5	GEN 1:5	Meneai enek, kei ling isen vi ‘Meneai;’ ka mankoli, ling isen vi ‘Vongien.’ Vongien va, meneai mai, koanek vi avong tai.
24	GEN 1:24	Evus, Ahi viteni vit, “Maen tounah vasi koa moul keil ikikistal en out netan: koakeil amah, ka koakeil ten eivorohus; koakeil amarite, ka koakeil avi havipi.” Ka mai kistal suval koa viteni.
26	GEN 1:26	Evus, Ahi viteni vit, “Ekek, tovoumon meatin koa hesuval iatel. Ka tounah sav keil ten out netan hel en hen: mesau keil ka aman keil; tirendan keil koa amah ka koakeil ten eivorohus; koakeil amarite, ka koakeil avi havipi.”
54	GEN 2:23	Ka navong meahos lesi vit, “Anatin eli, koanek suval inau varei. Sin amumoni ran sik; aven amumoni ran avek. Sakini, niling isen hehi ‘ahin’ veni kei kistal ran meatin.”
2021	EXO 18:21	Ka hetahos imok keke kitie lati mun tei meatin keil koa kolesi avinvin avakataunuk, ka kiling keil ihi metai avalosil kat vangi meatin keil: vangi meatin koa halualim (10) amul ien; vangi meatin koa hanumau elu ka halualim mun (50) amul ien; vangi meatin koa handred tai (100) amul ien; ka vangi meatin koa taosen tai (1000) amul ien. Koakeil enek ihi vati meatin koa avouhou min Ahi, desien onen meatin sav keil amul en keil, ka asakras avakur mani en sise ten luvosien.
2025	EXO 18:25	Sakini rie lat meatin keil koa avinvin ven umen koanek ka ling keil avi metai alosil kat vangi meatin keil: vangi meatin koa halualim (10) amul ien; vangi meatin koa hanumau elu ka halualim mun (50) amul ien; vangi meatin koa handred tai (100) amul ien; ka vangi meatin koa taosen tai (1000) amul ien.
2092	EXO 21:14	Ka munak meatin tai tin tisa kat meatin sav tai ka mumon rendemien suai tai onen vit vouasi vamat, ka muasi mat; meatin koa vuhu enek, kei mun uasi hemat. Avaseini meatin enek helohosai heha heto kus en ahor ten sanien onak.
2140	EXO 22:25	Munak meatin kur tounah tai ran kami ka mihuli kat eisin omon hetokol avong koa hemai ris hehul lati; minahuli kattei eisin omon natokol meteiai nanu.
3325	LEV 20:6	“Munak meatin tai en vati vahiles eisilin ranau keke vakur rendemien etai en koakeil akilea avaselus min ninin tisa keil; inau mun, nihiles eisiluk rani ka nirkur revitei kei hesuval meatin onak tai.
4427	NUM 23:10	Vatiamal keil koa akikistal ran Siekob avi houlu suval vulimeas; me-Isrel keil, asakras avahuli keil. Navong moulien onak hevus, ek vat keite teni hesuval tai en meatin keil ekek onen Ahi. Ek vati nimat en tomat hesuval koakeil enek koa amutolas en meten Ahi.”
5095	DEU 6:7	Ka mihehiseini min titami keil. En avong vasi, mihehitehiteni min keil: navong miheto teim ka navong mihoual; navong miheseh, ka navong emun mihoum.
5114	DEU 7:1	“Iahova, Ahi onami, helamun kami miheha en atan koa mivaha mivato ien. En out enek, vangi meatin keil oulu (7) aro ien. Keil vasi avi houlu mok ka akur keihoen mulin kami: me-Hit keil ka me-Kirkas keil; me-Amor keil ka me-Kenan keil; me-Peres keil ka me-Hiv keil; ka me-Sebus keil emun. Ka navong mivaha en out enek, Ahi helikat rasilin keil vasi ran out enek.
5118	DEU 7:5	Hesakini mihoumoni hemukonek: ahor ten sanien one, mihou rasilini; ahat lou keil one, mihou pahasi hemahoiahoi; ai lou keil one, miheta kokotehei; ka nana keil one, mihesoni heha en ahang.
5229	DEU 11:19	Mihehiseini min titami keil. Anatin, en avong vasi, mihehitehiteni min keil: navong miheto teim ka navong mihoual; navong miheseh, ka navong emun mihoum.
5857	JOS 1:4	Hakot keil ten atan onami mul en out volvol en usite saot vina rokol vatihou keil ten out Lebanon en usite not; ka en mari Oaisal Upretis en usite ist, atan vasi keil onen me-Hit keil, va rokol Atas Medeterenia en usite wes.
5972	JOS 6:21	Uva ral min naef tavaeen keil one ka amu vini tounah vasi koa amul ien: meahos ka ahin keil; titiali keil ka ulmatu keil; ka buluk, sipsip ka dongki keil emun.
9144	1KI 11:33	Numon koanek veni Solomon sesein nau, ka va netan min ahi sav keil: min Astata, ahi koa vi ahin onen me-Saedon keil; min Kimos, ahi onen me-Moab keil; ka min Molek, ahi onen me-Amon keil. Solomon romusiltei sise onak ka long sesein nau. Kei mum kalkali ka rolong kattei rek vasuval tamen Deved mumoni mulamu.’”
13944	PSA 1:1	Sien hel en koakeil: asesein rendemien koa meatin tatisa keil amul asani; armusiltei sakien onen meatin tisa keil, vuo arkapiltei vatal koakeil amumon tohtohien en tounah keil onen Ahi.
13982	PSA 5:3	Ahi ka asuv houlu onak, kilong tangien onak ven kovakataun inau. Namul nasan hisien keil onak minuk;
13991	PSA 5:12	Ka koakeil aro suai enuk en avong takeih, isi keil; ka lises, isau masmasuk. Kisak ven koakeil e vatuk keke meatin tatisa keil anapuruntei keil, hesakini ihat lat isom.
13992	PSA 5:13	Ahi Asuv, tokolkatien onom hel en koakeil ualien one tahos; koring koe keil ral min envatien onom suval ousiel koa asuv lingi mul koe rea.
13997	PSA 6:5	Konalei vinitei inau, Ahi Asuv; kikataunau veni enmahisien onom mariso.
13999	PSA 6:7	Namurang vini inau; en vongien vasi, simetok mul kas oulung mak, sakini memer vasi.
14000	PSA 6:8	Nasakras maleilei vatahos veni metok mutetep; namurang houlu veni meatin tatisa keil amul apurunau.
14002	PSA 6:10	Kei long nau navong napeahi ven kataunien onen; ka kei hesan heite ten hisien onak.
14024	PSA 8:3	Masmasien heha minuk heka en titiali keil ka tivava keil. Keik koro en out tetahos ran koakeil uvae ral minuk; Koring koe koakeil avit avapurunuk.
14028	PSA 8:7	Koling tounah vasi keil koa komumoni en hen meatin keil; korie lat keil avi hetetamen imok mulin tounah vasi ten out netan:
14029	PSA 8:8	sipsip ka buluk ka tirendan vasi keil koa amual;
14033	PSA 9:2	Ahi Asuv, nimasmasuk eli en moulien onak; Nihitehiten mormore tounah keil koa komumoni.
14034	PSA 9:3	Nisau hetal min sien venuk; nisau masmasuk, Ahi ten keihoen.
14035	PSA 9:4	Navong kokistal, koakeil amumon rea ral minau alohosai; amusavoi, umot, ka umat.
14039	PSA 9:8	Ka Ahi, kei vi asuv houlu ten lises; kei rondan en avet ral keihoen onen keke voumon kot en meatin keil.
14040	PSA 9:9	Kei losil kat out netan ral min maluen; lei revi usite onen meatin keil ten kantri vasi keil ral min rendemien koa mal.
14047	PSA 9:16	Meatin keil koa areingeingenuk umot en avul koa akili onen meatin sav vamot vaha ien; ka ai tetapolis koa alingi, rapus lat keil eris.
14050	PSA 9:19	Kosa, alei sesein livere keil, ka hermukteinek en avong vasi; keitinesek, koakeil tounah tovuol desien one mai vi heisavos, ka irtotei hemukonek lisenges.
14108	PSA 16:4	Ka koakeil amusil ahi sav keil aleh mahien mai en keil. Navong keil iha netan min ahi one, nirkapiltei hetal keil; ka nirlah ruai tei hetal min keil navong akur sanien keil one.
14109	PSA 16:5	Ahi Asuv, kosa moulien onak mules en hem; en avong keil koa hemai, namundesinuk kisan tounah natamurei eni.
14112	PSA 16:8	Ahi Asuv, lises nalinguk mulamun enau; veni koro vesesal, tounah tovuol vasak kulul inau.
14184	PSA 19:3	Navong meteiai mea roha, mul eris vit usil keihoen onen Ahi va vio … mea ris out mulan; ka avati emun mules vitehiten ileilien onen Ahi Asuv va vio … mea ris.
14185	PSA 19:4	Koakeil enek arselustei, ka rea tovuol rovataengoni en keil;
14186	PSA 19:5	ka mukos, longlongien keil one usil Ahi karahit out vasi; va rokol meatin vasi keil en out netan. Meteiai en out nesa, Ahi lingi en vulie.
14187	PSA 19:6	En visokon vasi, mea ral min sien; kei suval meatin koa tin si ka sak mesei ven lohlohien tai.
14189	PSA 19:8	Mengkatien onen Ahi Asuv tahos imok, ka sak revi tiner. Hatkatien onen, rokilea rovaling desien orer eni; ka mul san meteisauen min koakeil one tovuol.
14191	PSA 19:10	Kei mal keke rorie lat houhouen orer min Ahi, rehoumoni lisenges. Mengkatien keil koa sani min ir avi anatin; keil amal vasi.
14259	PSA 24:1	Out netan ka tounah vasi keil koa amul ien avi onen Ahi; koakeil amoul ien, keil avi onen.
14260	PSA 24:2	Kei ling kat atan nesa en huinev ten atas; vatte ten out netan, mumoni en anev ten atas.
14304	PSA 27:2	Navong meatin tisa keil umai avit avouas nau ka asak visi mamat; Ahi hesakin nau nilikat keil, ka keil ilohosai ka isavoi, keil imotmot varei en sise.
14306	PSA 27:4	Tounah tai, navis Ahi veni; keinges ek vati. Ek vati mok nitos en Eim Votut onen lises en moulien onak. En out enek, metok hel en Ahi onak, en more nan lises, ka nihisi ven kataunien onen.
14308	PSA 27:6	Hesakini, nilohlin koakeil avit avahu vatal minau. Nisan sanien keil min Ahi Asuv hetal min hisohisoen ten sien; nisau mini ka nimasmasi.
14311	PSA 27:9	Konato suaitei ranau. Konavuroh kattei inau, konalei seseintei inau, meatin toumien onom. Ahi koa komutut inau, mulamu, kokataunau; konalokoveintei nau li nanato sasok.
14312	PSA 27:10	Vahesa tata onak keilu mama onak lulokoveinau; ka keik, Ahi Asuv, kilei kat revi nau.
14313	PSA 27:11	Ahi Asuv, kihiseinau en asa koa em vati moumoni; ka kilamunau en sise koa meatin tisa keil areingeingeni avousil inau eni.
14328	PSA 29:3	Ren Ahi musel en mesaiuai ten atas; Ahi ten muohien, selusien onen suval voulul, mai kistal en teilang nesa en atas.
14333	PSA 29:8	Ren sakin atan kulul en out volvol; en out volvol ten out Kates, atan mul kulul.
14342	PSA 30:6	Vurohien onen mul tamureis, ka tahosien onen mul taveah. Avaseini simetomi houe en vongien; en meneai teni, mihelonge hetahos eris.
14349	PSA 30:13	Sakini, nirto raengtei, nimasmas isom lises. Ahi Asuv, kovi Ahi onak; nil nihiten hihuri minuk lisenges.
14582	PSA 42:2	Ahi onak, en moulien onak, maroro kat nau venuk. Anatin, nasuval tirendan tai koa maroro kati ven oai koa kistal en oaisal;
14729	PSA 51:6	Tisaen koa namumoni, namumoni va katuk enges, Ahi; sakien onak eli romaltei en metom. Sakini mal keke kolei revi sakien keil onak, keik komal keke kosan mahien minau.
16260	PSA 135:17	Ralinge mul, ka asakras avalonglong; onge mul, ka asakras avaseh.
17444	ECC 3:15	Tounah vasi koa amul kosa, amul tuai mulamu; ka asa koa hemai hekatau, kei mul tuai kosa. Ka tounah keil koa kur out mulamu, Ahi helehei hemai hekistal eris.
17841	ISA 6:2	En out koa Iahova mul ien, vati angelo keil koa avise en ‘sereb’ amuka nesa eni ka ave mul vihil houlu. Retai en keil, apoue ahetai (6). En apoue elu, akav koe nae eni; ka en elu mun, akav koe ale tanetan eni; ka en elu mun, amuka eni.
23375	MAT 6:24	Ka Iesu vit, “Meatin tai sakras voum min masta elu (2). Veni munak kei hesak visi voumoni, tin heat tai, ka en hehat tai en keilu; vuo rendemien onen hel en tai ka helei sesein tai en keilu. Misakras mivaha netan min Ahi vatal min tounah mani.
23393	MAT 7:8	Ven meatin vasi koa avisi ven tounah, keil ikuri suk; koakeil amul alekat tounah, keil ihotini; ka voiteh heseha min koakeil amul amutiti.
23499	MAT 10:13	Munak meatin keil en eim enek ikur revi kami, tomat onami hel en keil; ka munak keil isesein kami, mihekulat ris tomat onami ran keil ka miheha.
23573	MAT 12:15	Ka Iesu kilea en rendemien one; sakini kei lokovein out enek. Ka marmari vangi meatin keil amusili ka Iesu sak revi koakeil vasi amesai.
23631	MAT 13:23	Ka uti uit keil koa umotmot en atan koa tahos, kei suval meatin koa long selusien onen Ahi ka long kilea eni. Ka en moulien onen, selusien enek heson heite. En moulien onen koakeil, heson heite houlu; en koa mun, hetaleha; ka koa mun teisav, hetaleh vini en heite.”
23643	MAT 13:35	Kei mumoni mukok keke voumon selusien onen Ahi koa sani min provet tai mai vi anatin koa vit, “Inau niselus en tatavolien keil; Anatin, en tatavolien keil, nihitehit usil tounah koa mul suai en avong koa Ahi mumon out netan rokol kosa.”
23733	MAT 15:31	Ka navong meatin keil ales asa koa mumoni, amutimanin houlu veni koakeil avi ameng, aselus; koakeil ale kalkali, umai ris atahos; koakeil asakras avoual, amual; ka metovar keil, alele. Navong alesi, amasmas Ahi onen me-Isrel keil veni.
24066	MAT 24:40	En avong enek, munak meatin elu lumum en ah tas; tai en keilu Ahi hekuri hehina heto hetal mini, ka tamun helokoveini hetos.
24112	MAT 25:35	Veni navong amai kat nau, misan anien minau nakani; navong maroro kat nau, misan oai minau namuni; ka navong navi heou, mikur revi nau en teim onami.
24113	MAT 25:36	Anatin, navong eisin omak tovuol, mimusin enau; navong namesai, milei kat revi nau; ka navong namul en eim takeih, kami misau enau.’
24114	MAT 25:37	“Evus, meatin keil amal ihit kesi minau ihit, ‘?Asuv, avong sa varei melesuk amai katuk ka mesan anien kokani; vuo maroro katuk ka mesan oai minuk komuni?
24119	MAT 25:42	Veni navong amai kat nau, mirsantei anien minau maani; navong maroro kat nau, mirsantei oai minau mamuni;
24120	MAT 25:43	ka navong navi heou, mirkur revitei nau en teim onami. Ka navong eisin omak tovuol, mirmusin entei nau; navong namesai, mirlei kat revitei nau; ka navong namul en eim takeih, kami mirsao entei nau.’
24373	MRK 3:16	Koanik vi isen eiloheh teindan elu (12) koa Iesu rie lat keil: Saemon (koa Iesu ling isen tamun vi Pita);
24374	MRK 3:17	Tiemes ka tunali Sion koa Iesu vise keilu en ‘natin voulul’ (koa tata onealu Sepeti);
24532	MRK 6:56	En out vasi koa Iesu va en; meteimal keil, taon keil, vuo en sise emun; meatin keil alah koakeil amesai uva en out ten lahruaien. Keil apeah Iesu keke vatali lat keil ran mesaien one vuo vamaen keil avatokol kele eisin enges omon. Ka koakeil vasi arokol kele eisin omon amoul eris.
24569	MRK 7:37	Ka koakeil araengon tounah enek amutimanin eni avit, “Tounah vasi koa kei mumoni tahos. Kei mumon koakeil ralinge vonhon, akilea avalong tounah; ka koakeil avi ameng, akilea avaselus.”
24686	MRK 10:29	Sakini, Iesu viteni min keil vit, “Anatin, naviteni min kami, koakeil alokovein teim se, vuo tue keil, vuo ahine keil, vuo mama, vuo tata, vuo titiali, vuo ah se keil venau ka ven longlongien hos;
24818	MRK 13:32	Ka Iesu viteni vit, “Meatin tovuol vailea avong koa Natin Meatin hemai: angelo keil en out nesa arkileatei, vuo Natnali mun; Ahi Tamer enges kilea avong teni.
24821	MRK 13:35	Sakini, mihelei kat revi kami ven mireingeingen avong koa hetamen ten eim hemai ris eni: nahi en mendilah vuo en vongien; out helan vuo en visokon.
24853	MRK 14:30	Ka Iesu vit risi mini vit, “En vongien enek, out hermulantei mau, ka ato herkokorattei mau hatte helu; ka keik, kihiteni hatte hetel keke korkileatei inau.”
24935	MRK 15:40	Ahin houlu avati keil soutin neli ran aiveave ka amul arapehai avalesi. Keil amusil Iesu umai en out Serusalem. Ka etel en keil, Meri ten out Makdela, Salome, ka Meri mama onen Iosev keilu Tiemes; mulamu telmusil Iesu navong mul en out Kaleli ka telkatauni.
25095	LUK 3:1	En avong koa Taebirias vi Sisa ten out Rom sua teindan elim (15), meatin ehat (4) sav emun amul akataun losilkatien onen: Herod Antipas vi asuv houlu ten out Kaleli; tunali Pilip vi asuv houlu ten out Ituria ka Trakonaetas; Lisanias vi asuv houlu ten out Abilin; ka Pontias Paelet vi avat ten kavmen ten out Sudea.
25111	LUK 3:17	Kei sak mesei tuai vatiti vas meatin vasi keil hesuval meatin koa kur savel keke vaso lelat uti uit vaha ran ingeite. Uti uit koa hetahos, helah ruaini heha en eim onen; ka ingeite keil teni, heniti en mari ahang koa sakras vamat.”
25229	LUK 6:14	Saemon (koa Iesu ling isen tamun vi ‘Pita’) ral min tunali Andru; Tiemes keilu Sion; Pilip keilu Batolomiu;
25230	LUK 6:15	Matiu ka Tomas; Tiemes natin Alveas; ka Saemon (koa mul en vangi meatin keil koa e vati mok keke Siu keil avamaluv ran hen kavmen ten out Rom);
25258	LUK 6:43	Iesu viteni min vangi meatin keil enek vit, “Vatiai koa tahos, rosontei heite koa tisa; ka vatiai koa tisa, rosontei heite koa tahos.
25259	LUK 6:44	Vatiai vasi keil, alei kilea en keil ka en heite keil koa asoni. Kosakras kovalah hei manggo ran vati vilu; ka kosakras kovalah hei tavoi ran aikatiat.
25286	LUK 7:22	Sakini Iesu vit risi min meatin keilu onen Sion vit, “Milheha ris milhehiteni min Sion asa koa millonge ka millesi. Koakeil mete var, akilea alele eris; ka koakeil asakras avakaka, amual eris. Meatin keil koa akur mesaien ten leprosi, keil ave mai muto ris; ka koakeil ralinge vonhon, alonglong eris. Koakeil umat, amoul eris; ka more longlongien mul va min koakeil tounah one tovuol.
27005	ACT 1:13	Navong keil arokol taon, uva en eim koa amul aro ien, avina en out tai koa mul nesa. Koakeil aro vituai en avong koanek avi Pita, Sion, ka Tiemes; Andru, Pilip ka Tomas; Batolomiu ka Matiu; Tiemes (koa vi natin Alveas); Saemon (koa mul en vangi meatin keil koa e vati mok keke Siu keil avamaluv ran hen kavmen ten out Rom); ka Sudas (natin Tiemes).
27027	ACT 2:9	Ir roka en out Partia, Midia, ka Ilam; en out Mesopotemia, Sudea, ka Kapadosia; en out Pontas ka Esia.
27540	ACT 15:29	minaantei anien koa asani vi sanien votut min nana keil; minaantei ara; minaantei vuseri ten tirendan keil koa asar kat hire avamat ka arrehtei hire keke ara voue rani; ka minamatiltei natal min ahin vuo meahos sav tai koa mirtetalihetei vatali. Munak mihousil revi mengkatien keil ekek, hetahos imok ven kami. “Koanik vi keite ten selusien keil onomai. More mendilah min kami vasi.”
27698	ACT 20:4	Pol mul mual ral min meatin keil ekek: Sopata koa vi natin Piras ten out Beria; Aristakas ka Sekandas ten out Tesalonaeka; Geas ten out Derbi; Taetikas ka Tropimas koa luvi ten out Esia; ka Timoti emun koa vi koan Listra tai.
28184	ROM 7:25	!Ka namasmas Ahi houlu mok veni kei varei mutut nau ka en asa koa Iesu Kristo, Asuv orer, mumoni! Sakini, nales koanek vi anatin en moulien onak: en tinok neim, nalong kat mengkatien onen Ahi suval navi slev teni; ka envatien ten avek hae sakinau nalong kat sakien ten tisaen suval navi slev emun teni.
28236	ROM 9:13	Koanek suval asa koa Ahi viteni en Tus Votut vit, “Envatien onak mul en Siekob; ka Esao, naseseini.”
28454	1CO 1:23	Ka ir, navong rovitehiten asa koa Iesu Kristo mumoni ven ir navong amuti kati en aiveave, Siu keil arkurtei anatin eni, veni romaltei en rendemien one; ka koakeil arvitei Siu emun arkurtei anatin eni, veni amundemi avit vi varu enges.
28491	1CO 3:13	Ka en avong koa Iesu Kristo hemai ris eni, hesak vis umen keil one keke vahothot en keihoen teni. Veni en avong enek, hesuval koa ahang hean vis umen koa amumoni. Koa tahos, herkan lintei, helomal hekeih; ka koa tisa, hean lini.
28544	1CO 6:9	Kami mimumoni suval mireingeingeni keke koakeil amum tisa irtotei en out koa Ahi vi Asuv Houlu ien. !Minaluvostei kami eris! Koakeil amum tisa en ave ral min meatin sav, vuo uva netan min nana keil, vuo akur ason meatin sav, vuo amumon mani en ave, vuo meahos koa matil ral min meahos sav; vati meatin keil enek irtotei en out koa Ahi vi Asuv Houlu ien.
28545	1CO 6:10	Anatin, koakeil avena, vuo avi metenan, vuo avi uti munmunien, vuo avit usil meatin sav, vuo avi tarhena; tovuol en keil kilea vato en out koa Ahi vi Asuv Houlu ien.