75	GEN 3:19	En avetin ten umen onom, kikur tounah taanien heha vis … kimat, ka kimai ris kihi atan. Veni keik, namumonuk en atan, ka kiha ris en atan.”
164	GEN 7:4	Kumoni hemukonek veni avong oulu (7) sesuk keke nisan mari ous hous. Ous hous meneai ka vongien heha vio … hetokol avong hanumau elu (40). Ka en avong enek, tounah sav vasi keil koa amoul koa namumon keil, inau nu lin keil ran out netan.”
269	GEN 11:2	Ka navong umai avi houlu vis avi houlu mok, amual en out koa ist. Amual va vio … ales mari out tai koa vi aet koa mul en mari atan koa avise en ‘Saenar.’ Keil amundemi avit tahos keke avato ien.
276	GEN 11:9	Sakini, avise mari meteimal enek en ‘Babilon’ koa aneite teni vi ‘vilehiles’ veni en out enek, Iahova vilehiles selusien onen meatin vasi keil ka riti rasilin keil vasi en out netan. Meatin keil arasil aro en out sav keil va vio … meatin tai avasi en vatiamal onen Sem, natin Noah, isen Ebram.
305	GEN 12:6	Ebram ka meatin keil onen aka pas kantri enek va vio … umai en out koa avise en ‘Sekem.’ Ka en out enek, en out koa avise en ‘Morah,’ amumon votevav keil one vesesal en mari vatiai tai koa matu vis matu, out koa meatin sav keil uva netan min ahi keil one ien. (En avong koanek, koakeil ten out Kenan avi horetan veah en out enek.)
337	GEN 13:18	Sakini Ebram mea va ral min onen keil, uva vio … arokol out Hibron. Ka amumon votevav keil ome en out koa avise en ‘Mamre,’ vesesal en mari vatiai koa matu vis matu, out koa meatin sav keil uva netan min ahi keil one ien. Ka en out enek, Ebram kur mari ahat keil ka mumon ahor ten sanien ka munit sanien votut vina min Iahova.
552	GEN 22:4	Telmual va vio … en avong etel teni, telles out koa Ahi vat kati mini mul soutin neli veah.
1540	EXO 1:7	Ka titae keil aro en out enek ka akur titae va vio … umai avi houlu vis avi houlu mok. Navong vesesal sua handred ehat (400) mai muli, me-Isrel keil umai avi houlu en out Isip, vesesal vahi keil enges.
2504	EXO 34:7	Anatin, nihuli kat hatkatien onak hetal min meatin keil ka titae keil heha vio … keite teni hetovuol. Koakeil asak kalkali, arali koteh mengkatien keil onak, ka amumon tisaen keil, inau nakilea nitie envatien onak min keil ka numon methos en keil. Ka mukos, nisan mahien min keil enek ven tisaen keil amumoni, ka mahien teni heat keil eris, hetal min titae keil one emun hetokol havine keil.”
4154	NUM 14:45	Ka me-Amelek keil ka me-Kenan keil koa amul en hou keil ekek, umai uvae ral min keil ka amu lin me-Isrel keil. Anatin, keil alikat rasilin keil soutin va rokol out koa avise en Hormah. Evus, me-Isrel keil koa amules aviles ka amusil Mosis ka Eron koa Iahova rie lat keilu keke luvahi avat one. Amusil keilu va vio … rokol avong aro en out volvol sua hanumau elu (40). Ka keil avisu en avong takeih keil houlu en ualien one.
5122	DEU 7:9	Sakini mihendem kati keke Iahova, Ahi onami, kei tanges vi anatin. Kei, en rovobongentei hatkatien keil onen. !Vuo! Lises kei musil kati. Koakeil e vati ka amusil kat mengkatien keil onen, kei houm vasin hatkatien takeih onen ka hetie lat envatien onen min keil: min koakeil ten avong kosa, ka min koakeil ikatau veah heha vio … keite teni hetovuol.
5843	DEU 34:2	Iahova rie lati mini atan vasi keil koa hehi onen Navtali, atan koa hehi onen Efrem ka Manase, atan koa hehi onen Sudah, ka lesi va va vio … rokol out koa meteiai vanu ien en Atas Medeterenia.
7142	RUT 1:13	kamil milkilea milvatosil keilu vaha vio … luvamatu vinvin luvatetalihe? Vuo, koanek sakras vakur out. Ahineli keilu, kamil milkilea veah milvales tahosien, ka inau nasakras. Milnousiltei nau. En moulien onak, nalonge mah houlu veni hen Iahova keih kat nau.”
7146	RUT 1:17	Out koa kimat ien, inau mun nimat ien, ka itahin nau en out enek. Inau nirmaen etai tounah hekulat nau niha ranuk heha vio … ialu tai hemat esuk. !Koanek vi hatkatien onak ka Iahova hesan mahien koa hekeih ramat hemai kat inau munak nitali kotehei!”
7148	RUT 1:19	Sakini, keilu lumual va vio … lurokol meteimal ten out Betlehem. Ka navong lukistal en out enek, meatin keil ten out enek amutimanin en keilu. Ka ahin keil amutimanin avit, “?Noume ekek?”
7174	RUT 2:23	Sakini, Rut mum ral min ahin toumien keil onen Boas va vio … rokol avong koa alah ruain bale keil, ka katau, alah ruain uit emun ran ah vasi keil osen Boas. Ka Rut ro nges ral min avu tisa onen enek.
7221	1SA 1:7	Peninah mumoni mukok mini en sua vasi keil. Ka avong koa uva en Eim Tavolin onen Ahi, Peninah sakin Hanah longe tisa va vio … mis ka vit herkaniantei.
7439	1SA 10:19	Inau navi Ahi onami koa mul mutut kami ran mahien keil onami ka avong takeih keil emun. Ka kosa, misesein losilkatien onak ka mivis nau masan asuv houlu tai min kami. Mukonek, almai, mihelomal ekok en metok housil mari vatiamal keil onami. Evus, mihetiti vas kami housil titi amal keil koa mika ien.’” Sakini, Iahova viteni min Samuel keke hehotin asuv houlu onen me-Isrel keil en sakien koa aleh isen meatin eni. Ka Samuel mumoni en mari vatiamal keil, ka leh isen vatiamal onen Bensamin. Mumoni min titi amal keil, min famle keil ka min meahos keil emun ten famle koanek va vio … Samuel leh isen Sol. Ka navong uva avalekati Sol, avotini ro suai en out koa meatin keil aling ateli one ien veni kei metau.
7500	1SA 13:13	Navong Samuel kistal ka lesi keke Sol mumon sanien votut tuai, kei selus keih mini vit, “!Ei, komumon tounah hit kovi varu! Keik kormusiltei mengkatien keil onen Iahova koa vi Ahi onom. Munak kovousil mengkatien keil onen, kei vamaenuk ka natmali keil koa ikistal ika enuk keke mivalosil kat me-Isrel keil heha vio … keite teni hetovuol.
7573	1SA 15:11	“Nalonge tisa houlu keke namumon Sol mai vi asuv houlu, veni kei viles eisilin ranau ka romusiltei selusien keil onak.” Navong Samuel raengon tounah enek, longe tisa houlu ka mules vis min Iahova va vio … out mulan.
7580	1SA 15:18	Ka kei silak kovoumon umen onen. Kei en vati keik kovou vasi meatin tisa keil ten out Amelek. Viteni minuk vit kilamun meatin keil onom miheha mihevae heha vio … mihou vinvini keil vasi.
7598	1SA 16:1	En avong tai, Iahova kistal min Samuel ka viteni mini vit, “?Kiles kilonge hetisa ven Sol heha vio … hevus nengeis? Inau naseseini tuai keke hervitei mun asuv houlu onen me-Isrel keil. Sakini, kosa, kikur oel ka kiha en taon ten out Betlehem. En out enek, kihisu min meatin tai, isen Tiese, veni narie lat natnali tai tuai vamai vahi asuv houlu onen meatin keil onak.”
7669	1SA 17:49	Kei san hen va en ateli onen, kur meralihat tai, ka lingi en siling talauien onen. Evus, kuvini mal va ven Kolaeot ka meralihat enek va va vio … bon vatin, ka kanu varei va neim. Ka Kolaeot mot, muas vatin en atan.
7672	1SA 17:52	Evus, meatin tavaeen keil ten out Isrel ka Sudah amakul kat keil ka alikat keil va vio … houlu en me-Filistia keil umatmat en vali sise koa ka en out Saeram. Teiai keil one mul retai en out vasi, en hakot ten out Kat va soutin rokol meteau ten taon ten out Ekron. En avong enek, asuv houlu Sol kur Deved mai vi meatin tavaeen tai onen.
8014	1SA 31:2	Me-Filistia keil alikat Sol ral min meatin sav keil onen va vio … avuli kat natnali keitel ka amuas keitel telmat, iseatel Sionatan, Abinadab, ka Malkisua.
8196	2SA 7:13	Hehi kei keke heti eim koa inau nito ien. Ka numon losilkatien onen koakeil ikistal ika en vatiamal onen hel heha vio … keite teni hetovuol.
8199	2SA 7:16	Nisakin vatiamal onom keil koa ikistal ika enuk il lisenges, ka keil ihi asuv houlu keil ilosil kat me-Isrel keil heha vio … keite teni hetovuol.’”
8913	1KI 6:14	Sakini meatin toumien keil onen Solomon amumon eim enek va vio … amum vasi.
9327	1KI 17:7	Ro mukonek avati vahis va vio … titi oaisal enek memes esuk, veni ous tovuol varei.
9332	1KI 17:12	Ka vatina vit risi mini vit, “!Aue li! Nasakras. Navat kati li anatin en isen Iahova, Ahi onom koa moul, veret tovuol emun eli teim. Asa koa mul teim, kap pulaoa tas koa mul en pesin teni, ka hati oel koa havivis mul en veite, ka anien sav keil tovuol varei li. Numai ekok malah ruain angosis keitel ekek keke niha ris teim, nisak mesein hati anien vahi anien ekor eli amal min natkuli. Hevus, amai heat vini komal heha vio … melhematmat esuk.”
9334	1KI 17:14	Kiha kumon asa koa naviteni veni Iahova, Ahi onen me-Isrel keil viteni vit, ‘Pulaoa sakras vavus ran pesin koanek, ka veioel sakras vamemes vio … inau, Iahova, nisakin ous hous hekas tounah vasi en out netan.’”
9337	1KI 17:17	Avati vahis muli, ka natin vatina koanek mesai. Mesaien koanek muasi va vio … sehien onen vus varei ka mat.
9371	1KI 18:27	Evus, en taviai, Ilaetsa selus karen keil vit, “?!Ei mukave, ahi onami vi anatin vuo …!? ?Nahi kei mul rendem usil tounah sav, vuo va en klosis, vuo kei mual va en out sav tai? ?Nahi mul matil? !Kami mihesisil eni, tahos imok mihehis hekeih tamun!”
9372	1KI 18:28	Sakini provet keil avis keih tamun. Ka musil sakien keil one, keil arei ave en naef ka asal keil en metas keil va vio … rae mul mue.
9379	1KI 18:35	Oai kas vasin ahor enek ka mue vita en atan, sien avul koa kei kili va vio … mue lei.
9398	1KI 19:8	Sakini, Ilaetsa mea, kanian ka mun hati oai. Anien enek san keihoen mini voual en meneai ka vongien. Avong hanumau elu (40) romusehtei, mual va vio … rokol Vatihou Senae koa vi vatihou votut onen Ahi.
9401	1KI 19:11	Sakini Iahova viteni mini vit, “Ha hae, kilomal en hoi hou keke kiles nau navong nimai nili.” Ka navong ro veah en valengeihat, Ilaetsa long eang takeih tai mea koa sakin hou keil apas ka muti lin ahat keil … ka Iahova romultei ien. Navong eang va, Ilaetsa long alu tai kulul … ka Iahova romultei ien.
9402	1KI 19:12	Alu vus, Ilaetsa les ahang tai kistal ka mukan … ka Iahova romultei ien. Ahang evus, kei long rea tai koa mul selus merau.
9611	2KI 4:4	Hevus, keik hetal min natmali keilu, mitheha en eim ka mitheoteh kat voiteh. Hevus, kitah oel heha en veioel keil enek. Navong kitah oel heha en tai hehil, kilingi heles ka kikur teisav. Kumoni hemukonek heha vio … keil vasi ihilelau.”
12014	2CH 36:16	Ka keil amumon karien va kat eiloheh keil onen Ahi, asesein selusien keil onen, ka aviteai karen provet keil onen. Amumoni mukok va vio … vurohien onen Ahi mariso va kat keil ka sakras emun vaha netan.
14184	PSA 19:3	Navong meteiai mea roha, mul eris vit usil keihoen onen Ahi va vio … mea ris out mulan; ka avati emun mules vitehiten ileilien onen Ahi Asuv va vio … mea ris.
14584	PSA 42:4	Meneai ka vongien, namis, ka nasakras maanian. Koakeil alele tisa enau amules avis inau avit, “?Ueee … Ahi onom kave?”
14591	PSA 42:11	Vativieh keil onak amul aselus karenau ka nalonge navit mamat veni. Lises avis katiat nau avit, “?Ueee … Ahi onom kave?”
15900	PSA 115:2	Romaltei keke koakeil areingeingen Ahi avoumon tohtohien en komai avahit, “?Ueee … Ahi onami mul kave?”
16316	PSA 139:9	Munak nakilea maka vaha vio … matokol out koa meteiai kistal ien, vuo maha en out koa va munu ien,
16403	PSA 145:13	Losilkatien onom hel lisenges, ka kihi asuv houlu onen meatin keil heha vio … hervustei. Iahova, keik komum vasin hatkatien keil onom, ka korie lat envatien onom ka en sakien keil onom.
17390	ECC 1:5	En avong vasi, meteiai mea ka muloh va vio … vita munu. Evus, kalah eris vina en vulin keke hemea ris.
17391	ECC 1:6	Eang emun, toio mai ka va, ka lengav emun mai ka va, keilu lukarali heisav va vio … luva ris en vulealu.
17393	ECC 1:8	Tounah vasi rovilestei, mul vatte tas. Avek mah en sakien keil enek, ka nasakras emun mahiten etai tounah usili. Meter lele va vio … ka en vati vales tei ris tounah emau. Ralinger longlong va vio … ka en vati valonglong tei ris emau.
17396	ECC 1:11	Meatin keil ten kosa armundem usiltei asa koa kur out mulamu. Ka koakeil imai ikatau en ir, irmundem usiltei asa koa kur out kosa. Ka sakien enek heha vio … keite teni hetovuol.
17848	ISA 6:9	Sakini, kei viteni minau vit, “Kiha kihiteni min meatin keil ekek kihit, ‘Avaseini mihetaeng heha vis … kami miherlong kilea etai tounah. Avaseini mihelele heha vis … miherlei kilea etai tounah.’
18521	ISA 40:31	Ka min koakeil aling desien one en Iahova ven kataunien, kei hesan ris keihoen min keil. Tounah vasi keil koa amumoni ral min keihoen koa hesani min keil hemaes hesuval veivakum koa mul muka maes en teilang nesa. Anatin, meatin keil enek ual heha vio … ka ave hermemerautei. Keil akilea iloh heha vio … ave hermahtei.
18741	ISA 50:9	Iahova ten Keihoen varei heselus en usite onak. ?Sakini, isei kilea vaselus vatisa vaha kat inau? Keil akilea avaselus heha vio … ivupuol enges.”
18780	ISA 52:14	Navong amuti katiat nan ka amutahi aven, amumoni va vio … alesi suval rovitei mun meatin. Sakini, meatin keil houlu amutimanin eni navong alesi.
21936	DAN 4:27	Ka navong nales mari taon onak ten out Babilon, inau naselus sasok enges navit, “Ei … telmali. Nalesi keke taon onak tahos vis tahos imok. Ral min keihoen onak enges namumoni mai vi vuluk kati vatie lati keke inau navi hetetamen imok ka keihoen onak vina nesa vis vina nesa mok.”
21988	DAN 6:15	Navong asuv houlu raengon selusien one, mundemko houlu. Sakini, mul lei kat etai sise vakataun Daniel eni. Mul sak visi va vio … meteiai munu.
22000	DAN 6:27	“Inau nameng kat meatin keil ten kantri vasi koa namul nalosil kati keke ihouhou min Ahi onen Daniel ka imetauni. Veni kei vi Ahi koa moul ka mul lises ka lisenges. Meatin hetovuol hepurun losilkatien onen, ka kei hehi Asuv Houlu onen meatin vasi keil heha vio … hervustei.
22623	JON 2:7	Navita netan va vio … narokol vatte ten hou keil koa amul en atas, ka nalonge suval namul en out ten matien ka nito ekonek lises. Ka keik Iahova, Ahi onak, komai suk kokulat nau ran huinev ten atas mamoul eris.
23078	ZEC 9:10	Kei hekopahas kat tavaeen keil en atan ten out Isrel, ka hos tavaeen keil itovuol emun en taon ten out Serusalem. Hisuput tavaeen keil, kei heta vulvuli hehi soksokeite. Asuv houlu onami enek heling tomat hel en kantri keil. Hakot ten losilkatien onen hel en vali Atas Medeterenia en out not heha hetokol vali Atas Tahilhili en out saot. Atan osen, hakot teni hel en vali Oaisal Upretis en out ist heha vio … hetokol keite ten out netan en out wes.”
23329	MAT 5:26	Anatin eli naviteni minuk, keik kito en out enek ka kosakras kovamaluv heha vio … kihul vasi faen koa alingi enuk.”
23454	MAT 9:6	Ka vasakin kami miheilea keke Natin Meatin kur keihoen en out netan voumon methos vatal min Ahi ka meatin, miheles koanik …” Ka Iesu viles les meatin koa usiven mat ka viteni mini vit, “!Kimea, kilum lat vulum, ka kiha ris teim som!”
23521	MAT 10:35	Suval Tus Votut viteni, numai keke masakin … ‘meahos keil ihiles ivae hetal min tata one keil, atouli keil ihiles ivae hetal min mama one keil, ka ahineli keil ihiles ivae hetal min avu ahin one keil.
23620	MAT 13:12	Koakeil vasi akilea revi selusien onak, Ahi houmon keil ilea revi mok heha vio … ihilelau en ileilien onen. Ka meatin keil koa arkilea revitei, asa koa akuri, Ahi hekulati ran keil.
23622	MAT 13:14	Sakien one mul sakin selusien onen provet Aesea hemai hehi anatin koa vit, ‘Kami mihelonge heha vio … ka miherlong kileatei. Kami mihelele heha vio … ka miherlei kileatei.
23640	MAT 13:32	Avaseini keke uti mastard havivi mok en utiai sav keil, ka navong moul, mul moul tetaveah vina nesa va vio … mai mariso mok mulin tounah sav keil koa amul aluhi en ah. Ka navong matu, kei suval mari holeai tai koa vinvin keke aman keil avamai ka avoumon anu ome keil en angoite keil teni.”
23659	MAT 13:51	“?Mukave, kami mikilea en tounah vasi keil enek, vuo …?” Ka meatin keil onen avit kesi mini avit, “Anatin, mekilea.”
23700	MAT 14:34	Evus, keil amules amu koteh Mari Oai ten out Kaleli va vio … arokol ut en out Kenesaret.
23818	MAT 18:22	Iesu vit kesi vit, “Vuo, rovitei avong oulu (7), ka kumoni avong hehi oulu (7), hevus, avong hehi oulu mun (7), hevus, avong hehi oulu mun (7) heha vio … kosakras kovahuli mun.
23869	MAT 20:8	“Navong meteiai munu, horetan ten neiai viteni min avat onen meatin toumien keil vit, ‘Kihise meatin toumien keil ka kisan ui umen one min keil. Helamu, kihul lat retai en koakeil umai katau heha vio … kivus en koakeil umai mulamu.’
23967	MAT 22:26	Tounah kistal vatte tas en tunali koa katau. Ka en koa etel en keil emun, vatte tas va vio … sakien enek kistal en koa tasikor en time keil enek.
24093	MAT 25:16	“Navong va, hatte tas, kei koa kur gol mani taosen elim (5,000) eva ka mum sosor en mani enek va vio … kur ris taosen elim (5,000) emun ral mini.
24181	MAT 26:58	Ka Pita mul lehni musil vange meatin koa mulamun Iesu va vio … rokol teahu ten teim sen asuv houlu onen pris keil. En out enek, kei va neim en teahu ka rondan ral min meatin taleikokoeien keil ten eim enek keke vales asa avoumoni en Iesu.
24187	MAT 26:64	Iesu vit kesi vit, “Suval koa koviteni. Ka naviteni min kami, kosa heha, miheles … ‘Natin Meatin hetondan en usite matu onen Ahi Asuv ten Keihoen ka mihelesi hemita en mahmah keil ten out nesa!’”
24339	MRK 2:10	Ka veni ek vat kami mivalei kilea keke Natin Meatin kur keihoen keke vakulat tisaen ran meatin keil ten out netan, miheles koanik …” Ka Iesu viles, les meatin koa sakras vakaka vit,
24404	MRK 4:12	Ahi vit usil keil vit, ‘Keil ilonge heha vio … ka irlong kileatei. Ilele heha vio … ka irlei kileatei. Veni munak armumontei vamukonek, keil ihiles moulien one ka inau nilele hetahos eris en keil.’”
24563	MRK 7:31	Evus, Iesu lokovein meatin keil ten out Taer, ka ka pas out Saedon ka out Dekapolis. Kei ral min meatin keil onen uva vio … arokol Mari Oai ten out Kaleli.
24748	MRK 12:6	Horetan enek mumoni va vio … natnali kati koa tas eli mul, kei koa envatien onen mul ien. Sakini, kei sila natnali va ven meatin keil enek veni mundemi vit, ‘Keil ihouhou min natmali kati.’
24877	MRK 14:54	Ka Pita mul lehni musil keil va vio … arokol teahu ten teim sen asuv houlu onen pris keil. Pita rondan ral min meatin taleikokoeien keil koa alosil kat teim enek, ka mul mutae ahang.
24885	MRK 14:62	Ka Iesu vit risi vit, “Inau keinek. Ka hervitei tuetin, kami miheles … ‘Natin Meatin hetondan en usite matu onen Ahi Asuv ten Keihoen. Ka mihelesi hemita en mahmah keil ten out nesa!’”
25079	LUK 2:37	Sakini, vi vatina va vio … sua onen mai rokol hanumau ehat ka ehat emun (84). Ka en avong vasi, visokon va rokol vongien, kei va netan min Ahi en teahu ten Eim Votut, ka avong houlu mul val ran anien keke vahis.
25183	LUK 5:7	Sakini, akuvin he va ven tue sav keil keke avahalis en vot one avamai avakataun keil. Ka navong arokol keil, asien vot keilu vasi va vio … vesesal luvamarindu.
25213	LUK 5:37	Meatin tovuol koa vatah uaen hau tai vaha en veite matu koa amumoni en hiliven sipsip tai veni keih tuai. Mukos, uaen hau enek hetatahou heha vio … veite teni hemaseh ka hemahoihoi. Hepurun veite enek ka uaen houele en atan.
25253	LUK 6:38	Navong misan kataunien min meatin sav, Ahi hesan kataunien min kami. Ka avong koa kei hesan kataunien min kami, hehi houlu mok. Hesuval koa meatin tai seh raes ami en mari kap tai ka vilelau va vio … merang. Mukonek, sakien koa mihoumoni min meatin sav keil, Ahi houmoni min kami vatte hetas.”
25324	LUK 8:10	Ka kei vit kesi min keil vit, “Aneite ten selusien suai usil hiasuvien onen Ahi, inau nihothot eni min kami enges. Ka min meatin sav keil koa arvitei onak keil, navit usili en tatavolien keil enges keke, ‘Avaseini alele va vio … irlei kileatei. Ka avaseini alonge va vio … irlong kileatei.’”
25329	LUK 8:15	Ka utite keil koa umotmot en atan koa tahos, kei suval meatin keil koa along selusien onen Ahi ka aling demkatien one keih eni ral min rendemien tai koa tahos ka mal. Sakvisien keil takeih umai, ka selusien enek mules moul va vio … san heite en moulien one.”
25382	LUK 9:12	Iesu mum va vio … meteiai vita munu. Ka teindan elu (12) onen umai veni ka aviteni mini avit, “Out ekek vi out seh neli ka out mul vong ke. Tahos keke kisila marmari vangi meatin keil ihaha en meteimal keil vuo en eim sav keil koa amul vesesal keke akilea avaha avalekat anien ae ka out tamatilien one.”
25482	LUK 11:8	Naviteni min kami, avaseini en rovattei vamea vasan anien minuk veni kovi tunali, ka veni kormemoutei keke kovahisi, ka kihisi heha vio … kei hemea ka hesan tounah vasi koa em vati.
25525	LUK 11:51	Anatin eli naviteni min kami, ran meatin vasi keil onen Ahi koa avu keil one telamu amu vinvini keil mul sakin he keil avi amus, matien onen Ebel va vio … rokol matien onen provet Sakaraea koa amu vini luhu en ahor ten sanien ka Eim Votut onen Ahi. Ka Ahi hesan mahien ven matien keil vasi one va kat kami.
25587	LUK 12:59	Ka naviteni minuk, keik kosakras kovamea ran eim takeih enek heha vio … kihul vasin tounah koa hetamen ten kot viteni.”
25608	LUK 13:21	Kei suval is koa havivi koa ahin tai soni va en marmari pesin ten pulaoa. Kei vilesi va vio … is sakin pulaoa vasi keil retaho mai marite vis marite mok.”
25661	LUK 15:4	“?Vahit tai en kami, sipsip osen vi handred tai (100) ka tai en keil vuol, kei houmon sa? Kei helokovein sipsip teisav keil osen il ian oumunai en mesai, ka heha helekat tai koa vuol heha vio … hehotini.
25665	LUK 15:8	Ka Iesu viten tatavolien tamun vit, “Vahit ahin tai ling revi mani halualim (10) onen, ka evus, lesi keke tai en keil vuol. ?Kei houmon sa? Henit laet tai, heteas en out neim, ka helekat mani koa vuol en out vasi heha vio … hehotini.
25690	LUK 16:1	Navong Iesu mul veah en sise vaha en out Serusalem, kei viten tatavolien koanek min meatin keil onen vit, “Avong tai, hetamen tai mul koa bisnis onen mul. Ka kei ling meatin sav vi avat valekat bisnis ka tounah sav keil onen. Avat enek mum va vio … hetamen onen kur longlongien vit avat onen mul purun tounah keil onen.
25711	LUK 16:22	“Luro mukonek va vio … meatin koa tounah onen tovuol enek mat, ka angelo keil akuri alingi rondan ral min avu Ebraham en mari anien tai en out nesa. Rovitei tuetin, meatin koa tounah onen houlu emun mat, ka arahini.
25761	LUK 18:4	“En avong vasi, vatina ekek peahi va vio … hetamen mumon asa koa kei visi. Veni kei mundemi vit, ‘Avaseini narvouhoutei min Ahi vuo meatin keil,
25860	LUK 20:12	Evus, horetan enek sila slev onen koa etel eni va ven keil, ka amuasi va vio … vesesal vamat ka alisi va hae ran neiai enek.
25949	LUK 22:16	Naviteni min kami, nirkantei mun anien ekek heha vio … aneite ten Anien ten Mul Laui enek hemai hehi anatin en avong koa hiasuvien onen Ahi hemai hekistal ien.”
26027	LUK 23:23	Ka keil aviso keih tamun emau keke iti kat Iesu en aiveave. Amules amumoni va vio … Paelet maeni.
26459	JHN 8:9	Navong tiser keil ten mengkatien onen Mosis ka Farasi keil alonge mukok, tetai en keil vasi uva. Koakeil amatu uva mulamu, tai evus, tamun va vio … Iesu kei sasen ro, ka ahin enek mul veah mulomal en meten.
26666	JHN 12:17	Houlu en vangi meatin keil ekek amul ral min Iesu navong vise lat Lasaros ran valengeihat tatetahinien ka sakini moul eris ran matien. Ka keil avitehiteni min mesav keil va vio … meatin houlu along usili.