3	GEN 1:3	En avong enek, Ahi viteni vit, “!Maen meneai vakistal!” Ka meneai kistal.
6	GEN 1:6	Evus, Ahi viteni vit, “!Maen mesaiuai tai vatiti vas atas vakeka out valu!”
90	GEN 4:10	Ka Iahova viteni mini vit, “?Ken, komumon sa? ?Korraengontei? !Ran tumali mul murang minau ran atan vit kihinat asa koa komumoni!
270	GEN 11:3	Evus, keil aviteni min keil eris avit, “!Almai! Tahos keke rehoumon brikis en tanvili koanik ka rehetan keil en avul tai hemai hekeih.” Sakini, keil amumon eim keil one en brikis keil enek ka akapil vituaini en koltar.
365	GEN 15:4	Evus, raengon Iahova selus eris mini vit, “Slev Eliesar enek herkurtei vulum ka tounah vasi keil onom. !Vuo! Ehon kati onom, kei enges hekur vulum ka tounah vasi keil onom.”
399	GEN 17:1	Navong Ebram, sua onen vesesal vatokol handred tai (99), Iahova kistal veni ka viteni mini vit, “!Inau, navi Ahi ten keihoen! Kilong kat nau ka lises kumon tounah koa mal en metok.
417	GEN 17:19	Ka Ahi vit, “!Vuo! Ahin onom, Serah, hekur ehon tai onamil, ka kiling isen hehi ‘Aesak.’ Hatkatien takeih koa namumoni ral minuk, num risi hetal mini ka hetal min vatiamal onen lises ka lisenges.
530	GEN 21:16	Kei va rani soutin neli ka rondan netan ka mul mis vit, “!Aue li, ek rovattei males natkuli vamat!”
531	GEN 21:17	Rovitei tuetin, ehon emun mis ka Ahi raengoni. Ka angelo onen Ahi selus ka out nesa mai ven Hakar vit, “?Hakar, komundemko en sa? !Konametautei! Ahi raengoni titiali mis.
549	GEN 22:1	Avong muli, Ahi vit vasak vis Ebraham. Sakini vise vit, “!Ebraham!” Ka Ebraham vit, “!O-o, inau li ke!”
555	GEN 22:7	Aesak viteni min tata onen vit, “!Tata!” Tata onen vit, “?Asa natkuli?” Aesak visi vit, “?Nalesi lokur av ka ahang, ka sipsip koa lovaniti vahi sanien kave?”
559	GEN 22:11	Ka hatte tas, angelo onen Iahova viso ka en out nesa vit, “!Ebraham, Ebraham!” Ka kei vit risi vit, “O-o, inau li ke.”
689	GEN 25:30	Sakini viteni min Siekob vit, “!Amai katnau vareis! !San tei sup tahilhili keisom maani!” Ven koanek, aling isen tamun vi ‘Edom’ koa aneite teni vi ‘vilhili.’
746	GEN 27:18	Evus, Siekob va ven tata onen ka vise vit, “!Tata!” Ka tata onen visi vit, “!O-o, inau li ke! ?Ka kamil en sei ke?”
753	GEN 27:25	Aesak viteni mini vit, “!San vuseri ak maani! Niani hevus, nitokol katuk.” Sakini, kuri, sani mini, ka san hati uaen muni.
757	GEN 27:29	Ahi houmon meatin keil um minuk, meatin keil ten kantri sav keil ihouhou minuk. Kihi hetetamen helin tumali keil, titan mama onom keil iha netan enuk. Meatin keil koa isesenda enuk, Ahi hesesenda en keil. Ka koakeil isan selusien ten tokolkatien minuk, Ahi hetokol kat keil!”
762	GEN 27:34	Navong Esao raengoni, longe tisa ka muai roha vit, “!Tata, tokol kat nau li mun!”
766	GEN 27:38	Esao mulelis peah tata onen vit, “?Tokolkatien onom tas eli? !Tokol kat nau li mun! !Tata, tokol kat nau li mun!” Ka muai roha.
790	GEN 28:16	Navong lesi evus, Siekob muli en metavinavong ka viteni vit, “!Anatin eli, Iahova eli ro ko, ka inau nareingeingeni li!”
791	GEN 28:17	Ka annivul kati ka viteni vit, “!Aue li, nahi oute vi out votut tai! Nahi Ahi ro ko ka oute vi meteau koa vina veni en out nesa. !Ei, nametau houlu en out ekek!”
1114	GEN 37:30	Kei va ris ven tunali keil ka vit, “!Siosep vuol! ?!Numon sa li varei!?”
1117	GEN 37:33	Kei lesi, lei kilea ka viteni vit, “!Anatin eli, onen varei! !Tirendan tai rali vahas natkuli, ka kani li varei vus!”
1158	GEN 39:8	Ka Siosep seseini ka viteni mini vit, “!Ei, asuv onak mundesinau ka ling tounah vasi onen en hek keke nilei kati. Kei romundem etai mun tounah en teim onen.
1162	GEN 39:12	Ka navong ahin onen Potifar lesi, vuli kat eisin onen ka vit, “!Amai, matil vatal minau!” Ka kei seseini, mul lohosai rani, ka ling eisin tai omon mules en hen.
1239	GEN 41:43	Evus, san kat koa hos lehei keke Siosep heloh eni, koanek vi onen meatin koa vi he matu onen asuv houlu. Ka navong mul muloh eni, meatin keil avisohiso avit, “!Almalingling! !Avat ten Kavmen mul mai, almalingling!” Mukonek, Siosep mai vi Avat ten Kavmen ten out Isip.
1260	GEN 42:7	Navong Siosep les keil, lei kilea tunali keil ka mumoni suval koa kei reingeingen keil. Vis keih imok min keil vit, “?!Mika kave!?” “Komai meka en out Kenan. Emai vati mivahul tei pulaoa.”
1385	GEN 45:26	Aviteni min tata one avit, “!Tata! !Siosep mul moul veah! !Kei vi Avat ten Kavmen en out Isip!” Siekob en von ka rokurtei anatin en keil.
1387	GEN 45:28	Kei vit, “!Anatin eli! Natkuli, Siosep, moul veah! Rovaha malesi mau. Nakilea hervitei tuetin nimat.”
1389	GEN 46:2	En vongien, Ahi selus mini en matil vovoien tai vit, “!Siekob! !Siekob!” Siekob vit, “?O-o, inau li ke?”
1470	GEN 48:18	Kei viteni min tata onen vit, “!Vuo, romukteinek! Kiling hem matu hemai ekok en vatin koa moeite.”
1471	GEN 48:19	Tata onen seseini vit, “!Natkuli, nakilea! Vatiamal onen Manase imai ihi vangi meatin tai koa hemarite. Ka vatiamal onen tunali koa tasite imai ilin onen keil, imai ihi mari vangi meatin keil koa hehi houlu mok.”
1583	EXO 3:3	Kei mundemi vit, “!Koanik vi tounah sal tai! ?Vensa ahang rokan lintei holeai enek? Maha vesesal malei visi.”
1584	EXO 3:4	Navong Iahova les Mosis mul mai vesesal, vise ka en holeai enek vit, “!Mosis, Mosis!” Ka Mosis vit risi mini vit, “O-o, inau li ke.”
1594	EXO 3:14	Ahi viteni mini vit, “!Inau navi kei koa NAVI! Kiha kihiteni mok min keil kihit, ‘Kei koa isen Iahova koa aneite teni vi “NAVI,” kei sila nau numai ven kami.’
1848	EXO 12:31	En vongien enek, asuv houlu sisil en Mosis keilu Eron ka vit, “!Mihemea, miheha ran meatin keil onak ka miheha ran kantri onak, kamil hetal min me-Isrel vasi keil! Miheha netan min Iahova suval koa milvis inau eni.
1895	EXO 14:5	Navong asuv houlu ten out Isip raengoni keke me-Isrel keil avaha tuai, kei ral min hetetamen onen keil, rendemien one viles ka avit, “?Asanei ke romul romumoni? !Romaen me-Isrel keil alohosai ran ir, ka keil irmumontei mun umen keil orer!”
1903	EXO 14:13	Ka Mosis viteni min keil vit, “!Minametautei! Mehelomal hekeih ka miheles asa koa Iahova houmoni ven kami kosa. Me-Isip keil enek, miherlestei mun keil.
1915	EXO 14:25	Ahi mumon wil ten kat one averai, asakras avakarali revi. Sakini me-Isip keil avit, “!Rovahaha ran me-Isrel keil ven Iahova mul vuhu en usite one!”
1977	EXO 16:29	!Milesi! Inau, Iahova, nasan avong tai tasehien min kami. Ven koanik, en avong koa vi ahetai (6) ten wik vasi keil, nisan anien min kami hevinvin ten avong helu. Ka en avong oulu (7) ten wik, meatin vasi keil itos en out koa keil amul ien, meatin hetovuol houal ran teim onen.”
1986	EXO 17:2	Keil aselus kutut kat Mosis avit, “!San oai min komai mevamuni!” Ka Mosis vit, “?Vensa misel kutut kat nau? ?Vensa mivit mivasak vis Iahova keke hetie lat keihoen min kami lises?”
2010	EXO 18:10	“!Nasan masmasien min Iahova koa rali latuk ran hen asuv houlu ten out Isip ka meatin onen keil! !Nasan masmasien min Iahova koa rali lat meatin keil onen koa avi slev onen me-Isip keil ran mahien one!
2072	EXO 20:20	Mosis vit risi min keil vit, “!Minametautei! Ahi mita netan enges keke voumon kami mivailea keihoen onen, hesakini, mihelong kati lises, ka mihermumontei mun tisaen keil.”
2469	EXO 32:30	Out mulan, Mosis mulomal en meten meatin keil ka viteni min keil vit, “!Kami mimumon mari tisaen tai! Ka kosa, mahina ris en vatihou nesa mahisu min Iahova. Vahera nakilea mapeah enmahisien onen keke naleletei natisa en kami ven tisaen onami.”
2470	EXO 32:31	Sakini, Mosis vina ris ven Iahova ka viteni mini vit, “!Aue li! Meatin keil ekek amumon mari tisaen tai li. Amumon ahi tai en gol ka uva netan mini.
3284	LEV 19:2	vahit meseini min me-Isrel keil vahit, “!Kami mihehi votut, veni inau, Iahova, Ahi onami, navi votut!
3300	LEV 19:18	Konasa kestei sakien tisa mini ka rendemien onom natisa kattei. !Vuo! Envatien onom hel en meatin sav keil hesuval koa keik em vat keik eris. Inau navi Iahova.
4106	NUM 13:30	Ka Kelep mai vesesal ven Mosis en meten meatin keil, mumon keil tine merau ka vit, “!Rovaha varei, rovakur out! !Veni rokileas rovou lin keil!”
4107	NUM 13:31	Ka meatin sav keil koa uva ral min Kelep avit, “!Vuo! Ir rorkeihtei rovou lin keil. Meatin keil ten out enek, ave keih imok mulin ir.”
4113	NUM 14:4	Sakini, aviteni min keil eris avit, “!Rovatie lat etai meatin hemai hehi hetetamen orer ka reheha ris Isip!”
4116	NUM 14:7	Ka luviteni min meatin keil luvit, “!Atan koa komai melesi tahos imok!
4136	NUM 14:27	“?Meatin keil ekek isel kutut kat nau hetokol nengeis? !Inau naraengon selkututien keil one vinvin!
4150	NUM 14:41	Ka Mosis vit risi min keil vit, “?Vensa varei kami mimules mirali koteh mengkatien keil onen Ahi? !Misakras mivakur atan enek!
4317	NUM 20:5	?Vensa komulamun komai romemea ran out Isip keke romai en out koa vi heite hon? ?Kilesi? Ekonek, anien tovuol ka heiai tovuol. !Ka oai tovuol emun rovamuni!”
4322	NUM 20:10	Evus, Mosis ka Eron luvise ruain meatin keil uva vesesal ven mari ahat enek, ka Mosis selus keih min keil vit, “!Kami koa mivi uti selkututien, mihetaengonau! ?Mukave, milhekur oai ran ahat ekek ven kami?”
4346	NUM 21:5	Sakini aselus kutut kat Ahi ka Mosis avit, “?Vensa kokulat komai ran out Isip ka komulamun komai en out volvol mevamatmat? En out enek, anien ka oai tovuol varei. !Anien tisa enek, emai rovattei mun!”
4424	NUM 23:7	Balaam vit mesein ren Ahi vit: “Asuv houlu Balak kur nau ran hou keil ten out Aram en usite ist. Kei vise inau vit, ‘Amai selus en usite onak. !Kisesenda en me-Isrel keil!’
4457	NUM 24:10	Navong Balak raengon selusien onen Balaam, pulin hen en vurohien ka viteni mini vit, “!Navisok kovasesenda en koakeil avi vativieh minau, ka avong etel ekek, keik korokol kat keil!
4458	NUM 24:11	!Keitinek, kiha ris teim! Inau navat kati nisan uite minuk, ka Iahova sakinuk kosakras kovakuri.”
5092	DEU 6:4	Ka navong Mosis mulomal en meten me-Isrel keil, sel kat keil vit, “!Me-Isrel keil, mihelonge! Iahova, kei tanges varei vi Ahi orer.
5115	DEU 7:2	Navong Iahova, Ahi onami, heling keil heha en hemi, mihou vasin keil imatmat. Anatin, navong moulien one hel en hemi, minoumontei hatkatien ten tomat natal min keil. !Vuo! Emi namahistei keil.
5120	DEU 7:7	“Iahova rolei kantei kami ka rolingtei envatien onen val en kami veni mivi houlu mok en vangi meatin sav keil. !Vuo! Veni en out netan, mivi havivi mok en vangi meatin sav vasi keil.
5122	DEU 7:9	Sakini mihendem kati keke Iahova, Ahi onami, kei tanges vi anatin. Kei, en rovobongentei hatkatien keil onen. !Vuo! Lises kei musil kati. Koakeil e vati ka amusil kat mengkatien keil onen, kei houm vasin hatkatien takeih onen ka hetie lat envatien onen min keil: min koakeil ten avong kosa, ka min koakeil ikatau veah heha vio … keite teni hetovuol.
5142	DEU 8:3	Kei sakin rendemien onami vita netan navong maen amai kat kami. Ka katau eni, san manna mikani. Manna enek vi heite hau, rosuvaltei anien sav keil koa kami vuo avu onami keil avaan kilea en avong mulamu. Kei mumoni mukonek vit vahisein kami keke meatin romoultei en anien enges. !Vuo! Meatin mul moul en selusien keil vasi koa ka en ren Iahova.
5874	JOS 2:3	Sakini, san selusien koanik va ven Rehab koa vit, “!Meatin elu koa lumul en teim onom, lumai luvalei suai en out vasi! !Lah lat keilu luvasital!”
5884	JOS 2:13	Milhehat kati minau keke navong meatin keil onamil imai ekok, milhoutut tata ka mama onak, tuak keil ka tukahin keil, hetal min one keil emun. !Milnamaentei anou vini komai li!”
5967	JOS 6:16	Ka navong akarahiti evus, en avong oulu (7) teni, navong pris keil armuhtei mau hon ten mari sipsip one, Sosua viso keih va min meatin keil vit, “!Almakul, veni Iahova san taon ekek min kami!
6493	JOS 24:15	Munak emi rovattei mivousili, kosa, mihehit kilea keke mihousil sei: ahi keil koa avu onami keil uva netan mini en out Mesopotemia, vuo ahi keil onen me-Amor keil koa atan ese miro ien kosa. !Anatin, mihehit kilea mihousil kat ahi sa! Ka en usite onak ka onak keil, komai mehousil kat Iahova ka meheha netan mini enges.”
6494	JOS 24:16	Meatin keil aviteni avit, “!Komai mesakras mevalokovein Iahova vuo mevaha netan min ahi sav keil!
7139	RUT 1:10	ka luviteni mini luvit, “!Melsakras melvalokoveinuk eli! Melhousiluk, tovaha tovato vatal min meatin keil onom.”
7141	RUT 1:12	!Vuo! !Milheha ris! Inau navi tovuli ramat keke matetalihe eris. ?Avaseini munak navit matetalihe ris kosa, ka nikur ris ehon elu mun,
7145	RUT 1:16	Ka Rut vit kesi mini vit, “!Konasilatei nau nanaha ranuk! Kimaenau mousiluk. !Out kave kiha ien, inau mun niha ien! !Out kito ien, inau mun nito ien! Meatin onom keil ihi meatin keil onak emun. Ka Ahi onom hehi Ahi onak emun.
7146	RUT 1:17	Out koa kimat ien, inau mun nimat ien, ka itahin nau en out enek. Inau nirmaen etai tounah hekulat nau niha ranuk heha vio … ialu tai hemat esuk. !Koanek vi hatkatien onak ka Iahova hesan mahien koa hekeih ramat hemai kat inau munak nitali kotehei!”
7155	RUT 2:4	Rovitei tuetin, Boas ka en meteimal ten out Betlehem ka mai kistal min meatin toumien keil onen ka viso min keil vit, “!Iahova heto ven kami!” Ka avit kesi mini avit, “!Iahova hetokol katuk emun!”
7171	RUT 2:20	Noume viso keih vit, “!Tokolkatien onen Iahova hel en kei! Iahova rie lat tahosien onen min ialu koa lomoul loro veah ka min meatin keilu oralu koa lumat tuai. Meatin koanek vi tai en vatiamal kati onen meatin onak. Musil sakien onen me-Isrel keil, kei varei helei kat usite oralu.”
7206	RUT 4:14	Ahin keil aviteni min Noume avit, “!Rovahati lat isen Iahova! Kosa, kei san havmali tai valei kat usite onom navong komai kovi tovuli. Ehon enek hemai hehi hetamen tai en out Isrel.
7225	1SA 1:11	Hanah mumon hatkatien takeih tai keih ral min Ahi vit, “!O Iahova, Asuv Houlu ten Out Nesa, kilele ka kiles inau li koa navi ahin toumien onom! Kilele ka kiles mahien keil onak eli ka em hemahis inau li. !Em navobongentei nau li! Navat kati minuk keke munak kisan titiali tai koa hehi meahos minau, inau nisan risi minuk hehi meatin votut tai onom en moulien vasi onen. Ka nitie lati hehi anatin heka en usite koa mihersouitei hilen en moulien vasi onen ka hermuntei varei oai takeih keil.”
7228	1SA 1:14	Sakini viteni mini vit, “?Kumon sakien ten munmunien enek heha vio hetokol nengeis? !Hevus kosa! !Kiseh en munmunien onom!”
7282	1SA 3:4	En vongien enek, Iahova vise Samuel vit, “!Samuel, Samuel!” Ka kei vit risi mini vit, “!O-o!”
7444	1SA 10:24	Evus, Samuel mulamun Sol va mulomal luhu en meatin keil ka viteni min keil vit, “Meatin koanek vi kei koa Iahova rie lati keke vahi houlu valosil kat kami. Meatin tovuol emun en kami vasuval kei.” Navong alesi, meatin vasi keil avisohiso keih avit, “!Kei vi asuv houlu onomai, losilkatien onen hel hetaveah!” Navong Sol mai vi asuv houlu onen me-Isrel keil, sua onen vi hanumau tai ka halualim emun (30). Ka me-Isrel keil koa arsitei keil ven hiasuvien onen ka asel kutut kati. Ka kei vise ruai meatin tavaeen keil ten out Isrel ka mulamun keil uva avavae vatal min me-Amon keil ka amu lin keil. Sakini, me-Isrel vasi keil asi keil suk ven hiasuvien onen.
7500	1SA 13:13	Navong Samuel kistal ka lesi keke Sol mumon sanien votut tuai, kei selus keih mini vit, “!Ei, komumon tounah hit kovi varu! Keik kormusiltei mengkatien keil onen Iahova koa vi Ahi onom. Munak kovousil mengkatien keil onen, kei vamaenuk ka natmali keil koa ikistal ika enuk keke mivalosil kat me-Isrel keil heha vio … keite teni hetovuol.
7575	1SA 15:13	Sakini, Samuel va en out Kilkal ka votin Sol ien. Ka navong Sol lesi, mai veni ka viteni mini vit, “!Samuel, Iahova hetokol katuk. Inau namum vasi tounah koa kei meng kat inau keke moumoni.”
7578	1SA 15:16	Samuel vul kati vit, “!Kito raeng! Ka inau nihit meseini minuk asa koa Iahova viteni minau en vongien.” Ka Sol vit, “Tahos. Hiteni minau.”
7581	1SA 15:19	?Munak koanek anatin, vensa korlong kattei selusien onen? ?Vensa kokalah kolah ruain tounah vasi one koa tetahos? !En meten Iahova, asa koa komumoni tisa vareis!”
7609	1SA 16:12	Sakini, Tiese sila meatin tai va vahiteni mini vamai. Navong emai, Samuel lesi keke vi litetai tai koa aven malekuh ka veinan tahos. Ka Iahova viteni min Samuel vit, “!Kei varei! Mea kitah oel en vatin vatie lati keke kei hemai hehi asuv houlu hau onen me-Isrel keil.”
7645	1SA 17:25	Keil aviteni min keil eris avit, “!Ei telmali! ?Miles meatin eke? Avong vasi kei selus kekar min ir me-Isrel keil. ?Ka miraengoni? Asuv houlu Sol vat kati keke hesan mari sanien tai min meatin koa houasi hemat. Ka vat kati mun vit hesan natnahin hehi ahin onen. Ka kei, hetal min titi amal onen, keil irvultei mun takis.”
7653	1SA 17:33	Sol vit kesi mini vit, “!Keik kovi ehon tai enges! Kosakras kovaha kovavae vatal mini veni kei mai vi meatin tavaeen tuetin tuai, navong kei vi ehon semau rokol avong kosa.”
7664	1SA 17:44	Evus, viso va min Deved vit, “!Amai! !Inau nisal vinik ka nisan teiai onom min aman ka tirendan keil iani.”
7666	1SA 17:46	!Ka kosa, Iahova helinguk kil en hek! !Nouasuk kimat ka nita koteh vatum! Hevus, nisan teiai onen meatin keil tavaeen ten out Filistia iha min aman ka tirendan keil iani. En sakien koanek, meatin vasi keil ten out netan ilea suk keke Ahi onen me-Isrel keil kur keihoen ka mul mum en usite onomai.
7686	1SA 18:8	Navong Sol longe mukok, longe tisa ka tin vepeng. Kei vit sasen eni vit, “Keil aviteni keke Deved muas meatin taosen halualim (10,000), ka inau, avit taosen tas (1000). !Hervitei tuetin, keil ilingi hemai hehi asuv houlu one!”
8016	1SA 31:4	Sakini, Sol viles vis litetai koa mul lah tounah keil tavaeen onen vit, “!Leh lat naef tavaeen onom ka kisal vini nau nimat! !Ek rovattei koakeil enek koa areingeingen Ahi avamai avoumon tohtohien minau navong uas nau nimat!” Ka litetai enek metau voumoni. Sakini Sol enges viles naef onen, mot va ien, ka sal vini kei sasen.
8273	2SA 11:11	Uraea vit kesi mini vit, “!Asuv, nasakras! Kosa, me-Isrel keil ka me-Sudah keil amules en votevav keil ome. Ka Bokis ten Hatkatien Takeih onen Ahi mules matil en eim tavolin tai enges. Avat onak, Soab, ral min avat tavaeen sav keil onom, keil amules amatil hae en mesaiuai. Sakini, romaltei keke inau maha teim, maanian vatahos, mamun hati uaen ka mamatil vatal ahin onak. !Navat kati keih minuk keke nasakras moumoni!”
8294	2SA 12:5	Navong Netan viteni mukok, Deved tin tisa houlu ka vit, “!Inau navat kati keih imok en meten Iahova koa moul keke mal meatin enek hemat ven asa koa mumoni!
8296	2SA 12:7	Sakini Netan viteni min Deved vit, “!Keik varei kovi meatin enek! Ka koanek vi asa koa Iahova, Ahi onen me-Isrel keil, en vati vahiteni minuk, ‘Inau namumonuk komai kovi asuv houlu onen me-Isrel keil, ka naring koek ran asa koa Sol vit voumoni minuk.
8298	2SA 12:9	?Sakini, vensa korlong kattei rek? ?Vensa komumon tounah koa tisa en metok? Keik varei komuas Uraea mat en naef tavaeen onen me-Amon keil. !Evus, kokur ahin onen mai vi onom!
8302	2SA 12:13	Navong Deved longe, viteni min Netan vit, “!Aue li! !Inau namum tisa houlu li en meten Iahova!” Ka provet Netan vit kesi mini vit, “Iahova sahulin tisaen ran moulien onom ka keik, kirmattei.
8312	2SA 12:23	Ka kosa, kei mat tuai. ?Vensa mahal ran anien? ?!Nakilea masakin titiali enek vamoul eris!? !Vuo, nasakras! Avong etai, inau niha en out koa kei ro ien, ka kei sakras vamai ris venau.”
9164	1KI 12:10	Meatin hau keil enek avit risi mini avit, “Kiha kihiteni min meatin keil enek kihit, ‘!Kami mimundemi keke tata onak vi meatin takeih, ka inau nakeih tamun muli! !Anatin, hovorakiki ten hek matetel imok mulin horan tata onak!
9170	1KI 12:16	Navong meatin keil alei kilea keke asuv houlu Rehoboam sakras valong selusien one, keil aselus keih mini avit, “!Komai mehertotei mun en hen koakeil aka en vatiamal onen Deved! !Anatin, mehermusiltei mun koakeil akistal ran natin Tiese! ?Keil asan asa varei min ir? !Tounah tovuol! !Me-Isrel keil, rovaha ris teim! !Rehelokovein meatin ekek helosil kat koakeil akistal ran vatiamal kati onen enges!” Sakini, me-Isrel keil aviles eisile rani, ka aretasil uva ris teim se.
9182	1KI 12:28	Sakini Sereboam vis rendemien onen meatin sav keil keke houmon sa. Ka musil rendemien one, vis meatin tei keke avoumon nana elu (2) en gol koa lukur niniven buluk. Navong amumoni evus, lah ruain meatin keil onen ka viteni min keil vit, “Me-Isrel keil, kami miva en out Serusalem lises keke mivaha netan eni. !Ka ahi onami keiek! !Koakeilu ekek lulah lat kami ran out Isip!”
9332	1KI 17:12	Ka vatina vit risi mini vit, “!Aue li! Nasakras. Navat kati li anatin en isen Iahova, Ahi onom koa moul, veret tovuol emun eli teim. Asa koa mul teim, kap pulaoa tas koa mul en pesin teni, ka hati oel koa havivis mul en veite, ka anien sav keil tovuol varei li. Numai ekok malah ruain angosis keitel ekek keke niha ris teim, nisak mesein hati anien vahi anien ekor eli amal min natkuli. Hevus, amai heat vini komal heha vio … melhematmat esuk.”