11	GEN 1:11	Evus, kei viteni vit, “Maen out netan valing tounah keil vamoul ien: koakeil iling utite, koakeil iling aneite, ka koakeil ison heite koa utite mul ien.” Ka kistal suval koa viteni.
16	GEN 1:16	Sakini, Ahi mumon marmari laet elu: meteiai koa keih van en meneai, ka avati koa merau vatitin en vongien. Ka kei mumon hitu keil emun koa vilahil.
24	GEN 1:24	Evus, Ahi viteni vit, “Maen tounah vasi koa moul keil ikikistal en out netan: koakeil amah, ka koakeil ten eivorohus; koakeil amarite, ka koakeil avi havipi.” Ka mai kistal suval koa viteni.
26	GEN 1:26	Evus, Ahi viteni vit, “Ekek, tovoumon meatin koa hesuval iatel. Ka tounah sav keil ten out netan hel en hen: mesau keil ka aman keil; tirendan keil koa amah ka koakeil ten eivorohus; koakeil amarite, ka koakeil avi havipi.”
28	GEN 1:28	Ka kei san tokolkatien onen min keilu ka viteni vit, “Milhekur titamil keil ihi houlu ka milhesakin keil ihilelau en out netan. Ka niling tounah keil koa moul en out netan hel en hemil: mesau keil ten atas, aman keil koa amuka en teilang, ka tounah sav emun koa amul en out netan.
29	GEN 1:29	?Millesi? En out netan, namumon tounah tateisav avitehiteh: koakeil aling utite, koakeil aling aneite, ka koakeil ason heite. Keil vasi taanien.
30	GEN 1:30	Ka min tounah sav keil koa amoul en out netan, nasan oumunai ka ouai keil iani. Nasani min tirendan keil ten out netan ka aman keil amuka en teilang: koakeil amarite ka koakeil avi havipi.” Ka kistal suval koa viteni.
40	GEN 2:9	Ka en ah koanek, Iahova sakin mormore vatiai tateisav vasi keil amoul ason heite tahos imok. Ka luhu en ah enek, vatiai elu lumul ien: tai koa heite teni kilea vasan moulien ten lisenges, ka tamun koa heite teni kilea vasan ileilien ten asa koa tahos ka asa koa tisa.
70	GEN 3:14	Evus, Iahova viteni min tetal vit, “Ven koa komumoni mukok, nisan mahien minuk kos en tirendan vasi keil ka tounah sav koa amoul. Mahien koa nasani minuk ekek: kosa hetokol keite ten moulien onom, en avong vasi keil, kikea en vangom ka vulimeas hel en ongom lises.
148	GEN 6:10	Kei, natnali etel: Sem, Ham ka Sevet.
153	GEN 6:15	Kumoni hemukok: mita ten taveah teni hehi handred tai ka hanumau elu ka halualim emun (150 m), mita ten aven hehi hanumau tai ka elim (25 m), ka mita hehina nesa hehi teindan elim (15 m).
154	GEN 6:16	Hoite teni helin uriov en hap mita (½ m). Ka en out neim, kumon out toualien hetel: tai hel nesa, tai hel luhu, ka tai hel netan. Ka en valite, kumon voiteh hetas.
156	GEN 6:18	Ka keik, inau numon hatkatien takeih hetal minuk keke nikur koe keik ka onom keil. Miheha en mari sip enek: keik, ahin onom, ka titam keil hetal min ahin one keil.
158	GEN 6:20	En tounah vasi koa moul en out netan kumoni vatinetinek: elu en koakeil amuka, elu en koakeil amual, ka elu en koakeil akekelau. Kisakin keil imoul hetal min kami.
183	GEN 7:23	En sise koanek, Iahova mu lin vasi tounah keil koa amoul en out netan: meatin keil, tirendan keil ka aman keil emun. Ka Noah enges sesuk moul, ral min koakeil emun amul en mari sip enek ral mini.
206	GEN 8:22	“Navat kati keke: Kosa hetokol keite ten out netan, avong ten tounah vasi hemai hekistal: avong taluhluhien ka avong tasuhutien, avong ten anni ka avong out hetin, avong ten ous ka avong ten annimes. Ka meneai keilu vongien luhemai lises ka lisenges.”
208	GEN 9:2	Tounah vasi keil koa amoul en out netan imetaun kami: tirendan keil, aman keil ka mesau keil emun. Keil vasi, naling moulien one en hemi.
216	GEN 9:10	Namumoni mun ral min tounah vasi keil koa amoul: tirendan ka aman keil, ka tounah vasi keil koa amemea ral minuk ran mari sip enek.
402	GEN 17:4	“Inau namumon hatkatien koanek ral minuk: navat kati keke vatiamal keil onom imai ihi mari vangi meatin houlu.
421	GEN 17:23	En avong etin enek, Ebraham long kat Ahi ka mumon vekahoi en meahos vasi keil koa aro ral mini: Ismael, slev keil onen ka meatin sav keil koa amusili.
564	GEN 22:16	“Ahi viteni mukok: ‘Numon hatkatien hetal minuk en isok keke nitokol katuk hehi houlu mok veni keik kormutut kattei natmali ranau, natmali kati koa tas koa vi onom.
1035	GEN 35:23	Ehon keil koa aka en Leah mukok: Ruben (koa moeite onen Siekob), Simeon, Livae, Sudah, Isekar, ka Sebiulon.
1036	GEN 35:24	Ehon keil koa aka en Resel mukok: Siosep ka Bensamin.
1037	GEN 35:25	Ehon keil koa aka en Bilah, ahin toumien onen Resel, mukok: Dan ka Navtali.
1038	GEN 35:26	Ehon keil koa aka en Silpah, ahin toumien onen Leah, mukok: Kat ka Aser. Koakeil enek avi natin Siekob keil koa mama one avasi keil en kantri ten out Mesopotemia.
1086	GEN 37:2	Koanek tunien usil Siekob ral min onen keil: En avong vasi, natnali Siekob keil amul alei kat sipsip ka nani keil esen. Tai en keil, isen Siosep, koa sua onen teindan oulu (17) mul kataun tunali keil koa mama one Bilah ka Silpah. Ka en avong tai, kur longlongien koa rotahostei usil sakien onen tunali keil min tata one koa Siekob ka avuroh kati.
1185	GEN 40:12	Siosep vit, “Aneite ten matil vovoien onom mukok: angoi grep etel, aneite teni vi avong etel.
1191	GEN 40:18	Siosep viteni mini vit, “Aneite ten matil vovoien onom mukok: ateli koa etel, aneite teni vi avong etel.
1369	GEN 45:10	Kito en atan ten out Kosen vesesal venau: keik, natmali keil, avu onom keil, sipsip keil esom, nani keil esom, ka buluk keil esom emun. Mihekur vasi tounah keil onami imai.
1473	GEN 48:21	Evus, Siekob viteni min Siosep vit, “?Kolesi? Vesesal mamat. Ka Ahi heto venuk ka hekur keik kiha ris en atan esen avu onom keil.” Evus, Siekob vise ruain natnali sav keil, rokol kat keil ka viten tounah koa hekistal en vatiamal one keil en avong koa hemai veah. Ka min Sudah, viten selusien koanik:
1535	EXO 1:2	Isen natnali keil koa amusili mukok: Ruben, Simeon, Livae, Sudah,
1586	EXO 3:6	Inau navi Ahi onen avu onom keil: onen Ebraham, onen Aesak ka onen Siekob.” Navong longe mukok, Mosis kur koe nan veni ulin metau vales Ahi.
1588	EXO 3:8	sakini namita netan malah lat keil ran hen me-Isip keil. Nilamun keil iha en out tai koa tahos imok, out koa amas mul ien. Atan koanek, kosa meatin sav keil ekek amul ien: me-Kenan keil, me-Hit keil, me-Amor keil, me-Peres keil, me-Hiv keil, ka me-Sebus keil emun. Avaseini, nikulat keil ka nisani suk min me-Isrel keil.
1595	EXO 3:15	Kihiteni min keil keke Iahova sanuk kuva ven keil. Inau, Iahova, navi Ahi onen avu one keil: onen Ebraham, onen Aesak, onen Siekob. Iahova hehi isok, hel sesuk, ka koakeil ikatau en kami ihise nau eni.” Navong Mosis selus min Ahi evus, va ris teim ka sak mesein kei keke vaha en kantri ten out Isip. Ka navong musil sise vaha en out Isip, visu min tunali koa isen Eron koa Ahi sila veni. Mosis viteni mini tounah keil koa Ahi mumoni mini. Evus, luva. Ka navong lurokol kantri ten out Isip, luva lules hetetamen keil onen me-Isrel keil. Ka navong along selusien onealu, asi keil keke Ahi les mahien one ka san meatin tai vamai vakataun keil.
1812	EXO 11:5	ka nisakin moeite vasi keil ten out Isip koa avi meahos imatmat: kei koa hekur vulin asuv houlu hekatau, hehita hevus en moeite onen ahin keil toumien koa amul asak mesein anien. Ka en buluk ka sipsip keil emun, moeite one imatmat.
1820	EXO 12:3	Milhehit mesein selusien koanik min me-Isrel vasi keil: en avong koa hehi halualim (10) ten avati koanik, meatin vasi keil iling revi sipsip vuo nani tai koa avaani en teim se.
1822	EXO 12:5	Mihekur sipsip vuo nani koa hemukok: sua onen hetas, hehi meahos enges, ka tounah hetovuol hekula.
1828	EXO 12:11	Navong mihean anien koanek, mihoumoni hesuval mimual en sise mivaha: mihesin en eisin keil toualien, miheheas sandel onami, mihekur kat eisal onami, ka mihean kekerati. Anien ten Mul Laui koanik hehi sanien votut min Iahova.
1846	EXO 12:29	Navong avong teni mai, en metavinavong ten vongien, Iahova mita ka mu vinvini moeite vasi keil ten out Isip koa avi meahos: koa vakur vulin asuv houlu hekatau, vita rokol moeite onen koakeil amul en eim takeih. Moeite vasi keil emun onen buluk ka sipsip keil umatmat.
1854	EXO 12:37	Me-Isrel keil amea ran taon ten out Rameses en out Isip, amuales arokol meteimal ten out Sakot. Keil avi houlu vis avi houlu mok: amo keil enges rokol handred taosen ahetai (600,000), ka atou keil ral min titiali keil one, arvulitei keil.
1860	EXO 12:43	Ahi viteni min Mosis keilu Eron vit, “Koanik vi mengkatien keil ten Anien ten Mul Laui: meatin keil ten kantri sav asakras avaani.
1870	EXO 13:2	“Moeite vasi keil koa avi meahos ihi onak: onen me-Isrel keil ka onen buluk ka sipsip keil ese emun.”
1899	EXO 14:9	Ka meatin keil tavaeen ten out Isip amuloh akatau usil keil: koakeil koa amuloh en kat tavaeen, koa mun amuloh en hos, ka koakeil emun amual enges. Avotin me-Isrel keil esuk navong keil amul amuseh en vali Atas Tahilhili, vesesal en taon elu koa avise keilu en Vi-Hahirot ka Baal-Sevon.
1907	EXO 14:17	Inau numon rendemien onen me-Isip keil hekeih keke avakatau usil kami. Nihat lat isom helohlin isen asuv houlu ten out Isip navong nilin kei hetal min meatin tavaeen onen keil: koakeil amuloh en kat one, koakeil amuloh en hos, ka koakeil emun amual enges.
1913	EXO 14:23	Navong me-Isip keil alei kilea keke me-Isrel keil amul uva, keil amuloh alikat keil en out tames en atas enek: koakeil en kat one, koakeil en hos keil, ka koakeil emun amual enges.
1965	EXO 16:17	Me-Isrel keil amumoni suval kei viteni: koan en keil alahi houlu, ka keil en koa alahi havivi enges.
2021	EXO 18:21	Ka hetahos imok keke kitie lati mun tei meatin keil koa kolesi avinvin avakataunuk, ka kiling keil ihi metai avalosil kat vangi meatin keil: vangi meatin koa halualim (10) amul ien; vangi meatin koa hanumau elu ka halualim mun (50) amul ien; vangi meatin koa handred tai (100) amul ien; ka vangi meatin koa taosen tai (1000) amul ien. Koakeil enek ihi vati meatin koa avouhou min Ahi, desien onen meatin sav keil amul en keil, ka asakras avakur mani en sise ten luvosien.
2025	EXO 18:25	Sakini rie lat meatin keil koa avinvin ven umen koanek ka ling keil avi metai alosil kat vangi meatin keil: vangi meatin koa halualim (10) amul ien; vangi meatin koa hanumau elu ka halualim mun (50) amul ien; vangi meatin koa handred tai (100) amul ien; ka vangi meatin koa taosen tai (1000) amul ien.
2030	EXO 19:3	Ka Mosis vina en vatihou vaselus min Ahi. Iahova mul en hou ka vise vit, “Mosis, kihita kihiteni hemukok min me-Isrel keil kihit:
2053	EXO 20:1	Evus, Ahi selus min meatin vasi keil en selusien keil ekek:
2206	EXO 25:10	Umon etai bokis en vati akasia hemarite hemukok: eitu koa taveah teni sentamita hehi handred tai ka halualim (110 cm), eitu koa tamurei teni sentamita hehi hanumau elu ka ehat mun (44 cm), ka usite keil koa hehina nesa sentamita hehi hanumau elu ka ehat mun (44 cm).
2208	EXO 25:12	Umon out tatetalien hehat en gol ka isar kati en alen ehat teni: out tatetalien elu hel en usite tai, ka elu hel en usite sav.
2295	EXO 28:1	Iahova viteni mun min Mosis vit, “Kihise tumali Eron ka natnali keil telhemai: Natab, Apihu, Eliesar, ka Itamar. Kilei kan keil ran me-Isrel sav keil keke keil umon umen onak isuval pris keil.
2452	EXO 32:13	Kindem kat meatin toumien onom keil: Ebraham, Aesak ka Siekob. Kindem kat hatkatien takeih koa komumoni ral min keitel. Kovit titaeatel hehi houlu vis hehi houlu mok hesuval hitu keil ten teilang. Kovat kati min keitel keke kisan atan hehi onen koakeil ikistal en vatiamal oneatel lises ka lisenges.”
2755	LEV 1:9	Meatin enek hekas motein alen ka tina keil teni, ka pris koa mul mumon sanien enek henit lin vasi sanien keil onen en ahor ten sanien. Ka vite ten sanien enek hetahos imok minau, Iahova.’” Ahi vit kilea min Mosis sakien koa meatin keil akilea avasan sanien sav keil one mini: suval sipsip, nani vuo ame. Ahi viteni keke meatin keil isani min pris keil avou vini ka initi en ahor ten sanien. Sanien votut keil enek hesakin methos onen Iahova hel en keil, ka ito en tomat hetal mini.
4097	NUM 13:21	Sakini, meatin keil uva ka alei suain out vasi: out volvol en out Saen koa mul en usite saot, uva arokol out Rehob, vesesal en out Hamat, en usite not.
4115	NUM 14:6	Ka elu en koakeil ales out Kenan: Sosua koa natin Nan, keilu Kelep koa natin Sepuneh, keilu lulonge tisa ka lurali vas eisin omealu.
4424	NUM 23:7	Balaam vit mesein ren Ahi vit: “Asuv houlu Balak kur nau ran hou keil ten out Aram en usite ist. Kei vise inau vit, ‘Amai selus en usite onak. !Kisesenda en me-Isrel keil!’
4462	NUM 24:15	Evus, kei vit mesein ren Ahi enek mini vit: “Koanik vi selusien onen Balaam natin Beor, selusien onen meatin koa lei kilea en tounah.
4463	NUM 24:16	Koanik selusien onen kei koa mul long kilea selusien onen Ahi, ka mul kur ileilien ka ven Ahi ten out nesa. Selusien enek ka ven kei koa les matil vovoien keil ka romatiltei, koa kur leisanien ka ven Ahi ten Keihoen:
5095	DEU 6:7	Ka mihehiseini min titami keil. En avong vasi, mihehitehiteni min keil: navong miheto teim ka navong mihoual; navong miheseh, ka navong emun mihoum.
5114	DEU 7:1	“Iahova, Ahi onami, helamun kami miheha en atan koa mivaha mivato ien. En out enek, vangi meatin keil oulu (7) aro ien. Keil vasi avi houlu mok ka akur keihoen mulin kami: me-Hit keil ka me-Kirkas keil; me-Amor keil ka me-Kenan keil; me-Peres keil ka me-Hiv keil; ka me-Sebus keil emun. Ka navong mivaha en out enek, Ahi helikat rasilin keil vasi ran out enek.
5118	DEU 7:5	Hesakini mihoumoni hemukonek: ahor ten sanien one, mihou rasilini; ahat lou keil one, mihou pahasi hemahoiahoi; ai lou keil one, miheta kokotehei; ka nana keil one, mihesoni heha en ahang.
5122	DEU 7:9	Sakini mihendem kati keke Iahova, Ahi onami, kei tanges vi anatin. Kei, en rovobongentei hatkatien keil onen. !Vuo! Lises kei musil kati. Koakeil e vati ka amusil kat mengkatien keil onen, kei houm vasin hatkatien takeih onen ka hetie lat envatien onen min keil: min koakeil ten avong kosa, ka min koakeil ikatau veah heha vio … keite teni hetovuol.
5141	DEU 8:2	“Mihendem kat sise koa taveah en out volvol koa Iahova mulamun kami eni sua hanumau elu (40). Ka en avong keil enek, Iahova san sakvisien keil mai en kami keke helei kilea rendemien onami: mihesak mesein kami keke mivalong kat mengkatien keil onen vuo miherlong kattei.
5229	DEU 11:19	Mihehiseini min titami keil. Anatin, en avong vasi, mihehitehiteni min keil: navong miheto teim ka navong mihoual; navong miheseh, ka navong emun mihoum.
5236	DEU 11:26	“Kosa, naling sise elu en metomi: sise ten tokolkatien ka sise ten mahien.
5842	DEU 34:1	Navong Mosis selus min me-Isrel keil evus, mea ran out Moab koa vi aet, ka veou vina en hoi Vatihou Nebo nesa. Vina nesa mok en Vatihou Piska en usite va taon ten out Seriko. Ekonek en hoi hou nesa, Iahova rie lat atan vasi keil mini: atan koa hehi onen Kilead koa mul en usite koa saot rokol hakot ten atan koa hehi onen Dan koa mul soutin en usite koa not.
5964	JOS 6:13	Keil uva amual amusil vati sakien koa amumoni mulamu: meatin keil tavaeen amual amulamu, ka pris keil koa, amuh hon one akatau en keil. Evus, pris keil koa mun, avous Bokis ten Hatkatien, ka vangi meatin tavaeen keil akatau en keil vasi. Ka hon keil, pris keil amuhi muleleh.
5972	JOS 6:21	Uva ral min naef tavaeen keil one ka amu vini tounah vasi koa amul ien: meahos ka ahin keil; titiali keil ka ulmatu keil; ka buluk, sipsip ka dongki keil emun.
6479	JOS 24:1	Sosua vise ruai vatiamal vasi keil onen me-Isrel umai veni en out Sekem. Vise metai keil one umai en meten Ahi: elda keil, hetetamen keil, koakeil alei revi usite onen meatin keil, ka avat ten meatin keil tavaeen emun.
6493	JOS 24:15	Munak emi rovattei mivousili, kosa, mihehit kilea keke mihousil sei: ahi keil koa avu onami keil uva netan mini en out Mesopotemia, vuo ahi keil onen me-Amor keil koa atan ese miro ien kosa. !Anatin, mihehit kilea mihousil kat ahi sa! Ka en usite onak ka onak keil, komai mehousil kat Iahova ka meheha netan mini enges.”
7199	RUT 4:7	(En avong enek, sakien onen meatin keil mukok: navong keil e vati avahul atan tai, meatin koa atan onen hekulat usi sandel onen, ka hesani min koa kei vuli. Sakien koanek rie lati keke keilu luselus revi tuai avahul lat atan enek.)
7210	RUT 4:18	Ka koanek vi vatiamal koa kistal en Peres: Peres vi tata onen Hesron
7382	1SA 8:11	Kei vit kilea min keil vit, “Koanek hehi sakien keil onen asuv houlu koa hemai helosil kat kami. Kei hemai hekur ehon keil iha ivae en usite onen: tei en keil iloh en hos osen keil, tei en keil iloh en kat tavaeen keil onen koa hos mul lehei, ka tei mun en keil ihi meatin taleikokoeien keil onen koa heloh helamu en kat keil onen.
7565	1SA 15:3	Miheha mihevae hetal min me-Amelek keil ka mihou lin tounah vasi keil one. Mihou vinvini meatin vasi keil: amo keil ka ahin keil, titiali keil ka tivava keil one emun. Mihou vinvini buluk, sipsip, kamel ka dongki keil ose. Mihouas keil vasi, miherling etai tounah hemoul.”
7630	1SA 17:10	Kosa, nasan selusien koanik vat min kami meatin tavaeen onen me-Isrel keil: munak etai en kami mundemi keke kei vi ame, kei varei hemai melhevae.”
8868	1KI 5:1	Solomon losil kat mari out tai: out keil en vali Oaisal Upretis en usite koa ist va rokol hakot ten kantri ten out Isip en usite koa wes, ka out keil emun en out Filistia en usite koa saot va rokol Atas Medeterenia en usite koa not. Meatin vasi keil koa aro en out keil enek asan takis keil one va mini ka amul en hen en avong vasi koa kei moul ro.
9112	1KI 11:1	Asuv houlu Solomon, envatien onen mul en ahin keil houlu ten kantri savsav keil. Kur natnahin asuv houlu ten out Isip. Evus, retalihe mun ral min ahin savsav keil emun: koakeil ten out Hit, ten out Moab, ten out Amon, ten out Edom, ka ten out Saedon emun.
9144	1KI 11:33	Numon koanek veni Solomon sesein nau, ka va netan min ahi sav keil: min Astata, ahi koa vi ahin onen me-Saedon keil; min Kimos, ahi onen me-Moab keil; ka min Molek, ahi onen me-Amon keil. Solomon romusiltei sise onak ka long sesein nau. Kei mum kalkali ka rolong kattei rek vasuval tamen Deved mumoni mulamu.’”
10144	2KI 21:21	Kei musil vasi sakien tatisaso keil onen tata onen: nana keil koa tata onen va netan mini, kei mun va netan mini.
10161	2KI 22:12	Evus, kei san selusien va min meatin keil ekek: pris Hilkia, Ahikam (natin Safan), Akbor (natin Mikaeah), Safan (klak onen asuv houlu), ral min Asaea (meatin takataunien onen asuv houlu). Ka navong umai, asuv houlu Sosaea meng kat keil vit,
12016	2CH 36:18	Ka Nebukanesa ral min meatin keil onen alah vuol en tounah vasi keil onen me-Sudah keil: tounah keil en Eim Votut onen Iahova ral mani keil koa mul ien, ka tounah keil vasi koa mul en mari eim onen asuv houlu ral min eim keil onen hetetamen keil onen. Tounah vasi keil onen me-Sudah keil, me-Babilon keil akuri vi one suk.
12499	NEH 8:2	Sakini Esra lahi mai ven meatin keil ekek: amo keil, atou keil, ehon keil ka atouli keil emun koa akilea tounah.
12512	NEH 8:15	Navong keil alonge mukok, asuv keil ral min meatin sav keil koa umai, asan selusien va min meatin keil ten out Serusalem ka meteimal sav keil avit, “Ir rehoumon votevav keil housil mengkatien keil onen Mosis. Sakini, miheha en hou keil ekek ka mihelah ai keil en vatiai keil koa amukok: vati olip, vati mertal, vati maman, vati paen, vati vipi ka vatiai savsav keil koa ouai keil amul ien.”
12513	NEH 8:16	Sakini, meatin keil along kati ka uva arei ai keil ka alah risi umai. Evus, keil amumon votevav keil ome en out vasi keil: nesa en hoi eim one koa vi aet, vuo neim en teahu one, vuo tei en meatin keil koa amumon ome vesesal ven Eim Votut onen Ahi. Ka koakeil koa mun, amumon ome en out ten lahruaien vesesal en Metareh ten Vulioai vuo en out ten lahruaien vesesal en Metareh onen Efrem.
12593	NEH 11:1	En avong enek, asuv keil onen me-Isrel keil amundemi tahos keke avoum ris teim se keil en out Serusalem. Ka meatin sav keil amundemi tahos keke umon taet en meatin keil one koa akilea avato en out Serusalem, avoum revi taon votut onen Ahi. Sakini, aleh eis ten famle keil koa ito ien musil sakien koanek: en famle halualim (10) vasi keil onen me-Isrel keil, aleh isen famle tai. Ka koakeil arlehtei ise, keil uva amumon teim se keil en taon ka en meteimal sav.
12942	JOB 4:8	Inau nales koanik: meatin koa kil atan ten tisaen ka luh utiai keil tasakkalkalien ien, kosa keil akur hei sakkalkalien ka hei tisaen.
13944	PSA 1:1	Sien hel en koakeil: asesein rendemien koa meatin tatisa keil amul asani; armusiltei sakien onen meatin tisa keil, vuo arkapiltei vatal koakeil amumon tohtohien en tounah keil onen Ahi.
14028	PSA 8:7	Koling tounah vasi keil koa komumoni en hen meatin keil; korie lat keil avi hetetamen imok mulin tounah vasi ten out netan:
14920	PSA 65:10	Kolei kat revi atan ka kosan ous musani, kosakin amas mul ien ka tounah vasi amoul tahos ien. Kosakin oai vilelau en poal keil, ka kosakin anien mul moul en out netan. Keik komul komumoni mukok:
17445	ECC 3:16	Ka navong namul en out netan, nales tounah tamun: en out koa alei revi usite onen meatin keil, inau nales sakkalkalien eni. Anatin, en out ten maluen, tisaen emun mul ien.
17480	ECC 5:12	Koanek vi tounah tamun koa nalesi romaltei en out netan: Meatin keil apurun moulien one enges keke avalah ruain tounah keil one vamai vahi houlu.
17606	ECC 12:13	Inau naselus en tounah vasi keil minuk, ka keite teni keiek: kihouhou min Ahi ka kusil kat mengkatien keil onen, veni koanek vi vati rendemien koa Ahi mumonuk veni.
19033	JER 1:18	Seremaea, kitaengon revi enau. Meatin vasi keil ten kantri koanek ivae heha katuk: asuv houlu keil ten out Sudah, hetetamen keil one, pris keil one, ka me-Sudah vasi keil emun. Ka keil isakras avahitan enuk veni inau niting koek. Kosa nasan keihoen minuk kovamai kovasuval vieh takeih tai koa karahit koe taon tai. Anatin, keik kimai kisuval pos tai ten usi eim koa keih koa amumoni en aean, veni inau, Iahova, naro vesesal venuk ka namese moutut moulien onom.”
19793	JER 31:33	Hatkatien hau koa numoni hetal min me-Isrel keil en avong enek hemukok: Inau, Iahova, niling mengkatien onak keil il en rendemien one, ka nitis kati hel en tine. Inau nihi Ahi one, ka keil ihi meatin keil onak.
21813	DAN 1:7	Avat Aspenas viles iseatel mukok: min Daniel, ling isen vi ‘Beltesasar,’ min Hananaea, ling isen vi ‘Sadrak,’ min Misel, ling isen vi ‘Misak,’ ka min Asaraea, ling isen vi ‘Abednego.’
21878	DAN 3:2	Evus, asuv houlu sisil en hetetamen vasi keil onen avamai avalei rohtoh en nana onen koa amumoni: minista keil onen, avat ten provins keil, koakeil amum suval eria sekreteri, koakeil avit lat sise mini, koakeil alei kat mani keil onen, koakeil alei revi usite onen meatin keil, polis keil onen, asuv vasi keil, ka hetetamen savsav vasi keil emun koa amul en provins enek.
21905	DAN 3:29	“Sakini, nameng kat selusien koanek: “Munak etai en meatin keil iselus karen Ahi onen Sadrak, Misek ka Abednego, meatin onak keil itali vahas ave ka u rasilin teim se. Anatin, umoni hemukonek min keil, avaseini aka en vangi meatin sa vuo aselus en selusien sa. Veni ahi sav tovuol koa kilea voutut moulien onen meatin keil onen vamukonek.”
21907	DAN 3:31	Asuv houlu Nebukanesa san tisien koanek va min meatin savsav keil onen koa aselus en selusien savsav keil koa amul en kantri vasi keil koa kei losil kati. Tisien enek vit: Amas ka tomat hel en kami.