534	GEN 21:20	Evus, Ismael mai matu, ka Ahi katauni. En out volvol ten out Paran, kei mai vi meatin hau tai koa vi more meatin talauien.
694	GEN 26:1	Avong sav tai ris, ous romustei avong houlu ka sakin anien tovuol en out koa Aesak ral min onen keil aro ien (amai koanek teisav en asa koa kur out en avong onen avu Ebraham). Sakini, uva ales asuv houlu onen me-Pilistin keil koa ro en taon ten out Kerar, isen Abimelek, veni alonge keke anien mul en kantri onen.
1151	GEN 39:1	Ka me-Ismael keil akur Siosep uva en out Isip keke hemai hehi slev. Ka meatin tai vuli, isen Potifar. Kei vi avat onen meatin taleikokoeien keil koa alosil kat mari eim omon Asuv Houlu ten out Isip.
1152	GEN 39:2	Ka avong Siosep ro teim onen Potifar en out Isip, Iahova katauni en tounah vasi koa mumoni
1154	GEN 39:4	Potifar si houlu veni ka lingi vi avat en teim onen, lei kat tounah vasi keil onen.
1156	GEN 39:6	Sakini, veni Siosep mul lei kat revi tounah vasi onen, Potifar romundem etai mun tounah. Mundem anien enges koa kei vani. Siosep, aven tahos ka veinan malikuh imok,
1157	GEN 39:7	ka avong vahis muli, ahin onen Potifar ling rendemien onen mul ien ka visi vit vamatil vatal mini.
1162	GEN 39:12	Ka navong ahin onen Potifar lesi, vuli kat eisin onen ka vit, “!Amai, matil vatal minau!” Ka kei seseini, mul lohosai rani, ka ling eisin tai omon mules en hen.
1166	GEN 39:16	Kei vuli kat eisin omon Siosep mules veni rokol avong Potifar muris mai teim.
1169	GEN 39:19	Navong Potifar raengon tunien enek, tin tisa houlu ka vuroh kat Siosep.
1246	GEN 41:50	Mulamu en avong ten amai, Siosep kur ahin tai, isen Asenat, natnahin pris tai, isen Potefara. Kei kur titan Siosep elu.
1544	EXO 1:11	Sakini me-Isip keil asakin keil umai avi slev keil one. Aling meatin koan avi houlu en keil ka asak purun me-Isrel keil. Avetin onen me-Isrel keil mumon mari meteimal keilu ten out Pitom ka Rameses avaling seh en tounah keil onen asuv houlu ten out Isip val ien.
1588	EXO 3:8	sakini namita netan malah lat keil ran hen me-Isip keil. Nilamun keil iha en out tai koa tahos imok, out koa amas mul ien. Atan koanek, kosa meatin sav keil ekek amul ien: me-Kenan keil, me-Hit keil, me-Amor keil, me-Peres keil, me-Hiv keil, ka me-Sebus keil emun. Avaseini, nikulat keil ka nisani suk min me-Isrel keil.
2753	LEV 1:7	Pris keil isak mesein av en ahor ten sanien ka initi.
4079	NUM 13:3	Sakini, en out volvol en out Paran, Mosis long kat ren Iahova ka sila metai teindan elu (12) koa amul alei kat vangi me-Isrel keil.
4102	NUM 13:26	ven Mosis, Eron ka me-Isrel vasi keil koa arosin keil en out volvol ten out Paran. Navong umai ris, aviten tounah koa alesi ka arie heiai keil koa akuri.
4381	NUM 22:5	sila eiloheh keil onen uva avahise Balaam, natnali Beor, koa ro en taon ten out Pethor, vesesal ven Oaisal Upretis en atan ten out Amao. Keil akur selusien onen asuv houlu Balak mai veni koa vit, “Tali meatin keil koa mariso ramat aka en out Isip. Meatin keil teni amul asien vasi out, ka amul asak avalah lat atan oser.
5114	DEU 7:1	“Iahova, Ahi onami, helamun kami miheha en atan koa mivaha mivato ien. En out enek, vangi meatin keil oulu (7) aro ien. Keil vasi avi houlu mok ka akur keihoen mulin kami: me-Hit keil ka me-Kirkas keil; me-Amor keil ka me-Kenan keil; me-Peres keil ka me-Hiv keil; ka me-Sebus keil emun. Ka navong mivaha en out enek, Ahi helikat rasilin keil vasi ran out enek.
5408	DEU 18:22	Munak provet tai heselus en isen Iahova, ka asa viteni romaitei vahi anatin, miheilea keke koanek rovitei selusien onen Iahova. Provet enek selus enges en rendemien onen, ka kami minametauntei.”
5842	DEU 34:1	Navong Mosis selus min me-Isrel keil evus, mea ran out Moab koa vi aet, ka veou vina en hoi Vatihou Nebo nesa. Vina nesa mok en Vatihou Piska en usite va taon ten out Seriko. Ekonek en hoi hou nesa, Iahova rie lat atan vasi keil mini: atan koa hehi onen Kilead koa mul en usite koa saot rokol hakot ten atan koa hehi onen Dan koa mul soutin en usite koa not.
7204	RUT 4:12	Mevis Iahova keke hesan ehon keil minuk koa heka en ahin hau enek koa hesakin amal onom hehi houlu hesuval vatiamal onen Peres, natin Sudah koa Tamar kuri.”
7210	RUT 4:18	Ka koanek vi vatiamal koa kistal en Peres: Peres vi tata onen Hesron
7216	1SA 1:2	Elkanah retalihe ral min ahin elu, Hanah keilu Peninah. Peninah kur titiali keil ka Hanah sakras, vi lumalum.
7217	1SA 1:3	En sua vasi keil, Elkanah ral min onen keil alokovein taon ten out Ramah ka avina en taon ten out Saeloh keke Elkanah vaha netan min ‘Iahova Sabaot’ koa aneite ten isen vi ‘Iahova, Asuv Houlu ten out nesa’ ka vasan sanien keil en usite ten onen keil mini. En out enek, pris elu lumul ien, isealu Hopni keilu Pinias koa luvi natin pris Ilae.
7218	1SA 1:4	En avong keil vasi koa Elkanah san sanien onen, musil sakien teni, hatte sani min Iahova, hatte koa sani min pris keil, ka hatte koa mun vi an. Evus, koa an, kuri ka riti vasi min koakeil aro en teim sen. Min Peninah ka natnali ka natnahin keil, kei riti mal en keil vasi.
7220	1SA 1:6	Peninah vit kei tahos imok muli Hanah, sakini, mules selus katiati ka mumon karien mini veni Iahova mumoni vi lumalum.
7221	1SA 1:7	Peninah mumoni mukok mini en sua vasi keil. Ka avong koa uva en Eim Tavolin onen Ahi, Peninah sakin Hanah longe tisa va vio … mis ka vit herkaniantei.
7291	1SA 3:13	Inau naviteni tuai min pris Ilae keke nisan mahien enek min vatiamal keil onen koa keite teni hetovuol veni natnali keilu lumum tisa va kat nau en selusien ka sakien keil onealu. Pris Ilae kilea en tounah vasi koa lumumoni, ka roring koetei keilu.
7601	1SA 16:4	Sakini, Samuel mumon asa koa Iahova viteni mini ka va en out Betlehem. Ka navong hetetamen keil ten out enek alesi mul mai, umai vesesal veni ral metauen ka avisi avit, “?Provet, kumai kovahiten tounah koa tahos, vuo tounah koa tisa?”
9179	1KI 12:25	Navong meatin keil avati lat Sereboam mai vi asuv houlu one, kei va ro en taon ten out Sekem koa mul en vatihou keil en provins ten out Efrem. En out enek, kei sakin meatin keil onen avoumon vieh takeih tai vakarahiti. Evus, va en taon ten out Penuel, ka en out enek emun, amumon vieh takeih karahiti.
9323	1KI 17:3	“Kimea ran out ekok ka kiha en usite koa ist hetokol Poal Kerat koa mul en ist ten Oaisal Sodan. En out enek, kito suai keke asuv houlu Ehab hervotintei keik.
9334	1KI 17:14	Kiha kumon asa koa naviteni veni Iahova, Ahi onen me-Isrel keil viteni vit, ‘Pulaoa sakras vavus ran pesin koanek, ka veioel sakras vamemes vio … inau, Iahova, nisakin ous hous hekas tounah vasi en out netan.’”
9367	1KI 18:23	Mihelamun buluk helu (2) koa meahos luhemai. Provet keil onen ahi Baal ilei kan tai, uasi, itetehei, ka ilingi en ahor ten sanien votut one. Ka keil irmunittei en ahang. Ka inau mun, numoni vatte hetas en tamun en buluk keilu enek.
9384	1KI 18:40	Evus, Ilaetsa meng kat meatin keil vit, “!Alha alhuli kat provet keil onen Baal! !Minamaen etai en keil nalohosai!” Sakini meatin keil avuli kat keil vasi. Evus, Ilaetsa mulamun keil uva en Poal Kison, ka en out enek, amu vinvini provet keil vasi onen Baal.
9663	2KI 5:12	En out kati onak en out Damaskas, Oaisal Abana ka Oaisal Parpar lumul ien. Koakeilu enek lutahos imok mulin oaisal keil vasi koa mul en atan ten out Isrel. ?Vensa nasakras makul en tai en koakeilu enek keke avek vamai ris vato?”
12018	2CH 36:20	Me-Sudah keil vasi koa armu vinitei keil ka amoul amules, me-Babilon keil alah keil uva en out ose keke avoumon keil avahi slev keil one ka onen ehon one keil koa ikatau. Sakini, me-Sudah keil amules en hen me-Babilon keil rokol avong koa asuv houlu ten out Persia mai vae mulin keil ka tounah one mai vi onen.
12020	2CH 36:22	Navong asuv houlu Saeros ten out Persia kur rohtoh en keihoen onen, Iahova mumon selusien koa sani min provet Seremaea mai vi anatin. Ahi sakin asuv houlu Saeros vasan mengkatien tai vaha en out vasi koa kei losil kati keke amutis selusien tai onen keke avahuli en meten meatin vasi keil onen koa vit,
12021	2CH 36:23	“Koanek vi selusien onen Saeros, asuv houlu ten out Persia. Iahova, Ahi ten out nesa, ling kantri vasi keil ten out out netan en hek. Kei rie lat nau moumon Eim Votut onen en taon ten out Serusalem en atan ten out Sudah. Sakini, kosa, kami koa mivi meatin keil onen, mikilea mivaha ris en out Serusalem. En hisien keil onak, navis Iahova, Ahi onami, heto ven kami en ualien keil onami.”
12109	EZR 3:7	Me-Isrel keil asan mani one keke avahul kapenda keil ka koakeil emun aling sosorin en ahat keil ten eim. Evus, keil alah ruain anien, uaen ka oel ten olip mai out tas, ka asani min me-Taer keil ka me-Saedon keil keke sip keil one avalah vati sida keil ran out Lebanon ka avasoni vaha ut en out Sopa vasuval koa asuv houlu Saeros ten out Persia meng kati.
12170	EZR 6:14	Avat keil onen me-Isrel keil amum keih en Eim Votut onen Iahova. Ka provet Hagae ka provet Sakaraea, lusan selusien ten kataunien min meatin keil. En sakien enek, keil amum vasin Eim Votut enek musil mengkatien onen Ahi onen me-Isrel keil, ka musil selusien koa Saeros, Derias ka Ataksekses, asuv houlu keitel ten out Persia telmeng kati.
12171	EZR 6:15	Sakini, en avong koa vi teindan elu (12) ten avati Mars, navong asuv houlu Derias losil kat kantri ten out Persia sua ahetai (6), me-Isrel keil amum vasi Eim Votut onen Ahi.
15908	PSA 115:10	Pris keil onen Ahi, tahos keke miheling demkatien onami en Ahi, veni kei mul kataun kami ka mul lei kokoe en kami.
18551	ISA 42:1	Provet Aesea vit mesein selusien onen Iahova vit, “Ekek, meatin toumien onak koa nasan keihoen mini. Kei varei narie lati, ka nasi nau veni. Nasieni en Ninin onak, ka helosil kat revi out vasi keil en sakien ten maluen.
18871	ISA 59:1	Provet Aesea sel kat meatin keil vit, “Kami minandemtei minahit Iahova rokurtei keihoen voutut moulien onami. Ka minandemtei mun minahit ralingen vonhon keke rolongtei uaien onami ven kataunien. !Romukteinek varei!
18879	ISA 59:9	Provet Aesea vit lat tisaen en usite onen meatin keil vit, “Ahi rolestei mun usite keil orer ka maluen onen rorokoltei mun out koa roro ien. Komai merosin meneai vakistal en moulien onomai, ka meles mankoli enges.
18958	ISA 64:3	Provet Aesea vis min Iahova vit, “O Iahova, meatin tovuol veah valesuk en meten, vuo vakur longlongien usil ahi sav tai koa suvaluk. Veni keik varei komumon marmari tounah vakataun koakeil aling desien one enuk.
19714	JER 29:10	Provet Seremaea mutisi vit, “Koanek selusien onen Iahova koa vit, ‘Kami miheto en hen me-Babilon keil hetokol sua hanumau etel ka halualim emun (70). Hevus, niha ris niles kami ka num housil hatkatien koa namumoni ral min kami keke malah ris kami mivamai en atan ekek.
21968	DAN 5:25	Tisien koanek, selusien teni mukok: MENE, MENE, TEKEL, PERES
21971	DAN 5:28	PERES – aneite teni vi ‘riti vasi.’ Ahi riti vas losilkatien onom ka sani suk min me-Mid keil ka me-Persia keil.”
21982	DAN 6:9	O asuv houlu, munak kimaeni, mevisuk keke kitis rendemien koanek hemai hehi mengkatien tai ka kitis isom hel ien. Hesakini, musil sakien ten mengkatien keil orer ten out Mid ka Persia, meatin hetovuol hehilesi vuo hekulati.”
21986	DAN 6:13	Sakini, keil vasi uva ris ven asuv houlu ka avis usil mengkatien onen avit, “!O asuv houlu! ?Vi anatin keke keik komutis isom mul en mengkatien tai koa vit meatin keil ihis minuk enges avong hanumau tai ka halualim emun (30)? Ka musil mengkatien onom, meatin koa mul vis min ahi sav tai vuo meatin sav tai en avong keil enek, isoni heha en vulvul omon laeon keil.” Ka asuv houlu vit kesi min keil vit, “!Anatin! Mengkatien koanek mul ka asakras avahilesi musil sakien ten mengkatien keil onen me-Mid keil ka me-Persia keil.”
21989	DAN 6:16	Evus, vativieh keil onen Daniel umai ris ven asuv houlu ka aviteni mini avit, “O asuv houlu, kokilea tuai keke, musil sakien ten mengkatien onen me-Mid keil ka me-Persia keil, meatin hetovuol hehiles mengkatien tai koa asuv houlu lingi mul.”
22002	DAN 6:29	Sakini Daniel moul ka les tahosien en avong keil koa Derias vi asuv houlu, ka avong keil emun koa Saeros ten out Persia mai vi asuv houlu.
22703	MIC 4:14	Provet Maeka selus min me-Isrel keil vit, “Meatin keil ten out Serusalem, rehemai out hetas keke rovaha rovavae, veni vativieh keil orer akarahit koe taon orer. Keil umai avou purun asuv houlu onen me-Isrel keil, umai avouas vatin en ai tai.”
23216	MAT 1:3	Sudah, kei vi tata onen Peres ka Siera, koa mama onealu vi Tamar. Ka Peres, kei vi tata onen Hesron, koa vi tata onen Ram.
23296	MAT 4:18	En avong tai, Iesu mul mual musil valite ten Mari Oai ten out Kaleli. Ka navong mul mual, kei les lumali time, isealu Saemon (koa aling isen tamun vi Pita) ka Andru (koa vi tunali). Keilu lumul luson net onealu en mari oai veni luvi meatin talah mesauien.
23428	MAT 8:14	Navong Iesu va rokol teim sen Pita, va neim ka les avu tisa onen Pita mul matil en vulin ka aven mutin.
23488	MAT 10:2	Ka koanik isen eiloheh teindan elu (12) enek onen Iesu: Koa mulamu, Saemon (koa isen tamun Pita) ka Andru (tunali Pita). Tiemes (natin Sepeti) ka Sion (tunali Tiemes).
23489	MAT 10:3	Pilip, Batolomiu, Tomas, Matiu (koa lah takis), Tiemes (natin Alveas), ka Tatios.
23537	MAT 11:9	?Alhiteni minau, miva keke mivales asa varei? ?Provet tai? !Anatin! Ka naviteni min kami keke meatin enek vi hetetamen imok mulin provet sav keil.
23669	MAT 14:3	Asuv houlu Herod Antipas mundemko mukok veni kei varei san ren keke meatin keil tavaeen onen uva avuli kat Sion, apar kati, ka alingi en eim takeih. Kei mumoni mukok veni Sion sel kati keih vit, “Herod, sakien onom romaltei varei veni koretalihe ral min Herodias, ahin onen Pilip, koa vi tumali. Asa koa komumoni rali koteh mengkatien onen Ahi.”
23694	MAT 14:28	Ka Pita vit kesi mini vit, “!Asuv, munak keik anatin, kihiteni minau moual en oai mahat venuk!”
23695	MAT 14:29	Ka Iesu viteni mini vit, “!Amai!” Sakini Pita mea ran vot ka mual en oai va ven Iesu.
23696	MAT 14:30	Ka navong les tahe keil amariso ka longe keke eang muhuh keih, Pita metau ka mul visair vita en oai. Navong lesi mukok, kei mis kai vit, “!Asuv, kikataunau li!”
23717	MAT 15:15	Ka Pita viteni mini vit, “Kihit kilea aneite ten tatavolien koanek min komai li.”
23754	MAT 16:13	Iesu ka meatin keil onen amual uva, akistal vesesal en taon ten out Sesaria-Pilipae. Ka en out enek, kei vis onen keil vit, “?Meatin keil aviteni keke inau, Natin Meatin, navi isei?”
23757	MAT 16:16	Ka Saemon Pita mea vit, “Keik kovi Mesaea. Anatin, kovi Natin Ahi koa moul.”
23759	MAT 16:18	Ka naviteni minuk keke kovi ‘Pita’ koa aneite teni vi ‘ahat.’ Ka en ahat koanek, numon Sios onak hel ien. Ka keihoen vasi ten matien sakras vamai vapuruni.
23763	MAT 16:22	Navong Iesu viteni mukok, Pita kur seheni havivi ka selus keih mini vit, “!Asuv, konaselustei namukonek! !Tounah enek sakras vakistal enuk!”
23764	MAT 16:23	Ka Iesu viles, les Pita ka viteni mini vit, “!Komusil rendemien onen Temat, kiha ranau! Komul kosak visi keke kovoumonau masavoi en sise onak veni komusil rendemien onen meatin keil ten out netan enges, ka kormusiltei rendemien onen Ahi.”
23770	MAT 17:1	Avong ahetai (6) muli va, Iesu kur Pita, Tiemes ka tunali koa Sion telmusili ka mulamu en keitel telvina nesa en mari vatihou tai, en out koa keitel telro saseatel enges.
23773	MAT 17:4	Navong Pita les keilu, viteni min Iesu vit, “!Asuv, tahos imok keke komaitel metro ekok! Munak keik em hehati, numon votevav hetel: tai onom, tai onen Mosis, ka tai onen Ilaetsa.”
23774	MAT 17:5	Ka navong Pita mul veah selus, mahmah tai koa vihil mai mutaluh koe keil, ka along rea tai ka eni koa vit, “Koanik vi Natkuli kati ka envatien onak mul ien. Nasi nau houlu veni. !Mithelong kati!”
23775	MAT 17:6	Navong Pita keitel tellong rea enek, telmetau houlu ramat, telmotmot, ka naeatel vita rokol atan.
23793	MAT 17:24	Avong tai, Iesu ka meatin keil onen amual ka akistal en taon ten out Kapaniam. Ekonek, meatin keil koa alah mani ten takis ten Eim Votut umai ven Pita ka avisi avit, “?Mukave? ?Tiser onom mul vul takis ten Eim Votut vuo rovultei?”
23794	MAT 17:25	Ka Pita vit kesi min keil vit, “Anatin, kei mul vuli.” Ka navong Pita va neim en eim onen, roselustei veah ka Iesu visi vit, “?Mukave Saemon Pita? ?Komundem sa? ?Asuv houlu keil ten out netan alah takis ka duti ran isei? ?Alahi ran titae keil kati vuo alahi ran meatin sav keil?”
23795	MAT 17:26	Ka Pita vit kesi mini vit, “Alahi ran meatin sav keil.” Iesu viteni mini vit, “Hemukonek, titae keil kati arvultei takis.
23817	MAT 18:21	Evus, Pita mai ven Iesu ka visi vit, “?Asuv, munak tuak onak mum tisa va kat inau, numon methos hetal mini avong hehis? ?Hetokol avong oulu (7)?”
23858	MAT 19:27	Evus, Pita viteni mini vit, “?Kolesi? Komai melokovein tounah vasi onomai keke mevousil katuk. ?Mukonek, Ahi hesan asa min komai?”
23937	MAT 21:42	Evus, Iesu viteni min keil vit, “?Mukave, kami mirvulitei Tus Votut? Veni kei viteni vit, ‘Pos koa meatin keil toumien alei seseini, kei varei mai vi more vatiseng kati ten eim mulin pos sav keil. Koanik, Iahova mumoni, ka rolesi tahos imok!’
24156	MAT 26:33	Ka Pita mea selus vit, “!Avaseini munak meatin sav vasi keil isokoveinuk, inau nasakras masokoveinuk varei!”
24158	MAT 26:35	Ka Pita viteni keih tamun vit, “!Vuo, hermukteinek! !Avaseini munak nimat hetal minuk, inau nasakras mahiteni keke narkileatei keik!” Ka meatin sav keil onen aviteni vatte tas.
24160	MAT 26:37	Kei kur Pita ka natin Sepeti keilu telmusili. Ka navong telva, rendemien onen Iesu muasi ka longe tisa houlu.
24163	MAT 26:40	Evus, muris va ven keitel ka votini keke telmatil. Ka viteni min Pita vit, “?Mukave? ?Mitsakras mitvalele vatal minau vatokol haoa vatas?
24181	MAT 26:58	Ka Pita mul lehni musil vange meatin koa mulamun Iesu va vio … rokol teahu ten teim sen asuv houlu onen pris keil. En out enek, kei va neim en teahu ka rondan ral min meatin taleikokoeien keil ten eim enek keke vales asa avoumoni en Iesu.
24192	MAT 26:69	Navong Pita mul rondan veah en teahu ten eim omon asuv houlu onen pris keil, atouli toumien tai mai veni ka vit, “Keik emun koro ral min Iesu ten out Kaleli.”
24193	MAT 26:70	Ka Pita muun keih en meten meatin keil vit, “!Rovitei anatin! !Inau narkileatei tounah koa komul kovit usili!”
24194	MAT 26:71	Evus, Pita mea mual va en meteau ten teahu. Ekonek, atouli toumien sav tamun lesi ka viteni min meatin sav keil vit, “!Meatin koanik vi tai en keil koa amusil Iesu ten out Nasaret!”
24195	MAT 26:72	Ka hatte tamun, Pita viteni min keil vit, “!Navat kati anatin keke narkileatei varei meatin enek!”
24196	MAT 26:73	Rovitei tuetin, meatin keil koa amulomal en out enek umai ven Pita ka aviteni mini avit, “Keik varei kovi meatin tai onen veni selusien onom suval koan Kaleli.”
24197	MAT 26:74	Ka Pita sesendan kei sasen ral min selusien keih vit, “!Inau narkileatei varei meatin koa mimul mivit usili! !Ka Ahi hesan mahien minau munak selusien onak vi luvosien!” Hatte tas, ato tai kokorat.
24198	MAT 26:75	Ka navong Pita longe, mundem ris asa koa Iesu viteni mini vit, “Out hermulantei mau ka ato herkokorattei mau, ka keik, kihiteni hatte hetel keke korkileatei nau.” Sakini, kei lokovein teahu enek, tin mah houlu ka murang.
24200	MAT 27:2	Sakini, apar kati ka amulamuni va ven asuv Paelet, avat ten kavmen en out enek, keke avasa lati mini.
24209	MAT 27:11	Navong koanik mul kur out, Iesu mul mulomal en meten asuv Paelet koa vi avat ten kavmen ten out enek. Ka Paelet visi vit, “?Mukave? ?Anatin keke kovi asuv houlu onen Siu keil?” Iesu vit kesi vit, “Suval koa koviteni.”
24211	MAT 27:13	Sakini Paelet visi vit, “?Keik korraengontei selusien houlu koa keil amul aviteni vakatuk?”
24212	MAT 27:14	Ka Iesu ro raeng mules, rovit kes etai selusien one. Navong asuv Paelet les sakien onen, mutimanin houlu.
24213	MAT 27:15	Vi sakien matu onen asuv Paelet keke en avong ten Anien ten Mul Laui, hemae lat meatin tai koa meatin keil arie lati keke va sital ran eim takeih.
24215	MAT 27:17	Sakini navong asuv Paelet lesi keke mari vangi meatin keil alah ruai, vis keil vit, “?Koa kave emi vati mamaeni vasital: Barabas vuo Iesu koa avise en Mesaea?”
24217	MAT 27:19	Ka navong Paelet mul veah rondan en kot onen, ahin onen san selusien mai mini vit, “Konoumon etai tounah naha kat meatin enek veni kei mal revi. Kosa, namundemko houlu ven matil vovoien tai koa nalesi usil meatin enek.”