63	GEN 3:7	Hatte tas, rendemien onealu maluv ka lukileile, ka lulei kilea suk keke lukaka hon ka lumemou veni. Sakini, lulah ou fik keil, lupar ruaini ka lukav koe keilu eni.
106	GEN 4:26	Navong Set mai mariso, kur ahin tai. Ka navong ro ral mini, ahin onen kur natnali tai ka ling isen ‘Inos.’ En hati avong enek, meatin keil avita netan min Ahi ka avise rohtoh en ‘Iahova,’ isen kati koa vi votut. Set, moeite onen vi Inos. Inos, moeite onen vi Kenan. Kenan, moeite onen vi Mahalalel. Mahalalel, moeite onen vi Sered. Sered, moeite onen vi Inok. Inok, moeite onen vi Metuselah. Metuselah, moeite onen vi Lamek. Lamek, moeite onen vi Noah. Ka Noah, natnali etel, Sem, Ham ka Sevet. Meatin keil enek aka en vatiamal onen Adam ka moulien one tetaveah. Keil akur titae houlu mok ka avilelau en out vasi. Ka houlu en keil armusiltei mun Ahi.
148	GEN 6:10	Kei, natnali etel: Sem, Ham ka Sevet.
154	GEN 6:16	Hoite teni helin uriov en hap mita (½ m). Ka en out neim, kumon out toualien hetel: tai hel nesa, tai hel luhu, ka tai hel netan. Ka en valite, kumon voiteh hetas.
163	GEN 7:3	Ka aman keil emun, kumoni vatinetinek en tateisav keil, kikur oulu (7) koa ihi meahos ka oulu (7) koa ihi ahin. Hesakini, keil vasi enek akilea imoul ka ihasi ris titae.
218	GEN 9:12	Hatkatien enek, namumoni ral min kami ka tounah sav keil koa amoul en out netan, ka nitie lati hetal min metai tai.
303	GEN 12:4	Sakini, navong Ebram long kat ren Iahova ka mea ran out Haran, sua onen rokol hanumau etel ka teindan elim (75).
304	GEN 12:5	Ebram kur ahin onen, isen ‘Serae.’ Ka titan tunali mun musili, isen ‘Lot.’ Tounah vasi keil oneatel ral min slev keil one ka buluk ka sipsip keil emun eseatel koa tellei kati en out Haran avi houlu ramat. Ka tounah vasi, telsak meseini keke avakuri. Navong asak mesein tounah keil evus, amual avaha en out Kenan. Avong telrokol out Kenan,
328	GEN 13:9	Ven koanek, Ebram viteni min Lot vit, “Hetahos lehetasil ekok. Keik kihiten etai hati atan koa keik em vati, ka inau, niha en out sav.”
334	GEN 13:15	Out vasi keil enek koa komul kolesi, nisani minuk hetal min vatiamal keil koa ika venuk. Hehi onami enges lises ka lisenges.
337	GEN 13:18	Sakini Ebram mea va ral min onen keil, uva vio … arokol out Hibron. Ka amumon votevav keil ome en out koa avise en ‘Mamre,’ vesesal en mari vatiai koa matu vis matu, out koa meatin sav keil uva netan min ahi keil one ien. Ka en out enek, Ebram kur mari ahat keil ka mumon ahor ten sanien ka munit sanien votut vina min Iahova.
383	GEN 16:1	Sua houlu muli, ka Serae koa vi ahin onen Ebram, rokur etai titaealu. Ka kei kur slev tai koa vi ahin Isip, isen Hakar.
385	GEN 16:3	Sakini, Serae san Hakar mini ka kei kuri. Koanek kur out avong aro en out Kenan sua halualim (10).
397	GEN 16:15	Avati vahis muli, ka Hakar kur titan Ebram, ka kei ling isen ‘Ismael’ koa aneite teni vi ‘Ahi raengoni.’
407	GEN 17:9	Ka Ahi vit risi min Ebraham vit, “Hatkatien takeih onak, keik kusil kati, keik hetal min vatiamal onom keil koa ikatau enuk.
417	GEN 17:19	Ka Ahi vit, “!Vuo! Ahin onom, Serah, hekur ehon tai onamil, ka kiling isen hehi ‘Aesak.’ Hatkatien takeih koa namumoni ral minuk, num risi hetal mini ka hetal min vatiamal onen lises ka lisenges.
418	GEN 17:20	Ka naraengon asa koa koviteni minau usil Ismael. Hesakini, nitokol kati ka titan keil emun ihi houlu vis ihi houlu mok. Hehi mari tata ten vatiamal teindan elu (12) koa imai ihi mari vangi meatin tai.
523	GEN 21:9	En avong ten anien enek, Ismael, natin Hakar ten out Isip, mul rohtoh karen Aesak, natin Serah.
528	GEN 21:14	Sakini, visokon semau, Ebraham san anien ka veioai tai min Hakar ka lingi en vatisin. Evus, sila lat kei ka natnali luva. Keilu luva luka vasi out volvol ten out Bersiba.
531	GEN 21:17	Rovitei tuetin, ehon emun mis ka Ahi raengoni. Ka angelo onen Ahi selus ka out nesa mai ven Hakar vit, “?Hakar, komundemko en sa? !Konametautei! Ahi raengoni titiali mis.
533	GEN 21:19	Evus, Ahi sakin Hakar les vulvul tai koa oai mul ien. Sakini kei seh oai va en veioai onen ka san hatte tai min natnali muni.
567	GEN 22:19	Ebraham keilu natnali luva ris ven meatin toumien keilu onen. Ka telva ris en out koa amul ien koa avise en Bersiba, ka aro ien ral min one keil sua houlu. Navong sua onen Serah rokol handred tai hanumau tai ka oulu mun (127), kei mat. Ebraham rangisi ka vit vatahini ka sakras ven atan kati onen tovuol. Sakini, vul titi atan ran meatin tai en out enek ka rahin ahin onen mul ien. Sua etel muli, ka navong sua onen Aesak rokol hanumau elu (40), kei retalihe suk ral min ahin tai ten out Haran, isen Rebekah. Kei vi natin Nahor, tunali Ebraham. Rovitei tuetin, avu Ebraham mat ka titan keilu, Aesak ka Ismael, lurahini vesesal en out koa arahin Serah ien. Navong mat, sua onen Ebraham rokol handred tai, hanumau etel ka teindan elim emun (175).
692	GEN 25:33	Siekob vit risi mini vit, “Helamu, kumon hatkatien keke keik kisa lat vulum ten moeite minau.” Sakini, Esao maeni ka mumoni suvali.
696	GEN 26:3	Kito ekok en atan onen meatin sav keil hati avong havivi, ka inau nito hetal minuk ka nitokol katuk. Out vasi keilek emun, nisani minuk ka min vatiamal keil koa ikistal ika enuk. Hatkatien koa namumoni mulamu ral min tata onom Ebraham, numoni hekistal hemai hehi anatin.
752	GEN 27:24	ka vis risi vit, “?Keik somok Esao?” Ka Siekob vit, “He-e, inau varei.”
764	GEN 27:36	Esao viteni vit, “Hatte elu keinek keke kei sak luvos nau. Isen koa vi Siekob mal varei. Mulamu, kei kulat vuluk ten moeite ranau, ka kosa, kei kulat tokolkatien emun ten moeite ranau. ?Korling etai li hati tokolkatien onom vahi onak?”
771	GEN 27:43	Sakini kumon asa koa nihiteni minuk. Keitinesek, kiha ven tuak Leban koa ro en out Haran.
774	GEN 27:46	Sakini, Rebekah va ven Aesak ka viteni mini vit, “Avek mah varei ven sakien onen ahin Hitaet keitel eke koa Esao kuri. Munak Siekob emun hekur ahin Hitaet etai, tahos imok inau nimat enges.”
776	GEN 28:2	Hemukonek, kiha en out Mesopotemia en teim sen avu onom Betuel, ka kikur ahin en out enek. Natnahin avov onom, Leban, sua one vinvin avatetalihe.”
777	GEN 28:3	Evus, Aesak san tokolkatien mini vit, “Ahi ten keihoen hetokol katuk en tetaliheien onom ka hesani minuk ehon keil ihi houlu. Hesakinuk kimai kihi mari tata onen vangi meatin keil houlu.
784	GEN 28:10	Siekob lokovein Bersiba ka kei sasen musil sise va en out Haran koa mul soutin.
793	GEN 28:19	Ling isen out enek ‘Bet-el’ koa aneite teni vi ‘eim onen Ahi.’ Taon koa mul vesesal en out enek, isen Lus. Evus, Siekob va en out Haran, teim sen avov onen, Leban. Navong les atouli elu onen, Siekob, envatien onen mul en tasite koa Resel, ka vis avov onen eni. Leban vit tahos hekuri, ka helamu, houm veni sua oulu (7) keke kilea vahuli. Navong Siekob longe mukok, si veni ka maeni. Ka navong sua oulu (7) evus, Leban en rovattei keke Siekob vakur Resel ka valohosai rani vatal tounah keil onen. Laban en vati keke Siekob vato vatali sua vahis emun veni lesi keke tokolkatien onen Ahi mul en umen vasi keil onen. Sakini, en avong ten tetaliheien onealu, Laban keih kat Resel vamaen tunahin vakur vulin. Navong out mulan, Siekob lei kilea suk keke ro ral min Leah, ka tin katiat. Navong va les Laban ven usite enek, kei maeni keke vakur Resel en wik tai munak voumon hatkatien vatal mini keke houm mini sua oulu (7) emun. Ka Siekob maeni eris. En moulien onen, tounah koa Siekob mumoni, tokolkatien onen Ahi mul ien. Ka en out enek, ahin keilu onen ral min atouli toumien onealu telkur titan houlu. Evus, Ahi selus mini vit avong vinvin hemea ran out enek, heha ris en out onen tata onen. Ka navong telmual telva, kei metaun Esao ka meatin onen keil anouasi natal onen keil.
1098	GEN 37:14	Tata onen viteni mini vit, “Keik kiha kilei vis tumali keil. ?Aro tahosis? ?Ka sipsip emun keil, tounah tovuol vakula keil? Evus, kimai ris kihiteni minau.” Sakini, Siosep musil ren tata onen ka mea ran vatihou keil ten out Hibron, va Sekem. Navong Siosep rokol out Sekem,
1104	GEN 37:20	Almai rovaha rovouasi vamat ka rovason teiai onen vaha en vulvul tai koa mul en out enek. Hevus, rokilea rovahiteni keke tirendan tai rali vahasi ka kani. Hesakini, reheles asa varei hekistal en matil vovoien keilu onen.”
1111	GEN 37:27	Ka munak rehesani min me-Ismael keil ekek, akilea avahul lati ran ir. Hesakini, ir rehermuastei veni kei vi tuak orer, rokistal en ara tas.” Ka tunali sav keil amaeni.
1151	GEN 39:1	Ka me-Ismael keil akur Siosep uva en out Isip keke hemai hehi slev. Ka meatin tai vuli, isen Potifar. Kei vi avat onen meatin taleikokoeien keil koa alosil kat mari eim omon Asuv Houlu ten out Isip.
1164	GEN 39:14	kei visohiso keih min meatin toumien onen keil vit, “Alles eisin ekek, omon koan Hibru koa meatin onak kuri ka lingi ro teim. Kei vit voum vatisa min ir. Mai en out namatil ien, vit vasak tisa enau, ka inau, navisohiso keih.
1167	GEN 39:17	Navong meatin onen mai veni, vit usil tunien enek mini vit, “Koan Hibru koa kolingi mum en teim vit vasak tisa enau.
1188	GEN 40:15	Kihiteni mini keke meatin keil avenan nau enges ran atan onomai, me-Hibru keil. Kihiteni mun keke inau narmumon etai tounah vatisa vasakinau mato en eim takeih ekek.”
1208	GEN 41:12	Meatin hau tai koa vi koan Hibru ro ral min komal, vi slev onen asuv onen meatin taleikokoeien keil. Navong melviten matil vovoien onomal mini, kei ra usil aneite teni min komal.
1392	GEN 46:5	Navong Siekob mea ran out Bersiba, natnali keil aling kei ka titae keil ka ahin one keil en kat ten hos koa Asuv Houlu ten out Isip maeni ven keil.
1484	GEN 49:10	Hiasuvien ten keihoen onen asuv houlu keil hel lisenges en Sudah ka vatiamal onen. Meatin keil ten kantri sav ihouhou mini, ilong kati ka isan sanien keil one mini.”
1531	GEN 50:24	Kei viteni min tunali keil vit, “Vesesal mamat, ka nakilea keke Ahi helei kat kami ka helah lat kami mihemea ran atan koanik. Helamun kami miheha en atan koa kei vat kati min Ebraham, Aesak ka Siekob.”
1588	EXO 3:8	sakini namita netan malah lat keil ran hen me-Isip keil. Nilamun keil iha en out tai koa tahos imok, out koa amas mul ien. Atan koanek, kosa meatin sav keil ekek amul ien: me-Kenan keil, me-Hit keil, me-Amor keil, me-Peres keil, me-Hiv keil, ka me-Sebus keil emun. Avaseini, nikulat keil ka nisani suk min me-Isrel keil.
1592	EXO 3:12	Ahi vit kesi mini vit, “Inau ialu minuk. Ka navong kilah lat meatin keil ran out Isip, kilamun keil mihemai en vatihou koanik ka kimot venau. Hemukonek, keik kilea keke inau nasilak.”
1809	EXO 11:2	Helamu, kihiteni min me-Isrel keil keke keil vasi ihis me-Isip keil koa aro vesesal ven keil keke isani min keil mormore tounah keil koa amumoni en gol ka silva.”
1813	EXO 11:6	Tangien heka vasi out Isip. Hetisa mok helin asa koa kur out en avong telamu, vuo asa koa hekur out en avong keil koa hemai.
1814	EXO 11:7	Ka en out onen me-Isrel keil, tangien hetovuol, out hetaeng. Huli keil emun irmis kattei meatin vuo buluk ka sipsip keil. Hemukonek, miheilea keke inau, Iahova, nalei kan me-Isrel keil ateisav ran me-Isip keil.’”
1815	EXO 11:8	Navong Mosis mul selus, tin kati ka viteni mun mini vit, “En avong koanek, hetetamen keil onom imai, iha netan minau. Keil ipeah nau keke malah lat meatin keil onak iha ran keil. Hevus, niha suk.” Navong selus evus, Mosis mea ran asuv houlu enek.
1824	EXO 12:7	Navong meatin tai hou vini esen hevus, hesien lelat tei ara ka hekuri heha en out koa ian vuseri ien. Hevus, hekas pos ten metareh eni, en out nesa ka en usite keilu teni.
1830	EXO 12:13	Navong nimai ka niles ara mul en pos ten metareh keil, hetie lati minau keke miro ien ka nil laui teim sami. Hesakini mahien koa nisani min me-Isip keil hersuttei kami.
1899	EXO 14:9	Ka meatin keil tavaeen ten out Isip amuloh akatau usil keil: koakeil koa amuloh en kat tavaeen, koa mun amuloh en hos, ka koakeil emun amual enges. Avotin me-Isrel keil esuk navong keil amul amuseh en vali Atas Tahilhili, vesesal en taon elu koa avise keilu en Vi-Hahirot ka Baal-Sevon.
1902	EXO 14:12	Koanik suval tounah koa meviteni minuk hemai hekistal. Navong romul veah en out Isip, meviteni minuk mevit kovasokovein komai mevales mevahi slev onen me-Isip keil. Hetahos imok keke mehehi slev keil keiva, helohlin koa mehematmat en out volvol ekek.”
1905	EXO 14:15	Iahova viteni min Mosis vit, “?Vensa komul korangis kataunien venau? Hiteni min me-Isrel keil avamea avasak mesein keil avaha.
1906	EXO 14:16	Kihat lat eisal onom ka kihuli kati hehina nesa en atas. Hesakin atas heleh vasi helu, ka meatin keil akilea avoual koteh atas en atan tames.
1960	EXO 16:12	“Naraengon selkututien onen me-Isrel keil. Kihiteni min keil keke en mendilah enek, keil ian vuseri, ka en visokon, keil akan vini keil en veret. Hesakini keil ilea keke inau, Iahova, navi Ahi one.”
1970	EXO 16:22	En avong ahetai (6) ten wik, keil alahlah manna vinvin ten avong elu, kap ehat onen meatin tetai. Hetetamen keil ten vatiamal keil umai ales Mosis ka avit usili mini.
1994	EXO 17:10	Sakini Sosua mumon tounah suval koa Mosis viteni mini, mulamun meatin onen keil uva avuhu ral min me-Amelek keil. Ka Mosis kur Eron ka Hur, telvina en hou nesa.
1996	EXO 17:12	Navong hen Mosis maimai, Eron keilu Hur luvous ahat tai mai mini vatondan ien. Ka keilu lumulomal en usiven keilu, lusuv kat hen Mosis rokol avong meteiai munu.
2022	EXO 18:22	Kiling koakeil enek ilei revi usite onen meatin keil. Lises keil akilea avasak revi titi rea koa maes. Ka tounah koa keih ramat, ikuri hemai venuk. Hemukonek, keil ikulat umen koa meas ranuk, ka hesakini hemaes minuk.
2182	EXO 24:4	Mosis mutis kat mengkatien vasi keil onen Ahi va en Tus ten Hatkatien Takeih onen Ahi. Out mulan, en visokon semau, kei kur ahat keil ka mumon avet tai ten sanien en tave Vatihou Senae. Evus, kei vati lat mari ahat teindan elu (12) amulomal keke ihi metai keil ten hatkatien takeih koa mari vatiamal teindan elu (12) onen me-Isrel keil amumoni ral min Iahova.
2185	EXO 24:7	Evus, kur ‘Tus ten Hatkatien Takeih’ koa mengkatien keil onen Ahi amul ien, ka mul vuli en meten meatin keil avalonge. Vuli vus, keil avit, “Mengkatien keil vasi onen Iahova, mihelong kati, ka mihousil kat selusien vasi keil onen.”
2192	EXO 24:14	Mosis viteni min metai keil vit, “Kami miheto ekok hetokol avong melhemai ris. Eron keilu Hur luheles hetal kami, ka meatin etai koa en vati vamal en selkututien onen en kot kilea vaha ven keilu.”
2212	EXO 25:16	Hevus, ahat keilu koa namutis mengkatien keil mul ien koa nisani minuk, kiling keilu heha en bokis enek.
2297	EXO 28:3	Ka kihise ruain koakeil koa nasan meteisau ten tatitilien min keil, imai itili eisin omon. Hevus, kiling hem en Eron hetie lati keke hekur umen onak hesuval pris tai onak.”
2449	EXO 32:10	Navuroh kat keil ka, kosa, nu rasilin keil varei. Konoumontei konahit kovahiles rendemien onak, numon asa koa ek vati. Hevus, numon keik ka vatiamal onom imai ihi mari vangi meatin tai.”
2505	EXO 34:8	Hatte tas, Mosis vita netan mini ka malingling, nan rokol atan
2525	EXO 34:28	Mosis ro en out enek ral min Iahova avong hanumau elu (40). Ka meneai ka vongien, rokaniantei ka romun etai tounah. Mul rei selusien ten hatkatien onen Ahi en ahat elu, koanek Mengkatien Halualim.
2526	EXO 34:29	Navong Mosis muris mita netan en Vatihou Senae, vus Mengkatien Halualim ral mini. Navong mita ven meatin keil, kei reingeingeni keke nan vihil veni kei selus ral min Iahova.
2728	EXO 40:20	Evus, vus ahat elu koa Mengkatien Halualim mul ien ka ling keilu en Bokis ten Hatkatien onen Ahi. Keil aling ai tahohoien elu lukirisil en out tatetalien ten Bokis. Ka apoh kat bokis en hoite teni.
2729	EXO 40:21	Evus, alah Bokis ten Hatkatien va alingi neim en Eim Tavolin, ka rekein kaliko mul koe out koa mul ien. En sakien enek, Mosis musil asa koa Iahova meng kati mini.
2749	LEV 1:3	Munak tai, sanien onen vi buluk, hekur buluk koa meahos koa aven heto, tounah tovuol hekula. Kei helamuni heha en metareh ten Eim Tavolin onak. Hesakini, inau, Iahova, nikur buluk koanek en usite koa vi onen keke hemal en metok.
2750	LEV 1:4	Meatin enek heling hen en vatin buluk vatie lati keke ling tisaen keil onen mul ien. Hesakini navong buluk mat, inau nilesi keke meatin enek mal en metok ka methos onak hel ien.
2752	LEV 1:6	Hevus, meatin enek houul lat hiliven buluk ka heteh lin vuseri teni.
4097	NUM 13:21	Sakini, meatin keil uva ka alei suain out vasi: out volvol en out Saen koa mul en usite saot, uva arokol out Rehob, vesesal en out Hamat, en usite not.
4105	NUM 13:29	Me-Amelek keil aro en usite saot, ka me-Hit, me-Sebus, ka me-Amor aro en hou keil. Ka me-Kenan keil aro vesesal ven atas ka out keil koa musil vali Oaisal Sodan.”
4153	NUM 14:44	Ka avaseini keke Mosis viteni mukok, keil uva en hou keil ten out Kenan keke avakuri. Uva, avaseini keke Mosis ka Bokis ten Hatkatien Takeih onen Iahova lurmusiltei keil, lumules en out koa amumon tavolin keil ome eni.
4154	NUM 14:45	Ka me-Amelek keil ka me-Kenan keil koa amul en hou keil ekek, umai uvae ral min keil ka amu lin me-Isrel keil. Anatin, keil alikat rasilin keil soutin va rokol out koa avise en Hormah. Evus, me-Isrel keil koa amules aviles ka amusil Mosis ka Eron koa Iahova rie lat keilu keke luvahi avat one. Amusil keilu va vio … rokol avong aro en out volvol sua hanumau elu (40). Ka keil avisu en avong takeih keil houlu en ualien one.
4334	NUM 20:22	Me-Isrel vasi keil alokovein out Kates ka uva akistal en Vatihou Hor.
4337	NUM 20:25	Sakini kikur Eron hetal Eliesar koa vi natnali, mithehina en Vatihou Hor.
4339	NUM 20:27	Mosis musil asa koa Iahova meng kati mini. Ka en meten meatin vasi keil, keitel telvina en Vatihou Hor.
4345	NUM 21:4	Me-Isrel keil alokovein Vatihou Hor ka amusil sise koa va en Atas Tahilhili. Amumoni mukonek ven e vati avakarahit atan esen me-Edom keil. Ka navong amul semau en sise, tine tamurei.
4349	NUM 21:8	Evus, Iahova viteni min Mosis vit houmon hati aean tai hekur niniven tetal ka heti kati hel en ai tai. Hesakini navong tetal heat meatin tai, helele hehina nesa helesi ka hemai ris hetahos.
4382	NUM 22:6	Keil avi houlu mok amulin ir. Sakini napeahik eli kovamai kovasesenda en keil en usite onak. Hesakini, ir rokilea rovou lin keil ka rovalikat keil avamea ran atan oser. Namul navisuk veni nakilea keke koakeil koviten tokolkatien va min keil, keil enek akur tokolkatien. Ka koakeil kosesenda en keil, asas koviteni mai kistal vi anatin.”
4395	NUM 22:19	Ka kami mihetos en vongien koanik hesuval tuomi keil amumoni. Hesakini, inau nakilea mailea keke Iahova hesan ris etai selusien minau mahiteni min kami.”
4415	NUM 22:39	Ka Balaam va ral min Balak en taon ten out Husot.
4425	NUM 23:8	Hemukave nisesenda en koakeil koa Ahi rosesendatei en keil? Nasakras masan mahien min koakeil Iahova rosantei mahien min keil.
4464	NUM 24:17	Inau nalele soutin, en avong keil koa hemai veah, ka nales kantri ten out Isrel. Nales asuv houlu tai koa hekistal ien koa hesuval hitu koa vihil tahos imok, kei hekistal hehina nesa helosil kat me-Isrel keil. Hou vasin hetetamen keil ten out Moab, ka hou lin vasi meatin keil ten out Set.
4465	NUM 24:18	Kei hou vini me-Edom keil ka hesakin me-Seir keil itovuol emun. Houmon atan ese hemai hehi onen, ka keihoen onen me-Isrel keil hel lises.
5114	DEU 7:1	“Iahova, Ahi onami, helamun kami miheha en atan koa mivaha mivato ien. En out enek, vangi meatin keil oulu (7) aro ien. Keil vasi avi houlu mok ka akur keihoen mulin kami: me-Hit keil ka me-Kirkas keil; me-Amor keil ka me-Kenan keil; me-Peres keil ka me-Hiv keil; ka me-Sebus keil emun. Ka navong mivaha en out enek, Ahi helikat rasilin keil vasi ran out enek.
5118	DEU 7:5	Hesakini mihoumoni hemukonek: ahor ten sanien one, mihou rasilini; ahat lou keil one, mihou pahasi hemahoiahoi; ai lou keil one, miheta kokotehei; ka nana keil one, mihesoni heha en ahang.
5124	DEU 7:11	Hesakini, mihelosil kat kami keke mivalong kat tounah vasi koa navisein kami eni. Hihiseien keil ka mengkatien keil vasi koa nasani min kami kosa, mihousil kati hekeih.
5156	DEU 8:17	Hesakini, minandemtei minahit kami mikur tounah houlu en keihoen onami enges.