23272	MAT 3:11	Nɛ xø bi xi ʉ mi'da: ―Nugä dí xixyą ahʉ nangue ra dehe 'bʉ ya gá päh ni mbʉihʉ, pɛ nu'a man'da ba ɛ̨hɛ, di hoc'ahʉ nangue rá Hogandąhi Oją tengu'bʉ n'da ra sibi. Nɛ nu'a, man'da i ja rá ts'ɛdi xinda guecä. Hin dí sʉcä tengu a, i ɛ̨n a ra Xuua.
23389	MAT 7:4	Nɛ ha da zä gui xihmbʉ ni miją'ihʉ: “Mba ga hąp'a ra häi o ni dä,” sä gui 'yɛ̨mfʉ, nɛ go man'da xʉn ndoho ra xɛcza i o ni dähʉ.
23408	MAT 7:23	Pɛ nugä ga ɛ̨mp'ʉ: “Njąm'bʉ dá pą ahʉ. Dami 'uehmbʉ ua ja ma hmigä, gyʉ ts'om'bäihʉ,” ga ɛ̨mbi, bi 'yɛ̨n'a ra Jesús.
23544	MAT 11:16	Ga xi ahʉ 'bɛ'a guí øthʉ ya, ngue nte guí ʉrpahʉ ra güɛnda. Guí øthʉ tengu i øt' yʉ t'ʉhni 'bʉ in ɛ̨ni. Din sʉsɛ ʉ, nɛ i xih yʉ́ mit'ʉhnihʉ:
23712	MAT 15:10	Nɛ nubʉya, nu ra Jesús bi zon'dʉ yʉ ją'i: ―Dami 'yøhmbʉ 'bɛ'a dí xi ahʉ janangue'a gui pąhmbʉ 'bɛ'a nam bøn'a.
23789	MAT 17:20	Bi dą a ra Jesús nɛ bi 'yɛ̨na: ―Him bi zä gá hyømhbʉ thi ra zįthu, nguetho ts'ʉtho guí ɛ̨c'yɛihʉ. Man'da zi ts'ʉtho ni t'ɛ̨c'yɛihʉ xinda gue n'da rá hmudä ra c'u ngue ɛ̨mmɛ zicuɛ. Nɛ nu'bʉ da zøni gui 'yɛ̨c'yɛihʉ tengu n'da rá hmudä ra c'u, da zä gui xihmbʉ n'da ra t'øhø: “Dami 'uegue gui thąn nʉ n'danni,” gui 'yɛ̨mfʉ, nɛ da 'uegue. Hin te gui hyɛ̨mfʉ 'bʉ majuąni gui 'yɛ̨c'yɛihʉ. Gätho xʉn hɛ̨i i sä gui 'yøthʉ, bi 'yɛ̨nje.
23867	MAT 20:6	Nɛ'bʉ mi zøn a cʉt'a nde, xø 'yo bʉ mahøn'a nɛ bi nu bʉ mi'da yʉ ją'i: “Hanja ngue xcán dethohʉ,” bi 'yɛ̨mbi.
23873	MAT 20:12	nɛ bi 'yɛ̨mp'a ra mɛ'bɛfi: “Hanja ngue 'da angu gá jurcahe ʉ m'bɛjua bi zøhø, nɛ ts'ʉtho bim pɛ ʉ. Pɛ nugähe, gätho ra pa dám pɛhmbe, madague'a xʉm pa ra hyadi,” bi 'yɛ̨mbi.
23892	MAT 20:31	Nɛ nu yʉ ją'i min 'yohʉ ra Jesús bi hɛcpa ʉ yʉ xädä. Pɛ man'da bi mba ʉ, bi 'yɛ̨m mahøn'a: ―Grá Hmu, rám bom'bɛto i ra David, dami huɛ̨gä'be, bi 'yɛ̨n'ʉ.
23916	MAT 21:21	Bi dą'a ra Jesús: ―Majuąni dí xi ahʉ, nu'bʉ gui 'yɛ̨c'yɛigahʉ xʉn ho, nɛ n'dat'a guim bɛ̨mhbʉ a rá ts'ɛdi Oją, hinga hønt'a dá øt'ä sä gui 'yøthʉ, pɛ sä gui 'yøthʉ man'da xʉn hɛ̨i. Sä gui xihmbʉ nʉ ra t'øhø: “Dami 'uegue guin hyøzɛhɛ bʉ ja ra deją,” gui 'yɛ̨mfʉ, nɛ da 'ueh pʉya.
23918	MAT 21:23	Nɛ nu'bʉ má sømhbe bʉ Jerusalén, xø bin xänbate bʉ ja ra dąniją a ra Jesús. Nɛ xø bi mba bʉ yʉ hmumbäją nɛ mi'da ma ngʉrpihe, nɛ bi 'yän mahøn'a: ―Hanja gní 'yøt'a njabʉ. To'o bi 'da'a nin t'ɛ̨di, bi 'yɛ̨n'ʉ.
23933	MAT 21:38	Pɛ nu'bʉ mí nu ba ɛ̨pʉ rá ts'ʉnt'ʉ, nu yʉ mbɛfi xø bi bɛ̨n'ʉ: “Nuna, rá ts'ʉnt'ʉ zɛhɛ, da gohmi ra häi na 'bʉ bi du rá ta. Pɛ mbähä ga hohʉ, janangue ga cosɛhʉ ra häi bʉya.”
24089	MAT 25:12	Pɛ nu'a ra hmu bi dąt'ʉ: “Hin dí padi to'o ahʉ,” bi 'yɛ̨mbi, nɛ him bi xocpi, bi 'yɛ̨n'a ra Jesús.
24154	MAT 26:31	Nɛ bi 'yɛ̨ngähe ra Jesús mahøn'a: ―Dí pądi, nu'bʉ ni xui, gätho gui soga thohohʉ, bi 'yɛ̨ngähe ra Jesús. Nɛ gue'a nt'o't'i bʉ ja rám hman Oją, i ɛ̨na: “Ga ho ra mbändɛ'yo nɛ din 'uɛ̨xt'ʉ yʉ́ dɛ'yo bʉya,” i ɛ̨n Oją, bi 'yɛ̨n'a ra Jesús.
24158	MAT 26:35	Nu ra Pedro bi dąti mahøn'a: ―Madague'bʉ 'darpʉ ga tuui, pɛ njąm'bʉ ga cøn'i, bi 'yɛ̨na. Nɛ n'dat'a gätho dá mamhbe ngue hin ga 'uehmbe ʉ ma mixädihe.
24165	MAT 26:42	Nɛ ná yondį bʉya bi mba bi nyąui Oją mahøn'a: ―Ma Ta i, nu'bʉ ya hin da zä ga socä a xcá sänni, pɛ hønt'a ni pähä zɛhɛ gui 'yøt'e, bi 'yɛ̨n'a ra Jesús.
24235	MAT 27:37	Nɛ nubʉ rá yą a ra pont'i bi mba nt'o't'i bʉ ram hma bi ma 'bɛ'a í ts'ɛmba a ra Jesús, bi 'yɛ̨n'a ra t'ohni: “Nuna ra Jesús na, rá hmuts'ʉt'abi yʉ judío na.”
24299	MRK 1:15	Nɛ bi 'yɛ̨mb yʉ ją'i: ―Mi ts'ʉtho da zøn ra pa di manda ua rá ts'ɛdi Oją, dami päh nin 'yomfɛ̨nihʉ, damin unsɛhʉ di manda ahʉ Oją 'dahma din ja ahʉ ra te ma'da'yo. Gue'a bi man a ra Jesús 'bʉ mí 'yɛ̨mp'ʉ yʉ ją'i.
24336	MRK 2:7	bi 'yɛ̨nsɛ mbo yʉ́ mbʉi n'da ngu n'da: “Xina, hanja ni man na tengu na. Pɛ hingui numansu Oją na, njo'o n'da ra ją'i da zä di punba yʉ́ ts'oqui n'da, hinda hønt'a Oją,” bi 'yɛ̨nsɛ yʉ́ mbʉi ʉ.
24339	MRK 2:10	Pɛ nugä ngue dán ją'igä ua ja ra ximhäi, ga ut'ahʉ ya i ja man t'ɛ̨di ua ja ra häi ngue ga punba yʉ́ ts'oqui n'da ra ją'i, jannangue'a ga japi din 'yo na ran 'yohʉ ya, bi 'yɛ̨n a ra Jesús. Nɛ nubʉya, bi 'yɛ̨mp'a mí ts'a rá ją'i:
24390	MRK 3:33	Nu ra Jesús bʉya bi dąt'ʉ: ―Ga xi ahʉ te'o a ma mbe nɛ man 'yohʉ.
24401	MRK 4:9	Nɛ xø bi 'yɛ̨mp'ʉ yʉ ją'i: ―Hønt'a go to'o ja yʉ́ zagu bi 'yø a dá ma, bi 'yɛ̨mbi.
24405	MRK 4:13	Nɛ xø bi 'yɛ̨mp'ʉ mahøn'a: ―Nu'bʉ hin guí pąhmbʉ 'bɛ'a na mbøn'a ran t'uti dá mangä, ha da zä gui pąhmbʉ gätho mi'da ga xi ahʉ 'bʉ.
24418	MRK 4:26	Nu ra Jesús bi 'yɛ̨mp'ʉ mahøn'a: ―Nuya di manda ua rá ts'ɛdi Oją madague'bʉ hin di nɛqui, tengu thoho n'da ra hmudä 'bʉ bi du a n'da ran 'yohʉ, madague'bʉ hingui nu hague ám bøts'e pɛgue i pądi da bøts'e, nte im bɛ̨ntho.
24473	MRK 5:40	Nu'bʉ mi 'yøh yʉ ją'i 'bɛ'a bi man a, bi den thoho bʉya. Nu ra Jesús bʉya, bi 'yɛ̨mp'ʉ yʉ ją'i: ―Dami pømhbʉ thi, bi 'yɛ̨mbi. Hønt'a rá ta nɛ'a rá mbe ra hmute xí du nɛ yʉ́ xädi, bi yʉthʉ ra Jesús bʉ 'bɛn a ra hmute.
24598	MRK 8:29	Nu ra Jesús bi 'yänzɛhɛ yʉ́ xädi mahøn'a: ―Xi ahʉ, 'bɛ'a guí mamhbʉ nanguecä. 'Bex bi dą a ra Pedro, bi 'yɛ̨mbi: ―Nu'i gue'e grá Cristo, rá Thahni i Oją, bi 'yɛ̨n'a.
24624	MRK 9:17	'Bex bi dą a n'da ran 'yohʉ mín 'yohʉ yʉ ją'i: ―Xänbate i, nugä bá sigä ua n'da ma ts'ʉnt'ʉ ngue in 'youi ra zįthu di japi i gore.
24631	MRK 9:24	Nu'a rá ta ra t'ʉhni 'bex bi dąti nts'ɛdi: ―Majuąni dí ɛ̨c'yɛi pɛ dami jaqui man'da ga ɛ̨c'yɛi xʉn ho, bi 'yɛ̨na.
24635	MRK 9:28	Nɛ bi mbähä yʉ́ xädi ra Jesús bʉ ja ra ngu bʉya. Nu'bʉ mi zøm bʉ bi 'yän bʉ ma'ueni ts'ʉ: ―Hanja him bi zä dá hømhbe thi ra zįthu min 'youi ra t'ʉhni, bi 'yɛ̨n'ʉ yʉ́ xädi.
24681	MRK 10:24	Nɛ nu yʉ́ xädi bi hyonya thoho a bi man ra Jesús. Pɛ nu ra Jesús xø bi 'yɛ̨mp'ʉ yʉ́ xädi mahøn'a: ―Ma zʉ t'ʉhni ahʉ, xʉn hɛ̨i da yʉrpʉ di manda rá ts'ɛdi Oją n'da 'bʉ i hu rá mbʉi nangue ra mbɛti.
24823	MRK 13:37	Nɛ nu'a dí xi ahʉ, ngutho dí xicä gätho mi'da: “Dami tømhbʉ,” bi 'yɛmp'ʉ yʉ́ xädi a ra Jesús.
24843	MRK 14:20	Nɛ nu'a ra Jesús bi dąt'ʉ: ―Go gue'a n'da gue gue'ahʉ guí 'dɛ'mayoho ahʉ gue dí comh ma mbohi'be.
24871	MRK 14:48	Nɛ nu ra Jesús bi 'yɛ̨mp'ʉ bi bɛnt'i: ―Ha guí ɛ̨mhbʉ drá bɛ̨gä ngue guá hąhʉ ni juaihʉ nɛ ni zahʉ ngue gui bɛntcahʉ.
24884	MRK 14:61	Nu'a ra ngʉrpa mbäją bi 'yän mahøn'a: ―Ha gue'e grá Cristo. Ha gue'e rá Ts'ʉnt'ʉ i Oją nuįxte rá ts'ɛdi.
24907	MRK 15:12	Nu ra Pilato xø bi 'yɛ̨mp'ʉ mahøn'a: ―Xina ni hmuts'ʉt'abihʉ, gyʉ́ israelhʉ, gyʉ́ judíohʉ, 'bɛ'a ga ørpä na bʉya, bi 'yɛ̨n'a.
25154	LUK 4:22	Nɛ gätho yʉ ją'i bin yąmanho nangue ra Jesús nɛ bi hyonya thoho nguetho mahotho a bi man ra Jesús bʉ ja ra niją. Nɛ ɛ̨n'ʉ: ―Hanja ngubʉ i øt'e, ɛ̨n'ʉ nguetho im bɛ̨ni gue ra Jesús rá ts'ʉnt'ʉ ra José.
25168	LUK 4:36	Nɛ bi hyonya thoho yʉ ją'i 'bɛ'a bin ja na ran 'yohʉ. Nɛ bin 'yɛ̨mzɛhɛ n'da ngu n'da: “'Bɛ'a ní ts'ɛdi i ja na ran 'yohʉ nɛ i sä i høn'a thi yʉ zįthu,” bin 'yɛ̨mzɛhɛ ʉ.
25173	LUK 4:41	Nɛ yʉ zįthu min 'yohʉ 'da yʉ ją'i bi japi da bøn'ʉ. Nɛ nts'ɛdi i mba'ʉ, i ɛ̨n'ʉ: ―Nu'i, rá Ts'ʉnt'ʉ i Oją, bi t'ɛ̨mp'a ra Jesús. Pɛ nu ra Jesús him bi japi din yą nguetho mi pą'ʉ gue ra Cristo a ra Jesús.
25200	LUK 5:24	Pɛ ga ut'ahʉ ngue i ja man t'ɛ̨di ua ja ra häi ga punba yʉ́ ts'oqui n'da ra ją'i, ngue ga japi din 'yo na ran 'yohʉ, guecä gue dán ją'igä ua ja ra ximhäi, bi 'yɛ̨n'a ra Jesús. Nɛ nubʉya bi 'yɛ̨mp'a mí ts'a rá ją'i: ―Dami ndants'i, gui cąx ni fįdi nɛ gui mba ni ngu, bi t'ɛ̨mbi.
25207	LUK 5:31	Nu ra Jesús bi xi a n'da ran t'uti 'bʉ mi dąt'ʉ: ―To'o i 'bʉh mán zaqui hingui hon'a to'o da 'yøthe, pɛ hønt'a to'o xʉn ʉ i hon'a da 'yøthe.
25223	LUK 6:8	Pɛ nu ra Jesús i pądi 'bɛ'a im bɛ̨n'ʉ. Nɛ bi xi'a ran 'yohʉ mi ja rá mbɛdi'yɛ: ―Ba ɛ̨cua, damim 'bäcua da nu'a yʉ ją'i, bi 'yɛ̨mbi. Nɛ 'bex bi mba bʉ ran 'yohʉ.
25288	LUK 7:24	Nɛ nu'bʉ mi mbenc'ʉ yʉ́m 'bɛhni ra Xuua bʉya, nu ra Jesús bi ma 'bɛ'a øt' ra Xuua, nɛ bi 'yɛ̨mp'ʉ yʉ ją'i: ―Nu'bʉ gá mbähä bʉ ma'ueni ngue gá nuhʉ ra Xuua, 'bɛ'a gá bɛ̨mhbʉ ngue gua nuhʉ bʉ. Ha guá nuhʉ n'da ran 'yohʉ xʉn güent'i tengu n'da ra xithi i ɛn ran dąhi.
25296	LUK 7:32	Guí øthʉ tengu øt' yʉ t'ʉhni 'bʉ in ɛ̨ni nɛ i ɛ̨mp'ʉ yʉ́ mit'ʉhnihʉ: “Nugähe, dá pɛhmbe ra 'bida pɛ nu'ahʉ hin gán nɛhmbʉ,” ɛ̨n'ʉ 'da. Nɛ xø ɛ̨n'ʉ mi'da bʉya: “Pɛ nugähe, dá pɛhmbe yʉ thuhu tengu'bʉ xʉn du n'da, nɛ nu ahʉ hin gán zomhbʉ,” ɛ̨n'ʉ mi'da.
25442	LUK 10:10	Pɛ hønt'a go nda'a má hnini gui cʉthʉ, nɛ nu'bʉ hin da zin ahʉ yʉ ją'i bʉ, gan 'yohʉ bʉ ja ra hnini, nɛ gui 'yɛ̨mfʉ yʉ ją'i:
25473	LUK 10:41	Nu ra Jesús bi dąt'a: ―Ma zʉ Marta, ɛ̨mmɛ guím bɛ̨n'a ni 'bɛfi.
25588	LUK 13:1	Nɛ bi si'a ra Jesús 'bɛ'a xí t'ørpa 'da yʉ mɛngu bʉ Galilea nɛ bi t'ɛ̨mbi: ―Nu'a ra Pilato bi manda dí ho'ʉ 'da nu'bʉ mim bøx yʉ́ 'bøts'e bʉ ja ra dąniją Njerusalén, bi 'yɛ̨mbi.
25784	LUK 18:27	Nu'a ra Jesús bi dąt'ʉ: ―Nu'a Oją sä da 'yøt'a hingui sä da 'yøzɛhɛ yʉ ją'i, bi 'yɛ̨n'a ra Jesús.
25900	LUK 21:5	Nu'a ra Jesús mi ø'a man yʉ ją'i: “Mahotho ra dąniją, nɛ mahotho yʉn t'unni i zʉpʉ.” Pɛ ra Jesús bi 'yɛ̨mp'ʉ:
25991	LUK 22:58	Nu'bʉ mi tho n'da zʉ t'ʉ ora, n'da ran 'yohʉ bi nu'a ra Pedro nɛ bi 'yɛ̨mbi mahøn'a: ―Nu'i grán 'yohʉ, gue'e gmin 'yohʉ ra Jesús. Pɛ nu'a ra Pedro bin cøni: ―Hinga guecä, bi 'yɛ̨na.
26134	JHN 1:21	Nɛ bi t'änni mahøn'a: ―To'o e, ha gue'e gra Elías. ―Hin'na, hinga guecä, bi 'yɛ̨n'a. ―Ha gue'e gra pøngahyą bi man ra Moisés gue ba ɛ̨hɛ. Nɛ bi dąti: ―Hin'na, bi 'yɛ̨ntho.
26135	JHN 1:22	Nɛ bi t'änni mahøn'a: ―To'o e. Xije. Nu'bʉ gui xije nɛ da zä ga xihmbe ʉ bá pɛngähe bʉya.
26172	JHN 2:8	Nɛ bi 'yɛ̨mbi mahøn'a: ―Dami 'yä i ts'ʉ ra dehe nɛ gui un'na ra ngʉrpa 'yɛ̨hɛ, bi 'yɛ̨na. Nɛ bi un bʉya.
26180	JHN 2:16	Nɛ bi t'ɛ̨mp'ʉ yʉ mbäts'ąha: ―Ní mbähä, dami six ni dojahʉ. Hingui sä gui 'yøthʉ ra nguntäi ua rá ngu ma Ta, bi 'yɛ̨n'a ra Jesús.
26183	JHN 2:19	Nu ra Jesús bi dąt'ʉ: ―Ga xi ahʉ ra hmɛpya gá 'yäjʉ. Nu'bʉ gui xothʉ ra niją ua, nɛ hyupa thoho dá høh mahøn'a, bi 'yɛ̨mp'ʉ.
26241	JHN 4:16	Nu'a ra Jesús bi dąt'a: ―Grá xisu, ní mba bá si a ni ndø.
26242	JHN 4:17	Nu'a ra xisu bi dąt'a: ―Njo'o ma ndø, bi 'yɛ̨ntho. Nu'a ra Jesús bi 'yɛ̨mp'a: ―Majuąni guím ma, njo'o ni ndø.
26253	JHN 4:28	Nu ra xisu bʉya 'bex bi zopʉ rá mbamhmi, nɛ bi mba bʉ hnini bi xih yʉ ją'i:
26277	JHN 4:52	Nɛ bi 'yänni: ―'Bɛ'a ma ora bi zä. Nɛ bi t'ɛ̨mbi: ―N'dande mande bi bøn ra pa, bi 'yɛ̨n'ʉ.
26289	JHN 5:10	Nu'ʉ 'da ma mijudíohe bi 'yɛ̨mp'a ran 'yohʉ xín hoh rá ją'i: ―Nuya ra pa ran ts'äya ya, hingui sä gui cąx ni fįdi, bi t'ɛ̨mp'a.
26295	JHN 5:16	Janangue'a bi dʉp'ʉ ma ngʉrpihe dyʉ judíohe di ʉcpa ra Jesús, nɛ im bɛ̨ni da hyo. Nguetho ɛ̨n'ʉ: “I øt' rá 'bɛfi a ra pa ran ts'äya.”
26379	JHN 6:53	Nɛ nu ra Jesús bi dąt'ʉ: ―Majuąni dí xi ahʉ, nu'bʉ hin gui sihʉ ma ngøc'yɛ̨i nɛ ma ji, guecä dán ją'igä ua ja ra ximhäi, hin'yʉ mbo ni mbʉihʉ ra 'da'yote maząi.
26391	JHN 6:65	Nɛ bi 'yɛ̨mp'ʉ mahøn'a: ―Janangue'a dá xi ahʉ, hingui sä n'da ra ją'i ba ɛ̨hɛ da dɛngui 'bʉ him bi jap'a ma Ta bi däc rá mbʉi.
26394	JHN 6:68	Nu ra Simón Pedro bi dąt'a: ―Ma Hmu i, pɛ njo'o man'da da zä ga tɛnhde nguetho nu'i ja nim hma di un ra 'da'yote maząi.
26418	JHN 7:21	Nu ra Jesús bi dąt'ʉ: ―Nugä dá øt'a n'da ra 'bɛfi 'bʉ ra pa ran ts'äya, nɛ gätho ahʉ gá hyonya thohohʉ.
26433	JHN 7:36	'Bɛ'a ním bøn'a man'a: “Gui hyonjʉ nɛ hin gui tįnjʉ, nɛ hin da zä gui sømhbʉ hapʉ ga mba,” ɛ̨njʉ, bin 'yɛ̨mzɛhɛ ʉ.
26434	JHN 7:37	Nu rán zɛgui ra pa nangue yʉm pɛti mí øt'ʉ, gue'a ra pa ɛ̨mb yʉ ją'i man'da xʉn ndʉxqui a. Nɛ 'bäpʉ ra Jesús nɛ nts'ɛdi im man'a: ―Nu'a to'o di 'bɛ a man'da mahyoni thoho rá mbʉi, tengu'bʉ i tuthe, ba ɛ̨hɛ ga un'na mahyoni thoho, tengu'bʉ da zi ra dehe.
26469	JHN 8:19	'Bex bi 'yɛ̨n'ʉ: ―Hapʉ 'bʉh ni ta, bi 'yɛ̨mbi. Nɛ nu ra Jesús bi dąt'ʉ: ―Hin guí pąjʉ, xínga gue'a ma Ta guí pąhmbʉ. Nu'bʉ xquí pąjʉ, nɛ'a ma Ta xquí pąhmbʉ 'bʉ, bi 'yɛ̨na.
26492	JHN 8:42	Nu'a ra Jesús bi dąt'ʉ: ―Nu'bʉ da gue'a Oją ni tahʉ, xquí numanhojʉ 'bʉ, nguetho bá ɛ̨cä bʉ bí 'bʉ Oją. Nɛ hin bá ɛ̨cä nangue ma ts'ɛdi zɛhɛ pɛ gue'a Oją bá pɛngä ua.
26499	JHN 8:49	Nu ra Jesús bi dąt'ʉ: ―Nugä hin dí 'bʉ'be n'da ra zįthu pɛ dí numansu ma Ta. Nu'ahʉ hin guí numansujʉ.
26504	JHN 8:54	Nu'a ra Jesús bi dąt'ʉ: ―Nu'bʉ xcá honi dan nuįxte zɛhɛgä, säti thoho 'bʉ. Pɛ nangue a rá ts'ɛdi ma Ta, gue'a nán nuįxtegä a, gue'a guí ɛ̨mfʉ ni Ojąhʉ.
26524	JHN 9:15	Nu yʉ fariseo bi 'yänni mahøn'a: ―Hague nja bi nu ran nɛqui ni dä. Nɛ bi 'yɛ̨mp'ʉ: ―Bi gosca ra bøhäi ma dä, nɛ bán xʉdä, nɛ nuya dín nu ran nɛqui, bi 'yɛ̨na.
26535	JHN 9:26	Nɛ bi 'yɛ̨mbi mahøn'a: ―'Bɛ'a bi 'yøt'a'i 'bʉ mí xoc'a ni dä.
26536	JHN 9:27	Nɛ bi dą'a: ―Nugä ya xtá xi ahʉ nɛ hin gá 'yɛ̨c'yɛihʉ. Ha gui 'yɛ̨c'yɛihʉ 'bʉ ga xi ahʉ mahøn'a. Ha nɛ ahʉ guín nde gui tɛnhdʉ a 'bʉ, bi 'yɛ̨na.
26543	JHN 9:34	Nɛ bi t'ɛ̨mp' mahøn'a: ―Nu'i grá dądits'oqui, janangue'a guí xädä 'bʉ gmím 'bʉi. Ha go gui xängahe, bi 'yɛ̨n ʉ. Nɛ bi hyøn a thi gue ma zä hin da numanho ma mijudíohe bʉya.
26545	JHN 9:36	Nɛ bi dąt'a: ―Ma Hmu, to'o a guím ma. Dami xiqui ts'ʉ, ga ɛ̨c'yɛi a, bi 'yɛ̨na.
26557	JHN 10:7	Janangue'a 'bex bi 'yɛ̨mbi mahøn'a: ―Majuąni dí xi ahʉ, nugä drá goxthigä a ra mbä't'i guepʉ i 'bʉh yʉ dɛ'yo.
26575	JHN 10:25	Nɛ nu ra Jesús bi dąt'ʉ: ―Ya xtá xi ahʉ pɛ hin gá 'yɛ̨c'yɛigahʉ. Nɛ'a ra 'bɛfi dí øt'ä nangue rán t 'ɛ̨di ma Ta, i udi to'ogä.
26584	JHN 10:34	Nu ra Jesús bi dąt'ʉ: ―Ha hinga nt'o't'i bʉ ja yʉn t'ɛ̨di gadín xähmbʉ, gue bi 'yɛ̨n Oją: “Nu ahʉ tengu'bʉ gyʉ́ ojąhʉ,” i ɛ̨m bʉ ja ra t'ohni.
26603	JHN 11:11	Nɛ m'bɛjua bi 'yɛ̨nje mahøn'a: ―Nu'a ma amigohʉ ra Lázaro i ąha. Nɛ ga mbähä ga ents'ä a, bi 'yɛ̨na.
26615	JHN 11:23	Nu a ra Jesús bi dąt'a: ―Nu'a ni įda da ndants' mahøn'a, bi 'yɛ̨na.
26635	JHN 11:43	Nɛ nu'bʉ mí jua'a bin yąui Oją bin yą nts'ɛdi: ―Lázaro, bá pøni.
26672	JHN 12:23	Nɛ nu ra Jesús bi dąt'ʉ: ―Ya mi ts'ʉtho da zøn ra pa dan uįxtegä 'bʉ dá tu, guecä dán ją'igä ua ja ra ximhäi.
26678	JHN 12:29	Nɛ nu'ʉ yʉ ją'i mí 'bähmbʉ bʉ, bi 'yøh rá nde Oją nɛ bi 'yɛ̨n'ʉ 'da: ―Bin gäni. Nɛ nu'ʉ mi'da: ―Masque n'da rám 'bɛhni Oją mahɛ̨ts'i bi zofo, bi 'yɛ̨n ʉ.
26683	JHN 12:34	Nɛ nu yʉ ją'i bʉya bi dąt'a: ―Nugähe ya dá øhmbe im mam bʉ ja rán t'ɛ̨di Oją, i 'bʉi mazą̈i a ra Cristo. Nɛ guí ɛ̨nsɛ jatho gui tu bʉ ja ra pont'i, gán ją'i ua ja ra ximhäi. To'o e ngue guí ɛ̨nsɛ gán ją'i ua ja ra ximhäi. Masque hinga gue'e gra Cristo 'bʉ.
26688	JHN 12:39	Him bi zä bi 'yɛ̨c'yɛi ʉ 'da nguetho nu'bʉ him mín nde ʉ, bi mba njapi tengu bi man ra Isaías 'bʉ mí ma mahøn'a:
26707	JHN 13:8	Nu ra Pedro xø bi 'yɛ̨mp'a: ―Njąm'bʉ dan uni gui perca ma gua. Pɛ nu ra Jesús bi dąt'a: ―Nu'bʉ hin ga pe't'ä ni gua, nte man jaui 'bʉ, bi 'yɛ̨na.
26720	JHN 13:21	Nu'bʉ mí jua a bi man ra Jesús, bi du rá mbʉi, nɛ bi xije mahøn'a: ―Majuąni dí xi ahʉ, i 'bʉ a n'da ahʉ di dägä, bi 'yɛ̨nje.
26735	JHN 13:36	Nu ra Simón Pedro bi 'yɛ̨mp'a: ―Ma Hmu i, hapʉ gui mba. Nu ra Jesús bi dąt'a: ―Hingui sä 'bex gui tɛngä ya hapʉ ga mba. Pɛ m'bɛjua da zä gui mba bʉ ga mbagä.
26737	JHN 13:38	Nu ra Jesús bi dąt'a: ―Ha majuąni gui tɛngui madague'bʉ da tho i, nguetho ná hyundį xquí cøng 'bʉ bi mbah ra tamfø, bi 'yɛ̨mbi.
26746	JHN 14:9	Nu ra Jesús bi dąt'a: ―Ha guexta'a hin guí pąqui nɛ nya'a tho xtám 'bʉhmbʉ. Nu'a to'o xʉn nugui, ya xʉn nu ma Ta. Hanja gní 'yɛ̨ngui: “'Yurcahe ni Ta.”
26760	JHN 14:23	Nu ra Jesús bi dąt'a: ―Nu'bʉ i 'bʉ a n'da ahʉ majuąni høngdä i numanhogui, da mbɛsca mam hmangä a 'bʉ. Nɛ di huɛ̨c'a ma Ta bʉya, nɛ ba ɛ̨'be, nɛ dan ząm'be bʉ mbo rá mbʉi a.
26826	JHN 16:31	Nu ra Jesús bi 'yɛ̨nje mahøn'a: ―Ha majuąni guí ɛ̨c'yɛigahʉ.
26861	JHN 18:7	Nu ra Jesús bi ma mahøn'a: ―To'o guí homhbʉ. Nɛ bi dą ʉ: ―Dí homhbe ra Jesús ra mɛngu bʉ Nazaret, bi 'yɛ̨n'ʉ.
26871	JHN 18:17	Nu'a ra mbängoxthi bʉya, gue n'da ra xisu, bi 'yɛ̨mp'a ra Pedro: ―Nu'i ha hinga gue'e rá xädi'i nʉ ran 'yohʉ, bi 'yɛ̨mbi. Nu ra Pedro bi dąt'a: ―Hin'na, hinga guecä, bi 'yɛ̨na.
26874	JHN 18:20	Nu ra Jesús bi dą'a: ―Nugä ząi dá mam bʉ ja ma nijąhʉ nɛpʉ ja ra dąniją, guepʉ ząi dim pɛti gätho ma mijudíohʉ. Njąm'bʉ dá mangä bʉ njongui 'bʉh yʉ ją'i.
26885	JHN 18:31	Nɛ nu ra Pilato bi 'yɛ̨mp'ʉ: ―Dami sixhʉ 'bʉ, nɛ gui juąnbahʉ nangue nin t'ɛ̨di zɛhɛhʉ, bi 'yɛ̨na. Nɛ nu ma ngʉrpihe bi dąt'a: ―Pɛ hin'yʉ man t'ɛ̨dizɛhɛhe gue'a ga hohe n'da, bi 'yɛ̨n'ʉ.
26888	JHN 18:34	Nu ra Jesús bi dąt'a: ―Ha guím bɛ̨nsɛ 'bɛ'a guím ma, uague n'dan'yo bi xi i nanguecä, bi 'yɛ̨mbi.
26890	JHN 18:36	Nu ra Jesús bi dąt'a: ―Hin dám hmuts'ʉt'abigä ua ja ra ximhäi. Nu'bʉ xcám hmuts'ʉt'abigä ua, xtín tunhdʉ ʉ ma ją'igä ʉ bi bɛndgui 'bʉ, nɛ hin xtí dägä ua 'bʉ. Pɛ nu ma ts'ɛdigä him bi nɛqui ua ja ra ximhäi a, bi 'yɛ̨na.
26891	JHN 18:37	Nu ra Pilato bi 'yɛ̨mbi mahøn'a: ―Ha majuąni grá hmuts'ʉt'abi 'bʉ, bi 'yɛ̨mbi. Nu ra Jesús bi dąt'a: ―Majuąni guím ma gue drá hmuts'ʉt'abigä nɛ gue'a dám 'bʉcä ua ja ra ximhäi, nɛ gue'a ná ɛ̨cä ua gue ga u'a majuąni. Nu'ʉ to'o in nde da bą'a majuąni, da 'yømanho a dím mangä ʉ, bi 'yɛ̨na.
26916	JHN 19:22	Pɛ nu ra Pilato bi dąt'ʉ: ―Ya nt'o't'i 'bɛ'a dá o't'ä, dá guet'a, bi 'yɛ̨mthoho.