̨mp'ʉ.
24864	MRK 14:41	Ná hyųndį bán yąui Oją, 'bʉ mam bá pengbʉ bá co ʉ hyu, nɛ bi 'yɛ̨mp'ʉ: ―Ąhmahʉ ya, damin säyahʉ ya, bi 'yɛ̨n'a. Nuya bi zøn ra ora ngue da mba ma dägä bʉ 'bʉh yʉ ts'om'bäi, nugä ngue dán ją'igä ua ja ra ximhäi.
24894	MRK 14:71	Nu'a ra Pedro bʉya bi 'yɛ̨mp'ʉ: ―Nu'bʉ him majuąni dí xi ahʉ, Oją da zɛgbä, janangue dí xi ahʉ, hin dí pącä a ran 'yohʉ guí mamhbʉ, bi 'yɛ̨n a.
24904	MRK 15:9	Janangue a nu ra Pilato bi 'yɛ̨mp'ʉ: ―Ha gue'a ni hmuts'ʉt'abihʉ gyʉ́ israelhʉ, gyʉ́ judíohʉ, ga thøc'ahʉ, bi 'yɛ̨mp'ʉ.
24909	MRK 15:14	Pɛ nu ra Pilato bi 'yɛ̨mp'ʉ: ―'Bɛ'a gue man ts'o xʉ 'yøt'na, bi 'yɛ̨mp'ʉ. Nɛ nu'ʉ yʉ ją'i man'da nts'ɛdi bi 'yɛ̨n ʉ: ―Go cuarpʉ ja ra pont'i na, bi 'yɛ̨n ʉ.
24926	MRK 15:31	Nɛ ximangutho bi man ʉ yʉ ngʉrba mbäją bin 'yɛ̨mp'ʉ: ―Nuna, bi yąnba yʉ́ te ʉ 'da, pɛ hingui sä din yąnsɛ ya.
24930	MRK 15:35	Nu'bʉ mi 'yø ʉ 'da 'bʉpʉ, bin 'yɛ̨mp'ʉ: ―Nuna, nzo a ra Elías, bin 'yɛ̨mp'ʉ.
24948	MRK 16:6	Pɛ nu'a, bi 'yɛ̨mp'ʉ: ―O guín suhʉ. Dí pącä guí homhbʉ ra Jesús ra mɛngu Nazaret, ngue bi 'døm'pʉ ja ra pont'i, pɛ bi dąmbɛ̨ni a, njo'o ua ya. Dami nuhʉ ua mí 'bɛni, bi t'ɛ̨mp'ʉ yʉ xisu.
24957	MRK 16:15	Nɛ nubʉya bi 'yɛ̨mp'ʉ: ―Ni mbähä gätho na ngʉni ra ximhäi, gui mamhbʉ ran ho ma'da'yo. Hønbʉ go hapʉ i 'bʉh yʉ ją'i gui xihmbʉ.
24996	LUK 1:34	Nu ra María bi 'yɛ̨n'a: ―Hague dán zä din jabʉ nɛ hin jąm'bʉ dán yą'be n'da ran 'yohʉ, bi 'yɛ̨na.
24997	LUK 1:35	Pɛ nu rám 'bɛhni Oją bi 'yɛ̨mp'a: ―Nu rá ts'ɛdi rá Hogandąhi Oją di ja i gui tįn ni t'ʉhni, nɛ nu'a dim 'bʉi, rá Ts'ʉnt'ʉ Oją a.
25000	LUK 1:38	Nu'a ra María bi 'yɛ̨n'a: ―Nugä rá 'yɛ̨hɛgä Oją, nu'bʉ gue'a in nde Oją, da 'yørque gätho guím ma, bi 'yɛ̨na. 'Bex bi mbeng mahɛ̨ts'i rám 'bɛhni Oją bʉya.